سيـرين بت تماضر شيخ الدين.....حــلاة الانقليزي في خشيما

Post: #1
Title: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-25-2006, 10:49 AM
Parent: #0

احتفال سودانيزونلاين.... العميان شايل المكسر...من كل بستان زهرة..ومن كل غابة شدرة.. ومن كل شدرة فرع.. ومن كل فرع عكاز....السمحين والشينين والشينين العاملين فيها سمحين..والسمحين العارفين نفسهم سمحين..لكن بيتغابو العرفة كيه لينا....
شكرا بكري ابوبكر... للمة....وشكرا طارق اللمين وهيلاهوبو....شكرا.. عمر الشاعر..شكرا الفرقة الجنوبية كنتو ممتعين حقا....شكرا عمار الجوهري....ومبروك الجضوم السويتن في السعودية...وانشاء الله تطفقن بعرق العافية...ومبروك القدلة والغنا الزي حقات الهادي الجبل... الغبا ليك وليهو ولينا نحن القاعدين نصنت لغناكم...اول هو شن طعمو لمن تجي تحاكيهو؟....حسك كان كعب... الزول العندو نزلة بيقعد عند اهلو... ما بيحوم فوق خلق الله ويقعد يغني فوقهن...اصبر سااااكت ان ما دخلت النار لومني......قيل "دخل فنان النار... لانو كان بيضرّص زول زهجان ومفلس".....
العشاء كان كوكتيل... لقطتا البطاطس كلها... وكان في حاجة مطاولة وملفوفة في ورقة.... ابيت احوم عليها كلو كلو... قلبي اكلني.. وقلت يمكن ناس وزارة الصحة بقو يوزعو في الهنايات القالتن الوزيرة ديك....يوزعوهن علينا وبعد شوية يجو يقولو دايرين الفاضي.....ونحن الفاضي بنحتاج ليهو.....
الله يجازيك يا استاذ الحاج...زمان درستني انقليزي....سنة للحول وانا قاعد في امان اند ابان....وما اقعد ليه.... ما دام انت تنهر وتنهزر فينا وحسك زي التور....ما شفت سيرين بت تماضر شيخ الدين....وحلاة الانقليزي في خشيما..انقليزي يطرشني لي حسي ما سمعت نضرو في السماحة....نحن زمننا كلو نسمع في انكليزي ديجانقو وسارتانا لايرحم...البارح سمعت انقليزي سيرين وقلت انشاء الله ما تسكت...وانشاء تنضم فوقي انكليزي لمن اتعجن واتصاط واتقلب همبيرقر.. بعد دقيقتين سكتت...وحلف المذيع ما يزيدا فوق الدقيقتين.... بالرغم من اني باعلى صوتي طالبت بالوقت بدل الضائع... الكنت انا قاعد اشرب فيهو البستي كولا وخنقت مرتين وما سمعت شي....
خبرت محل البرميل الخاتين فيهو البستي كولا.. وبقيت اساسق عليهو....وكل ما امشي اجيب لي قزازة القي ابراهيم بقال ببدلتو الجديدة مدنقر لي نصو فوق البرميل ويبحت في القزاز...خفت اجي راجع تاني والقاهو اتفنقل واتقلب جوا البرميل وغرق ولحق امات طه...ويكون مات مناضل في برميل البستي كولا ....
كرمو نسوان كتار....بارك الله فيهم... علا انا لايمهم لوم شديد...لشنو ما كرمو المرا المشطتت المناضل محجوب حسين...والله سمماحة مشاطة.... السودان قفل....

شكرا متحف السودان القومي... لاتاحة الفرصة لي لكي اتصور مع تمثال الخروف الضبحوهو يوم طهارة جدنا بعانخي...... غايتو بعانخي ان بقى طهروهو طهارة فرعونية يبقو اتلومو فينا لوم ضكر.....

