Post: #1
Title: قـــــررت.......ان......اعـمـــل.... شــحــاد
Author: سجيمان
Date: 05-28-2003, 06:10 AM
شغل قريب العشرين سنة... وجاري ريقي ناشف...والحال ياهو زاتو الحال... الفقر لاصق فوقي.... لصقة عدوك.....قلنا نغير شغلتنا دي ما منها فايدة وما جايبه همها.... ندخل سوق الله اكبر..... لكن ما عندي راس مال.....الحل شنو؟..... اشتغل شحاد... ما دايرة راسمال ولا حاجة.....ولا ضرائب....ولا في زول يقول داير منك حاجة...وحيدور شنو من شحاد.....؟.. لكن لابد من خطة عمل.....واضحة المعالم والاهداف....اختيار مواقع الشحدة مهم جدا جدا... الصباح... كباري امدرمان...اقيف برا الكبري واشحد الله تحصل زحمة او اكون اتفقت مع بتاع الحركة وليهو عشرة في المائة من المحصول بس هو يعطل الحركة...والف انا على العربات عربية عربية....دفار لا.... امجاد لا... حافلة لا....موديلات قديمة لا.... لحدي الساعة تسعة صباحا.... بعد كدا اتجه الي السوق.....الخرطوم السوق العربي... لحدي الساعة واحدة ونص وامشي اربط في الكباري برضو بالاتجاه العكسي لحدي الساعة تلاتة ارجع لوليداتي محمل مكمل......
اسلوب لشحدة حيكون.... ادرار الشفقة... ثم الترهيب والترغيب.... حيكون في شكل مدايح نبوية...... للفت الانتباه اكتر......يعني مثلا.... اقف جنب عربية والله دكان واقول..............
البيدي بالدولار
يا الله تتم ليه
اللي نبيهو زار
يا الله تتم ليه
المابيركب حمار
يا الله تتم ليه
اب جضوما كبار
يا الله تتم ليه
طبعا زولنا في اللحظة دي يكون اتنفخ واتبسط... ويحلف حرام الا يديني بالدولار.. وقت انا عشمت فيهو كدي.....ويناولني.. وهو يقول لي الله يفتح عليك يا شيخ سجيمان..ودعواتك معانا عليك الله...........طبعا ما كل الناس حتدي.......في ناس جلود وقحوف....وديل استعمل معاهم الارهاب المديحي....واول ما يقول لي الله يدينا ويديك وينهرني....... طوالي اقلب المدحة......
علم السلب والنصب
لغة السوق... العربي
المضارع و... الماضي
يا المنفوخ في الفاضي
باكر تقيف قدام القاضي
وتتعلم .......... الادبي
علم السلب... والنصب
لغة السوق.... العربي
حرف العلـــــــــــة
يا........ علــــــــة
انت اريتك.. بالعلة
ما بتدينا انت ان شاء الله
بالقمل....و..... الجربي
..... برضو النسوان ليهن ... نصيب ....والواحدة فيهن ان سخت.... بتدفع صاح.....واي واحدة حاركز في المدحة على انها ضغيرة...وسمحة...واي زول ممكن يتكسر فيها......
قالو النور....... قطع
وانتي جضمك ولع
ضرسي الزاد وجع
في ريدك قلبي وقع
وسط اخواتها ما بتجعجع
للمال.....ما..... مابتجمع
حلقها.... تريان ما لعلع
وللقراصة ...ما..... بلع
ويا هووووووووووووووي هووووي
في ريدك قلبي وقع................
قالو النور قطع
.......................
.....................
.....................
واستمر في المديح....واشكرها لمن تفتر.... و تناولني ...الفيهو النصيب وتقولي لي.... اديني فاتحة مجيهة كدي.... انو ربنا يحقق لي الفي مرادي....وانا اقرا الفاتح واعاين للقروش في ايدي واقلبن عشان اشوفن كم.........
برضو في نسوان ....ما بيدن....ولا مليم...وكعبات ويجيبن الفقر.... للقرن الافريقي كلو...... زي دي اول ما تقول لي الله يدينا ويديك.. والله تطنش وتعمل نفسها ما شايفاني... اقلب علي مدحة السوق العربي...........
علم السلب... والنصب
لغة السوق .... العربي
نون النسوة... يا انتي
شحت الله... يا انتي
يالبتشبهي..... القرنتي
انتي............ تسختي
..و يقوم......... لك ضنبي...
