Post: #1
Title: شـــنــــب و دقـــن.........حــــاجة تجــنـــن
Author: سجيمان
Date: 07-30-2003, 01:59 PM
Parent: #0
علي مهدي..... عندو مسلسل....في التلفزيون اسمو العرضحالجي..... علي مهدي..... مربي شنب وتلاتة ارباع دقن.....ولاصقهم في بعض.... وبينن....اختفى الخشم كلو كلو.....لما يجي يتكلم....حرف الضاد.. يمر برحلة مضنية مرهقة... تقصر عمرو .... تخليهو....يتهرد...و يفقد كل مقومات الضاد. ويصل لي اضانك نون...لانو بتلاقيهو احراش وغابات..من الشعر الكثيف.... شلاليف ما في خالص....... وحمدت الله كثيرا...انو ربنا ما قسم لي اتغدى معاهو ويكون الغدا ملوخية.....لاني حاشوف..العجب العجاب..... ولما ينتهي من الغدا بدل ما يغسل ايديهو حيضطر يستحمى.....وبي شامبو كمان.....وانا مندهش كيف بيشرب الموية.؟.... الا كان بيستعمل صبابة.......قعدت اتفرج عليهو....النصيحة ليك يا الله من بداية الحلقة لي نهايتها...انا ما عارف الحلقة عن شنو......لكن بتفرج في شنب وتلاتة ارباع دقن علي مهدي..و ولدي كل دقيقة يسألني دا منو؟ وخشمو وينو؟ قلت للولد دا ما عندو خشم يا ولدي..... دا بياكل بالامتصاص... يعني يملو ليهو الاوضة كلها ملاح لي عينا....وهو يملص ويغتس فيها...ويجي مارق بعد نص ساعة يكون شبع طب...اما ناس الطورطا والجلي..ديل بيتمسح بيهن....... ممكن مطرب يعمل في نفسو كدا.....ممكن رسام يعمل كدا....لكن ممثل..ما جاية عليهو..
زمان اتفرجت عل علي مهدي في مسرحية هو وهي.....كان في قمة الابداع....لكن حسي يخربو.... يمثل كأنو مجبور عليهو.....يمثل بطريقة مفتعلة وبايخة جدا.....وانا بقترح على علي مهدي.. يطلق التمثيل والمسرح.... يمشي يفتح لو دكان في الابيض.....ويربي شنبو ودقنو براحتو...وان شاء الله يصدر منهن لخارج الوطن......
لو اصر على التمثيل..دور واحد بس بينفع معاهو......انو يكون في دور زول مراسي... يعني بتاع مرايس.....يتفرجخ في البنبر...وبعد ما يجغم عبار المريسة.....يقش صوفو المالي وشيهو دا بي طرف عراقيهو.....وبعد عبارين تلاتة يخلف كراعو ويخت ايدو الشمال في اضانو الشمال ويقعد يدوبي.........
ست البنات جات مارة....... بالعصرية
الشعرها هاي وي....وعيونها... كورية
ووووب..و....كُر علي امها...وكُرين عليّ
خلت ...قلبي ... يقسّم...زي مكنة العربية
............................وباااااااااااااااااااااااااااع اووووووووف....ارقد يا عيش انا جرابك!
|
Post: #2
Title: Re: شـــنــــب و دقـــن.........حــــاجة تجــنـــن
Author: خالد
Date: 07-30-2003, 02:36 PM
Parent: #1
انتا ما لاحظت يا قريبي
اني انا في المنتدي ده قرابك الشهرين ما بكتب لكن برد عليك انتا بس عموما جد كتاباتك جميلة وده مما يوكد على الناس الوهم انوا الرباطاب هم اجدع ناس واظرف ناس لا كما يقال عنهم
انا مفكر جد اكتب عن كلامك الكتير ده لكن البقراهوا منو دي المشكلة الحاتواجه ني
عموما دوبي سااااااااااااااااااااااااي على مهدي ممثل لحدي ما يموت عامل عربيتوا السمحة دي بعدين ياخ الراجل متصوف عامل فيها
|
Post: #4
Title: Re: شـــنــــب و دقـــن.........حــــاجة تجــنـــن
Author: سجيمان
Date: 07-31-2003, 00:49 AM
Parent: #2
خالد.......الرباطاب البينضم فيهم علا نوريهو ليهو...............علي مهدي متصوف؟ نان ما تقول لي.........عشان كدا وشيهو كلو صوف
|
Post: #3
Title: Re: شـــنــــب و دقـــن.........حــــاجة تجــنـــن
Author: Shao Dorsheed
Date: 07-30-2003, 06:49 PM
Parent: #1
Ya Khalid,
What do people say about rubatab.
