Post: #1
Title: متعـــــــة الفلـــــس
Author: سجيمان
Date: 10-15-2003, 07:37 PM
الفلس ذلك الصديق الصدوق.... الوفي الذي لم يفارقني منذ نوعومة اظفاري......انا اصلا من عائلة متعهدة فلس...من جد جدنا ولي جد ابونا.....الغريبة مرتين بس في حياتي لقيت لي قروش واقعة.....مرة وانا عمري خمسة سنوات....ومرة وانا عمري ستاشر سنة.....والاخيرة دي خلتني دائما ماشي ومدنقر اعاين للواطا كان القى شي واقعة.....المسابقات الفيها قروش اصلو ما بشترك فيها ولا بكضب.... لانو عارف ما اكسب وبناءا عليه مافي داعي اشترك او اسابق.......لكن حصلت الفة.... بيني وبين الفلس.. وارواحنا واحدة وكيف اتقسمت قسمين؟...... اي زول يقول لي انا مفلس بدون ما اشعر احسي اني زعلت واتنفرزت وعاوز اخنقو.... كيف مفلس الفلس دا بتاعي انا وبس...وعلي ما علي اي زول يشاركني فيهو الا اطلع زيتو......بعدين من ريدتي.. للفلس لو دخل جيبي قرش واحد.... تلقاني جري علي السوق....واوري القروش شبهها....واصبح تاني يوم مفلس ومبسوط جدا.....وبفضل الله تعالى ربنا رزقني زوجة.. محبة ومخلصة للفلس جدا......وسبحان الله لما تشوف عندي قروش تمسكها ام هلاهلا..... وتتقنع في توبها....ويا دا امرقاكا علي السوق....نمشي السوق..ونجي لا قدامنا لا ورانا..... لكن تكون روحنا المعنوية مرتفعة جدا..... ونسوي لنا كباية شاي ونقعد تنونس..... ونضحكككككككككك......ونغني.... انت يا مفلس وعند الله جزاك.....
اول ماهية....... في حياتي.....اول ماهية في حياتي...... صرفتها وجيت البيت.....والوقت داك لسه ما حصلت الفة كويسة بيني وبين حبيبي الفلس....... اتغديت.... واتمددت في السرير شوية....ومشيت بيت الادب......والماهية بي صرتها وقعت..... في الحفرة...اها انا من ديك ما قلت احي يا العافية لي يومكم دا.......متعة الفلس ما اي انسان بي تذوقها...... عاوزة انسان مرهف....جلدو تخين... حساس.... يستطيع ان يحول احلك ساعات الفلس الي جلسات رومانسية....
يوم عرسي.... حبوبتي ... كان واقفة عند راسي...والبنات يجلطن في الضريرة فوق صنقوعي....وهي تبننن.......
يا بنينة هييييييييييييي
وبنا بنا بين يا بينة
وبنينةا بنا بين يا بينة
وبنا بنا بين يا بينة
وبنينة هيييييييييييييي
ابواتك يا عشااااااااااااااااي..............
ابواتك يا عشاي حاشا ما بحلو بالباسطة
وابواتك يا عشاي للفلس ما دايرين واسطة
يا بنينة هيييييييييييييييييي
حبوبتك يا عشاااااااااااااي
حبوبتك يا عشاي.الفلس ما بهمها
حبوتك يا عشاي من ولدوها ما ضاقت موز يسمها
يا بنينة هيييييييييييييييييييييي
وبنا بنا بين يا بينا
ونينة وبنا بنا بين يا بينا
يا بنينةهيييييييييييييييييي
اخوك يا عشااااااااااااااااااي
اخوك يا عشاي العاجب البنوت
واخوك يا عشاي الجيبو ساكناهو العنكبوت
يا بنية هييييييييييييييييييي
وبنا بنا بين يا بينة
وبنا بنا بين يا بينة
وبنينه هييييييييييييييييي
|
Post: #2
Title: Re: متعـــــــة الفلـــــس
Author: Abureesh
Date: 10-15-2003, 08:07 PM
Parent: #1
من الأشيـاء الكانت محيارانى فعلاً مفهـوم الفلس، لحـد ما إكتشفت أنــو سببو الأساسى هـو عـدم القـروش.. وإذا ظهـر السبب بطل العجب. فإذا نصيحتى ليك إنو تكون عندك دائمـا قروش، وما حتشعـر بأى أعراض للفلس تانى والله أعلـم.
