Post: #1
Title: امـــــرأة......مهلــــــوسة.... بالطـــــلاق
Author: سجيمان
Date: 05-15-2003, 03:07 PM
الراجل.... الكلمة والتانية... علي الطلاق..... علي الطلاق....المرة ديك جاني قال لي معليش يا محاسن..... انتي طلقانة..... لانو انا حلفت بالطلاق انو الكورة تطلع درون.... وطلعت اتنين واحد....لا وشنو؟ جايب معاهو راجلين شهود علي الطلاق....قعدنا كدي لمن مشينا تاني ورجعني..... المرة القبالها.... قومني من نومي نص الليل ..... وبرضو قال لي معليش انتي طلقانة..... لاني انا حلفت طلاق ... لعمر... اني اديتو بنت الشيريا... وهي كانت بنت ديناري.... في الكوشتينة..... عليكم الرسول في زول يهجموهو ويصحوهو من نومو ويقولو ليهو انت طلقانة. وحات الرسول يا اخواتي قربت انشلا.......حسي باقي لو فرد طلقة.....قدر ما قلت لو يا محمد يا اخوي..... انت سيدي الحسن دا مالو مسوينو لشنو؟... ما عشان يحلفو بيهو... في جنس شغلتك دي.. اكان ماك داير سيدي الحسن..... الشيخ الجعلي...غايتو تراني حسي.. مستفة هدومي في شنطتي..... وراجياهو يجي داخل.... غايتو ان جا ومعاهو نفرين.... الرماد كال خشمك يا محاسن......وياها الطلقة الما بعدها رجعة.... غايتو يومو داك قرررررررب يسويها...ونحن قاعدين نتغدا.... علا انا لحقتو وحشرت ليهو الرغيفة في خشمو قبال ما تمرق منو كلمة الطلاق. يعني علا انا اشيل لي كيس رغيف واقعد اباريهو يا اخواتي؟.....غايتو كان الطلاق دا سوهو للنسوان.... وحات المكاشفي اصلي ما بجيبو في خشمي....
اها تراهو جا..... معاهو طلاقين وحات الله.. بجلاليبهم وعمههم.... الليلة وا سجم خشمك ووا رامادك يا محاسن......الليلة يا كي اتطلقتي واترميتي....واتجدعتي.........كدي نسوي لهم..... الشربات... يمكن يهدوهو.....وينضمومعاهو نضما سمح......
يا محاسن انتي جنيتي.؟... بتسوي في الشربات بدل السكر ملح؟
|
Post: #2
Title: Re: امـــــرأة......مهلــــــوسة.... بالطـــــلاق
Author: KOSTA
Date: 05-15-2003, 03:12 PM
Parent: #1
سيجو
طلااق سايقولو طلاق
ات يوم بطريقتك دى الا تجيبها انصاص الليالى لاهلها
|
Post: #3
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-15-2003, 06:04 PM
Parent: #2
كوستا...... يا الحبيب..... انا داير الناس تخلي حليفة الطلاق البلا سبب دي...ويحلفو بسيدي وسيدك الحسن
|
Post: #4
Title: Re: امـــــرأة......مهلــــــوسة.... بالطـــــلاق
Author: noon
Date: 05-15-2003, 06:31 PM
Parent: #3
سلام
لاكن ما مبالغة يا سجمان واللة انا من ما قريت البوست بتاع الزول الراكب راسو وانا بضحك ...و على قول محاسن سيدىالحسن دة سوة لى شنو ...
.. تحياتى
نون
|
Post: #5
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-15-2003, 07:01 PM
Parent: #4
عليكي الله يا نون ما اخير الزول يركب راسو..... من يقعد يحلف طلاق بسبب وبدون سبب؟
|
Post: #6
Title: Re: امـــــرأة......مهلــــــوسة.... بالطـــــلاق
Author: noon
Date: 05-15-2003, 07:18 PM
Parent: #5
مش كدة عليك اللة خصوصا فى الزمن العلينا ده ...بل المناسة اناكل يوم راكبة عربيتى وزهجانة ما عارفة مالى اتارينى كنتا بركب راسى
...تحياتى
|
Post: #7
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-15-2003, 07:34 PM
Parent: #6
على حسب نوع الحوامة...... لو بالليل معناها انتي ركبتي راسك واصبحت عضوة في رالي الراس........
