شتات يا فردة

أحبتى

لا تستعجلوا امرى فانا لا اود احياء لغة الشماشة كما يبدو من ظاهر العنوان ولكننى اود اعادة الترحيب بالرائع شتات ذلك الانسان المبدع ذو القلم الرقيق والذى جاء ولم احظى بالترحيب به لغيابى وشتات من الاقلام المؤسسة للمنتديات السودانية وكان نجم البوردات لعذوبة ما يكتب وروعة ما يتحفنا به وحقيقة هو اضافة ثرة لمنبر سودانيز اون لاين وهو مكسب كبير وقد اختفى طويلا عن الساحة فالشكر للاخ بكرى الذى ايقظه من ثباته وجعله يخرج لنا ثانية ليتحقنا ..

اهلا عزيزى شتات ومرحبا بك واعتذر لاننى لم ارحب بك قبلا فانت من دلنى وعلمنى كيف ادخل المنابر واخاطبب الاخرين وانت من اخذ بيدى عندما كنت اميا فى عالم الشبكة وعلمتنى الف باء المنتديات ..

الف اهلا بك وارجو ان تعود سيرتك الاولى وتثرى منتدانا هذا بكل جميل عهدناه فيك سابقا ...

ومعك نرحب بالرائد ( شتات خالي محطات)
وعلي ثقة كبيرة انه مكسب لنا جميعا

الأخ العزيز قرشو....

في هذه الايام المباركه اهديك والساده القراء صادق دعواتي
واطيب امنياتي ..رمضان كريم وكل عام وأنتم بخير.
...وأما وبعدها..عزيزي..ده كلام من العيار التقيل..واخوك
مابيتحمل حاجات زي دي ..بتحصل ليهو حاجات في ..الأعماق السطحيه
وتجي بعدها الًُخلعه..الممتده حتى كتابة هذه السطور..ما مصدق الكلام
دا لي انا..شتات..افُرك عيوني..اشيل واقرا..بدل مره ..ميه قريتو
طالع ونازل في البوست..لمن اتسهك .
...حروفك جنن حرفي..حلاتن جنن حرفي ..اقبل وين الاقي كلام ..اكون
كضاب لو قلت ليك حروفي بقامتك او قامة حروفك ..واكون كذلك لو
حروفي بتقدر توفيك حقك من التقدير.واقول بكل صدق:

لقد بدأ قلمي يتعثر ويئن تحت وطأة ما ينوء به كاهله من ثقل
قوامه الكلمات..مستشعرًا عبء المسئوليه الملقاه على عاتقه..
ألا وهو التعبير عما بنفسي..وقد بلغ به الحال قول الشاعر ..
لو كان يدري ما المحاوره لاشتكى..ولو عرف الكلام لكان مكلمى
فلك اعتذاري يا قلمي ..واعذرني لتواضع حروفي.
خالص شكري وتقديري..وارجو من الـلـه ان اكون دومًا عند حسن
ظنك ..والشكر موصول للأخ العزيز بكري ابوبكر لتفعيله عضويتي
بداره العامره موده.
.......................فتك بعافيه..بجيك صادي

الاخ العزيز اســاســي...

ينعم صباحك خير ويسعد مساك النور..اهديك مااتمناه لنفسـي
..واكتر..رمضان كريم وكل سنه وانت طيب يا امير..
...تقديري لحروفك الانيقه..وللثقه ..متمنيًا ان اكون دومًا
عند حسن ظنك
...وخليك قريب ...النقه بدت

.....شكرا يا امير.

تسلم يا غالي
طبعا انا متابعك من زمن سودانت كانت بتشتغل بال dos
زمن البوردات بي خيرها والخيم بي رتاينها
عشان كدا بتكلم وانا مالي خشمي ( طحنية) هاهاهاها
وزي ما بيقول المثل الدهن في السنكيت لا قصدي العتاقي هاهاها
والشجر الكبار فيهو الرمان ولا الصمغ ما عارف
ياخي صمغ شنو مسيخ وما بتاكل زول يكوس ليهو شجرة كبيرة عشان ياكل صمغ مسيخ ولك ما كان احسن يقولوا الشجر الكبار فيهو الضل والرطبا جنيا تعرف الامثال دي محتاجة اعادة تقيم زاتها
بس خلينا نفضي ليها نفضي ليها زاتو كيف مع رمضان الباله طويل دا
يازول قول اجة ما تخليني ابرطم ساي
هاهاهاهاهاها
نشوفك ويلا دق الحديد وشتات خالي محطات