|
Post: #3
Title: Re: متعـــــــة الفلـــــس
Author: ترهاقا
Date: 10-15-2003, 08:29 PM
Parent: #2
ابواتك يا حشاى حاشا ما بحلو بالباسطة
وابواتك يا حشاى للفلس ما دايرين واسطة
دى قلبت فيها هوبة يا سجيمان
يا صديقى فى الهوى والفلس شايقى دنقلاوى ويا محسى
|
Post: #10
Title: Re: متعـــــــة الفلـــــس
Author: سجيمان
Date: 10-15-2003, 11:29 PM
Parent: #3
يا ترهاقا عليك الله اسكت ساكت...... يجي حسي دينق ويطلع الفلس عنصري.......وتجي روضة تملى الصفحة دي نضم
|
Post: #5
Title: Re: متعـــــــة الفلـــــس
Author: سجيمان
Date: 10-15-2003, 08:44 PM
Parent: #2
ابو الريش....لو دايرني ازعلك منك...جيب لي سيرة القروش دي......
|
Post: #4
Title: Re: متعـــــــة الفلـــــس
Author: wd al geran
Date: 10-15-2003, 08:29 PM
Parent: #1
ابو الريش لا ... لا يا ابوالريش.
|
Post: #6
Title: Re: متعـــــــة الفلـــــس
Author: newbie
Date: 10-15-2003, 09:27 PM
Parent: #4
سجيمان
| Quote: ....ومشيت بيت الادب...... |
سجيمان انت مبدع
|
Post: #7
Title: Re: متعـــــــة الفلـــــس
Author: safwan13
Date: 10-15-2003, 09:54 PM
Parent: #6
سجيمان الله يجازيك خليتنا نلخبط بين البوستات
|
Post: #9
Title: Re: متعـــــــة الفلـــــس
Author: Abureesh
Date: 10-15-2003, 10:18 PM
Parent: #7
السجيمــان
الأن دعنـا فى الجـد.
ما أفتكـر إنك مفلس مهمـا إدعيت، والأن هاك الإختبـار دا:-
أجب على هـذه الأسئلـة بلا أو نعــم ثم أحسـب عـدد الـ نعــم ، فإذا كانـوا أكثـر من صـفــر فإنك ربمـا كنت مفلسـا فعلاً.
1- إذا غلبتك الحجـة فى النقاش، هل تضرب مناقشك بالســيخ؟
2- هل تتفادى نقاش بعض المواضيـع يدعوى أن طرقهـا يحـرج الإســلام؟
3- هل تجرح مشاعـرك إذا رأيت أحـدهـم يأكل فى نهـار رمضـان؟
4- هل تميل لمقاطعـة محـدثـك بمجـرد أن قفز إلى ذهنك رأى فى جزء مما قاله؟
5- هل عنـدك الإستعـداد الفطـرى لتأييـد من هـو أعلى صـوتـاً وأكثـر عـدداً؟
حظـا سعيــدا لكم جميعــا
محمـد عثمـان
|
Post: #18
Title: Re: متعـــــــة الفلـــــس
Author: سجيمان
Date: 10-16-2003, 01:19 PM
Parent: #7
صفوان....دا شنو دا؟ تجي تسوط وتمرق....وتقول من سجيمان..... ؟
|
Post: #17
Title: Re: متعـــــــة الفلـــــس
Author: سجيمان
Date: 10-16-2003, 12:37 PM
Parent: #6
نوبية...... لك الشكر اجزله..... لكن النضم دا كان ترسليهو في برايفت.....عشان المبدعين البي صُح صُح....ما يزعلو
|
Post: #12
Title: Re: متعـــــــة الفلـــــس
Author: سجيمان
Date: 10-16-2003, 08:33 AM
Parent: #4
ود الجيران.... لا...... ليه؟
|
Post: #8
Title: Re: متعـــــــة الفلـــــس
Author: 3mak Hasabo
Date: 10-15-2003, 10:09 PM
Parent: #1
زمان جدى حكى لى قال لى اصلو امك ولدتكم تلاتة تيمان ودى كان ظاهرة غريبة وعشان نكف العين ادينا واحد لاسرة وحتى الان مامعروف دربو وين....اها فضلت انت وتومك الفلس دا .....ابقو كوسو اخوكم التالت
ياربى يكون ............
|
Post: #22
Title: Re: متعـــــــة الفلـــــس
Author: سجيمان
Date: 10-16-2003, 05:23 PM
Parent: #8
عمي حسبو.......... عندي احساس كدا انو انا فعلا تومكم انت والفلس............. شكرا يا بكري....... يا مجمع الشمل والاهل......والفقر والفلس...وفعلا يا عمي حسبو شوف الاسامي بتاعت تيمان فعلا .....................حسبو........ سجمو....... فلسو......قادر الله في احكامو
|
Post: #23
Title: Re: متعـــــــة الفلـــــس
Author: 3mak Hasabo
Date: 10-16-2003, 05:48 PM
Parent: #22
شوف الحِكم دى صححِ الله قادر
ولو جيت وزنتها من ناحية اسماء تانى.....تلقى التيمان..عثمان ... فلسان....سجيمان.....(السودان).
