المـــرحـوم......كان رمــــرام

المـــرحـوم......كان رمــــرام


10-09-2003, 08:33 AM


  » http://sudaneseonline.com/cgi-bin/sdb/2bb.cgi?seq=msg&board=61&msg=1135884018&rn=0

Post: #1
Title: المـــرحـوم......كان رمــــرام
Author: سجيمان
Date: 10-09-2003, 08:33 AM

ست النفر يا اختي دا حال الدنيا.....ودا دربا ماشين فيهو كلنا....الحمد لله غايتو.. الله يلزمنا الصبر.....شفتي المرا الكنتي قاعدة جنبها دي؟....دي مرتو التانية يا ست النفر اختي..العرسها فوقي...هئ هئ هئ هئ.........
الليلة يا حليلك.....يا سيد الغنم وسيد.... الحمام

الليلة يا حليك.... يا الماك عواف... يا الرمرمام


حسي عليك الرسول يا ست النفر اختي... زي الشي دي دحين بعرسها؟.. اكان مو رمرمة ساكت؟.... عليك الله عايني للجضوم العليها ديل؟... والعيون المطيرات ديل؟..... عليكي الله حسي زي دي في صينة الاكل بقابلها؟.ويا ست النفر المرا اكالا جنس اكل...وبعدين كراعها كعبة خلاص....من يوم دخلت علينا...لا هو قال احي يا العافية ولا نحن....... هئ هئ هئ هئ هئ
يا حليلك.... يا اب ضنين

يا حليك يا اب...... مرتين

الراجل كان...قدر خشم الباب.... من عرس المقبوحة المسنوحة دي فوقي...اتمااااااص.....ومسكو دغيت....وسكري.....وبقى يحنن..... عليك الرسول دي ما مرا شوم؟..... المرا يا ست النفر... عرس قبال اسبوع... وتراهو الليلة مات.........اها التخم وتصر......المرا يوم عرسو ليها..... الحرامي ينط علينا ...... يوم زنقة الحر ديك...... الوليدات راقدين بي لبسااتهم والبنيات بي قنلاتن...... وانا دي اسكتي خليني ساكت.يخربني..متغتيه لي بي توب بس.....تعال يا الحرامي....قدر ما في دلقان شالو..... انا الصباح علا رسلت عفاف بنتي جابت لي جلابية من زينب جارتي.......دا يوم عرسو للسحارية دي.....هئ هئ هئ هئ هئ........

يا حليلك يا اب شالاً ملفوف

يا العميان و......ما بتشوف


يا العرست فوقي........ دا الحلوف


انتي يا ست النفر ........ اصبري... المرا ام توب..... احمر ... الغليدة دي منو..؟.... ما عرفتها.؟.......... قلتي شنو؟ مرتو التالتة؟..........وب علي وب علي........... ما قلت ليك الراجل رمرام....الراجل يا هناية..... داسي علبة الطحنية في شنطتو....وقافل الشنطة بالمفتاح وشايل المفتاح في جيبو؟......من وليداتو؟.......اهه حسي من اكل الطحنية السكري جاب خبرو........ ومعرس فوقي اتنين.....مرتين فوقي انا بت عبد القادر؟.......هئ هئ هئ هئ هئ ....اصبري لي فيهو.....هئ هئ هئ هئ


الليلة يا حليلك يا اب تلاتة

يا الما نفعو فيك... الفلاتة
Post: #2
Title: Re: المـــرحـوم......كان رمــــرام
Author: shiry
Date: 10-09-2003, 09:18 AM
Parent: #1

سلام مربع

سجيمان

الفنان

انا برضو شوف لي فلاتي من طرفكم
باقي مغروووووده فيهو

هاهاهاهاهاها
Post: #3
Title: Re: المـــرحـوم......كان رمــــرام
Author: abuguta
Date: 10-09-2003, 09:40 AM
Parent: #2

