Post: #1
Title: حلاة نســـــرين..... بنكهـــة القمـردين
Author: سجيمان
Date: 10-28-2003, 01:16 AM
جيت في نهاية البرنامج.... في قناة النيل الازرق..... كانو بينضمو عن مواصفات الجمال..... قالو ستة وتلاتين مقاس السدُر..... واتنين وتلاتين ظانتو مقاس الخصر....وستة وتلاتين تاني مقاس.... الحوض.....قالو دي المواصفات العالمية.....قعدت اتذكر في ناسي البعرفهم..ان كان للحيضان... علا حوض الماسورة المقاسو ستة وتلاتين.... لقيت ابدا ان السدر بقى ستة وتلاتين؟.... الخصر عيييييييييك يدق في التمانين.... وبعد مرات السدر والحوض يكونن فاتحات علي بعضهن.... تمانين وتمانين مية وستين.....تجي الواحدة ماشة تتزحنف....وتتدردق....يا اما يكون السدر مقاسو مية واربعتاشر..... والباقي يخربو الخراب عضام وجلد....مقاس الجمال الاساسي..... كان معاهم في الاستديو
نسرين سوركتي ربي يحفظها ويغتي عليها...... جات تاني بعد ما قنعنا منها...وقلنا صالح كامل شهانا ليها.....الخديدا يلالي لا رشيم لا فصيدة....... نعاين ليها ساكت ونجلي النظر يا صاحي.....كلو حاجة ربنا ختاها في المكان المناسب كركرب....ومقاسات عالمية حقو يقيسو عليها مقاسات ملكات جمال العالم.....ان سكتت وقعدت تعاين فيها وب عليك وسجم خشمك.....وان ضحكت.... عليك اطعام ستين مسكين.....وقطع رقبة....الخشيّم..... ينقط عسل...والسنون مرصوصا رص....ابدا ما فيهن سن مشاترة... النيل الازرق يا دوب بقى ليها طعم.....طعم القمردين....وحلاوة نسرين.... وطعامة الحلو مر.....
|
Post: #2
Title: Re: حلاة نســـــرين..... بنكهـــة القمـردين
Author: ABUHUSSEIN
Date: 10-28-2003, 02:06 AM
Parent: #1
الأخ سجيمان رمضان كريم و صباح القمردين
يا خـوي المقاسات صحيحة بس إختلاف بسيط في ناس تاخد الأرقام و تكتب قدامها سم
و ناس تكتب قدامها بوصة و كمان ناس تكتب قدامها متر مش الإختلاف بسيط فعلا.
لكن فعلا المقاسات مشكلة لأنو نحن السودانيين المقاسات تكون مظبوطة و ظريفة
و بعد شوية تقوم المقاسات تضرب تلقى 20 سم بقت 20 متر و الشكل في النهاية
إبقى زي خريطة أفريقيا.
تسلم و رمضان كريم يا خوي.