Post: #2
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-25-2006, 11:57 AM
Parent: #1

كان احتفال سودانيزونلاين بمتحف السودان القومي

Post: #3
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-25-2006, 12:10 PM
Parent: #2

حضر الاحتفال لفيف من السياسين والادباء والفنانين ونجوم المجتمع.....و الجكاسة

Post: #5
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-25-2006, 12:31 PM
Parent: #3

رقص كل الحضور مع فرقة "كواتو الجنوبية.....علا انا عشان الرطوبة

Post: #10
Title: Re: سيـرين بت تماضر شيخ الدين.....حــلاة الانقليزي في خشيما
Author: عاصم ابوبكر حامد
Date: 06-26-2006, 02:58 AM
Parent: #5

سلامات دكتور عادل سيجمان
لك التحية

انا شخصيا البنت دى عجبتنى شديد جدا جدا

والشئ التانى الكلمات التى قالتها ذكرتنى ايام رائعة قبل دخول الجامعة ..

اه ما قلت لينا يا دكتور عن الاحتفال بصورة عامة وانطباعاتك ...

وربنا يكثر الاحتقالات على شان نقابل الاخوة الاجلاء ...

كان اختفال فى غاية الروعة ..
اتمنى ان تكون كل اجازة بهذه الروعة والابداع لنا ولكم ...

Post: #12
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 06:00 AM
Parent: #5

ثم كان التعارف.... كل زول ما بنعرفو عرفناهو....وكل زولة ما بنعرفها عرفنها وعرفنا البيعرفها.....

كرمت الاستاذة هالة عبد الحليم كاول امرأة رئيسة حزب في تاريخ السودان......تستاهل

Post: #14
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 06:16 AM
Parent: #12

Post: #20
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 06:35 AM
Parent: #14

كانت الاستاذة سلمى الشيخ سلامة في غاية الروعة وهي تقدم البرنامج بالاشتراك مع الاستاذ طارق الامين

Post: #24
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 06:47 AM
Parent: #20

المهندس

عبير خيري

..... شكرا لتنسيق الحفل

Post: #34
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-27-2006, 06:08 AM
Parent: #24

اتصلت بنا الزميلة ممكونة.. وكان صوتها كيروان

يا ممنكن صوتك واللا كيروان الله مرقو من انفلونزا الطيور

Post: #4
Title: Re: سيـرين بت تماضر شيخ الدين.....حــلاة الانقليزي في خشيما
Author: yasiko
Date: 06-25-2006, 12:11 PM
Parent: #1

سجيمان
سلام
عاد آ خويا اللنقليزي درسوها ليهو بالشايقي وبالشدة والكسرة ، مو سمعتو من خشم اهلو

لكم الود ويا سلام على لمتكم

Post: #6
Title: Re: سيـرين بت تماضر شيخ الدين.....حــلاة الانقليزي في خشيما
Author: Abureesh
Date: 06-25-2006, 01:56 PM
Parent: #4

شكـرا يا سجيمـان على الفلاش باك..
بمناسبـة الرطـوبـة دى انا عندى ليك دوا كويس جـدا، اسمو انبريل Enbrel.. دا يشيلهـا مرة واحـدة.
لو درت معلومـات اضافيـة ادينى خبـر..

[email protected]

Post: #7
Title: Re: سيـرين بت تماضر شيخ الدين.....حــلاة الانقليزي في خشيما
Author: Waly Eldin Elfakey
Date: 06-25-2006, 03:43 PM
Parent: #6

ات يا سيجيمان ما سمعت الكلام السمح القالتو بالعربي
بس الانجليزي...
دي ياها الفي الصورة دي ولا ما ياها

Post: #41
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-28-2006, 09:16 AM
Parent: #7

د.ولي الدين
Quote: دي ياها الفي الصورة دي ولا ما ياها

يااااها زااتا... ربنا يغطي عليها

Post: #40
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-28-2006, 07:07 AM
Parent: #6

ابو الريش

Quote: اسمو انبريل Enbrel.. دا يشيلهـا مرة واحـدة.
لو درت معلومـات اضافيـة ادينى خبـر..

