(الاستنســاخ)..نحـو عالم خالي من الضكور.."للكبار"

بما انو الموضوع عادي وزي الزبادي.. ومافيهو شيتن تخوّف... علا انا خفتا من شيل الحال ونقح الطار..وكتبت للكبار.... عشان ما يجي زول مستنسخ ويشيل حالي.....
ما هو الاستنساخ:-

الاستنساخ هو.... زول يمرق يشبه الزول التاني.. ويكون فيهو كل الجينات الموجودة في الاصل..وفيهو كل شي في الاصل من راسو لكرعيهو... يعني لو زول عندو تلاليش.. يطلع المستنسخ فيهو تلاليش.. نفس التلاليش يعني كانك لو انت مستنسخين منك زول كانك بتشوف نفسك في مرايا..........تلقى الزول اليشبهك دا قدامك وتعضي طرف جلابيتك وتقوم صوف و واوعى تتهابل وتقعد تضحك فيهو وتقول الزول الشين دا منو؟؟.... عشان تعرف فضل الوالدة عليك.... متحملاك بشناتك دي....والرسول قال ثم امك تلاتة مرات عشان كدي.... امك تشوفك اليوم كلو الغريبة وانت صغير تبوسك وتقرب تبلعك " حي يا يمه... قلب الوالد" وانت يبوسك العدو يا يا يابا... اما ابوك بيلقى طريقة ما يشوفك ...كل تعاطفي مع مرتك و وليداتك..دا لو طلعو ما بيشبهوك..وامك.... وتعازي الحارة لكل اهلك..وكل من يشوفك وانت قايم النوم....

كيف يتم الاستنساخ:-
المقادير:-
*خلية من جلد المراد استنساخه
*بويضة..." من اي مرا... شرطن تكون من النوع البيّاض و خالية من الامراض"
*مصدر تيار كهربائي ضعيف

الطريقة:-
احضار خلية الجلد.... ثم افراغها من النواة...وجدع النواة في الكوشة....واتاكد انو مافي كديسة جنبك ختفتها

احضار بويضة ...ثم خلع النواة.. منها...وتجدع الباقي في الكوشة برضو... وما تنسى الكديسة

ادخال نواة خلية الجلد في البويضة المفرغة من النواة..... يعني تعملها محشي...

ثم تعرضها لتيار كهربائي ضعيف... عشان تحفزها لعملية الانقسام...ثم تكابس قوام قوام وتدخلها في رحم..ثم تنمو الخلية وتنقسم... وبعد تسعة شهور وتسعة يوم تمرق الزول المنسوخ من بطن المرا الشايلاهو....ويكون صورة طبق الاصل من الزول المستنسخ... سيد الجلد.....وما حيكون فيهو التكتح من ست البويضة ولا من ست الرحم...لو كانت مرا تانية....
الملاحظ.... انو لا في حيوانات منوية ولا يحزنون... يعني الضكر ما عندو اي دور في العملية دي كلها...."مرضّن يهمشكم يا الضكور....بركة ..عشان تاني تتبوبرو وتتفلهمو" ....