|
Post: #5
Title: Re: حلاة نســـــرين..... بنكهـــة القمـردين
Author: سجيمان
Date: 10-28-2003, 05:22 AM
Parent: #2
فعلا يا ابو حسين...... الواحدة قبال العرس تشوفها تقول سبحان الله الخالق.......وبعد العرس بكم سنة تشوفها تقول اعوذ بالله... يا ربي لا تمحنا ولا تبلينا
|
Post: #3
Title: Re: حلاة نســـــرين..... بنكهـــة القمـردين
Author: Maged
Date: 10-28-2003, 02:28 AM
Parent: #1
وين إنته ياسى جى، أنا قربته أنزل بورد عشان أسأل عنك. قلته
معقولة بس ندخل رمضان بدون ضحكة منك؟
فطرته وشلته فنجان قهوتى وقلتة النمشى أتحكر قدام الكمبيونر واشوف الحاصل مع البوراداب، أقوم ألاقى ليك سى جى الكان مختفى أتاريهو شايل مترو وواقع قياس فى الناس. جرسة رمضان بتاعتك مشاترة ياسى جى، ويابختكم إنتو البتشوفو جنس ده
ورمضان كريم يارجل
|
Post: #4
Title: Re: حلاة نســـــرين..... بنكهـــة القمـردين
Author: safwan13
Date: 10-28-2003, 03:10 AM
Parent: #3
انت الظاهر عليك ما دار تتعشي يا سجم ..الكلام دا كله وام الاولاد قاعده
|
Post: #6
Title: Re: حلاة نســـــرين..... بنكهـــة القمـردين
Author: bayan
Date: 10-28-2003, 05:49 AM
Parent: #4
سجيمان
البشتنة البتحصل بعد العرس دى لى شنو يارب
سمعتا بالمثل البيقول
عرس نورا وخلا تنقورا
تحت قيادتكم الرشيدة
السم يبقى بوصة ويبقى متر
نقتكم ونقة اهلكم تجيب الاكتئاب وتخلى الواحدة تاكل
تفش مغصتها فى الاكل لانه لو فشتها فى حاجة تانية بيوت بتتخرب
حرام عليكم والله بالجد حنعلنك عدو المرأة الاولى
شايف هبشتنى فى اللحم الحى بخرطة افريقيا دى يا ابو الحسين
لانى بقيت اشبهها..
عاد خلو رمضان ينتهى لانى وقفتا الشكل واعلنتا هدنة
بلو راسكم وانتظرونى رابع يوم فى العيد اول بوست شكل حيكون لسجيمان وابو الحسين
|
Post: #7
Title: Re: حلاة نســـــرين..... بنكهـــة القمـردين
Author: soma
Date: 10-28-2003, 06:03 AM
Parent: #6
لوووووووووووووووووووووول سجيماااااااااااان وبيااااااااان البوست ده بس خلونى النضحك فيه ..لانه يعلم الله فى اللحظه دى ما بقدر ارد .. غايتو ..الله يجازيكم بالخير .. رمضان كريم وكل سنه وانتو طيبين
|
Post: #16
Title: Re: حلاة نســـــرين..... بنكهـــة القمـردين
Author: سجيمان
Date: 10-29-2003, 07:01 AM
Parent: #7
كل سنة وانتي طيبة يا سوما.....ورمضان كريم
|
Post: #14
Title: Re: حلاة نســـــرين..... بنكهـــة القمـردين
Author: سجيمان
Date: 10-29-2003, 01:10 AM
Parent: #6
كل سنة وانتي طيبة يا دكتورة بيان.......نقتنا تجيب الاكتئاب؟......... ونقتكن انتن تجيب الفلس الرُعاشي
|
Post: #13
Title: Re: حلاة نســـــرين..... بنكهـــة القمـردين
Author: سجيمان
Date: 10-28-2003, 08:40 PM
Parent: #4
صفوان...... كتبت الكلام بعد العشاء
|
Post: #8
Title: Re: حلاة نســـــرين..... بنكهـــة القمـردين
Author: سجيمان
Date: 10-28-2003, 09:48 AM
Parent: #3
يا ماجد رمضان كريم......والله ان جات الليلة الا اسجلها...وانزلها لك ههنا...... بس صلي علي النبي وقول عيني باردة
|
Post: #9
Title: Re: حلاة نســـــرين..... بنكهـــة القمـردين
