......حبيبتي معـاكم في البـورد

قال سجيمان.... بعد ما لف بابرور.... وكوع وخت ايدو تحت

راسو...شاف صورتها حايمة... كل مرة معلقة في بوست.......علا بوستاتي.....بوستاتي انا السجمان انا الرمدان انا الشقيان انا اب دُنان..... اريتني بالسفنجة التخفج ضهري.....والبف باف اليجيب خبري

شعرك الليل .... الطويل

الجاب..... خبري عديل..


وامسكي عليك عيونك.... ديل


يا العاداني ضبانة في اضان فيل

..............................

انتي قايله الدنيا دي... هيليك براكي..يا الحلاتك علا فيكي براكي.. باكر تكبري وتتخفجي وتطفقي...وتخرفي... يجدعوكي وليداتك في طرف البيت...... وتقعدي تنبحي..... يا الامين يا الامين براحة كتلتني...وحليل زمن الامين كان بيكسر العناقريب

كان انتي شاعرة

انا .....قصيدة

وكان انتي صحفية

انا..... جريدة

وكان انت ام تكشو

انا... عصيدة

وكان انتي مرطبة

انا عارف نفسي علي الحديدة

.........................
انتي جربي..وما يغشوكي الجنون... المملسين ديل... تعالي حيث الرجالة الحمرا....والضكرنة.... التي تقلب الشُراب علي صفحتو التانية...تعالي حيث ما بيناتنا حساب ..... لا اربعة واطا....ولا عشرة قمرا...وان غالتيني نبدا من الاول......اها كيفني ليكي؟.....
خسمتك بعيونك... الجابن لي الرمد و الرماد...تعالي تعالي وخلي الباقي علي....وما تجيبي معاكي اي حاجة... تعالي ايد ورا وايد قدام...
قولي لي بابا...قولي لي عمو..قولي لي حبوبة.....قولي البي يريحك..بس جربيني مرة واحدة.... انا أسد الخلا... الما بيخلعو صرصور....انا الخالي من الكلسترول...وجربي نكهة العجور الاصلي...واملي قفتك من موز كسلا.....
يا امرأة.... اتية.... من اخر الحلة...كداري

يا امرأة مسخت كل الحريم.....يا بابور جازي يا ناري
....................................

يا سودانية ملخبته..... ولخبتت كياني... لكن برضو كراع البقر جيابة

والدنيا ضيقة.... وباكر نتلاقى.... الدنيا ضيقة... لي شقاوتي انا.. الناس كايسه للوساع وانا كايس للضيق....عشان الاقيكي.

يا الخليتيني.... ادق سدري وسط الناس واكورك.. بي طول حسي يا ناس هوي انا سوداني.... وامرق جواز سفري واسلم عليهو.... وارفع صوتي بالغنا.......
خداري.... ما بخلي....ما بخلي

الليلة..وين يا الاخدر لونو زرعي

يا ابا تعال شوف دا
ضربو الفايروس

يا هوبفل......ما كمان ما معقول..... اشوف في الناس قاعدين يحبو ويجرسو......واقيف انا مكتف ايديّ

وررررررررروك
سجيمان.. وحات سيدي ابو قنايه انت حالتك متاخرة جدا.
اتشووووووو..الله يستر

اودرنووود......حالتي تصعب علي العدو....لكن شايف الفيل هز اضانو.......

سجمنا

شوفو ليهو برنامج للعلاج من الفيروس دا
اقول ليط حل يا سي جي

اعمل فورمات عديل

لوووول

تنقو

c:\format سجيمان\s\q\v\الخ
اها يا عم تنقو
كدا كيف؟
بس انا خايف يكون ضرب البروسسر
وما ينفع حاجه تاني

عمي تنقو... افرمت شنو واخلي شنو....... ؟؟؟ ما خلاص غرز نشابو..........

حباب راوية............ صلاتي علي حبيبي وعيني باردة..... يحفضك ويغتيكي......من عيون الناس ومن عيني انا الحارة وعابرة قارات

this is a case of misscomunnication (temporary disconnection) between the
Neurns in your prostate and the Hypothalamus in your Brain.
Hypochondriasis will be observed sooner as a result of you Prostate hyperactivities.

نجم..... الهايبو كوندريوزيز......متين .......بتظهر... بعد كم يوم.......؟.....عشان الف الميتاكوندريا وادسها

السي جي مان.......يا فاكهة المنتديات.........مالك يا حبيبو....الحصل ليك شنو.....سعرت وله عضاك كلب.....دي حاله متأخره......ورقم البعد برسل ليك سلامي.........