اديني معلومات اضافية....قالو لي الطلح سمح!

Post: #39
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-27-2006, 09:59 AM
Parent: #4

Quote: سجيمان
سلام
عاد آ خويا اللنقليزي درسوها ليهو بالشايقي وبالشدة والكسرة ، مو سمعتو من خشم اهلو

لكم الود ويا سلام على لمتكم

تسلم يا الحببيب..... انقليزي السرور.........

Post: #8
Title: Re: سيـرين بت تماضر شيخ الدين.....حــلاة الانقليزي في خشيما
Author: Khalid Kodi
Date: 06-25-2006, 05:49 PM
Parent: #1

مثل ماتتطرح من موضوعات لايتناسب وإقحام أمثال سيرين فيها.
أتمنى أن تبتعد عن الزج بإسمها فى كتاباتك.

وشكرا.

Post: #9
Title: Re: سيـرين بت تماضر شيخ الدين.....حــلاة الانقليزي في خشيما
Author: abd elmniem musa
Date: 06-26-2006, 00:51 AM
Parent: #8

سيجيمان ازيك
اليوم بكرى مسافر وتانى شوفتك حتكون غاليه

مثل ماتتطرح من موضوعات لايتناسب وإقحام أمثال سيرين فيها.
أتمنى أن تبتعد عن الزج بإسمها فى كتاباتك.

اسمعنى الزول ده مالو معاك؟
استاذة تماضر ربنا يخلى ليها سيرين ويفرحها بيها كل صباح تصبحو

Post: #11
Title: Re: سيـرين بت تماضر شيخ الدين.....حــلاة الانقليزي في خشيما
Author: gamal elsadig
Date: 06-26-2006, 03:57 AM
Parent: #9

.

قالت في مبتدر حديثها :

ياجماعـــة أمي بتسلم عليكم شديد فردا فردا ..

وحكت عن فرقة عرائس النيل ..... وبعد داك قلبت

انجليزي .....

سجيمان يلا ترجم باقي الكلام القالتو سيرين

.

Post: #42
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-28-2006, 09:37 AM
Parent: #11

جمال الصادق
Quote: سجيمان يلا ترجم باقي الكلام القالتو سيرين

معليش

اترك الميكرفون لزميلي خالد كودي للترجمة.....

Post: #28
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 07:15 AM
Parent: #9

صديقي عبد المنعم موسى
Quote: اسمعنى الزول ده مالو معاك؟

الزول قايمة عليهو "ام الجهال"...... الله يحفظنا

Post: #13
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 06:07 AM
Parent: #8

خالد كودي
Quote: مثل ماتتطرح من موضوعات لايتناسب وإقحام أمثال سيرين فيها.
أتمنى أن تبتعد عن الزج بإسمها فى كتاباتك.

وشكرا.

هيــــــــع... الرجال بانت

Post: #15
Title: Re: سيـرين بت تماضر شيخ الدين.....حــلاة الانقليزي في خشيما
Author: Tumadir
Date: 06-26-2006, 06:16 AM
Parent: #13

تحياتى يا سجيمان وخالد كودى ..

الله يخلى سيرين ويحفظها ويغتيها "آمين"

عليكم الله ما تتشاكلو بسبب سيرين

وما تشهروها لى

كفى شهرة امها

وانا طبعا فاهمة انه خالد كودى صديق عزيز وغيور على وعلى بتى ..وده شعور ماساهل ونبيل وفى التقدير والاحترام

انا فهمت من البوست انه سجيمان داير يقول كلام عن بت مدهشة زى سيرين....وعندو الحق..لانها اتكلمت فى احتفال عام..وده برضو شعور طيب ونبيل منه.

