Post: #1
Title: بنتـــي....مجـتـــرة
Author: سجيمان
Date: 07-26-2003, 01:21 PM
Parent: #0
ولدوها....ناقصة....جات ناطة من بطن امها بلا بسم الله...... خاتنها في الحضانة خمستعاشر صباح.....وكل يوم انا امشي.....وادخل راسي في اوضة الممرضات...... ومتوقع الممرضة تقول لي ..... الكعوبية الجبتوها دي انشاء الله ربنا يعظم شفاعتها....كانت عبارة عن راس بس... ومشروع بتاع كرعين وايدين.... وبطن...فيها سطور كراس انجليزي..... بعدين بقن ضلوع....سبحان الله يخرج الحي من الميت.....كبرت...وبقت حلاةالدنيا عليها.... سميتها بعد شهرين.....كنت. خايف اخسر لي اسم ساكت...وهي تتلحس......عمرها حسي فوق السنه... ما حبت اصلها....ولا حاولتو...ابدا....من سدر امها الي البرندة مباشرة.....حالفة بدينها وايمانها الا تعيش بالقوة... وتعاصر التكنلوجيا......اتعلمت الاكل....
طباعها عينة براها.......لما تزعل.... الا يملصو لها هدومها كلهن..... وبعد داك....تختار ركنا قصيا...في أي حتة وتدردق وتبكي....... تعبيرا عن غضبها....ولانها بتزعل كتير....... قررنا انا وامها نخليها عريانة وجاهزة للتدرديق...والحرداب......اها.... بقينا وقت نجيب موز ولاّ برتكان..... لازم يقشرو لها الموز والبرتكان.... لكن...لازم يرمو اللب وهي تقعد تاكل في القشر....البطيخ نفس الحكاية...الشمام.....برضو.....الملوخية امها تورق فيها وهي تشيل وتاكل...في الورق......واوعى تجيب لها......باسطة ولاّ....حاجة ملفوفة في ورقة.......ترميها وتاكل الورقة........الحكاية دي ازعجتني...وشكيت بيني وبينكم في ناس المستشفى...يكون بدلوها لي... وادوني بنت صناعة صينية ومركبين لها مكنة نعجة....لكن انا متأكد النمرة الرابطنها لها في كراعها ياها زاتها من يوم جات مارقة.....وبعدين انا كنت بعرفها من اضيانتها......ما يشبهن حقات الشفع....
قلقلت من مسألة اكل الحاجات الما بتاكلها الا مخلوقات لها معدة من اربعة غرف....حيوانات مجترة...سعالت اهل الخبرة.....قالو لي ما تخاف تكبر و تستعدل....وتاكل زيكم واحد....الرضاعة....واقفة على كرعينها ترضع...وامها في حالة جلوس.... ترضع وعاوزة تتونس....تفك الشطر وتنضم وترجع تاني ترضع وهكذا..... حلفت ايمان مغلظة انو البنت دي لو استمرت في طريقة الرضاعة دي... بعدين حتطالبنا نجيب لها شيشة بدل البزة....
المصيبة الكبرى ....انها قاعدة تقول لامها بابا....وتقول لي ماما.....ورافضة رفضا باتا أي تغير في المسميات دي...ومزاجها دائما تجيني وتقول لي ماما لما يكون عندي ضيوف رجال....وانا منجعص في وسطهم واحكي....وكل دقيقة احلف طلاق........ونفس الحكاية لامها.
|
Post: #2
Title: Re: بنتـــي....مجـتـــرة
Author: HOPELESS
Date: 07-26-2003, 01:32 PM
Parent: #1
ماشاء الله تبارك الله
سجيمان قول ماشاء الله تبارك الله
ربنا يحفظه ويخليها
والله شهتني الجنا
ربنا يحفطه مرة تانيه وانا غايتو عجبتني وبدلتي صورتي بيها
يعني خلاص اتبنيته رسمي وشعبي
|
Post: #3
Title: Re: بنتـــي....مجـتـــرة
Author: دورنقاس
Date: 07-26-2003, 02:05 PM
Parent: #2
سجيمان
إنشاءالله تحضر فرحها
بس السماية لاتسقط بالتقادم ولا حتى باللحسة
يعنى سيك سيك معلق فيك
|
Post: #8
Title: Re: بنتـــي....مجـتـــرة
Author: سجيمان
Date: 07-26-2003, 04:01 PM
Parent: #3
دورنقاس......ان شاء الله احضرو.....السماية خلاص..... طالما مشت وركبت الزلط......بقت كرامة بعد دا
|
Post: #4
Title: Re: بنتـــي....مجـتـــرة
Author: سجيمان
Date: 07-26-2003, 02:19 PM
Parent: #2
هوبلس.مبروك عليك.........قبل ما يجينا رجل اعمال ناطي ولا واحد شيخ يقول عاوز يتبناها......ويتبرع لنا بمزرعة بطيخ
|
Post: #5
Title: Re: بنتـــي....مجـتـــرة
Author: shiry
Date: 07-26-2003, 03:00 PM
Parent: #4
سلام مربع
سجيمان
يعني ياسجيمان احلى من كده عايزها تكون شنو
ربنا يحفظها ليك
والله ماشفتنا وانا صغيره
..