مستقبل الاستنساخ:-
نسبة لعدم وجود اي دور للضكر في عملية الاستنساخ ان الاستنساخ يبشّر.. بانقراض الضكور على المدى البعيد" انشاء الله بركة سيدي الحسن يبقى صُح"....يعني متين تلتماية سنة ما حيكون في اي ضكر حايم علي ضهر الدنيا... وتكون الدنيا كلها نسوان.....اما خلال فترة هذا التطور... يبدا الضكور في اكتشاف الخطر الذي يهدد بقاءهم ويهدد بانقراضهم" ان شاء الله يقطعو نفاخ النار".. ويحاول الضكور تدقيّس الاناتي. ومحاربة الاستنساخ وانو ضد الدين وضد الانسانية لكن الاناتي مفتحات وعارفات كلو شي...وتظهر عمليات سرقة البويضات... وخطف الاناتي عشان الارحام...وكل ضكر يحاول يستنسخ نفسو.... عشان كدا بيحتاج لبويضة ولي رحم...وهو مسكين ما عندو لا دا .. ولا دا....يعني حايم ساكت.. والعجيبة متفلهم.. فوق كم يا يابا؟....ثم تتغاتت الاناتي....و تحلف ما تدي ولا ضكر بويضة واحدة....وتلقى الواحد يجكس ليهو انتاية عشان تديهو بويضة يستنسخ فيهاوتقول ليهو بويضاتي كلهن محجوزات لستة سنوات لقدام..... وتقعد كل انتاية تستنسخ من نفسها...وجحا اولى بلحم تورو....... ثم تختفي العملية الجنسية.....ونرتاح نحن و اضانا تبرد من عوك وعاك....ويضمر العضو التناسلي للضكر .. نسبة لعدم الاستعمال والتعرض للركن والاهمال.....ثم ينقرض الضكور بفعل المقاطعة المضروبة عليهم...وتصبح الدنيا كلها نسوان.. نسوان وبس....وتختفي تدريجيا الشهوة الجنسية لدى الاناتي ويظهر نوع جديد من التواصل بينهن....ويتغير السلوك الانساني للبشر..من كلو... يعني مافي عرس... مافي حفلات وبوبار....وترتاح النسوان من النبيح الفي الطهارة الفرعونية دا..النشّف ريق امة محمد....قدر مافي راجل دخّل خشمو فيهامع انها الشغلة شغلة نسوان وسونها النسوان ومنكن يوقفنها النسوان يطرشني ما سمعت براجل شال موس و طهر لو بت........وبعد مليون سنة تقعد الناس تتفرج على فلم اباحي ويضحكو في التخلف بتاع البشر زمان والقرف القاعدين يسو فيهو... ويصفوهم بالمتخلفين......ويسمو التكاثر دا بالتكاثر الغبي......والتكاثر الذكي هو الاستنساخ....

بعض التساعولات:-
لو ...واحدة استنسخت نفسها... الجلد منها والبويضة منها.. والرحم حقها..... يا ربي يقيمو عليها حد الزنا؟....يعني لا في مرواد ولا في مكحلة.....حليل زمن المراويد....علي اليمين بعد دا يرخصن رخصة يقعن في واطاة الله دي...الداير مرواد منو؟؟؟...ويطيرو وين؟

ولو واحدة برضو استنسخت راجل.... البويضة منها والجلد منو" الشغل جلود ساكت.... حليلنا نحن"..والرحم حق واحدة تانية..... يا ربي شن الراي؟؟؟؟؟؟.. زنا واللا ما زنا؟....

سي جي ..
والله موضوعك ده بيتكلم عن شنو انا ما قريتو ..
بس حبيت اخش اعلق عشان بعدين لو عملوا مسابقة وقالوا :
من هو أول من علق على بوست سجيمان بعد عودته ..
الإجابة تكون عمر الفاروق...

اها ودعناك الله النمشي نقرا موضوعك ده نشوفو عن شنو ..

الاول :- الكعب عمر الفاروق

عمر الفاروق

نعل ما زعلت يا جنا؟......... ياعاجبلك انا حساااااس

Quote: احضار خلية الجلد.... ثم افراغها من النواة...وجدع النواة في الكوشة....

الموضوع عندو علاقة بي البلـــــــــــــــــــــــــــــــــــــح ؟؟؟

لا حولاااااااااااااااااااااااااااااااااااااااااااااااااااااا


سجيمان


سلامة العودة


ويبقي تظهرررررررررر



لك مودتي

آود عمي يا ود عمي
جيت يا آلبخيت

وحشة شديدة

والله انت تمشي هوليود على تسكن في بفرلي هيلز
وتكون اغنى زول اسع دا ما فلم عديل كدا

بالله ما تغيب الناس البرسل ليهم بوستاتك دقو طااري

وين سجيمان؟ وين سجيمان,؟ التقول شيتا نعيم,,
بس!

د. بيان لك التحية والتجلة والاحترام

Quote: والله انت تمشي هوليود على تسكن في بفرلي هيلز

هيع.. بفرلي هيلز بالشنقيطي.....

سيف خليل

Quote: سلامة العودة ويبقي تظهرررررررررر

الله يسلمك ويحفظك يا رب......والظهور.... كل ما القى طريقة بظهر

حيث ان حوالي 98% من الصبغات الوراثية توجد في النواة وهي الاساسية في عملية الاستنساخ....لقد قمت بتعديل جزء من البوست.... قد كتب خطاء...... عذرا

الكعب عمر الفاروق

Quote: الموضوع عندو علاقة بي البلـــــــــــــــــــــــــــــــــــــح ؟؟؟

الموضوع عندو علاقة باللالوب.....واللالوب بدور كاسو

سجيمان
مشتاقين


في حاجتين نسيتِن:
أول حاجة الزول المستنسخ بيعمل نفس عمايل الأصل
يعني إذا كان الأول بيكتب في الانترنت التاني برضو بيجي يكتب
وبكون عارف الباسويرد..
تانيا، أول حاجة بيكتب فيها (النسخة) هي موضوع الاستنساخ..

