Post: #1
Title: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 12:08 PM
Parent: #0
والحمد لله بعد ان جابنا الطريق دا لي وراء ووراء الوراء !1
سمعنا من البشير في نقل مباشر من دارفور انو الطريق خلاص يكون !
سبحان من يحي العظام وهي رميم !!
راجعين ...
هشام
|
Post: #2
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 12:24 PM
الطريق دا قبل 15 سنه كانوا ناس الإنقاذ بيشيلوا ليهو سكر ناس الغرب !!
عشان يبيعوا في السوق الأسود - في أمدرمان ويلموا القروش للطريق !!
أموال الطريق الإنجمعت في الوقت داك كان ممكن تعمل فيهو الكتير الكثير !!
ويجنبنا حرب دارفور وحرب المليشيات ويحفظ اولادنا ! وبلادنا !!
دا ياهو ذاتو الطريق القال فيهو صاحبنا د. على الحاج ( كرم الله وجهه) ! قولته المشهورة ( خلوها مستورة) !!!!!!!!!!!!!!!!!!!!!!!!!!
ورد عليه البشير بقولة أشهر منها وأجمل وأكثر تعبيراً ( خليناهم لي الله ) !!!
الطريق دا كان من أكبر الأسباب لحرب دارفور - ليه ؟؟
لأنو ناس دارفور كانوا لمن بيشربوا الشاي مسيخ وحرموا أولادهم من السكر المدعوم كان عشان خاطر ألأجيال الجاية ،،،
ولمن حصلت الكوميديا القناها دي عرف أهل الغرب أنهم مهمشين وما في زول في الوسط طاريهم ،، وانو الكيكة حقتهم إتقسمت في الوسط وراحت في الهواء بدأت الحركات المسلحة تستعد لي حرب أفقدتنا الكثير وستفقدنا الأكثر في قادمات الأيام !! وهي بمثابة حرب المظلوم المقهور المهمش !! ودي أخير منها حرب الجنوب .... الخمسين سنة ديك ...
آدم يعقوب رحمة الله عليه مات وهو عند مليك مقتدر !! أما من يمسك بالأمور وخفاياها كلها فهو ( كرم الله وجهه ) أخونا في الله والشعبي ( د. على الحاج ) فهل من من يستنطقه لنا !!
أحياناً كثيرة أحس أن الطيب صالح أخطأ في مقولته المشهورة ( من أين أتى هؤلاء ؟؟) الأبلغ منها كان ( الا يظن أولئك أنهم مبعوثون ليوم عظيم ؟؟) صدق الله العظيم ...
الطريق في هذا الوقت المقصود منه الكسب السياسي ليس الا ! والكسـب الإعلامي معاهـــم !!
متين يتم الطريق دا !!
دعوتي لي ناس الغرب في البوست دا بعد شوية !!!
راجع بعد حين !!!
هشام
|
Post: #3
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 12:41 PM
Parent: #2
الدعوه :-
أوصيكم يا ناس الغرب يا أهلنا ما ( تدقسوا) تنخدعوا بالشعارات دي !! دي شعارات براقة وشعارات زائفة وما بتجدي غير المصالح لهم !
فلا تغرنكم خُطب الخُطاب وكلام عالي المنابر المصطنعة والمنصات !
فأحذروا أن يغدر بكم مرة أخرى فهذا الكلام الذي قيل عن الطريق وتنفيذه لا يسمن ولا يغني من جوع !! ومن يهتف بصحته ما هو الا منتفع منه وبالع لمأكلة فيه ! وتنفيذه فقط لا يكفي بل ما يكفيكم أين أموالكم الأولى ؟ ومن سرقها؟ ومن أخذها؟ وفي يد من هي؟ منذ ذلك الوقت الى يوم المنصة هذا !! وما قيمة الإستثمارات التى خرجت من وراءها؟؟
( شُوهد عمر بن الخطاب يجري حافيا في الرمضاء وراء بعير خرجت من بيت مال المسلمين - فقال في ما معناها أنها تخص مال المسلمين وهو مسؤول عنها يوم القيامة ) لله درك يا أبن الخطاب ) ..