...
الله كيفن لزم الصبر اهلي
ماعارفين هم كيف لحدى هسع
..؟؟
لكن اهو نحن في النهاية كبرنا
وبقينا عوره ومجنترين
وشينين
لكن برضو اهلنا عايزننا
ماشاء الله على بتك ربنا
يحفظها ليك
|
Post: #7
Title: Re: بنتـــي....مجـتـــرة
Author: ابو جهينة
Date: 07-26-2003, 03:35 PM
Parent: #5
سي جي
تحياتي و مودتي. رغم أنني ضحكت طويلا إلا أن الحق يقال :
البت دي أبقى عليها عشرة. لأنو بعرف واحد بالمواصفات دي في بلد عربي شقيق ، و الآن قريتها ( مزار ) لكل الناس.
يحفظها و يحفظكم الله.
|
Post: #11
Title: Re: بنتـــي....مجـتـــرة
Author: سجيمان
Date: 07-26-2003, 08:14 PM
Parent: #7
......ابوجهينة....حتطلع شنو يعني؟ فكية كبيرة؟.......كدي وريني زولكم بقى شنو؟
|
Post: #10
Title: Re: بنتـــي....مجـتـــرة
Author: سجيمان
Date: 07-26-2003, 05:52 PM
Parent: #5
شيري شكرا لك......والله يخليكي.......انتي عارفة الشافع كان بقى قرد اهلو يريدوهو.......لو ما كدا كان زمان جدعونا في اقرب كوشة
|
Post: #6
Title: Re: بنتـــي....مجـتـــرة
Author: albagir altahir
Date: 07-26-2003, 03:34 PM
Parent: #1
والله يا سجيمان بلا خربانه
اريت كل الناس بتكتب زي كتابتك دي
تصدق انا اسع دخلته البورد ومدبرس والبارح خاتنو قرض انا وخطيبتي قدت جيبي وقدت اضاني وهردت فشفاشي زبعد ده كلو عاملة زعلانه
اها لقيتك المواضع كلها ساس يسوسو
قلته النشوف سجيمان ده كاتب شنو هو البيفشني
اها يا دوب خشمي انفرة وسنوني مرقن
الله يبارك فيك وفي بنيتك ويخليها ليك
ويديها ود الحلال التهرد فشفاشو
|
Post: #9
Title: Re: بنتـــي....مجـتـــرة
Author: Tumadir
Date: 07-26-2003, 05:10 PM
سجيمان
ادونى ليها
حلوة
كان معذباكم انا بشيلها
وبعدين غير حلوة شغالة مسرح اللامعقول
وانا من زمااان بريد مسرح اللامعقول دة
معقول زول ياكل القشر ويخلى الموز؟؟
ياكل الورقة ويخلى الباسطة
دى بت باسطة جدا
ربنا يحفظ ويخلى
خليها تحكم لينا السودان
بمسرح اللامعقول دة
يعنى تاكل القشر والشعب ياكل الموزة
وما نحا نحوه
بدل ماهم ماكلين الموز كلو وخالين للجمهور القشر
|
Post: #12
Title: Re: بنتـــي....مجـتـــرة
Author: Najm
Date: 07-26-2003, 09:15 PM
Parent: #9
سي جي ...البت سنونا قامن و تكون تورت لها ضورس
ولسع بترضع ..لكن حلوة عسل...ارنبون
ربنا يخليها ليك وتحضر نفاستا..