.
علم السلب.. والنصب
لغة السوق....... العربي
تاء التأنيث.... يا كروره
يالما ضقتي عرس الكورة
ان شاء الله تلم فيك.... بورة
والزمن يديكي..... بالكعبي
.................................. وطبعا لازم تنوع في المدايح...وكل يوم شكل جديد... وحاكون مشهور جدا......كاحسن شحاد للالفية التالتة.....وفي الخرطوم بالذات.....وبعد شوية ما حاحتاج امدح زاتو .... لانو الناس اول ما يشوفوني طوالي حيدوني.....ويمكن كمان يرسلو لي حقي وانا نائم عند اهلي ووسط ووليداتي.....ولازم احاول اطلع تسريح....بمزاولة المهنة رسميا......واقوم بعمل اللازم لحماية نفسي من الناس النفسهم صغيرة......ويكون عاوزين ينتهجو نفس المنهج ويشحدو زيي..... مافي مشكلة بس انا كمؤسس لهذه الطريقة.... لابد من دفع مبلغ معلوم... كل يوم..... لي....واعمل نقابة... شحادين السودان.....وشعارها حيكون القرعة.... واكون انا اول نقيب للشحادين في السودان......الله يقدم ما فيهو الخير
|
Post: #2
Title: Re: قـــــررت.......ان......اعـمـــل.... شــحــاد
Author: HOPELESS
Date: 05-28-2003, 07:05 AM
Parent: #1
السيد نقيب شحادي السودان
ارجو منك التكرم والنظر لطلبي هذا بعين الاعتبار والشفقه
الرجاء ضمي لنقابتكم في اسرع وقت
عشان عندي باقي يناء بدور اكملو يا ريس
انت عارف يا شيخ المداحين انت كدا بتعادل رئيس الدوله
لانك نقيب الشعب السوداني كلو
هو في سوداني ما بيشترك في النقابه دي
والله انا خايف عمنا عمرو ينافسك في الشغلانه دي
|
Post: #3
Title: Re: قـــــررت.......ان......اعـمـــل.... شــحــاد
Author: ابو جهينة
Date: 05-28-2003, 07:37 AM
Parent: #2
سجيمان
نقابتك دي بالإنتخاب ولا التعيين.
لو إنتخاب مافي شحاد حيجي يضيع وقتو في التصويت و الترشيح. أحسن يتم التعيين من السيد النقيب رأسا.
ممكن تمسكني شئون قطاع السوق العربي ؟
|
Post: #7
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 08:11 AM
Parent: #3
ابوجهينة رايك شنو نمسكك..... شئون المطار برتبة شحاد سياحي؟
|
Post: #6
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 08:06 AM
Parent: #2
عليك الله يا هوبليس.... ما تسيس لنا الشغلة من حسي..... يقوم حسي يضيفوها في اجندة المباحثات في ماشكوس..... يعتبروها من ضمن توزيع الثروة
|
Post: #4
Title: Re: قـــــررت.......ان......اعـمـــل.... شــحــاد
Author: كوليل
Date: 05-28-2003, 07:59 AM
Parent: #1
سجيمـــــــــــــــان
والله أحسن ليك شغلت الليل لانو الليل بارد
مالك ومال الشمش الحارة دى
خليك ذول عاقل
(لاكن أنا عندى ليك شغلة أسمح من كدة ومريحة )
|
Post: #5
Title: Re: قـــــررت.......ان......اعـمـــل.... شــحــاد
Author: shiry
Date: 05-28-2003, 08:05 AM
Parent: #4
سلام مربع
هوي ياسجيمان ابعد من سوق بدر شنا
ومن دكاني بتاع الحاجة الباردة بالذات
لانها بصراحه موش ناقصااااك
يعني موش ناقصه
كجه
اصلها الحالة رمدانه
مامحتاجه لمدحتك دي
|
Post: #8
Title: Re: قـــــررت.......ان......اعـمـــل.... شــحــاد
Author: ابو جهينة
Date: 05-28-2003, 08:15 AM
Parent: #5
سجيمان
أنا موافق ، بس إشتراكات النقابة بدفعا ليك بالدينار. عشان باكر ما تجي تقول لي أدفع باليورو ولا العملة الصعبة.
