Post: #1
Title: بكــــري ابـوبكـــر.........انت متلــوم
Author: سجيمان
Date: 07-23-2003, 06:02 PM
Parent: #0
لي....كمين يوم.....اجي اتاوق.....اكان القى اسمي جنب البلونات.....الرصيتن في خشم الباب ديل.......القى مكتوب سجيمان يقول:لا تنكحو هؤلاء النسوة.....والبلونة جنبي مرة زرقاء ومرة حمراء........ابدا....... يا ربي بكري دا خجلان من اسمي؟ سجيمان...... ولاّ يا ربي المناكحة دي ما داخلة راسو......لكن ناس سجيمان باقي لي .....ما عندهم طريقة......مع بنت الصادق المهدي....والمفكرة روضة.....والبروفسير جيفارا.....ومنصور خالد..... ان شاء الله تلفخني حمارة داارة وعرجا........اكان منصور خالد دا قاعد افهم نضمو....داك الليلة نمت كويييييييس ...وقفلت الاوضة علي...وطردت الشفع...وقلت لامهم املي لي الترمس شاي...وقعدت اقرا في نضمي منصور خالد....... ابدا العنوال براهو اخدت لي فيهو ساعتين...... قسمة ضيزى...... يا ربي انا سمعت بالقسمة في الحساب....والقسمة في العرس....وحقت العرس دي اصلي مجربها....تب.....وسمعت زمان بقسمة الفنانة.....لكن قسمة الضييز دي يطرشني...... علا اللمين ود بابكر قال لي يا زول وينك الشي دي في القران.......حتين عرفتها.......
ان بقى علي اسم سجيمان......... يا زول اسكت بس....... رجال كبار ويكتب بالبونطي العريض.....من مواليد النهود......لا بيخجل ولا شيتين.......ولا تلقى واحد امو اسمها شرق اليمن......شفت امتحان الجغرافيا دا؟ واللف والدوران؟ عشان تعرف اسم امو عاوز تكون حافظ خريطة الجزيرة العربية.......ولاّ اسمها الشباك........ويكتبو بكل فخر..... في كل المحافل الدوليه وبكل اللغات.........ذا ويندو......ويشبّك في ناس مايكروسفت....انهم سرقو اسم تجاري مسجل للوالدة الكريمة.ويشتكيهم ويقول عاوز تعويض.........ولا ابوه اسمو الجاز....الجاز عدييييييييييل كدا........ولا تور شين.....يا زول اتوكل على الله واكتب اسمي ساكت.....وما تتلوم
|
Post: #2
Title: Re: بكــــري ابـوبكـــر.........انت متلــوم
Author: كبسيبة
Date: 07-23-2003, 06:33 PM
Parent: #1
سجيمان
حلم الجيعان شنو ؟
خليك معانا في الواطة دي ...تبقى مع الناس الكبارات ديل تاني ما بنهببو ليك ....فهمت ؟
|
Post: #4
Title: Re: بكــــري ابـوبكـــر.........انت متلــوم
Author: سجيمان
Date: 07-23-2003, 08:15 PM
Parent: #2
كبسيبة.......الناس الكبارات ديل نويت ابقى لهم في رقبتهم دي........وبعدين حانزل انتخابات كمان
|
Post: #3
Title: Re: بكــــري ابـوبكـــر.........انت متلــوم
Author: HOPELESS
Date: 07-23-2003, 06:52 PM
Parent: #1
الغلط منك في زول في الدنيا دي اسمو سجيمان ؟يعني يكتبوا *سجيمان ينصح بعدم نكح مثل هؤلاء النساء مثلاً يقولو سجيمان وينصح؟ لكن لو خليت اسمك دكتور عادل الصادق الصديق لو تكتب أي شئ حتلاقي اسمك جنب بالون زي كدا *دكتور عادل الصادق يكتب عن أهم مواضيع الساعه والتي فيها الحل النهائي لمشكلة السودان هلموا علينا جاي اخر خبر جابو بالطياره ونشروا بالخساره يا خبر زي بعضو
|
Post: #8
Title: Re: بكــــري ابـوبكـــر.........انت متلــوم
Author: سجيمان
Date: 07-24-2003, 09:33 AM
Parent: #3
خلاص يا هوب لس.......بكري ما يكتب اسمي.....بس يمتب الموضوع....مثلا يقول..... احد الاعضاء ينادي بعدم نكاح هؤلاء النسوة.............وبس... دي صعبة
|
Post: #5
Title: Re: بكــــري ابـوبكـــر.........انت متلــوم
Author: nasiradin
Date: 07-23-2003, 08:15 PM
Parent: #1
مقبول عماد
مقبول عصام
مقبول اسامه
رنده بلقيسه وسهام
ناس سوسو ناس شوشو و رشا
واسفين كتيييييييييييييييييييييييييييير لي ناس حمد
ناس عزو ناس عبدالفضيل سيد البلد
ناس برعي و التومه و مجوك
أم الحسين عبد الصمد
ناس كوكو ناس كاكا الحنان
بت الخزين ود حاج سعد
و الراضيه ناس دار النعيم
ناس قوته ناس عبد السلام
ناس الكجم ناس أبو زرد
و يا حليل التايهيين هناك في كل يوم مليون وعد
و سي جي مان معاهم
جزء من قصيدة حلمنتيش بعنوان عاوزين شغل
تحياتي ...ناصر البطل
|
Post: #9
Title: Re: بكــــري ابـوبكـــر.........انت متلــوم
Author: سجيمان
Date: 07-24-2003, 04:31 PM
Parent: #5
انا مع ناس الكجم؟.........والله ياهم ناسي وحبابهم الف......يا ناصرالدين
|
Post: #6
Title: Re: بكــــري ابـوبكـــر.........انت متلــوم
Author: Yasir Elsharif
Date: 07-24-2003, 09:05 AM
Parent: #1
يا سجيمان إنت بوستاتك لا بتحتاج لبالون ولا غيره..
