بكري ابو بكر........انا اطالب بحقي كامل غير منقوص

يا بكري.... انا لسة منتظركم.... تجيبو لي

حقي عندكم مواد واضحة في اللائحة.......... ارجوكم ارجوكم ارجوكم.......... دي تلاتة ارجوكم








يا الريدك سوى لي ِوردا

من اشوفك ....ارقد خُردة

الحلبي بي وين؟

مالك يا سجيمان

يا بيان... تعرضت لاساءة شخصية.....وشتيمة..... وقد قبعت تلك الشتمية بالبورد لمدة 18 ساعة و23 دقيقة 30 ثانية...واطلع عليها فوق المائة مشارك..... كتبت لبكري اتنين ايميل.... وضحت ليهو الحاصل... ابيت ارد عليها... لانو ما عاوز اصعد الموقف.... قلت هم حيتصرفو....... لكن لو ما قدرو من حقي ان ارد علي الاساءة بمثلها.....والله والله والله... انا قادر وعارف كيف ارد

ما أظن في زول شتمك يا سجيمان .. الله اعلم

كيف عرفت يا شنتير؟

غايتو انا ما شفتها
الحمدلله ما شفتها
يحزننى جدا
ان ارى شخص يسئ شخص آخر

والله يا سجيمان يا خوي انا قاعد اتابع .. يعني اي موضوع في البورد ده قاعد افتحه حتى لو بايخ .. لكن ما لاحظت إساءة مباشرة ليك .. ممكن تكون في تلميحات .. وقابلة للتاويل. والله اعلم برضو

شنتير يا اخوي.... انا ما برد على التلميحات وما تفاعل معاها....كانت اساءة مباشرة.....وتم حذفها بواسطة بكري قبل ساعة تقريب......بعد ما قعدت اكتر من 18 ساعة في البورد........ا

سجيمان

والله زمان .. بقيت تتشتم
أنا والله ما قايلك بتتشتم
دا منو القنعان من رويحتو الدخل العرين دا
والله حاجة غرييييبة

سنجاوي انت انفخني بس..... امانة تشوف العجب

لا والله ما قصدي أحرش
هدي اللعب يا سجيمان وخلي تمريراتك أرضية وانتبه لمصيدة التسلل
سرني لعبك النضيف ولجوئك للحكم الذي احتسب لك ضربة الجزاء
تحياتي

يا سنجاوي......... والله انا خشمي ما فتحتو وما داير افتحو حسي... تراني مسيكين قاعد....وخاتي ايدي فوق جضمي وراجي بكري يتعطف علي......لكن باقي لك قعدتي دي بتطول؟

سجيمان
بسيطة ، أمسحها في وشي أنا
كلوا هنا اخوان
والليلة الجماعة وصلوا لاتفاق حول الترتيبات الأمنية
والمسألة ماشية كويس
ولابد من المعايشة
وما في معايشة ما فيها شاتم ومشتوم
عشان تسود بيننا ثقافة السلام
وأول بنودها الاعتذار
وإذا ما في شتيمة
مش حا يكون في سبب للإعتذار
خلاص يا دكتور

ود قاسم اخوي الله يديك العافية ويطول عميرك..... الزول يتشتم عشان يجو يعتذرو ليهو...........خلاص.... بكري يعيني مشتمة......واي زول زهجان..... ولا زعلان...يجيني....ويشتم لمن يفتر... ومافي اي عوجه تب..... بس بكري يطنش الشتيمة شوية عشان يشوفوها اكبر قدر...من مواطنين الشعب السوداني الشرفاء....وبعد داك يجي يحذفها....ويا دار ما دخلك شر......وبعدين ان فتحت خشمي يلحقوني بشتيمة تانية.....واغير اسمي لشتيمان.......بن دلاهة......العبطي




ويعمل فرقة موسيقية..... الشيخ بكري.......ديك شيوخ الزيت.......وناس بكري شيوخ النت

.....
ويعمل غنية المشتوم



طيارة فوق بتحوم

شايلة الشتائم كوم

كتلت الحمار المشتوم.....

سيد العرقي........

الاهو حضرت جنابنا

كدي نزح علي خشم الباب شوية...كان يشوفنا وربنا يحنن قلبو علينا

سجيمان
عليك الله دا ما هظار ساي؟
اوع يكون جاركم ترزي
بتدقس بتدقس
هاهاهاهاهاها
وخالك ما بحلك
انتو شفتو لماضة ؟
هاهاهاهااهاها

لا يا اساسي....لسة دا عرض....ودعاية للبوست الجاي......وللمعلومية البوست الجاية ممنوع لاقل من18 سنة يدخل

يعني انا اجيب معاي خالي وادخل؟

خالك يا اساسي لو اعصابو قوية.... جيبو... لكن لو عندو ضغط ولا سكري ولا هارت.... اياك اياك

بكري.... اللائحة غارت وين؟.....مشيت بي هناك ما لقيتها.....اللماها منو؟

الأخ سجيمان
خلي روحك رياضية يأخىوخليك من العافون عند المقدرة
قبل يومين انت زعلت الحلوين .. فى زول سألك ؟

قلقو....انا حقي ما بخليهو لكن ماني مستعجل..وبالي طويل....وبختار الزمان المناسب عشان اخدو....دا طبعا لو ما اخدتو لي ادارة البورد.....