|
Post: #10
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 08:49 AM
Parent: #5
شيري الرائعة........ ازيك.......انا بجي الدكان وما طماع.... تسقينا انا والولد القايدني حاجة باردة ...وبس
|
Post: #9
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 08:28 AM
Parent: #4
كوليل.....كوليل ليل كوليل ليل...او ليل ليل.......... دي غنية بالمناسبة ما مدحة
|
Post: #11
Title: Re: قـــــررت.......ان......اعـمـــل.... شــحــاد
Author: 3omda4
Date: 05-28-2003, 10:22 AM
Parent: #1
سجيمان عندي ليك فكرة
خت ليك صرافة دفع الكترونية عشان اليقول ليك ما معاي قروش في يدي
قول ليه هاك اصرف لي من بطاقتك هنا طوالي اهدي الصرافة
ولك التحية
____________________
اه يا دنيا
|
Post: #16
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 09:07 PM
Parent: #11
يا عمدة................ والله فكرتك دي في السلك..... تصدق انت عندك افكار نيرة ومربحة...... خلاص عيناك مستشارنا الاقتصادي
|
Post: #12
Title: Re: قـــــررت.......ان......اعـمـــل.... شــحــاد
Author: 3mak Hasabo
Date: 05-28-2003, 10:47 AM
Parent: #1
الرائع شحيدان الرمدان اقصد سجيمان الرمدان
اسمع انا ما ح انافسك فى الخرطوم لكن عاويز توكيل بقية الولايات كلها
|
Post: #19
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 10:26 PM
Parent: #12
عمي حسبو............... رايك شنو نديك ..توكيل شحادين لما وراء البحار؟
|
Post: #13
Title: Re: قـــــررت.......ان......اعـمـــل.... شــحــاد
Author: alfatih
Date: 05-28-2003, 01:17 PM
Parent: #1
سجيمان
....اقول ليك حاجة...
إنو في منظمة الله كريم الدولية
وصلت اسهما 73000000
وعشان ناس هوب ليس ما يشوفوك
احسن تسرب ليهو معلوماتك تحت تحت
و اوصيك ابعد من البت الشريرة المهترشة
شيري ...دي بتعرف ناس المنظمه كلهم
اخيرا ....خليني امسك ليك العصاية
ابو القدح بعرف محل بعضي اخو
|
Post: #14
Title: Re: قـــــررت.......ان......اعـمـــل.... شــحــاد
Author: Dr_Bringy
Date: 05-28-2003, 02:25 PM
Parent: #13
سجيمان والله انت متفائل ربنا يديك العافية
الظاهر عليك نسيت ناس الضرئب والجمارك والزكاة والحاجات الكتيرة ديك
لكن تعرف عشان برامج الشحدة ده يكون ناجح لازم تشوف ليك زول عندو ضهر في الحكومة دي عشان يعمل ليك اعفاء جمركي وضريبي ويديك حق الاحتكار
|
Post: #21
Title: Re: قـــــررت.......ان......اعـمـــل.... شــحــاد
Author: سجيمان
Date: 05-29-2003, 05:16 AM
Parent: #14
دكتور برنجي........ تعرف البرنجي احسن سجاير شديد.......... الله يرحم ايام زمان....زمن اللالوب بيكوس ناسو.......قلت لي ضرايب؟ وجمارك؟...... حتى الشحدة دايرين تصعبوها علينا؟ الله يقطعنا ويقطع يومنا
|
Post: #18
Title: Re: قـــــررت.......ان......اعـمـــل.... شــحــاد
Author: HOPELESS
Date: 05-28-2003, 10:22 PM
Parent: #13
الفاتح اخوي
شكلك والله اعلم ماقريت المؤسسين لمنظمه الله الكريم الدوليه كويس
دي انت عارف رئيسه منو...؟
دا ما انا بس طبعا داخل عليهم اندر كفر
ودا كلام تحت تحت ما يتسرب بالله عشان زولك يلمها ويجييبه للفيل يطاها ويطاهم معاها
وطبعا اخر السنه ارباحهم حتكون الله كريم وربنا يفرج هموم المسلمين..والله يدينا ويديكم
في ارباح احسن من الدعوات دي
اها ماعندك قريشات تجينا بيهن..؟
|
Post: #20
Title: Re: قـــــررت.......ان......اعـمـــل.... شــحــاد
Author: سجيمان
Date: 05-28-2003, 11:37 PM