ظاهر ام الاولاد نزلت اجازة يا اللمين

سلامات
الليلة ياسجيمان بوستيك دا عتر لي عدييييييل كدا
الصف طويل ياابوي علا ظنيتك ات وراي طوالي ...ياخي زح ماتدفر...تتخيل عزفت في وترك زااااااتو ..لوووووووووووول ياود بتول

Quote: this is a case of misscomunnication (temporary disconnection) between the Neurns in your prostate and the Hypothalamus in your Brain. Hypochondriasis will be observed sooner as a result of you Prostate hyperactivities

والله دا اكثر تعليق ضحكنى
فى حياتى
والله جد
يا الرجالة بتعرفو بعض و اسباب
الحالة
البورستاتا بتدور لها مايكروويف
مش قالو دا احدث علاج
للعين الطايرة

بيان.... الرجال كلهم عيونهم طايرة..... اوعي تغفلي.........وربنا زاتو عارفنا عيونا طايرة.....عشان كدا حلل لنا اربعة.......وما ملكت ايماننا....وما ملكت ايماننا دي ما عندها حد.... كل راجل...وماعونو

ود رملية....... الحكاية فيها صفوف يعني......نحن بعيدين يا جنا؟

ود محجوب......... ابدا وحاتك قاااااااعده

سمير يا اخوي


حالي العليّ حال السواد


والدنيا ما بتدي المُراد

Quote: شعرك الليل .... الطويل الجاب..... خبري عديل.. وامسكي عليك عيونك.... ديل

سجيمان امانة ما جننتنى جن
والله آناس الجنا دا وصافن وصف التقول رباطابى

اسع انا خجلانة بعصر فى يدينى
ومدنقرة عينى السمحة ديك فى الواطة

شكرا يا سيجمان
ضحكتنى شديد
فى الصباحات المكهربة دى


ام واصل

سجيمان
والشوق الجاري عليك
حقيقي انا متابع كل بوستاتك وما كنت برد لانو مرة علقت علي بوست بتاعك
قمت أنت رديت علي كل الناس إلا أنا مسحتني خالص
المهم
هذا المراة الجاية من اخر الحلة كداري
شوف عيني الما بتغباني كسرت ليها كم راجل وبطرف عينها كدي ركبتهم التونسية ون وزي
دحين يا خوي انا خابرك مما من ناس التونسية دي ... انت العليك الرك ... قلنا هوب فول وقع وقعة السنين ... اها أنت كان وقعت نحنا نطير وين
وبعدين هو الحاجة دي باقي لي زي العدوة كدا
أنا زاتي الايام دي جاسي لي بماديء كسير كدي
غايتو العملها فينا بكري خليها ساااااااااااااااااي


والريد نيلن

زوربا....اولك بالتبادي معليش.....واكيد ما اكون قاصد امسحك.....وحسي جاوبتك قبال الناس الفوق ديل......يا اخوي بكري ما عليهو لوم....... اللوم علينا نحن المطرطشين ديل.....وعلي اليمين انا قلبي شغال بي نص صمام....اقل هبشة واركب الركشة

اشراقة.....كتر خيرك...بي زيارتك بوستي نور........ يا ام واصل

بيان.... انتي نزلي صورتك..... وخلينا نشوف.....وارجعي اخجلي تاني

.....و

Quote: ارجعي اخجلي تاني

بالله شمار شناتى وصلك

ابدا يا بيان ......وبعدين نضمك دا نضم زول مالي ايدو

والله عين وصابت ما براك يا سي جي
يا الفقرا والصالحين ويا رجال الله اجمعين الحقولنا الزول ده

سجيمان
قلت لي ام العيال قاعده ....احححح منكم انتو الرجال ما منكم امان

سجيمان


الدوام لله
الدوام لله
الدوام لله

والله يا سجيمان ذي حالتك دي يعميني ما شفتها ويتخيل لي علاجك بعد ده إلا الكي ولا الإبر الصينية لا فرمتة بتنفع ولا بروسسر ولا حتة تغيير المظربورد وأنت الحمة عندك لعبها ما قانوني وضربتك تحت الحزام

الدوام لله
الدوام لله
الدوام لله

يادووووبك كده شايفك إرتحت بعد ما لبت ليك طلبك ، ومبروك عليك يا عّزال يا فقرى ..لووووووووووووووووووووووووووووووووول.

