خيــانة زوجيـة....قصـة حقيـقيـة

جاني نص الليل... صديق.... اعرفه....من وقت بعيد.....مؤدب مهذب.... ما بيقدر يعاين لك في وشيك....من الادب... انا كنت مفتكر ما بيقدر يعاين لي انا بس... لاني ما بتقابل....وما بيقدر يعاين لي الا زولا.... فارس ونفسو عاجباهو..... خجول..... انا والله قصة خجلو دي ما عاجباني كلو كلو.... كل مرة اقول لو يا اخينا الكلام دا مابينفع... الخجل دا بقى فلكلور....البنات خلنو... شوية ارفع راسك وانضم مع الناس.....وحمر عيونك..... كدي عاين لعيوني ديل... شوفن حمر كيفين؟من الحساسية....وبعدين يا اخي ما اي زول ينضم معاك تتنضم معاهو وانت مدنقر....في الواطا....حسي كان خبطك بشي وانت في دنقيرتك دي؟....... لكن الحقيقة لله... كنت احب هذا الرجل... ودائما احس انو .. زول على نياتو.... الفي قلبو في لسانو..والفي لسانو ما يغلط عليك......رسل فيز لي تلاته من اهلو...اخوهو واخو مرتو...وود خال مرتو.... ادين القريشات عشان يجيبهم..... جابهم.... اشتغلو كلهم...بعد ما رطبو عندو في البيت شهور...وسكنو بعيد.... مع عزابة...بقو يزوروهو مرة مرة.....لانو باسرتو...... مندوب مبيعات دي شغلتو طوالي مسافر.......اليوم داك....... جا راجع من السفر.....من غير ما زوجتو تعرف مواعيدو......وهو معتاد دايما يتصل عليها...... لكن السترة والفضيحة متباريات......وما اتصل....دخل البيت.... الساعة كانت حوالي العاشرة مساء....مشى طوالي علي اوضة النوم عشان يغير ملابسو....ويرتاح..... دخل اوضة النوم....... كانت فاتحة........ لقى زوجتو..... وولد خالها..... في السرير بتاع النوم... بتاعو..... عرايا.....عرايا... ملط..... وقف فوقهم.....مخلوع....وهم زاتهم اتخلعو..... ما عرف يعمل شنو....مرق من الاوضة....قعد في كرسي في الصالة.....ود خال المرا...جا مارق بعد ما لبس هدومو...وطوالي من خشم الباب علي الشارع.... المرا..... اطلقت بكا..... قعدت تبكي بس.... بحرقة......وهو....مرق الشارع..وقف جنب عربيتو....مخلوع مصدوم مهموم....... ما عرف يمش وين.....جاني انا..... وحكى لي القصة.....وهو سارح........ وانا براي سرحت معاهو...ما عرفت اقول ليهو شنو..... الليلة كان نضم جايبنو ليهو....ممكن انا اشككو في النضم...لكن الراجل شاف بعيونو.........

الزمان 1999م
المكان... الخليج
_________________

لكن مابالغته يا سي جي
البوست ده ما بشبهك
ده ما من عوايدك
لك ودي

نجم.......... القصة قديمة لوشفت التاريخ.... لكن هناك شي استفزني لذكر القصة

حبيبنا سجيمان


الله يكون في عونو بس ده البنقدر نقولو ليه

واحد من المغتربين المعانا بعد الدوام الثانى يوم الخميس نزل ام العيال
وطفليها الاثنين فى حديقة الحى ,وقال ليهم اقعدوا هنا كعادهم وبجيهم بعد الدوام..وانت يابت الناس احشرى اولادك جو الشجر داك وسط الهنود والبنقالة والمصارة واتصلى على زميل الدراسة الكان زمان ,وهو اعجبك راكب كريسيدا وعامل سيدا,ومشت معاه على البيت,قاليها شنو ولا عملت معاه شنو..علميها الله بس لما جوا راجعين..ناس الهئة قبضوا عليهم وهم مع بعض فى السيارة....اقيف يازووووول والزووووووول عاوز يزوغ...لكن
ما فى طريقة..
الهيئة:-دا راجلك يامرة قالت لا...
على طول اتصلو على راجلها ومن الشغل على مكاتب الهيئة دى مراتك
قال ايوا...بتعرف الشاب الواقف دا قال لا
طيب يازووول ليقناه مع مرتك جاين راكبين فى السيارة مع بعض
التفت ابو شنب على المرة صاح يامرة بقت تولول ..وهاك يابكى
هو غشانى والله يلعن الشيطان...وانا تانى ما بعمل ...كدا
الراجل ما بقدر يمسك اعصابه..طلق المرة ومسك عياله معاه
مشى بيهم وين وعمل بعد كدا شنو ما عارف
المرة مسكتها الهيئة ...والشاب...ايضا كدا...بس انا حرقتنى الكريسيدا كانت جديدة لنج..وناس الشمارات قالو كان عاطل..شنو ليك اريتها عطالة السرور
الرياض
مش قريبة من قصتك
2001

والله ما صاح يا جماعة الكلام ده

يا سجيمان

عيب

الخيانة بكل انواعها شي بشع حمانا الله منهاولكن ابشعها الخيانة الزوجية
ولكن للنظر الي الاسباب اللتي تودي الي ذلك وهي فقدان القيم والاخلاق
والضمير والوازع الديني والتربية السليمة والغدوة الحسنة

واذا نظرنا الي ذلك النوع في مجتمعنا وجدنا انه نظرة المجتمع للزوجة الخائنة يختلف من الزوج الخائن
يعني هي مقبولة للرجل
وفي كلتا الحالتين الخيانة نتائجها تفكك اسر وضياع ابناء
وامراض نفسية وغيرها

مع سلامي وتحياتي
وشكري لك لمناقشة هذه الاشياء المسكوت عنهاياسيجمان

خالد..... الحياة فيها كل الجوانب المشرق والمظلم...... تناول المشرق دائما..... بيكتل القلب.....ويعيش الناس في زيف وخداع....... لابد من تناول الكل بنفس المقدار

ابقوتة......... ايوا.....الحاصل كتير...دا غير الحاجات التشيب الراس

عباس......ايوا دا القدرت اقولو انا برضو

أقرباء الزوجة من إبن خال وإبن عم هم الحمو... الذين ذكرهم الرسول صلى الله عليه وسلم وحذر منهم
الشيطان يجرى فى الشرايين والأوردة فالزوجة أحيانا تتساهل فتظهر بملابس تظهر كثيرا من محاسنها فيزينها الشيطان للقريب فيقع المحذور
لذلك على الأزواج عدم ترك الزوجات وحدهن رغم الثقة فى الأقرباء ورغم عدم توقع حدوث هذا الأمر الشنيع

هذة الأشياء تحدث أحيانا عن عدم ترصد وسبق إصرار ليس كتلك التى تركت أبنائها وسط الهنود والبنغال وذهبت إلى ذلك المجرم

