Post: #1
Title: عــــيــــنـــي........... رفـّـــــت
Author: سجيمان
Date: 03-08-2003, 05:31 AM
ان رفّت عينك من فوق........ داير تشوف زول عزيز عليك....وانا عكس الناس اول ما ترف من فوق.....وافتح التلفزيون القناة السودانيةالاقي لي عمة كبيرة... ملفلفه وابحت... وابحت تحتها و يا الله و يا امين حتين الاقي وشي حسين خوجلي ...والله يطلع لي قدوم في وشي والاقيهو دا بابكر حنين......وان رفّت من تحت داير تبكي...وانا ان رفت من تحت طوالي تقع فيها ناموسة...ان ايدك اكلتك في بطنها..... جاياك قروش.....وان في طرف اصابعينها... داير تدفع.... الغريبة انا كل ما اشوف سيد البيت الأنا مأجرو.. اصابعين ايدي يا كلني.... حتى لو كان نص الشهر....ونادر ما ياكلني بطن ايدي.....زمان في المدرسة قاعد ياكلني بطن ايدي وبعدها طوالي باخد لي عشرة جلدات فيها.....وان صلبك رفا يعني داير تلبس شي جديد. بنطلون والله ردا...لكن انا ان رفّ ... اعرف انو الملاريا محمداني... وفي انتظار الحقن....وبرضو بطن الكراع ان اكلك.... داير تلبس جزمة جديدة والله شبط...والله سفنجة..... انا ان اكلني بطن كراعي.... اعرف انو في مشوار ابن كلب حامشيهو كداري..والله ان بقيت في البلد يا النبي نوح.. من العقرب...وان رفّت شلوفتك... الفوق... داير تشرب شربات سمحة....وان رفت التحت داير تاكل شيتا سمح......انا ان رفت شلوفتي الفوق اصبح.. شلوفتي وارمة وتكون لمت فيها حشرة في الليل وانا نائم قرصتني فيها..والله ادخل في شكلة وتكون في بُنيّة في انتظاري....وان رفت التحت اشيل هم والله....... لانو الصعوط حيتقطع ويمكن اقعد يومين تلاتة... خرمان....
الايام دي.... رأسي كلو... قاعد يرف.. و...الله يكضب الشينة
|
Post: #2
Title: Re: عــــيــــنـــي........... رفـّـــــت
Author: أبوالزفت
Date: 03-08-2003, 06:44 AM
Parent: #1
مسكين سجيمان
صغير وجاهل
حنفتقدك كتير
راسك كلو بيرف
ده ما قطع الراس
خلى بالك من راسك
يابو راس رفراف
|
Post: #3
Title: Re: عــــيــــنـــي........... رفـّـــــت
Author: shiry
Date: 03-08-2003, 07:31 AM
Parent: #2
ٍسلام مربع
سجيمان
راسك برف ح تلبس عمه جديده
لكن طولها ح يدخل الارقام القياسيه ليجينس
لحد هنا وبس التفسير
لكن لبس العمه دي ح يعقبو شنو
الله اعلم
ممكن تكون البديل لترباس
او حسين حسين خولي
والله كان مشت معاك كويس
ح تبقي مدير البرامج في تلفزيون السودان
اقول اسمو ولا بلااااش
|
Post: #4
Title: Re: عــــيــــنـــي........... رفـّـــــت
Author: garjah
Date: 03-08-2003, 07:50 AM
Parent: #3
مكرر
|
Post: #5
Title: Re: عــــيــــنـــي........... رفـّـــــت
Author: garjah
Date: 03-08-2003, 07:51 AM
Parent: #3
راسك بيرف.....ما تمشي تحت الحيطة بتاعت ناس علوية.....جنها تكب الملاح البايت بفوق الحيطة
|
Post: #8
Title: Re: عــــيــــنـــي........... رفـّـــــت
Author: سجيمان
Date: 03-08-2003, 12:00 PM
Parent: #5
لا لا يا قرجة....... الملاح البفوق للحيطة ما برف راسي براهو....... قاعد يرف كتفي........معاهو
|
Post: #7
Title: Re: عــــيــــنـــي........... رفـّـــــت
Author: سجيمان
Date: 03-08-2003, 11:50 AM
Parent: #3
والله يا شيري نضمك اخير من نضم اخوكي ابو الزفت الداير يقطع راسي...... ويخليني امشي بلا راس....... لكن ناسك ديل كلهم ما بينفعو معاي....امشي لفوق شوية...... وفوتي وزير الاعلام.... وعند اول لفة اخدي يديك اليمين....واول بيت.... بابو اخدر علية ايد مرسومة من دم خروف مضبوح.....انا قلت خروف خليكي شاهدة....دقيهو..... بيجيك مارق زول.... اختفي عمتو وجيبيها لي....
