ما بين ثورة الهامش، او معارضة المركز، اوجه التعارض والاتفاق.

البداية كانت هنا:

Quote: سلام يا منعم، نقطة نظام لو سمحتا: بالنسبة لي الموضوع غير كده او سبب البلبلة. هناك معارضة تقليدية يسارية في الغالب، شمالية، لي نظاما الشمالي، في دويلتا الشمالية. ده خط ناس وراق والياور بتاعو المدعو بيجو. من الجانب الاخر هناك ثورة الاغلبية في الهامش علي مركز الجلابة او علي دويلة الاقلية بكل ماحملت من كيزان لي شيوعيين، مرورا بالسيدين الطائفين. مهم للغاية، ناس بيجو ديل يفهمو كده! ولي زمان امتطا ظهر ثوار الهامش من زمن مؤتمر البجا، انانيا، او نهضة دارفور، للوصول الي قصر غردون! هذا ما ظل يحلم به الميرغني، في علاقتو الانتهازية بالحركة الشعبية، لما سال لعاب الجلابي فاروق، متخيل روحو يمتطي ظهر المكوجي "جون" للوصول لقصر غردون! بيجو العاطل، الفاشل ده، تراودو ذات الاحلام، وهو يسعي الي ارهاب رموز الثورة في الهامش، لاستخدامم لاجندتو هو، الجلابية الصرفة! ماهي اجندة المعارضة الشمالية؟ تغيير النظام مع الاحتفاظ بامتيازات الحظوة، الممثلة في الدويلة الحالية! التعارض هنا مابين ثوار الهامش او معارضة المركز، او ده الفايت علي المدعو بيجو، العندو كلو صابون، يوزع في صكوك الوطنية يمين او شمال منتشي حد الطشمي بي شعارات خطابو الجلابي، المسؤول من ده كلو في المقام الاول! الحاج وراق ما يفكر ولو لثانية، اننا نسينا هجومو علي الحركة الشعبية، باعتبارها عدو لي ثقافتو العربية او بالتالي دويلتو الجلابية العربية افتراضا! اذن كلامنا ده مبني علي فهم محدد لي واقع معاش او مش هيجة او روش، زي هيجة الاروش الارعن بيجو هذا! انتو عايزين الهامش يدلق مويتو علي رهاب زي ده، او ينضم الي ركب المعارضة الجلابية، وعلي حساب قضاياهو، هو؟ يلقوها عند الغافل ناس "خريات"!

راجع: Re: قضايا التمييز على أساس قبلي وإثني هي عماد هذا ا... عليها كمصدة أخيرة.]

Quote: سلام يامنعم، المعارضة الشمالية برنامجا واحد، وان تباينت التفاصيل مابين يمنا وسطا او يسارا، كما تباين اصابعين اليد الواحدة. تعدد الاصابع في اليد الواحدة ما دليل علي تعدد الايادي، ولاتعدد الايادي او الارجل دليل علي تعدد الفرد الواحد. بالعدم وريني منظومة جلابية واحدة رافضة مبدأ دويلة خاصة باقلية، تفرض هيمنتا علي الاغلبية. يازول دعك من المنظومات، وريني جلابي واحد احد، من الرموز، دعا الي دولة تمثل كل السودانيين، كبديل لي دويلة الشماليين، حصرا! فما فاهم معني كلامك هنا عن تفاوت بين منظومات الجلابة الجهوية، حقيقة! ركز معانا علي الغابة شوية، او خليك من الشجيرات، او اغصان في شجرة واحدة. دي الحتة الطاشين فيها ناس وراق والياور بتاعو، الاسمو "بيجو" هذا، البشتم في غير الجلابة من ثوار الهامش، كامننجية، لانو ده سقف وعيو الجلابي الحمبرا! لابد الطيور ديل يفهمو انو الواقع تحت اقدامم تبدل تماما، او هم اخر من يعلم، حايمين بي كراكيب شعاراتم القديمة المعتتة دي! الفرد العادي بالغريزة عرف، ان لامعني للشعارات البالية القديمة المهترئة، ولهذا الغالبية اكتفت بالفرجة. اودي مرحلة انتقالية فقط، لحدي ما البديل الفعلي المتمثل في ثورة الهامش، يتبلور، او ينزل الي مستوي الشارع. بالعدم المجموعات المنظمة او مسلحة، حتملي الفراغ مؤقتا، لانو قو انين الطبيعة لا تبيح الفراغ. لهذا جلابة المنبر ماقادرين يستوعبو مو اقف تراجي، واقعين فيها نبذ او شتيمة، بالذات العاملين فيها ثورنجية او مقددنها ديل! لابد هؤلاء يستوعبو الخط المستقل لثورة الهامش عن دريش الجلابة التقليدي، المسؤول اصلا عن كل البلاوي القدامنا دي، المسؤولين منها امثال الحاج وراق تحديدا، اكثر من امثال امين حسن عمر ولا المحبوب، ولا الافندي!