سجيمان
تحياتى
زمان كان معانا واحد طالب داسى الطحنية فى شنطة الحديد وطابلها بمفتاح..لما يدور ياكل منها.بدك ليه حصة وبعدها بمشى الشجر
فى النهاية كشفناه ...لقينا النمل طالع من تحت السرير وشايل حاجة...واحد من الشباب قبض نملة وشماها..وكشفنا الطحنية
وفلسنا الشنطة....واكلنا الطحنية...وطلعنا فيه اغنية
اسى هو فى امريكا...ومصاحب كاريكا

سجيمان البت ام نضارات دى ...ما تديها عنوان الفكى...دى برا فكى ...سوت البدع....ما دايرين منشطات

وتسلم
Post: #6
Title: Re: المـــرحـوم......كان رمــــرام
Author: bayan
Date: 10-09-2003, 11:27 AM
Parent: #3

والله يا سجيمان وابوقوتة
جد ضحكتونى

خاصة يا ابوقوتة فى الزول البيشم
النمل دا
ما بالغ عديل كدا
Post: #14
Title: Re: المـــرحـوم......كان رمــــرام
Author: سجيمان
Date: 10-09-2003, 06:37 PM
Parent: #6

ايوا يا بيان..... شمام
Post: #7
Title: Re: المـــرحـوم......كان رمــــرام
Author: سجيمان
Date: 10-09-2003, 01:01 PM
Parent: #3

يا حليلك يا ابقوتة.....قلت لي زولك يشم النملة......؟........ اصلو كلب بوليصي؟ يا قول جارتنا بت سعد الله الوقعت في حفرة السفون
Post: #20
Title: Re: المـــرحـوم......كان رمــــرام
Author: doma
Date: 10-10-2003, 10:38 PM
Parent: #7

هوي يا سجيمان خلي النجري دا جارتكم بت سعد الله وين لقت السفون فيشان تقع فيه اتلقي اتهدمت بيها الادبخانه في الخريف
ومن جهه اخري اتلقي الايامات دي ساوي نوم الديك فوق الحبل لووووووول اها الله ليك من الزارعنوا في الحيشان سيدو معبي البندقيه والبنبان دحين اعمل حساب عويناتك ديل و وابقي عشره علي ست النفر
Post: #4
Title: Re: المـــرحـوم......كان رمــــرام
Author: سجيمان
Date: 10-09-2003, 09:46 AM
Parent: #2

شيري......تلفحي بي توبك....وتكرتني...... اي امشي الكرنتية
Post: #5
Title: Re: المـــرحـوم......كان رمــــرام
Author: nazar hussien
Date: 10-09-2003, 10:49 AM
Parent: #4

يا سجيمان حوارك ده جد جد
والاشخاص البمنحوا ديل موجودين
الشنطه الكان مقفولة فيها الطحنية شنطة حديد سوداء بها ورد اخضر هي ايضا موجودة والحريم التلاته هسي كل واحد قاعدة في بلد براها
والسرقة فعلا حصلت
والراجل المات سابع يوم عرسو
كان ودصرة
يا انت وداعي يا ما نصيح

بس انت ماك نصيح
Post: #9
Title: Re: المـــرحـوم......كان رمــــرام
Author: سجيمان
Date: 10-09-2003, 01:48 PM
Parent: #5

نزار..... والله ماني طيب فعلا..... من يوم دااااااااااك ماني طيب
Post: #8
Title: Re: المـــرحـوم......كان رمــــرام
Author: SAMIR IBRAHIM
Date: 10-09-2003, 01:06 PM
Parent: #1

الدكتور السي جي مان...