وخيرا فعل هذا الرجل طلقها ثم أخذ أبنائه
والسلام

اكسورسيت7.......شكرا للمداخلة...وكلامك واضح والواضح ما فاضح

زمنا صعبا بالحيل


الله يكفينا و إياكم شر الخيانة بكل أنواعها


هل ضعف شخصية الرجل في القصة الأولى هو السبب؟؟
هل لأنه كان طيباً و لم لم يكن خوان على قولة أهلنا أعطت الحق للمرأة و ابن خالها
لا شيء يبرر الخيانة

و ربما هي النفوس المريضة تلك التي تستعذب الحرام و هي قادرة على إتيان الحلال
أعوذ بالله من غضبه و سخطه

نها..........نعم اجتمعت عوامل كثيرة.... وهي التي ادت الي ما حدث......لكن برضو الدنيا بخيرها

القصص كتييييره ياخواننا
بس مالكم حاصرينها على قصص الزوجات ؟ ايه رايكم تحكو لينا عن قصص الأزواج الخونه ؟
وقصص الأزواج البفصفصو أي امرأه ماشه بالنظرات والتعليقات مع بعض ؟ دي مش برضو نوع من الخيانه ؟
تبدو تحكو لينا قصص الرجال الخاينين ، وللا خايفين على الباندويدث

وبي اوكي............ايه رايك تبدا لنا انت .....وتحكي؟

سلامات
ياسجيمان
اكيد في زول سرق الباسورد بتاعك وكتب البوست دا
عشان كدا انا بقول للزول الحرامي دا ياخي عيب عليك صاحبك يجي يديك سرو وانت تجي تكشف حالو هنا وتاكل لحموا واظن انو اكبر غلط ارتكبوا راجل المرة دي انو جا واداك السر لانو كان قايلك زول بير زول بحر بيخفف معاك هموموا ومآساتو لكنو غلط غلطة كبيرة والدنيا فيها كتير زي الحصل دا والسترة سمحة ياحرامي
استاذ بكري سودانيز اونلاين
في زول سرق الباسورد بتاعت سجيمان ايه رايك تعمل حماية اكتر علي الموقع
ياجماعة فضوها سيرة
عشان ماندخل في الغيبة والنميمة واكل الفطايس
سلمتم جميعا
انتهي

ود رملية......الباسورد بتاعتي ومافي زول سرقها....... ود رملية يا صديقي هذه مشكلة اجتماعية..وقد بأتت شيئا مألوفا ان تسمع امثالها...الرواية ليست بقصد الفضيحة او اكل لحم الناس.........ولكنها بقصد.... ابدا الراي فيها.....ومحاولة التماس الحلول لها......هذا ما قصدته منها..

سلامات
انا اعي تماما ان الباسورد لم تسرق
سجيمان ابداء الراي في قضية تناولتها جهات عدة لاباس به اي انها طرحت او ستطرح ولكن ابداء الراي في قضية تعتبر سر ااوتمنت عليه فهذه قضية غريبة حقيقة
سجيمان اظنني اختلفت معك هنا ظاهرا وباطنا
ولكن لاتنسي ان بيننا المحبة والاخاء
دمت

ود رملية....لك الود والاخاء والمحبة ايضا

الحبيب سجيمان
سلام واحترام
اختلف مع الاخ ودرمليه في ما ذهب اليه بأن تناول مثل هذه الظواهر المتواجده وبكثره فيه ما فيه وما اوردته من صورة حية هي جزء من واقع لظاهرة سيئة مستشريه وللاسف الشديد في مجتمعنا بصورة تحتاج منا لمناقشه دون زر الرماد ودفن للروؤس في الرمال
نعم كلنا يري التجاوز في اوضاع بعض الأسر في دول المهجر ومال آل اليه حالها من تفكك بسبب اختلاط الحابل بالنابل
ومن أكثر الاشياء الماساعده لحدوث مثل هذه الظواهر هو وضع الكبريت قرب البنزين بحجه أنهم اقرباء للزوج أو الزوجه في وضع غير شرعي بأن يترك رب البيت اسرته في عهده احد اقرباءه اثناء انشغاله أو سفره .. مما يساعد وبصورة مباشرة في حدوث ماهو محظور وكما يقال الشيطان شاطر
لذا وجب مناقشه مثل هذه الأمور لتفاديه والتنوير بمدي خطورتها
ولا تعتبر القصهخ تشهير أو غيبه أو نميمه
لأن الأخ سجيمان قد ذكر القصه معممه والهدف منها واضح لا لبس فيه
فأرجوا من الأخوان مناقشة محتوي الموضوع مناقشه مستفيضه للتنوير والتذكير

ومحبتي للجميع

سي جي
تحياتي
ما زلنا نتصرف بالعرف الذي لم يعد ينفع في زماننا هذا. لا بد من الإلتزام بالخطوط الحمراء التي تمنع إختلاط البنزين بالنار كما قال هوبلس. حسن النية متوفرة ، و لكن هل تضمن الشيطان ؟ إبليس يتسلل خفية من خلال نوافذ حسن النية و الإتكال على العرف و التقاليد.
تسلم سي جي.

الاعزاء اتمنى ان يتم تناول الموضوع بجدية كتر من جوانب مختلفة لانو الموضوع مهم

يعني في القصة الاولى اعتقد ان اكتر من جانب ممكن يكون سبب:
غياب الزوج عن زوجته يجري ورى الفوس والمر تتجارى برا

تساهل الزوج مع الزوجة في ادخال غير المحارم في حالة غيابة عن البيت(دي من المحرمات شرعا التي لا يدري السودانيون عنها شي ولا ادري لماذا

خروج الزوجة مع اي سوداني من الاهل يوديها السوق والمستشفى والجامعة ما ولد عمها وولد خالته أخوها يعني

ووو وترجعوا تبكو بعدين في حين ان المرا خوافه جدا وتحميرة واحدة تمشيها زي القطر في سكة حديد

Dear Sijiman & The princess98,
First let may put some facts on the top: the betray between the husband and the wife is an ancient behavior, it starts since the begining of the mankind on this earth, and ethically it has to be judge with the same stndards for the husband and the wife, but I think there is so many factors contributed to make u think it is about a woman who betrayed her husband whenever you bieng told about betray, and I have no doubt that the majority of the the Sudanese on line visiters and the members were thought about a woman who did, even if they read or not but it is the impression, no body asks him self why? it may also mean the husband slept with another woman in the same bedroom after he sends his wife to deliver ababy with her mother, this the perfect time for the most of the Sudanese men( Imean in the middle and me be the nothern part of the Sudan) to do it, and me personally I could say I didn't pass across a man who have never betrayed his wife by having ####### outside thier marriage.
If we have to analyse the mentality - imean the culture factor, I can say it is known a long the history specailly after the social system changed and people started to be called by thier fathers and not thier mothers , it is known that the man has always the upper hand in the ownership and the freedom of the movement, when the woman doesn't, this in addition to the other factors.
So I would like to say it is abig issue that need to be seen from different aspects. In other Sudanese cultures usually the husband whose wife is bieng found with another man has to be paid cerian amount of money, I think this issue should be dicussed under the understanding of the cultures differences. I know that such story that Sjiman told became like normal behaviort in the Gulf country, and just remember how many men and woman betrayed each other but thier partners have no idea and thank to god that so many of that is just die before it is known.