ترهاقا..... اسحرني... عشان تاني ما اشوفها لي يوم الدين حايمة بي جاي

ابا.... انا بقى علي المثل...... الكبر بي جهلو .....وا شقاوة اهلو

بت بربر علي اللمين.....كلنا كدي اوعكن تغفلن

آآآآآآآآآآآميييييييييين...... يا حمامة

سجيمان

صباح الخيير

خبارك ازول
لعلك طيبه يا ريحانة البورد حالتك متاخره جدا

والبتابعهن بقع ما بقوم شكيت عوجهن لى الله

ام الاء

شفتي يا ام الاء الطرطشة البقيت فيها؟

سيجى مان
ده فايرس سبتمبر غايتو الا الله ينجيك منو ساااكت. يا اب شراء سيجيمان فى الضراء





علا البابور ده ما عرفان شنو يا سجومى. بابور جاز ولا بابور السجم والرماد داك

عاد يا سجيمان انالو منهاسلام الله مااديك ليهو معرس وعندك سته اطفال وكمان لسه بتحب ؟؟؟!!!الرسول انت فضل فيك قلب للحب ؟؟!!!
امشي بلا زحمه معاك خلي الكلام دا للشباب بلا طرطشه جلاكين

حاجة دوما.. اها جيتك......يا حاجة دوما الله جميل ويحب كل جميل....وعليكي الله كدي كبي لك شوية قطيرة في عويناتك ديل...... ووقلي سمح وعايني لي صورة البنية دي...... عليك الله...... ما بتخلي الزول ينسى روحو....ووالديهو ...وجناهو..... ويدفع حايتو ليها ضريبة؟

سنتيمنتال.......... دا البابور جاز...خلي اليشتغل... والشغل بالجاز







الزارعنو في بورة



وواطاتو.... ممطورة

لكن الحب والغزل ما عندك يا سى جى
بتبقى قصيدة وجريدة وعصيدة وكمان على الحديدة، كل الأشكال والألوان
ده حب ولا حربوية؟
ضحكتنى من صباح الرحمان ياسى جى والواحد كدة يادووووب بشرب فى القهوة وهو مبسوط

إديك (وإديها) العافية

لكن يا سجيمان الهلعه عندك لكن بينى وبينك البنيه تستاهل لكن ياخى ما تبقى انانى تاخد زمنك وزمن غيرك دحين هى عارفاك دخلت الستينات يا زول هوى بنيت الناس
لاتسحرا انا عارفك عينك حاره

يا ود الجعلي انا وانت حاج سجيمان مابرد علينا لاننا كشفنا اوراقه

البت قالت حبيت اب قجيجه
اريتو سجيمان اب صلعه طاير

حاجة دومة.... صورة فتيل الشامبو دي جبتيها من وين؟

ود الجعلي الفضايح لزومها شنو؟ حسي هي سعلت من عمري....؟ غايتو جنس حسادة........وبعدين انا صليت علي النبي وبليت اصبعي وطبزت بيهو عيني..... اها تاني اسحرها كيفن؟

يا ماجد...... بالله شفتني بجضم الحب كيف؟

بيخلعو صرصور....انا الخالي من الكلسترول...وجربي نكهة العجور الاصلي...واملي قفتك من موز كسلا.....
يا امرأة.... اتية.... من اخر الحلة...كداري


والله قصه عجيبه يا سجيمان
الخبر شنو

خالتى دومه تعرفى سيجمان اوراقو مكشوفه لينا من زومان لكن بينى وبينك الراجل معزور والله رايك شنو وانتى ست العارفين
بعدين كشف الاوراق هين الكلام كشف الحال مع ام العيال
اها تعالى نتفق تكلميها انتى والله تخليها لى
تحياتى لك وانت تناضلين من اجل بناتك البوردابيات
من جنس ناس سيجى مان لك ودى وتقديرى والاحترام

ود الجعلي......... اها انت ودومة تنبحو..... اها طارت....ارتحتو؟

ابو يوسف ازيك.......وين يا راجل انت؟...... الخبر تراهو النضم البي تشوف فيهو دا

يا سيجو
ما قلت مكسر في بليده..
في حلة ناس معـــــاذ

نجم.... في زول يتكسر في واحده يقولها بنيتي؟

يا نجم
البيحضرونا ما يعرفونا قلت لى منو
دى شمارات سودان نت
ابو يوسف

Quote: يا امرأة.... اتية.... من اخر الحلة...كدارى

والله انت تنفع شاعر حداسى تعال لينا فى الكوم

بيان..... ان شاء الله تلفخني نملة حامل... كان انتي قريتي البوست دا

اللهم آمين يا سجيمان
كيف ما قريتو
انا بتكلم عن الشمار دااااك

بيان مافي اي شمار هناااااك...... كل عدتي وبهاراتي هنا

أخي سي جي مان

يا أخوي ما سويتا ظاااااااهرة

وبعدين ياناس البقول راسي موجعني بربطولوا كراعو

اجي يا الجعلي؟؟؟ قصدك يعني انا ما قيافه متل الزوله الجهجهت حاج سجيمان اها مالي بس قل لي صورتي ما زينه وتضوي كما الرتينه

الجعلي.....انتو في كم جعلي في البوردا؟....الجعلي والجعلي1....لحدي الجعلي4........والله حكاية....



