Post: #1
Title: ســــبب الطــــــلاق
Author: سجيمان
Date: 08-11-2003, 04:45 AM
Parent: #0
اربعتشار راجل....قاعدين لهم في خمسة عناقريب...في ديوان العمدة.....الطيب ود الزين..... في عنقريب في النص.....طلق مرتو قبال تلاتة ايام...... القعدة قعدة صُلُح... امونة... المطلقة متفنة في الواطا.....في خشم الباب..... ومدنقرة.....ما رفعت راسها طول الوقت...الطيب بدا ينضم......
"اصلها.....امونة دي من جات... سامية....مرة التاج اخوي...... من الخرتوم طبعها خرب.....وبقت تحاكي في نضم ناس البندر...واتقلهدت بالحيل.....المرا شابكني حاضر حاضر..... امونة ديري الغنماية...حاضر....امونة اديني موية من القربة دي اشرب... حاضر....عليكم الرسول....حسي القربة مع حاضر شن بجيبهم لي بعضهم؟ .... حاضر بي تقال لزول دايرين يدوهو موية من التلاجة....امونة خربت يا رجال....بقت طوالي شايله المرايا....وتصاور في شلاليفها وفي عيونها...طول النهار....سامية مرة التاج اخوي ادتها..... الشيتات البي يضربوبن الحواجب والشلاليف بوهية.....انا حدستها قلت لها يا امونة الشيتات ديل ما مسوينهن.... لي الزيك.....الشي ديل اختيهن....لا وكمان شايله المرايا وتتمنضر....وتغني وترقص براها في نص العوضة...وما بتعرف تغني...غنا اشتر...المرا مو لجنا....ولسانها معوج....والغنا البي تغنيهو...صاطتو و خربتو علي اسيادو......مرة جيت لقيتها تغني في نضم..والله انا لمن زعلت زعل شديد.......لقيتها ترقص وتغني وتقول....المدلدل دا...المدلدل دا.....عليكم الرسول سمعتو بي غنية زي دي؟...... يا امونة المدلدل شنو البي تغني لو؟.....قالت لي دي غنية ترباس.....يا امونة اسمها المدلل مو المدلدل....الله يفضحك هادي انتي.......حسي كان جا زول ماشي بعند الحوش دا وسمعك تغني...في المدلدل دا يقول شنو؟
اها سبب الطلاق........ جيت يوم من الحواشة..... ارجتني قاعدة في طرف العنقريب...ومتقنعة بي توبها.... سعلتها....امونة مالك؟ قالت لي دايرة لي... قلم حواجب....والهناي البي يضربو بو الشلاليف بوهية داك........قلت لها يا امونة القلم هين..... من دكان سعيد دا بجيبو ليكي.....علا هناي الشلاليف دا ....غالي.....وانتي شلاليفك ديل ما بتكفيهن علا صفيحة منو.... الشلوفة قدر ضلفة الباب.....قالت لي قول ماك داير تجيبو بس...... قلت لها ما عندي اسرق يا امونة؟.... قالت لي انا غايتو ماشة بيت ناس ابوي....وما بجي راجعة علا وانت جبت الحاجات دي..... قلت لها ان مشيت بيت ناس ابوكي انتي طلقانة...... ما سعلت في نضم.....طوالي مرقت من خشم الباب ومشت...........
|
Post: #2
Title: Re: ســــبب الطــــــلاق
Author: bayan
Date: 08-11-2003, 05:43 AM
Parent: #1
هجووووووووووووووووم
يا بنات البورد وحرومو
سجيمان دا زودها حبتين
يا اخى ريحنا جننت النسوان جن
|
Post: #3
Title: Re: ســــبب الطــــــلاق
Author: فتحي الصديق
Date: 08-11-2003, 08:45 AM
Parent: #2
سجيمان والدكتورة
لكما التحية والود
يحكى انو في اتنين من ركاب الحافلات في الخرطوم راكبين جنب بعض واحد كبير والتاني صغير (في العمر قصدي) اها الحافلة ماشة مرو بواحد بيتكلم براهو فاطي سطر يعني .الراجل الكبير قال للشاب الصغير اللي جنبو:الزول دا مجنون ولا شنو بيتكلم براهو؟ قام الشاب الصغير قال ليهو كلنا زيو يا حاج بس موطيين الصوت.