عرفتي شي؟
ما ظانيتك
|
Post: #6
Title: Re: عــــيــــنـــي........... رفـّـــــت
Author: سجيمان
Date: 03-08-2003, 11:43 AM
Parent: #2
والله يا ابو الزفت دا النضم الخايف منو انا
|
Post: #9
Title: Re: عــــيــــنـــي........... رفـّـــــت
Author: albagir altahir
Date: 03-08-2003, 03:33 PM
Parent: #1
هههههههههههههههههههههههههههههههه
والله يا سجمان كان كده اسم علي مسمي صح سجمان ورمدان
وأن رفت أضانك
تلاقيك مرة تقولك وا سجمك وا رمادك
دي نسيته مالك
|
Post: #10
Title: Re: عــــيــــنـــي........... رفـّـــــت
Author: سجيمان
Date: 03-08-2003, 04:16 PM
Parent: #9
الباقر........ اضنيّ ما برفن ...... اصنيّ برخن......الاضنين البرفن الزي اضنيك ديل........ العاملات كدا زي....... مرايات الداتسون........ههههههههههههههه......ما تزعل اضنيّ اشنا منهن
|
Post: #11
Title: Re: عــــيــــنـــي........... رفـّـــــت
Author: wadaldeem
Date: 03-08-2003, 05:15 PM
Parent: #1
ياسجيمان حدد راسك بلف ولا برف انا شاكى انو بيكون بيلف,,اكان برف دا ماعندو علاج اكان بيلف دا التلفت الكتير زااااااتو هاااااااااايكة
اخوك ودالديم
|
Post: #12
Title: Re: عــــيــــنـــي........... رفـّـــــت
Author: سجيمان
Date: 03-08-2003, 05:58 PM
Parent: #11
ود الديم.......... لا برف.... ما بلف.....اها شن رايك فيهو؟
|
Post: #13
Title: Re: عــــيــــنـــي........... رفـّـــــت
Author: أسامة ميرغني عبد الرحبم
Date: 03-08-2003, 06:19 PM
Parent: #1
أنتو الناس هنا كلها دمها خفيف كده؟
أنا قبل ما أدّى رأى في حكاية راسك دي حأسألك سؤال: دحين راسك مشعّف ولا كده؟
|
Post: #14
Title: Re: عــــيــــنـــي........... رفـّـــــت
Author: سجيمان
Date: 03-08-2003, 06:55 PM
Parent: #13
يا اسامة.......... راسي مشعّف ايوا.......وحالف ستين يمين ما احلقو.....انت عندك فكرة في الحلاقة وكدا؟
|
Post: #15
Title: Re: عــــيــــنـــي........... رفـّـــــت
Author: أسامة ميرغني عبد الرحبم
Date: 03-08-2003, 08:02 PM
Parent: #1
يا أخونا سجيمان ....ماعندي فكرة في الحلاقة..لكن رفت الراس يعني حتمشى الحلاق..وربنا يجعله خير لأنو في احتمال تاني انّو...ولاّ مافي داعي نخوّفك خليها علي حكاية الحلاقة
|
Post: #16
Title: Re: عــــيــــنـــي........... رفـّـــــت
Author: تراث
Date: 03-08-2003, 11:15 PM
Parent: #15
أهلااااا ياسامة
سعيدين برويتك معنا في هذا البورد .