|
Post: #13
Title: Re: بنتـــي....مجـتـــرة
Author: انور عمر
Date: 07-27-2003, 07:14 AM
Parent: #12
الاخ الدكتور
السلام عليكم ورحمة الله وبركاته
يا اخي انا اطلب منك زواج من بنتك وانا موافق مع كل العيوب التي ذكرتها فيها
وعندي ليها
البرتكان والمنقه والتمر الجريدو ملاقي
|
Post: #20
Title: Re: بنتـــي....مجـتـــرة
Author: سجيمان
Date: 07-27-2003, 09:17 PM
Parent: #13
انور........تعرف التمر دا ياهو البينفع معاها مضبوط
|
Post: #19
Title: Re: بنتـــي....مجـتـــرة
Author: سجيمان
Date: 07-27-2003, 04:44 PM
Parent: #12
سنونها قامن ايوا.......بس احضر نفاستا كيفن؟
|
Post: #18
Title: Re: بنتـــي....مجـتـــرة
Author: سجيمان
Date: 07-27-2003, 01:12 PM
Parent: #9
تماضر.........دي مش مسرح اللامعقول دي اللا معقول بدون مسرح........لا معقول في السهلة ساكت....زي البلد الولدوها فيها كل شي لا معقول
|
Post: #15
Title: Re: بنتـــي....مجـتـــرة
Author: سجيمان
Date: 07-27-2003, 10:02 AM
الباقر حبابك......وخطيبتك ما تزعلها يا زول
|
Post: #14
Title: Re: بنتـــي....مجـتـــرة
Author: بدرالدين شنا
Date: 07-27-2003, 07:17 AM
Parent: #1
بسم الله الرحمن الرحيم
المحبوب سجيمان
سلااااام بقدر ظرفك
والله والله والله أضحكتني وأفرحتني وصدقني إنت راجل ماساهل
أما بخصوص مستقبل هذه البنت فأبشرك بأنها لو خلاص بطلت تب بتطلع ليك زي أنا أها رأيك شنو؟؟؟
|
Post: #16
Title: Re: بنتـــي....مجـتـــرة
Author: قلقو
Date: 07-27-2003, 10:41 AM
Parent: #14
الأخ سجيمان
الف مبروك و(انبتها)الله لك (نباتا) حسـنا
|
Post: #22
Title: Re: بنتـــي....مجـتـــرة
Author: سجيمان
Date: 07-27-2003, 09:43 PM
Parent: #16
قلقو........بارك الله فيك....غايتو سويت لي بنتي شتلة
|
Post: #21
Title: Re: بنتـــي....مجـتـــرة
Author: سجيمان
Date: 07-27-2003, 09:40 PM
Parent: #14
يدر الدين.......انت عندك صورتين....ياتها فيهم؟
|
Post: #17
Title: Re: بنتـــي....مجـتـــرة
Author: Mandingoo
Date: 07-27-2003, 10:46 AM
Parent: #1
سجيمان
لو ما قاعد في المكتب براي، ما عارف كان الناس يقولوا علي شنو، يا زول قعدت أضحك براي، بس الحمد لله مافي زول جاء داخل المكتب اثناء قراءتي لبوستك الظرييييييييييييييييييييف ده
بتك دي تنفع مع ولدي حسن، اصلو هو ذاتو اتولد في سبعة شهور وقعد في الحضانة عشرين يوم بلياليها، وهسه ما شاء الله في رابعه ابتدائي، وتصدق انا برضو ما ضبحت السمايه لغاية ما مرق من المستشفى؟ حتى برضو حبوبته قالت لي السمايه معلقة فيك سيك سيك مصداقا لكلام دور نقاس (السماية لا تسقط بالتقادم) ربنا يحفطها ليك وتشيل اولاد اولادها
|
Post: #23
Title: Re: بنتـــي....مجـتـــرة
Author: abuguta
Date: 07-27-2003, 10:16 PM
Parent: #17
بنتى ....مجترة
تحلم بالمجرة
تطير زى الفرة
تحلق فى فضاءنا
وتحجب منا الحرة
وطنا والمسرة
والعسكر زى الضرة
سنواتهم المضرة
خلتنا نهاجر بره
وغربة مرة مرة
سلبت كل حاجة
ومسخت المسرة
لا وصلنا ليها
وفى اعماقها درة
كل دنياها ضلمة
والساقية مستمرة
تقول ايمان مجترة
بت زى القمرة
لما تطلع برة
تجلب المسرة
وتخلى الدنيا حلوة
والحياة مستمرة