اذن علي المعارضة الشمالية استيعاب هذه الحقيقة، والاهم احتراما، ومن ثم العمل انطلاقا من هذا الفهم. عليكم احترام استقلالية طرح ثورة البديل، لا الاصرار علي قهرها، لتدخل بيت الطاعة الجلابية.

هذا لن يحدث قط، واذا لابد فالمعارضة الشمالية هي الملزمة للانصياع لارادة الثورة في الهامش وليس العكس، لانو ابريق المعارضة الشمالية، لايسع جاموس ثورة الهامش.

اذا اصريتو فحتخسرو انتو وليس نحن، قوي البديل لدويلة الاقلية الجلابية، العربية افتراضا، في بلاد السودان.

كعسكري نفر في ثورة البديل المنطلقة من ذات الهامش الذي حرر السودان الحالي، ووهبنا وجداننا الحالي كسودانيين بالفهم الدستوري المعاصر، ظللت باستمرار اكرر ان هناك فرق مابين ثورة البديل او قوي معارضة النظام الحالي، الشمالية. باستمرار نبهنا الي حالة كون العلاقة، مرحلية او تكتيكية بحتة، وليست باستراتيجية، والواضح او دغري مافاضح، او يغني عن سوء الفهم المكلف جدا في هذا الظرف الحرج.

Quote: كعسكري نفر في ثورة البديل المنطلقة من ذات الهامش الذي حرر السودان الحالي،

يآخ انت أميــر كوشي بحالك وبريسنت قدر الضربة تقول لي عسكري نفر ساي .. اصلو ما ممكن !!!



شوف يا بشاشا عشان الكلام ما يكون هضربة ومهاترة ساي ..
السودان البديل ( اللي هو حل محل السودان الجديد الكنت بتبشر بيهو انت وطلاشي ) هل هو نفس فكركم دا القائم على تقسيم الناس عرقيا وجغرافياً والا سودان بيقوم على المواطنة والحقوق المتساوية ..
ان كان بيقوم على المواطنة ولا فرق بين غرب وشمال وجنوب يبقي قدم انت وخلى طلاشي تقدم نقد ذاتي لخطابكم الواهي القاديين بيهو راسنا دا ...
اما لو كان موزع من قولة تيت يبقي وقت الواحد يرد عليكم ما تقعدو تتباكو وتشبكونا وااي وااي الناس ديل مسخو علينا القعدة ..

والسلام على من اتبع الهدي ومسك الدرب الصااح

بالمناسبة يا بشبش ..
اجمل ما عجبني في بوستك دا .. إنك من مداخلة ليك في بوست عبد المنعم ابراهيم الحاج عاوز تنجر ليك نظرية جديدة تبشر بيها كمان في بوست منفصل ..

ابسط يا عم .. ميييين زيك ..ما انت في منبر بكري ابوبكر منبر تنظير من لا نظرية له دا ..
يعني ممكن تقوم الصباح تقش عينك من القضا كدة وقبال تمشي الحمام تفك زنقتك تألف نظرية وتكون حركة مسلحة ويكون عندك بيرق ولواء ونشيد وطني وما بعيد تغزو روسيا البيضاء ذاااتها ..

هنيئاً لك يا صديق والله ..!!