لكن برضو أنا شايف بكري متلوم
يقوم يروج لبعض البوستات مثلا:
المفكرة رودا ....
وعندما تنقر على البالون تجد البوست بتاع رودا المشار إليه هو نفس بوست الأستاذة رباح..
أعتقد أن بكري يجب أن يستشير صاحب البوست في وضعه في المقدمة بتاعة البالونات دي، وأن يسأله رأيه في العنوان الذي يقترحه، لا أن يفرض عنوانا من عنده، فهذه في تقديري، نوع من السنسرة.. والعنوان دا مسألة مهمة.. وأن يسأله إذا كان لا يمانع في ذكر إسمه الحقيقي.. وأذكر أن عنوان بوست تماضر كان يختلف عن محتوى البوست..
|
Post: #11
Title: Re: بكــــري ابـوبكـــر.........انت متلــوم
Author: سجيمان
Date: 07-24-2003, 05:47 PM
Parent: #6
دكتور ياسر اخوي......... نحن حسي هو اليكتب اسمنا ويختار العنوان علي كيفو.....المهم نكون في اليافطة...ونتفلهم ونتبروبر شوية
|
Post: #7
Title: Re: بكــــري ابـوبكـــر.........انت متلــوم
Author: ود العجمى
Date: 07-24-2003, 09:27 AM
Parent: #1
سجيمان
اقيف نحكيلك
مرة عندنا زميلنا اسمو يحيا ساب الشغل وقدم استغالتو ومشى كايس الرزق فى قطر . وابواب المكاتب هناك ابت تتفتح له
اها جات العرجاء لمراحها ودخل للمدير المدير عمل فيها ما بيعرفو
ولسوء حظو كان عيونوا ليهم بنية سميحة كدى فى الايام ديل
المهم يا سيدى جانى صاحبى زعلان قال لى يا ود العجمى المدير اتناسى خبرتى وخدمتى ليه وقال لى ما فى طريقة وهو عين البنية دى
قلتو يا يحيا اخوى انا مش اكتلت معاك الملح والملاح ؟ والله ان بقيت فى محل المدير العام ما اعينك لو تبقى منقطها . ان فى خيار بينك وبين البنية السميحة دى
اها يا سجيمان انا ان بقيت مدير سودانيز اولاين والله ما ارفع اسمك ان بقيت منقطها. انت يا زول جنيت ؟ انت متل بت الصادق ؟
ارعى بى قيدك يا جنا
|
Post: #13
Title: Re: بكــــري ابـوبكـــر.........انت متلــوم
Author: سجيمان
Date: 07-24-2003, 10:22 PM
Parent: #7
ود العجمي...انت كعب خلاص يا زول...بركة الما بقيت مدير سودانيزونلاين
|
Post: #10
Title: Re: بكــــري ابـوبكـــر.........انت متلــوم
Author: ALZOLZATOO
Date: 07-24-2003, 05:01 PM
Parent: #1
ياسجيمان الداير يظهر يلبس اصفر
اها يازول لو داير اسمك ينزل في عنوان بكرييييز للبوستات القياسية
تقوم تكتشف ليك موضوع ما انطرح قبل كده وتنزلو هههههههه يكه وح تلاقي اسمك يتلالا وتكون وسط البلونات متصور ووجهك صبوح ومنور
لوووووووول يكه وبس
ماشايف بكري واقف في الحيطة كيف ههههههههه يكه ذكرتني ونسة الجيران لوووووووووووول يكه
زاتوووووووو
|
Post: #14
Title: Re: بكــــري ابـوبكـــر.........انت متلــوم
Author: سجيمان
Date: 07-24-2003, 11:08 PM
Parent: #10
الزول زاتو.......موضوع ما انطرح زي شنويعني؟..........هو في موضوع ما انطرح تفتكر ليحسي؟
|
Post: #12
Title: Re: بكــــري ابـوبكـــر.........انت متلــوم
Author: elsharief
Date: 07-24-2003, 09:02 PM
Parent: #1
الاخ سجيمان
رايك شنو نكتب وثيقة وفيها توقيعات من أعضاء المنبر ونرفعها الى بكرى
|
Post: #15
Title: Re: بكــــري ابـوبكـــر.........انت متلــوم
Author: سجيمان
Date: 07-26-2003, 11:40 AM
الشريف.......... مافي شمكلة بس تجي روضة تقول دي انهزامية........ونبقى نحن قبيلة بني مهزوم