والحياة مستمرة
وتسسلم ياسجيمان
|
Post: #25
Title: Re: بنتـــي....مجـتـــرة
Author: سجيمان
Date: 07-27-2003, 10:30 PM
Parent: #23
ابوقوتة...........مالك داير تدخل بنيتي السجن؟.......خليها في قشر بيطيخها دا
|
Post: #24
Title: Re: بنتـــي....مجـتـــرة
Author: سجيمان
Date: 07-27-2003, 10:25 PM
Parent: #17
ماندينقو........ويخليلك وليداتك يا رب
|
Post: #26
Title: Re: بنتـــي....مجـتـــرة
Author: dreams
Date: 07-27-2003, 11:12 PM
Parent: #24
سجيمان
كدى قول لى هسه بتك دى عارفاك مسمى روحك هنا سجيمان؟
تكون سواتها دى كلهاااااا عشانك
انت داير شنو اكتر من كده ..منتهى التميز
كان قاعد فى الخرطوم لمنى فيها وما عليك بالباقى
تسلم هى ..وتسلم انت ...وتانى تسلم على القرقراب المرقتو منى ده
|
Post: #27
Title: Re: بنتـــي....مجـتـــرة
Author: سجيمان
Date: 07-28-2003, 03:16 AM
Parent: #26
دريمز........طيب لو عرفت اسمها...كان عملت شنو؟
|
Post: #28
Title: Re: بنتـــي....مجـتـــرة
Author: Teeta
Date: 07-29-2003, 06:50 AM
Parent: #1
سجيمان يا رايع
الله يخلى ليك البنيه ويجعلها الله من بنات المستقبل العاملات
ما شاء الله عليها عسوووله
بعدين كلامك ظريف ز
وزى ما قلت ليك قبل كده انت واحة هذا البورد وراحته وكتاباتك حلوه بتخلى الواحد مبسوط طول اليوم وبيضحك باستمرار
متعك الله بالصحه والعافيه
ام الاء
|
Post: #29
Title: Re: بنتـــي....مجـتـــرة
Author: سجيمان
Date: 07-29-2003, 02:11 PM
Parent: #28
ام الاء شكرا.......ومتعك الله بالصحة ويحفظ لك الاء
|
Post: #30
Title: Re: بنتـــي....مجـتـــرة
Author: حنين للبلد
Date: 07-30-2003, 09:34 AM
Parent: #1
الاخ سجيمان ردى لا علاقة له بالموضوع والله يا سجيمان اسلوبك مبالغة انا استمتع جدا لمن يكون فى بوست ليك اسلوب ساخر ممزوج بدعابة محببة طبعا زى الدايره اكتب فيك شعر لكن حقيقى انا معجبه معجبه بى اسلوبك ما عندى موضوع مش لكن ده رأى وكتبته واستهزأ بى زى ما داير
|
Post: #31
Title: Re: بنتـــي....مجـتـــرة
Author: خالد
Date: 07-30-2003, 10:39 AM
Parent: #30
والله يا سجيمان دي كويسه والله انا ما شفت نفسي لكن امي حكت لي
طبعا يا جماعة انا دخلت المدرسة واللع العظيم عمري اربعة سنة ونص بس بعد داك امي بتحكي لي قالت لي نحنا فطمناك من ستة شهور وانا مشيت وجريت في 9 شهور بس
قالت لي كنا خايفنك تطلع بعاتي
يا زول ربنا يحفظها ليك وتبقى اكبر دكتورة ذي ابوها
لكن هو ابوها دكتور شنو
؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #33
Title: Re: بنتـــي....مجـتـــرة
Author: سجيمان
Date: 07-30-2003, 02:13 PM
Parent: #30
حنين البلد.........شكرا للاطراء وبارك الله فيكي
|
Post: #32
Title: Re: بنتـــي....مجـتـــرة
Author: Elmosley
Date: 07-30-2003, 12:04 PM
Parent: #1
سجيمان الله يخليها ليك
|
Post: #34
Title: Re: بنتـــي....مجـتـــرة
Author: سجيمان
Date: 07-30-2003, 02:20 PM
Parent: #32
خالد...........يعني انت حسي ما بعاتي
الموصلي........ويخلي لك اولادك يا رب
|
Post: #35
Title: Re: بنتـــي....مجـتـــرة
Author: Rawia
Date: 11-19-2003, 03:52 PM
Parent: #1
up
|
|