بعدين الحلوين منو الزعلتهم؟


في فرق بين تزعل وبين تشتم وتسئ

الحميم
سجيمان
أوّلاً أنا لما أعتاد منادات الناس بألقابهم
ثانيا
أنت نكهة ذكية في هذا الورد ولا أعتقد أن هناك من يمكن أن تسول له نفسه ويطول لسانه ويشتمك
عموما إن كان ذلك قد حدث فعلا فلك إتذاري
وأنا مستعد أغني لك بعد الساعات التي قضتها ( الشتيمة ) علي البورد
يا حميم
عندك وقفت من المشي وغرقت في ضوء ( الفرح ) مع الإتذار للتصرف في القصيدة
أبدا
علاء

علا يا رايع..... لو بعدد ساعات الشتيمة في البورد تغني لي؟ عاد كان كدي نخلي بكري يرجعها......انا لاقيك وين وابيتك.........وسعيد البيسمعك.......

علا يا علا اخوي الحقارة مو سمحة.... واحد يشتم والتاني يطنش

يا حميم
والله أغني ليك من هسه لما تقول بس
هو أنا لاقي زول يسمعني؟
بعدين إنت راجل كريم ومرهف وواضح ده من خلال تعقيباتك ذات الروح السمحه وأكيد جوك إنسان شفاف
إنت حدد المكان والزمان
وممكن تعزم العايز تعزمو
أبدا
علاء

الأخ علأء
انت عليك الغنا واخوك عليه البنقز والشيل اما حبيبنا سجيمان فعليه الصفقة وتشجيع اللعبة الحلوة ...والعشا
اها ياسجيمان ياخوى قصرنا معاك؟
يلا فكها شوية ياسجيمان ولا تحمل الأمور فوق ما تحتمل
بالمناسبة ياسجيمان والله انا ماعارف المزعلك شنوبالضبط لكن بس انا بأعتقد انه مافى شيئ فى هذه الدنيا يستحق منك تلك الغضبة المضرية
ودمتم

اها .....كدي النقعد لك عديل.... يا سيد الامنتي ليك........زول شتمني بكلمات اذكر منها..... قذر.... تافه... حقير.... انت جاي من ياتو كوشة........انتهت الشتيمة المبجلة.......

والمزعلني اكتر انها قعدت في البورد اكتر من 18 ساعه....ومافي زول قال نزحها شوية..... لمن انا رسلت اتنين ايميل لبكري..... حتين يا الله ويا امين... جا مغمد عين ومفتح عين ومسحها.......
لائحة البورد بتقول انو اي واحد يتعرض لاي عضو بالاساءة الموجهة والمباشرة يتم حظرو....ودي كانت اساءة مباشرة وموجهة....وانا عاوز العضو دا يحظروهو.......ويطبقو فيهو اللائحة.....لو ما طبقوها اعتقد من العدل انهم برضو يدوني فرضة اشتمو..... والله شنو؟...وتراني حسي محارس البورد لا فطور لا غدا..... ولحدي نهاية اليوم نشوف بيحصل شنو؟

تعرف يا سجيمان .. والله أكبرت فيك عدم التسرع في الرد على السباب الذي طالك .. مع اني ما شفتو خالص. وأكبرت فيك هذا لأني والله ما بقدر استحمل سباب وبعتبر الزول البيتحملو ده زول إما جلدو تخين أو زول بالو واسع شديد. وفي الحالتين النتيجة كويسة .. لأني والله ما بحب اشوف خناقات في البورد ده. وبيني وبينك كدي والله أنا بحب المواجهة المباشرة .. اي زول لو بقى قدامي كدي وقال حاجة ما راكبة عدلها والله بعد داك إلا يحجزنا رب العالمين .. لكن المشاكل بتاعة الانترنت دي أحسن الواحد يتجنبها .. أنا غايتو بتعمل لي هارت .. لأنها سلاح الجبناء في المقام الأول. لذلك يا سجيمان يا رميدان اي زول عندو مشكلة أو اي عتاب على زول .. يركبو قرجة في المسنجر .. بس البورد ده لانو مكشوف للعالمين كلهم .. فما مفروض يتقال فيه كلام خارج عن حدود الحشمة الدنيا .. على الأقل