وعندما سُئل عمر بن الخطاب أن لماذا لا يجلب الهنود واليهود لعمل أسلحة المسلمين في بلاد المسلمين ولماذا يشتريها منهم قال : في ما معناه يوم يسمع بن الخطاب أن من في آخر حدود دولة المسلمين لا يشكو شيئاً - عندها سوف يقوم بإستجلاب صانعي الأسلحة الى ديار المسلمين ! هذا إبن الخطاب عمر ( رضي الله عنه ) بالجد جد... ونحنا من يسرقنا وينهب مالنا يسبح في أحواض فنادق أهل هتلر ويمشي بين الناس مفاخراً ومتبختراً !!!
كمية من الأسئلة لابد من الإجابة عليها قبل وبعد الطريق وفي أثناء فترة إنشائه !!!
إجابات ومُسائلة كل من كان له فيها ضلع ومحاكمته عــــلناً !!
طريق الإنقاذ الغربي !! شعار يتصدر المنصات الدكتاتورية لمكاسب سياسية - !! في قادمات الأيام والليالي السياسية !!!
أوع الدقسه تحصل يا فرده !!!
راج تاني بعد شوية ...
هشام
|
Post: #4
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 12:49 PM
Parent: #3
الطريق دا ليه ما قام قبل 10 سنوات من اليوم ؟؟؟؟
عشان السُترة للحرامية ومن معهم - واحد
عشان محتاجين لي كسب سياسي من الغرب - أتنين
في التلفزيون شفت لي واحد في بيت على دينار أدى البشير حاجة كدا !!! دا شنو ؟؟؟
حاجة عندها علاقة بيــ (السلطان علي دينار) والكعــــــبة المشـــــرفة !!!
عشان السُترة للحرامية ومن معهم - واحد
عشان محتاجين لي كسب سياسي من الغرب - أتنين (هنا تاني )
على العموم كل القناهو دا صحيح !!! ونتمنى العمل به ...
هشام
|
Post: #5
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 12:55 PM
Parent: #4
الطريق دا كان ممكن يريح شعب دارفور أجمعين !!
بس إرتاح من الطريق دا حوالي 10 أشخاص ( جملة الحرامية) يمكن !!
ومات من جاء الطريق دا ما يقارب ( عشرة الف ) موت الله دا القالوهو هم !!
وأغتصبت نساء وحرقت مدن وبيوت وتشـــــ تــــ ت أُســــر - دا غير ضياع مكتسبات وضياع مستقبل شعب كامل !! لسنين قادم ما معروف مداها وين !!
هي دارفور دي ما شعب عديل كدا ( إقليم قريب مساحة دولة أوربية- أظنها فرنسا) !!!
الإبادة الجماعية والعواقب الوخيمة سببها الطريق دا والفساد العميق فيهو !!
حفرة الطريق دا إندفن فيها حاجات كتيرة خــــــــــــلاص !!!
هشام
|
Post: #6
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: جعفر محي الدين
Date: 12-27-2008, 01:00 PM
Parent: #4
دا على قول أهلنا كلام جرايد ساكت
أو حكي للاستهلاك السياسي والإعلامي
لو كانت هناك فعلا رغبة في قيام طريق الإنقاذ الغربي (كما يسمونه) لكان قد قام قبل سنين عددا
مش عارف ليه كلامك دا ذكرني إنه في آخر إجازة لي بالسودان وجدت شخصاً يعرض منصات حديثة للخطابة نوع البتكلم من عليها بوش في مزرعته ... يعرضها للبيع للوزارات والمؤسسات الحكومية .
|
Post: #7
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 01:08 PM
Parent: #6
| Quote: مش عارف ليه كلامك دا ذكرني إنه في آخر إجازة لي بالسودان وجدت شخصاً يعرض منصات حديثة للخطابة نوع البتكلم من عليها بوش في مزرعته ... يعرضها للبيع للوزارات والمؤسسات الحكومية . |
والله دا يا جعفر أخوي أذكى زول وأحرف واحد وفعلاً تاجر !!!
لأنو مافي غير الكلام في المنصات والطلوع ليها والنزول منها!! في البلد المنكوبة دي !!