وبناء عليه..
وبما أن سجيمان الأصلي اختفى منذ مدة..
فما بعيد يكون البيكتب دا هو سجيمان (جونير) أو النسخة التانية.

نطالب بعودة سجيمان الأصلي.

عبد الله عقيد

وحات الله قايل نفسي رديت عليك امبارح....وفعلا رديت لكن يمكن ما مشا.... انت عارف جايبين لنا تلفون من ناس كنار.... الصفحة تفتحها وتمشي تصلي العشا وتجي حتين تلقاها فتحت.... شكيتهم لي الله.... علا عندهم مناديب مبيعات صلاتي علي ابو ابراهيم.... يخلنك تشتري بلا غرد....

سجيمان

جيدا جيت يا البخيت

حبابك عشرة بلا كشرة

يعنى تجى كده بلا احم ولا دستور

والله ليك وحشة

قرشو

Quote: يعنى تجى كده بلا احم ولا دستور والله ليك وحشة

انا من زمان جيت علا كنت لابد........انت برضو وكلكم ليكم وحشة... الله يسعلني

والله تغيب وتجى والبوامة نفس البوامة.....الله يعينا عليك....

جنس شوق واحد،،،،،

ود عمي
كلامك دا ان طلع صح امانة ما وقع ضكر وانا اقول النسون مالن متغيرات علينا الايام دي الله يكضب الشينة

متوكل مالك

Quote: كلامك دا ان طلع صح امانة ما وقع ضكر وانا اقول النسون مالن متغيرات علينا الايام دي الله يكضب الشينة

نضمي اصلو صح......وانت في وانا في والاستنساخ في.....لكن اسحن لهن والله

.

سجيــــــــمان :










...

gamal elsadig


تسلم..... يا يابا

الاكبر مني صديق الموج

Quote: والله تغيب وتجى والبوامة نفس البوامة.....الله يعينا عليك.... جنس شوق واحد،،،،،

البوامة زادت... وكمان جابت لها عوارة معاها....اسكت! المديدة قربت تشقني غايتو البقت عليّ

Quote: ثم تكابس قوام قوام وتدخلها في رحم

يا راجل

حمدآ لله علي السلامة يا سجيمان ..

Quote: ثم تكابس قوام قوام وتدخلها في رحم

يازول اصلو الرحم دا هامل كدي مرمي جنبك فوق التربيزة ..

الزميلة صباح احمد

يظهر انا جيت لقتك عاملة لوق ون في الجهاز وبديت اكتب باسمك.... انا اتحمل كل ما كتبته باسمك ومسعول عنو كامل المسعولية واعذريني عليكي الله

منير

Quote: يازول اصلو الرحم دا هامل كدي مرمي جنبك فوق التربيزة

صدقت والله...مرمي الله ما بترفع

Quote: وبناء عليه.. وبما أن سجيمان الأصلي اختفى منذ مدة.. فما بعيد يكون البيكتب دا هو سجيمان (جونير) أو النسخة التانية. نطالب بعودة سجيمان الأصلي.

عقيد .. نرحب بسجيمان جونيرا كان أو سينير ..
أصلا كان أم مستنسخ

سي جي

أخبار مضارب الرباطاب .

dear C.G.
salaam
i heard that Michael Jackson is cloning himself as a middle aged white female and listen to this
there is strong rumour saying that there are some ingaz mujaheddin are trying to raise funds so that they can colone al marhoum haj nour
i hope i will die before that day
akhouk dr mustafa Mahmoud

السلام عليكم
سجيمان
كَدي النسلّم عليك أول بالتبادي
وبعدين نجي نشوف الموضوع شنو
....
ياخي فقدنك عديل كَدي
وخفنا يكون (ولاد) النور قدروا يطمموا بطنك ويسكّتوك

إفتقدنـاك يا سجيمان ..هل نجح (أبناء النوروالصَفَويون) ف...فاء بسمة هذا المنبر

هــــــــــــــــيع
انا عارفهم ما بيقدروا عليك
بس فقدناك وحمد لله على السلامة
بجيك صادي

......
وما الناس إلا هالك وأبن هالك *** وذو نسب في الهالكين عريق

Quote: بما انو الموضوع عادي وزي الزبادي.. ومافيهو شيتن تخوّف... علا انا خفتا من شيل الحال ونقح الطار..وكتبت للكبار عشان ما يجي زول مستنسخ ويشيل حالي.....