Bakry

بكري الجاك شكرا للتحليل المستفيض والمفيد....لكنيا عزيزي لو قمت بترجمته للعربي اعتقد ان نفعه راح يكون اكتر........لك تقديري

الاميرة 98.....المرا خوافة قلت لي؟.......ما في داعي للخوف......في الامور دي.....لانو اول ما يزول الخوف يرجع الحال في حالو

ابوجهينة.......شكرا للمشاركة..... الالتزام بالخطوط الحمراء مع الالتزام بالاعراف

عزيزي هوب لس لك التحية.......اعتقدفي بعض دول الخليج.....هناك بعض السلبيات الاجتماعية في المجتمع الاصلي....وتأثر بعض الوافدين بهذه السلبيات......وخصوا الاسر..وكذلك......الانقطاع عن المجتمع السوداني لفترة يؤدي الي نسيان بعض الاعراف.....منذ ان نشأنا هناك اختلاط ومودة بين كل ابناء الاقارب...... لا تتجاوز حدودا معينة مرسومة..... ومعلومة...نسمع عن بعض التجاوزات....ولكن صاحبها يخضع لعقاب اجتماعي...... مما يكبح جماح الاخرين.....ولكن مهما كان هذا التجاوز لا يرتقي الي مستوى التغرير باقرباء الدرجة الاولى...........

الأخوه الأعزاء .. هذا موضوع في غايه الحساسيه وله أبعاد كثيره .. وفي حاجات كتيره كانت تجول في خاطري و طرحها بعضكم هنا .. مثل هذه الحالات متفشيه ويجب مناقشتها على الأقل للوصول للأسباب

البعض منكم قال انو سبب الخيانه هي انشغال الرجل عن البيت و البعض قال التشتت الأسري و العديد العديد .. لكن يا جماعه وين الضمير و الأمانه مع النفس فوق ده .. الخيانه قبل ما تكون زوجيه بتكون خيانه لله و للضمير .. يعني ما ممكن الراجل يكون حايم بره بيشتغل و يحلل ده للمره انها تسوي أي حاجه .. صح ؟؟ و نفس الحكايه بالنسبه للراجل .. وهنا المشكله أكبر لانو بعض الرجال بيعتبروا ده مافي نطاق المحرمات لانو راجل .. ياخي بعدين قدام الله مافي لا راجل لا مره .. صح ولا ما صح يا جماعه ؟؟

والله الزول بقى يتحسر لمن يشوف حاجات زي دي منتشره في بلدنا .. أهلنا متمسكين شديد بدينهم وعاداتنا و السمح و الشين .. وفي الأخر تظهر بعض الثغرات التى أسبابها ما معروفه .. عذرا للإطاله لكن من الحرقه والله .. أرجو رجاء خاص انو يتم أخذ هذا الموضوع بعين الإعتبار و الجديه ..والمناقشه الجماعيه دايما مفيده ..

وتسلموا

سكتاوية.......اسف على التاخير في الرد.....الحقيقة انا عاوز اكبر قدر من الناس المشاركة في الموضوع وابدا الرأي......والمختصين الاجتماعين ان وجدو...... يشاركو بتحليلهم......ووجهة نظرهم..........

الأخ سجيمان
طبعا لن أفتح باب خيانة الأزواج لزوجاتهن مع ذكري اياه ، لأن القصص ستستهلك الباندويدث بتاع الانترنت كلو


بعدين ياخواننا شغلانة حسن النيه دي شايفها حجه ما جايبه همها
كلنا مولودين بحسن نيه فينا ، ومع ذلك الأخطاء تتوالى سرا أو جهرا

كلو واحد فينا واثق من مرتو ، وكل امرأه واثقه في زوجها والا لما تزوجته من البدايه
يعني حسن النيه قد يكون موجودا زي ما حسن الظن من الطرف الآخر موجود أيضا

لكن حتى لو جلبت أتقى رجل ، فهل يكفي تسلحه بالتقوى لتجعله مع امرأة متزينة أو العكس ؟ ربما يثبت الاثنان طويلا وربما لا يثبتان
والقوانين لم تختص ذوي النية السيئة ، والا لما شملت الأوامر الصحابة أيضا وزوجات نبينا

ومادام أن الله منع الاختلاء ومنع أشياء كثيرة أخرى نستهين بها - من باب سد الذرائع ، فهذا معناه أننا اذا خالفنا أوامر الله ونواهيه وتعليمات رسوله ، فلا بد سيحدث لنا ضرر مهما حاولنا منع ذلك

والا لأصبح كلام المولى عزوجل بلا معنى وبلا أثر حين منعنا من أشياء كثيرة متعلقة بالتعامل بين الجنسين ، والضرر ليس فقط من قبيل الخيانة الزوجية الفكرية أو البصرية أو الجنسية ، ولكن قد تكون هناك آثار نفسية سلبية على العلاقة بين الزوجين نحن لا ندريها ، ولكنها تؤثر وتهدم في الخفاء ، لمخالفتنا أمرا بغض بصر أو عدم مصافحة أو عدم خضوع ولين في القول أو خلوة ، وانظروا أن الرسول صلى الله عليه وسلم أمر زوجتيه أن تلبسا الحجاب في وجود شخص أعمى
وهذا قد يعني أن هناك أشياء نفسية قد ندريها أو لاندريها الآن ، ولكن لولا الضرر لما طلب من زوجتيه أن تلبسا الحجاب لوجود ابن أم مكتوم ، والله أعلم


هو خلقنا جنسين ، وكان بامكانه خلقنا جنسا واحدا ومع ذلك نتوالد ونستمتع بطريقة ما
لكنه اختار هذه الصيغه ، واختار لكل صيغة قانونا معينا
فالله أودع خصال نفسية معينة في كلا الجنسين ، فـهـو بـالـتـالـي يـفـهـم نـفـسـيـاتـنـا أكـثـر مـنـا ، لأنه خالقها و واضع قوانينها

فمافي داعي نتفولح ونظن أن قوانيننا الخاصة وما أسميناه أعرافنا وتقاليدنا سـتـطـغـى على قوانين الخالق وأعراف وتقاليد الدين الذي نتبعه

طريقتنا في الحياة لا يضعها لنا من سبقنا من أجداد ، ثم نقدسها ونعبدها ونسميها دي عاداتنا ودي أعرافنا ودي تقاليدنا

هل رآهم رسولنا وأثنى على تصرفهم وقال لنا أن تقاليدنا هي أوجب للاتباع مما جاء به من الخالق ؟

انتبهوا وما تستهينو ليس خوفا من وقوع المعاصي أو الفضايح ولكن خوفا من غضب الله أو عدم رضاه
وأرجو أن نغير عاداتنا وتقاليدنا ، حتى لا نظلم من سيأتي بعدنا من أجيال أيضا
وربنا كدي يحفظ الجيل دا في الأول ، ويسترنا

