صـلاح ادريـس...يشتـري رمضــان

صلاح ادريس.... حكاية عجيبة وتجنن.... بقى ونسة الغاشي والماشي....المليونير الملياردير...ما عارف انا اقول لو شنو؟...... اقول الزول المقرش وبس...دفع الله صاحبي.....جا من السودان ....كان في اجازة.. وباقي انا مطول من السودان... والقدم ليهو رافع.. الحقيقة ما القدم..... الجيب ليهو رافع... سبعة سنوات قدر ما الملم حق السفر.... تلم فيني مصيبة تلحسو كلو وتخليني اتلفت.. اها صاحبي دا قدر ما اسعلو من شي يقول لي اشتراها صلاح ادريس......قال لي الزول دا يقش عينو من النوم.....ويحوم في الخرتوم...ويوزع في القروش... تلاقيهو وتقولو.صلاح ازيك... يقول لك.هاك عشرين مليون.....صلاح كيفنك.....هاك خمستاشر مليون..... صلاح العربية كفرها نازل....هاك خمسين مليون....قلت لو طيب يا اخي دا زول عديل خلاص..... وحقو الزول يرجع السودان.... ويشتغل مسلماتي علي صلاح ادريس.... اقوم من الصباح واربط لو في الشارع....اول ما يجي اقول لو صلاح ازيك..... ويرزعني بي عشرة مليون... ان شاء الله تفقهني......و لاّ اقول لك اجيب وليداتي وامهم معاي....واحفظهم نشيد... الصباح معمول مخصوص لصلاح ......

طلع البدر.......علينا

من الدغش والصباح

ايها الماشي...... فينا

جيب....حق الملاح

غنن يا فاطنة ومدينة

وشكرن عمو صلاح

وشكرن عمو صلاح

وشكرن عمو صلاح


...... يا ولاد خلاص...كفى.... جلوس.....وينزل عمو صلاح من عربتو......ويوزع للوليدات ويديني انا.....ويدي امهم....... ونعمل ليهو غنية الوداع............

ودعناك خلاص....... يا ربوع

البي يعرفك ما بيضوق الجوع

نرجاك كل يوم ....ما اسبوع........

.....وتبقى دي شغلتنا.......... لكن يا دفع الله يا اخوي.... صلاح دا ان بقى داير الاجر....وربنا يفتح عليهو...... اليشتري رمضان وهلالو..... الديمة جاي للناس في الحر . وصيامو باقي لهم حار... يشتريهو..ويطعم ستين مسكين عن كل سوداني بالغ عاقل......باقي لك مو اخير لو من يشتري الهلال؟

ليه ما يشترى عمرالبشير واللى معاهو ويريحنا اصلهم جاهزين اليومين ديل .

تعرف يا ترهاقا.....حقو يشتري صدام... ويبيعو للامريكان..... تصدق حيربح فيهو

Bro. C G man

I honestly believe, you have a real creative talent of the satire & mockery writting, I really admire and like it.

You know, such art doctrine and way of expressing, is the most dificult one among all

Very interesting, and completely matured style

Many thanks Ya C G Man, and go ahead

I apologize for writting this reply in English, this is due to that, right now Iam in one of our offices where there is no available Arabic gates to go through, in the meantime, I could not wait untill going back, within few hours I will be back to my main base, and I will again try to express my admiration

شكرا يا المطر اخوي

دكتور سجيمان
دي ابدعت فيها
وبما انه السودان بقى بلد العجايب والغرايب
فببساطة ممكن يوم صلاح ادريس يشتري رمضان والاغرب من كده انه ممكن يقوم يشتري النيل من مصبه في بحيرة فكتوريا حتى الدلتا شمالا ويجهجه ليك المصريين جهجهة الجن والجنبه

يا دكتورسجيمان
ما قصرته

المهندس..... ما قصرت دي شنو يا زول؟........ انا قاعد الز لي في عربية؟

المشكلة يا مايا..... يشتري النيل..... ويقوم يشربو حسين شندي برااااااااااااااااهو

أنا عندى ليك فكرة أحسن ياسجيمان
ماتخليهو إسقف السودان كلو وإركب ،بكسر الكاف، ليهو مكيفات وكده وكت ما إجى رمضان حا إلاقى الناس مرطبين
وأوعك إقوم إدفع ليك على الفكرة دى وتنوم بالملايين برااااااك

ايه رايك تخلى صلاح ادريس يشترى المغتربين بداعين المملكة
يعنى يدفع لشئون المغربين خلو رجل
وبعد كدا يعمل ليه ناس جباية فى كل مدينة او قرية فى المملكة
وتكون معاهم اختام عشان التجديد
وبكدا يكون ريح المغرب من مدافرة الاجراءت فى السودان
او يعفينا عشان نحن مساكين

Ya C G man
let him bay my passport, I worked hard to get German Passport and after 7 years I found there is no FAKI under the GUBA, and I want to go back to Edduim, let him bay it IN SHALA be mail nice like yours

