ياشباب وين بوست محمد حامد جمعه الكاتبو عن الفساد ؟؟!

بالله طلعت وجيت قلت اجى القى محمد حامد جمعة
نزل معلوماتو عن فساد قوى المعارضة ..قدر مادورت
مالقيت البوست ..

بالله ياشباب المساعدة والحقونى بلنك البوست دا ..

ياعصام جبرالله همتك معانا ..

مايكون بوستو دا زى بوستو السابق عن فساد كوادر المؤتمر
الوطنى البداهو وماتماهو ..

والله دا الخايف منه وزي ما قلت هناك قصة صحبي القال عايز يشاور امه

من هنا يا فرد
بوست الفضائح .. ســـــمع ..هــس وخلو روحكم رياضية !!

إتأرشف

البوست ده شكله




في المقابر


جثمان

رحمه الله

كلو منك يا ياسر طيفور
انت من الليلة لا أخوي في العنصرية ولا حاجة
هسة عاجبك كدا ـ البوست اتأرشف
جعليتكم الزايدة دي ياها المودرانا

.

و إنت يا الحبيّب / محمد عبد الرحمن

بتأثر فيك الفارغة دي

عليك الله جليها الفارغة ، و شوف البصلح لي قدام .

بيني و بينك دا كلام هايف .

كدي النمشي و نشوف الراجينا شنو .

و الله كتير شديد .

ودي
م.كرفس

ممكن يفتح بوست جديد اصلو لو عندو حاجة

كونو اتارشف دي ما حجة

الراجل طلع ميكانيكي يامحمد
ولكن المياكنيك طلع (تايواني) محمودي هجمي نمري...
..
مش قلنا القصة كلها (جاكات)..
عموما ان هنالك فساد يجب نشره بكل قوة وشفافة
وان عز نشره هنا لملابسات او اي شي اخر فعلي الاخ (جمعة) نشره في اي مكان اخر
وله في (الام اس بتاعهم) داك فرص وايضا الاسفير واسع وعلي قفا ما يشيل
ونحن دائما في انتظار البترول

شكرا ياشباب على المرور ..


لكن ياكريم لو شفت امبارح قبل صلاة الجمعة
(جلكسات ) عجيبة ..(كب ) و(انا جيت ) وماعارف
شنو ..وفى النهاية الراجل طلع بتاع وهمات ساكت ..
على العموم لو العذر انو بكرى سحب البوست ..
فأنا متبرع ليهو بى بوستى دا ..يجيب وثائقو
ويجى ينزلها لينا هنا دى ..وبضمن ليهو بكرى مابسحب
البوست ..فى اكتر من كدا ..

حقو لما يجيبو سيرة الفساد دا ناس المؤتمر الوطنى
ديل يعملوا (طرش ) ولا(مجانين ) ..لانو الراس ملان (ريش) ..

00

محمد

تحياتي

الراجل طلع فشنك ..

زي عوايده

ضد الانتهازيين !!!!

Quote: بتأثر فيك الفارغة دي عليك الله جليها الفارغة ، و شوف البصلح لي قدام . بيني و بينك دا كلام هايف .

يامعاوية ..

تحياتى ..

صراحه استغربت جدا لردك ..طيب لو دى فارغة
المليانة شنو ؟ ..لما يجى زى منسوب المؤتمر
الوطنى يهددنا نحن بالفساد وعايزنا نسكت ..!
المؤتمر الوطنى النهب اموال الغلابه وبناها قصور
وفلل وشركات لمنسوبيه وقياديه ..المؤتمر الوطنى
الذى حول مقدرات الدولة كلها لصالحه وصالح افراده
وجعل اهلها يعيشون الكفاف ...

فارغه كيف يامعاوية ..والرجل يريد ان يرمينا بدائهم
و(ينسل) ..!!

..

محمد إزيك,

ياحبيب الزول إتحرق زمان,

وحتى مخدميه أصبحوا لايوكلون إليه إلا مهام درج على القيام به بعض الجريوات,

وهى المعارضه تفسد بى ياتو قروش,,??
وهو التجمع الهد حيلوا شنو غير الفلس والعوز..??
وكأن معارضة الفنادق والرفاهية أمر واقع
المشكلة أنو الكيزان و الجريوات بتاعنهم يكذبون وينافقون
ويكونون أول من يصدق كذبهم

ياجيلى حبابك ...

