Post: #1
Title: و عدنا للشمارات و آخر فضائح رموز النظام
Author: intehazy
Date: 03-25-2004, 03:39 PM
اضبط
وزير سابق في حكومة الإنقاذ يقبض متلبسا و هو يسرق الكهرباء
في ما يسمى بالجبادة
و ماشاء الله عيني باردة على جبادات الوزراء يا اخوانا
مش همجية زي بتاعت المواطنييييين العادييين
دا كيبل مجرور من العمود و محفور ليهو يعني آخر تكنلوجيا
و بعد دا قبضو
و التسوية 27 مليون جنيه
في بيته الكائن بالخرطوم بحري و المسجل باسم حرمه المصون
و الما مصدق يمشي يسال في الهيئة القومية للكهرباء
بالله دنيا آخر زمن حاميها حراميها
و سبحان الله
ان آخر منصب للوزير
هو وزارة المالية
و الما مصدقنا يسال العنبة الرامية فوق القصر الجمهوري
|
Post: #2
Title: Re: و عدنا للشمارات و آخر فضائح رموز النظام
Author: intehazy
Date: 03-25-2004, 03:58 PM
Parent: #1
سلام ليكم يا كعبين
3 شهور الواحد غايب لا سؤال يشرق الواحد
و لا حتى سلام يترسل أمانة مع اي بوردابي
غايتو الفيكم انعرفت
و ها نحن من جديد نهيم في دنياكم التي ألفناها زمنا و ما عدنا نصبر على فراقها
دوحة من الود و المشاعر تنسمنا فيها نسائم ناضجة عابقة بالادب و الفكر و الثقافة و تعرفنا تحت ظلال أشجارها اليانعة على نخبة من أناس ندر وجودهم في هذا الزمن الذي ضاعت فيه معالم الحقيقة
و لنا عودة
|
Post: #3
Title: Re: و عدنا للشمارات و آخر فضائح رموز النظام
Author: عبدالأله زمراوي
Date: 03-25-2004, 04:29 PM
Parent: #2
الشاب الهميم ناظم
وييييييينك، ليك وحشة....
عدت اكثر قوة...
لا تتوقف وافضح واكشف المستور
|
Post: #13
Title: Re: و عدنا للشمارات و آخر فضائح رموز النظام
Author: فرح
Date: 03-26-2004, 02:40 PM
Parent: #2
الشاب الوجيه ناظم
موشتاقين كتير والله
|
Post: #4
Title: Keep up
Author: elhilayla
Date: 03-25-2004, 05:23 PM
Parent: #1
Salam ya Habeeb
Welcome back
I used to send U e-mails but no reply
Keep up
|
Post: #5
Title: Re: Keep up
Author: Tumadir
Date: 03-25-2004, 05:34 PM
Parent: #4
انت فى الشمارات ولا فى انت زاااااتك وين؟؟
|
Post: #6
Title: Re: Keep up
Author: haneena
Date: 03-25-2004, 05:40 PM
Parent: #4
انتهازي اخوي
سلام ..كميات
ما سالنا عنك كيف؟؟؟؟
دة كلام دة؟؟؟؟
دار المهندس يشهد
ما وصلوا ليك السلام ولا شنو؟؟؟
يا عيب الشووووم
يا زول الشوق مطر بس
ولندن كلها تسأل عنك
ورينا الحاصل بهناك
ودونك كل وسائل الاتصال
سلام للاهل بدون زعل
حنينة
|
Post: #7
Title: Re: و عدنا للشمارات و آخر فضائح رموز النظام
Author: kamalabas
Date: 03-25-2004, 05:46 PM
Parent: #1
سعد نابمعاودتك يا أخ ناظم ونأمل أن تواصل هذه المرة
دون أنقطاع
كمال
|
Post: #8
Title: Re: و عدنا للشمارات و آخر فضائح رموز النظام
Author: intehazy
Date: 03-25-2004, 08:45 PM
Parent: #1
العم الغالي عبدالأله زمراوي
و الله سعدت برؤيتك و انت تشرفني بالزيارة في بوستي الاول من بعد غيبة طويلة
دمت يا عزيز و لك مني الف تحية و انشاء الله الاسرة بخير