سلامات
هوبليس

Quote: سلام واحترام اختلف مع الاخ ودرمليه في ما ذهب اليه بأن تناول مثل هذه الظواهر المتواجده وبكثره فيه ما فيه وما اوردته من صورة حية هي جزء من واقع لظاهرة سيئة مستشريه وللاسف الشديد في مجتمعنا بصورة تحتاج منا لمناقشه دون زر الرماد ودفن للروؤس في الرمال نعم كلنا يري التجاوز في اوضاع بعض الأسر في دول المهجر ومال آل اليه حالها من تفكك بسبب اختلاط الحابل بالنابل ومن أكثر الاشياء الماساعده لحدوث مثل هذه الظواهر هو وضع الكبريت قرب البنزين بحجه أنهم اقرباء للزوج أو الزوجه في وضع غير شرعي بأن يترك رب البيت اسرته في عهده احد اقرباءه اثناء انشغاله أو سفره .. مما يساعد وبصورة مباشرة في حدوث ماهو محظور

هوبليس اظنك تحب الاختلاف في اغلب الاحوال
مزحة
انا لم اختلف مع سجيمان في جوهر القضية بقدر اختلافي معه في مصدرها والذي كان من الاحري ان يكون مصدر عام خيرا من ان يكون صديقه الشخصي
فهل لو كنت انت في بلد ومكان واحد مع سجيمان وقراءت هذه القضية في النت فهل يصعب عليك الوصول للشخصية صاحب هذا الهم وانت تعرف اصدقاء سجيمان جميعا وتعرفه ايضا في الموقع هناومثل ماوصلتك القضية واستنتجت صاحبها فلن تصبح سر بعد ذلك
عزيزي كان حريا به ان يقول اني سمعت كذا وكذا صدقني الموضوع كان يكون عادي والواحد بيشارك فيه
ولكن ان افشي سر صديقا لي حتي وان لم اذكر اسمه فوالله العظيم انه لعين العيب
ومازلت اختلف في طريقة طرح هذه القضية واختلف مع صاحب البوست فيما فعل بصديقه
ولاتنسي اني دائما ابحث عن الحب
وليس لي كره مع احد ولا احب ان يكون لي
وسجيمان الاختلفت معاهو انا دا هو زول اخي وبيني وبينه المحبة والجواز الاخدر دا
سلمتم جميعا

أحزنتنى هذه القصة كثيرا

يا حليل زمن كان ابن العم والعمة الخال و الخالة
و ابن الجيران وود الحلة
من اصحاب العرض
وفى حكم المحارم عرفيا
أدهشنى ان الخائن قريب الزوجة قرابة من الدرجة الاولى
يعنى ولى
يا حليل الوليان المقنع
ولا حولة ولا قوة الا بالله
وربنا يعوض هذا الرجل بخير منها

أخي ودرمليه
لو قال سمعت كذا وكذا
لقلنا له تأكد أولا يا أخي ، ولقلنا يا جماعه ماتكبروا الموضوع وتحاولوا تشوهو من سمعة العايلة السودانيه ، ولقلنا يا جماعه نحنا مكبرين الموضوع وبانينو على حدث ربما لم يحدث أو هو قليل وربما تفاصيله خاطئة

والله لا أظنه خان صديقه في شئ ، والموضوع حينما ذكره ليس كقصة عابرة نقرأها في الجرائد ونمر عليها مرور الكرام ، فانها بذلك أصبحت أوقع في نفوسنا ، وتألمت للقصة وتأثرنا وكأننا لم نسمع مثلاتها من قبل

أحسن نركز في الموضوع والمشكلة هذه من الناحيتين ، خيانة الزوجة وخيانة الزوج

عزيزي سي جي
تحية عطرة
دعني ابدأ مداخلتي برواية ذكرها لي صديق عزيز عن احد اصدقائه. كان الصديق الذي يدرس بالاسلامية متزوجا بنت عمه وتسكن مع اهله في احدى مدن السودان القصية . وقد انشغل الصديق بالدراسة وكان في الاجازة يذهب للقضارف ليعمل في الاعمال الموسمية ويزيد دخله، مما يمكنه من مواصلة الدراسة وارسال بعض المصاريف لاهله وزوجته
استمر الحال هكذا سنتين ولم يزر اهله ولا زوجته. بعد عامين ارسل له والده يطلب حضوره فورا، وسافر الصديق للبلد ووجد والده امام الجامع وكبير الحي ساخطا غاضبا من بنت اخيه وزوجة الصديق لانها حامل وسيرتها اصبحت على كل لسان وطالبه بتطليقها وارجاعها اهلها لانها اقرت بالحمل
تعرفوا ماذا كان رد الصديق؟ رفض وقال لوالده انه هو الذي قصر تجاهها بتركها عامين كاملين وهذه غلطته هو. وطلاقها سيخرب ما بين والده وعمه وهم اسرة مترابطة
اخبرني صديقي الراوي ان امراته وضعت بنت وقام بتسميتها واحتضانها وان زوجته تكبر فيه ذلك وتخلص له كثيرا
بدات بهذه الرواية يا سي جي حتى ترى نموذج أخر لم يذهب الى اي صديق وفعل ما املاه عليه ضميره
ودرملية كان محق حين قال ان عرضك للحدث بهذه الصورة فيه عدم احترام لمن ائتمنك ويمكن اذا بعرفك من كلامك اعرف انت بتقصد منو الزول الخجول المهذب الذي ارسل عقود لاهل زوجته
يبقى المهم اننا نحترم علاقات البعض وما نحاول ننشرها حماية لهم. يمكن صاحبك دا ما انفصل اوعندو نية يرجع هل ممكن بعد ان عرفت القصة؟ طبعا لا
وليه نحن كرجال شرقيين بنفترض اننا فريدين وما فينا عيب وانو المرأة لازم تقبل بينا؟ يمكن خجل الصديق وحساسيته دي سبب ان تبحث الزوجة عن أخر جرئ وغير خجول
المهم الزواج المبني على الحب والتفاهم هو اساس الاسرة السعيدة وليس الاغتراب والمال الوفير. ولا شنو
مع شكري

بيس ميكر.....شكرا للمشاركة.....ووجهة نظرك محل تقدير

الإخوه الأعزاء .. حتى الأن ما في زول اتنافش في أساس الموضوع .. أتفق معاك يا أخوي Peace Maker في كلامك عن المرأه .. الكثيرون يستهينون بالمرأه و يعطون لنفسهم حقوق و تحرم على المرأه .. وبعد ده كلو نكرر و نقول ده ما بديها الحق في الخيانه .. لا هي ولا الرجل .. في حاجه اسمها ضبط

و صدقني يا سجيمان حديثي عن عادات مجتمعنا و غيره لم يكن فلاحه ولا خاجه .. بل كان بمثابه مقارنه .. مافي زول سأل روحو ليه زمان الحاجات دي ما كانت متفشيه و حسي متفشيه و منتشره كالوباء ؟ هذا ما كنت أعنيه يا أخي .. وبعدين كيف نغير عاداتنا عشان الأجيال القادمه ؟؟ دي صراجه ما فهمتها و أرجو منك توضيحها ..