فأرجو وهذا طلب خاص..

الا يكون الموضوع ..سبب للخلافات بينكم ..وانا

وارجو من سجيمان وكودى الاتنين..انهم يحترموا لى وجهة نظرى دى.

ونطفى النار دى.. وفى اللحظة دى انا ما أم وبس..انا برضو طرف فى عضوية البورد ..وحملاته التاريخية ..

"مادايرة سيرة بتى تتشال فى الخشوم" ودايره احافظ على الروح الطيبة الاتكتب بيها البوست ..فأرجو التفهم من الطرفين

ولكما معزتى وتقديرى

Post: #16
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-26-2006, 06:21 AM
Parent: #15

تماضر ... سلام

Quote: انا فهمت من البوست انه سجيمان داير يقول كلام عن بت مدهشة زى سيرين

هذا كل ما رميت اليه......

وانا تعاملت مع سيرين زي نازك بنتي...واعجبت بيها جدا....وبطريقتها وجراتها في الالقاء هذا كل ما هناك....

Post: #18
Title: Re: سيـرين بت تماضر شيخ الدين.....حــلاة الانقليزي في خشيما
Author: Tumadir
Date: 06-26-2006, 06:26 AM
Parent: #16

Quote: وانا تعاملت مع سيرين زي نازك بنتي.

ده كلام ما ساهل يا سجيمان ولما الناس تجى فى محلة ام وابو ..دى بنكون شفافين ونبيلين..شكرا ليك

دايراك برضو تعرف انه خالد كودى ..بهمو امر سيرين كتير..وبشوفها زى بتو "الصغيروووونة دى ..ودى ما عندى فيها اتنين تلاتة لانه زول اخونا..

يعنى ما جه هنا ساى..

وانت يا خالد اظن كفاية الكلام السمح القالو سجيمان انها زى نازك بته..

والسمــــــــــــــــــــــــــــــــــــاح سماحة.

Post: #17
Title: Re: سيـرين بت تماضر شيخ الدين.....حــلاة الانقليزي في خشيما
Author: عاصم ابوبكر حامد
Date: 06-26-2006, 06:24 AM
Parent: #15

استاذة تماضر
لك التحية

بعيدا عن هذه الخلافات

دكتور عادل والاخ كودى ربنا يصلح ما انسكر بينهما

دعنى اقول كلمة شكر لبنتك الرائعة التى جعلتنى اتذكر السودان فى عالم الاخرين

واتذكر جزء من بنات بلد فى بلاد العم سام ...

كانت كلماتها قوية عن الوطن وحبه

سوف تغادر الخرطوم بعد اسبوع ولكن متى نلتقى بهذه الكلمات مرة اخرى

ربنا اجمعنا باهل الخير والكلام الجميل والرائع ...

واقول للاخت سيرين ربنا يحفظها ويخليها للامها واهلها ...

من ناحية اخرى رايك شنو فى عريس يتقدم للبنت ...

لكى منى كل التقدير والاحترام ...

Post: #19
Title: Re: سيـرين بت تماضر شيخ الدين.....حــلاة الانقليزي في خشيما
Author: Waly Eldin Elfakey
Date: 06-26-2006, 06:33 AM
Parent: #17

Quote: من ناحية اخرى رايك شنو فى عريس يتقدم للبنت

اها يا عاصم.... متين

و الله الظاهر انه الناس الاستشهدو في احتفال البورداب ده كتار

Post: #21
Title: Re: سيـرين بت تماضر شيخ الدين.....حــلاة الانقليزي في خشيما
Author: عاصم ابوبكر حامد
Date: 06-26-2006, 06:38 AM
Parent: #19

Quote: اها يا عاصم.... متين

و الله الظاهر انه الناس الاستشهدو في احتفال البورداب ده كتار

يا اخوى ولى الدين

يستحق الاستشهاد ولا انت عندك راى تانى ؟؟؟؟

اسمعنى عندك لى بديل يا اخوى

قررنا السفر الى امريكا قبل لندن رايك شنو ؟؟؟

تسلم

Post: #22
Title: Re: سيـرين بت تماضر شيخ الدين.....حــلاة الانقليزي في خشيما
Author: Tragie Mustafa
Date: 06-26-2006, 06:41 AM
Parent: #17

سجيمان

يا بختكم

قلت لي حتتيتوا قرض!!!!!

