بيان هام: وقف اطلاق النار، بمناسبة العيد في كل الجبهات!

بهذا نعلن وقف مؤقت لاطلاق النار في جميع البوستات، بمناسبة حلول عيد الفطر المبارك، في السودان، ارض كوش، اعاده الله علي الجميع، باليمن والبركات.

امضاء كمال بشاشا، عسكري نفر، في فيلق السودان الجديد بالمنبر!

حاكون موجود باقي اليوم، او بعدها مفرتقين خيمنا او راحلين! الرحيل عز الكوشيين!

بشاشا العزيز

سلأمات

Quote: بيان هام: وقف اطلاق النار، بمناسبة العيد في كل الجبهات!

بتين اشتغلت peace keeper ???



دمت بخير .. و كل سنه و انت طيب

هالة كيف حالك، والعيد امبارك.

لاحظتي لي امبارك؟

عاجباني شديد!

الجماعة قطعناهم النفس! قلنا نديهم بريك! احنا لمان نلقي عدونا مكتف، نفك قيدو، ندي سيفو، او بعد داك نداسوو!!!!!!!!!

Eid Mubarak

But just cut the crap nonsense I am leaving
Unless you are heading to the jungle where
you fit well. In addition refrain from giving
yourself this sense of stopping the firing for
eid. You haven't fired anything to begin with
You ran out of ammunition long ago
Stay well in your nomadic travel every now
and then. After all nomadic is not far
from your heritage

العزيز زول ابن زول مرحب بيك، والعيد امبارك.
القابلة، ربنا يرد غربتك، او ترجع لي جذورك الكوشية!

اللهم نسألك أن تجعل جميع أيامنا ... أعيــــاداً

Quote: العزيز زول ابن زول مرحب بيك، والعيد امبارك. القابلة، ربنا يرد غربتك، او ترجع لي جذورك الكوشية!

Thank you dear, happy eid for you and your
family. Thank you for the advice of returning
to my nubian heritage. Next time I will keep reminding
myself not to forget that I have mahasi blood
Speaking of going back to the roots, I also wish
you the same. I wish that you return to your
real ancestoral heritage. Stay well amigo

الأخ العزيز الكوشي كمال بشاشا

طبعا لازم ننتهز فرصة وقف إطلاق النار من جانب واحد ونرسل ليك قذيفة عابرة قارات وهي كما يلي:
أمبارك العاجباك شديد لحدي ما دردقتك في كوم تراب من الحنين تبدو كلمة لأهلك الجعليين مية المية.. طبعا كلامي ده إنت ما حا ترد عليهو نسبة لبيانك الهام أعلاه..

بشاشا أخوي كل سنة وإنت طيب والعيد أمبارك عليكم والعفو والعافية وكل سنة وسوداننا تسود فيه دولة القانون.

الحلاوي، العيد امبارك ياصديق، لينا زمن!

Bashasha



تقبل الله منا ومنك صالح الاعمال

العزيز العريس عبدالماجد، العيد امبارك،

والجعليين كنوبيين تب اهلي، وقد مكثت في شندي حين من الدهر في صباي الباكر، في شندي فوق.

بل تفتحت عيناي علي تاريخنا التليد في كبوشية، قبل دنقلا، وانا ماشي او جاي بالقطر لي اسرتي في شندي، من دنقلا.

لاني زرت موقع دنقلا في سن صغيرة شديد، في المرة الاولي، رغم انو بيوتنا الان في "المواد" اسم قريتي مبثوثة بين تلال عالية من الاثار، واذكر في طفولتي، ياما شلعنا كم هائل من طوب هذه التلال، الاثرية النادرة.

قطعة الطوب من ضخامتا، كانو بشيلوها نفرين!

طبعا كنت بتعجب، لمان التلفزيون هنا ينقل live حفريات الامركان الاثرية، لي مواقع مواقد نيران رعاة البقر، في طريقم للwild west!

الله يغفر لينا، لانو دي جريمة كبيرة الان، وان كنا حينها، فاهمين انو الاثار دي حقت نصاري بمعني انتماءها لي ناس اجانب، مابي معني التعصب الديني،!

في اخر زيارة لي حلتنا في 95 والله دمعت لمان ناس الحلة في عشاء الاحتفاء بقدومي، في ضو القمر، كانو برددو نفس الكلام! شئ عجيب!