........................من طرف الحبيب
..رساله..قصيده لهاشمنا

اكتب ليك
رسالة طويله بي دمي
اقالدك فيها يا أمي
وأضمك ساعه في حضني

وحاتك لابخط عنوان
ولا بكتب اسم انسان
وما برمي الجواب في بريد
ومابديهو لي زولا
كمان في الايد

كفايه أقيف
وانقش في جناح الريح
كلامي الدايرو يوصل ليك

وازيدك في الكلام تسبيح
يخلي الريح تترتر
في المسافه عروس
تحيل كل الصحارى بروش
مضفره بي سعف بلدي
وملونه بي مشاعري اليك
يا أمي

.............................

....الى عهد قريب كانت..الجوابات ..توصف بانها نصف المشاهده
فهل اكتملت تلك المشاهده بظهور الانترنت وتوابعو ..والنقال
والثابت..وانتهى بذلك عهد الرساله المكتوبه بخط اليد؟
..في سنوات غربتي الاولى..بما انو اخوكم من الشماليه..فهذا يعني
مرحلة الاساس ..العشرة الاوائل في الغربه ..كانت الرساله المكتوبه
تعني الكثير بالنسبه لي ..زي القراصه واحد ..اتحرق شوقا اليها
انتظر بفارغ الصبر وصول رساله عزيزه..من عزيز..في وطن العزه..
فقد كانت الرساله وقتها..ما تسالوني متين..بتعقد..كانت بمثابة
سجل حافل باحداث الحي..الزمن دا بيسمو الكلام دا..شمارات..
اعبر خلال سطورها ازقة الحي وحواريها..اشاهد الكوره واحضر الاعراس
اعرف من تزوج من ..ومن نجح في دراسته ..ومن غادر الي ارض الـلـه
الواسعه ..مجبورًا..والادوهو..شاكوش منو؟
آخر نكته..وآخر مهزله سياسيه..
تراجعت شعبية الرسايل المكتوبه وتراجع معها ذلك الادب الراقي في
الكتابه...فهل ياترى للرسايل الالكترونيه نفس الحميميه ؟
سؤال ارجو منكم الاجابه عليه..بخط اليد؟

لي عوده لنفس الموضوع ..وسوف تكون مداخلتي القادمه نموذج لتلك
الرسايل ..وهي من صديق .....مشاغب

...رساله من صديق...مشاغب
...............................

عزيزي جدًا...شتات

.........الود والشوق القديم
..الآن ابر بوعدي واكتب لشخصكم ...الضعيف جدًا..وطبعا لو
ما لقيت ..زول ..مسافر ماكنت كلفت نفسي مشقة ظرف وطابعه
وجهد ذهني وعضلي

..اكتب لك وانا ممتلئ حتى النخاع بخزعبلات اتى بها..الزول ده
فراوله..برتقال..موز ني..شاي لبن..حلاوه..بسكويت ومش عارف ايه
وانا الان اشعر باعراض عدم التماسك..طبعا بعد قليل ستبدا جوله
اخرى مع الاشياء الجميله.

بالـلـه الزول ده اتوصى بيهو كويس ..وشوف ليهو بير بترول صغيره
كده يربيها عشان يعمل..راس مال جدًا

الجميع هنا الا ظلك..افتقدناك كثيرًا بصدق

امامي على التربيزه ازهار في كوب جميل..اتخيلك في وسطها.....
.............غنمايه

ساحاول أن ارغم نفسي على الكتابه لك لانو مافي اي حافز يخليني
اكتب ليك.

مافي زول قال يسلموا عليك ..كلهم مع عبد الرحمن عبد الـلـه في
رائعته ..شــق ايــش
.............................مع السلامه
.......................جيم عين

.................................انتهت الرساله ..الكارثه

*

Quote: لا تستعجلوا امرى فانا لا اود احياء لغة الشماشة كما يبدو من ظاهر العنوان ولكننى اود اعادة الترحيب بالرائع شتات ذلك الانسان المبدع

يا عزيزي نحن أيضاً نرحب بفردتك شتات وبكل المشتتين والمشردين والشماسه والصقَّاعه (وهؤلاء تحديداً هم من تشردوا في بلاد الصقيع مقابل المشردين في بلاد الشمس!)