Parent: #13
يا الفاتح اخوي............. كل ما ادور ارد عليك..... ينط علي ابو القدح بتاعك دا...... يظهر عرف مكان يعضيني وين...... الله يستر
|
Post: #15
Title: Re: قـــــررت.......ان......اعـمـــل.... شــحــاد
Author: bushramk
Date: 05-28-2003, 06:34 PM
Parent: #1
ياباشمونس....لازمك كفيل جبه..هجى ياخد التلتين ويديك التلت
|
Post: #23
Title: Re: قـــــررت.......ان......اعـمـــل.... شــحــاد
Author: سجيمان
Date: 05-29-2003, 08:32 AM
Parent: #15
بشرى ماك....... كفيل في شنو؟ البشحد انا... والبيدوني ماهم دايرنها تاني...... يكفلني في شنو؟... عليكم الله ما تصعبو علينا الشحدة نقوم نغير راينا ونشتغل شغلة تجيب لنا كبة
|
Post: #17
Title: Re: قـــــررت.......ان......اعـمـــل.... شــحــاد
Author: Abdalla Gaafar
Date: 05-28-2003, 09:13 PM
Parent: #1
سجيمان
كالعادة نبحث عن الجمال عندك
لك الود والسلام
الا ياخوي الفقر لامن يلصق بالذات في بعض الناس مش كان اغتربوا والله اشتغلو شحادين مابنفك من رقبتم والله كان لميتا بلايين تلم فيها مصيبة تفرزعا واسع عليك الله مع الشحادين الملو البلد تلقي ليك حتة تقيف فيها وين والله انا خايف وقفتك يجو يشحدوك
غايتو الا كان تمشي الاقاليم
والله اقولك احسن تجرب دفتر دبلكيت وكربون و حكاية عندنا جامع داير نبنيهو ودي ممكن تبداها من محلك وتواصل في السودان بس اهم حاجة الجلابية والعمة التمام والدقن الكبيرة
لك الشكر
عبدالله جعفر
|
Post: #24
Title: Re: قـــــررت.......ان......اعـمـــل.... شــحــاد
Author: سجيمان
Date: 05-29-2003, 11:08 AM
Parent: #17
عبد الله جعفر........لكن حكاية الجوامع دي ما بقت مكشوفة.......
|
Post: #22
Title: Re: قـــــررت.......ان......اعـمـــل.... شــحــاد
Author: noha_g
Date: 05-29-2003, 06:13 AM
Parent: #1
و الله بس الله يديك العافية
ههههههههههههههههههههه
|
Post: #25
Title: Re: قـــــررت.......ان......اعـمـــل.... شــحــاد
Author: سجيمان
Date: 05-29-2003, 07:42 PM
Parent: #22
نها...... الله يعافيك
|
Post: #26
Title: Re: قـــــررت.......ان......اعـمـــل.... شــحــاد
Author: ودرملية
Date: 05-30-2003, 00:28 AM
Parent: #25
سجيمان
دي شديدة
كم كرت عليك الله
مبالغة انت
اقول ليك حاجة
انت عسل والله العظيم
وفاهم كل شي لكن عامل لينا فيها سجيمان
والله انت مجيه جيها يعلما الله
شكرا ليك
وربنا يخلي ليك البجيبو الكلام دا طالع من راسك اب تلاتة اضنين دا
قول لي اخبار تالتة اخواتة شنو
|
Post: #27
Title: Re: قـــــررت.......ان......اعـمـــل.... شــحــاد
Author: HOPELESS
Date: 05-30-2003, 04:05 AM
Parent: #26
ودرمليه
والله مجيه دي عجبتني ... جبتها من وين..؟
اوعي تكون انت كمان برضك مجيه
الجيهه الجهجهت سيده يا بركت سيدي الحسن
مش الجماعه ديل برضو خاتنهم لجنس الحليفه دي يا ود يا سجمو..؟
|
Post: #28
Title: Re: قـــــررت.......ان......اعـمـــل.... شــحــاد
Author: Abdel Aati
Date: 05-30-2003, 09:14 AM
Parent: #27
سي جي مان
تحياتي لك
بقدر ابداعك
عادل
|
Post: #31
Title: Re: قـــــررت.......ان......اعـمـــل.... شــحــاد
Author: سجيمان
Date: 05-30-2003, 01:17 PM
Parent: #28
حباب عادل.......وشكرا لك.... وما طول الغيبة
|
Post: #30
Title: Re: قـــــررت.......ان......اعـمـــل.... شــحــاد
Author: سجيمان
Date: 05-30-2003, 01:14 PM
Parent: #26
ود رمليه..... تالتة اخواتها؟...بعد شوية حيبقن بنات نعش....
