Post: #1
Title: الـــــرغيـفـــــة
Author: سجيمان
Date: 09-23-2003, 12:24 PM
Parent: #0
الكبر بي جهلو...وا شقاوة اهلو...دا كان اهلو حيّن....وان ماتو واشقاوة وليداتو....زمان... وانا طالب.... بعرف زول راجل كبير .... يركب الباظات من صباح الرحمن....وجيبو مليان فكة...ويقعد يدفع لي بنوت المدارس حق المواصلات....وحكمة ربنا زول عزّال خلاص... واحدة شينة ما بيدفع لها ان جنت....انا كنت سامع بالمراهقة المتاخرة....وقالو الزول يكبر ويكبر... ويبدا من الاول لكن بالعكس.... يعني يبقى زول عاقل بعد كم سنة... يبقى مراهق بعد كم سنة يرجع شافع...ويخرف....ويكورك...وينبح...وحقة السعوط يكتحها في سفة واحدة....عندنا جارنا كان شغال كناس كبر وخرف.الله يرحمو..... لكن علي اليمين شارعنا دا كان انضف شارع في العاصمة المثلثة....حبوبتنا... نفيسة..... كانت داية حبل وخرفت برضو....لكن البقت علينا اسكتو ساكت.....ما فينا زول سعى لو مكنة حلاقة وموس في البيت..نركب من الثورة نمشي نحلق دقونا في امتداد ناصر ونجي راجعين...لحدي ماا توسدت الباردة الله يرحمها........
العقل نعمة ومافي زيو....... كنا تلاتة اصحاب...نجي البيت العصر نرش الحوش ونطلع السراير برا...واحد مدرس وواحد صاحبنا شغال في طابونة...وانا وكنت يا دوب شغال..... جديد وفرحان.... اصحابي ناس مزاج بي انتظام والتزام......وانا كنت هاوي... مرة مرة....دورة السجارة....والتانية والتالتة...وسرحنا.... عبد الله الاستاذ جاب كراسات الطلبة...ويقعد يصحح في الاملاء.... انتهى من تصحيح اربعين كراس....وقعد يصفق وفرحان شديد.... قال لي الفصل كلو الليلة جايب عشرة من عشرة.... قلبت الكراسات... لقيت اخوي عبد الله... الله يطراهة بالخير.... يمسك الكراس..ويقلب الجلاد.... يصحح اية الكرسي المطبوعة في الجلاد... والغريبة يكتب لهم ممتاز وبارك الله فيك.......عثمان بتاع الطابونة راقد.. ويعاين للسبلوقة...في راس البيت.....وقام علي حيلو وصل لحد ما وقف قصادها.. رجع.... وقال لي يا سجيمان.... انت حرامي وابوك حرامي.... تمشو من ربنا وين..؟ انتو ما بتخافو الله....؟....... حسي عليكم الله ويأشر علي السبلوقة...... حسي عليكم الله دي فتحة تدخلها رغيفة؟....
يا العيونك....عملت لي ازمة
يا الاديتيني.......... بالجزمة
السفنجة............. مالها؟
|
Post: #2
Title: Re: الـــــرغيـفـــــة
Author: ابو جهينة
Date: 09-23-2003, 12:30 PM
Parent: #1
سي جي
وسعو السباليق
الراجل معاه حق
|
Post: #5
Title: Re: الـــــرغيـفـــــة
Author: سجيمان
Date: 09-23-2003, 02:18 PM
Parent: #2
ابوجهينة..... نوسع سباليقنا ليه؟
هو ما يصغر رغيفو............هو ارجل مننا؟
|
Post: #3
Title: Re: الـــــرغيـفـــــة
Author: 3mk-Tango
Date: 09-23-2003, 12:59 PM
Parent: #1
لوووول علي السفنجة مالا
نكهة خاصة انت يا سجيمان..الله يديك العافية
تنقو
|
Post: #9
Title: Re: الـــــرغيـفـــــة
Author: سجيمان
Date: 09-23-2003, 04:59 PM
Parent: #3
عمي تنقو الله يسلمك..........بالله مش السفنجة اخير من الجزمة؟......لكن المشكلة تكون السفنجة نخرتها مقطوعه ورابطنها بمسمار من تحت
|
Post: #4
Title: Re: الـــــرغيـفـــــة
Author: الزنجي
Date: 09-23-2003, 01:14 PM
Parent: #1
الان تأكدت وبما لا يدع مجال للشك ياسجمان انك زول مسطول طبيعى
|
Post: #6
Title: Re: الـــــرغيـفـــــة
Author: ترهاقا
Date: 09-23-2003, 04:30 PM
Parent: #4
د:سجيمان
مرة سألتك الكايــة القوية دى بتجيبها من وين عملت نايم ، بس لمن لقيتك ولادة حبل عذرتك ، اللى اداكم يدينا منو.
