Post: #1
Title: اعـمـلـــــــوا...... حســــابكم
Author: سجيمان
Date: 10-07-2003, 07:59 PM
Parent: #0
الكمبيوتر.....والموبايل.... بيعملن حاجات كتيرة كعبة........لا حظتها في نفسي........الكمبيوتر...... لقيت قدومي زاد شوية.... ونخريني فتحاتن زادت..... وعيوني صغرن.....وكرعيني كشن...واصابعين ايدي... بقن غُلاااااااد....وقام لي كردوس في ضهري.....وكريشة بي قدام....مع اني زول نحيف.والرقبة غتست....وشايل هم الحلاق يعمل لي قطعية كيف..... الا يرفع الراس من ورا بي عفريتة حقت عربية حتين الرقبة تجي مارقة لي برا...اما من الناحية النفسية..... بقيت انضم مع ضلي....وانا ماشي في الشارع انضم براااااااي.....واهرّج.... واتحلّف شي بي الله وشي طلاق........ولما انتبه لي نفسي والقى زول انتبه لي اعمل روحي قاعد اغني واصفرالغنية في جيهة والصفارة في جيهة واعاين للزول الشافني بنضم براي.. اكان يكون صدق فعلا انا كنت بغني ولاّ لا.......كل شي ولا يقولو عليك مجنون في بلد الغربة...... يبقن عليك تلاتة ..جن زايد غربة.... زايد ضرائب السفارة.......
الموبايل..... الجوال...... لاحظت جهة الجضم البخت فيهو الموبايل.... بقت اصغر من الجضم التاني...... يعني بعد خمسه سنوات حيكون عندي جضم واحد فقطًا......وشعر الراس.... برضو من الجهة دي بقى يتحتحت.... والحاجب كذلك...وجهة الشنب العلي الموبايل برضو.....غايتو الداير يلحق نفسو..وهو زولا جديد في الشيتات دي.... يعمل حسابو....وخصوصا النسوان
|
Post: #2
Title: Re: اعـمـلـــــــوا...... حســــابكم
Author: aba
Date: 10-07-2003, 08:24 PM
Parent: #1
سجيمان
سلام يا دكتور
تعرف الكمبيوتر أمره هين لكن الموبايل وحياتك عندنا هنا السودانيين كل زول شايل ليه واحد وكتير ما نجتمع في مناسبات يجي كم وعشرين نفر وكل واحد يروح خاتي الموبايل قدامو في التربيزة تلقاهين مكومات زي شباشب النسوان في بيت البكا والعجب لمن يبدن يكوركن جررك جرك جرك بس كدايس الحلة وجاتك كمان موضة الغنا بي جاي غنية لي وردي وبي جاي الأبولي بي يدورن غنا تحس متل التكنك قاعد في موقف حافلات بحري ووحدين تستغرب جوا ليه الواحد حاضن الموبايل ويسويلو في نضما دقاق ومعاه ضحكات مغموتات كده من بديات القعدة لي نهايتها لما يجي يقول مع السلامة يزح الموبايل من خشمو ويجدعك بي مع السلامة سريعة زي خمسين الكشتينة ويا زول ده كلو كوم وفاتورته كوم
|
Post: #7
Title: Re: اعـمـلـــــــوا...... حســــابكم
Author: SAMIR IBRAHIM
Date: 10-07-2003, 10:44 PM
Parent: #2
الحبيب ابا.....معقوله يكون السودان اتغير بالصوره دي............انتو باين عليكم ماشين بسرعة الصاروخ.......الله يديكم العافيه......