حالتك دي ؟؟؟!!!!.

هو شيل حال ساكت ؟؟؟؟؟؟؟؟..

الله يديك العافية آ سيدنا سجيمان عليه أمان الله وسلامه.

وحمد لله على سلامة العودة .. الدار بلاك خلا !!!!!!!..

خضرعطاالمنان
[email protected]

خضر عطا المنان

Quote: وحمد لله على سلامة العودة .. الدار بلاك خلا !!!!!!!..

والله يا خدر....وماك طالبني حليفة... كانت خلا بلاك انت.....وبركة الجيت

الزووول........ السمح

Quote: وخفنا يكون (ولاد) النور قدروا يطمموا بطنك ويسكّتوك

افو....... آآآآزول ما تخاف علي..انا اطممم بطن قبيلة كاملة

دكتور مصطفي محمود

Quote: heard that Michael Jackson is cloning himself as a middle aged white female

خلا الرجالة كلو كلو؟؟؟؟؟؟؟....... براحتو والله.." وجه يقرقر"

Quote: some ingaz mujaheddin are trying to raise funds so that they can colone al marhoum haj nour

يعني دا احسن من الرجال الماتو ديل كلهم؟؟؟؟؟؟؟؟......الله يقدرنا حشمنا

.." وجه يقرقر"

اهلا منير بعد القرقراب

ابو جهينة الحبيب

Quote: أخبار مضارب الرباطاب .

كلو تمام في تمام... حر.... وعدم مطر....ومحل

حمزاوي
ازيك

Quote: يا راجل

انت قايل نضمي دا كضب؟

يا ربي النضم دا بيبقى صح؟؟؟؟؟؟...غايتو جنس هم

د. عادل كيفنك
انت يا اخوي مالك مع الضكور ديل

والله يا سيجيمان ده مشروع فيلم كارب زي ما قالت بيان
حقو تسجلو بي اسمك سريع سريع
لكن يا دكتور بتجيك الافكار دي من وين
بجيني احساس احيانا انك بتل.....ها

د.والي الدين الفكي

Quote: حقو تسجلو بي اسمك سريع سريع لكن يا دكتور بتجيك الافكار دي من وين بجيني احساس احيانا انك بتل.....

اسجلو وين؟؟؟؟؟؟...................... وبعدين احساسك ما صاح

د.طارق جبريل

Quote: انت يا اخوي مالك مع الضكور ديل

ترانا غايتو قاعدين نتقرب من الاناتي..............

سجيمان إزيك ياخوي؟

عاوز أسألك سعال معليش بره الموضوع حبة؟

إنت دكتور؟

لو الإجابة نعم؟

إنت سجم الرماد؟

لو الإجابة نعم ؟

طيب ما ...؟ القصة غريبة فعلا





تح ي ا ت ي


عصام أو ممكن عضـــام

سي جي

مراحب ومراحب

الحق سجل براءة الاختراع لمشروع الفيلم الذي سيحوز علي جائزة الاوسكار عام 2008

الله يديك العافيه

حبابك مليون يا سي جي

و الله انت فلتة يا دكتور. و صدّقني أنا ما بمزح يا د. عادل، مثل ما صرّح د. عبد الله صدّيق
عبد الله قبلي، الجزء المتعلٌّلق بمستقبل الاستنساخ دا يصلح يعملوا منّو فيلم كوميدي. و حكاية تسجيل ال copyright دي ما تستهونها. لانّوا لو ما قمت بيها الّاّن و في زول سرق الفكرة دي اضافة لبعض المواقف الكوميديّة المستوحاة من قطعتك النثريّة دي و عمل منّها سيناريو و باعو لمنتج سينمائي بمئات الاّلاف من " الضورارات " انت بيكون حقّك الأدبي راح شمار في مرقة. و ما تنسي في أفلام كبيييييرة : Block Buster Movies , اتعملت من مجرّد نص كوميدي صغير، يعني مش سيناريو جاهز. أها يقوم واحد يقرأ النص و بيكون عندو صلات في هوليود يقوم يستفيد من علاقاته الاجتماعيّه و يلقي ليك سيناريست من الطراز الأوّل يعمل ليك منّها سيناريو يمخول و يقومو المنتجين السينمائيين يتضاربو في حق شراء السيناريو منّو.

