Post: #1
Title: حمام التــاكا....قلبي معذب معاكا...وين يا منقـة
Author: سجيمان
Date: 06-16-2004, 06:26 AM
Parent: #0
مرة واحدة بس في حياتي.... كنت وزير...وزير الحسن ود عمتي في عرسو...امي اتبسطت من وزارتي دي...وقعدت تشحد في الله ..... يا سجيمان يا ولدي تبقى وزير في الحيكومة....ويجي القاش ويغرق ناس كسلا...وتركب انت الطيارة من الخرتوم.... وتنزل في كسلا..وتكفكف بنطلونك وتخود.... مع الناس في الموية لحدي ركبك....وتحلف طلاق علا تخطب فيهم وانت في نص الموية..ويجيبوك في التفلزيون...وتبدا الخطبة:-
بسم الله
قال الشاعر:-
كسلا غِرقت بها شيلةُ مجدي
وهي في الحق جنة الاغراق
أتيني بالصفيح
يا ام وشن قبيح
ان كان في البيت...... باقي
اهالي كسلا.. الصابرين المعشكبين...المشلهتين المبشتنين...لا تحزنو...نحن معكم...لحدي ما الموية دي تنشف....وكل قرد يطلع شُدرتو....والله انا مشغول بكم من يوم سمعت انو القاش قام عليكم وسجّمكم ورمّدكم....مش انا بس.... ناس الخرتوم كلهم...والدول الصديقة والشقيقة...وابشرو بالخير....والخير جايكم.. رسلو لكم اعانات...بطاطين في الحر دا.... كل تلاتة تنفار في بطانية.... وكل ستة تنفار في مخدة.... ورسلو لكم علبتين سمن اصلي.....وقالو جزاهم الله خير....ما دايرين يكترو من السمن عشان خايفين عليكم يا جماعة من الكلوسترول....ورسلو لكم دواء حق مولاريا.... كل اربعين نفر في فتيل.... لانو يا جماعة الناس ديل خايفين عليكم من الفشل الكلوي... لانو زي ما عارفين يا جماعة دواء المولاريا دا الله يازاهو.. قاعد يسوي الفشل الكلوي....
انتو يا اخوانا في نعمة كبيرة.... نعمة يحسدوكم عليها الناس....حسي شوفو.... النبي وصى علي سابع جار....وعشان أجركم يزيد... ربنا كسر الحيطان البينكم دي.... عشان وانت قاعد فووووق عنقريبك تشوف سابع جار وتطمن عليهو....تشوفو ان قرصتو بعوضة وهو قاعد يكرش ويحك فيها.....وتشوفو وهو قاعد يتونس ويضحك مع مرتو وتعرف انو البيناتهم عامرة وما عندهم عوجة.....وتشوفو وهو شايل ابريقو ومشى لبد ورا شتلة.... وكدا تعرف و تطمن انو اتغدا بفضل الله.......
شوفو يا اخونا انا مشغول بكم كيف؟.... البارح وانا نائم ...والنضم دا بيسعلني منو الله..يوم الموقف العظيم..اشوف نفسي في الجنة...واشوف ناس قاعدين في سُرُر مرفوعة....متمحنين كل زول خاتي ايدو فوق جضمو..... وقدامهم كواري وصواني وحِلل من ذهب وفضة.....واسعل ..من هؤلاء القوم؟...ويقولو لي ديل .... القاشين المقشوشين...اهل التاكا والقاش.... ابدلهم الله ...عنقاريبهم وكواريهم وحللهم وصوانيهم ..الشالا القاش... ابدلهم بخير منها....واري كوكبة من الحور العين...الكواعب...... يتحلقن حولهم....و شايلات دلوكة...ويغنن باصواتهن الرخيمة........
حمام........ التاكا
قلبي معزب... معاكا
وين يا منقة.......
|
Post: #2
Title: Re: حمام التــاكا....قلبي معذب معاكا...وين يا منقـة
Author: ابو جهينة
Date: 06-16-2004, 06:30 AM
Parent: #1
سي جي
كل تلاتة تنفار في بطانية.... وكل ستة تنفار في مخدة
هو القاش دة ماص الحيطان ولا ماص الناس ؟
|
Post: #5
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-16-2004, 05:27 PM
Parent: #2
ابوجهينة
Quote: كل تلاتة تنفار في بطانية.... وكل ستة تنفار في مخدة
هو القاش دة ماص الحيطان ولا ماص الناس ؟ |
ان صفت النية.....المخدة تشيل مية
|
Post: #3
Title: Re: حمام التــاكا....قلبي معذب معاكا...وين يا منقـة
Author: abas
Date: 06-16-2004, 06:37 AM
Parent: #1
البارح وانا نائم ...والنضم دا بيسعلني منو الله..يوم الموقف العظيم..اشوف نفسي في الجنة...واشوف ناس قاعدين في سُرُر مرفوعة....متمحنين كل زول خاتي ايدو فوق جضمو..... وقدامهم كواري وصواني وحِلل من ذهب وفضة.....واسعل ..من هؤلاء القوم؟...ويقولو لي ديل .... القاشين المقشوشين...اهل التاكا والقاش.... ابدلهم الله ...عنقاريبهم وكواريهم وحللهم وصوانيهم ..الشالا القاش... ابدلهم بخير منها....واري كوكبة من الحور العين...الكواعب...... يتحلقن حولهم....و شايلات دلوكة...ويغنن باصواتهن الرخيمة........