عاوز اقولك ماتستغرب كلنا شوايقة لكن خايف الجماعة يجو يقطعوا لى اسى......يلا سلام قبل ماتجيب ليها عنصرية
|
Post: #29
Title: Re: متعـــــــة الفلـــــس
Author: سجيمان
Date: 10-17-2003, 02:07 PM
Parent: #23
عمي حسبو....الجماعة اصلهم النضم بيكونو شافوهو...... علا في شان الفلس حاجة كعبة.... ما بيقولو دي عنصرية..... بيباركو لينا...... لكن رايك شنو نرسل لعلي عثمان في كينيا يضيفوهو من ضمن الحاجات العاوزين يقسموها زي السلطة والثروة...... ونديهم ستين في المية من الفلس
|
Post: #11
Title: Re: متعـــــــة الفلـــــس
Author: ABUHUSSEIN
Date: 10-16-2003, 00:40 AM
Parent: #1
الأخ سجيمان سـلام
و الله يا خوي كلامك لذيذ و اسلوبك حلو شـديد و صدقني موضوع الفلس دا كتيرين
بشاركوك فيهو لكن ما بقدروا على أسلوبك دا . و دخلت البوست بتاعك دا و قعدت
أفتش لي على أي كلمة أو جملة ممكن تتأول لي عنصرية من بعيد أو قريب لكن الحمدلله
كل الكلمات ما فيها شـئ لكن بيني و بينك ديل ما عايزين ليهم سبب ممكن يعني كل
شـئ متوقع.
و بعدين صفوان 13 دا مالو رد على بوست تاني في بوستك دا باص ثروا و لا شنو
|
Post: #25
Title: Re: متعـــــــة الفلـــــس
Author: سجيمان
Date: 10-16-2003, 08:27 PM
Parent: #11
حسين يا زول هوي انا تاني بعمل حسابي....واختيار الالوان حاخضعو.... لفلترة....واي حرف القاهو ما راكب عدلو ارجعو.......ومالي ومال خط الاستواء.........
زمان كان في توب اسمو خط الاستوا
ما سمعت كابلي
الموز روا
قايم سوا
قطعو لو خط الاستوا
|
Post: #13
Title: Re: متعـــــــة الفلـــــس
Author: wd al geran
Date: 10-16-2003, 08:53 AM
Parent: #1
اسي عليك الله الكلام الكتبو اول داك ملوة ويكة بتلايقو !!
صفوان
البص دا ماشي السجانة بالنص.
|
Post: #14
Title: Re: متعـــــــة الفلـــــس
Author: almulaomar
Date: 10-16-2003, 09:22 AM
Parent: #1
أخي سجيمان الفلسان
الفلس ما عيب ، العيب السرقه من الجيب
(واحد مفلس)
الكديسه لمن ما قدرت تلحق الشرموط قالت عفن
(حبوبه بنونه)
واللي ما يطول العنب حامضا عنا يقول
(مقطع من أغنيه للفنانه أحلام)
في حالتك أنت أخي سجيمان المسألة ما مسألة فلس ممكن تكون مسألة فقر أو نحس مركب وهو ما أدى إلى سقوط أول ماهيه لك في بيت أدبكم ولو سألوك يا سجيمان إنت شايل الماهية معاك ليه إنتو الدخول عندكم بي قروش ولا شنو؟ ، وربما تكون من المبذرين لأنو كل ما تلقى ليك قرش تجري السوق. أو حتى مستجد نعمه عملاً بالمثل القائل مستجدالنعمه ضايق.
الفلس أخي سجيمان مصيبة عظيمة، وخلينا في فلس القروش وبس الآن ، ألم تسمع عبد الله عبد القادر البعيو يغني ويقول مرددا:
الما عندو القرش القرش من البنات يتغبن تحرقو العبره ويتعوض دمعو الكبن. يعني فلس يبكي عديل كده ويخليك عزابي مدى الحياة تعيش وحدك وتموت وحدك.