وتسلموا

الإخوه الأعزاء .. حتى الأن ما في زول اتنافش في أساس الموضوع .. أتفق معاك يا أخوي Peace Maker في كلامك عن المرأه .. الكثيرون يستهينون بالمرأه و يعطون لنفسهم حقوق و تحرم على المرأه .. وبعد ده كلو نكرر و نقول ده ما بديها الحق في الخيانه .. لا هي ولا الرجل .. في حاجه اسمها ضبط

و صدقني يا سجيمان حديثي عن عادات مجتمعنا و غيره لم يكن فلاحه ولا خاجه .. بل كان بمثابه مقارنه .. مافي زول سأل روحو ليه زمان الحاجات دي ما كانت متفشيه و حسي متفشيه و منتشره كالوباء ؟ هذا ما كنت أعنيه يا أخي .. وبعدين كيف نغير عاداتنا عشان الأجيال القادمه ؟؟ دي صراجه ما فه%E

الإخوه الأعزاء .. حتى الأن ما في زول اتنافش في أساس الموضوع .. أتفق معاك يا أخوي في كلامك عن المرأه .. الكثيرون يستهينون بالمرأه و يعطون لنفسهم حقوق و تحرم على المرأه .. وبعد ده كلو نكرر و نقول ده ما بديها الحق في الخيانه .. لا هي ولا الرجل .. في حاجه اسمها ضبط

و صدقني يا سجيمان حديثي عن عادات مجتمعنا و غيره لم يكن فلاحه ولا خاجه .. بل كان بمثابه مقارنه .. مافي زول سأل روحو ليه زمان الحاجات دي ما كانت متفشيه و حسي متفشيه و منتشره كالوباء ؟ هذا ما كنت أعنيه يا أخي .. وبعدين كيف نغير عاداتنا عشان الأجيال القادمه ؟؟ دي صراجه ما فهمتها و أرجو منك توضيحها ..

وتسلموا


iam facing some problem with writting this msg please accept my apologize .

Sakotaweya الأخت
قلتي لينا
مافي زول سأل روحو ليه زمان الحاجات دي ما كانت متفشيه و حسي متفشيه و منتشره كالوباء ؟
والله ممكن أكون زي الأسطوانة وأقول عشان الحالة الاقتصادية وعشان سياسات الحكومة وعشان الكبت الخ الخ
طبعا كدا لا حأقدم ولا حأخر وحأقعد أكرر حاجات أنا ما مقتنع بيها ، والأدلة موجودة من عدة مجتمعات في عدة حقب زمنية
رأيي استنادا الى ما قلته في البوست العلقتي عليه ، أنو احنا زمان بدينا الطريق الغلط ، ومشينا فيهو حتى اعتدنا عليه أو عودنا أنفسنا عليهو - ما يسمى بالف المعصيه - ودي زي ما قال شيخ وجدي غنيم أول وقوع نفسي في المعصية ، وهو أننا نتعود على رؤيتها من الآخرين ولا نستنكر ، فالحصل أنو الزمن مر والمجتمع شرب الأخطاء دي وأورثناها للجيل البعدنا ،وبالعكس بقينا نستنكر عليهم اذا اتصرفو صح ، يعني لو واحده قاعده في البيت براها وجا ود عمها دق الباب أو صاحب زوجها وهو غائب وما فتحت الباب ، يقومو الناس يشيلو حسها ويتهموها بالسغاله والتخلف والعقد ، يعني اتحولنا من حالة فعل المعصيه الى حالة الأمر بها ، وبقينا ننهى عن المعروف طبعا والأمثلة قدامنا ، ما ظنيت أبدا أنو ربنا يتفرج طويل علينا ، كان لازم يجينا اثبات منو أنو البخالف طريقتو فحيلاقي النتيجة السيئه ، ومعروف عندنا أنو الكفار بلاقو النتيجه في الآخره ، أما نحن فبنلاقيها في الدنيا قبل الآخره
و من النتائج البحصل قدامنا والمصائب الكتيره على بلدنا
فالبذره السيئة كانت بتنمو وظهرت مع تفشيها واعلاننا لها بالصورة دي

أيضا سألتيني وقلت
.. وبعدين كيف نغير عاداتنا عشان الأجيال القادمه ؟؟ دي صراجه ما فهمتها و أرجو منك توضيحها
دا مرتبط بالنقطه ديك ، أنو نحنا اتظلمنا أولا ممن سبقنا ، تانيا قصدي أنو ناس زمان فرضو علينا تصرفات خاطئة اعتادو عليها وسموها عادات وتقاليد ، طبعا قصدي خاطئة بمنظور ربنا ، ونحنا تابعنا السستم بتاعم ، فأنا كنت بتمنى أنو نحنا نصنع عادات جديدة عشان الجيل البعدنا ما يقوم ويلاقي أنو عادي البت تركب ملح في الشارع ، والولد يحضن البت في الرقيص في الحفله ، والراجل يلفلف بعربيتو بالليل في شوارع الأربعين وبانت وعبيد ختم والمعونه ، يلقط ساكت
دا قصدي أنو نحنا حنظلمهم كدا ، لو قاموا وصحو على الحاجات دي

لأنو دي حتكون عادات مجتمعنا الجديد وتقاليدنا

هاك دى يا سجمان

قد تكون هذه القصة غريبة بعض الشى وقد يندهش القارى حيث يقراء هذه الاسطر لتك الفتاة المتزوجة وام الاربعة اطفال لكنها لم تحفظ غياب الزوج حيث قامت بخيانتة.
حدثت هذه القصة فى العام الماضى فى احدى احياء العاصمة العريقة .

شابة تزوجت من رجل ميسور الحال من اسرةمستورة وهى ايضا فتاه تمتاز اسرتها بالعفة والقناعة وتمتاز بالجمال الفاتن المبهر العين والقوام الفارع انجبت اربعة بنات ولكن ذلك لم يؤثر فى جمالها فى مثل بنت العشرون .

قبل الزواج كانت هنالك علاقة طيبة مع ابناء جيرانها واستمرت هذه العلاقة زمن طويل حتى بعد الزواج وفى غياب الزوج . وهى واطفالها مع اسرة الزوج المكونة من اخوين احداهم صغير السن ووالدتهم فكان اصدقائها ياتون المنزل من كل حين الى اخر ويتسامرون داخل صالون المنزل بالضحكات واصواتهم العالية . فبدا الغضب يبين بين اعيون اخ الزوج الاكبر وبدا يتناقش معاها فيما يصير داخل المنزل معها وابناء الجيران فحد بهما النقاش وتعالت الاثارة بينهما. فاتصل باخية يخبرة عن ما جرى ويجرى داخل المنزل اتجاة زوجتة . فاندهش الاخ برد اخية حين قال له ( حياتها ونا اثق بزوجتى تمام الثقة ولا يحق لك ان تسألها.

منذ ذلك الوقت كف الحماة عن سؤالها فخرج من المنزل تارك لها اياه .

وكان يعود الى المنزل فى غيابها لمعرفة احوال والدتة وشقيقة الاصغر وقد اخبرتة امة ان زوجة اخية ما زالت فى افعالها المشينة .