Quote: مهم للغاية، ناس بيجو ديل يفهمو كده!

ألاستاذ بشاشا أزيك
مع أني متفق معاك في بعض الأستنتاجات لكن المقدمه النظريه لي كلامك
مختلف معاها للاسباب التاليه:
* معارضة المركز(كما تسميها ... لانو المعارضه المركزيه
دي عندها امتداداتها في الهامش ) ليست كتلة واحدة وتتفق علي الحد الادني
واذا ماتحقق الحد الادني : و هو أسقاط النظام‘ الحريات والحقوق‘
والديمقراطيةهم ذاتم حا ينقسمو حكومة و معارضة وناس المعارضة
حا يواصلوا الشوط بس عن طريق النضال السلمي الديمقراطي( وبيني وبينك
حتي الحزب الواحد بتلقي الوعي وسقف المطالب فيهو متفاوت..
ونتيجة للديمقراطية والنضال السلمي، حتي الاحزاب حا تنقسم
وبرضو حا تقوم احزاب جديده).
*ثوار الهامش (كما تسميهم ... وهم أيضا" لهم امتداداتهم في المركز)
ليسوا كتله واحده
* أعلم تماما أن المسألة ليست جغرافيا خالصة
ولكنها مرتبطة بالمظالم التاريخيه للسلطه والوعي الاجتماعي المهادن
للعنصرية وتسلط المبشرين بالثقافة العربية الاسلامية والذين عمدوا
الي قهر اصحاب الثقافات والدين والهوية المختلفة .
ولكن و للحقيقة هذا ليس مرتبطا" بكل ناس المركز و الشمال
فهناك ممن هو جغرافيا" وعرقيا" من الهامش ولكنه بتبنيه ثقافة السلطه
يساهم في قهر أهله.وهناك من هو جغرافيا" و عرقيا" من المركز
كما تسميه ولكنه منافح جسور عن الهامش
*جربت الجماهير في الوسط و الشمالالنضال السلمي وذلك لوجود أدوات هذا النضال
منذ عهد الاستعمار والذي ادخل الاساليب المدنية في مناطق معينة ليخدم سياساته
لا لخدمة اهل البلاد . استفادت الجماهير من هذه الادوات (النقابات و الاحزاب
وتجارب النضال السلمي). بينما الهامش الذي ترك من قبل الاستعمار والسلطه
والطبقات التي تدعم السلطه رازحا" تحت الفقر و الجهل و المرض و انعدام
ادوات النضال إلا البندقيه.
* أري أن هناك تياران رئيسيان ألآن:
تيار مع الديمقراطيه و الدولة المدنية ... و تيار ضدها
واجب الكل دعم تيار الديمقراطيه و الدولة المدنية
ومن بعد كل يصطف تحت رايته تحفه الديمقراطيه ليتابع نضاله

معا" للحريات... معا" لكل الحقوق ... معا" للديمقراطية

وبعد الديمقراطية
الداير ليهو مدرسه و مستشفي هادي توقيعي
والداير ليهو قانون ضد العنصريه هادي توقيعي
و الداير ليهو اتفاق لتقسيم الثروة و السلطه
هادي توقيعي
و الداير يدرسوهو بي لغتو كان نوبيه و اكان بجاويه
هادي توقيعي