الغريب أخي سجيمان أن القرش وحدة عمله والفلس وحدة عمله ، فلماذا نطلق على من عنده قروش مقرش وعلى من ليس لديه قروش مفلس ؟ وأيضا أنت لا تتعامل في بلادك بالفلس فلماذا تكون مفلسا ولا تكون مدنراً إذا كنت تؤمن بعملة الدينار أو مجنهاً إذا مازلت تتعامل بالجنيه وبلاش التعامل بالريال لأنه عندها سنقلب المعنى.
|
Post: #27
Title: Re: متعـــــــة الفلـــــس
Author: سجيمان
Date: 10-16-2003, 10:12 PM
Parent: #14
بس بس....انت يا الملاعمر وقعت فوقو..... انا فعلا مستجد نعمة....... دي ما دايرا لها رفع ضو
|
Post: #15
Title: Re: متعـــــــة الفلـــــس
Author: maia
Date: 10-16-2003, 10:01 AM
Parent: #1
دكتور سجيمان
التحية لك وانت تصف صديقك الفلس
لكن انت عارف السودانيين واحد من جدودهم العظماء هو فلس الكبير
بس ما عارفة قبته وين
|
Post: #16
Title: Re: متعـــــــة الفلـــــس
Author: ولياب
Date: 10-16-2003, 10:16 AM
Parent: #15
متعك الله بالصحة والعافية يا سجيمان
بقدر ما تمعتنا بكتابتك (المدهشة)
نشاركك الفلس ... ولعن الله الفلس أينما ما جلس ....
ويمكن أن نتبنى يوماً للمفلسين (وليس المفُلسين) على غرار يوم المشاءين(بس ليس بنميم) ويوم القتلة والمجرمين ،،، وكده نشوف بكري أخونا ....
وأزيدك من الشعر بيت رغم إنك سيد العرفين ، أن الفلس خشم بيوت
ترى فيهم من يقول كيف أعيش بلا خبز
ومنهم من يقول كيف نعيش بلا كابريس (دنيا ومفارقات عجيبة )
|
Post: #19
Title: Re: متعـــــــة الفلـــــس
Author: tmbis
Date: 10-16-2003, 01:27 PM
Parent: #16
تعرف ياسجيمان
جدنا أبو أمنا الله يرحمو قالو كان بيدعي بعد اي صلاة لي اولادو .. لا تغنو تفوتو ..ولا تفقرو تموتو - دي واحده
جدنا الكبير ، والكبير الله طبعا ..كان تاجر دهب . زمن التسوي تلقا .. والسجوك كان مافي ذاتو خليك من السجوك بالمتر .. كان بيتاجر اثيوبيا والسودان ..ويجيب الدهب ما ان مفاتيحهو لتنؤ . .عامل فيها قارون كان .. قال ليك دهب بالجنازير .. اهافجاءة كده طارت ليهو .. نص الليل حمل الدواب .. والبغال .. والحمير وقال لي الشباب يلالا ..وطلع بيها سقط لقط ودفنه ي مكان ما في زول عارفو ذاتو .. وقعد علي الحديدة وحياتك .. اها اولادو لما زرزروهو ياجلك وديت البشكةوين ؟؟ الضحاكات .. الحموري ؟؟قال ليهم البيمشي يفتشه ويسأل عنها ..انا ما عافي ليهو ..
تتخيل انا ذاتي ما عافي ليهو ...
|
Post: #31
Title: Re: متعـــــــة الفلـــــس
Author: سجيمان
Date: 10-17-2003, 02:13 PM
Parent: #19
تمبيس..............جدكم دا حااااااااااااااااسد.......
|
Post: #20
Title: Re: متعـــــــة الفلـــــس
Author: aba
Date: 10-16-2003, 01:28 PM
Parent: #16
سجيمان
سؤال واحد محيرني
ماهية الجن الفي فد مرة وقعت في الحفرة دي!! الشي اكلت شنو يا زول كافيار،
|
Post: #32
Title: Re: متعـــــــة الفلـــــس
Author: سجيمان
Date: 10-17-2003, 02:19 PM
Parent: #20
ابا... كنا ساكنين في ميز.... والباب طوااااااااااااالي فاتح.... يعني خايف عليها يجي زول يلفحها.... اها..... لفحتها الحفرة
|
Post: #35
Title: Re: متعـــــــة الفلـــــس
Author: سجيمان
Date: 10-17-2003, 03:55 PM
Parent: #16
ولياب...ومتعك انت بالصحة برضو.....