دكتورة بيان
خلي الزول يفضفض
سلام
|
Post: #10
Title: Re: ســــبب الطــــــلاق
Author: سجيمان
Date: 08-11-2003, 12:08 PM
Parent: #3
فتحي........يعني انت... صوتك واطي..... لكن كدا ما كويس..... ارفع صوتك.... انت سوداني
|
Post: #4
Title: Re: ســــبب الطــــــلاق
Author: فتحي الصديق
Date: 08-11-2003, 08:46 AM
Parent: #2
سجيمان والدكتورة
لكما التحية والود
يحكى انو في اتنين من ركاب الحافلات في الخرطوم راكبين جنب بعض واحد كبير والتاني صغير (في العمر قصدي) اها الحافلة ماشة مرو بواحد بيتكلم براهو فاطي سطر يعني .الراجل الكبير قال للشاب الصغير اللي جنبو:الزول دا مجنون ولا شنو بيتكلم براهو؟ قام الشاب الصغير قال ليهو كلنا زيو يا حاج بس موطيين الصوت.
دكتورة بيان
خلي الزول يفضفض
سلام
|
Post: #5
Title: Re: ســــبب الطــــــلاق
Author: abuguta
Date: 08-11-2003, 09:16 AM
Parent: #4
فتحى الصادق
سجيمان دا مشى حوش العمدة عشان نرجع المرة
عادل ونجاة ديل عندهم موضوع طويل من يوم المرة دخلت خشمها فى قزازة الببسى
كدى خلينا فى موضوعنا تعرف كلاب ود ابرجاء
وتسلم ياشفيف
دكتور سى جى كما يقول ابوجهينة
المرة عايزة تتعولم تقوموت طلقوها
وتسلم ياحبيب
|
Post: #22
Title: Re: ســــبب الطــــــلاق
Author: سجيمان
Date: 08-12-2003, 00:58 AM
Parent: #5
ابقوتة....... العولمة دايره كرعين....وامونة ما عندها
|
Post: #6
Title: Re: ســــبب الطــــــلاق
Author: سجيمان
Date: 08-11-2003, 09:35 AM
Parent: #1
بيان.....انا ما قاصد بنوت ونسون البورد......ديل دياسبورا ساكت..............
عليك الله ما تحدسي زول
دياسبورا يعني شنو؟
|
Post: #30
Title: Re: ســــبب الطــــــلاق
Author: doma
Date: 08-12-2003, 05:31 PM
Parent: #6
انت دياسبورا دي ما صعبه كلنا فهمناها الا سياليس الكتبوا حسن ود ابراهيم داك شنو
|
Post: #31
Title: Re: ســــبب الطــــــلاق
Author: سجيمان
Date: 08-13-2003, 03:15 AM
Parent: #30
حاجة دوما.....انتي الناس ديل بيجيبو النضم دا من وين؟
|
Post: #7
Title: Re: ســــبب الطــــــلاق
Author: bayan
Date: 08-11-2003, 10:07 AM
Parent: #1
اربعتشار راجل....قاعدين لهم في خمسة عناقريب...في ديوان العمدة.....الطيب ود الزين..... في عنقريب في النص.....طلق مرتو قبال تلاتة ايام...... القعدة قعدة صُلُح... امونة
قالو لامونة اتكلمى المشاك بيت ابوك شنو
امونة مطرت ديمعاتها.. قالت ود الزين دا من جا التاج اخو
وكلمو عن الدش وراها وريقات كدى كل ما اجى ماشة القاها يعاين لهن شديد وخشمو فاتح يدخل البقرة الدارة.. غفلتو شفتهن بنوت كدى شعرهن سميح ومملس.. وساوات احمر الشلاليف.. بالحيل زعلتا وقلت عشان الله ما يسألنى عشان الراجل عينو ذاقت .. اقوم اسوى ذيهن قامت سامية جابت لى الشغلات ديل
لكن ود الزين بالحيل بقى زعلان ..ولسع يشيل ويعاين للبنوت الجاب صورن التاح
وكتين الشغالات كملن قلتا اللو جيبن لى قام ضحك على وقال لى شنات كلام.. انا البدورو يكون عابد لربو ودايرة احفضو من غضب الله .. وعشان الله ما ينتقم منو فى بناتى زى ما قال الواعض داك الجا فى الخلوة وقال الشى الكعب بيجى لسيدو والله يابواتى بس انا خايفة عليهو من غضب الله الواعض قال المرة الصالحة بتدخل راجلها الجنة فيشان كدى مشيت اهلى... فيشان يجيب الشغلات
وبكت امونة
)رؤية جندريةووجهة نظر اخرى من مستوى مغاير لقصة سجيمان الخميجان فى النسوان)
|
Post: #8
Title: Re: ســــبب الطــــــلاق
Author: bayan
Date: 08-11-2003, 10:26 AM
Parent: #7
فتحى و ابو قوتة
اسعتية اخترو يا معانا يا ضدنا
سجيمان دا عدو المرأة الاول فى البورد دا
قاعد لابت كدا ينزل فى البوستات
يضحك الرجال فوقنا تضحكو بلا سنون
من الليلة حنقيف شوكة حوت
لا تتبلع لا تفوت
وحنلم النسوان جت عليهم
الجوة البؤرة و الخارجها
عشان ينجضوك
عووووووووووووووك يا نسوان البورد
سجيمان قال انتو ديسبورا
واسمع هنا
عروسنا ترسلوها لينا من اليوم
ما ممكن تعيش وتتربى فى بيت عدو النسوان
اسع اجيب الولد يشوت ليك كورة زهرياتكم كلهن يتكسرن
|
Post: #9
Title: Re: ســــبب الطــــــلاق
Author: saifkeli
Date: 08-11-2003, 11:38 AM
Parent: #8
سجيمان .. تحية ومودة
ما قلت لينا .. الجلسة انتهت لى شنو
المسكينة رجعوها ؟؟ ولا البوهية لقوها؟؟
تحياتي .. سيف كلي
|
Post: #11
Title: Re: ســــبب الطــــــلاق
Author: ابو جهينة
Date: 08-11-2003, 01:23 PM
Parent: #9
سجيمان .. السلام كيمان
أولا رد على سؤال أخوى سيف كلي ( الجعلي الماكن ).