تشكر لوصف اللقاء بكلماتك.

وبالله شفته كيف لما تكون الام وطنيه بطلع بنات رائعات زي سيرين.

شكرا تماضر لتنشأة سيرين الرائعه بروحها السودانيه الاصيله ووعيها الوطني المزهل.

Quote: خبرت محل البرميل الخاتين فيهو البستي كولا.. وبقيت اساسق عليهو....وكل ما امشي اجيب لي قزازة القي ابراهيم بقال ببدلتو الجديدة مدنقر لي نصو فوق البرميل ويبحت في القزاز...خفت اجي راجع تاني والقاهو اتفنقل واتقلب جوا البرميل وغرق ولحق امات طه...ويكون مات مناضل في برميل البستي كولا ....

الا يا سجيمان ولدنا اتلومت فيه انت قايلوا البيبسي ده كله شربه هو؟؟؟؟

يازول ابراهيم من طيبته يكون كان بيسقي في الناس ما معتبركم كلمك ضيوفوهم وهم ناس البيت.

تحياتي وان شاء الله دائما ملمومين في الخير.

تراجي.

Post: #23
Title: Re: سيـرين بت تماضر شيخ الدين.....حــلاة الانقليزي في خشيما
Author: عاصم ابوبكر حامد
Date: 06-26-2006, 06:46 AM
Parent: #22

يا دكتور سيجيمان
لك التحية

Quote: لشنو ما كرمو المرا المشطتت المناضل محجوب حسين...والله سمماحة مشاطة.... السودان قفل

اعمل حسابك نكلم اختنا سلمى التيجانى

وبعدين تبقى فى البيخارجك ...

تسلم اخى

Post: #46
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 07-03-2006, 11:31 AM
Parent: #23

عاصم ابوبكر
Quote: وبعدين تبقى فى البيخارجك ...

انا لا اتخارج..... لكنني.... ازوق

Post: #43
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-28-2006, 10:22 AM
Parent: #22

تراجي
صديقتي في الاسافير
Quote: يازول ابراهيم من طيبته يكون كان بيسقي في الناس ما معتبركم كلمك ضيوفوهم وهم ناس البيت.

في دي صدقتي.....والدليل البدلة

Post: #25
Title: Re: سيـرين بت تماضر شيخ الدين.....حــلاة الانقليزي في خشيما
Author: Tabaldina
Date: 06-26-2006, 06:52 AM
Parent: #13

..
.
سلام يا دوكـ
الغريبة استغربت انو البوست دا اتأخر يومين
والله انا من البنية اعتذرت مقدماً لاستخدامها للأنجليزية
عرفت الوحى بنزل ليكـ
عارفكـ كلمات السوشيال كومتى والسودانيز كلشر دا لسانكـ فيها اعوج
وعلى قولكـ حلات سيرين وحلات الاكسنت بتاعها وحلات فهمها
وربنا يحفظها لامها ويرجعها سالمة

بس بالمناسبة المستنير او المدعى الإستنارة الاسمو كودى دا مالو!!
الناس دى يا دوكـ عندها شوزفرينا –
الود عامل فيها خال وحريص اكتر من الاخرين - مسكين انت يا بكري -
نيابه عنكـ وبلساني
يا خالو كودى قوم روح ما تعمل فيها حاجة حريصة
ما بتشبهكـ ولا حتشبهكـ .. مش الكلام قصدى الشكل
وفي حرصكـ دا ورينا الجملة دى سببت شنو اكثر من المدح
Quote: ما شفت سيرين بت تماضر شيخ الدين....وحلاة الانقليزي في خشيما..
انقليزي يطرشني لي حسي ما سمعت نضرو في السماحة....
نحن زمننا كلو نسمع في انكليزي ديجانقو وسارتانا لايرحم...
البارح سمعت انقليزي سيرين وقلت انشاء الله ما تسكت...