و نحن لهم بالمرصاد يا رفيع
و لسان حالنا يقول
نحن لا نكره أحدا و لا نريد ان ننتقم من احد
و لكننا لا نقول عفا الله عما سلف
و انما نقول و لكم في الحياة قصاص يا أولى الألباب
الحليلة
في الحقيقة انا كنت مقاطع النت و بالذات بريدي الخاص لكن حسي رجعت و انشاء الله تلقى رد في اقرب فرصة
و تحياتي ليييك يا شقيق
تماضر
و الله انا كنت مع الجري ورا المعايش في سودان الفرح
و اهو جينا و لس ياما في جراب الحاوي بلاوي
حنينة
و الله ابدا ما وصلوا
و البركة فيكم و احسن الله عزاءكم يا اخية
و اهو جينا و و لقيناكم يا احبة
بس عليك الشمارات كلها في الماسنجر باللاي
كمال عباس
يا ايها الغالي
تحياتي لك بعدد النجوم انت و من معك
و ارفق معك وصية لمن حولك بانني قد قصرت كثيرا و لكن قل لهم اننا باذن الله عائدون هلالا في السماء
و لنا عودة
|
Post: #9
Title: Re: و عدنا للشمارات و آخر فضائح رموز النظام
Author: elsharief
Date: 03-25-2004, 09:32 PM
Parent: #1
الأخ ناظم الف مرحب بالعودة
|
Post: #10
Title: Re: و عدنا للشمارات و آخر فضائح رموز النظام
Author: intehazy
Date: 03-26-2004, 11:38 AM
Parent: #1
الاخ الشريف
تسلم يا عزيز
و لك مني اشد تحية
|
Post: #11
Title: Re: و عدنا للشمارات و آخر فضائح رموز النظام
Author: nada ali
Date: 03-26-2004, 12:08 PM
Parent: #1
Welcome back Nazim,
I hope you have now settled down back home and all is well.
Your activism and contributions are highly missed
here
regards
nada
|
Post: #12
Title: Re: و عدنا للشمارات و آخر فضائح رموز النظام
Author: سجيمان
Date: 03-26-2004, 02:25 PM
Parent: #1
انتهازي
حمد الله على السلامة
|
Post: #14
Title: Re: و عدنا للشمارات و آخر فضائح رموز النظام
Author: Deng
Date: 03-27-2004, 03:51 AM
Parent: #1
الاخ/ ناظم.
مش زمان كان في واحد كوز أسمه بدر الدين طه سرق الكهربة برضوا؟
Deng.
|
Post: #15
Title: Re: و عدنا للشمارات و آخر فضائح رموز النظام
Author: zumrawi
Date: 03-27-2004, 07:08 AM
Parent: #1
كيف ماسالنا عنك ايميلاتى بتصلك ومافى ردود
انت كيف عامل وحمدالله على السلامة....
اماناس الجبهة فدى هى اصولهم
|
Post: #16
Title: Re: و عدنا للشمارات و آخر فضائح رموز النظام
Author: ودقاسم
Date: 03-27-2004, 07:55 AM
Parent: #1
انتهازي
الله يعلم مشتاق ليك ،،
كيفك ، وكيف مع الحال المايل ..
بس يا أخي بعد الغيبة دي كلها ما لقيت إلا الشمارات الحارة دي ؟
يديك العافية ويحفظك من العيون ..
|
Post: #17
Title: Re: و عدنا للشمارات و آخر فضائح رموز النظام
Author: Omer54
Date: 03-27-2004, 08:07 AM
Parent: #1
السلام اخ انتهازي
مرحب بك في الوطن. ومرحب باسهاماتك.
و طالما انت في السودان فلا تكثر من روايه مثل هذه القصص.
اخشي ان تجيب ليك رقبه.
والسودان ليس لندن لذا و جب الاحتراس.
و عموما الضرب علي الميت حرام. و النظام اصبح لا يبالي من انتهاكات حقوق الانسان او انتشار الفساد. لكن لا تركن لكل ذلك و خاف ممن لا يخاف الله.