والله يا سجيمان اخوي الحكايه دي زكرتني بي ريحة المسك الكانو بقول عنها والشهداء القالو انهم شافوهم في الجنه مع الحور العين
|
Post: #9
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-16-2004, 08:11 PM
Parent: #3
عباس
| Quote: والله يا سجيمان اخوي الحكايه دي زكرتني بي ريحة المسك الكانو بقول عنها والشهداء القالو انهم شافوهم في الجنه مع الحور العين |
يا اخوي هوووووي....ما تدخلني في مشاكل....انا جني وجن المشاكل
|
Post: #4
Title: Re: حمام التــاكا....قلبي معذب معاكا...وين يا منقـة
Author: ahmed haneen
Date: 06-16-2004, 08:21 AM
Parent: #1
تعرف يا خوي سجيمان
انت الواحة الوحيدة هنا
نرتاح فيها شوية
الدقشمان
ومصارعة البعاعيت والمهوسون والأدبخانات
والأوقاد والكلمات الكبيرة كبير ديك
ودا كافر ودا مسلم
المهم بجي نرتاح شوية عندك
قبل مواصلة المعارك
حمام التاكا دا بطير ؟
بعدين مش في غنية تقول
حمام التش .. الله يا منقة
العرس بقي غش سنة يا منقة
|
Post: #11
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-17-2004, 02:27 PM
Parent: #4
احمد حنين
Quote: حمام التش .. الله يا منقة
العرس بقي غش سنة يا منقة |
حمام التش دا..... هو اصلو حمام الدي اتش ال.. بتاع الرسائل
|
Post: #6
Title: Re: حمام التــاكا....قلبي معذب معاكا...وين يا منقـة
Author: صديق الموج
Date: 06-16-2004, 06:45 PM
Parent: #1
كل تلاتة تنفار في بطانية.... وكل ستة تنفار في مخدة....
سجيمان زمان لما كنا فى الابتدائى ويجيبوا الاطالس ويوزعوها
كانوا بقولوا كل اتنين فى كتاب...لكن ستة يطرشنا..دى بطانية
والا ختة..وتسلم وسجم رمادك داك ابا لى كلو كلو لكنى اتصفحه تسلم،،
|
Post: #8
Title: Re: حمام التــاكا....قلبي معذب معاكا...وين يا منقـة
Author: Abdelaziz
Date: 06-16-2004, 07:12 PM
Parent: #6
يا سجيمان أرعي بقيدك
ما تنطط لى عيونتك كدا ؟ ايا انت
شنو هسع بوستك دا ما كفر عديل
شنو بتهزا من ناس الجبهة ناس الجبهة ديل مش مسلمين ودينهم الاسلام
يعنى بالعربي انت بتستهزيء بالاسلام ؟
يا يكري الرجاء سحب هذا البوست فوراً
وعلى كتبية الخراساء تأديب هذا السجمان حتى يعرف الله حق
|
Post: #15
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-17-2004, 07:55 PM
Parent: #8
عبد العزيز
| Quote: وعلى كتبية الخراساء تأديب هذا السجمان حتى يعرف الله حق |
في ضمتك دي...انا حسي جبت سيرة جبهة ولاّ حاجب
|
Post: #12
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-17-2004, 02:44 PM
Parent: #6
صديق الموج
| Quote: وتسلم وسجم رمادك داك ابا لى كلو كلو لكنى اتصفحه تسلم،، |
يا اخوي كل الناس بيفتح معاهم علا انت؟..... عين سودا والله
|
Post: #7
Title: Re: حمام التــاكا....قلبي معذب معاكا...وين يا منقـة
Author: كبسيبة
Date: 06-16-2004, 07:08 PM
Parent: #1
إنتو يا ناس كسلا من مدة بعيدة
نحن ما شفناكم
والله نار الشوق في قلوبنا شديدة
في قلوبنا كتييييييييرة
والله يا سجيمان ليك وحشة
وينك إنت وقصصك السجمانة
|
Post: #10
Title: Re: حمام التــاكا....قلبي معذب معاكا...وين يا منقـة
Author: حبيب نورة
Date: 06-16-2004, 08:30 PM
Parent: #7
hhhhhhhhhhh
loooolz
a7a ya 3am c g
di be kam cart?