والله زول فى المؤتمر الوطنى الواحد دا ويجى
يتكلم عن الفساد ..تبقى عينو قوية ساكت ..
تعرف اتذكرت بالبوست واحد من الشباب البعرفهم
اسمو (نادر جلكسات ) ..يتنفخ ليك كدا وفى النهاية
ينزل ليك على مافيش ..

ياخ والله قصة تحير ..

شكرا ليك ياالجيلى ..ويبقى الود ..

Quote: من وحى الأخبار
محمد حامد جمعه
[email protected]
ضد الانتهازيين
• لا أخفى على الجميع حالة من الإحباط تنتاب المرء لعدة أسباب أهمها أن سقوط بعض الأشخاص في نظر من يجلهم مسالة مقلقة ومؤذية للنفس والخواطر فحينما يهوى المثال لا تستقيم أبدا بعدها المبادئ لأنها تكون معوجة لاعوجاج العود ولهذا تجدني حريصا على ضرورة أن تتحلى أيما جماعة تواصت على فكرة ومشروع بالصرامة في التعاطي مع الانتهازيين والفاسدين في صفوفها لجهة أنهم قد يكونون بحكم (السبق ) والموقع مظنة للمثالية التي إن شاهت شاهت وجوه الأفكار والقناعات والمواقف .
• الإنقاذ ألان تنتشر في جسدها أورام الانتهازيين الخبيثة وعشش فى بعض أوكارها و(كراكيرها ) بعض الذين أهمتهم أنفسهم فما عادوا في سبيل حزمة أموال يجمعونها أو سلطة تساق إليهم يفرقون بين الواجب والمندوب والمكروه من الفعل ولا أقول القول لان هذا الأخير صار بضاعة كاسدة في منابرها .
• وكثير من رموز الإنقاذ وكبارها وهم جماع أهل النزاهة والأمانة والعفة يعلمون الكثير أضعاف ما يعلمه العبد الفقير إلى الله ولكنهم ويا حسرتى لا يقدمون على فعل وحراك يرتدع به عشرات الكوادر التي فسدت قصدت أم لم تقصد وفى مجالس القوم ما يفي من وقائع وحقائق .
• إن لزوم القيادة الصمت يجعلها (متهمة ) بالتقصير والإهمال ومن ثم يجعلها (شريكة ) لان الفاسد الذي تتستر الجماعة على مفسدته أنما تغريه بالمزيد ولآت حين مندم حينها .
• أن الحركة الإسلامية والمؤتمر الوطني والإنقاذ ليست فقط مسئولة عن البلاد في مواجهة الأمم المتحدة وأمريكا والقرار (1706 ) لكنها أيضا مسئولة عن أموال كثيرة مهدرة و(ضربت ) بتغيير مصارفها وصرفها على من لا يستحق وفى اتجاهات غير مفيدة .
• مقالي هذا (رمية ) ستعقبها وتليها مكاشفة لا كبير فيها ولا توقير فيها لأحد كائن من كان حتى يعلم كل أناس مشربهم وحتى يتلفت (الدكاترة ) و(البروفات ) و(الجنرالات ) في غرف القيادة العليا للغش والتدليس والتزييف الذي يتم باسمهم وباسم الحركة الإسلامية ورحم الله الفقيد الشهيد (محمد طه محمد احمد ) الذي في أخر مجلس معه ناقشته في مواقفه من بعض (الأخوان ) والزملاء وانتقدته وطالبته بالمرونة معهم لكنه رفض لأجد نفسي ألان واثقا من انه كان محقا واننى كنت على خطأ .
• ومنذ اليوم فصاعدا فانا ضد من يحشدوننا فى القاعات والمجالس باسم المؤتمر الوطني وباسم الإنقاذ وباسم الحركة الإسلامية وما ندرى إننا (مغفلون ) وكومبارس يؤتى بنا فقط لنجمل وجه (البعض ) أمام القيادة المستغفلة مثلنا ربما والتي قد تعلم لكنها تتحلى بالتريث والصبر الجميل !
• وسنقولها ونمضى وقد نخسر الكثير بدء من (حق التعبير ) إلى (طايوق ) الرقبة لكننا سنكسب احترام أنفسنا واحترام ذواتنا


اضاءة :

طالما محمد جمعة لم يتكمن من (جلب) وثائق الفساد التى تدين المعارضين
رايت ان اكتفى ببوسته (الوحيد) الذى تحدث فيه عن فساد (الاسلاميين) كما
يسميهم ..مع العلم بأن هذا البوست يتيم بعدو ماقرينا سطر لمحمدجمعه
عن نفس الموضوع ...