بكري..... ناس الكنــبة الورا..

Quote: المتواجدون الان بالمنبر الحر 250 شخص » (18 )عضو و (232) زائرا »Agab Alfaya »Amani Alsunni »Anwar Ahmed »Asskouri »Deng »Haydar Badawi Sadig »Jaja Jr »kamalabas »Kostawi »PLAYER »zumrawi »بكرى ابوبكر »خضر عطا المنان »سجيمان »طيفور »فضيلي جماع

بكري بي صراحة كدي عاين للرصة الفوق دي كدي...يا تنقلي من الكنبة الورا دي...يا توديني فصل تاني......... اول حاجة انا زول قصير....وتاني شي نضري ضعيف....وتالت شي الزول الجنبي دا حاقر بي...وطوالي يقلع مني حق الفطور....وبعدين قاعد يسف ويلف السفة في قرطاس...ويحشر القرطاس في شنطة كتبي عشان يشبكوها فيني......اما الزول الجنبي التاني دا.... طوااااالي ساكت.....مرة واااااحدة كدي مرق من علبو ونضم ومنو وليهو قعد يقول الزبد الزبد... الفصل كلو قام علي فد كراع...وقعدو يصفقو...وانا قدر مافي سوعال جاوبت عليهو...بصفقو لي الناس القاعد اديهم تسالي ومررو في الفسحة....وان ما اديتم... يتغاتتو علي وما يصفقو....اما خدر دا... اصلو لا بيجدع لابيجيب حجار....وماقاعد ينضم...يا ربي بس نعل مو موروود؟؟.....زمراوي دا صاحبي وزول مجامل.....مرة باريتو...مشينا بيت بكا.. حلف سيد البكا ما يرفع معانا ايدو للفاتحة...تاني توبة كان باريتو....بلير..دا قالو في ضمتم قوال...وقاعد يحدس الناظر بي كل شي....لكن انا والله ما ببهتو ما شفت منو شي....مهدي دا برضي ما بعرفو....كوستاوي دا مرة قال مناهو بعدين وقت يكبر يبقى قاضي ويفتح لو محكمة عند اهلو في بيتم....لكن مرة قالو هو ومعاهو جماعة ربطو لاولاد المدرسة الجنبنا في المقابر...وكسروهم
حسي عاين للناس الفي الكنبة القدام ديل... عجب الفيا دا اخير مني بي شنو؟....عشان حافض الاناشيد كلها وبيجيب في الاملاء النمرة الكاملة...؟... خاتيهو قدام....انا زاتي حافض اناشيد...واماني دي متين جات؟... وتختوها قدام؟....وجات داخله الفصل مكففكفا ايديها..ودخلتا الفصل الشكلة قامت...انور احمد....زول كويس علا مرة مرة قاعد يكاوي ولاد السكة حديد...لكن يوم خايف يلحقوهو الكتار....اسكوري... غايتو اسمو زين صعب....لكن زول سكوت....دينق دا خليهو في الكنبة القدام ..... لو جبتو ورا..... يقوم يتشبك فيك ويقول انت عنصري...وبعدين ما تعرف التخارجك شنو؟.....وبعدين حيدر دا... طوالي لافي عمتو فوق راسو...وحامينا نشوف المكتوب في السبورة شنو.... يا اخي انتو ما توحدو اللبس وتريحونا....جاجا جار...اول مرة اشوفو في الفصل دا.....كمال عباس... غايتو زول اجاويد..ووقت الشكلة ديك.. الرفتو فيها الناس ديك ..كان مرة مرة يتوسط....
وبعدين دا فصل شنو دا؟ الفيهو بنت واحدة بس....حسي الواحد كان داير يتفولح ... يتفولح علي بنية واحدة؟.....
ابوي بيسلم عليك.... وقال ليك سويني الفه

انت كويس في الاخيرة نحن مطرودين

السهيلي

Quote: انت كويس في الاخيرة نحن مطرودين

با اخوي ما تشبكا في الناس ساكت..... انت اليوم داك كنت غائب... زايغ من تسميع جداول الضرب

Quote: »فضيلي جماع

شوف انت ربك راضى عليك وقاعد جنب منو

سؤال بغششك الاملاء?

