منـتهـى..... الاسـتكـرات

الواحد يشعر بالحزن للشيالين.... البيشيلو للفنانين.... لانو الجماعة البيشيلو لهم كلهم بقو يغنو...... بالاوركسترا.... ولو في حاجة فيها شيل.... يجيبو لهم تلاتة بنيات..... ويقعدن يشيلن...... المحزن حقا.... انو ناس ترباس وعبد الوهاب الصادق..... لما ظهرو... استكرتو... و دقسو... الجماعة ديل.....الواحد يقول لك الاغنية من اداء كمال ترباس.....ولما تسمع الغنية تلقى ترباس ما قال فيها الا كلمة واحدة...و الباقي كلو يقولوهو الشيالين....وياريت لو الغنية حقتهم الغنية تكون بتاعت فنان رحل.....و عقابو ما خلى ليهم التكتح....وجو الجماعة الما عندهم في الفن غير عمتهم الكبيرة دي.....وخاتم قدر البونية....واستولو على حق المساكين ديل....
انا بقترح علي اخوانا الشيالين.... الاكانو طول الليل ينبحو ويكوركو... والفنان قدامهم.... ما بيسوي في أي حاجة غير انو يوزع بسماتو لبنات الشيخ في الحفلة.....ويقول لو كلمتين تلاتة في الغنية....وبس...... بقترح عليهم انهم يشتكو الجماعة ديل...ويطالبو بحقوقهم المادية ... باثر رجعي ...واي اغنية يغيروها.... وبدل ما يقولو اداء حسين شندي...... يقول اداء الشيالين..و تنوين حسين شندي....
لكن الشفوت.... ناس الغنا الجماعي.... طلعو مفتحين...... وبقو كلهم يغنو مع بعض....ايوا عشان مافي زول يستكرت التاني... ويتكل عليهو... مع انو ممكن يكون في واحد معاهم يفتح خشمو ويقفلو ساكت بدون ما يقول أي حاجة....زينا زمان في المدرسة لما ما نكون حافظين الاناشيد.....نفتح خشمنا ونقفلو مع الجماعة....ولو اتكرمنا نقول الحرفين الاخيرات من البيت......جو ناس عقد الجلاد... والسمندل... والهيصة الاخيرة دي.. ومش عارف ايه؟.....وتلقى معاهم بنية.......فجأة تلقاها في نص الغنية.... طلع صوتها..... زي الغنماية الخانقها الحبل....ميييييييييييغ مييييييييغ.....بعدين حردت منهم وقالت بدل ما انا امغ مغ وسط الرجال ديل .... اخير لي امغ مغ براي......
وظهرو الجماعة بتاعين المرووق....ديك..... جايبين مروق ومقطعنها... وكافينها على بطنها....ويدقو فيها..... ومعاهم واحد... الله اعلم بيخوفهم وشغال معاهم رجاااااااالة كدا. لابس نضارات جيمس بوند.. ما عندو أي شغلة غير يشيل عكازو دا ويقعد يهدد فيهم بيهو.... زي بتاعين السيرك ..... و المجنن كديستي انهم جنهم بحر وموية... تلقى البنت خايضة في الموية لنصها....وتقعد تكورك ..... خلي العيش حرام ما دام ارى الموت يحيل...
ما بين الرميش فوق الطريف الكحيل....والكميرا تروح جايبه لنا عيونها...مليانات فحم....وهي تقعد ترمش بلا سبب.وبعد شوية يجيبوها قاعدة فوق جُضُل في طرف البحر وتتهبب بطرف توبها وتسوي في احي يا يمة يا التكرورة احي يا يمة يا التكرورة ..... انا قلت يا ربي تكون التكرورة دي شردت مع عوض بتاع الشوايقة؟..والجماعة ديل برضو.. في مملكة الحيوان يكونو في راس قائمة الطفيليات... الغنية ما حقتهم...و المروق ما حقتهم.... والبحر ما حقهم. والرموش بتاعت بناتهم زاتها ما حقتهم....الله اعلم ديل عصابة....وزعيمهم الزول ابعكاز...دااااااااااك

سجمــــو ... انــــى اشــــتم رائحة كمـــونية

يكون دا باقي عشـــى الشيــالين .. ياربي؟؟

الاخ الكريم سجيمان
كلام فى المليان
لكن يا خوى كان الغنوة سمحة ومجودة ما فى عوجةخلى الشيالين يشيلوا وكل زول ياخد حقه،علا العوجة كان الغنوة ذاتهامسيخة وممصمصة
ويقول ليك
دة ابداع
على ياخوى بدور اسعلك
الجضل دة ما عرفته،عشان نحن ما ساكنيم جنب البحر
والتكرورة دى برضها اشكلت على