السويتها ظاهره شنو؟.......... نان هي جايبه خبري؟.......لكن اصبر باكر دي اتقلب مشاء واجيبها لك في القاطر

دا الجعلي وداك ود الجعلي وانا بت الجعلي

انا برضو جعلي

لووووووووووووووووووول سجيمان
والله الضحك شرطني الليله

بس في مشكله بس ما تكون مداقرني فيها
عشان بس ما نخسر بعض

واوعك تكون ضارب اب كرتيين ديك
البتخليك تشوف نص كده ونص كده

تسلم عزيزي
بس خليك بعيد من المنقه عشان ما نختلف
لك التيحه

يا عمدة ازيك............ انا ضارب الهمبريب.... والاقي هواهو يضري

لوووووووووووول قال همبريب قال
يا زول شاكوشك صوته داوي اناهنا سمعته والله حالتك تحنن الكافر

حاجة دومة..... شمتانة ليه؟....وبعدين انا صنديد دا لا اول ولا اخر شاكوش.....

هيع..... الرجال ظهرو

الاخ كبسيبة

اسلوبك ده وطريقة نبذك افتكر هو اللى ما مقبول ، ياخى فى مليون طريقة ممكن تنتقد بيها لو فى حاجة ما عاجباك ، وتفسيرك للمقال افتكر مشى بعيد حقو تقراهو تانى.

ممكن يا المسمى على جدنا ترهاقا

تشرح لينا فهمك المتقدم للمقتطفات التي اوردتها من بوست سجيمان؟؟؟

ونحن راجنك يا سيد الفهم

دايرة تقصري عمري الاصلو قصير

قمراة سبعتين وولدوكي في قصير


الدرب ان طال مصيرو يبقى قصير



ونجم الصباح ما بيقرب وما بيلحقو قصير

ترهاقا............شكرا

الاخ العزيز كبسيبة
اشكرك على الطريقة بتعت السؤال ، بالمعنى عندنا مساحة بتعت تفاهم ، لكن يا خوى إنت قمت بى نمرة واحد فى مداخلتك ، وما أديت فرصة لى نفسك تتعامل مع حيثيات اللغة العربية من تورية وغيرها ، ، لمن لقيت الموز والراجل العجوز مخك مشى لى بعيد شوية عشان كده قلت ليك أقرا المقال مرة تانية عشان تكون فى الصورة ،والاخ سجيمان ما هو بالغياء اللى رسمته إنت ، ياخى كان عندك فرصة مسينجر تعاتبه فيهو زى ما داير وتسمعو يقول شنو ،لكن للأسف إنت بديت تسب بى مستوى ما عايز اقول شوارعى ، لكن لدرجة إنو الناس ما قدرت ترد شوف ا.
اخى العزيزة كبسيبة ده ما معترك بقدر ما هو موضوع نقاش وتفاهم ، بالمعنى أعرض ليك بوست تنتقد فيهو أى موضوع ما عاجبك ـ وفى البورد ده فى ناس سياسيين وإقتصاديين ودينيين وكمان حتى إنقاذيين وأى واحد عندو قراءوه
انا ما عايز اقول ليك غير كلمة واحدة ياخوى إنت إتلومت مع الراجل ده ويلزمك إعتذار ولو عايز بالماسينجر وهو ما عندو مانع .
ودمت يا اخى دعنا نختلف ولكن ارجو ان لا ينقطع حبل الود

ترهاقا... شكرا لك مرة تانية...... \24\9\2003

الاخ العزيز ترهــــــاقا

يعني صاحبك يفك كلامو الفاضي زي ما هو عايز ...ونحن نرد في المسنجر....ياخي حرام عليك ....بالمناسبة ما رديت على كلامي وفهمك المتقدم ( لاربعة واطة ) نحن راجنك تفهمنا اصلو نحن مكنة الفهم عندنا مصلبة وما شغالة

يا الناطق الرسمي باسم الدكتور عادل الصديق

ترهاقا يا اخوي.... عليك الله ما تدخل في مهاترات ساكت...... خليهو..... يقول العاوز يقولو....وبعدين البورد الايام دي قالو مليان صابون.... تمشي شوية كدي تلقى نفسك انزلقت.......وانا ما دايرك تنزلق.... خلي انا الاصلي منزلق دي