معا" لكل الحقوق ... معا" للحريات .. معا" للديمقراطيه

يعني بالسوداني كده
أنا شايف انو في تيار قابض علي السلطة والثروة ومتدثر بالهوية العربية
ويغبش وعي السودانيين بتفسيراتهم للأسلام ( مع انو في هنود و باكستانيين
مسلمين وما عرب.. و في الاسلام لا يقل عن أصحاب العترة الشريفة) ولكنهم
يتشبثون بالهوية العربيةوينسجون تفاسيرهم للأيات و الأحاديث الأسلامية
ليصعدواعلي ظهور السودانيين إجتماعيا".
الكلام الفوق دا ما من هسه ... لكنه بدأ من عصر الصعود و الهيمنه
للثقافة الاسلامية علي العالم.. وزي ما عارف المسلمين ما فتحوا السودان
لكن التحول بدا مع تدهور الدول القديمة في السودان والانحسار الحضاري
مع النموذج الباهر القدمتوا الحضارة الاسلاميه في وقتها داك.
المشكله لكن بقت مع تبني الطبقات الحاكمةلتفسير مشوه للاسلام
يزري بالسوداني الذي ما زال علي ثقافته الأصليه( حتي صار البعض منهم يخجل من ثقافته)
المهم أن الغرض من هذا كان ان يتسنم ذوي النسب العربي الشريف
ذري السلطه والمال في البلاد
(والهويه و الثقافه ما الاداة الوحيده بالمناسبه)
لكن قيمتها في انو المقهور ذات نفسو يتبني ثقافة القاهر ويبدا يخجل من
السودانيين أخوانه.
أها المعركة دي طوييييييييييييله ... لكن واحده من المحطات فيها
هي المحطه حقت اليوم
دولة الحقوق و الحرية والكرامة
دولة الديمقراطية
ولمن تساهم فيها ما بتحرف النضال بتاعك ياأستاذ بشاشا
وانما بتتقدم فيهو بي قفزات كبيره

Quote: ما بين ثورة الهامش، او معارضة المركز، اوجه التعارض والاتفاق

القصة يا بش بش
ساهلة
والشيوعيين بقو من (((اهل القبلة)))

والفرز كالاتي
الداير شريعة قدو قدو كوم
والما داير شريعة قدو قدو كوم
والمغييب الما عارف مين يودي على فين وما عارف لماذا انفصل الجنوب كوم
يعني
السودان الجديد×السودان القديم

انا بوريك ناس السودان الجديد(النسخة الاصلية)
قطاع الشمال
الجمهوريين
بعض المثقفين الليبراليين
الباقي لم يتحرر من شنو ولا بتحرر يوم
لانهم كلاب بابلوف المرتبطة شرطيا برموز السودان القديم وبؤسه
ولحدت ما يتحرر 99% من اهل البورد واهل السودان خليك في rate of chemical rection theory
يزداد عدد احباب السودان الجديد بحركة الزمن وازدياد الوعي والجيل الفيس بوكي بس ام الكائنات القديمة واضنابها في البورد فمصيرها الانقراض حتما
لان احزاب المركز وزعاماتها لها ماضي مشين في حق السودان والسودانيين من 200 سنة

Quote: السودان البديل ( اللي هو حل محل السودان الجديد الكنت بتبشر بيهو انت وطلاشي ) هل هو نفس فكركم دا القائم على تقسيم الناس عرقيا وجغرافياً

عزيزي القارئ، اتمني تكون انتبهت للظاهرة الفريدة اعلاه، المتكررة في بوستات بشاشا!

نعم حيدر الزين، حوار الطيب مصطفي، بيري في طرحنا تقسيم "عرقي" للناس!

ايوا زي ماقنا، الناس ديل اصبحو يرون انفسهم في مرآة ريشة، قلم بشاشا، بي وضوح مذهل!

هكذا اصبح العرقي والنازي هو بشاشا، وليس حيدر الزين، بقدرة قادر!

حيدر الزين مرحب:

اولا السودان الجديد هو السودان البديل، فالمعني واحد، ولاجديد، او اختلاف بين المصطلحين.

ثانيا، السودانيين بل الافارقة، بل كل السود اين ما كانو، عرق واحد!

الاحتلال الثنائي الذي صاغ السودان المصري الحالي، هو القسم السودان جغرافيا الي شمال في مواجهة جنوب، او عرقيا الي عرب في مواجهة افارقة، او نموذجك ده، كجلابي من حيث الذهنية، شخصية ابتدعها الاحتلال، للقيام بهذا الدور الماثل امامنا، او عشان كده قنا الحل في هد هذا البناء الاستعماري، ابتداءا بالدولة، كمدخل لهد طريقة تفكير حيدر الزين، الجلابية، واستبدال كل هذا ببناء وطني، سوداني اصيل، لافرق فيه ولاتمايز بين اي سوداني او سوداني، من حيث الحقوق والواجبات.