طلعت فنجري يا سجيمان .. وأنا ظانّك فنجري .. والحمد لله انك لجأت لبكري لتصحيح الموقف وما انجريت بردود الفعل

بعد كلامي ده .. اقول ان الأخ كبسيبة قد يكون معه بعض الحق في انتقاد البوست الذي كتبته أنت .. لكن اسلوب انتقاده غير موفق. وكان بامكانه معالجة الموضوع برواقة وبطريقة لا تصب الفاصوليا على الرز

التحية ليك

ا شنتير.بارك الله فيك الجيتني راجع.... انا ما عاوز اشتم...ولا عاوز اسئ.لو عاوز كان عملت... انا بطلب طلب قانوني ومن حقي كعضو في البورد..... انو الراجل دا يطبقو عليهو اللائحة.....ولو ما طبقت لكل حادث حديث....من حق نفسي علي ان ادافع عنها.... بنفس الاسلوب والسلاح وقد يكون باكتر منو

اما عن البوست.....من راى فيه عيب يشتكي للادارة.... يطالب بحذفو.....مش يعمل فيها هو وصي على الناس...... ويقعد يشتم..واسهل حاجة الشتمية بالكي بورد ..... لا بتور نفسك ولا حاجة.......اما امشي اشتومو بالماسنجر لا لانو هو شتمني قدام الناس انا برضو اشتمو قدام الناس........ شوف انا لي حسي ما وجهة ليهو اي اساءة......ودا كلو عشان ادي للادارة فرصة تصرف........وبعدين حكاية العوير دقو واعتذر ليهو دي ما بتنفع معاي

يا الحبيب انتا كايس للشهرة بس

ا القرنفل..... ايها البيب الاريب....... الكايس للشهرة ما بيسمي نفسو سجيمان

غايتو لو عندك طولة روح على مناكفات الكي بورد دي .. وحاسي بأنك مظلوم .. أركب الظلمك ده عكاز بس .. لكن الفايدة شنو؟ انا والله واحد من الناس لو في زول زعلني اول حاجة بدي الكمبيوتر لكمة في صفحتو. اها انت لو نفسك ما بقوم في الشكل بتاع الكي بورد ده .. يبقى ولعها ان شاء الله دخانها يصل بابوا غينيا الجديدة

شنتير....... ان شاء الله شيخ بكري ما بيقصر وما بيحوجنا للشكل شايفو يجس في النبض

ياسى جى، سلامات، ماعهدناك زول شتايم وشكل وما شفنة منك غيى الظرافة واللطافة وخفة الدم

قالو رحم الله إمرء عرف قدر نفسه وإحنة برضو عارفنو

أرجوك أن لا تنزل إلى مستوى الشتائم والمشاكل و الداير تهرى أسكي خلى ياعزيزى

ولو عاينتة ليها من ناحية تانية، وده رأى الشخصى، مثلاً لو فى واحد عندو رأى سلبى فينى، أنا بشوف أنو دى مشكلتو هو مش أنا. هو العندو الرأى، إذاً بطريقتو لأنو، واحد، هو حر فى رأيو، وإتنين، لأنو هو الحا إتعب مش أنا
ولو تعدت المسائل ووصلت إلى الشتايم، ده حا إورينى معدنو، و ما برضاها ليك ولا لأى بوردابى أن ننجرف وراء الشتائم والمشاكل الشخصية

برأيهم أو بدونو إنتة ياكة سى جس البنعرفو.....ولا ما كدى؟

ماجد شكرا لك...... والله وكلماتك واستني كتير...... انايا عزيزي لما عاوز ادخل في شتايم....كل طلبي انو الادارة تاخد لي حقي.....لكن لو الادارة عجزت.....والله مجبور اخاك لا بطل......ومافي زول شكروهو بالكعب..... لكن انا عشمي كبير انو بكري يكون راجل حكيم...... ويطبق اللائحة في حق الزول دا......بعدين يا ماجد انا لو عاوز اشتم كنت شتمت وبادلتو الشتيمة,...... لكن احتراما للبورد ولادارة البورد رفعت الشكوى لهم...... لكن ما حاصبر كتير بصراحة......لانو ما شايف اي تجاوب.... نعمل شنو حيرغمونا ؟

CJ Man

الناس لا تراجم الا عالي الثمر

يا دكتور.... انا ما رجمت اي شخص الي الان....ولا البوست دا عشان اتراشق فيهو شتائم...... يا دكتور انتو ناس واعين... انا بطالب بحق مفروض تكفلو لي الادارة طالما انا ما زلت عضو......... انا بطالب بتطبيق اللائحة على الزول الشتمني دا......وبس.....انتو الله يهديكم ناقشو النقطة دي.....اما لو شفتوني بشتم تعالو قولو كدا