|
Post: #12
Title: Re: الـــــرغيـفـــــة
Author: سجيمان
Date: 09-23-2003, 09:01 PM
Parent: #6
يا ترهاقا.... يا راجل انا ما ولادة حبل....انا ولادة دايات وكدا......... اها انفع مشاء؟
|
Post: #13
Title: Re: الـــــرغيـفـــــة
Author: سجيمان
Date: 09-23-2003, 09:49 PM
Parent: #6
يعني والدنها معاي يا ترهاقا ولاّ شنو؟
|
Post: #10
Title: Re: الـــــرغيـفـــــة
Author: سجيمان
Date: 09-23-2003, 06:05 PM
Parent: #4
مسطول طبيعي كيف يعني؟
|
Post: #7
Title: Re: الـــــرغيـفـــــة
Author: oudenoord
Date: 09-23-2003, 04:47 PM
Parent: #1
ياربي ده الشكوش??
Quote: يا العيونك....عملت لي ازمة
يا الاديتيني.......... بالجزمة
السفنجة............. مالها؟ |
لا.. لا.. ما ممكن
ياربي ده......?لا..لا.. الزول قال اصحابي.
ياربي ده شنو.. ده شنو
|
Post: #14
Title: Re: الـــــرغيـفـــــة
Author: سجيمان
Date: 09-24-2003, 01:09 PM
Parent: #7
اودينود......يا زول انا شواكيش ما بتهمني.... يا ما تشوكشنا
|
Post: #8
Title: Re: الـــــرغيـفـــــة
Author: wadahmed
Date: 09-23-2003, 04:55 PM
Parent: #1
صديقي سجيمان
اسميك صديقي
لانني كثيرا ما أجد نفسى
أضحك عندما أتذكر
ما تكتبه في هذا البورد
صديقي
إنت حلة بكسر السين
قائمة بذاتها
الله يديك العافية
|
Post: #11
Title: Re: الـــــرغيـفـــــة
Author: اساسي
Date: 09-23-2003, 06:21 PM
Parent: #8
سجيمان
تعرف زكرتني واحد صحبي حلف وراسوا ستين سفنجة الا يمشي يتسطل مع فتحي النجار قدر ما حنستو وقلت ليهو فتحي دا بجيب بنقو قوي قال لازم يتسطل معاهو اها صاحبنا مشي اتسطل وجا عيونو حمر جمر بس غشاني في البيت عشان نمشي التمرين العصر اها زولنا لمن جينا في الظلط دايرين نقطع كدا شايفو كل ما تجي عربية ماشة يرجع راسو لي ورا سالتو مالك قال لي ما شايف النخرة دي قطعت بي هناك قدامنا
,,,, اها مسكتو من ايدو وقطعتو الظلط ومشينا التمرين اها صحبك وقف برة كدا في بداية التمرين ما بدا مشيت قلت يازول مالك طلعت قال لي تعال اتفرج في الارانب ديل ؟؟؟ قال شايف اللاعبين كلهم ارنب بنططوا
ما صدقتو لكن كان شفت خلقتو بتصدقوا
ـــــــــــــ
اساسي الب جاي براهو
|
Post: #18
Title: Re: الـــــرغيـفـــــة
Author: سجيمان
Date: 09-24-2003, 07:43 PM
Parent: #11
اساسي...... عندنا واحد جنو سكر اسمو ود اللمين............... يغني لي تفسو
ود اللمين وقت يتكرب لو مواصة
حتى....الفيل.... يشوفو دباسة
|
Post: #15
Title: Re: الـــــرغيـفـــــة
Author: سجيمان
Date: 09-24-2003, 04:14 PM
Parent: #8
ود احمد يزيدني شرف...... صداقتك
اديك قُرمة من الرغيفة دي تقرضها؟
|
Post: #16
Title: Re: الـــــرغيـفـــــة
Author: SAMIR IBRAHIM
Date: 09-24-2003, 06:44 PM
Parent: #1
السي جي مان.......رقم البعد برسل سلامي.........