أما عن لغة الشماسه فهي حيةٌ تُرزق يافرده!!/

مع الود!

فرده
*

الاخ العزيزاســاســي....

لحدي هسـع انا بضحك ..والسبب مداخلتك الظريفه.
وخاصه..عشان كدا بتكلم وانا مالي خشمي ...طحنيه.
اقول والـلـه على ما اقول شهيد..اقرا ما تكتب هنا
على الدوام ..يعجبني قلمك الجرئ..وصراحتك الجميله
...وخليك هنا..وبلاش تفارق ..مشتاق لي بسمه..وانت خليتني
اضحك شديد..والحمدلـلـه ..قاعد براي ..اتجدعت في الضحك
شكرا يا غالي.

الاخ العزيز..فرده

اهديك اطيب الامنيات وصادق الدعوات وانبلها بمناسبه الشهر
الكريم ..اعاده الـلـه علينا وعليك خيرًا وبركه

شكرًا يا فرده علي الترحيب اصالة عن نفسي ونيابة عن المشتتين
في بلاد الصقيع وبلاد الشمس ..شكرا عزيزي علي مداخلتك الجميله
.........اخوك..شتات

قرشو العزيز

اساسى

فردة

شتات

كلكم ..مسا الخير عليكم بتوقيت الخرطوم

اولا ...شتات عشرات حبابك ..وما محتاج مننا لى كلام ..صح

بعدين قصة الرسائل دى هبشتنى بها فى حتة صعبة خلاص

علمنى ابوى كتابة الرسائل ..العادية ..والعميقة

تعرف

كان فى فترة اغتراب لمدة 5 سنوات
كان برسل لى جواب كل يوم خميس وبرد عليه كل يوم ثلاثاء
استمرينا كده لاكتر من سنتين
لغاية ما دخلت آفة التلفونات وبوظت كل شئ
ما تتخيل كنت بسعد بكتاباته دى كيف
وبتكيف جدا لمن احكى له تفاصيل التفاصيل
رغم زعل اخوانى من انه كان برسل للبيت كلو جواب واحد
ولى جواب براى
اظنها من هنا بدات جواى بذرة حب الكتابة والبوح تنمو

ياخى
هاشمنا ده عندو شغل جديد خطير جدا وجميل
اتفضلوا كلكم معاى يوم الخميس الجاى
فى كلية الطب جامعة الخرطوم
امسية كاملة معاه
وعدنا فيها بعمل جديد بعتبره هو حدث بالنسبة له
اسمه ..يحفظ ضد مجهول
ما تتاخروا الساعة 8 ونص بالضبط ح استناكم

تسلمووووو

بسم الله الرحمن الرحيم
وبه دوما نستعين
في امور الدنيا والدين
الى ......
اهدي لك اشواقي وتحياتي الحارة من كل اجزاء قلبي العامر بذكركم واحيك بتحية الاسلام الخالدة الا وهي:
السلام عليكم ورحمت الله وبركاته
كيف حالك واحوالك في هذه المدة التى ...........

يا سبحان الله
والله يا قرشو وما طالبني حليفة وانا صائمة قبل كم يوم جاتني فكرة اسئل عن مام وشتات وصن شاين والصحبة الحلوة ديك
ولقيتك سبقتني والله
فشكرا ليك يا عمدة وطاب مساءك وصباحك كمان

الاخ العزيز شتات

اهلا بيك وسهلا كتير ورمضان كريم يتعاد علينا وعليكم بالخير والبركة
والسنة الجاية مرطب في الشمالية تحت شجرة صمغ ولا اقول ليك اساسي ما يزعل تحت اي شجرة هههههي
فعلا فاقدينك وبالله مام وين؟ ياخ كم طولنا طولنا؟
والله الرسائل فعلا بقت شئ لا يذكر في العصر دا يعنى انا لما تجينى رسالة في البريد بتخلع لاني عارفة ح تكون من الإدارة "كهرباء ولا تلفون ولا غاز ..