والله مسألة يقولوا نكبة المتمه دي زي الإستعجلوا فيها- والا رايك شنو ؟؟؟؟
شكراً لمرورك الكريم وشيلتك معانا للبوست دا ... وكن بخير عميم يا جعفر ..
هشام
|
Post: #8
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 01:12 PM
Parent: #7
بوست حقي لكن بي ريحت تراجي مش كدا ؟؟؟؟
عارفكم بتكونوا شميتوها - بس أنا بقولها عديل !!
هشام
|
Post: #9
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 01:22 PM
Parent: #8
غلطة كبيرة !!!
الفرتقا الطريق دا ما ممكن يجمعا 30 طريق !! تاني !!
حتى لو الطريق دا غِــشــى كل غرباوي قدام بيتو !!!
تكلفة الطريق دا ما عندها شبيه في كل طرق العالم !!
هشام
|
Post: #10
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: ضحيه ابراهيم
Date: 12-27-2008, 01:33 PM
Parent: #8
اخى هشام
اغلب صادرات السودان من ماشيه وثروه حيوانيه ومحاصيل نقديه فول، صمغ عربى ،كركدى ‘سنمكه، سمسم، ذره وبترول والمصفى فى (الجيلى) والابار فى كردفان تاتى من غرب السودان وتحديدا من اقليمى كردفان ودارفور اكثر اقاليم السودان تخلفا وافقرهم بنيه تحتيه ويسرق سكر تموينهم بحجه هذا الطريق الذى سمى بطريق الانقاذ الغربى بينما الولايه الشماليه بها طريقان واحد سمى بالتحدى والاخر بشريان الشمال الا تكفى كل هذه العوامل لقيام حركات مسلحه وتمرد وقيامه رابطه؟
التعديل لخطا فى مكان المصفى
|
Post: #11
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 01:46 PM
Parent: #10
| Quote: الا تكفى كل هذه العوامل لقيام حركات مسلحه وتمرد وقيامه رابطه؟ |
والله يا ضحيه يا أخوي عشان نكون واضحين والمثل بقول ( البرقص ما بغتي دقنو) !!
تكفى لقيام كمية من القيامات الرابطـــة ، وغير الرابطة
يا الله سلام في دارفور معاهو تنمية مستدامة !!
يا رب العالمين وشكرا يا ضـحـية يا أخوي على المرور والتعليق الواضح كالشمس الساعة 12 ظهراً ً.
هشام
|
Post: #12
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 01:52 PM
Parent: #11
يا ربي ناس الحكومة ديل فضلوا شنو لناس الغرب عشان يشيلوا منهم للطريق دا ؟؟
سكر وبقى تجاري أصلاً !!!
حاجة تحير الناس الما حكومة !!
غايتو ناس الغرب كان عندهم سكر (سـفـه) ما بدوها لي طريق تاني !!
هشام
|
Post: #13
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 02:03 PM
Parent: #12
أقترح أنو قبل ما يبدوا يختوا التراب لي الطريق دا ،،،
يوضحوا لي تناس الغرب قروشهم الفاتت مشت وين !!
عشان لمن تقطع القروش الرصدوها للموضوع دا ويحتاجوا دعم والا مصيبة يكون ناس الغرب عارفين وأنو الشال قروشهم زمان ما موجود في الناس القاعدين ديل !!!
وتاني عشان ما يجي واحد يخُـمها برضـك ونعيد سيرتها الأولى بتاعت ( خلوها مستورة - وخليناهم لي الله )
هشام
|
Post: #14
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-27-2008, 02:07 PM
Parent: #13
( ألا يظن أولئك إنهم مبعوثون ليوم عظيم * يوم يقوم الناس لرب العالمين )
صدق الله العظيم
اليوم داك ما بعيد واليوم داك ......
إتقوا الله في البلاد والعباد يا ناس .............
اللهم هل بلغت اللهم فأشهد !!!