|
Post: #17
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-17-2004, 08:46 PM
Parent: #10
حبيب نورة
جوكر بين كرتين.....لو جدعت كيس صعوطك افتح
|
Post: #16
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-17-2004, 08:10 PM
Parent: #7
| Quote: والله نار الشوق في قلوبنا شديدة |
كبسيبة....ارجوك ما تستغل البوست بتاعي لاغراض غرامية
|
Post: #13
Title: Re: حمام التــاكا....قلبي معذب معاكا...وين يا منقـة
Author: ود الشيخ
Date: 06-17-2004, 02:49 PM
Parent: #1
. . [qb]
والله يا سجيمان ناس تولوس بختهم
ما اتا مننا وفينا
[/qb]
|
Post: #20
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-18-2004, 02:53 PM
Parent: #13
ود الشيخ
| Quote: والله يا سجيمان ناس تولوس بختهم |
بختهم بي علبتين السمن؟
|
Post: #14
Title: Re: حمام التــاكا....قلبي معذب معاكا...وين يا منقـة
Author: Raja
Date: 06-17-2004, 03:15 PM
Parent: #1
سيجيمان الوزير  ..
| Quote: ورسلو لكم علبتين سمن اصلي.....وقالو جزاهم الله خير....ما دايرين يكترو من السمن عشان خايفين عليكم يا جماعة من الكلوسترول.... |
من لم يمت بالكوليسترول مات بغيره..
|
Post: #21
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-18-2004, 03:27 PM
Parent: #14
رجاء
| Quote: من لم يمت بالكوليسترول مات بغيره.. |
مات بالكستر
|
Post: #18
Title: Re: حمام التــاكا....قلبي معذب معاكا...وين يا منقـة
Author: ShiningStar
Date: 06-17-2004, 09:10 PM
Parent: #1
سيجيمان...
بي مناسبة حمام التاكا و العرس و الوزاره..
امبارح كنته بحضر لي في رقيص عروس.. اهاا جات غنية بتقول.
لقيتو في ساحةعكاشه
قال لي ارح قلته لي ما ماشه.. قال لي ارح قلته لي ما ماشه
تحيه ليك يا الحكيم باشا.. حكيم باشه الليه جا لي سنين
انا في راجه..
ساحة عكاشة دي وين؟ و ليه ابت تمشي معاهو؟
انا شايفه كان خير ليها تمشي معاهو لنو العريس جضومو متل لقيمات الاربعين...
استغفرالله
عذرا للخروج عن الخت
|
Post: #19
Title: Re: حمام التــاكا....قلبي معذب معاكا...وين يا منقـة
Author: تولوس
Date: 06-18-2004, 10:23 AM
| Quote: القاشين المقشوشين...اهل التاكا والقاش.... ابدلهم الله ...عنقاريبهم وكواريهم وحللهم وصوانيهم ..الشالا القاش... ابدلهم بخير منها....واري كوكبة من الحور العين...الكواعب...... يتحلقن حولهم....و شايلات دلوكة...ويغنن باصواتهن الرخيمة........ |
سجيمان ...شكرا ياعزيز للتضامن ... وحقيقة الكارثة تحتاج لتمرد عديل كدة ورفع سلاح..
بس عزانا في وقفت كل الناس معانا واولهم انت وود الشيخ ودلوكة منقة الحلوة
|
Post: #24
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-18-2004, 07:58 PM
Parent: #19
تولوس
| Quote: سجيمان ...شكرا ياعزيز للتضامن ... وحقيقة الكارثة تحتاج لتمرد عديل كدة ورفع سلاح.. |
لا لا التمرد ليه؟..... مش البطاطين والسمن وصلو؟....الحسو السمن واتغتو بالبطاطين وخلوها علي الله
|
Post: #23
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-18-2004, 07:27 PM
شاينق ستار
| Quote: ساحة عكاشة دي وين؟ و ليه ابت تمشي معاهو؟ |
ساحة عكاشة دي..... ساحة الفداء
..... تمشي تسوي شنو عاد
|
Post: #22
Title: Re: حمام التــاكا....قلبي معذب معاكا...وين يا منقـة
Author: بلدى يا حبوب
Date: 06-18-2004, 04:02 PM
Parent: #1
سيجمان
وكمان يا سيادة الوزير داير اشتكى ليك الناس ديل
المخازن قالوا بعد ما جابوا ليها الاغاثة الجماعة بعد كم يوم شموه ريحة عفنه تعرف لمن فتحوا المخزن المقصود لقوا فيها وجبات جاهزة متعفنه وكمان قالوا ادوا لكل بيت غرفان عدد 4000 طوبة و10 شوالات اسمنت تعرف يا سيادة الوزير انت مفتكرين الغرق حمام كسلا والله ناسه
تحياتى
|
Post: #25
Title: Re: حمام التــاكا....قلبي معذب معاكا...وين يا منقـة
Author: سجيمان
Date: 06-19-2004, 02:21 PM
Parent: #22
بلدي يا حبوب
| Quote: فيها وجبات جاهزة متعفنه |
خلاص.... يدوها الجداد....وجداد كسلا يستاهل
|
|