Post: #1
Title: هل تجري في عروق السنجك دماء عربية؟
Author: Bashasha
Date: 04-12-2004, 09:52 PM
Parent: #0
Quote: بشاشة
ايوه انا ود عرب انت شنو؟؟
انا عربي وافتخر بهويتي العربية، التى يجري دمها فى عروقي وغضبي لما يحدث
فى العراق ليس من منطلق انني مسلم فقط وانما لانني عربي ايضا |
اولا هذا السنجك فانا احبه ومن جو قلبي لله!
لانو نقي من الداخل رغم افكارو، وهذه ليست افكاره بالتخصيص، بل هو نظام حياة اجتماعي سياسي واقتصادي متكامل، وشامل، يحكم السودان.
لافرق عندي اطلاقا مابين ذهنية السنجك وكل من تصدو لقيادة السودان منذ 1956 و حتي الان ليوردوه موارد التهلكة كما شهدنا ونشاهد بام اعيننا.
انطلاقا من هذا الفهم نحن نتناول ما قد يظنه البعض اعتقاد للسنجك في خاصة نفسه.
فقط عندما نتمكن من ازاحة عقلية السنجك، وبكل انعكاساتها المدمرة، من الانفراد بسدة السلطة والثروة، ونحول السودان المصري الانجليزي القديم، الي سودان جديد سوداني، اسما ورسما - فلا مانع حينها، من ترك نمط تفكير السنجك لحاله.
انها قناعتي، لافرق اطلاقا مابين السنجك و 9 من 10 من عضوية المنبر، وبالذات مهاويس الاسلام السياسي.
طبعا علي السطح يبدو غريب ارتباط الاسلام في السودان بالاستعلاء والفصل العنصري، لكن هذا هو واقع الحال، لان الاسلام السياسي ماهو الا تعبير ديني لايدلوجية القومية العربية ذاتها واللتي لاتختلف عن الصهيونية في شئ!
نرجع لي موضوعنا، هل هناك سوداني واحد تجري في عروقه دماء عربية؟
قطعا لا[باستثناء المتجنسين]، وما هذا الا محض وهم بل نكتة بايخة، كما سيعترف السنجك نفسه لاننا سننتزع منه هذا الاعتراف انتزاعا!
لا بالسيخ والتعذيب في بيوت الاشباح، وانما بقوة الحجة ومضاء المنطق!
السنجك وانطلاقا من ان بشاشا "فلاتي" في فهمه يقول:
| Quote: مشاكلك كتيره وانا ما فاضي ليك لانو لاول مرة اطول بالي مع انسان معقد بشكل زي دا. |
ايضا:
| Quote: تعاني من احساس دونية رهيب يجعلني فعلا أشفق عليك كثيرا. ربنا يكون فى عونك |
.
فمنطق السنجك الغريب جدا والمشقلب فوق تحت، يقول، كل من لا يدعي العروبة انما يعاني دونية!
اما السنجك والذي سطي بليل علي هوية الغير، فهو يتمخطر ممتلئ فخرا وزهوا في ثياب منهوبة، نهبا!
عيييييييييييييييييييييييييك!
الان نأتي لسؤال الدم العربي الذي يجري في عروق زنجية:
سؤالي للاخ السنجك بسيط جدا:
مارايك يا سنجك في عروبة زنوج رزيقات الجنجويد؟
فهل الدماء العربية تجري في عروق الرزيقات ايضا؟
بل ماذا عن نوبة جبال النوبة، حيث يسود الاعتقاد لدي البعض انهم عرب؟
ماذا عن "فلاتة" كل غرب افريقيا حيث يسود الاعتقاد لدي البعض ان الدماء العربية تجري في عروقهم، كما السنجك، تماما؟
كل هذه المجموعات تدعي العروبة بناء علي ذات اساطير شجرة النسب كدليل، مثلك تماما يالسنجك!
فلو قلنا هذه خرافة ما حتصدق! انا بقول ليك ذي ما قال الجعلي للقاضي بخصوص النوباوي: انا راي "خلو" انت رايك في عروبة الرزيقاتي "شنو"؟ بي كسر الشين، وتشديد النون!
نحن في نتظار الاجابة علي احر من الجمر، وان جريت واطي او زغت يا السنجك تبقي ماك جعلي تب!