هشام
|
Post: #15
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: هاشم نوريت
Date: 12-27-2008, 02:11 PM
Parent: #14
فعلا حدثت اخطاء واختلاسات ومات الحلم ولكن اذا تمكنت الانقاذ الان توفير المال اللازم لرصف الطريق هذا امر يستحق الاشادة لان الطريق حيوى وسيخدم الملايين وبل سيوفر فرص عمل للكثيرين لماذا اخوتى نقف ضد كل شى كان علينا ان نفكر هل الناس تعارض السودان ام الانقاذ
|
Post: #16
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-28-2008, 06:24 AM
Parent: #15
| Quote: فعلا حدثت اخطاء واختلاسات ومات الحلم ولكن اذا تمكنت الانقاذ الان توفير المال اللازم لرصف الطريق هذا امر يستحق الاشادة لان الطريق حيوى وسيخدم الملايين وبل سيوفر فرص عمل للكثيرين لماذا اخوتى نقف ضد كل شى كان علينا ان نفكر هل الناس تعارض السودان ام الانقاذ |
يا هاشم نوريت يا أخوي
شكراً على عبورك من هنا بكلمات رصينة تحوي الحدث ! والطريق هذا لم يكن أهل الغرب فقط هم الخاسرون بل كل السودان معهم فما أخذ من أموال من ميزانية كانت تخص السودان كله وما أخذ من أموال سكر الغرب كانت تخص ناس الغرب ! والآن مالنا ومال الغرب في خبر كان وفي المضـارا وراء الأقاويل والسُـترة المبارية الفضيحة ! ( ولا تأكلوا أموالكم بينكم بالباطل ...) صدق الله العظيم
هي أموال شعب فيه اليتامي والمرضي وأموال لو صرفت بوجهها الصحيح في غير الطريق لأنارت لأهل الغرب كثير من الطرق ( التعليم - الصحة - الأمن ) ولكنها حرب الظُلم - ومن منا نحن السودانيين يرضي بالظُلم ورب العباد حرم الظُلم على نفسه ( قل يا عبادي إني حرمت الظُلم على نفسي ) صدق الله العظيم ولو كان في الظُلم خيراً لما حرمه الله بيننا ، ولجأ أهل الغرب للسلاح لأن الطريق وقصـته كانت أكبر دليل على التهميش والظلم ! ولو لم ينصف الحاكم الرعية فإتجاه الرعية لا محالة الى حيث السلاح والحروب والتمرد !!! وهذا ما حصل ...
هشام
|
Post: #17
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-28-2008, 06:58 AM
Parent: #16
يا خوانا
ســــــؤال شبه وجـــــيــه - وبطرح نفسو بصورة أوتوماتيكية !!!
هل تواجه الشركة الصينية العاملة في طريق الإنقاذ الغربي ما واجهته نظيراتها في الحقل النفطي ؟؟؟؟
سؤال يمــــكـنـــكـــــــم الرد عليه هنا !
هشام
|
Post: #18
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: طارق ميرغني
Date: 12-28-2008, 07:00 AM
| Quote: فعلا حدثت اخطاء واختلاسات ومات الحلم ولكن اذا تمكنت الانقاذ الان توفير المال اللازم لرصف الطريق هذا امر يستحق الاشادة لان الطريق حيوى وسيخدم الملايين وبل سيوفر فرص عمل للكثيرين لماذا اخوتى نقف ضد كل شى كان علينا ان نفكر هل الناس تعارض السودان ام الانقاذ |
سياسة عفا الله عما سلف هذي التي اقعدتنا سنين عددا وجعلتنا افقر دولة واكثر الدول فسادا في العالم.
هل من حق المؤتمن علي اموال المسلمين ان يعفي من سرق اموال الشعب ؟
الساكت علي الحق شيطان اخرص . لماذا لم يجر الرئيس تحقيقا في الموضوع وكل الكلام السابق اعلاه قيل علي الملا.؟؟
|
Post: #19
Title: Re: أخيراً !!! طريق الإنــقاذ الغـربي يا ربـــي بــي قـــروش مــنــو ؟؟ ...
Author: Hisham Ibrahim
Date: 12-28-2008, 07:25 AM
Parent: #18
| Quote: آدم يعقوب رحمة الله عليه مات وهو عند مليك مقتدر !! ] |
طارق ميرغني
شـــكراً لعبورك من هنا ودلوك القيم
العدل - الشفافية - المسؤولية -
الأمن - الــصـحة - التعليم -
شوف الجدول الفوق دا بدون ما ينكتب عليهو تعليق !!!!
هشام
|
|