Quote: هيــــــــع... الرجال بانت

بانت دى بتقع وين العباسية
قرقرقرقر

بجى صادى
واقع الحال يقول هكذا ..

_____________

التحية للاستاذة تماضر والشكر على تحياتها التى وصلتنا
عبر كريمتها المرحة الراقية سيرين..

Post: #45
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-30-2006, 12:45 PM
Parent: #25

تبلدينا
Quote: بس بالمناسبة المستنير او المدعى الإستنارة الاسمو كودى دا مالو!!
الناس دى يا دوكـ عندها شوزفرينا –

عندها.... لبطفرينيا ..... دا مرض قاعد يصيب العاملين فيها مستنيرين

Post: #26
Title: Re: سيـرين بت تماضر شيخ الدين.....حــلاة الانقليزي في خشيما
Author: Tabaldina
Date: 06-26-2006, 07:01 AM
Parent: #1

..
.
سلام يا تماضر
صراحة بعد ما ختيت مداخلتى لقيت
فى تعليقات عديدة منها تعليقكـ انت
ولم افكر فى تعديله بل اضيف :

Quote: "مادايرة سيرة بتى تتشال فى الخشوم"

بتك وسيرتها محل كل تقدير واحترام من كل الذين حضروا
المناسبة ولا اعتقد ان الموضوع اكثر من مدح من سجيمان
والله لمن بتك تحدثت انا كنت اجلس قرب سجيمان والله تعليقو القالو واقعياً
هو نفس ما كتب هنا فما العيب ..
يعنى ما فيهو كلام شين عشان كودى ينبري كانه احرص من الاخرين
والبنت لامها
والشهرة متاعب
وليس عيباً ان تشتهر او تعرف بشهرتكـ
ولا عيب مدحها كما جاء من سجيمان
ولا انت شايفه شنو!!

تحياتى؛

Post: #27
Title: Re: سيـرين بت تماضر شيخ الدين.....حــلاة الانقليزي في خشيما
Author: طارق جبريل
Date: 06-26-2006, 07:02 AM
Parent: #1

د. سجيمان كيفنك

النبي فوقكم كان كان اجلتو الاحتفال أليلكم دا لي شهر 8 ما كان حضرنا معاكم
كلام سيرين السمح دا الله يحفظها

Post: #29
Title: Re: سيـرين بت تماضر شيخ الدين.....حــلاة الانقليزي في خشيما
Author: Dr. Moiz Bakhiet
Date: 06-26-2006, 07:34 AM
Parent: #27

الحبيب سي جي

معاكم يوم السبت ان شاء الله

وفي مفاجأة بحجم الكرة الأرضية

واكبر بي كتير

ومن حسة حضر الوحي بتاعك..

التحيةلكل الرائعين بصحبتكم

وطبعاً يا سيدي

ابن الوز عوام

Post: #30
Title: Re: سيـرين بت تماضر شيخ الدين.....حــلاة الانقليزي في خشيما
Author: يازولyazoalيازول
Date: 06-26-2006, 09:07 AM
Parent: #29

الأحباب سجيمان وتماضر وخالد كودى وتبلدينا

تحياتى

شكراً يا (سجم الرماد) على البوست الحلو السجمان الرمدان زى كتاباتك (البتفرحنى) شديد والله ،