(( وقوع الحادث ))

شعرت الزوجة بانها حامل فارادت ان تتخلص من الجنين فذهبت الى الصيدلى وطلبت منة حقنة وقد ادرك الصيدلى انها تريد اسقاط الجنين خاصة وانة على علم وله علاقة باسرة زوجها ويعرف ان زوجها غايب فاخبر شقيق زوجها بذلك فطلب منة ابلاغ الشرطة خاصة وانة يشك فى علاقتها منذ دخول هؤلاء الشباب الى المنزل وبالتالى اساءت لسنعة الاسرة ويتمنى الانتقام منها اليوم قبل الغد اخبره بانه يجب ابعاده عن الصورة وان يتابع ذلك الامر بنفسة .

بدأ الصيدلى متابعتها حتى ذهبت لمنزل القابلة لاسقاط جنينها ظنا منها انة لا احد يعرفها .

(( تم القبض ))

بعد البلاغ الذى ورد الى مكتب الشرطة تم القبض على المتهمة داخل منزل القابله وام بالتحرى معاها واعترفت بجريمتها حيث اوضحت انها تريد التخلص من الجنين الذى جاء نتيجة خطأ وتم القبض على المتهمين الذين كانو يترددون عليها حيث ثبتت التهمة على واحد منهم وتم حبسهم هو وزوجة المغترب حيث رفض تخليصهما من الجنين وحبسهما لحين ولادتها الان انها اطلق صراحها بضمانة .


(( مأساة الزوج ))

عرف الزوج بذلك الخبر فقد كان هذا الخبر بمثابة الكارثة بالنسبة له فكيف لزوجتة وام ابنائة ان تخونة رغم الثقة التى منحها اليها وقد اخبر والدتة بحضانة بناتة الاربع الى حين عودتة الى السودان وعدم السماح لاى فرد من اسرة زوجتة التقرب اليهما فامة كفيله بتربت الابناء .

لم ينبقى غير ايام ويعود نهائيا الزوج وذلك لحسم هذا الموضوع خاصة وانة اتخز قرار فى نفسة بطلاقها وليقف بنفسة على هذه القضية لمعرفة ما وصل اليه القضاء وفى نفسة قرار نهائيا يكتفى بتربية ابنائة خاصة وانهم قد فقدو الام الحنونة بعد ان تجردت من انسانيتها وبسبب طمعها وغرورها اضاعت اسرة بكاملها .


تحياتى

بامسيكا......شفت في قصتك دي السترة والفضيحة متباريات كيفن؟.........يعني كان ممكن تستعمل اي موانع حمل قبل ما يقع المحظور

هاك دى يا سجمان

قد تكون هذه القصة غريبة بعض الشى وقد يندهش القارى حيث يقراء هذه الاسطر لتك الفتاة المتزوجة وام الاربعة اطفال لكنها لم تحفظ غياب الزوج حيث قامت بخيانتة.
حدثت هذه القصة فى العام الماضى فى احدى احياء العاصمة العريقة .

شابة تزوجت من رجل ميسور الحال من اسرةمستورة وهى ايضا فتاه تمتاز اسرتها بالعفة والقناعة وتمتاز بالجمال الفاتن المبهر العين والقوام الفارع انجبت اربعة بنات ولكن ذلك لم يؤثر فى جمالها فى مثل بنت العشرون .

قبل الزواج كانت هنالك علاقة طيبة مع ابناء جيرانها واستمرت هذه العلاقة زمن طويل حتى بعد الزواج وفى غياب الزوج . وهى واطفالها مع اسرة الزوج المكونة من اخوين احداهم صغير السن ووالدتهم فكان اصدقائها ياتون المنزل من كل حين الى اخر ويتسامرون داخل صالون المنزل بالضحكات واصواتهم العالية . فبدا الغضب يبين بين اعيون اخ الزوج الاكبر وبدا يتناقش معاها فيما يصير داخل المنزل معها وابناء الجيران فحد بهما النقاش وتعالت الاثارة بينهما. فاتصل باخية يخبرة عن ما جرى ويجرى داخل المنزل اتجاة زوجتة . فاندهش الاخ برد اخية حين قال له ( حياتها ونا اثق بزوجتى تمام الثقة ولا يحق لك ان تسألها.

منذ ذلك الوقت كف الحماة عن سؤالها فخرج من المنزل تارك لها اياه .

وكان يعود الى المنزل فى غيابها لمعرفة احوال والدتة وشقيقة الاصغر وقد اخبرتة امة ان زوجة اخية ما زالت فى افعالها المشينة .


(( وقوع الحادث ))

شعرت الزوجة بانها حامل فارادت ان تتخلص من الجنين فذهبت الى الصيدلى وطلبت منة حقنة وقد ادرك الصيدلى انها تريد اسقاط الجنين خاصة وانة على علم وله علاقة باسرة زوجها ويعرف ان زوجها غايب فاخبر شقيق زوجها بذلك فطلب منة ابلاغ الشرطة خاصة وانة يشك فى علاقتها منذ دخول هؤلاء الشباب الى المنزل وبالتالى اساءت لسنعة الاسرة ويتمنى الانتقام منها اليوم قبل الغد اخبره بانه يجب ابعاده عن الصورة وان يتابع ذلك الامر بنفسة .

بدأ الصيدلى متابعتها حتى ذهبت لمنزل القابلة لاسقاط جنينها ظنا منها انة لا احد يعرفها .

(( تم القبض ))

بعد البلاغ الذى ورد الى مكتب الشرطة تم القبض على المتهمة داخل منزل القابله وام بالتحرى معاها واعترفت بجريمتها حيث اوضحت انها تريد التخلص من الجنين الذى جاء نتيجة خطأ وتم القبض على المتهمين الذين كانو يترددون عليها حيث ثبتت التهمة على واحد منهم وتم حبسهم هو وزوجة المغترب حيث رفض تخليصهما من الجنين وحبسهما لحين ولادتها الان انها اطلق صراحها بضمانة .


(( مأساة الزوج ))

عرف الزوج بذلك الخبر فقد كان هذا الخبر بمثابة الكارثة بالنسبة له فكيف لزوجتة وام ابنائة ان تخونة رغم الثقة التى منحها اليها وقد اخبر والدتة بحضانة بناتة الاربع الى حين عودتة الى السودان وعدم السماح لاى فرد من اسرة زوجتة التقرب اليهما فامة كفيله بتربت الابناء .

لم ينبقى غير ايام ويعود نهائيا الزوج وذلك لحسم هذا الموضوع خاصة وانة اتخز قرار فى نفسة بطلاقها وليقف بنفسة على هذه القضية لمعرفة ما وصل اليه القضاء وفى نفسة قرار نهائيا يكتفى بتربية ابنائة خاصة وانهم قد فقدو الام الحنونة بعد ان تجردت من انسانيتها وبسبب طمعها وغرورها اضاعت اسرة بكاملها .