|
Post: #9
Title: Re: اعـمـلـــــــوا...... حســــابكم
Author: سجيمان
Date: 10-08-2003, 01:55 AM
Parent: #2
| Quote: ويجدعك بي مع السلامة سريعة زي خمسين الكشتينة |
ههههههههههههههههههه........ابا يا اخوي اظنو الحريق مجننك
|
Post: #3
Title: Re: اعـمـلـــــــوا...... حســــابكم
Author: Maged
Date: 10-07-2003, 08:52 PM
Parent: #1
سى جى وأبا، الإتنين بالغتو قى الوصف، غايتو السردبة قامت والكريشة إترقت وبقت زنقلة ليها ضل ومافى شى جابم لينا غير مبارات ونستكم وتعليقاتكم الظريفة دى، وكان للموبايل يا سى جى، خليها ساكت بس، الواحد ناقصو إتونس مع مرتو فى البيت بالمصيبة دى
|
Post: #11
Title: Re: اعـمـلـــــــوا...... حســــابكم
Author: سجيمان
Date: 10-08-2003, 06:22 AM
Parent: #3
ماجد... انت لسه ما تونست؟ الناس زمان اتونست
|
Post: #4
Title: Re: اعـمـلـــــــوا...... حســــابكم
Author: maia
Date: 10-07-2003, 09:58 PM
Parent: #1
دكتور سجيمان والاخ ابا
ابدعتوا في الوصف الدقيق لذلك المخلوق الصغير المسمى موبايل ، لكن كله كوم وعروب الخليج كوم تاني تلقى الواحد او الواحدة تغير الموبايل في الشهر 20 مرة اما النغمة فحدث ولا حرج ممكن تتغير كل يوم
والواحد يكون كانه رائد فضاء بكمية الموبايل وتبعاته اللي بيكون شايلهم
واكتر حاجة بقى بتحير بالجد الموضة الظهرت في السودان وهي انه العرسان اول ما يصلوا مكان الحفلة ويقعدوا فجاة تلقى العريس او العروس شايلين الموبايل لتلقي التهاني من اهلهم البره والفنان يكون بيغني يعني الصوت ذاتو ما مسموع وكاميرا الفيديو بتصور العرسان وهم بيتكلموا عبر الموبايل
يعني حبكت في الساعة الضيقة دي
تسلموا يا جماعة
|
Post: #12
Title: Re: اعـمـلـــــــوا...... حســــابكم
Author: سجيمان
Date: 10-08-2003, 10:11 AM
Parent: #4
مايا اوعى يكون.... الموبايل في الشيله...ولونو يكون ماشي مع التوب والجزمة وشنطة اليد؟
|
Post: #14
Title: Re: اعـمـلـــــــوا...... حســــابكم
Author: maia
Date: 10-08-2003, 11:59 AM
Parent: #12
ما تستبعد يا دكتور سجيمان
يعني يكونوا كده كملوا الناقصة لو العريس جاب لعروسته موبايل مع كل شنطة وتوب
لكن كلو كوم والحركة بتعت الكلام في الموبايل لحظة ما العرسان يجوا ومتاكدة يكونوا ذاتهم ما سامعين البهناك بيقول في شنو
|
Post: #5
Title: Re: اعـمـلـــــــوا...... حســــابكم
Author: SAMIR IBRAHIM
Date: 10-07-2003, 10:35 PM
Parent: #1
الحبيب السي جي مان..........ونحن نقول شنو......يا حبيبو....زي تمنتاشر ساعه في اليوم ...وما عندنا مفر....سيك سيك.....
اها كمان عندي ليك نصيحه...اوعك تحلق الدقينه وانت بتلوك في لبانه...........
|
Post: #17
Title: Re: اعـمـلـــــــوا...... حســــابكم
Author: سجيمان
Date: 10-09-2003, 03:54 AM
Parent: #5
| Quote: اها كمان عندي ليك نصيحه...اوعك تحلق الدقينه وانت بتلوك في لبانه........... |
ههههههههههههه... لا ما حاحلقها خالص
|
Post: #6
Title: Re: اعـمـلـــــــوا...... حســــابكم
Author: Kobista
Date: 10-07-2003, 10:42 PM
Parent: #1
Wallahi ya Aba Di Balghta feeha 3adeel kida!!!lol
|
Post: #8
Title: Re: اعـمـلـــــــوا...... حســــابكم
Author: doma
Date: 10-07-2003, 10:54 PM
Parent: #1
سحيمان قلت المو بايل بسهك الجضوم ؟؟؟!!كان كدي النعلق لي موبايليين
|
Post: #10
Title: Re: اعـمـلـــــــوا...... حســــابكم
Author: bayan
Date: 10-08-2003, 02:14 AM
Parent: #8
لووووووووووووووووووووووووووووووووووووووول@دومة
هذا الاختراع الخترى
مسجل لدومة
ودومة لا تقبل الا اليورو
وهذا للمعلومية
|
Post: #13
Title: Re: اعـمـلـــــــوا...... حســــابكم
Author: ترهاقا
Date: 10-08-2003, 10:28 AM
Parent: #10
دكتورنا سى جى
مشكلة الموبايل ممكن نحلها ليك برسل ليك هدفون ، اما مشكلة الكومبيوتر فدى مشكلة عويصة لانو الاعراض كلها بتقول بعد كده إنت معّرض للبواسير ، واللييييييييييلة.