|
Post: #29
Title: Re: قـــــررت.......ان......اعـمـــل.... شــحــاد
Author: Agab Alfaya
Date: 05-30-2003, 09:42 AM
Parent: #1
تعرف يا سجم الرماد
انك قاعد تقوم باصعب مهمة فى المنتدى دا
انك بضحك الناس وبتغسل عنهم عرق معافرة الدنيا
ومناقرات الكلام فى السياسة
الله يديك العافية وما يحوجك لزول
|
Post: #32
Title: Re: قـــــررت.......ان......اعـمـــل.... شــحــاد
Author: سجيمان
Date: 05-30-2003, 01:50 PM
Parent: #29
عجب العافية...... شكرا......وانت برضو ان شاء الله ما يحوجك لزول
|
Post: #33
Title: Re: قـــــررت.......ان......اعـمـــل.... شــحــاد
Author: Adrob wad Elkhatib
Date: 05-30-2003, 02:41 PM
Parent: #32
الاخ سجيمان
خلينا ليكم كل التخصصات من طب،وصيدله واقتصاد ،بقيتو تضايقونا حتي في الشحده
|
Post: #34
Title: Re: قـــــررت.......ان......اعـمـــل.... شــحــاد
Author: سجيمان
Date: 05-30-2003, 09:29 PM
Parent: #33
ادروب........ تعالو انتو ضايقونا في الطب والصيدلة والاقتصاد... الاحماكم منو؟
|
Post: #35
Title: Re: قـــــررت.......ان......اعـمـــل.... شــحــاد
Author: طيفور
Date: 05-30-2003, 09:47 PM
Parent: #1
اها يا ثي جي
انا ببقي ليك عكاز
لكين لي عثره% عثان
انا ثاحبك مث؟؟؟؟
|
Post: #36
Title: Re: قـــــررت.......ان......اعـمـــل.... شــحــاد
Author: سجيمان
Date: 05-30-2003, 10:00 PM
Parent: #35
طيفوووووووووووور....... حبابك لك وحثة يا راجل
|
Post: #37
Title: Re: قـــــررت.......ان......اعـمـــل.... شــحــاد
Author: Yasir Elsharif
Date: 05-31-2003, 09:05 AM
Parent: #1
سجيمان
لك الود وتعيش
وسلامي لهوبليس القال ليك
Quote: انت عارف يا شيخ المداحين انت كدا بتعادل رئيس الدوله
لانك نقيب الشعب السوداني كلو |
|
Post: #38
Title: Re: قـــــررت.......ان......اعـمـــل.... شــحــاد
Author: سجيمان
Date: 06-01-2003, 06:47 PM
Parent: #37
دكتور ياسر......... خلونا نشحد ونشوف اكل عيشنا بالله
|
Post: #39
Title: Re: قـــــررت.......ان......اعـمـــل.... شــحــاد
Author: HOPELESS
Date: 06-03-2003, 04:56 AM
Parent: #38
اقتراح
اقترح انشاء جمعيه ادباء الشحادين
تقوم بتأليف قصائد مدح وزم خاصه للشحده يراعي فيها الزمان والمكان والمشحود منه وساعة الشحده
الرجاء السرعه في التسجيل .. الوظائف محدوده
-
|
Post: #40
Title: Re: قـــــررت.......ان......اعـمـــل.... شــحــاد
Author: سجيمان
Date: 06-03-2003, 04:58 AM
Parent: #38
نرفعو كان يتلقي رجل اعمال يمول المشروع
|
Post: #41
Title: Re: قـــــررت.......ان......اعـمـــل.... شــحــاد
Author: rani
Date: 12-07-2003, 07:27 AM
Parent: #40
هههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
قالو الضحك الكتير ما كويس لكن نعمل
شنو مع السيجيمان داهههههههههههه
الله يديك العافية
|
Post: #42
Title: Re: قـــــررت.......ان......اعـمـــل.... شــحــاد
Author: ASAAD IBRAHIM
Date: 12-08-2003, 04:43 AM
Parent: #41
الاخ سجيمان.
رجائي لا تحرمنا من هذه الطلات المتميزة بين فينة واخري
مع الشكر
|
|