Quote: المتواجدون الان بالمنبر الحر 229 شخص » (20 )عضو و (209) زائرا »Abd-Elrhman sorkati »Abdelaziz »abdelrahim abayazid »Adrob wad Elkhatib »Agab Alfaya »AL GURAIR »Deng »Elkalakla_sanga3at »Elsuhaili Magzoub »Hussein Mallasi »Kostawi »Mahadi »Mohamed Adam »Rawia »ShiningStar »Tumadir »zumrawi »سجيمان »طيفور »لقمان حسن همام

زمراوي دا اصلو ما بيغيب؟..... يخليني نمشي قدام شوية...... دا شنو الزول الجنو قراية دا؟

راوية

Quote: سؤال بغششك الاملاء?

قالت يغششني الاملاء....دا لما يجي يكتب الاملاء قاعد يقبل علي الحيطة...عشان ما اشوفو

لووووووول ياSG
انا مابغيب لانى عامل دخول طوالى حتى لومافيش..
لكن الكلام فيك ماتحول اسمك بالانجيليزى

المبدع الساخر سيجمان بوست جميل و من الضحك قربت افرقع
لكن الزول الجنبك ده صعود من وين من الوطنية بحرى و لا سوق الجلود عليك الله لو من سوق الجلود الحقنى بسفة لانو كيسى من الوطنية بحرى و قديم وعفن فى انتظار السفة يا حبيب بس دسها حكومتنا ما تشوفها تعمل لينا انقلاب

بكري

Quote: لكن الزول الجنبك ده صعود من وين من الوطنية بحرى و لا سوق الجلود

الزول دا زول كيييف...واكيد من سوق الجلود

سيد الدار

Quote: من الضحك قربت افرقع

ليه قنبلة؟...كرررر ... ههها
بس ما تقوم تفصلني

Quote: قديم وعفن

خش بيت أشباح سعاتو http://كنا في حفلة ليلة وشيل ليك كيس واحد بس...


ولكم كل التقدير





---------------------
عبدالرازق عيسى الطالب

عبد الرزاق

Quote: خش بيت أشباح سعاتو http://كنا في حفلة ليلة وشيل ليك كيس واحد بس...

بيوت الاشباح قلبوها محلات صعوط؟؟؟؟

عند الله يعيش

Quote: عند الله يعيش

كبسيبة..... ضحكتك شينة بكل صراحة ووضوح...تدعو الي التشاؤم..الحمد لله الما بقيت جنبي

Quote: Abd-Elrhman sorkati »Abdelaziz »abdelrahim abayazid »Adrob wad Elkhatib »Agab Alfaya »AL GURAIR »Deng »Elkalakla_sanga3at »Elsuhaili Magzoub »Hussein Mallasi »Kostawi »Mahadi »Mohamed Adam »Omer Abdalla »Rawia »ShiningStar »zumrawi »سجيمان »طيفور »لقمان حسن همام

سجيمان
ياهن البنوت ذادن ،بس ادفر الراجل زمراوي من جنبك
اما الكنبه القدامي ما في لك طريقه فيهو..ديل للناس البجلدو كراساتم وبسطرو و يكتبو التاريخ ،وتقديراتم كلو جيد جدآ وممتاز اما انتم ورا عيني بارده علي تقديراتكم اعد ومقبول
يا اخوي كان ما علاقتي بالمدير كان رفضوني زمان ،اصلي ساقط عربي، وناجح انجليزي لان نسبه النجاح 30% ،بعرف حساب لكن ما بافهم رياضيات،اما الجغرافيه ما بنفرق بين مناخ الساقنا المداريه ومناخ مشروع الجزيره، اما التاريخ غير قصص حبوبتي ما بعرف حاجه

سلام سجيمان ...لو ما ادروب ولوف كان اداك محله...

Quote: »Abdalla Ali Abdalla »ABUHUSSEIN »Ash »bashir kurdufan »Dr.Elnour Hamad »humida »kamalabas »kh_abboud »omer ibrahim »osama elkhawad »ابنوس »بكرى ابوبكر

بكري .. الطيش ..