تعرف ياد. عالدل، أنا عائش عنا في لوس أنجليس، كاليفورنيا. عملت adaptation لي قصّتين وردتا في كتاب كليلة و دمنة و أضفت ليها ما يعادل التصف من التقاصيل الجديدة و عملت ليك من كل تلك التوليفة كتاب سمّيتو: "The True Friends ". و طبعا أنا ما نسيت أسجّل ال copyright للقصّة
في The Library of Congress في واشنجطن. أنا طبعا مقتنع أنّو القصّة الكتبتها دي تصلح يعملو منها سيناريو و و بالتالي Animation Movie للأطفال. و صدّقني أنا مقتنع لو ال Animation Movbie
بتاعي دا اتعمل حيكون Block Buster Animation Movie

أها الحق يا د. عادل و قوم باللازم عشان حقّط الأدبي دا ما يضيع و يجي زول تاني مئات
الاالف من " الضورارات " الأمريكيّة، و انت ذي ما قلت ليك سابقا تروح فيها ساكت.

ولو عاوز تتصل بي عشان نتعاون في المسألة دي فعنواني الالكتروني هو: [email protected]

بس في الأوّل نبهني عبر الماسينجر. و أعطيني clues ل عنوانك البريدي لأنّو أنا ما بفتح الايميلات بتاعتي من طرف.

Best Regards.0


Tariq A Al-Fazari

ود زينب

ود زينب.... خوفتني رسمي..... اها يلا انت ساعدني.... رسل لي في الماسنجر.. كل شي بتعرفو...

ود زينب.....

مالك كما هببتو لي يا اخوي؟؟؟

د.عبد الله صديق

Quote: الحق سجل براءة الاختراع لمشروع الفيلم الذي سيحوز علي جائزة الاوسكار عام 2008

غايتو انا تراني وصية ود زينب...يوريني الدرب

عصام احمد

Quote: طيب ما ...؟ القصة غريبة فعلا

وريتك الحاصل في بوست تاني

دكتور عادل ... قدمت شرح مبسط و جميل لمعلومة علمية معقدة ... خلايا الجلد حصرا‘ ؟ أم أن تكون خلية جسدية تحتوي 46 كروموسم.. و ليست تناسلية تحتي 23 كروموسوم ...
العود أحمد ...

د/ عادل سلامات ياخوي
بـــــــــــركة الجيت

............
ياحليل زمن بريم الشنب
والقحة نص الليل وياولية املي الابريق

سجيمـان،

قبل ما أعلق، أول نصيحـة أخويـة.. حصل سجل الفكـرة دى بسـرعـة.. العالم هنا تماسيـح والفكـرة ظاهـر عليهـا خصبـة وأصليـة.
حصل يا زول ولو درت مسـاعـدة ما عندك مشكلـة..

الأخ سجيمان
تحياتي وودي وتقديري

Quote: وتدخلها في رحم

يعني المره ممكن تستفيدمن تقنية من دقنو وأفتلو..تاخد من جلدها وعندها الرحم تحمد الله..ويبقي الضكر في الحالة دي مخلوق تمامة عدد..الله يستر مايجي يوم الحروم ديل يفكننا عكس الهواء.
البوست دا أحسن تدسوا قبل ما الحكاية تتعرف وتبقي جنيت على ضكور العالم..بعدين نحن كلنا الضكور عارفين الحكاية دي بس داسنها منهن..شلاقتك دي حتلغي وجودنا..

أسمع يا أخي الحبيب د. عادل: يا صاحب الخيال الخصب، شايفك تجاهلت الرد علي مداخلتي أعلاه و
لم تأخذ نصائح الأخت ييان، و د. ولي الدين مأخذ الجد.

