Post: #1
Title: اعتــــــذار للأخ بكـــري ولكل الاعضاء
Author: سجيمان
Date: 09-25-2003, 06:27 PM
لكلام د ا ما مفروض اقولو....وما من الذوق اقولو... لكن انتو دخلوهو بالاضان دي وامرقوهو بالتانية..... الحقيقة قد علمت من الاخ بكري عن طريق البريد الاليكتروني...... انو البورد مافيهو اي لوائح....واي شخص يسئ للاخرين على الاعضاء ان يتجاوزوهو....وبس......طيب يا اخي من قبيل انبح... اللوائح والصفائح والشوالات والقيامة....ومحترم البورد.....ولوائحو..... دا اناطلعت مضنب كبير.....ومنتظر الجماعة جنب خشم الباب وكل مرة اتاوق جو ماجو جو ماجو..هو اتاريهو جيتهم وعدمها واحد.....طيب شخص شتم شخص بعينه الباقين يتجاوزوه ليه؟...ما شتمهم ولا حاجة.....يعني يا اخونا بالعربي كدا..... اشتمو براحتكم وانتظرو لحدي ما التلاتة الف عضو يتجاوزكم..... علي اي حال كل اسف يا استاذ بكري....وكلي اسف ايها الاعضاء المحترمين و القراء المحترمين.... انا والله ما كنت عارف كدا.... انو الحكاية روكا...وجبانة...وممكن تعمل التعملو....وزول يقول لك.... ام شفير بي تعضي الشافع من وين؟ مافي.... طبعا دي بشرى سارة..... لكل الاعضاء وخاصة لو في زول لابد لي واحد..... ممكن يشتمو زي ما عاوز..... وحات الله مافي زول يسالك... بس الاعضاء يتجاوزوك... لكن طبعا شلتك واصحابك ما حيتجاوزوكو.....
غايتو عليهو العوض ومنو العوض في الشتيمة الاختها دي....وانا ماقدرت ارد....وحسي ان رديت ما ليها طعم.... وانا بعتذر مرة تانية... لانو ما حاقدر ارد الشتيمة علي الاقل الليلة.... لكن اوعدكم ووعد الحر دين عليه... ان اشتم لكم كبسيببة دا لحدي ما تنبسطو.وتامنو زاتو... وتعرفو الابداع الحقيقي..في علم الشتيمة.. واعذروني يا جماعة.ووالله ما عارف اودي وشي منكم وين؟.... لاني ما احقدر اشتم الليلة لكن اتضرع الي المولى عز وجل ان يلهمني... من
كل اصناف الشتائم واقدر اعوضكم...والله ولي التوفيق ...
سجيمان المضنب الكبير
وقت... تضحكي وتبين الفلجة
اقع.....ررررررب واضرب الدلجة
البيرفعني منووووووووو؟
|
Post: #2
Title: Re: اعتــــــذار للأخ بكـــري ولكل الاعضاء
Author: طرقوش
Date: 09-25-2003, 06:52 PM
Parent: #1
هسى كلو عرفنا يا سجيمان ونحنا
معاك قلبا وقالبا
لكين هسى أم شفير دى البعرفه ليك منو
غير واحد من بلدكم؟
|
Post: #9
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-25-2003, 09:07 PM
Parent: #2
طرقوش...ما بالضرورة تعرف ام شفير.....اهم حاجة تعرف بتعضي الشافع وين؟
|
Post: #3
Title: Re: اعتــــــذار للأخ بكـــري ولكل الاعضاء
Author: abuguta
Date: 09-25-2003, 06:54 PM
Parent: #1
سجيمان
الليلة مالك كلك شتيمة
الحكاية....شنو
فى زول شتمك...ورينى ليه منو
بعدين انت دكتور ناس ما دكتور ادب عشان يجيك نقد
انا قلتلك خليك فى نضمك دا ومع ناسك البعرفو حكاويك....وما تقوم تمشى لى مكان ناس عكاكيزن ...مضببة..وخشومهم..زى الشطة القبانيت
وتسلم
|
Post: #8
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-25-2003, 08:58 PM
Parent: #3
ابوقوتة... يا اخوي جو شتموني عند اهلي....في صمة خشمي مسيكين ربي....... قالو لي قذر... حقير.... بتاع كوش...... بس دي عرفوها كيف ما عارف؟
|
Post: #4
Title: Re: اعتــــــذار للأخ بكـــري ولكل الاعضاء
Author: Shinteer
Date: 09-25-2003, 06:58 PM
Parent: #1