حميدة

Quote: بكري .. الطيش ..

هوووووووووووووووووس.....دا الناظر

ادروب

Quote: سلام سجيمان ...لو ما ادروب ولوف كان اداك محله

هههههههههههههه....انت قاعد قدام سااااااااكت والله....رجاله بس

بلير

Quote: يا اخوي كان ما علاقتي بالمدير كان رفضوني زمان

يعني نضم الناس صُح؟

سيجيمان الألفة..

Quote: المتواجدون الان بالمنبر الحر 182 شخص » ... و (167) زائرا

أها قولك شنو في ناس الكنبة الورا في الزوار ..؟

غايتو أنا كنتا معاهم قبال شوية.. ولقيتهم قاعدين يحضروا في الردود.. غايتو شيل شيلتك ..

Quote: سيجيمان الألفة..

شكرا يا رجا

بكري قبل يسويني الالفة؟

احمد الله

سجيمان هاهاها هاهاها دي خطر يه
انور احمد....زول كويس علا مرة مرة قاعد يكاوي ولاد السكة حديد...لكن يوم خايف يلحقوهو الكتار....

طيب ياخوي ماتجي تتكل حداي عشان تحميني من ناس السكة حديد الخترين ديل
اتفقنا انا بحجز ليك تاني انت تحمي ضهري وانا احمي ضهرك OK

انور

Quote: طيب ياخوي ماتجي تتكل حداي عشان تحميني من ناس السكة حديد الخترين ديل اتفقنا انا بحجز ليك تاني انت تحمي ضهري وانا احمي ضهرك

لا يا اخوي..... كل زول ياكل نارو.... ناس الفصل ديل زواغين....يحرشوك و يخلوك تبدا الشكلة وبعدين يزوغو منك

اخي الظريف سجيمان

تعرف يا سجيمان اخونا بكري بعاني من مرض "المركزية الاوروبية"

قول لي كيف؟

هو مصر ايجيب الاسماء المكتوبة بالانجليزية اولا وبعدا الاسماء العربية

انا مثلا قلت ليهو يا خي انا داير اكتب اسمي بالعربي بدلا من الانجليزي

لانو لمن سجلت ما كان عندي عربي

تعرف قال لي شنو؟؟

-ودا زي ما بقول صديقنا بشاشة - دليل جديد على المركزية الاوروبية البمتاز بيها صاحب المنبر لانو هو ما عارف انو الافارقة اول ناس كانت عندهم اسماء-

قال لي انك لو غيرت اسمك بالعربي كل المساهمات الوردت تحت اسمك الانجليزي

حتضيع منك

طبعا قلت ليهو ما داير

لكن مركزيتو الاوروبية ديك منعنتني اكون في الكنبة الاولى او التانية على الاقل

لانو اسمي واسم ابوي وحتى جدي احمد-لو هو داير-ببدو بحرف "الالف"

لاكين من ناحية تكتيكية بحتة ما حاتهم الاخ بكري رسميا بالمركزية الاوروبية

ليه؟؟؟

لانو انا الان مصنف من انصار المركزية الاوروبية

باعتباري قوقازي اسود

ومسالتي التكتيكية تاتي انطلاقا من فكرة ما قوقازية
وهي انا واخوي على ابن عمي

وانا وابن عمي على الغريب

ارقد عافية

المشاء

اسامة

Quote: انا مثلا قلت ليهو يا خي انا داير اكتب اسمي بالعربي بدلا من الانجليزي

والله انت مفروض تكون في الكنبة القدام....لانك طواااااالي رافع ايدك وداير تجاوب......علا بس تقول شنو

سجيمان

هاك شوف القائمه من يوم ما جيت
وانا ماسك الدفة وعند الله بعيش

IBRAHIM
»Auditor
»bayan
»Deng
»Ehab Eltayeb
»Elsuhaili Magzoub
»humida
»kamalabas
»MAHJOOP ALI
»mohmmed said ahmed
»Muhib
»osama elkhawad
»WaD OmI
»تولوس
»مارد
»محمد هارون حميدان
»معتز تروتسكى
»ود الشيخ

ود الشيخ

لو كتبت اسمك المسجل بيهو في سنة تانية غرب داك..... بي يقعدوك في الكنبة الاولى

عزيزي ود الشيخ

الطيش عند الله بعيش

وبرضو-

ودي انا مادايرا ليك -

ادوهو بالبراطي......