اذن يا حيدر، السودان العرقي الحالي، هو سودانك انتا، الجلابي، العامل عربي، جدك الرسول، وليس بشاشا، البقول كلنا عرق اسود واحد، والعروبة وهم!

ولكن الصورة المقززة البرسما قلم بشاشا، لي طريقة تفكير امثالك، هي البتخليك تتوهم انو دي طريقة تفكير بشاشا، مش حيدر!

ليه؟

لانو المسافة النقدية المطلوبة، مابينك، والظاهرة موضوع الملاحظة، اي ذهنيتك "العرقية"، ما موجودة، او بالتالي يستحيل عليك، التقاطا بي نفسك!

حتي لمان بشاشا يمسك ليك المرايا، او تشوف رقبة معوجة، اللي هي رقبة تفكيرك "العرقي"، انتا طوالي بتقول دي رقبة بشاشا، وهذا وان بدا غريب، فهو طبيعي، او خطوة في الاتجاه الصحيح، لانو العافية، درجات!

يسعد مساك يا بشبش..
طبعاً انت شغال معانا بنظرية رمتني بدائها وانسلت لا تلوي على شئ ...
تقعدو انت وطلاشي مصطفي تقسمو النضال لجلابة وهامش والتضامن عندكم مع القضايا الانسانية مفروض الزول فيهو اول شئ يبرز شجرة عائلة نسبو انه بينتمي لجهوية معينة بعدين يتضامن
او خلاف كدة بيبقي متاجر بالقضيةوعاوز يتكسب من وراها ولو ما كدة بيبقي جلابي مستهبل..
ورغمده كلو يا بشاشا المقشاشة انت عاوز تقول انه السودان البديل ( او الجديد وااط ايفر ) هو بينادي انه السودان لكل السودانيين
لا بالله ..!
اسمعني يا عنصري انت .. كونك عامل فيها كوشي او امير كوشي وباعترافك عندك زريبة عبيــد في بيتك اسمهم عبيد آل بشاشا وجيت اليوم تتلصق في العنصريين امثال طلاشي مصطفي او محمد سليمان وغيرهم دا لن يعفيك من انك اساسا متجولب ومستجلب ومستعبد بصورة في نظرتهم اطلاقاً ما بتتخيلها حتي ولو انبطحت ليهو في الكنبة وشدوك اربعة منو .. فمثلك هي العقلية المفروض تُبتر من السودان وليس حيدر الزين الزول المسكين الالغنماية تاكل عشاهووكل حظو التعيس وقع من منطقة في وسط شمال السودان..
وخوفي كمان انه تراجي زااااتها مظهرها ما بيؤهلها انها تكون الدارفورية التي تتمني عشان بعدين تبعد عصا التنميط من رقبتها..

بشاشا المقشاشة وطلاشي مصطفي .. انتو دوركم مرحلي ودوركم مكشوف .. يركبو ضهركم كدة ويقودوكم باللجامزي ما عملت معاكم الحركة الشعبية وعملت مع السيدين وبعدين في اول ملف تجو تكابسو في البيرجعكم
خلو المعتوه منعم سليمان بتاع الفحولة والا محمد سليمان بتاع المنظمات المتاجرة - كما اعترفت تراجي - يجو يتكلمو وانتو اقعدو في الضل يضربكم الهمبريب وحقكم بيصلكم لي عن عتبة بابكم

محمد E مرحب بيك.

Quote: و هو أسقاط النظام‘ الحريات والحقوق‘ والديمقراطيةهم ذاتم حا ينقسمو حكومة و معارضة وناس المعارضة حا يواصلوا الشوط بس عن طريق النضال السلمي الديمقراطي

الاخ عيدروس مرحب بيك، نورتا البوست.

ياعزيزي، امتدادات منظومات الجلابة في الهامش لا يجعل منها منظومات هامش، وانما "كناتيت" جلابة، بغرض استدامة هيمنة الجلابة ولاغير!

اما ديمقراطية الجلابة اي نظام السيدين، فهي خاصة بالاعضاء فقط!