تسلم
وتبرا من السجم

تحياتى

ياخي حرام عليك يا سجم الرماد منال بدر الدين تقول عليها غنماية
اليوم داك في قناة النيل الازرق جابوها في حلقة عن الفنان الراحل
العاقب محمد مع سيف الجامعة وواحد كدا صوته شديد
اها المهم البتاعة دي بقت ما تقول ميييييييع بقت تقول موووووووااا لكن والله غنت لي فيروز في الصيف والشتاء الخالق الناطق بس هيام يونس تقول
بمناسبة الشيالين حصل اتعشيت مع الشيالين عليك الله يا رمدان والله العالم ديل هدافين تهديف الواحد راس حربة عشان كدا ليهو حق الفنان ما يديهم حاجة لانه دايما فاضحنه مع اهل العرس الواحد بعد العشا بقرطع الباقة براهو تقول كباية حليب كرطع كرطع ااح
المفروض يخصموا منه ما يدوهو قروش

اساسي....... اكلت معاهم لكن يا اخي في واحد كان طوالي صاري لي

مهيرة
أرجو أن تسمحي لي بالرد على سؤالك الموجه في سقف مرمي الأخ سجيمان فالجضل عبارة عن جزع شجرة أو ما تبقي من الجزع أو الساق بعد أن تقطع الشجرة يبقى في الأرض جزء منها يشبه تلك الخشبة التي يكسر عليها الجزار اللحمة ، وهو عبارة عن كرسي أو بنبر للجلوس حسب ما جاء في موضوع سجيمان وقد إستعاض شباب العاصمة العاطلين عن العمل والمتعطلين عن ذلكم الجضل بلساتك العربات التي يتم غرسها في الأرض للجلوس عليها ، وقد كان لنا في الحي جار يكره شباب الحي لذلك كان يسكب لنا زيت الفرامل وباقي الطايوق في اللستك حتى لا نتمكن من الجلوس ومع ذلك كنا نقوم بغسل اللستك نكاية في الرجل ورغبة في الجلوس وذات مرة هاج وماج وقال لنا عطاله أنا ما عايز إزعاج وهذا حقه بالطبع فتجرأ أحدنا ورد عليه قائلاً ده حي شعبي يا حاج من الصباح بصحينا سيد اللبن وتاني ما في نوم ولو ما عايز إزعاج شتت شوف ليك بين في درجة أولى.

اهه يا مهيرة........ الملة عمر ما قصر معاكي تب.........

هوب ليس...... الفناين والشيالين ما بتعشو كمونية يا الغبيّان.....

عرفته يا اخوي

بيتعشو فونت كلر=رد سيز=4

وبعده تحليه صح؟؟

أخي سجيمان
حتى الفن والفنانين لم يسلموا من سجمك ده ، صحيح هذا واقع وواقع وقعه سوداء كمان لكين حاول تقرطس الكلمات شوية يعني الزمن عاوز كده وإن كنت أتفق معاك من وراء حجاب إلا أنني أخشي عليك وعلى مؤيديك من أن يهدر دمك لقول الحق ، وأهو ده نوع الكلام المر لأنه حقيقه والحقيقة لو ختيت ليها رطل سكر برضها ما بتعجب وتكون مرة.
بس فات عليك إنو الغناء الجماعي لم يتم إبتكاره للأسباب التي تفضلتم مشكورين بذكرها الغنا الجماعي يا فرده سببو إنو الناس النفس عندها بقي قصير يا دوب يقول أه ولو فكر يقول أنا آه إلا يعملوا ليهو تنفس صناعي ، عشان كده شيلني وأشيلك واحد يقول أه التاني يقول أنا التالت يقول آه وأهو نوع من التعاون والتعاون من فرق شمبات على ما أظن ، شمبات الحلفايا ما فرقت.
سؤال أخي سجيمان العسكري ممكن يكون شاويش والكمساري ممكن يكون سواق وصبي الميكانيكي ممكن يكون ميكانيكي ليه الشيال ما ممكن يكون فنان رغم إنو هو الشايل الحفلة والأغنية وعدة الشغل كمان.
سجيمان خلاص يا فالح مبسوط بعد ما سجمتني معاك

الملا......والله فكرت في كلامك مظبوط ولقيتو فعلا صجيج مائة المائة..... الناس فترانة....ويا الله الواحد يفتح خشمو...... والشافع لما يدور يشهق علا امو تفتح لو حنكاتو.... الله يمون في العون

الحمد لله المابقينا شيالين . كان عندي فرصة أبقى شيال . ووعدوني بالترقية إلى مساعد فنان في بحر خمسطاشر سنة كان أثبت ليهم مواهب متفردة . لكن القسمة

