العيــــب...و.... سودانيـزونلاين

ان بقيت راجل وود ابوك.... انضم من الصُرة وتحت...... ان بقيت داير تتبشتن..وحالك يتشال.... اقراء الهاكم التكاثر حتى لو في سرك...... يمرقو لك ناسا.... كانت لابدة وين ما عارف...ملائكة..... خاتين اللوم تب..... الغريبة ينط واحد يقول لك عيب يا زول هوي انقرع معانا نسوان....والنسوان ساكتات... متقنعات في تيبانن.... ويضاحكن.... تحت تحت....وناس خال فاطنة.... شايلين عكاكيزم....ورابطين سكاكينم في ضرعاتم.... وحارسين خشم الباب....وان جيت وقفت جنبهم يازول هوي زح تُر كدي خلي المرا تدخل.... انت مسيكين تزح... وهو يديها قرصة وهي داخلة.....بس ما ....يشوفو زول....يجيك زول لابس قيافة....ومتريح بالريحة المو خمج...... ويكون ليهو شهر ما استحما.....وشاقي شعر راسو من نصو وراسو بقى زي ضهر النعجة......ويكتب كلام كتير اربعين صفحة...وان اتحزمت واتلزمت وغربلتو ما تطلع منو بكلمتين فيهن فائدة......دا ان فهمتهن......وبعدين يقول كدي... يتلفت عليك ويقول لك..... انت شن عرفك؟...... هناية.... ما بتعرف الدخان تحرق......
ويجيك واحد تاني طول عمرو.... يصرف عليهو ابوهو.... وتغسل لو هدومو امو. وتختار لو مرتو وتختار لو الكلام البيقولو....وتوجهو وتوريهو الغلط من الصاح.... ويكون هو ود امو.... ويلم فيك انت....ويلبسك هدوم امو اللبستن ليهو.....وداير يجيهك....ويوجهك... ويبقى وصي عليك بالقوة....وان ما رضيت الله قال بيقولك.....تطلع كرور...وتطلع..... زول شوارع....لازم تباريهو...وتبقى زيو.....وهو مسكين ما بيعرف يتغسل من الجنابة...
العيب تنضم في الجنس..... بي نضم اهلك...ولسان اهلك....وكلام اهلك... ومصطلحات اهلك......لكن انضم بالانجليزي...واتفلهم شوية....واستعمل اي كلمة شوارعيه بس تكون انجليزية خلاص......انت مؤدب ومربى بالتوت...وجاي من احسن الاسر....وما تربيت شوارع تربيت... دواوين نظاما كراسي......ونساوين بتزبط البوفيه...ما بتفرك السبروق ولا ملاح الورق ولا الملوخية...........وما بتتفرجخ فوق بنبر.....بتقعد فوق كرسي وتخلف كراع فوق كراع...ويقولو ليها يا مدام.........

...... البس توب الادب في الزقاق دا...والبسو انت امفكو... وبالزقاق التاني املصو....وامشي عريان.....ونطط زي ما داير ......بس ما يشوفوك ناس الحلة....وتعال في الحلة وافرش تقروقتك قدام خشم الباب..... واقع وقوم وقوم واقع وانت تصلي....
في ناس هنا...... لله الحمد والمنه.......عندهم انفصام....ما نصاح والنصاح من الله..... ناس رافعه نخرتها... وهي غرقانة في الطين رافعاها عشان تتنفس كويس.....مو فلهمة...ولا شي




يا المن اشوف اسمك تمسكني همساسة


يا العوفتيني..... الدنيا بي ناسا


اهه......كيف الراي؟

سجيمان
درج الكتاب فى عقد
الستينات احضار شخصية ابله القرية الذى يعرف كل شاردةو واردة
وانت حصيف جدا جدا اخترت هذا الدور
استمتع بكتاباتك العميقة الجميلة
فلا تتوقف وكن كما انت
فنحن نحبك ولا نريدك تطير من قولة كر كما فعلت الفراشة شيرى



الكلام عن ابله القرية هو مدح يشبه الذم
ما تفهمنى غلط فأنت اللى فيهم

الدكتورة بيان..... لا فرق بين اهبل القرية....وسجيمان القرية كلهم واحد.....في ناس سجمانين لكن ماخدين في نفسهم زمبة... لكن مصيرهم يكتشفو سجمهم..... وحيركبو الظلط..... وبين كلو خطوة وخطوة يقولو طق طق طق........اما الفراشة شيري......... اتمنى عودتها لقد افتقد نكهتها كثيرا.....اما انا فلست فراشة لكي اطير.... ولكنني ابو القدح...... لو عاوز افوت..... امشي الهوينا..... ويفوتوني الناس كلهم واكون ما فت

**ابله القرية**




لطالما اعتقدت ان لا احد من السودانيين يجيد الوصف البليغ




ولطالما بحثت عن وصف يليق بصاحبك هذا






جبتي لي الرايحة وبقيتي لا احد






بس ما تفهموني غلط انتو اللي فيهم

بعدين القال ليك كر ده منو؟؟

كر علي يا يمة

الحبيب الدكتور....السي جي مان....

رقم البعد برسل سلامي........

ودي هديه ليك...