ما جلابي، في جمهورية الجلابة، فانتا مازول زاتو دع عنك مواطن!

عشان كده ماصدفة، ابرز وجوه ديمقراطية الجلابة هو مؤسس الجنجويد، او مدرسة حلف قريش، النازية، الاشبه بي منظومة الKKK في تاريخ صراع الحقوق المدنية في امريكا!

نعم الصادق المهدي هو الGrand Wizard بتاع KKK الجلابة!

هذه خلاصة ما خبرته الاغلبية المهمشة، في ظلال ديمقراطية الجلابة!

دعك من الGrand Wizard الصادق، حتي القديس محجوب شريف، حسب ادبيات الخطاب الجلابي، لما يتغني، او يتمني، او يقول وطن، بالفيهو نتساوي، للاسف اطلاقا ما خطر بي ببالو، مساواة كوكو، بي محمد احمد، ياللغرابة!

وانما مساومة، الجلابي حاج عبدالرحيم، البروليتاري، الكادح، بالجلابي عبدالرحيم، البرجوازي!

وقع ليك؟

بالعدم اين محارق الابادة في شعر الجلابي محجوب شريف، او ادب الطيب صالح؟

هل ده صدفة؟

قطعا لا!

بل العكس، علي وزن موقف طبقي، ده موقف جهوي من القديس او برضو جلابي، محجوب شريف، والطيب صالح، الاصلا مادسا موقفو، كعسكري نفر، يحارب في خندق جلابتو، او ضد غير العرب، في جمهورية السودان افتراضا سليل كافور هذا، الذي احبا المتنبي، شغل ال.ك.ل.ب البريد خناقو، المستعبد!

Quote: اولا السودان الجديد هو السودان البديل، فالمعني واحد، ولاجديد، او اختلاف بين المصطلحين.

مشروع السودان الجديد ذلك المشروع الفكري العملاق والذي نتبناه وبشرنا به كثيرا
من اهم مرتكزاتة دولة المواطنة
لكن للاسف ذوي الخطاب العنصري البغيض بتشويهه بمجاراتهم لخطاب الطيب مصطفي

ومن الاحسن لهؤلاء ان يسموا انفسهم دعاة ( ضد الطيب مصطفي )
علي شكلو صراعهم كالاتي الطيب مصطفي ( الخطاب العروبي الاسلاموي ) وهم الخطاب العكس ( الخطاب العروبي الاسلاموي )

وهم بالطبع لايشبهون السودان الجديد سودان المواطنة والعلمانية والديمقراطكية والعدالة الاجتماعية

سلامات ياشباب

بصراحة النقاش بهذه الصورة غير مفيد لأنو بيقفز لنتائج غير موضوعية وتستبعد خلاصات الحراك والصراع الدائر بل يعيد
إنتاجه بصورة أكثر قتامة ودمامة ، ويقلص مساحات الحوار المفيد والفاعل ، هنالك قضايا لايمكن القفز عليها بمحاولة التصدي
لها ككتلة واحدة أو صخرة عبثا نجتهد أن ترمي بها للوادي ونخلص على ذلك .