كيف طليت وجيت ياعزيز ؟
معك عثمان تراث من اليمن والجندرية (أماني) . ستصادفنا كثيرا هنا وسنجدك وشكرا لسجيمان الذي جمعنا في هذا البوست وشكراُ للزعيم المحبوب بكري ابو بكر ، ماذ1 لو تواصلناعبر الماسنجر لتعرف اخباركم بالتفصيل انت وازهري .
|
Post: #17
Title: Re: عــــيــــنـــي........... رفـّـــــت( الي عثمان تراث
Author: أسامة ميرغني عبد الرحبم
Date: 03-09-2003, 07:09 AM
Parent: #1
التحية لك وللاسرة..والشكر للمهندس بكري أبوبكر الذي أتاح هذه الاطلالة لنا.....وأنا لما أشتركت في البورد كنت عارف انه حيكون اطلالة علي الأصدقاء القدامي المشتتين في المنافي ووسيلة لاعادة الاتصال....واله ياأهل هذا البيت لا تستهينوا بهذه المزية من مزايا البورد........وسأكون علي إتصال يا عثمان....
By the way my e.mail is listed in my profile. Although I prefer to communicate in Arabic here, but I am very slow in Arabic typing...it takes me time to write few lines.
|
Post: #18
Title: Re: عــــيــــنـــي........... رفـّـــــت
Author: أبوالزفت
Date: 03-09-2003, 07:10 AM
Parent: #1
اهم حاجة انك ما تكون فى السعودية والباقى كلو هين
|
Post: #19
Title: Re: عــــيــــنـــي........... رفـّـــــت
Author: سجيمان
Date: 03-09-2003, 07:13 AM
Parent: #1
اسامة.....ان شاء الله تكون حلاقة ما تكون حاجة تانية
تراث...حبابك
|
Post: #20
Title: Re: عــــيــــنـــي........... رفـّـــــت
Author: garjah
Date: 03-09-2003, 10:37 AM
Parent: #19
منك جكة يا سجومي...
بتمشي مني وين عاد بي هناك وبي جاي
.انت عارف اي حاجة بترف بيكون عندها ثابت بترف منو....يعني الشلوفة واحدة بتكون بترف والتانية بتسف...النخرة فتحة بترف...والتانية بتنف...بس راسك ده الثابت بتاعو شنو؟؟؟؟؟
؟؟؟؟؟
؟؟؟
؟
|
Post: #21
Title: Re: عــــيــــنـــي........... رفـّـــــت
Author: سجيمان
Date: 03-09-2003, 04:17 PM
Parent: #20
ابو الزفت........والله في قلبها
قرجة........... يا قرجة انا بتكلم جد...... اصلو راسك مارفّ قبل كدا؟
الراس الثابت بتاعو اظنو الرقبة........والله شنو؟
|
Post: #22
Title: Re: عــــيــــنـــي........... رفـّـــــت
Author: BAKTASH
Date: 03-09-2003, 05:25 PM
Parent: #21
الظاهر انك ح تجيب قون روسية يعني عدادك رااااامي ما تنسانا يا أخي
|
Post: #23
Title: Re: عــــيــــنـــي........... رفـّـــــت
Author: سجيمان
Date: 03-09-2003, 05:34 PM
Parent: #22
باكتاش...... قون روسية؟............. نحن ما بنقول روسية........ نحن ناس البشير اتلافاها بي راسك
|
Post: #24
Title: Re: عــــيــــنـــي........... رفـّـــــت
Author: BAKTASH
Date: 03-09-2003, 05:48 PM
Parent: #23
انت الظاهر راسك قوي ...الجماعة ديل شيلهم من راسك خالص..يعني بتلافوك آزول
|
Post: #25
Title: Re: عــــيــــنـــي........... رفـّـــــت
Author: SAMIR IBRAHIM
Date: 11-02-2003, 04:45 AM
Parent: #24
السي جي مان........ الله يكفينا شر رفة العين....
|
Post: #26
Title: Re: عــــيــــنـــي........... رفـّـــــت
Author: الزنجي
Date: 11-02-2003, 07:49 AM
Parent: #1
سجمان الخوف لفه الراس دى تكون انت جاى من حجه قسيمة !!!!!!
|
Post: #27
Title: Re: عــــيــــنـــي........... رفـّـــــت
Author: Amin Elsayed
Date: 11-02-2003, 04:11 PM
Parent: #26
أمشي للشيخ الجعلي في كدباس, يمكن تخلي السجم البتشربو قبل تدخل البورد
|
|