هناك قصص طريفة للسكان مع علماء الاثار الغربيين، ساعود لاحكي بعضا منها.

بشاشا ـ والله ما عارف أقول ليك شنو ـ
قال وقف إطلاق نار قال ـ أوع تكون قايل نفسك محارب جد جد ـ

طبعآ غايظني شديد وحاسي اني لو لاقيتك ممكن أخنقك ـ لأني شاعر أنك فايتة عليك حاجة لا يمكن توصيلها ليك بأخوي وأخوك ـ
لكين والله مرات بحن عليك ولمن أشوفك مرات مرات كده تبقي زول عادي واجتماعي بقول ياريت لي معاك في قعدة ونسة زي ونستي مع شقيقي أحمد اللي سنين ما قابلته ـ وأراهنك يا بشاشة أني لو لميت فيك فيس تو فيس بأقنعك وبفرطق ليك راسك القوي دا ـ

كل سنة وانت طيب انت ووليداتك ـ وربنا يهدينا ويهديك ـ والعفو ـ
وعند هنا حأصفر عداد الغيظ بتاعي للزيرو الي أن تعود ـ

كمال بشاشا
كل سنة وانت طيب أيها العزيز
وأتمنى لك من كل قلبى كل ما هو طيب أيها الاستثنائي

اخوك شمس الدين

هاشم يامراحب، والعيد امبارك.

هاشم اخوي طبعا، هو ظلامي المستنيرين!

تذكر دواسنا داك ياهاشم، ايام ماكنتا وهابي، كامل الدسم؟

ياحليلك!

Quote: But just cut the crap nonsense

كلمه crap دى الذ كلمه انجليزيه على الاطلاق ..مرات مزاجى بقوم على باشوتها
يمين شمال ...واخر مره فى اجتماع فى الشغل ..قربو يرفدونى

والله نفسى القاكم الانتو الاتنين فى مكان واحد و نشوف حتعملو شنو..

كل عام وانتم بخير
وتعود الايام بالخير والبركه علينا
وعليكم و على جميع اهالينا

تحيات طيبة يا بشاشا، وكل سنة وانت واسرتك بخير وعافية.
تخيل حالتي قلت أمشي أملي زخيرة وأجي أعمل ليك متراس، لكن خير الأيام دوال، المهم ريح وتعال صادي وتلقانا في نفس القلوب.
بالمناسبة أتصلت بيك واتكلمت مع سكرتيرتك ، أتمني أن تكون بلغتك..
عظيم الأحترام.











------------------











العزيزة هالة الأحمدي،
تحية طيبة وكل سنة وانت طيبة.
حقيقة فقدناك في الفترة الماضية ، أتمني أن تكوني بخير.
لك الود.










دنقس.

عزيزي عبد القادر دنقس

سـلأمات و كيف الحال .. و عساك بخير

شكرا لسؤالك عني .. زحمه الحياه تسببت في عدم تواجدي .. و انت برضه مسجل غياب، افتقدت حضورك ،

I am sure it is just the same story as here

كل سنه و انت طيب .. لك الود و التقدير

بشاشا كل سنة و انت طيب
يدى اكلتنى جنس اكل على بوستيك داك .. كلما اكفكف يجينى المدير طاير زى القدر ..
المهم عيدك سعيد .. عشان ما امشى بى مغستى
تمشى و تجى بالسلامة و نشوف قصة البنى عامر البقو افارقة ديل و باقى القصص .
داير اقوليك .. زمان شندى جابو ليها محافظ اسمو بشاشا .. اذانا ليك جنس اذية .. تقول فاكينو لينا اصحابك ناس محمد سليمان
قطع شك قريبك مش كدة ؟ غايتو لو صاح الموضوع يبقى سياسة عائلية ..

Quote: بالمناسبة أتصلت بيك واتكلمت مع سكرتيرتك ، أتمني أن تكون بلغتك..

شوف الجلابى )))
عامل ليك سكرتيرة .. و فى امريكا كمان ..
احييييييييييييى يا قلبى
يا زول كل سنة وانت طيب .

العزيز الأخ بشاشا والأسرة الكريمة
كل عام وانتم بخير وصحة وعافية
وربنا يحقق الأمانى الطيبة


تخريمه:
قرار حكيم ومحتاج نعمل له كرامة كبيرة.