تحياتي
|
Post: #18
Title: Re: و عدنا للشمارات و آخر فضائح رموز النظام
Author: intehazy
Date: 03-27-2004, 09:35 PM
Parent: #1
شكرا ليييك يا اخت ندى
و اسمحي لي بان اخاطبك بالمقاتلة ندى
و تمنياتي لرفاقك بتجاوز الخلافات و الالتفات لما فيه الخير للسودان الجديد ذلك الحلم الذي نحلم به و نعمل من أجله
و تحياتي لمن معك و لمن هم هناك في بلادالفرنجة
عمو سجيمان
الله يسلمك و بالجد افتقدت سخريتك اللاذعة في كل يوم مر علي و انا بعيد عن دروب الشبكة العنكبوتية
فلك الود و التحية
دينق يا رائع
و الله ما متذكر ممكن اكون كنت صغير الوقت داك
لكن ما في شي مستبعد عليهم يا عزيزي
و الله يا ياسر وصلت
لكن وييين طريقة الردود
و تسلم يا عزيز و الله يسلمك يا غالي
و انا كما انا
بس فارقت درب الثياثة الى حين و لكننا عائدون
ود قاسم و الله الشوق ماسورة محلوجة يا شقيق يارائع
و انا اهو مع حال السودان المايل
و حالنا الذي لا يسر
و لكننا لن نسمح للاحباط بان يتسرب الى نفوسنا و سنظل كما نحن
جنودا اوفياء في ميدان العمل السياسي
و عشاقا زاهدين في محراب عشق الوطن
و جالبين للشمار الحار
في زمن الشمارات و ستات الشاي
و ربنا يحفظ الجميع و يحفظنا
اخي عمر
لسنا ممن يلقون بانفسهم الى التهلكة
او من يتبخترون
و لكن النظام متهاو
و نحن لا نكتب الا الحقائق و لا نخاف في الحق لومة لائم
و شكرا لك على شعورك النبيل و حرصك علينا
و ادام الله المودة بين كل المتحابين عشاق المليون ميل مربع
|
Post: #19
Title: Re: و عدنا للشمارات و آخر فضائح رموز النظام
Author: اسامة الخاتم
Date: 03-27-2004, 10:02 PM
Parent: #1
انتهازى الما انتهازى
ليك وحشة
و خليك دايما كدا
انت سمعت بالوزيرالعشوائى زمان" على الحاج" فى زمنه
دا سرق الواطة زاتا و بنى فيها قصر عديل كدا
تقول لى ما يسرقوا كهرباء
و زمان زكرتنى كان عندنا ركن نقاش كدا و ما لقينا كهرباء نوصل منها الا من الجامع.
دخلت انا و بكل قدسية و وصلت الكهرباء
الكيزان و انصار السنة احتجو و قالو الشيوعى دا كيف بس يدخل الجامع و يوصل الكهرباء
اتضح يا عزيزى انه هناك كهرباء اسلامية و اخرى غير ذلك
يعنى فى الكترونات عندها دقن و فى بروتونات محجبة
عجبى" الكلام دا كان بمعهد الكليات التكنولوجية" سابقا
يبقى كهربة وزيرهم دا اظنها اسلامية.. عشان كدا يجوز جر الكيابل منها و دفنها بالرمال
لك الياسمين
|
Post: #20
Title: Re: و عدنا للشمارات و آخر فضائح رموز النظام
Author: nada ali
Date: 03-27-2004, 10:02 PM
Parent: #1
"الشقيق" العزيز ناظم لك الشكر لدعواتك الصالحة ونامل ان يحل الامر مؤسسيا وامنيات لك بالتوفيق
|
Post: #21
Title: Re: و عدنا للشمارات و آخر فضائح رموز النظام
Author: intehazy
Date: 03-27-2004, 10:26 PM
Parent: #1
اسامة الخاتم
اضحكتني يا عزيزي
و خلاص دا عنوان البحث بتاعي للماستر الجديد
الالكترونات الدقنية في جامهة جبادة السرور النموذجية
ندي علي
نتمنى ذلك
و منا لكم الدعاء و النصيحة ان احببتم
|
Post: #22
Title: Re: و عدنا للشمارات و آخر فضائح رموز النظام
Author: Amjed
Date: 03-27-2004, 10:52 PM
Parent: #1
ناظم صديقي الجميل
الشوق من حاصف لي قاصف
لا بترد على تلفون لا بتعبر ايميل في شنو ياخي
مشيت تورابورا ولا شنو
|
Post: #23
Title: Re: و عدنا للشمارات و آخر فضائح رموز النظام
Author: ود محجوب
Date: 03-28-2004, 00:41 AM
Parent: #22
الاخ الرائع انتهازى
طالت غيبتك
لو ما لقيت شغل كلم السفير الامريكى كلمتو
مسموعة هناك
بس وزيرنا الامين ده تسوية ب27 مليون ليه؟؟؟
عنده ورشة فى البيت
برضو الظلم ما صاح ....