غايتو أنا متحيز لهذا الموضوع الجيد والمطرح طرح أجود

أخوى سيجمان


أبو عكاز دا
البروفه حقتو كيف ؟
اظن بالبسطونه
والعكاز لزوم حفظ المقامات ولا انا غلطان



السجم يكيل عدوينك

درنقوس....... العكاز لحفظ المقامات عرفناهو.... نضارة جيمس بوند لشنوووووووووو؟

مسعول من الخير يا اخوي......درنقوس يعني شنو؟

سيجمان


سجم خشمى بقيت مابتشوف ولا .... شنو
درنقوس الاولى قلنا يمكن تكون دلع وبينى وبينك لاانت بتقدر ولا انا استاهل
درنقوس التانيةالبتسعل من معناها الله الكريم ببركتهايكفيك شر السعال
كدى البس نضارة الانسان النصف الالى يمكن تعرف انها دورنقاس

اهل عوض........والله كان احسن لك مليون مرة من الغربة

سجيمان
انهم يتبنون نظرية التعاون

عارف،، عقد الجلاد بالذات مستثناة
لأنها تعرف ماذا يعني الغنا الجماعي
ثم أن الأصوات منتقاة بعناية
وبالنسبة لصوت منال بدر الدين،، رغم حبي له،، لكني سمعت الكثير من الانتقادات حوله
والناس امزجة

اقترح تطبيق نظرية الشيالين على الكورة السودانية
بما أن 11 لاعب ما قادرين يشيلوها،، نجيب ليهم دعم فني
الشيالين يشوتوا الكورة
واللاعب الأصلي يقول (قوووووووون)
الشيال يجري
واللاعب يبزغ ويشتم الحكم
وكده وهلم جرا

وتسلم لسجمك الجميل ده

سجيمان العزيز

تعرف اول مرة اعرف إنك كنت (بعـــام) طبعا كلمة بعام دى بتعرفها ، الناس اللى بيبارو الفنانين فى الحفلات ، وكمان حتى الاخ أساسى طلع بعام كبير ، وبالادلة الدامغة لانو فعلا زى ما قال الشيالين ديل هدافين ، ياريت بس فى الاكل ولله قزازة الشرى ماكانت تاخد معاهم لفتين.
ما تنسى تسلم لى على خالتك البرجوازية.

خالتي ما برجوازية.... يا ساطور... لكن برضو بتسلم عليك......وبتقول لك كل عام وانتم بعام

بت قضيم حبابك......... لكن اول مرة اشوف لي سجم جميل

سجيمان اخوى
من المعجبين بي بوستاتك بس من منازلهم......المهم لو سمحت ....بشوف انو الناس حقو تبعد عن التشبيهات دى....وامكانياتك ....ممكن تعمل نفس الاداء بدون تشبيهات او اشارة لاشخاص حقيقيين....
..........
كلامى دا رجاء....وبرضو حاتابعك....باقي لي كده انت من ناس وين

يا امدرماني...... كيفنك يابا...... الزول طالما بيجيبو سيرتو في السمح برضو لو جابوها في الكعب مافي مشكلة..... طالما عرض نفسو للناس

فعلا ليه ما بيتكتب اسماء الشيالين ديل ؟ يعني كانهم جزء من الفنان سيرتهم ما بتجي ، ومفروض يقولوا اداء فلان وفلان بمساعدة الفنان الفلاني

مايا........ اقتراح جميل والله... ان شاءالله يعملو بيهو

سجيمان

يعني هسع بعد بوستيك ده إنت الغناي وانحنا الشيالين
اها مع إنك حقاني طلع لينا حقنا ما تزوغ

ود الشيخ

ود الشيخ حقكم محفوظ........ لكن كمان تاخدو حقكم معاي في الدقة لانو في ناس لو لمو فيني حيكسروني....طلح وشاف

سجيمان
وحات المكاشفى الواحد كان عملوهو زى مايكل جاكسون
اخوك ما يغنى .... انت قايل الغنا دة ساكت بس ؟
تقول لى شيالين ؟ ...ديل بشيلوا حقهم وخلاًص
وبعدين اب عكاز دة اسكت خلى ساكت ... كان طقشك بعكازو
دة بجيب اجلك .... وزول بغنى بعكاز ما فنان ولا حاجة
دة رباّّطّى وهمباتى ما بعرف الا يجيب اجل الناس وتلقى بعكازو
خوف المزيع عشان كدة جابو

سجيمان : حبابك ألف

المستكرتون في السودان كتيرين ، أكثرهم الشيالين. قبل أيام واحد قال لي لما شاف أبو عمة بيغني ( الخيل تقلب و الشكر لي أبو عمة ).