Quote: طبعآ غايظني شديد وحاسي اني لو لاقيتك ممكن أخنقك

منير يامراحب،

نعم كلامي سخن، لانو فعايلنا كشماليين "كلمة جلابة، مرفوعة لي نهاية اليوم!" نار كاوية، ريح صرصر عاتية!

مسالة وقت فقط، لمان ذي كلامنا يكون main stream!0.

اليوم امريكا ستواري الثري انسانة بسيطة، غبشة، من غمار الناس، غيرت مجري التاريخ كلو، بي فعل بي معايير اليوم، قد لايعني شئ، للبعض، من بداهتو- لكن حينها كان تصرفا ضد نصوص The Law of The Land.

فماهو استثاء اليوم كفعل روزا بارك بالامس، حيكون القاعدة بكرة، كماهو فعل روذا حينها، اليوم!

العيد امبارك.

شمس الدين السنوسي، يامراحب، او كلو سنة او انت طيب.

النصري امين مرحبتين، والعيد امبارك.

زول ابن زول هذا، تقريبا يمثل النقيض رقم واحد لي بي نسبة 100%، من حيث التوجه، ورغم ذلك، بقت علينا، حكاية لابريدك، ولابحمل بلاك!

Quote: شوف الجلابى ))) عامل ليك سكرتيرة .. و فى امريكا كمان .. احييييييييييييى يا قلبى

يا برهان سلامات و كل سنة وانت طيب عيد سعيد

اِن شاء الله يا برهان تكون سكرتيرة كوشية - يعنى بلاك أميريكان من أفريقيا
جد جد و ما متبليا عليها ساكت


يا نصرى سلامات و كل سنة وانت طيب و عيد سعيد

يا زول أعمل حسابك فى الكلمات بتاعة الخواجات ديل أوع يوم تركب التونسية - انا
زمان لمن كنت بقراء فى امريكا عملت لخبطة بين كلمة stripe and strip طبعا الأولى
معناها الخطوط المستقيمة زى العلم الأمريكى و التانية معناها يقلع الهدوم و كانت
مصيبة الناس قعدو يضحكو فينى

انا و الشيخ بشبش دة لو ختونا فى أوضة برانا حا تكون كارثة لكن متأكد انا غايتو
بفقع ليك مرارتو و لا برفع ليك الضغط بتاعو - طبعا لانو لا أؤمن بالحوار بى اليدين
و لا البندقية حا أحاربو ساكت بى اللسان - انا يا النصرى عامل لى بشبش دة موضوع و
بقيت ليهو مثل محل ما هو ماشى من بوست لى بوست يجيب فى سيرتى - حتى لو الكلام فى الهلال
و المريخ يمشى يقول لى الناس زول بن زول قال كدة و عمل كدة - هو بس ما داير يقول
ساكت بيحلم بى كان صاحى و لا نايم - عامل ليهو هلع - حسى بالله لمن يمشى من البورد
انا ذاتى حا أمشى أفكها فى منو - لا و العجيبة قايل روحو فاقع مرارتنا و منطط
بى القصة دى - حكمتك يا رب

بالله سجل لينا حفلة سامى لو فى طريقة و يكون أحسن الزول دة لو لزيتو لى فوق شوية
انا غايتو لحدى أوتاوا بسوق و بجى بحضر ليهو حفلة

و بالمناسبة انا من زمان نسيت اقول ليك شكرا على الاِقراح بتاع اِظهار الصور على
البراوسر بتاعى - المشكلة عندى فى الأنتى فايرس

الحبيب دنقس، ياالف مرحب، هلت الانوار.

القابلة دارفور حرة تستمتع بالحكم الذاتي، عبدالواحد حاكم عام، او مناوي الرئيس الدوري لجمهورية كوش ياحبيب. التلفون بتاع البروفايل سحبتو، لاني ماعدت موجود فيهو، حرك لي بريد سريع هنا اديك تلفوني:
kdp0 AT hotmail.com

ابقو عشرة علي المبادئ، مع د.صقر، خالد كودي، محمد سليمان، ومن تبقي من كتيبة ابو عنجة ياحبيب.

نفسي اغمد وافتح والقي روحي في شيكان، في ليلة حمدان، يصلي الغزاة، نارا ذات لهب!

وا شوقي يالمهدي الامام، وا شوقي!

كل سنة وانت طيب