ويا خالد ، بالنسبة للغة سجيمان دى تعتبر (الإستايل) حقو ، وما فى زول قاعد يزعل منو ، إلا الزول البيفهم كلامو غلط ، وطبعاً فى ناس كتار ما قاعد يعجبها كلام سجيمان ده وبتنظر ليه بحساسية و كأنو (قلة أدب) ، وديل برضو معاهم حق ، لأنو أصلاً فى السودان كلو مافى زول بيكتب باللغة دى ، وأنا أعتبرها (محمدة وسبق) لى سجيمان ، صدقنى الزول جواه زول نضيف شديد ، بس عايز يفرحنا بى طريقتو هو

وبعدين يا خالد إنت فعلا فى مكانة خال وعم لى سيرين دى حقيقة كل العائلة مجمعة عليها ، ولذلك لابد برضو أحييك على هذا الشعور النبيل فقد قمت مقامنا تماماً رغم (سوء الفهم) الحصل

ويا تماضر ، كتر خيرك الجبتى لينا (سيرين) فى الدنيا دى ، وكتر خيرك على كلامك النبيل الوجهتيو للطرفين (سجيمان وكودى)

ويا تبلدينا ، الناس تطفى إنت تجى تولع فى النيران؟؟؟
أرجوك راجع موقفك ، وحتى لو إفترضنا كان فى سوء تفاهم سابق بينك وبين كودى ، ده ما محلو ، مع إحترامى الشديد ليك

وشكرا للجميع على (سعة صدورهم) وتفهمهم

خال سيرين

Post: #32
Title: Re: سيـرين بت تماضر شيخ الدين.....حــلاة الانقليزي في خشيما
Author: Tabaldina
Date: 06-27-2006, 00:57 AM
Parent: #30

..
.
سلام يا خال سيرين

Quote: ويا تبلدينا ، الناس تطفى إنت تجى تولع فى النيران؟؟؟
أرجوك راجع موقفك ، وحتى لو إفترضنا كان فى سوء تفاهم سابق بينك وبين كودى ، ده ما محلو ، مع إحترامى الشديد ليك

تطفئ شنو تولع شنو يا هشام !!
أساساً
وموقف شنو الاراجعو والله انا خالد كودى لا اذكر دخلت
معه فى محاورة او مناوشنة منذ امد بعيد يعنى ما عندى معاهو سوء
تفاهم سابق عشان اجى اثيره فى بوست لسجيمان ودا ولع النيران الانت بتقصدو مش الكتبتو انا
ولعلمكـ مافى زولاً رد على اسلوب كودى غير تعليقي
وكل المداخلات دى محشورة حشر ..
بعدين بطلو تطبيل لكودى دا .. جاى فارد عضلاتو ومشر
كانو سجيمان ارتكب جناية .. وانت ادرى كما تكرمت باسلوبه
وكن دا خالاً ليها شوفو غيروا ..

مع احترامي لك
وشكرا لتفهمكـ لتوليعى للنيران؛

واحد من الحضور

Post: #49
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 07-06-2006, 06:41 AM
Parent: #30

خال سيرين

شكرا بالرغم من انك قعدت تكوس للكودابي مبررات لمهاجمتي" انا برضو تفتيحة يا فردة"

Post: #48
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 07-04-2006, 06:02 AM
Parent: #29

د.معز
Quote: وفي مفاجأة بحجم الكرة الأرضية

واكبر بي كتير

ومن حسة حضر الوحي بتاعك

جيت وما شفنا اي مفاجأة؟؟؟؟؟؟؟؟

Post: #44
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-30-2006, 08:45 AM
Parent: #27

د.طارق جبريل
Quote: النبي فوقكم كان كان اجلتو الاحتفال أليلكم دا لي شهر 8

نعمل لك واحد تاني يا ددكتور.. اصلو انا قاعد فااااضي

Post: #31
Title: Re: سيـرين بت تماضر شيخ الدين.....حــلاة الانقليزي في خشيما
Author: mamkouna
Date: 06-26-2006, 06:51 PM
Parent: #1