في فئة مستكرتة بس بشكل تاني. الواحد يعزم ليهو ناس في البيت ، تقوم مرتو تنادي كل نساء الحى للمساعدة في الطبخ ، و على وجه الخصوص ( الماهرات في الطبخ ) أها تقوم الماهرات ديل ينقلبن الهوبة يوم داك ، و يطلعن كل المواهب المدفونة ، و تطلع العزومة مدنكلة ، و الرجال بي هناك :
و الله تسلم أم الوليدات.
و الله بختك المتزوج مرة زى دي.
و الله عمري ما ضقت كمونية زى دي.

و صاحبنا تنتفخ أوداجه حتى تحاكي قربة الماء الساخن. و بعد إنتهاء الوليمة يكيل لزوجته المديح فتتبسم إبتسامة لها ألوان قزح.
أها دة ما إستكرات يا سجيمان بشكل تاني ؟ كل عزومة نفس السيناريو.
تسلم

تعرف يا ابو جهينة.......نوع حكايتك دا... استكرات واستكرات نوع الشين كمان

الفاتح..... اسكت ساكت...... سمندلاوي قال لك دا فنان ومثقف واول دفعتو مع عصاية الشرف الاولى

Quote: وظهرو الجماعة بتاعين المرووق....ديك..... جايبين مروق ومقطعنها... وكافينها على بطنها....ويدقو فيها..... ومعاهم واحد... الله اعلم بيخوفهم وشغال معاهم رجاااااااالة كدا. لابس نضارات جيمس بوند.. ما عندو أي شغلة غير يشيل عكازو دا ويقعد يهدد فيهم بيهو.... زي بتاعين السيرك .....

ياخى حرام عليك , بلاش سخرية

قائد الفرقة دى راجل فنان بحق وحقيقة وهو من المتفوقين على دفعتو فى المعهد ورجل ملئ ثقافة ووعى الا وهو الزميل الدفعة جراهام عبدالقادر فله منى اجمل تحية وشوق.

الاستكرات البجد يا سجيمان
ابو كل يوم يشرب الولد ملعقة كبيرة من زيت السمك ويرمى ليهو قرش فى الحصالة
لما زيت السمك يكمل

يكسر الحصالة ويشترى زيت السمك
تانى هكذا دواليك
النبى فوقك شوفتا اكعب من الاستكرات دا
وا شريريى
اسع دموعى سايلة وانا بكتب
ليك عن قصة الطفل دا

الاخ سجيمان
تحياتى
والاستكرات المر شديد
الواحد مغترب كم سنة ما رجع السودان وكل شهر برسل الفلوس الى وكيله صاحب الافكار الجهنمية وكل يوم داخل فى مشروع وكل يوم مضيع المغترب وتانى يتصل عشان يرسل ...اها شنو ليك فى كم زول مستكرت من بين ال15 مليون المغترب من الشعب السودان

سمندلاوي يا حبيبي..... زارتنا البركة....جرهام صحابك على العين والراس جا الاول على العين والراس...... لكن زولك دا ما قدم ولا اضاف اي حاجة للفن غير عكازو دا وحطبو الجايبو من زرايب مرزوق بال ثورة...... الغنا حق نااس تانين....و اللحن حق ناس تانين.....والقلم ما بيزيل بلم.... ما عندو فرق من بعض الناس في البورد شغلهم يقصو ويلزقو.......بعدين اسمو بيزكرني التلفونات والموبايلات.... ونغمات الموبيلات.... شوف الصدف يا سمندلاوي

**/**++

تعرف يا سجيمان قرأت عنوان البوست خطأ (الاسكيرتات)اخوات البلوزات
فخطر في بالي ان اسأل : ما العلاقة بين الإستكرات والإسكيرتات وعلاقة الإثنين بالشيالين وشيلتهم الفنانين وعممهم الكبيرة؟

المشكله يا سجيمان يا اخوي
انو الشيالين ديل عمرهم ما ببقوا فنانين
واثبتوا بجداره مقوله
مساعد الياي عمره ما ببقى ياي
عشان كده اهل العوض كسب زمنه وشتت السعوديه
سي جي مان
الظاهر عليك كده انك في بلد الرباطاب كنت شيال درجه اولى
وفي الفاصل اول واحد بمشي استراحه الفنانين عشان ما يسبقوك على جركانه المويه ويجقموها منك

يا ابو يوسف

سجيمان ده كان في الرباطاب فعلا شيال لكن شيال شنو ده المهم


سجيمان شيااااااااااااااااااال حال بس