ثانيا : البنية دي يظهر عليها عصرية و عندها قابلية للتجدد و التجديد ، عشان كدة ما بتنفع معاه ، أنا مع قرار طلاقها طلقة باينة بينونة كبرى ، و لا ترجع له حتى يأتي بالمطلوب.
|
Post: #21
Title: Re: ســــبب الطــــــلاق
Author: سجيمان
Date: 08-12-2003, 00:54 AM
Parent: #11
ابوجهينة.....خلاص هي زاتها تنازلت عن المطلوب ورجعت بيت راجلها
|
Post: #20
Title: Re: ســــبب الطــــــلاق
Author: سجيمان
Date: 08-12-2003, 00:51 AM
Parent: #9
يا سيف......امونة رجعوها بعد ان تنازلت عن البوهية
|
Post: #12
Title: Re: ســــبب الطــــــلاق
Author: lana mahdi
Date: 08-11-2003, 02:46 PM
Parent: #1
بيان
هو قال ديسابورا عديل؟؟؟؟
والله كويس
و الله عال
سجيمان
نحن فى مرحلة العمل السرى لمناهضتك
نحنا اى سيدات البورد و انساته
فى الداخل و الخارج
نعلنها ثورة -سجيمانية-حتى النصر
بيان
الترتيبات كيف ماشة عندكم؟؟؟
حوّل
|
Post: #13
Title: Re: ســــبب الطــــــلاق
Author: bayan
Date: 08-11-2003, 02:51 PM
Parent: #12
لنا
شوهد الهدف قبل قليل
اضرب ولا تقتل نريده
حيا
حول
|
Post: #14
Title: Re: ســــبب الطــــــلاق
Author: lana mahdi
Date: 08-11-2003, 02:59 PM
Parent: #1
بيان
الهدف ليس فى مرمى نيراننا
لا اراه اونلاين الان
يبدو انها تدابير احتياطية
حوّل
|
Post: #15
Title: Re: ســــبب الطــــــلاق
Author: bayan
Date: 08-11-2003, 03:04 PM
Parent: #14
لنا
تميه وين
يكون عامل قيست
انتظرو قليلا
لازم يرد
وحيكون اونلاين
اكرر لا يقتل الهدف
فقط يعوق
حول
|
Post: #16
Title: Re: ســــبب الطــــــلاق
Author: lana mahdi
Date: 08-11-2003, 03:07 PM
Parent: #1
بيان
يبدو انه انسحاب تكتيكى
للتحسينات الدفاعية
لا ارى قواته ايضا
انسحاب جماعى
ارجو اتمام التعزيزات فى وقتها
علم
ينفذ
حوّل
|
Post: #17
Title: Re: ســــبب الطــــــلاق
Author: abuguta
Date: 08-11-2003, 04:07 PM
Parent: #16
سجيمان
افو افو
الحريم مالين كمان
انا ما بقدر عليهن لكن عندى ليك اتنين لو احتجت استعين بهم
اساسى وهوبلس لكن اساسى بقى يخاف من واحدة لو كانت معاهن بكب الزوغة
وبوبلس دا خالتو بيان دى ما برضى فيها ,ممكن تشوف اهل العوض وسيف كلى
ديل جعلين اصيلين بياكلو النار...الله يكون فى عونك شايف لنا ارسلات اشارات لباقى الكتيبة
لى بكرة
|
Post: #18
Title: Re: ســــبب الطــــــلاق
Author: bushramk
Date: 08-11-2003, 04:58 PM
Parent: #1
سجيمان
Safety Hat أرسل ليك
وطحنية للخندق؟
|
Post: #19
Title: Re: ســــبب الطــــــلاق
Author: bayan
Date: 08-11-2003, 06:54 PM
Parent: #18
ابو قوتة خلاص حتدخل فى خمشة الاعداء
ويا بشمارك
دا طاقية اختفى ما بتحلو
|
Post: #23
Title: Re: ســــبب الطــــــلاق
Author: سجيمان
Date: 08-12-2003, 01:07 AM
Parent: #19