قلت شنو؟
ده "بطان" فكري، والقدة عطشانة، بدور الرجال، البحملوا بطانا،.. والبجري فينا يالسنجك، نسيبتو، او مرتو طلقانة! عوووووووووووووووووووووك!
|
Post: #2
Title: Re: هل تجري في عروق السنجك دماء عربية؟
Author: ابو تميم
Date: 04-12-2004, 10:28 PM
Parent: #1
| Quote: انها قناعتي، لافرق اطلاقا مابين السنجك و 9 من 10 من عضوية المنبر، وبالذات مهاويس الاسلام السياسي |
بشاشة وعُقد الاسلام مرة أخرى أكرر مشكلتك مع الاسلام ما مع الاسلام السياسى .
| Quote: طبعا علي السطح يبدو غريب ارتباط الاسلام في السودان بالاستعلاء والفصل العنصري، لكن هذا هو واقع الحال، لان الاسلام السياسي ماهو الا تعبير ديني لايدلوجية القومية العربية ذاتها واللتي لاتختلف عن الصهيونية في شئ |
ربط غريب بين الدين والقومية العربية والصهيونية !!!!
Quote: نرجع لي موضوعنا، هل هناك سوداني واحد تجري في عروقه دماء عربية؟
|
انا
Quote: فمنطق السنجك الغريب جدا والمشقلب فوق تحت، يقول، كل من لا يدعي العروبة انما يعاني دونية!
|
ابدا ما قال كل من ..... التعميم والشمولية دي من عندك يا بشاشة
|
Post: #3
Title: Re: هل تجري في عروق السنجك دماء عربية؟
Author: Bashasha
Date: 04-13-2004, 00:22 AM
Parent: #1
الوهابي ابو تميم يامراحب!
نعم الاسلام السياسي هو الوجه الاخر لذات عملة القومية العربية اللي لا فرق بينها وبين الصهيونية بالمرة!
لكن وبما انك معلوف دعاية "مركزة" ضد القومية اليهودية، من انتاج مصانع عفلق، او ناصر، او حتي المكشكش قذافي او لجانو- فانت ابدا ما حتستوعب كلامنا ده!
فالزول المطفح ذي "الطرور" بلا ارضية يقيف عليها ذيكم كده، لايقوي علي الرؤية من موقع ثابت، ومستقل!
لذلك ذي كلامي ده، بخلي راسك لافي طارة!
بعدين شكرا جزيلا للتطوع باقامة الدليل المادي علي العلاقة العضوية بين ادعاء العروبة كماهو ماثل في قولك "انا" والاسلام السياسي!
الطريف بعد ده كلو بتقول "ربط غريب"!عيييييييييييك!
معليش جمل مواهيم العروبة، مابشوف "زنوجة" رقبتو!
عشان ما تطش من اول او جديد، في قاموس البعلبكي، الزنجي هو السودان، علي وزن البيضان!
|
Post: #4
Title: Re: هل تجري في عروق السنجك دماء عربية؟
Author: مراويد
Date: 04-13-2004, 01:03 AM
Parent: #1
بشاشه المتضهب
طفشت من البوستات الفتحتها كلها وجيت عملت ليك واحد جديد
تعرف جماعتك ديل بذكرونى التمرجى فى الحله اى زول بقول ليهو يا دكتور،الا واحد مسلط بقول ليهو الحكيمباشا، التمرجى سالو ليه ما بتقول لى يا دكتور؟؟ المسلط قال لىيهو لانك ما دكتور، التمرجى :ياخى انا بتريحنى، قولا لى ياخى.
يا بشاشه يا فلاتى يا معقد قولا ليهم بتريحم...خليهم يرتااااحو
السنجك انت عررررررررربى
انت نسلك من ابوعريبب طوالى
جدك يعرب ... وحبوتك العربيه ذاتا...كمان 4 wd و بى airbags
والله جنس حسادتا عليك يا فلاتودنقلاوى
غايتو يا اللخو تانى انا ا ببدا معاك نقاش الا الرباط يكون فى يدى
|
Post: #5
Title: Re: هل تجري في عروق السنجك دماء عربية؟
Author: Bashasha
Date: 04-13-2004, 02:28 AM
Parent: #1
مراويد
حكاية الواحد مضهب، حاصلة تب، ما بكضب عليك!
لكن النقاش عندي، ذي سف التمباك واحد!
يعني اخوك بحب يدردم السفة، صاح، قبل ما يمط الشلوفة، ويوهط السفة!
فالان انا بدردم فيها، وكت ما خلصت درديم، بمشي بي غادي.