المهم المشكلة هي انو بكري ابو بكر بمارس نمط من الاوروبية المركزية

عشان كدا بيخلي الاسماء الانجليزية في الاول

والعربية تكون تاني

والله يا اسامه كلامك خلاني اراجع حاجة تانيه
كمان مش بس الاسماء بالانجليزي في الاول كمان
المسألة مش الظهور بالابجدية وإنما يبدو بأولوية الدخول
وزي ما زمراوي قال إنو هو اون لاين اربع وعشرين ساعة
يمكن الخواجات ديل حاجزين وده من طبعهم بس بيني
وبينك بكرى زات نفسو قاعد مرات بكون الطيش وكان
فكر لي دي برفعنا لي فوق عملا بمقولة النفس اولى من الصاحب
عشان هو اسمه مكتوب بالعربي
بعدين ما تخاف على النمط الاوربي بس يرجع السودان بيتغير
لانو انحنا السودانيه شغالين بالحيل بالمثل لو كنت في روما
افعل كما يفعل اهلها اها كان رجع أروما حقتنا صدقني
بتجي يوم تلقاهو بفلع في شجر الدوم وهذا ما يفعله
اغلب سكان تلك البقاع لكثرة اشجار الدوم في ارض الله
والمثل في اروما فلع الدومه

[/qb]

ودالشيخ كتابتك دي آخير منها نعاين لي عين الشنش

والله يا نوباوي جد انا طششت وما قدرت اتم كلام ودالشيخ

واللي ببدو من عمامتو الكبيرة دي انو معانا من اهل العربية

لكن ما ظنوا معانا ضد "المركزية الاوروبية"

بعدين يا ود الشيخ

كيف بتعمل حاجاتك البتلمع دي؟؟؟


المشاء

والله هممتوني في
روحي لمعان شنو بس قولو
دايرين تعرفوا
وبرسل ليكم الرابط وكلكم
تنورو وتبقبقو

بعدين انت ياسجى شكلك كدا بتقرا اتحاد ولا شنو
اها انا كل يوم بدخل من 10 الى 7 مساء
الا ياخوى مرات بكون قاعد جنب البشاورة بتعاعة المسح
لكن مرات فى ناس بجو بعمم كبار بضارونى....
لكن امى قالت لى ناس الكنبة الورا ديل بلدة اختاهم
بس انا قلت ليها جنبى اولاد سحاسيح ساكنين العمارت
علا يايمة..معاهم واحد كل مرة سحسوح شديد كل ما تشاكله
ما عنده غير كلمة عنصرى...لكن الحاجة قالت لى لو شاكلك
تانى قله ...كلمة سلام سلام سلام..هوبراه بفهم نضمك
ولك ودى

ابقوتة

Quote: الا ياخوى مرات بكون قاعد جنب البشاورة بتعاعة المسح

انا شايفك طوالي قدام...... راحات

شوف يا سجيمان نحنا ناس قدام وبنجي الاوائل يس

»3bdo
»abas
»Asskouri
»Ayman Gaafar
»bayan
»degna
»hamid hajer
»Ishraga Mustafa
»maia
»Mutwakil Mustafa
»Osama Mirghani
»safa
»Saifeldin Gibreel
»THE RAIN
»zumrawi
»ابو جهينة
»البعيو
»الطيب برير يوسف
»خضر حسين خليل
»سجيمان
»نجلاء التوم
»ود الشيخ

Quote: شوف يا سجيمان نحنا ناس قدام وبنجي الاوائل يس

والله يا عباس بختك... اضانك في خشم الاستاذ....