|
Post: #15
Title: Re: اعـمـلـــــــوا...... حســــابكم
Author: saifkeli
Date: 10-08-2003, 01:43 PM
Parent: #13
أخوي سي جي
تحياتي لك .. موصولة
والله زمان الواحد ما كان عندو من الملحقات دي أي حاجة .. يعني كل ما هو مطلوب أن يرافقك هو عراقي وسروال واذا لزم الأمر طاقية والله يكرمك اذا لم تكن حافي أو نصف حافي .. بس
أما الآن ساعة وموبايل ونظارة يمكن تكون ضرورية أو قندفة ومفاتيح واقامة .. والحاجات دي أنا طوالي بتروح مني وما عارف لها علاج وبعدها جاء عليها الموبايل لكن الاقامة في البلد دي تروح الروح وهي ما تروح .. يعني الواحد ممكن يكون طالع من البيت وناسي يكمل لبسو بما في ذلك الضروريات لكن اقامة أوعك من بتتنسي .. والله يرجعنا والواحد لا شايل هم أوراق ثبوتية أو غلوتية
مودتي لك
|
Post: #16
Title: Re: اعـمـلـــــــوا...... حســــابكم
Author: ابو جهينة
Date: 10-08-2003, 02:07 PM
Parent: #15
سجيمان الفنان
التحايا أطنان
الموبايل بيسهك الجضوم و ينتف شعر الشنب و شعر الرأس ،، و كمان ماتنسى ،، عوجة الخشم ،، بعد مدة تلقى الواحد خشمو إتعوج زى خشم البنية البتغني ( أخاصمك لأ ،، ) و يبقى ياكل بالجنبة إياها و المعلقة يحشرها بي هناك و يبوس الشفع بي هناك ،، و لو عاوز يعدل خشمو إلا يشوف دكتور الفنانة صباح الشحرورة يعدل ليهو خشمو ،، بس الخوف يجر ليهو الأضان يجيبا ليهو جزء فوق جضمو و جزء جنب عينو.
ربك يستر غايتو
|
Post: #21
Title: Re: اعـمـلـــــــوا...... حســــابكم
Author: سجيمان
Date: 10-09-2003, 09:16 AM
Parent: #15
أأأأأأأأأمين يا سيف.....يرجعنا اهلنا سالمين....غانمين دي قنعنا منها
|
Post: #20
Title: Re: اعـمـلـــــــوا...... حســــابكم
Author: سجيمان
Date: 10-09-2003, 08:51 AM
Parent: #13
ترهاقا......دي كنت من الاعراض العاوز اقولها..... لكن خفت والله
|
Post: #19
Title: Re: اعـمـلـــــــوا...... حســــابكم
Author: سجيمان
Date: 10-09-2003, 08:48 AM
Parent: #10
عُلم يا بيان....... بس اختراع فيهو عيوب
|
Post: #18
Title: Re: اعـمـلـــــــوا...... حســــابكم
Author: سجيمان
Date: 10-09-2003, 04:43 AM
Parent: #8
والله يا دومة يا اختي.... لاحظي لي اختي دي.....من يوم الصورة وحالنا اتقلب...........يا دومة اختي الموبايل بيعمل حفر في الجضوم.... يعني الا وانتي بتتكلمي تمشيهو زي المكوى فوق الجضم عشان السهك يكون متساوي
|
Post: #22
Title: Re: اعـمـلـــــــوا...... حســــابكم
Author: SAMIR IBRAHIM
Date: 10-25-2003, 03:40 AM
Parent: #18
قلنا نمسي
|
|