بتذكر رسالة صغيرونية كتبتها لخطيبى في زمن الخطوبة
كان عنوانها
اخي الحبيب والله لاسع هو ما قادر يستوعب انا كتبت كدا ليه؟ وبينى بينك انا زاتي ما عارفة السبب الخلاني اسوي كدا شنو

والله عندي صاحبتي من ايام الدراسة الثانوية وطوال الفترة القضيتها هنا ما بطلنا كتابة رسائل لحدي وعلى قول احلام دخل التلفون وطارت الفكرة

عموما وفي ختام رسالتي
ازف اليك تحياتي وتحيات الاهل بالقرب منا


سي يووووو

سماح

عزيزتنا الغالية سماح
الما بتخبر زعل

صباحك نور وزهور

والله انتى اصيلة ياخى الاتذكرتى تلك الاسماء الجميلة التى اثرت الساحة يوما بحلو الكلام ولطف العبارة ورشيق الحديث .. ياااااه يا سماح ذكرتينا فعلا ايام حلوة وناس حلوين ... بين عام وعام يتغير حتى الانسان ويصبح هو ما هو وحتى ما يكتبه غير ما كان فسبحان الله عزيزتى ولكن مع كل شىء تبقى الذكرى الحلوة الجميلة وتبقى فى الوجدان اشارات لا ننفك نرجع لها بين الفينة والاخرى ...
لك تحياتى عزيزتى وارجو ان لا تغيبى انتى كذلك لانك من الزمن الجميل فى عالم الانترنيت فلا تحرمينا طلتك البهية رجاءً ..

مع كل الود

دكيقة قرشو ورشة شتات!..سلام ياشباب من جدة إلى استراليا ودبي..سلام إلى اللابدين المتاوقين..من مام ولياب..إلى الككخ ودرويش وأنا..ورمانة والسارا..وقرضة وجرادة..وبلاك لايت..والوسادة المخملية الناعمة (ريم)! وعاشت القراضة الفقرية..وملاح البامية البايت..ومطيقة مام في نهار رمضان