سمير شكرا.....هدية قيمة والله......مقبولة وبارك الله فيك

سجيمان، لديك أسلوب رائع وفريد ، ولا ننسى ظريف ، فى طرحك للمواضيع ولك
إمكانية تلقائية خاصة لتوصيل أفكارك إلى القارىء لا يسعنى ألا أن أشيد بها
أكتب وأكتب ثم أكتب ونحن سنقرأ ونقرأ ونستمتع.........بما تكتب

والحتة بتاعت الشى البتقال بالإنجليزى مش صاح وبس، دى فى التنك عدييييييييل كده

سجيمان
كلامك في محلو و عداك العيب
واصل لا نضب لك معين و واصل إمتاعك لعشاقك

سلام سجيمان

انتا مع ياتو كوم عشان الواحد يعرف يرد عليك

رد هنا

ان نتجنى عليه بجريرة شخص معقد غريب

دي حتة من الاهانات والشتائم والغريبة يا دكتور من بنات

غايتو اليومين شيل لسانك ودور يا قريبي زي ما عايز بس ما يدوك تجميد شهر

االكتلة التاخدك إت حايم فوق كريعاتك من زمن ظبى العزاز؟!! يا قول الشايقى تراك يا خرابى ماك مشرق لك شموشاً هينات. وانا أقول الحس الفكاهى المعتق ده جا من وين؟ يا زول من تاوقت فى بوردك جونى جماعة الأمر بالمنكر والنهو عن المنكر (لا ماغلطانة ياها كدى والنهو برضها كدى) فدحين
Ya CG Man it took me forever to type the above so the rest is in English despite the fact that it is going to lose its Sudanese sense.
When I read your post I laughed and laughed but then I woke up, ran to the door and latched it shut. You know like those men who would buy the playboy and hide it and then curse Hefner in public. I stood before the mirror and said loudly “billahi shouf alrajil almabikhtashi da”.
Well as you well know we became sensitive to such issues now because sexuality that used to exist in words and jokes such as yours has disappeared. Now it is expressed in more practical ways. Take for example the number of “illegitimate” babies around the country and watch, as you shake your head, the fanatic religious men and women trying to fix “the lost honor’ by declaring an amnesty and a new marriage contract called “customary” as if marriage in the Sudan has been anything but customary.
When society had certain people who would talk as you did, with impunity, honor had a meaning and those people had a good reputation as the educators of a generation to come.
So since you are ancient, at least that is what I think you are, what you wrote did not sit well with the shabab who would like to LOOK good. I think you should ask Bakri for a “do not enter” or “enter at your own risk” sign for your posts.
Stay well and take care you do not want to have a heart attack or indulge in speaking words out of anger. إنت الكبير والماعندو كبير يشترى له كبير At least I hope you are kabeer and not a smart alecky kid who fooled me.

العزيز سيجيمان
أقولها وأشهد الله عليها
لا أبدا إلا بقراءة بوستاتك
لم أحس يوما أن ماتكتبه فيها تهريج
أضحك من داخل قلبي لما تكتبه من ملح ونوادر
أستغرب وأحسدك أحيانا كيف تأتي بكل هذه الخواطر
إن ما تقوله يقال عادة بصورة أو بأخري في كل جلسة أنس حميمة
كثيرا من عضوات المنبر يشاركن في بوستاتك ولم أشهد حتي اليوم من تقول لك يا سجيمان توقف أنت تخدش حياءنا


واصل واغسل عنا بعض همنا والله إنك فاكهة المنبر وضله الوريف

ابا... شكرا والله يقدرني ابقى قدركم

كانديك........شكرا كتير كتير كتير....ويا زول ببقى عشرة على وصتك تب

مهاجر........... الشتيمة عمرها ما لصقت في زول......

قرنفل........ انا في الكوم القدام جحرك الفي الصورة دا

ابوجهينة شكرا.......ويرفع شأنك اكتر من ما هو مرفوع

شكرا يا ماجد............والله الدنيا بخيرها

يا سجمان اخوى سد دى بطينة ودى بعجينة وفى ناس شغالة بنظرية المابتلحقو جدعو

تسلم يا سيجمان والسجم يكيل خشم اليابكا

ود محجوب والياباكا يا يابا

تسلم يا سيجمان والسجم يكيل خشم اليابكا

عمي حسبو......كان كدي..... الفتر لحقهم....وطال جديعهم

الدكتور المبدع.... سيجمان... الحقيقة أنا مشغوله من غير شغله.. لكن ما بدخل سودانيز أونلاين دي إلا عشان أقرا البوستات البتكتبها.... والحقيقة أيضاً أن الأسلوب لا يلفّه أي غبار.. ولا يدانيه الشطط.. وهو يوصل المعني إلى العقل بأحب مايمكن للنفس من الابتسام... استمر... ... والله يديك العافية

بنت الحسين...... بارك الله فيكي...وان شاء الله .... فحول البورد العاملين فيها اوصياء على المرأة يقرو نضمك دا

الاخ سجيمان
اتفق مع كل المداخلين في انه اول حاجة بعملها لما ادخل البورد اني اقرا بوستاتك
لغة جديدة صادقة تدخل القلب مباشرة
واصل فانت تعكس ما نود ان نقوله بصوت عال
ولك التحية

شكرا يا مايا... يا بت الرجال واخت الرجال

Thank you back cgman. BUT i am a zola not zole!!
did I sound like a man? Genderia may get a kick out of this.
الكنداكة

معليش يا الكنداكة يا ست البنات......انا قريت الاسم غلط...والله معذرة

خلاص النبيشة عمتك بقيت مابتفرز بين عمك حسبو وعمك تنقو
الله يكون فى عونك..ويعمى النبشوك

لا حول يا عمي حسبو........ نان انا ما كنت سمي فاير........عليك الله اعفى لي....... مع انكم الاتنين اخوان اخوان...... وشمعات قبايل