سجم..جم..
جبت سيرة الناس كلهم..
و ما جبت سيرة مكالمتي (( المتكلفة ))..
و لا يعني عشان ما بعرف أرطن ؟؟؟

Post: #33
Title: Re: سيـرين بت تماضر شيخ الدين.....حــلاة الانقليزي في خشيما
Author: abd elmniem musa
Date: 06-27-2006, 01:23 AM
Parent: #31

اتخيلوا البوست ده بدون مداخلة خالد كودى

Post: #35
Title: Re: سيـرين بت تماضر شيخ الدين.....حــلاة الانقليزي في خشيما
Author: tmbis
Date: 06-27-2006, 06:32 AM
Parent: #33

Quote:
مثل ماتتطرح من موضوعات لايتناسب وإقحام أمثال سيرين فيها.
أتمنى أن تبتعد عن الزج بإسمها فى كتاباتك.

وشكرا.

.
.

انفصام يضاف للانفصامات السابقــــة .. والاسلوب القذر في متابعة البعض بحجة الوعــي وكلام كتير فارغ يحمله ارشيفـــه .. من عبارات نتنه في حق البعض

رأي شخصي بحت...

احترامي لسيرين وامهــا.. ودكتور عادل سجيمان ونازك بنتو..

Post: #50
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 07-06-2006, 09:25 AM
Parent: #31

ممكونة

كانت على اتصال

صوتك واللا كيروان الله مرقو من انفلونزا الطيور؟؟؟؟

Post: #36
Title: Re: سيـرين بت تماضر شيخ الدين.....حــلاة الانقليزي في خشيما
Author: Elmosley
Date: 06-27-2006, 06:51 AM
Parent: #1

سجيمان شكرا والله سيرين حلوه وامها حلوه وحبوبتها حلوه
المطرب اسمو عامر الجوهري ماعمار ياسيجي

بعدين عامر ده ولدنا وفنااااااااااان جدا وكان جاكم منزول ده يرجع للمجاملات السودانيه

وكان كمان ماجاكم ناس تانين بشيلو حالو ويقولو متعحرف وعامل فيها تسعين بي قرش

آها شوفتا ياصاحبي مصيبة الفنانين

محبتي

Post: #37
Title: Re: سيـرين بت تماضر شيخ الدين.....حــلاة الانقليزي في خشيما
Author: bayan
Date: 06-27-2006, 07:30 AM
Parent: #36

سجيمان حلاتها سيرين النسمة ربنا يحفظها

كودي اطلع من شخصية حمد الفويلح في المويلح

والا آآآآآآآآآآآآآآه ما بقيت ابو
وزدت الحيطة طوف نظام عندك عرض وكدا..
مبروك البنية وتتربي في عزكم

Post: #38
Title: Re: سيـرين بت تماضر شيخ الدين.....حــلاة الانقليزي في خشيما
Author: سجيمان
Date: 06-27-2006, 07:37 AM
Parent: #37

د. بيان

Quote: كودي اطلع من شخصية حمد الفويلح في المويلح

الله يجازيك يا بت أعمي

وانا حايم النهار كلو في الموليح وما عارف نفسي كايس لي منو؟؟.... اتاريني كايس لحمد الفويلح دا... الحمد لله

Post: #47
Title: Re: سيـرين بت تماضر شيخ الدين.....حــلاة الانقليزي في خشيما
Author: نجود حسن عبد الرحمن
Date: 07-04-2006, 04:15 AM
Parent: #38

وانا اقول سجيمان دة اتكلم معاهو وهو يردد فى اللنجليزى بتاع سيرين

قايلاهو بيقرا فى طلاسم

نكشة

تماضر سيرين الله يحفظة ليك ماشاء الله عينى باردة

شوفى عين سجيمان غايتو برسل ليك معها بخور تيمان وفحم اول ماتصل بخريها بيهو بنفعه