اخوك الفلاتي بشاشة، اب عقد!
|
Post: #7
Title: Re: هل تجري في عروق السنجك دماء عربية؟
Author: Mohamed Adam
Date: 04-13-2004, 04:12 AM
Parent: #5
لقيتو وين يابشاشا علي الاقل قولينا عوك
عندي بالكوم الرطل المره دي مجان وماعيز رقم حسابك!!!!
انا برسله ليك في بلادك بتاعت الواق واق ديك
عايزنك تكون مندوب لتمثيل الغبش في شاد وانا بضمن ليك رطلين ودعماري ومعاهن رطل عطرون وبعدين معاك دا من محلات شوبا لسه طازا.
امنت يابشبشه مش انا ودعرب!! وكمان عريف.
علي الاقل اخسر فينا سلك نحاس. بلاش خليهو دلاقين.
لكن فيك خفه دم يابشاشا تقول ود عرب.
اللسان نيلي واللون هبيلي.
السنون بياض والعيون غلاد.
الشعر الهواء بيسرحه ماه عايز مشط.
مبسوط منك ياسليل الامراء.
لي قدام.
|
Post: #6
Title: Re: هل تجري في عروق السنجك دماء عربية؟
Author: kamalabas
Date: 04-13-2004, 03:55 AM
Parent: #1
الأخ بشاشة
تحياتي 000 أسمح لي بحوار جانبي مع الاخ السنجك علي هامش
متن حواركما
سؤالي للاخ السنجك ..ماهو تعريفكم مفهومكم للعروبة؟؟
هل هي عروبة لسانية؟؟ أم هل هي عروبة ثقافية؟؟
أم هل هي عروبة دم وعرق وجنس؟؟
وما هو رأيك في عروبة الصوماليين ؟؟
أين ذهبت أعراق البربر ـ شمال أفريقيا ـ والفينقيين
والكنعانيين ـ بلاد الشام ـ والاشوريين والسومريين
سكان العراق؟ بل أين ذهب أحفاد الفراعنة سكان
مصر ؟؟ أعني أين ذهبت بعد الفتح الاسلامي؟
00 دعني قبل الاجابة علي هذه الاسئلة أن نتناول هذه
الحقائق
00 مجتمع الجزيرة العربية كان مجتمع قبلي تمزقه الحروب
والطبيعة الصحراوية القاحلة مما أفرز واقع سكاني
ضعيف مقارنة ببلادة الشام التي كان تملك كل مقومات
الحياة من حيث موارد الطبيعة ...ونفس الشي يقال عن
بلاد النهريين ـ العراق ـ وعن مصر وشمال أفريقيا..
مما أنعكس علي حياة السكان من حيث الكثرة ومن حيث
مستوي المعيشة
000 الحقيقة الثانية هي أن العرب حينما دخلوا هذه
البلاد دخلوهاكجيش محارب محدود العدد وكان لبعض المحاربيين
أسرهم وزوجاتهم
00 مما تقدم يتضح أن التأثير الديموغرابي أو التأثير
علي التركيبة السكانية لم يكن كبير بمستوي التأثير
الثقافي أو اللغوي ..
00 ثم دعنا نسأل هذا السؤال بعد هذه المقارنة
من الملاحظ أن هناك شبه قد يصل لحد التطابق بين
الاحباش من حيث لون البشرة والسحنات ، لون وشكل
الشعر ,والانف , فهل نحن أقرب من حيث الملامح والخلفية
العرقية للاحباش أم للمغاربة؟؟
وهل يعترف العرب من ناحية اللون والعرق بعروبتنا؟؟
00 أما أذا كانت العروبة لسانية وثقافية ..
بأعتبار أن هناك مؤثرات عربية من حيث الانتماء الحضاري
والثقافي واللغوي ووجود مصالح وأهداف مشتركة ووجود
رغبة في الانتماء والتفاعل مع المحيط العربي ... أن كان
الامر كذلك فهناك ما يمكن أن نتحاور فيه ولكن بعد
أن نحسم الجانب العرقي واللوني ..