خلاس آزول .. مادام بقت جبّانة هايصة .. أنزل في أي زول .. وابدأ بي أنا ده. تعال نربّها هسع .. تسخينة بس ليوم بكرة الـ خسستو لكبسيبة ده
يازول أنسى المسألة دي عليك الله أنسى كبسيبة و أنسى أي شيء .. لو بتقدر. والأفضل إنك تنسى أو تتناسى. صدقني شتائم الانترنت دي أساليب الجبناء. أجبن خلق الله على الأرض هم من يستعينون بالانترنت لإساءة الآخرين
|
Post: #5
Title: Re: اعتــــــذار للأخ بكـــري ولكل الاعضاء
Author: Najm
Date: 09-25-2003, 07:10 PM
Parent: #4
آناس الزول راســـــــــــو يوجعو
تربــــــــــــطولو كرآعــــــــو
|
Post: #11
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-26-2003, 07:17 AM
Parent: #5
يا نجم ...آ خوي... اريتهم كان ربطو الكراع... ديل ربطو حتة تانية.... وحسي مضااااااااايق
|
Post: #13
Title: Re: اعتــــــذار للأخ بكـــري ولكل الاعضاء
Author: Najm
Date: 09-26-2003, 06:43 PM
Parent: #11
ايي ايي اسعلني منو
اماني ربطــو مـو حـــار
علا اصـــبر أصلو الراجل بربطو مـن
لســــــــــــانـو
|
Post: #10
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-25-2003, 09:25 PM
Parent: #4
لو في السهلة يا شنتير اخوي... باقي لك زي دا بيرفع عينو يعاين لي؟
|
Post: #6
Title: Re: اعتــــــذار للأخ بكـــري ولكل الاعضاء
Author: SAMIR IBRAHIM
Date: 09-25-2003, 07:54 PM
Parent: #1
الحبيب السي جي مان.....
رقم البعد برسل سلامي....
ديمقراطيه الكلمه.....حاجه مهمه.....وانا شخصيا بتفق مع بكري...في الموضوع ده.....الديمقراطيه مهمه....واتمني انها تنتقل للوطن الكبير.....
اتفق معاك...احيانا الناس بتعاين في الفيل وتطعن في ظلو....وله تسيب الموضوع الاساسي....وتبتدي التركيل في شخصية صاحب البوست....وده افلاس...وزي ما شفت وشفنا.....هنا وهناك...افلاس بمعني الكلمه...
لكن عدم ردك لبعض الشتائم.....ده بيبرهن حاجه واحده.......انك اصيل ....وعلي درجه عاليه من الثقافه والاحساس....ومكانتك عاليه....وقدر ما حاولوا يفكو ليك كم طوبه...ما وصلتك ولا درابه واحده..........
| Quote: غايتو عليهو العوض ومنو العوض في الشتيمة الاختها دي.... |
وده من معدنك يا دكتور.....
والقومه ليك يا سي جي مان....
|
Post: #14
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-26-2003, 10:02 PM
Parent: #6
سمير يا اخي الديمقراطية سمحة.... علا المو سمحة الفوضى.....حرية الكلمة سمحة علا المو سمحة الشتيمة وقلة الادب...وتطاول العبيد علي الاسياد.....الديمقراطية بلا قانون... دعوة لحياة الغابة والقوي ياكل الضعيف......البيفوت الحد يواسوهو...الغربية يا سمير يا خوي... في ناس تحرش الجهال وتضارى ورا الحيطة....والخبر عندي....والجاهل جاهل ما بيلومهو.... علا المسوي حالو ارباب.... شن نسوي عليهو...بلا الدق والنخس.....
|
Post: #15
Title: Re: اعتــــــذار للأخ بكـــري ولكل الاعضاء
Author: Najm
Date: 09-27-2003, 00:18 AM
Parent: #14
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL
|
Post: #16
Title: Re: اعتــــــذار للأخ بكـــري ولكل الاعضاء
Author: Najm
Date: 09-27-2003, 00:48 AM
Parent: #15
[R]الخواجي فقد المنــــطق[/R]
|
Post: #19
Title: Re: اعتــــــذار للأخ بكـــري ولكل الاعضاء
Author: SAMIR IBRAHIM
Date: 09-27-2003, 04:48 AM
Parent: #14
الحبيب السي جي مان.......في مره من المرات.....وفي احدي المجلات...قرات...موضوعا شيقا......هذا جزء منه.....