تحياتى

ما عارفة ليه على قدر ما بازعل من القصص الزي دي
والمبالغة في اظهار اخطاء المرأة ومساوئها
وفي المقابل التحدث بكل تساهل عن اخطاء الرجل
على قدر ما بافرح من حاجة ايجابية واحدة في الموضوع
انه فعلا المرأة حتفضل رمز للعفة والاخلاق
بالرغم من كل ما يحدث
ومن كل الحكي والكلام
تظل غلطة الشاطر بألف عندنا
وبواحد فقط عند رب العباد

لو المثال اتقلب في حكاية من الفاتت
والامثلة كتيرة بعد تسفير المرة والاولاد السودان, واحدة طالعة ودي نازلة شقة العائلة
والعجب لو في خدامة تقعد تخدم الراجل وست البيت مافي
والبركة في فصيلة الحبش الما عارفة سر عشق الرجل السوداني لهن شنو؟
كان العذر ان الراجل مسكين والمرة مهملاه وسايباه بالشهور عشان تقعد مع اهلها
الحلال واضح والحرام واضح مافي اعتراض عشان ما اتفهم غلط
لكن المساواة في الظلم عدل برضو مش كدة؟


تحياتي زولة123
ويا ساكوتاوية ما تزعلي

Quote: العذر ان الراجل مسكين والمرة مهملاه وسايباه بالشهور عشان تقعد مع اهلها الحلال واضح والحرام واضح مافي اعتراض عشان ما اتفهم غلط لكن المساواة في الظلم عدل برضو مش كدة؟

بسسسسسس يا زوله .. ده بيت القصيد .. الحلال واضح والحرام واضح .. أنا من الحته دي بنادي بمبدأالمساواه بين الراجل والمرأه .. يعني ربنا حتى العفاب ساوى فيهو , قال تعالى : " السارق والسارقه .......... " صدق الله العظيم .. حنجي نحن البشر و نفرق و نقول ده حلال على لراجل و حرام على المرأه ؟؟ صح هناك الكثير من قصص خيانه النساء لأزواجهن .. لكن حدث ولا حرج عن ما يفعل الرجال سواء قبل الزواج ولا بعدو .. صدقوني الضميرو ما صاحي لا بفرق معاهو ولا معاها لا زواج ولا قبل زواج .. ولا انتو ما معاى يا جماعه ؟؟

انا والله في موضوع الخيانه دي لا بدافع عن مره لا راجل .. لكن فكرتي انو ... دي حاجه بيقنعو بيها الناس نفسهم .. فيجي زول يقول والله دي لحظه لا وعي ولا مرتي ما شغاله بي ولا المره تقول برضو نفس الكلام والبعض يتعذر بأنو الحاجات دي الزول صعب يضبط روحو وأعذار كتيره المجتمع أصبح يقبلها وخاصه لو جات من راجل ..لكن كان مره ..واطاتها أصبحت .. وللأسف أصبحت مثل هذه الأشياء تمر على الأذان وكأنو عادى الحاجه دي .. الزول بيأسف للحاجه دي والله ..

عذرا للإطاله

وتسلمـــوا

بيان..... زولة123......سكوتاوية...... شكرا للمشاركة..........
اللوم دائما تتحمله المرأة..... نعم.... هذه حقيقة...... قد يكون تحميلها الخطأ مبالغ فيه....ولكن لان مثل هذه الاخطاء تبين نتائجه على المرأة ولا تكون واضحة علي الرجل.....المراة هي التي تحمل.... البذرة.....وهي التي تضع الجنين......المرأة هي الوعاء.....والرجل زائر......لا تقضي زيارته بضع دقائق......ويرحل.....تاركا الوعاء بما فيه...... يحمل اثار الزيارة ...وتبين....يوم بعد يوم.........من هنا كان الخوف على المراة اكثر من الرجل......ولابد من حمايتها سوى بسلوك اجتماعي.....او بعرف.....او بتقليد......يحملها الوزر......

عذرا......نكون....في هذا متساون...... لو ان التلقيح يتم خارجيا....... زي الاسماك يعني..........الانثي تلقي البويضات...والذكر ياتي بعدها ويلقي الحيوانات المنوية.......وكل قرد يطلع شدرتو.....لا سمكة حملت ولا ولدت ولا يحزنون.......ولا فضيحة....ولا الولد ولد منو؟......ولا ضكر الحوت يجي اخر اليوم شايل اكياسو....... ويقعد ياكل في جنا ما جناهو.....ويربيهو ويصرف عليهو.....يحمل اسمو ساكت تزوير.....وبعدين يرث منو القروش والعمارات.....والقيامة كلها وهو في النهاية ما ولدو......والشخص الوحيد اليقدر يحدد انو دا ولدو ولا لا.....امو وبس.......مسئولية المرأة اكبر من الرجل.

سلامات
obay-uk

لك ان تعلم ان هذا البورد نتعامل فيه من باب الصدق اولا واخيرا واظنك شاهدا علي ذلك ياخي ولسنا في حاجة لتكذيب الامر بقدر حاجتنا الي البحث في عواصي المصائب وتفتيت مسبباتها بحثا عن الدواء الناجع
وكل من كذب كذبته هنا في البورد اكتشف امره باسرع مايمكن
وانا مازلت اعترض علي ان الموضوع يخص صديق ما اسر به لصديقه بحثا عن التنفس ومشاركة الهم من باب الاخوة والصداقة واظنه عندما حكي الامر كان يعتقد بانه يحكيه لنفسه دلالة علي ااتمانه لصديقه ولكن ان ينشر الاخر غسيل صديقه فوالله العظيم انه لبئس الفعل
وافتكر يااخي انو علي الاقل هذه وجهة نظري انا لاافرضها عليك ربما تخالفني فيها وهذا حقك كاملا ولكن ان تجعل وجهة نظري هذه غير منطقية بتبريراتك المسبقة فهذا ليس من حقك
ولك مني دائم الشكر والمحبة

أكبر مصيبة أن هذا التعيس قد قتله حسن الظن وتمت الناقصة بأن أفشي همه لمن لا يؤتمن علي سر !! ـ فأصبحت قصته منشورة علي مدار الساعة في منبر عام علي الانترنت من وراء ظهره من أجل التعليق و الاثـارة !!!!! ـ الانترنت؟؟!!! ــــ ــ

منير......العوير.......شكرا للمشاركة

C G Man

الكلام في ظاهرة جميل
لاكن اسمح لي ان اخالفك الراي
فمتى كان المفعول بع جاني\
واذا جادلتني بان الاثناء فاعلين
فما زلت استنكر هذه المبالغة في اخطاء المرأة التي يقابلها تخفيف واضح واعذار لاخطاء الرجل الخلقية
من قال ان مسؤولية المرأة اكبر
هل هو مكتوب في كتب سماوي؟
على حد علمي حين يتناول القرآن الزنا
يبدا بذكر الزاني ثم الزانية
كمعظم الافعال التي اعتدنا ان نذكرها تبجيلا وتفضيلا لحكم علو الرجل
فلماذا يعلو في كل شيء
ولا يتحمل وزره
وهي من ابسط مقومات الرجولة التي تعلمناها
في تحمل المسؤولية

طيب سيبك من منطق من يحمل ومن يشيل
لنناقش فعل دون حمل او اثار
رجل متزوج وامرة متزوجة
والخطيئة بينهما
ترجم لي فلسفة خروج الرجل مرفوع الراس بفحولته, وخروج المرأة مطأطأة الراس تحمل ذل فعلتها مدى العمر