يعني نقع الكوستا ريكا....وله شنو........كان قلت خير الاسبوع الجاي بعلق ليك الصوره هنا وبدل العديل والزين نغمات الماكرينا....
Post: #10
Title: Re: المـــرحـوم......كان رمــــرام
Author: ترهاقا
Date: 10-09-2003, 02:28 PM
Parent: #8

العزيز سى جى
والله الراجل ده عافى منو لكن طالما الحرمة دى بكت الراجل ده معناه ما مقصّر معاها هى بالذات وإلا رأيك شنو ؟
Post: #13
Title: Re: المـــرحـوم......كان رمــــرام
Author: سجيمان
Date: 10-09-2003, 05:17 PM
Parent: #10

ابدا يا ترهاقا......المرا بتبكي عشان عرس فوقا
Post: #11
Title: Re: المـــرحـوم......كان رمــــرام
Author: سجيمان
Date: 10-09-2003, 03:36 PM
Parent: #8

سمير اوعى تكون ناوي تسويهن تلاتة؟
Post: #12
Title: Re: المـــرحـوم......كان رمــــرام
Author: 3mak Hasabo
Date: 10-09-2003, 03:42 PM
Parent: #1

دى حركة فى شكل وردة ياسجمان الرمدان...فإذا كان السجم ابداع فلماذا لا يكون الرمد مرحلة اُخرى من مراحل الابداع
Post: #15
Title: Re: المـــرحـوم......كان رمــــرام
Author: سجيمان
Date: 10-09-2003, 09:16 PM
Parent: #12

عمي حسبو مبروك.........ان شاء الله تستعملو في ما يرضي الله
Post: #16
Title: Re: المـــرحـوم......كان رمــــرام
Author: سجيمان
Date: 10-10-2003, 11:22 AM
Parent: #15

والله مو شان شي
Post: #17
Title: Re: المـــرحـوم......كان رمــــرام
Author: doma
Date: 10-10-2003, 04:07 PM
Parent: #16

انت يا سجيمان تعال النسعلك مالك متخصص فينا؟؟؟ ياربي دا من شنو ؟؟؟!! اتلقي ست النفر حقتك مضوقاك نوم الكيعان
Post: #18
Title: Re: المـــرحـوم......كان رمــــرام
Author: سجيمان
Date: 10-10-2003, 04:23 PM
Parent: #17

دوما....احيك علي شجاعتك لخرق الحظر......... وانا لي كم يوم عاوز انوم علي كيعاني وماني قادر




والزارعنو في الحيشان


المنومني علي الكيعان
Post: #19
Title: سي جي يا جميل ياخي رغم بعدي برسل سلامي
Author: Dr. NassurEldeen
Date: 10-10-2003, 07:21 PM
Parent: #1

10

سي جي يا حبيب
رغم بعدي برسل سلامي

ياخي دائما بزيدنا جمال وطيب
لك المحبة في اسمي معانيها

دمت ودام وبهاك

سلااااااااااااااام

نصر
Post: #21
Title: Re: سي جي يا جميل ياخي رغم بعدي برسل سلامي
Author: ترهاقا
Date: 10-10-2003, 10:48 PM
Parent: #19

العزيز دكتورنا العزيز
ما تقعد تتزاوغ لى الحرمة دى كانت مبسوطة مع مع الراجل ده ، وبينى بينك قسمة النبقة صعبة .
Post: #22
Title: Re: سي جي يا جميل ياخي رغم بعدي برسل سلامي
Author: سجيمان
Date: 10-11-2003, 00:32 AM
Parent: #21

والله يا ترهاقا يا ريدتكم للغُلات...... الشي النضم دا كتبتو انا.....وعارف المرا بتبكي مالا
Post: #24
Title: Re: سي جي يا جميل ياخي رغم بعدي برسل سلامي
Author: سجيمان
Date: 10-11-2003, 00:46 AM
Parent: #19

تسلم يا دكتورنا نصر يا غالي
Post: #23
Title: Re: المـــرحـوم......كان رمــــرام
Author: ABUHUSSEIN
Date: 10-11-2003, 00:41 AM
Parent: #1

سجيمان الما سجمان

ســـلام كـتيـر

قلت لي تلاتة ؟؟؟؟ طـيـب الطـحـنـيـة لزومها شـنو ؟؟؟؟؟؟؟