العلم والثقافة تشكل قيمة إنسانية أساسية تعكس كمالاً في فكر الإنسان، يتميز من خلالها العالم عن الجاهل، وصاحب المعرفة عن مفتقدها.
ولا شك أن هذه المعرفة بالإضافة إلى تأثيرها على طريقة تفكير الإنسان ومتبنياته الفكرية، لها – أيضاً – انعكاساتها على شخصية الإنسان ومسلكيته.
فالثقافة هي التي تصنع الرجال ...
وقد حمل الإسلام همّ العلم والثقافة من اليوم الأول الذي بدأت فيه الرسالة ونزل فيه الوحي على نبي الإسلام (ص) (إقرأ باسم ربك الذي خلق ...) واستمر في دعوته إلى العلم والتعلم والاطلاع على المعارف والتثقيف (وقل رب زدني علماً)، حتىاعتبر العلم نوراً والجهل ظلام، والثقافة كمالاً وزينة (هل يستوي الذين يعلمون والذين لا يعلمون)
كدي يا حبيبو سي جي مان........قول يا لطيف.....
|
Post: #7
Title: Re: اعتــــــذار للأخ بكـــري ولكل الاعضاء
Author: kamalabas
Date: 09-25-2003, 08:00 PM
Parent: #1
يا اخوي يا سيجمان طول بالك والزم الصبر
وخليك عارف انو الكثيريين لا يأخذون ما تطرح خارج
اطار الدعابه والفكاهه غايتو ربنا يغفر لمن
يكون اخطاء في حقك لاني شخصيا لم اطلع علي البوست
المعني
|
Post: #17
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-27-2003, 02:43 AM
Parent: #7
كمال.....ما شفتو؟ ضيعت فرصة العمر..... اسكت ساكت....دا ما خلى لي صفحة ارقد عليها........
وطلعني بتاع كوش....الغريبة الكوش الايام دي ما فيها فايدة... كان زمان
|
Post: #12
Title: Re: اعتــــــذار للأخ بكـــري ولكل الاعضاء
Author: bit barber
Date: 09-26-2003, 10:58 AM
Parent: #1
اخوي سجيمان ,,عليك الله سيبك من زعيط ومعيط ونطاط الحيط
و لا تزعل نفسك ,,,الشتيمه بتلف ,,بتلف ,,,وبترجع لصاحبها
|
Post: #18
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-27-2003, 04:40 AM
Parent: #12
بت بربر......دي ما دايره لها لففان...... دي ملصوقة فيهو..... وقال يجدعها فوق الناس
|
Post: #20
Title: Re: اعتــــــذار للأخ بكـــري ولكل الاعضاء
Author: ابو جهينة
Date: 09-27-2003, 08:50 AM
Parent: #18
سجيمان
الطبع يغلب التطبع
و بما أننا نعرف في طبعك الرد على الناس بطبعك المجبول عليه ، فأرجو أن لا تكسر القاعدة و أملنا كبير في أن يتجاوز الأخ العزيز كبسيبة و يهدي من حرارة الحوار
تسلم
|
Post: #21
Title: Re: اعتــــــذار للأخ بكـــري ولكل الاعضاء
Author: قلقو
Date: 09-27-2003, 09:06 AM
Parent: #20
الأخ سجيمان
ياخى ما من زمان قلنا انس الموضوع وتجاوز عمن اساء اليك لكن انت كنت معنقد عنقدة شديدة خلآص لكن الحمد لله صافى يالبن
لكن انا سحبت عرضى بأقامة حفلة غنائية مع الأخ علآء وسأكتفى بتناول وجبة العشاء...على حسابك
مع تحياتى
|
Post: #22
Title: Re: اعتــــــذار للأخ بكـــري ولكل الاعضاء
Author: سجيمان
Date: 09-27-2003, 12:18 PM
Parent: #20
ابوجهينة بارك الله فيك.... حقيقة.... انا ترفعت ان الدخول في مهترات وشتائم لا طائل منها املا في ان انصف.....لكن ما كنت عارف انو الشتيمة حق من حقوقي البيكفلة لي البورد.......بس للاسف ما ستنفدت الحق دا.. يلا خيرها في شتيمة غيرها
|
|