أها يا زول: تاني ما تجي تقول : كاني ماني ( دايرين واحد سوداني مقدّدا يشفّر لينا عبارتي: كاني ماني ) أنا بقوم من دوري دا أترجم خلاصة الفكرة الدراميّةالواردة في نصّك أعلاه للغة
الانجلبزيّة. و أبعث الترجمة ل Library of Congress
United States Copyright Office

و ارفاق الزسوم اللازمة التي لا تتجاوز السبعين " ضوراراتي " في أسوأ التقادير.

و بعد شهرين كدا استلم ال copyright
و أقوم أعرض ليك " فكرتي الدراميّة " هذه علي كاتب Script , Script writer من المستوي البيطلقوا عليه: Top of the line .

و أكيد ال Script حيكون شيئ ما اعتيادي. و أقوم أعرض ال Script لأكبر شركة انتاج سينمائي
أمريكيّة. و عشان هم عارفين القيمة الفنيّة العالية لل Script بتاعي و خايفيني أقوم أعرضه
للبيع لشركة انتاج سينمائي منافسة، حيعرضوا علينا ( أنا و كاتب ال Script ) رقم خيالي يصل لحوالي المائتي ألف " ضورار ". أها أقوم أوافق، و أصبح ثري بين عشيّة و ضحاها و انت تكون ما جايب خبر، و حقّك الأدبي و المادّي يروح " شمار في مرقة ".

و بعد سنة تقريبا يتم عرض الفيلم السينمائي علي دور العرض السينمائي في كل أنحاء المعمورة.
و يكون بطل الفيلم: Jim Carrey . و يكتب النجاح الباهر للفيلم. و تكسب شركة الانتاج السينمائي التي اشترت منّي ال Script مئات الملايين من " الضورارات " . و أصبح أنا صابح أفكار دراميّة يشار اليه بالبنان في أمريكا و العالم قاطبة. و انت تكون ما جايب خبر. و لا تزال تنشر أفكار
الدراميّة الرائعة علي الصفحات الأسفيريّة السودانيّة. و مش بعيد أحصل للمر!ة الثانية علي فكرة درامية جهبوذة من بنات أفكار الكاتب الدرامي الكوميدي الما جايب خبر. و توتا توتا تتكرّر الحدّوتة. و شهرتي تطبق الاّفاق. و ذي ما بيقوللو: القانون يكافئ المغفّلين.

أيه رايك يا د. عادل في السيناريو دا؟

أنصحك للمرّة الثانية أن تعير هذه المسألة اعتبارا كبيرا,

طارق الفزاري

ود زينب

اخوي سجيمان

كدي مسعول من الخير , ماممكن يستنسخوا الجنين في الداخل بدل واحد يعملوهم سته مره واحده, عشان النسوان يرتاحن من تعب الولادة, ونحن كمان جيبنا ما يقده بالسمايه يعني تسمي مرة واحدة وخلاص

سيف مساعد

Quote: كدي مسعول من الخير

وانت مسعول من الخير......مالك ما بترد علي.....؟؟؟؟

ود زينب شكرا للمرة التانية...نحن في الالنتظار

نيل1

Quote: وعندها الرحم تحمد الله..ويبقي الضكر في الحالة دي مخلوق تمامة عدد

تماة عدد شنوووو؟...... ح يكون مافي كلو كلو.... ضكر بباح

ابو الريش

Quote: حصل يا زول ولو درت مسـاعـدة ما عندك مشكلـة..

داير مساعدة بالحيل..... اها شن الشورة؟

شمهروش ...حبابك عشرة

اميرة عبد الرحمن

Quote: دكتور عادل ... قدمت شرح مبسط و جميل لمعلومة علمية معقدة ... خلايا الجلد حصرا‘ ؟ أم أن تكون خلية جسدية تحتوي 46 كروموسم.. و ليست تناسلية تحتي 23 كروموسوم ... العود أحمد ...

انا اقد خليه جسدية لكن حددت الجلد لانو قريب...في خشم الباب... شكرا لالقاء الضوء اكثر على الموضوع

تحية طيبة للجميع

عارف يا سجيمان فى الراديو سمعت انو Jim Carrey عندو فيلم جديدعن

Quote: مستقبل الاستنساخ

قصة الفيلم بتدور فى المستقبل، حيث اصبح التكاثر بالاستنساخ، و الرجال

بيتباعوا فى المحلات . لو لقيت تفاصيل اكتر عن الفيلم اكتر بجيكم بيها

محمد الامين

تعرف الخواجات ديل اصلو ما يدونا طريقة معاهم.....