I am curious to know, so that I can grasp your attack on others.
Segiman, you are always fabulous with your writings.
Best Regards,
Shao
|
Post: #5
Title: Re: شـــنــــب و دقـــن.........حــــاجة تجــنـــن
Author: سجيمان
Date: 07-31-2003, 06:54 PM
Parent: #3
شاو........لك الشكر اجزلة
|
Post: #6
Title: Re: شـــنــــب و دقـــن.........حــــاجة تجــنـــن
Author: abuguta
Date: 07-31-2003, 07:04 PM
Parent: #5
اخوى سجيمان
مرة على مهدى مستضيف ممثل مصرى على ما اذكر احمد بدير
وعامل فيها حسين خوجلى تانى,مش فى مقارنة بين الاثنين
لو وزعو شنب الاول على دقن الثانى ممكن تديوه حبة خشونة
بس الحسنة الوحيدة فى حسين خوجلى بعزل الضيوف يعنى لو ما عرف
الضيف محنك ومبدع وناقش تخصصه كويس ما بهوب عليه
لكن على مهدى ماسك العصاية من نصها
وتسلم
|
Post: #7
Title: Re: شـــنــــب و دقـــن.........حــــاجة تجــنـــن
Author: aboalkonfod
Date: 07-31-2003, 08:00 PM
Parent: #6
سجيمان الشفيف ........ ردوم سلام
الله يمتعك بالعافية ، وبإبنك قُرة عيونك
عيلي يا جنا .. أماني ما هيجت علي أشجان
كُت قايل .. نيرانا خبتن .. أتاري مولعي
بي تحت .. تحت
أما علي مهدي ، فذاك رجل مشنوب ومدقون
لكن أكان شفت شنب أخوك/ بتتهجم
ــــــــــــ
|
Post: #9
Title: Re: شـــنــــب و دقـــن.........حــــاجة تجــنـــن
Author: سجيمان
Date: 08-01-2003, 07:33 PM
Parent: #7
يا ابو القنفد........يعني الاسم بتاعك دا ما ساكت؟
|
Post: #8
Title: Re: شـــنــــب و دقـــن.........حــــاجة تجــنـــن
Author: سجيمان
Date: 08-01-2003, 02:12 PM
Parent: #6
ابوقوتة.....قلت لي علي ماسك العصاية من نصها...؟.......دا ما ماسك اي عصاية يا اخي
|
Post: #10
Title: Re: شـــنــــب و دقـــن.........حــــاجة تجــنـــن
Author: مريم بنت الحسين
Date: 08-01-2003, 11:06 PM
Parent: #1
والله يا دكتور معاك حق.. انا ما محيرني شي في الدنيا قدر شنب علي مهدي ده ... يعني الفنانين معروفين إنه همهم شكلهم.. وكان رب العباد ما أداهم الشكل.. بدفعوا عشان يجيبوهو.. الشي لا دافع.. لا مريحنا معاه.. ياخ إحنا ما بشر.. وغير كده متغربين وبنشتاق نشوف القناة السودانية.. بقينا نقبل على ناس ام بي سي.. وتو.. من ورا العمايل دي... أموت وأفهم فلسفته من ورا الموضوع ده شنو
بنت الحسين
|
Post: #12
Title: Re: شـــنــــب و دقـــن.........حــــاجة تجــنـــن
Author: سجيمان
Date: 08-02-2003, 03:43 PM
Parent: #10
وغير دا يا بت الحسين...حتى في التمثيل علي مهدي يتكلف...... ما علي مهدي الشفناهو في هو وهي.......وقبال ما يبقى الرجل الذي بنا شنبو
|
Post: #11
Title: Re: شـــنــــب و دقـــن.........حــــاجة تجــنـــن
Author: OmDur
Date: 08-02-2003, 01:40 AM
Parent: #1
الراجل دة امووووت .. لو بريدو
|
|