Author: abuguta
Date: 10-28-2003, 10:03 AM
Parent: #8
سجيمان
عندنا واحد كان عنده غنم كتيرة ,اتكسر فى واحدة لقاها واردة
عندها فلجة يارب ياساتر ,وبيت البنية طرف الحلة اخونا دا بقى يرعى
فى المكان القريب من بيت الزولة
عوما بعد تعب وواسطات تزوج اخونا البت ام فلجة
قالت كدا نزلت فيه عيال لما قرضت نعاجه كلها
اسى بقى يناديها ام شرمة
يقولك كله من امشرمة دى قرضت نعاجى وملتنى عيال
بس على قول حسين خوجلى الجمال راس مال
وتسلم
|
Post: #10
Title: Re: حلاة نســـــرين..... بنكهـــة القمـردين
Author: EMU إيمو
Date: 10-28-2003, 10:21 AM
Parent: #9
سجيمان
رمضان كريم
تابعت البرنامج
ولمست من ضيوفه ان مقاييسهم محلية
ورسالة المتكسر جعلتهم في حيرة من آرائهم
|
Post: #11
Title: Re: حلاة نســـــرين..... بنكهـــة القمـردين
Author: aba
Date: 10-28-2003, 03:18 PM
Parent: #10
العزيز سجيمان
رمضانك كريم وبرائحة النيم
طبعا مقايس الجمال بتتغير من عصر إلي آخر وأذكر إني وقفت قدام لوحة مونليزا في متحف اللوفر ولقيتها دون باقي اللوحات الحولها ساوين ليها بكان براها وحماية إلكترونية ولامالة خلق قدر الليلة وبكرة وبعد مدافرة وقفت تحت اللوحة وبيني وبينك هي (من الحجم العائلي) زي قزازة الببسي القليده ديك والسدر هنا مقاسو قطع شك بالمتر لكن حكمت الله دافنشي مكسر في الولية اللوري دي وقعد يرسم فيها شهر.. ولو خيروني نسرين بالنسبة ليها قمر أربعتاشر والريدة يا سي جي من الله كدي عاين معاي للطفس أمير ولز شارلس زول يخلي البنية المتل البلومة الله يرحمها ديانة ويبشبش الطوبة التحت راسها ويمش يختار الولية البتشبه عادل إمام .. والباقي بتمو ليك تاني يوم في العيد كان الله مد في الأيام
وكل سنة وإنت أروع
|
Post: #18
Title: Re: حلاة نســـــرين..... بنكهـــة القمـردين
Author: سجيمان
Date: 10-29-2003, 05:28 PM
Parent: #9
تعرف يا ابقوتة................دي مرا شوم... حقو يطلقها طوالي
|
Post: #12
Title: Re: حلاة نســـــرين..... بنكهـــة القمـردين
Author: بلدى يا حبوب
Date: 10-28-2003, 07:33 PM
Parent: #1
سيجمان
والله خكاية المقاسات ده فى السودان مستحيلة طلما الدكوه فى تعرف الدكوه بقت حاجة طبيعية فى اى حاجة داخلة لدرجة انو الجماعة لمن بفلسوا الوجبه بتكون دكوه بشاى احمر وبرضو تقول لى حلاوة نسرين
حرم نسرين ده الا تكون فى الرياض وابوهاتمساح منظمات او جبهجى بلاع متحركات والله ايه
تحياتى
|
Post: #15
Title: Re: حلاة نســـــرين..... بنكهـــة القمـردين
Author: 3mak Hasabo
Date: 10-29-2003, 01:10 AM
Parent: #1
السجيمان الرمدان
طبعاً دى مقاسات ناس متزوجين وقاعدين ينظروا بمزاج.....لكن ياخوى نحنا العزابة ديل ...عليك امن الله الزومة لمن تكون(.....)نسرين وكلتوم كلهن عندنا قمر
|
Post: #17
Title: Re: حلاة نســـــرين..... بنكهـــة القمـردين
Author: Sobajo
Date: 10-29-2003, 04:51 PM
Parent: #1
أخوي يا سجيمان انت ورانا ورانا في كل حتة .. ماممكن ياخ الحاصل شنو ...
شكلك منشق عن سودانيز اونلاين ,,, وشايف كاتب في سودان نت ...
مفروض يرجموك ياخوي ولة شنو ...!!!!
ما كفاية خارب صيامك ....
|
|