للتنبية فقط

فلقد كتب مداخلتى قبل ان اقراء مداخلة الاخ wedzayneb

و الخبر سمعتو فى الراديو، و ما مجرد هظار

محمد الامين

Quote: و الخبر سمعتو فى الراديو، و ما مجرد هظار

اريتو كان بقى هظار

غايتو الليلة احتليت البوست ده عديل كده

الفيلم اسمو Used Guys

من انتاج The 20th Century Fox Movie

كان من المفترض ان يبداء التصوير فى 11 يونيو 2006

و لكن تم التأجيل الى يونيو 2007

الميزانية المرصودة كانت 112 مليون دولار

من المفترض ان يشارك فى البطولة ايضا

Ben Stiller



Emily Mortimer



قصة الفيلم باختصار

تدور الاحداث فى المستقبل، حيث تكون السيطرة للنساء، و الرجال يباعون
و يشترون كالسيارات، و ينتجون عن طريق الاستنساخ. يبحث (Jim) و (Ben) فى
الفيلم عن مكان يدعى (مانوبيا) حيث يكون الرجال فيه ما زالوا رجالا.

المصدر

www.jimcarreyonline.com

up

الأخ د. عادل،

أهـم شئ فى الأول تسجيل الفكـرة فى هـذا الموقـع المعترف بـه فى المحاكـم الأمريكيـة، مجانـا و أونلاين:

http://www.wga.org/subpage_register.aspx?id=1183

وبعـد ذلك يمكن قراءة المواضيـع ذات الصلـة بحمايـة الأفكـار فى هـذه المواقـع:

http://en.wikibooks.org/wiki/Movie_making_manual

http://www.tms.org/pubs/journals/JOM/matters/matters-9410.html

أيضـا يمكنك إرسـال الإسكربت (النص) لى وسـيسعـدنى أن أقوم بتسجيلـه بإسمك فى مكتب الكوبى رايت الفدرالى.. وأنسـى حكـايـة ال 30 دولار :-)

وشكـرا يا ملك..

سلام د. عاجل و الأخ الكريم: محمّد الأمين أحمد.


د. عادل:

اّمل أن تكون اطّلعت علي الماسينجرات التي بعثتها لك؟

الأخ محمّد الأمين:

مداخلتك قيّمة للغاية. استغرب كثيرا لهذا المستوي الكبير من توارد الخواطر. كتب الأخ سجيمان بوسته البديع عن الاسنتساخ. و أفاده أكثر من شخص بصلاحيته لاستخلاص فيلم سينمائي كوميدي منه.
و لمّا تأخّر د. عادل في الرد علي مداخلتي، خرجت له بسيناريو لحضّه لأخذ المسألة مأخذ الجد. ورد ضمن السيناريو الذي دبّجته اسم الممثل الكوميدي الهوليوودي، ذو الأصل الكندي" جيم كيري ، كبطل للفيلم المزعوم.

و ها أنت ، أخي محمّد تأتينا بوثائق لفيلم فانتازيا كوميديّة يجري انتاجه الاّن و تحتوي فكرته علي موضوع الاستنساخ و تم التعاقد مع النجم الكوميدي الشهير: جيم كيري ليقوم بالدور الرئيسي فيه.

المطلوب الاّن مطالعة الحبكة الدراميّة لهذا الفيلم جيّدا. و اذا تأكّد شكل من التطابق بين فكرة الفيلم و الفكرة الرئيسيّة في موضوع الأخ سجيمان، فذلكم يعني أنّ د. عادل لن يستطيع الزعم باسبقيّة فكرته الدراميّةعلي فكرة الفيلم قيد الانتاج,حتي لو قام بتسجيل حق التأليف: The Copyright لنصّه موضوع السؤال. لنتحرّي، اذن بدقة عن هذه المسألة قبل أن نمضي قدما في مسألة تسجيل ال Copyright لنص د. عادل: الاستنساخ.


طارق الفزاري

ود زينب

سجيمان .. مشتاغوووون

و فى ذاك الزمن و قبل إنقراض الضكور يمكن ان تسمع الحوار التالى:

سوسو: هسّع يا فيفى الود دا المكسّرك فيهو شنو؟
فيفى : العاجبنى فيهو تخانة جلدو .. يجنن

حمد الله على سلامة العودة و مبروك التبرّك بالهمر