|
Post: #8
Title: Re: امـــــرأة......مهلــــــوسة.... بالطـــــلاق
Author: HOPELESS
Date: 05-15-2003, 10:23 PM
Parent: #7
| Quote: قدر ما قلت لو يا محمد يا اخوي..... انت سيدي الحسن دا مالو مسوينو لشنو؟... ما عشان يحلفو بيهو... في جنس شغلتك دي.. |
هههههههههههههههههههه لوووووووووول
دي بالغت فيها ... اتم ضحكتي وارجعلك
|
Post: #9
Title: Re: امـــــرأة......مهلــــــوسة.... بالطـــــلاق
Author: Hozy
Date: 05-15-2003, 11:16 PM
Parent: #1
الاخ اللذيذ سيجمان
انت والله عندك قدرة عجيبة في النقد الساخر
وتنسيق الكلمات
ماجربت تكتب قصص او نصوص
تنفع كاتب سينمائي
حوارات سينمائية؟
شفت كيف
تحياتي
|
Post: #10
Title: Re: امـــــرأة......مهلــــــوسة.... بالطـــــلاق
Author: HOPELESS
Date: 05-15-2003, 11:24 PM
Parent: #9
الاخت هوزي
بالغت والله عدييييل كدا
هسي الزول دا يسمع كلامك دا بكرا يقول يسيب الغناء ويتجه للتمثل وناس تماضر والشله ياكلو عيش من وين مانعرف
|
Post: #11
Title: Re: امـــــرأة......مهلــــــوسة.... بالطـــــلاق
Author: Hozy
Date: 05-15-2003, 11:51 PM
Parent: #10
Hopeless
والله دي حقيقة والله
عنده كتابات عجيبة والله
يتكاتف مع الجماعة هو يكتب ليهم
وناس تماضر والباقيين يمثلو
وكان عاوزين انا بخرج ليهم
|
Post: #12
Title: Re: امـــــرأة......مهلــــــوسة.... بالطـــــلاق
Author: noon
Date: 05-16-2003, 00:18 AM
Parent: #11
لا يا اخوي حوامت الليل دي ما تبعى كفاية علىحوامت النهار... اصلو اختك خوافة بلزات من الحرامية ما تشوف الفصاحة دي
لكم ودي...
نون
|
Post: #14
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-16-2003, 05:08 AM
Parent: #12
والله يا نون دايرة الجد؟.......... الحرامي بيخوف
|
Post: #13
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-16-2003, 00:37 AM
Parent: #10
بارك الله فيكي يا اختي هوزي.... والله زماااااان وانا في المدرسة المتوسطة.... جربت اكتب شعر..... واول قصيدة كانت...
جضيماتك..... جضيماتك
حلاتن...... وحلاة لقيماتك
جلدوني عشرة جلدات.....والمدرس الجلدني جزاهو الله خير قال لي..... خمسة للضيمات..... وخمسة للقيمات
ومن ديك ولحسي..... علا كان في البوردات دي.... وانا متاكد في ناس هنا لو لمو في..... حيدوني علقة بت ابوها
|
Post: #15
Title: Re: امـــــرأة......مهلــــــوسة.... بالطـــــلاق
Author: willeim andrea
Date: 05-16-2003, 10:15 AM
Parent: #1
up
|
Post: #16
Title: Re: امـــــرأة......مهلــــــوسة.... بالطـــــلاق
Author: cola
Date: 05-16-2003, 11:40 AM
Parent: #1
سجيمان نحسدك على خيالك الواسع ماشاء الله عليك
لكن حقيقى ده طبع فى السودانيين وحاجة بايخة جدا
وان شاء الله الناس تترك العاده السيئة ده وترتقى ولا حلفان الا بالله العزيز القدير وحتى عادة الحلفان بالاسياد لاتجوز
معالجة جميلة منك ياسجمو
|
Post: #17
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-16-2003, 03:07 PM
Parent: #16
وليم اندريه.......... تحية وتقدير
كولا............ من شر حاسد اذا حسد....... وبعدين الحليفة بالطلاق دي.... بعد شوية حتى النسوان حيحلفن طلق.... بس طول بالك
|
Post: #18
Title: Re: امـــــرأة......مهلــــــوسة.... بالطـــــلاق
Author: noon
Date: 05-16-2003, 03:50 PM
Parent: #17
سلام تانى...
واللة يا سجيمان الاستاذ بالغ معاك عليك اللة اداك عشرة سيطان بس ...انا لو محلو بديك عشرين سوط خمسة للجضوم و15 ىل القيمات... اظن اليوم داك كانت ضارباك جوعة و بردة من حوامت الليل و ركبان الراس قولت اخير افكها في بت الناس دي
|
Post: #19
Title: Re: امـــــرأة......مهلــــــوسة.... بالطـــــلاق
Author: سجيمان
Date: 05-16-2003, 07:49 PM
Parent: #18
القصيدة..... عملتها وانا في بيتهم.... هي اخت واحد كان صاحبي........كان عازمي شاي....مغرب وجابت معاهو لقيمات....... فكانت هذه التائية
|
Post: #20
Title: Re: امـــــرأة......مهلــــــوسة.... بالطـــــلاق
Author: SAMIR IBRAHIM
Date: 10-01-2003, 10:47 PM
Parent: #1
الحبيب السي جي مان
رقم البعد برسل سلامي.......
|
|