خليهو يسميهو...... يوم المبدعين المفلسين......لانو في كتير من المبدعين مفلسين وروحهم طالعة
|
Post: #30
Title: Re: متعـــــــة الفلـــــس
Author: سجيمان
Date: 10-17-2003, 02:10 PM
Parent: #15
مايا.......دا مدفون عندنا...وبيتنا جار القوبة الحيطة بالحيطة
|
Post: #21
Title: Re: متعـــــــة الفلـــــس
Author: OmDur
Date: 10-16-2003, 04:00 PM
Parent: #1
يديك العافية يا سيجمان
وفى كل بوست ليك , دة اصبعى خت بيه بصمة اعجاب
وكلك على بعضك حلو .. يا سيجمان
الفلس ممتع لما تكون متأكد وراه فى قروش جاية
سكنت من قبل مع طالبة اردنية
وفى مرة فلسنا وصل حد الغنى
وكنا بنشرب الشاى بعسل
فى مرة جد ضاق خلقى , قلت ليها انا ما حانتظر أخر الشهر
يلا معاى اتصل بأهلى يرسلوا لى
وعشان تهون على قالت لى اقول ليك حاجة
انتى عارفة انو (نجلاء فتحى) عايشة على العسل والموية
حتى الشاى بتشربه بالعسل , زى حالنا كدة !!
قلت ليها , على قولكم بلا نجلاء فتحى بلا بطيخ
ويديك العافية تانى يا سيجمان , ويخلى ليك المدام مفلسة بيك
انت يا المفلس وعند الله جزاك
|
Post: #33
Title: Re: متعـــــــة الفلـــــس
Author: سجيمان
Date: 10-17-2003, 03:08 PM
Parent: #21
امدر...... تعرفي انا استغرب في الناس الماقعدين يفلسو ديل عايشين كيف؟...... ينعي ما لذيذة اي حاجة تطلبيها تلقيها قدامك....متعة الشي في الحصول عليه بعد حرمان........... شفتي الفلسفة الفلسية دي كيف؟
|
Post: #24
Title: Re: متعـــــــة الفلـــــس
Author: ود الشيخ
Date: 10-16-2003, 06:49 PM
Parent: #1
سجيمان
جدنا الشريف كانت دعوته بارب اولادو غابه
والناس حطابة اها وحاتك شجر يقطعو مافي حبابك يا تومنا
|
Post: #26
Title: Re: متعـــــــة الفلـــــس
Author: انا بنت النيل
Date: 10-16-2003, 08:35 PM
Parent: #24
كلما اريد ان اعلق يقف في حلقي لقبك هذا فلا استطيع له نطقا ..ياخي ما تغيروا..والله انت ما هو ياخي ..كلما اقرأ لك بوست..اخرج من العالم المكفهر هذا ..واضحك ملء في وملعون ابو الدبرسة علي وزن ملعون ابو الفلس!!
سلمت..
|
Post: #38
Title: Re: متعـــــــة الفلـــــس
Author: سجيمان
Date: 10-17-2003, 08:10 PM
Parent: #26
انتي بنت النيل.................انا داير اغيرو فعلا.... لكن البيغير الفلس مني شنوووووووووووو؟
|
Post: #34
Title: Re: متعـــــــة الفلـــــس
Author: سجيمان
Date: 10-17-2003, 03:51 PM
Parent: #24
ود الشيخ.... ازيك ......وين يا راجل انت؟........ قلت لي جدكم قال الناس حطابا؟.......طيب غابة وشجر شنو البيفضل....؟.....ما دام الناس كلهم حطابا..... دي يكون دعى للناس كلهم مش نسلو بس
|
Post: #28
Title: Re: متعـــــــة الفلـــــس
Author: 3mak Hasabo
Date: 10-17-2003, 00:52 AM
Parent: #1
الظاهر النضمى دا قبيل عويناتك جلنو ....ل=اسى بجيبو ليك لحدى عندك
شوف الحِكم دى صحيح الله قادر
ولو جيت وزنتها من ناحية اسماء تانى.....تلقى التيمان..عثمان ... فلسان....سجيمان.....(السودان).
عاوز اقولك ماتستغرب كلنا شوايقة لكن خايف الجماعة يجو يقطعوا لى اسى......يلا سلام قبل ماتجيب ليها عنصرية
|
Post: #36
Title: Re: متعـــــــة الفلـــــس
Author: Abdalla Gaafar
Date: 10-17-2003, 07:20 PM
Parent: #1
سيجيمان
ربنا يديك العافية وليك وحشة
انت ما سمعت ود العبيد يقول
الزول المفلس تتقفل القدامو
وتتواتا الكديسة محل يودي حمامو
ياخوي انا رغم التعود علي الفلس الا بسوي لي ضيقة خلق ومرة مرة صداع
لك الود ياجميل
عبدالله جعفر
|
Post: #37
Title: Re: متعـــــــة الفلـــــس
Author: سجيمان
Date: 10-17-2003, 08:02 PM
Parent: #36
عبد الله جعفر.......هههههههههههههه.... انا غايتو الكديسة زين حاقرا بي
|
|