كمال عباس
|
Post: #8
Title: Re: هل تجري في عروق السنجك دماء عربية؟
Author: nazar hussien
Date: 04-13-2004, 08:06 AM
Parent: #6
يا بشاشة البطان خليه...والسنجك خليه...ما هوية ما يجري في عروقك انت...؟؟؟ علي حسب وصفك...
|
Post: #9
Title: Re: هل تجري في عروق السنجك دماء عربية؟
Author: حمزاوي
Date: 04-13-2004, 08:43 AM
Parent: #1
يا بشاشا
هل العروبة او الانتساب الي العرب عيب
وفيها ايه لمن يكون الشايقية عرب
وهل الاسلام اعتناقه عيب ونقص
وما الغضاضة ان يكون هناك حزب سياسي اسلامي وله مؤيدين
مش كل واحد حر فيما يحمله من افكار ومعتقدات
مثلا انا عربي ومن اعضاء حزب الاخوان المسلمين هل اكون منبوذ منك ومحتقر بهذه الدرجة ؟
يا بشاشا راجع حساباتك
انت بقيت ممل خالص
وكل يوم ماشي في الناقص
|
Post: #10
Title: Re: هل تجري في عروق السنجك دماء عربية؟
Author: ابو تميم
Date: 04-13-2004, 07:25 PM
Parent: #9
بشاشة مسكين
مريض يا حمزاوي ما ممل
حقائق يا بشاشة :
هل اللبنانيين عرب ؟
هل المصريين عرب ؟؟؟
هل التوانسة عرب ؟؟؟
هل العراقيين عرب ؟؟؟
هل السعوديين عرب ؟؟؟
جاوب بالاول بدل ما تطفو طرطوريا فى بحر العقد
|
Post: #11
Title: Re: هل تجري في عروق السنجك دماء عربية؟
Author: Bashasha
Date: 04-13-2004, 09:20 PM
Parent: #1
السنجك وينك؟
باقي لي انت جعلي تايواني ساهي!
انا غايتو، الجري ده ماحقي،
حقي المشنقة، والمدفع اب سكلي،
او حالف باليمين اعز بنات اهلي!
ابو حميد شرفت والله
الصعوط انا بتكيف بس بي طقوس السف نفسو!
بالذات طق الحقة بالكوع، ثم درديمة السفة ماركة "دقار لوري"، ومط الشلوفة..والاسترخاء الذي يلي..اه اه اه..
اما حمزاوي وتميم، فجاي عليكم.
|
Post: #12
Title: Re: هل تجري في عروق السنجك دماء عربية؟
Author: aymen
Date: 04-14-2004, 00:34 AM
Parent: #11
الاخ بشاشة
اري ان هذا البوست قد بدأ الميلان- و بزاوية حادة- نحو المهاترة
و الموضوع شيق يمكن ان يناقش بصورة اكثر علمية و موضوعية..
هنالك سؤال يتبادر الي ذهني عندما يتحدث الناس عن الاستعلاء العروبي.. فمن الواقع الاثنولوجي السوداني ارى ان الارتماء في احضان العروبة قد تم في مبداه ليس بما يطلق عليه (استعلاء) و لكنه كان (استتار).. ذلك ان البديل هو الاضطرار الي الاعتراف بحقيقة ما توصل اليه ماكمايكل و ورنر.. و اذا امكنك الرجوع الي كتاب مكمايكل (تاريخ العرب في السودان ص 213 الي 220) و اريدك ان تركز علي الوصف البيولوجي و التغيرات التي طرأت عليه من زمن Werner الي زمن MacMichael. الاسباب و المالات.. استطيع ان اكتب بحث في هذا الموضوع.. و لكن هذا قد يكلفني حوالي ال 30 ساعة و هذا ما لا املكه
|
Post: #13
Title: Re: هل تجري في عروق السنجك دماء عربية؟
Author: Bashasha
Date: 04-14-2004, 01:09 AM
Parent: #1
ايمن يا مراحب،
حاشي ماغرضنا مهاترة، بقدر ما هو محاولة لتطمين الاخ السنجك اننا نتفهم ان طريقة تفكيروا، حقيقة تمثل بالفعل الراي العام، بل الدولة والدستور في السودان، خير تمثيل.
وضوح السنجك وصدقوا مع نفسو لا ينبغي ان يستغل بالهجوم عليه علي نحو شخصي، باعتباروا حالة شاذة لتصفية حساب امة بحالة في شخص السنجك.
لذلك كنت حريص ان اتعامل مع السنجك علي نحو ودي، علي غير عادتي، وهذا ما افعله في المنبر الاخر "sudan.net" مع صديقي عامر.
بقية المداخلة جاييك عليها.
|
Post: #14
Title: Re: هل تجري في عروق السنجك دماء عربية؟
Author: kamalabas
Date: 04-15-2004, 03:36 AM
Parent: #1
في أنتظار الاخ السنجك ....
كمال
|
|