الأحباب الأوفياء كم انا سعيد بهذا الجمع الرائع الذى اتى بكل جميل وكم انا اسف لاننى ظللت متغيبا عنكم ويبدو انكم جميعا من ناس الليل بينما انا اتعامل مع الشبكة نهارا فقط والنهار كله عوائق والشبكة معصلجة والرد الواحد ياخد قريب نصف ساعة لانقطاع الشبكة واحيانا الاضطرار لاعادة الكتابة ولذا اعتذر لعدم تواصلى معكم وارجو ان نبقى معا دوما.. الشكر لكم جميعا للاثراء وهذا الامل دوما فيكم أحبتى .. ورمضان كريم Post: #14 Title: Re: شتات يا فردة Author: قرشـــو Date: 11-09-2003, 10:32 AM Parent: #1 الاخ فردة الف اهلا بك يا سيدى وسعيد بلقاءك واعتذرنى ان لم ارحب بك سابقا فحقيقى لم اراك لاننى انقطعت طويلا عن المنبر وعدت بعد الاجازة ولم نلتقى فالف اهلا بك وصادف عنوانى اسماء اثنان من الاحباب فيا سعادتى اخى واتمنى ان يرد الله صقعتك كما قال حبيبنا وتعود للوطن الحبيب وانت محمل بكل ما خرجت من اجله .. سعيد بانضمامك الينا هنا اورجوك ان تبقى معنا لتثرى الساحة شدوا جميلا يطربنا .. مع تحياتى Post: #16 Title: Re: شتات يا فردة Author: 3bdo Date: 11-09-2003, 10:36 AM Parent: #14 الاحباب قرشو + شتات + بقية الشباب سلاماات بس حبيت اسلم علي الناس الحنان Post: #15 Title: Re: شتات يا فردة Author: قرشـــو Date: 11-09-2003, 10:35 AM Parent: #1 حبيبنا اساسى تحياتى سيدى وشكرى لترحيبك بالغالى شتات ومن عجب ان البوست اتى بكل اولئك الاحباب الذين كانوا هناك وها نحن نعيد شذى الايام الجميلة ونسترجع احلى ما كان فيها .. حقيقة شتات يستحق كلماتك الرقيقة فهو فينا رمز للحب وكلام الحب وسيرة الحب وكل جميع ورائع فكلماته ما زال يتردد صداها بهجة فى الوجدان واننى سعيد بعودته الينا وانضمامه ثانية الى بقية العقد البهى .. لك تحياتى عزيزى والشهر انقسم وانت ما قلت عووووووك Post: #17 Title: Re: شتات يا فردة Author: قرشـــو Date: 11-09-2003, 10:50 AM Parent: #1 الحبيب شتات يا سعدى سيدى وهناى بوجودك بيننا وفعلا ضاع منا زمان انت فيه بعيد عنا والان دعنا نهىء انفسنا لكم اتى من الزخم الجميل للحرف الندى الذى هلت بشائره هنا ولمثل هذا اشتاق وازداد حنينا ولعلنى الان مرتاح جدا واتمنى ان يعاودك كل الحنين لليراع وللكتابة وتعود اكثر نشاطا واكثر ابداعا ... حكاية الرسائل كما ذكرت كانت فى الماضى شىء اساسى فى الغربة وما ان تحط رحالك الا وانت هارب لاقرب مكتبة لتقتنى الظروف الما خمج والورق المزدان بالورود والمعطر بشذاها نعم كان الورق ملونا ومعطرا وموشى بالرسومات والازهار هذا غير كروت الاعياد التى كانت لا تقل جمالا ان لم تنافس الورق وما زلت سيدى اذكر كيف كنا نسهر ونحن نسطر الرسائل فلم يكن حينها شىء يعكر صفو الليل فلا فضائيات ولا دوشة بل كان يأتيك صوت عفاف راضى او نجاة الصغيرة وهى تغنى للغربة وتتساءل عن الحبايب مرتاحين ولا زعلانين ولا مبسوطين ولا عاملين ايه فقد كان صوت العرب هو الاثير الى النفوس لانه يبث رسائل الشوق والاحباب والاغراب وكانت تخرج الكلمات وسط ذلك الاحساس لتصل اكثر صدقا لمن ترسل اليهم فتجعل شعبيتك اكبر واكثر فلا فرق بين صديق واخ وحبيبة فالكل يناله دفق مشاعر الغربة وتصله الصفحات المتراكمة ولها ولوعة وجرسة من الغربة ... شكرا اخى شتات لبعث كل تلك الذكريات والان سيدى اصبحت رسائل الموبائل الذى لا يحتمل اكثر من ثلاثة او اربعة سطور قصار ولكنها ايضا جميلة حينما تأتى من الاحباب .. كم اشتاق لرسائل الموبائل الجميلة .. لك تحياتى اخى ولك معزتى Post: #18 Title: Re: شتات يا فردة Author: قرشـــو Date: 11-09-2003, 11:02 AM Parent: #1 الغالية دريمز لك التحية ولك الشكر على المرور من هنا وتبشيرنا بليلة الخميس القادم مع المبدع هاشم صديق ولاننا خارج الحدود فكل املنا فيك عزيزتى وكما عودتينا دائما ان تنقلى لنا الروائع ولا سبيل لنا سوى ذلك ومن الان نحن على وعد عزيزتى .. مع امنياتى لكم بسهرة ممتعة جميلة وما تنسونا بالله .. لك خالص الود Post: #20 Title: Re: شتات يا فردة Author: قرشـــو Date: 11-09-2003, 11:13 AM Parent: #1 الحبيب الغالى عبدو الف اهلا بك سيدى وشكرا لمرورك وانت ممن يمرون ويتركون اثارا من نور تضىء للاخرين فما اجمل قدومك