لن أقف أمام أى من حقوقك يا سى جى ولكن ولأسواء الإقتراضات، إتنين غلط ما بعملو الشى صاح، والناس بعرفوهم فى المواقف الزى دى وبرغم من أنى ضد
الإسائآت الشخصية ولكن ماتخلى الحاجات دى تأثر عليك

أنا لاأستطيع التحدث نيابة عن إدارة البورد ولكن وبغض النظر عن رد الفعل، أعتقد أن وجهات النظر أصبحت واضحة

عليك الله ياسىجى ماتشوه الصورة الحلوة الخاتنها ليك كل الناس الإتجاوبو معاك هنا وآخرين، تعرف لو عندى نص خيالك وملكتك التعبيرية دى، كنتة كتبتة عن الموضوع ده زاتو قصة أبو لستك، لكن إحنا مازيك وعشان كده كلم لينا عمو سجيمان الزعلان ده إمشى إنادى لينا عمو سي جى لأنو الليلة شربنا قهوة الصباح بدون الضحكة المعتادة من مواضيعو

إديك العافية يا رجل ياظريف

ماجد انا الي الان لم اوجه اي اساءة الي اي شخص...... يا ماجد البوست دا واضح.... عنوانو واضح..... وليه بكري والادرة ما عاوزين يجيبو لي حقي؟....... ليه؟ المانع شنو؟...... ولا حتى عاوزين يوضحو... سبب صمتهم دا....لي انا ولباقي اعضاء البورد ممكن اي عضو يتعرض لنفس الموقف....والله دي بادرة خطيرة وحتكون سنة...والايام بيناتنا.......

سلام للما عاوز الشهرة




ايها البيب الاريب....... الكايس للشهرة ما بيسمي نفسو سجيمان


يبدو عليك بتحب اكل اللحوم النية الظاهر انت من الفئة دى..؟


شايف ايميلاتك فى الفريق التانى وتقول برضو الشهرة كعبه

تصدق يا قرنفل........ما بتعرف تشتم ما بتعرف....... حيرفدوك لو ما حسنت مستواك

عليك الله يا سجيمان أنزل بتقلك شتائم ونبذ. ملعون ابو الدنيا أم قدود. شنو ياخي بتباري بالقيفة؟

شينتير امشي البوست بتاع الاعتذار.... عليك الله ساعدني شوية.....والله انا خايف من الغرامة

سجيمان
أوعك تخلى حقك يا بن عمى
لكن تاخدو بالقانون
والا
الموضوع ببقى فلم هندى !

طرقوش ااخوي..... حقي خليتو تب وماني سايل منو تاني.....وقالو لي البيشتمك اشتمو..... والله تبقي هندول وتخليهو



اوعى تقول لي هندول دي شنو؟

سجيمان يا حنين

ياخي سلامة النظر انا قلت ليك الناس
ما بتقطع الا عالي النخيل وغالي الثمر
ياخي افهمني الله يرضي عليك
وهدي بالك ورخي طبعك
وانا معاك الادارة لازم تطبق اللائحة كما هي
و
سلااااااااااااااام كتيررررررر

ا دكتورنا يا عزيز....... اعذرني والله... الوقت داك كنت لا بسمع لابشوف......لكن بعدين يا زول ما طلعت نفخة في الفاضي ساكت....... واتاريه الشتيمة حق مشاع لكل الاعضاء

ويــن بوست الاعتذار السايب ده؟

حبيبنا الغالى سيجيمان ود ام سجيمان والله شتيمتك دى ما شفتها

لكن انت براك جبت لنفسك الشتائم

انت مش قلت حبيبتى فى البورد قطع شك دى حبيبته هو وكان لازم يبادر بالهجوم

ويقطع عليك الطريق انت فى الجامعه ما سويت واحده كمان عاوز تسويها فى البورد

ود محجوب..... انا كضااااااااااااااب لا في البورد ولا حاجة.......... كدي بي يرتاح

حبيبنا الغالي سجيمان
أنا عادة نادرا ما أعلق على البوستات وأكتفى فقط بالقراءة
ولأنك من القلائل اللذين أقرأ لهم فقد اشفقت أن يحصل معك مثل ما حصل مع بعض كتاب البورد او كاتباته اللذين كنت استمتع بالقراءة لهم
لذلك فكرت احصلك بالمساندة
واقتراحي للأنتقام اذا لم يأخذ لنا بكري حقنا(لاحظ حقنا دي) أن تنشر اسم الزول الشتمك وي افتكر كفاية جدا عشان كل الناس البعرفو د.عادل الصادق أو بيعرفوا سجيمان يكرهوا الزول دا ويحتمل يشتموه بدلا منك .... تصدق انا لسه ما مصدقك