بيان....ولنامهدي......خلاص انا غلطان وبعتذر.....انا والله ماني قايلها كلمة كعبة.....شايفها مكتوبة في خشم الباب حق البورد.....لكن كان كدي دياسبورا انا ودياسبورا اهلي كلهم.......وحبوبتي كانت اكبر دياسبورا في الحلة.....لحدي ما بقى اسمها....... خديجة دياسبورا.......وجدي الياسبورا......وجدي التاني عباسبورا.......وكان عندنا كلب قصير كدا وشراني..... اسمو جرقاسبورا........اهه خلاص ؟
|
Post: #24
Title: Re: ســــبب الطــــــلاق
Author: HOPELESS
Date: 08-12-2003, 02:46 AM
والله يا سجيمان يا اخوي هبشته الحته الحساااااسه
أتكلمت في كلام داير ليهو برميل باندوث كامل
يا سجيمان ... البت بقت عشان تشتري المصائب البشخبطو بيها الوش دي يقت تعمل المستحيل
و كويس أمونه مشت بيت ابوها وما سمعت كلام راجله بس
الما متزوجات عشان يجيبن الشغلات دي بيعملن شنوووو؟؟؟؟؟؟؟؟؟؟؟
---
يا زول الكلام دا بيجيبلو كلام ودعتك الله يا اخوي والهجوم البري والبحري والفضائي دا مافي ليهو حل غير تعضي العراقي وتشيل نعلاتك فوق ايدك
--
سلااااااااام
|
Post: #25
Title: Re: ســــبب الطــــــلاق
Author: benyya
Date: 08-12-2003, 06:52 AM
Parent: #24
سيجمان
ده اليوم الدايرنو ليك...
الله يخليكن يا دكتوره بيان وا استاذه لنا
واعتزراك لم ولن يقبل
لي قدام
|
Post: #28
Title: Re: ســــبب الطــــــلاق
Author: سجيمان
Date: 08-12-2003, 12:26 PM
Parent: #25
بنية الفنجرية
انا اعتذرت......وطلعت كل اهلي دياسبورا......اهه اسوي شنو تاني؟
|
Post: #29
Title: Re: ســــبب الطــــــلاق
Author: bayan
Date: 08-12-2003, 02:59 PM
Parent: #28
اعتذارك ما بيفيدك
العملتو كان بيدك
عاد اصبر ساكت وبل شعرك
|
Post: #26
Title: Re: ســــبب الطــــــلاق
Author: سجيمان
Date: 08-12-2003, 10:55 AM
Parent: #24
يا هوب ليس.....انا اعتذرت...تاني فضل شنو عاد؟
|
Post: #27
Title: Re: ســــبب الطــــــلاق
Author: خالد
Date: 08-12-2003, 12:25 PM
Parent: #26
حروف اسيمك البسام خشيمك
أسكر بدون خمره
أنا لو شميت نسيمك
سجي وسجيمان وقشيران داير تجنن لينا بناتنا بعد ما جننتنا نحنا كمان هوي يا ولد امشي ربي عيالك وسيب الجكس في حالوا
الاخوات بنات حلتنا كلكم (لنا & بيان ) الراجل ده مخستك
نفضن ليو وشختن ليو يعني اعملن _________________ واقيفن بعيد منو
|
Post: #32
Title: Re: ســــبب الطــــــلاق
Author: سجيمان
Date: 08-15-2003, 01:50 AM
Parent: #18
يا باشراب.............ما تجي تحرب معاي الطحينية شنو العليك؟
|
Post: #33
Title: Re: ســــبب الطــــــلاق
Author: bushramk
Date: 08-16-2003, 04:35 PM
Parent: #1
سوجيمان
ياخوى طحنية الزوغة ولا نقة العلوج
|
Post: #34
Title: Re: ســــبب الطــــــلاق
Author: lana mahdi
Date: 08-18-2003, 08:18 PM
Parent: #1
بيان
بنية
شوهد الهدف و معه كتيبة عدوة
هل اكتملت التجهيزات؟؟؟
حول
|
Post: #35
Title: Re: ســــبب الطــــــلاق
Author: benyya
Date: 08-19-2003, 10:53 AM
Parent: #34
لنا
وين شوهد الهدف انا لي منو ايام وليالي...
Any Wayzzzzz
اول ما تلمحيه نفذي التعليمات طوالي من غير تردد
وهذي اوامر من الجهات الفوق العليا
سيجمان
سجمك
اوعك تظهر يا زول
خليك مدسي
وعل المانع خير
لى قدام
|
|