في انتظار الاجابة
تحياتي
زولة1123

زولة123......شكرا للمداخلة.......سؤالك عن امرأة متزوجة ورجل متزوجة.... يمارسون الخطيئة......ان الرجل يحمل وزرة ايضا......ولكن ارجع واقول....... لابد من اخذ مسألة منو البيحمل ومنو البيشيل في الاعتبار....... لانها هي اساس.....كل ما وجد من عرف وتقليد.....وبنظرة بسيطة....مرة تانية نلقى انو المرأة هي البتشيل وهي البتحمل..... نتائج الخطيئة....جنينا ثم مخاضا.....ثم طفلا ترضعه....ثم طفلا ملتصق بها....وهي ملتصة به.....في حين ان الرجل بعيد كل البعد عن الهيصة دي كلها....انا لا اقول ان الرجل غير مخطئ.......لا مخطئ ونص.....ولكن لا يبين عليه اثر الخطيئة..........غايتو انا لهنا كملت جهدي تب.....وان شاء الله تبقي عرفتي قصدي

sakotaweya الأخت
نعم قد يكون ساوى في العثوبة ومثلما ذكرت أن الله ذكر السارق والسارقة ، ولكن ألم تلاحظي أن هناك استثناء وحيد في القرآن ، وهو ذكر الزانية المرأة قبل الزاني الرجل ؟ ماذا تظنين دلالة ذلك ؟
عموما تريني أعلاه طالبت أيضا بذكر خيانات الرجال ولكنها ستملأ الباندويدث بدون أن ننتهي

الأخ ود رمليه
لم أحجر عليك رأيك في انتقاد الأخ سجيمان رغم حسن نيته ، ولكن ما الذي يمنع أن يكون كلانا على صواب ، وان اختلف الرأيان ؟؟

zola123 الأخت
لا أختي ، القرآن لم يذكر الزاني قبل الزانية
بل قال : الزانية والزاني ، فاجلدوا كل واحد منهما .. الى آخر الآيه

دلوقتي ياخواننا في رايكم كيف نمنع الحاجات دي تحصل ؟

السلام عليكم جميعا
قاومت المشاركة في هذا البوست رغما عن متابعتي له من بدايته ، وقد تابعت الأدانات التي تم توجيهها للدكتور سجيمان ، وأعتبرها إدانات ليست في محلها لأسباب عديدة منها التقادم ، ومنها أنه لم يوردأسماء ولم يحدد بلدا ، وقد يكون العنوان نفسه نوعا من الإغراء ، وقد يكون استأذن صاحب الشأن بعد مرور هذه الفترة وبعد أن ذهب كل واحد من الطرفين في حال سبيله ، وقد .....وقد
وتابعت تعاطف البعض مع الزوج الذي اعتبروه مظلوما وقد يكون هذا التعاطف غير مبرر أيضا ، فمن أدراكم كيف كان يتعامل مع زوجته رغما عن طيبته التي شهد بها سجيمان ، هل كان يحبها وكانت تحبه؟ لا أعلم
أقول أن الخيانة الزوجية قديمة قدم قيام المؤسسة الزوجية وقدم الإقرار بها لتصبح الشكل المألوف لشراكة شرعية بين الجنسين ، وقد شرعت الأديان والقوانين والأعراف عقوبات مختلفة على مقترف هذه الجريمة باعتبارها انتهاكا للمؤسسة التي ارتضاها الناس وتعارفوا عليها ، ولأن المجتمعات المعاصرة والسابقة إلى حد كبير مجتمعات أبوية أي أنها ذكورية كما يسميها أخونا عادل عبد العاطي فلذا كان لزاما أن يتجاهل هذا المجتمع مشاركة الرجل ويركز على دور المرأة ويدينها إدانة تل حد العزل الاجتماعي ، هذا الموضوع عن ما تعارف عليه باسم الزنا ، ولكن نحن بصدد الخيانة الزوجية ، وبالرغم من أن الأخيرة تقع ضمن عموميات الزنا إلا أن هناك فرق طفيف بين الاثنين ، وهو فرق كمي وليس نوعي . فالخيانة الزوجية تقع من أحد طرفي المؤسسة القائمة مع شريك ثالث ، وقد يكون الشريك الثالث غير متزوج أو غير متزوجة ، وبالتالي فهي فيها خطأ الزنا وخطأ الغدر بالشريك المطمئن إلى شريكه أو شريكته . لكن أقول وآمل أن لا يطالبني البعض بإحصائية أن عدد حالات وقوع الخيانة من جانب المرأة أكبر منها في حالة وقوعها من الرجل ، وفي العالب فإن الخيانة تقع من المرأة مع طرف عازب ، وهذا من الملاحظة العامة ومن حسابات تعتمد على أن المرأة قد تبحث عن ، أو قد يغريها ، الشباب والوجاهة والصحة والعافية أو قد يدفعها تطلعها لمعايشة الأجيال الجديدة أو لاثبات مقدرتها الخارقة على اصطياد وجذب أمثال هؤلاء الشباب ، أضف إلى هذا أن الزوج خاصة في عصرنا هذا لا يمتلك وقته وفي الغالب تكون الزوجة موجودة بالبيت طيلة ساعات اليوم فتجد لديها فراغا قاتلا قد لا تستطيع ملأه وقد يكون هذا الفراغ مدخلا للسرحة والتفكير ومدعاة لاستعادة بعض أفكار المراهقة
ولأختصر ، أقفز إلى أن الخيانة الزوجية أمر لن يتوقف ، لكن يمكن أن يظل في حد أدنى ، ولكن بشروط
المساواة بين الرجل والمرأة في كل الحقوق والواجبات ودفع المرأة إلى أن تكون شخصا طبيعيا منتجا
اتاحة فرص التعليم والتدريب والترقي المتساوية للمرأة
العمل على نشر التوعية الجنسية باعتبار ان الجنس عمل طبيعي له ما ينظمه من القوانين والعوامل النفسية والشروط البيولوجية والصحية والاجتماعية
العمل على تطبيع التعايش بين الجنسين جنبا إلى جنب دون عقد أو تمييز
نشر الوعي الديني بطريقة سليمة يكون التركيز فيها على مقاصد الدين بعيدا عن التخويف بالعقوبة والتلويح بها لأن ذلك يكون مدعاة للفعل السري
قيام العلاقات الزوجية على الحب والتفاهم بين الطرفين والفهم الكامل لنفسية كل طرف للآخر واستكشاف إمكانيات التعايش بين الطرفين
تيسيير مداخل الزواج باعتباره أداة ومدخلا لإقامة علاقة إنسانية على أسس من المساواة والاحترام المتبادل
عدم أهمال كل طرف لرغبات الآخر ولاحتياجاته وابعاد شبح القهر الداخلي والمعاناة الصامتة
وأخيرا سأظل على قناعة تامة أن المجتمع الطاهر من كل رجس ومن كل خطيئة سيظل هو المجتمع الانساني المنشود والذي سنسعى له كلنا لكن دون أن نبلغه ، وعلينا الأخذ بمبدأ توفير الحريات والعدل والمساواة ومن أجل كل ذلك لا بد من العمل الجاد لتنوير الناس وتثقيفهم ورفع شأنهم وتمليكهم أسس المعرفة وأسس الحقيقة
إذا كانت هناك أخطاء إملائية فهي من طباعتي
وعجلتي فاعذروني