ياامين السيد.......انت اول جوازك طيرتو وين؟

ابو قوتة.....تعرف لو اشترى المغتربين بتاعين السعودية...... السفير حيبيع لو السفارة بي ناسا

طيب يا ماجد نفرض انو الراجل زقفو كلو زنكي......وركب مكيفات.....وقامت الكهرباء قطعت....؟....اوعى تقول لي الراجل يشتري الكهرباء برضو؟ انتو كمان ما تبقو طماعين

الزنكى دى بالغتة فيها
فاتت على المرة دى لكن برضو وأنا متأكد لو حنستو حا إسمع كلامك

إديك العافية يا رجل

خلاص يا ماجد....حنشوف موضوع عرش السما دا.......انا حسي بألف في قصيدة مخصوص للموضوع دا............
مطلعها

انت زنك السما في علاك

الرائع سيجمان

عارف صلاح ادريس لازمنا في شنو

مش رمضان لانه ده مكسبنا الوحيد


لكن عليييك الله حنسه لينا شديد يشتري








سودانيــــــــــــر بأي تمن
عشان خاطر البلد
وسمعتها بقت في الطين بسبب سودانطير


تمنياتي لك

خلاص يا هوزي....ح احنسو يشتري سودانتير.....وسودانيز ون لاين كمان......دا يشتريهو لي انا......عشان افجنط فيهو بي مزاج

سلام يا شباب

بمناسبة أشترى رمضان

قالوا في حلفاوي سمع الناس بتقول صلاح إدريس إشترى الزكاة ( المقصود مبنى ديوان الزكاة ) قام نط قال ليهم ما يشتري رمضان كمان ( يقصد عشان ما يصوم )

اوبتيميست.......انا غايتو ما داير اعلق علي الحلفاوين...... يجيني واحد اسي يقول لي... الجمل ماشي والجمل بارك والجمل ضنبو موجعو...............

لكن بيني وبينك الراجل كلامو صاح......كمان لو اشترى صلاة الصبح معاهو........ يكون ما قصر

والله لو إشترى السودان ده

وأى واحد ادوه حقو فى يدو

ويركب السكة

يكون أحسن ... دى الدايرا ياسجيمان

خلاص ياسجيمان قمنا على الكلام الغلط؟
يعنى جاى تداقرنا فى عمو صلاح ؟

يا قلقو ما تضايق ساكت يا اخي.... الزول دا شايلنا كلنا.......ان صفت النية صلاح ادريس يشيل مية

اخوى سجيمانانا والله كان قصدى انكم تدوا فرصة لى ناس سلام من الداخل لكن طالما انت اتحسست من كلامى فيازول ماتزعل وبابا صلاح حيشيلنا كلنا على رأيك

والله يا كوليل دا الكلام......وكل قرد يطلع شدرتو

قالوا الزول دة اشتري جميع المشاريع في السودان فقط تبقي له مشروع الجزيرة والمشروع الحضاري

عوض ناسا........... مشروع الجزيرة ما بعرفو........ علا المشروع الحضاري اشتراهو قرنق...زمااااااااان

اذيك ياسجيمان الظريف
قلته لى اشترى رمضان ،وناوى على صلاة الصبح
لكن قول لى قالو ,,السلام،،بى كم؟
غايتو انا خايفو بكره يشترى المتحف القومى



عبدالغفار سعيد

عبد الغفار....هو المتحف ما اشتراهو لسه؟

اشعاعه يا سي جي مان زي ما قال الزول البتكلم انجليزي ... بس.. بيني وبينك اشعاعه والله اشاعه ودعايه بس الما عارفه اذا كانت مدفوعه والا لا... قال اشتري قال ولك حبي واحترامي

وليم اندرية.....عليك الله براحة علي و واحدة واحدة عشان افهمك انت قاصد شنو

وأنا حا أكون فى إنتظار القصيدة على أحر من الجمر ونار الزنك زاتو
وهاك المحاولة دى

انت زنك السما في علاك
إحنا بالحر نموت بى وراك

إنتا بالمليون تجيب الأمان
يالمجهجهنه ومجهجه سجيمان

....

حلوة يا ماجد..........اها شوف ديل



انت زنكي السما في علاك


قول كيف كرعي حفن وراك


يا حبيبي يا بتاع يوم داك



مالو زنكي السما.... ما مقدود


مين رقعو.... وسد القدود

سدرو عالي....... مشيهو الدود

من اشوفو....... اصبح مُوروُد

يا حبيبي .... يا بتاع يوم داك



تعرف يا ماجد..... البلد ما فيها ملحنين ولا مغنين.....حسي غنيتي دي ماله؟ا ...... انقدها لي كان فالح؟......خلاص ارسلها لصلاح ادريس يلحنها ويديها حسين شندي يقشر بيها

بسم الله الرحمن الرحيم



غايتو بالغت عديييييييييييييل كده يا سي جي





والله كان يقطع رقبته السفارة دي ما يضوقها

السفير........السفارة احسن لكم تخصخصوها.....بكرو يقومو ينقلوكي منها وتتمقلبي