|
Post: #16
Title: Re: بكــــري ابـوبكـــر.........انت متلــوم
Author: aboalkonfod
Date: 07-26-2003, 12:53 PM
Parent: #15
تبقا أستاذ ... أبقا ألفا
تبقا تور ... أبقا طرفا
تبقا شُراب ... أبقا جزما
تبقا حقة ... أبقا سفا
تسفني .. تفنني .. ما هم
المهم شوفت مقالك
داير أبقاأي حاجة قريبة منك
تبقا سجيمان .. أبقا كنفدان
تبقا كجر ... أبقا بنبان
تبقا بخور ... أبقا لبان
تبقا مدني ... أبقا مارنجان
تبقا قطن ... أبقا كتان
تبقا دكتور ... أبقا مرضان
بلعني سلفة .. خدرني .. ما مهم
المهم شوفت كلامك .. داير أبقا
أي حاجة قريبة منك
تبقأ خبزة ... أبقا صالونا
تبقا موية ... أبقا بالوعا
تبقا هوا ... أبقا بالونا
دردقني .. أنفخني .. ما مهم
المهم شوفت مقالك .. داير أبقا
أي حاجة منك .. قريبة منك
++على نهج القصيدة الحلمنتيشية المشهورة
*صدقني يا أخوي سجيمان .. أنا بحبك لوجه
الله .. ولو كان بي إيدي .. كنت أعمل ليك
مليون بالونة وبالونة .. وبعدين إنت في
بالونة قلوبنا .. كتاباتك حلوة ومثيرة
دسمة .. إنت مزارع بارع .. كلمني عليك
الله ، قول لي ، بتجيب بذور الفرح من وين
الله يديك العافية ، ويمتعنا بي كتاباتك
|
Post: #17
Title: Re: بكــــري ابـوبكـــر.........انت متلــوم
Author: سجيمان
Date: 07-26-2003, 04:17 PM
Parent: #16
ابو القنفد......اخجلت تواضعي والله......وخاصة بي حكاية تبقى لي سفة دي
لكن يا ابو القنفد.......اسمك ما سياحي.....ما حتشوفو جنب البلونات ان جنيت
|
Post: #18
Title: Re: بكــــري ابـوبكـــر.........انت متلــوم
Author: garjah
Date: 07-26-2003, 05:59 PM
Parent: #17
سجومي
اقعد ساي
|
Post: #19
Title: Re: بكــــري ابـوبكـــر.........انت متلــوم
Author: سجيمان
Date: 07-26-2003, 08:06 PM
Parent: #18
يا قرجة.......انت في اقعد ساكت والله في بكري؟......البوست دا ليهو تلاتة ايام....ما جا جبر بخاطري ولاّ قال لي العقرب التضربك في قدومك
|
Post: #20
Title: Re: بكــــري ابـوبكـــر.........انت متلــوم
Author: قلقو
Date: 07-27-2003, 02:36 PM
Parent: #19
الأخ سجيمان
شوف يازول هيى والله اليوم اليكتبو اسمك جنب البلالين الملونة الفوق ديك الا نطالب نحن زاتو بنفس المعاملة.يعنى اشمعنى انت ايوه ونحن لأ ؟
شفت المضرة كيف ياسجاجيمو؟
|
Post: #21
Title: Re: بكــــري ابـوبكـــر.........انت متلــوم
Author: سجيمان
Date: 07-27-2003, 03:10 PM
Parent: #20
قلقو..........ما يكتبوك مالو؟ البورد شايلنا كلنا.........واسع وكبير...........ونهدي لك غنية القطار تدشدش لعثمان الشفيع
|
Post: #22
Title: Re: بكــــري ابـوبكـــر.........انت متلــوم
Author: قلقو
Date: 07-28-2003, 09:04 AM
Parent: #21
الأخ سجيمان
اشكرك جزيل الشكر على اغنية الراحل المقيم الشفيع واهو غايتو القطر اضمن لينامن سودان طير
طالما كلنا حنتختا مع الكبارات فوق انا افضل انه اسمى يتختا جنب حمبوكة لونايكون لون ذينب.اها وانت بتفضل حمبوكتك يكون لونا شنو؟
|
Post: #23
Title: Re: بكــــري ابـوبكـــر.........انت متلــوم
Author: سجيمان
Date: 07-28-2003, 02:57 PM
Parent: #22
قلقو........اللون ما هم المهم تكون كبيرة وماليه الصفحة
|
|