وما اجمل مرورك عزيزى ونرجو ان لا تحرمنا دوما من طلاتك الجميلة .. لك التحية والاعزاز .. Post: #22 Title: Re: شتات يا فردة Author: muntasir Date: 11-09-2003, 11:22 AM Parent: #20 Post: #23 Title: Re: شتات يا فردة Author: JAD Date: 11-09-2003, 12:07 PM Parent: #1 الإخوة قرشو، أساسي فردة ، عبده منتصر .. والمحتفى به شتات .. التحية لكم .. لم أعرف من قبل الأخ شتات .. ولكن بالرجال تعرف الرجال .. فمادام وجد هذا الإطراء الكبير من رجال نعرفهم مثل الأستاذ قرشو والكوكبة الفاضلة الوارد أسمها أعلاه .. فبالتأكيد أنه رجل يستحق .. فبالله أدنا معاكم وجه نظر عشان نرحب كمان معاكم بالأستاذ شتات. مرحب عزيزي شتات في بورد الشتات الغربة. .. جــأد.. Post: #24 Title: Re: شتات يا فردة Author: ولياب Date: 11-09-2003, 12:22 PM Parent: #1 أولا سلام للجميع بدون فرز رمضــــــان كــــــريم صراحة كنت صايم من أول يوم رمضان ،،، ولم تفطر لحظة أناملي بأكلة الكي بورد ،،، ولكن أمام مغريات الشطوط والشتات والقراصة الفقرية ... فطرت وشاركت وأرحب مع الجميع بالصديق العزيز (شتات). وقد طمأنت عليك بسؤالي للأخ مام خلال الأسبوع الماضي . يا 1000 مرحب . Post: #25 Title: Re: شتات يا فردة Author: shatat Date: 11-09-2003, 11:09 PM Parent: #1 الاخ العزيز قرشو... اهديك والساده القراء تحياتي وعاطر السلام. شكرا لهذا البوست فقد جمعنا باعزاء نكن لهم خالص الود وعميق التقدير والاحترام.ساعود اليك بعد قليل ..لو سيد اللبن ماجا. بعد الرد علي المداخلات السابقه.شكرا لمداخلتك الانيقه وخليك في الخط..برجع ليك..وبمداخله جديده كمان ............... العزيزه دريمز..احلام كل سنه وانتي طيبه..رمضان كريم يا بختك..هاشمنا الخميس الجاي..ياريت لو كنا في الخرطوم .. امسيه جميله نتمناها ليك ..وماتنسي جيبي لينا معاك قصيده وياريت تكون..الحدث..يحفظ ضد مجهول..ونكون شاكرين ومقدرين ..شكرا علي المداخله الجميله والترحيب..وفعلا كتابة الجوابات موهبه ما ساهله ..معاها تنمو ملكة الكتابه بصفه عامه ..او ما يسمي بادب الرسايل بصفه خاصه...تقديري واحترامي .............................................. العزيزه سماح..... رمضان كريم وكل عام وانتم بخير شكرا علي الترحيب ودعواتك الطيبه..مع الامنيات الطيبه ضحكتيني شديد من بدايه خطابك لخطيبك ..اخي الحبيب..عسل العزيز مام ...تحدثت معه قبل ايام وسالني عنك بالاسم وقال اخر مداخله ليهو كانت لشخصك الكريم ..وهو بخير ويغريك السلام تقديري واحترامي .............................................. العزيز بناديها...... كل عام وانتم بخير ..رمضان كريم. شكرا للطله البهيه..رغم المشغوليات واتمني للصغار في السن النجاح والتوفيق...وشكرا لذكر تلك الاسماء الجميله والتي نتمني ان نراها تكتب مره ثانيه..وتعود فشوقنا ليهم ما ليهو حدود.. ونتمني عودتك لو سمحت ظروف العمل ..والمذاكره..شكرا يا رهيب. تقديري واحترامي .............................................. العزيز عبدو...... كل سنه وانت طيب..رمضان كريم. ده شنو التلغراف ده ..دايرنك هنا..تعال صادي مع الاحباب نحن في شوق لحروفكم الانيقه..ما تبخل علينا..انت قلت لينا تعالوا..ما تكب الزوقه...تقديري واحترامي .............................................. العزيز منتصــر.... كل عام وانتم بخير ..رمضان كريم خالص الشكر والتقدير لحضورك ..ونوافذ بيوتنا وابوابها مفتوحه لحروفك النديه..شكرا عزيزي مع تقديري واحترامي ............................................. العزيز جاد........ رمضان كريم وكل سنه وانت طيب شكرا للترحيب الحار واحترامي لحروفك الجميله..واتمني ان تعود مشاركا فمداخلتك تستحق بجداره صفه ..جميله كل التقدير والاحترام ............................................. العزيز ولياب....... كل سنه وانت طيب ..رمضان كريم شكرا علي الترحيب الجميل والسؤال عن شخصي وقد تحدثت ايضا مع الملك مام وحملته تحياتي واشواقي لشخصكم الكريم...اخي العزيز صادق دعواتي واطيب امنياتي وكل التقدير والاحترام. ............................................ الحبيب قرشو ..اعمل لي كبايه شاي واجيك صادي ..الكلام ليهو باقي....

---