أتفهم تماما منطلقات بشاشا ولا يمكن أن أطالب شخصا آخرا بمشاركتي قناعتي دون أن يصل ذلك الشخص الي تفسيرات منطقية
تقنعه هو في المقام الأول وقد أختلف مع بشاشا في إسلوبه اسلوب الصدمة بالذات عندما يكون متكرر قد يخلف إهتزازات وبعثرة
ولا يترك مساحة للترتيب أو إعادة تقييم الواقع بعد الصدمة. وأعتقد المسافة بيني وبين بشاشا ليست بعيدة.
يا حيدر الزين أثق في ذكاءك الممكن يستشف الحاصل لا أريد أن أقول بصورة محايدة ولكن بوضعية أقل قلقا وبعيدا عن قراءة
الاشياء بمعزل عن سياقاتها، مثلا عندما تقول بشاشا أهله كانوا يمتلكون رقيقا لذلك لايحق له الدفاع عن قضايا الرق والإستعباد
وهذا الكلام ليس كلامك لكنك ضمنته هنا لإنتصار ذاتي ويصب في خانة الصراع الشخصي والإعتباري ، لأنو الحقيقة جدي وجدك
كانوا يمتلكون رقيقا ومجموعات كبيرة من شرائح المجتمع كانت تفعل ذلك هذا تأريخ بل مازالت هنالك مجموعات كبيرة من هؤلاء
الأبرياء الذين كانوا مسترقين يعانون أحاسيس الظلم ومن شروخات نفسية تحت مجتمع لا يوفر برامج تأهيل نفسي ومادي . هذه القضية
ليست محور كلامنا عن الهامش أو عن المجموعات الزنجية التي لم تسترق يوما إسترقاقا وضعيا ولكنها عانت من التنميط الذي
صكّ عُملته جدي وجدك وجد بشاشا كنظرة دونية لكل ماهو أسود ، وعلى أساسه حدثت فوارق إجتماعية وتمركز رأس المال المادي
والرمزي في شريحة محددة من المجتمع كما ذكرت سابقا .
التحرر من شروط هذه المعادلة على المستوى النظري محتمل ولكن على المستوي النفسي والعملي يحتاج الي مثابرة وإجتهاد لا التناول
الجاهز لمبررات قد تبدو منطقية لكنها تصبح ككرة الرمل عند إصطدامها بأول جدار من التعقيدات. كل هذه المقدمة في سياق إجتماعي
بعيدا عن التناول عندما يكون الأمر يخص دولة وليست دولة مكونها الأول هو الديمقراطية وحسب بل دولة محروسة بتدعيم السياق المدني
الحقيقي والقانون الذي يستمد سلطاته من تشريعات حقوق الإنسان والمواثيق الدولية دون أي شكل من أشكال التمييز لتحقيق العدل.
الصراعات السياسية هي صراعات إستقطابية للأفراد وللرأي العام القصد منه تدعيم برامج تلك المنظومات التي تتطلع لقيادة الجماهير
ولكن عندما يكون هنالك وضعا غير الوضع الماثل اليوم من سلطة مغتصبة من قبل شريحة محددة توظف كل إمكانيات وثروات الوطن
لمصالحها ولقمع الآخر ولعزله عن الجماهير، وتوظف جهدها لإحداث قطيعة بين هذه المنظومات حتى لا تتماسك وتستقوى ببعضها
لإحداث التغيير. إذا كنت تعي هذا الوضع ياحيدر أكيد ستعمل على تغيير الطريقة التي تتناول بها أفكارك . لك التحية ولبشاشا وأتمنى صادقا
أن يزول هذا التبديد للطاقة بينكما ولنوظفه ضد هذا النظام وأمامنا الجماهير بعد ذلك .

Quote: ولحدت ما يتحرر 99% من اهل البورد واهل السودان خليك في rate of chemical rection theory يزداد عدد احباب السودان الجديد بحركة الزمن وازدياد الوعي والجيل الفيس بوكي بس ام الكائنات القديمة واضنابها في البورد فمصيرها الانقراض حتما لان احزاب المركز وزعاماتها لها ماضي مشين في حق السودان والسودانيين من 200 سنة

عادل امين مرحب بيك،

قرينا في المطالعة انو رجل طاعن في السن، ثمانيني مثلا، لقوهو بذرع زيتون، والزيتون معروف عنو انو بياخد عمر طويل عشان يثمر، فسالوهو ما الحكمة، مادام هو ما حيعيش او ياكل من ثمار زرعو، فكان ردو انو ده، للجايين!

نعم، عارفين، ربما في حياتنا انا او انتا، ما يحصل ايا من البنتكلم عنو الان، ولكن ده ماشرط اطلاقا!

الشرط الاساسي اننا ما ننجرف خلف شعارات المعارضة التقليدية الشمالية، او نتخيل مجرد سقوط النظام الحالي، ياهو خاتم المني.