غايتو نحن فى البورد حانتفتحلو صندوق تبرعات
|
Post: #24
Title: Re: و عدنا للشمارات و آخر فضائح رموز النظام
Author: صديق الموج
Date: 03-28-2004, 04:11 AM
Parent: #1
غايتو جنكم شمارات.....مش قالو الناس شركاء فى ثلاثه
الماء والكهرباء والكلا...
طيب ماالراجل بالجباده كان مشرك للكهرباء اقتداءا بالمثل
تجى يا انتهازى تطلعوا حرامى وبعدين فرق كبير بين
كلامك ده والنهب المصلح،،،،،،
|
Post: #25
Title: Re: و عدنا للشمارات و آخر فضائح رموز النظام
Author: Saifeldin Gibreel
Date: 03-28-2004, 06:13 AM
Parent: #24
ديل الشالو نومنا وشالو نعاسنا
|
Post: #26
Title: Re: و عدنا للشمارات و آخر فضائح رموز النظام
Author: قلقو
Date: 03-28-2004, 08:17 AM
Parent: #25
يادينق ارجوك ماتغلط فالوزير العفيف بدرالدين طه وكان ايامها مديرا للبنك الزراعى السودانى واول من استن سنة تحويل ممتلكات الدولة لممتلكات شخصية قد اقتبس الكهرباء من المسجد على حسب روايته ودا لمن زنقته صحيفة الوطن رد الله غربتها واتمم على صاحبها ورئيس تحريرها الأستاذ سيداحمد خليفة واظنك ياانتهازى الوكت داك اما تكون فى الروضة او اسم الله عليك يادابك بتسنن .
اذن يادينق قل اقتبس ولا تقل سرق..مفهوم ؟
|
Post: #27
Title: Re: و عدنا للشمارات و آخر فضائح رموز النظام
Author: حمزاوي
Date: 03-28-2004, 08:32 AM
Parent: #1
عزيزي الأخ / ناظم
يا منظم ومحلي وعسولة البورد
كنا مشتاقين ليك وسألنا عنك كتير
والله صدقت
حاميها حراميها
بس ما تنسى
هي لله هي لله
|
Post: #28
Title: Re: و عدنا للشمارات و آخر فضائح رموز النظام
Author: intehazy
Date: 04-03-2004, 08:01 PM
Parent: #1
امجد يا رائع
ياخي معقولة
انت بتضرب في ياتو تلفون
تلفوني تلقاهو في البروفايل و يا ريت ترسل لي رقمك
و لك الود يا عزيز
ود محجوب
و ايش رايك انو الخبر ليس فيه ظلم و انو التسوية فعلا 7 مليون
و لولا خوفي على مصدر الخبر
و لكن يمكنك ان تسال اي من معارفك في الهيئة و ستتاكد
و تسلم على كلامك يا عزيزي
و باللاي افتحوا لي انا صندوق تبرعات في الاول
صديق الموج و قلقو و الله انا ما فاهمكم انتو شايتين وين
لكن الله يهدي النفوس
حمزاوي تسلم يا رائع
و انا نفسي افتقدتكم و لكم مني خالص التحايا
صدقت يا ابو السيوف
و عليك ما تكلم لينا صاحبك الروماني دا
يجي يقود لينا انقلاب يفش بيه بطنا دي
|
|