|
Post: #17
Title: Re: الـــــرغيـفـــــة
Author: اساسي
Date: 09-24-2003, 07:39 PM
Parent: #16
|
Post: #19
Title: Re: الـــــرغيـفـــــة
Author: سجيمان
Date: 09-24-2003, 08:57 PM
Parent: #16
حباب سمير اخوي...........
|
Post: #22
Title: Re: الـــــرغيـفـــــة
Author: SAMIR IBRAHIM
Date: 10-19-2003, 07:20 PM
Parent: #19
تسلم يا حبيبو.... قال ليك بي كم كرت.... ... ... شايفك قلت ليهو معرج....
|
Post: #20
Title: Re: الـــــرغيـفـــــة
Author: Maged
Date: 09-25-2003, 02:37 AM
Parent: #1
يا سى جى، كان تشيلو الكراسات تدخلوها فى السبلوقة عشان صاحبكم كان إقتنع أنها بتشيل رغيفة
لكن الفيل الكنتو راكبنو ده ما رهيب
إديك العافية ياظريف
|
Post: #21
Title: Re: الـــــرغيـفـــــة
Author: سجيمان
Date: 09-25-2003, 03:09 AM
Parent: #20
ها يا ماجد انت قيال انا خليتو؟؟.......مشيت جبت السلم وجبت لي رغيفة..ودخلتها في السبلوقة.... بعد داك حتين امن....... يمشي يشيل حالنا ساكت ويطلعنا حرامية
|
Post: #23
Title: Re: الـــــرغيـفـــــة
Author: alsara
Date: 10-20-2003, 03:41 AM
Parent: #21
سجيمان.. الله يسعد أيامك
ود حلة واحدة صاحبتنا( و العهدة على الراوي) . كان سكران ديمة.. اسمو مبارك..أها يوم جارتهم ماتت و مشوا يدفنوها.. الناس حفروا القبر و صلوا و جاهزين عشان يدفنوا .. لقوا ليك مبارك قاعد مدلدل كرعينو جوه القبر و متعمق جدا في التفكير... الجماعة: يا مبارك ,, ما تزح عشان ندفن ياخ.. عاين ليهم كده و قال: انتو يا جماعة.. المرة دي مش ماتت قبل كده؟؟!!
|
Post: #26
Title: Re: الـــــرغيـفـــــة
Author: سجيمان
Date: 10-20-2003, 03:54 PM
Parent: #23
السارة.......زولك دا مش سكران.......دا ضهبان
|
Post: #24
Title: Re: الـــــرغيـفـــــة
Author: ahmed khair
Date: 10-20-2003, 05:28 AM
Parent: #1
سجيمان
لك الود والتحيه
عرفنا صاحبك المدرس عمل شنو والفران واه انته عملت شنو اليوم داك
الله يخليك لينا
ولك عبق الورد
حوده
ـــــــــــــــــــــــــ
|
Post: #27
Title: Re: الـــــرغيـفـــــة
Author: سجيمان
Date: 10-20-2003, 03:56 PM
Parent: #24
احمد خير.... انا جبت رغيفة ودخلتها في السبلوقة.....عشان اثبت انو السبلوقة ممكن تدخل رغيفة
|
Post: #25
Title: Re: الـــــرغيـفـــــة
Author: 3mak Hasabo
Date: 10-20-2003, 03:49 PM
Parent: #1
سجيمان الرمدان
انت يازول متأكد انو الموضوع دا كان رغيفة وفتحة فرن!!!!!!!!!!
|
Post: #28
Title: Re: الـــــرغيـفـــــة
Author: سجيمان
Date: 10-20-2003, 03:58 PM
Parent: #25
عمي حسبو..... انت باقي لك كان شنو؟
|
Post: #29
Title: Re: الـــــرغيـفـــــة
Author: 3mak Hasabo
Date: 10-20-2003, 04:09 PM
Parent: #28
برئ يخربنى يا يابى...
|
Post: #30
Title: Re: الـــــرغيـفـــــة
Author: سجيمان
Date: 10-20-2003, 06:03 PM
Parent: #29
الله يا يجازيك يا حسبو
|
|