مهم جدا الجيل الشاب الحالي يكون سلفا عارف، كيف الطريق لسة طويل قدامو، والهدف هو اسقاط الدويلة الحالية، وليس فقط نظاما الحالي، بهدف تاسيس دولة كل السودانيين، او ما مهم متي نبلغ هذه الغاية او كيف، بقدرما مهم جداجدا، ندرك كلنا مقدما او نعي الهدف النهائي بي صورة واضحة او جلية!

بقدر وضوح الرؤية، يكون قدر الانجاز لهذه الرؤية المحددة.

في السابق، اعني اكتوبر او ابريل، كان مطمح الثوار، ازالة نظام السيد الواحد، والاتيان كبديل بنظام السيدين، باعتبار هذا، ديمقراطية، يا للعجب!

الان سؤال البديل المشروع اصبح ذريعة، وظفا النظام لصالحو بخبث، وهذا السؤال يدل علي كيف الفرد العادي بالغريزة وصل الي قناعة فشل نموذج دويلة الاقلية، الجهوية، من دون مايسميها هكذا، طبعا!

ولكن البقنع الديكة الذي بيجو او وراق منو، انو هناك طرح موازي غير قديمم المعتت ده، الجابنا التوج ده من الاساس!

وجود ناس من الهامش بفكرو بي صورة مغايرة لي طريقة تفكير الكومر العمروهو، حاج وراق، لا يجعل تصورم المختلف عن المالوف لدي وراق، منهم امننجية!

Quote: وأتمنى صادقا أن يزول هذا التبديد للطاقة بينكما ولنوظفه ضد هذا النظام وأمامنا الجماهير بعد ذلك .

عبدالمنعم مرحب بيك.

اولا او بالنسبة لي، فلا قاسم مشترك لي مع حيران النازي، الطيب مصطفي اطلاقا، من امثال حيدر هذا، وهذا تجسيد حي لي موضوع البوست بي صورة فريدة بحق.

لو نوع حيدر ده، معارضة، في نظر المعارضة الشمالية، ففي شرعنا، نوع حيدر ده من حيث العقلية، هو موضوع حربنا، في الهامش!

شفتا الفرق هنا مجسد كيف، مابين معارضة المركز او ثوار الهامش؟

ما معني ان يقدم ثوار البديل قوافل الشهداء والمشردين، بالملايين، فقط لاستبدال البشير، بالطيب مصطفي؟

ايوا ود الاخت، بالخال؟

اليس هذا مزاح يا منعم؟

Quote: وقد أختلف مع بشاشا في إسلوبه اسلوب الصدمة بالذات عندما يكون متكرر قد يخلف إهتزازات وبعثرة ولا يترك مساحة للترتيب أو إعادة تقييم الواقع بعد الصدمة. وأعتقد المسافة بيني وبين بشاشا ليست بعيدة.

يامنعم، بالواضح الما فاضح، بشاشا فقط يستعمل امثال حيدر كادوات لاغير!

نعم لامناع لدينا من اعادة استعمال امثال حيدر، كفيران تجارب او سبابير، لتوصيل فكرتنا، بدل مرة، الف!

اذن اسلوب الصدمة حقيقة ما مقصودين بيهو فيرانا، بقدر ما قراءنا، لدرجة اصبح معها، تعبير عزيزي القارئ، ماركة مسجلة في اسم بشاشا، في المنبر ده!

اذن تكرار الصدمة مقصود من جانبنا، او شغالين بي نظام صارم جدا، خطة مدروسة، او مش خبط عشواء ساكت، كما يفعل معظم خصومنا هنا. فاهتزازت او بعثرة امثال حيدر، للاسف لا تهمنا في شئ!

بشاشا لايكتب لبركة عضوية هذا الفضاء الجلابي الاسنة، ولكن لنهر القراء الرقراق، الجاري!

واضح المشترك مابين ثورة الهامش او معارضة المركز، بسيط جدا، او ده زاتو مرحلي او تكتيكي!

يا منعم المعارضة الجلابية هي الفتحت النار علينا في الاول او بلا مبرر، عندما وصفنا ياور حاج وراق، بالامننجية، فقط لاننا تجرانا بتناول اداء لسان حالو خريات اي "حريات"، المفترض انها مؤسسة، ونحن قراءها افتراضا!