سجيمان

صدق قايل نفسي طشيت في شارع الحوادث وكمية من اليفط شوف


والباقين ديل شنو بتاعين سندوتشات وموية باردة بس الغريبة مافي ست شاي واحدة حايمة في الشارع ده الليلة

يا سجيمان
والله بكري بعد ده كما نقلك وبعد اخوانا
الجدد مش بقيت ناس الكنبة الوراء وبس
ظني كدي بتبقى من ناس الحوش التاتي زمان
في مدرسة الاحفاد ناس الثانوي بقولوا للوسطى
الحوش التاني وبالعكس

Quote: ظني كدي بتبقى من ناس الحوش التاتي

ود الشيخ.....مالك جايب البوستي دا؟

الايام دي في حملة وقالو يرفدو المهرجلين.....خلي بالك انت مكتوب....

والله يا سي جي
كاتبه فيني جنس تقارير قالت علا يعصروني
ويشلتوني ومن عنقرتي يشيلوني لا بره ، انت
يا دكتور مش الاصابع اسمها العُنصر والبُنصر
والوسط والسبابة والابهام كدي اتأكد لي من
الاسم هو عُنصر ولا خُنصر عشان اتلخبت علي الاسم
لكن بس وحاتك أنا بحب
السبابة دي والابهام ده!! شوفن لازقات في بعض كيف

ود الشيخ

انا غايتو برا.... لا مهرجل ولا شي.. زول مسيكين..... علا البيهبشني انا زول شبكة البيهبشني ما بتحل مني بي هينة اندمو في اليوم الهبشني فيهو.......وبالي طويييييييل سلبة..وما بزهج اصلو خلي بالك........
وبعدين بقينا الواحد ان قحّ ساكت... يقولو النضم دا لنا.... غايتو الله يجيب العواقب سليمة......

hi segiman


ya rabi nehna weeeeeen fe Alshubak walla shno

Quote: ya rabi nehna weeeeeen fe Alshubak walla shno

انتي لسه الوقت داك ما سجلوكي... في الفصل دا....لكن اوعك تقعدي في الكنبة الورا الفيها انا دي.....دي كنبة كلها ناس بُلدا..وناس مهرجلين...اقعدي قدام...وان ما قعدوكي قدام.... احردي

والله يا دكتور انا ظاطي خايف الأيام دي راكبني
جن جديد

ود الشيخ

Quote: انا ظاطي خايف

افو....

بي عمتك الكبيرة دي وخايف؟


يا زول لو رفدونا.. رايك شنو نبقى كيزان؟

كل واحد يقعد جنب زير...... الناس الرفدونا لو جو يشربو بنا.... نعضيهم في شلاليفهم....ونقعد نضحك لحدي ما نموت من الضحك.....
قالو يا ود الشيخ.. المرفعين. لما يجي ياكل الزول يقعد يكلكل فيهو...والزول يضحك والمرفعين يكلكل والزول يضحك..... لحدي ما يموت الزول من الضخك وبعدين المرفعين ياكلو..... اصلو المرفعين حلوي....

(الايام دي في حملة وقالو يرفدو المهرجلين.....خلي بالك انت مكتوب.....وفي موجهة كدي ديمة ناكشة شعرها..... قالت يسلموهم البوليص )
==========================???????????????????????????????????????????????????????????????????????

----------
سيجيمان أخوى لا تخلينى اتكاتل معاك !
ان نضم جنس النضم المغتغت دا انا لا بينى لا بينك ضمة !
وانا باقى ماكلالى أطنان اللات تمور زيك وماكلى القموح وفتحنلى شرايين مخى وخلنو يوجعنى والنضم ان سوولون فوقو كميين شوال وان بنولون فوقو حيطى بشوفو !
أنا نضمك عارفاهو ماهو ليى عيلى خيبرتو تب ووجعنى !
-- النضم لاهنى كمل .
------
وانت يا خييى ان سووك ألفا أمانى ماب نجيب الزيت والجاز كمان !
والله يكضب الشينى !
وغايتو انا بس فى الكنبة الورا مانى فيى !
باقيلى رفدونى عديل !
دحين ان سووك ألفا ماب ترجعنى تانى ?

ست البنات .

ست البنات

Quote: سيجيمان أخوى لا تخلينى اتكاتل معاك ! ان نضم جنس النضم المغتغت دا انا لا بينى لا بينك ضمة !

ست البنوت

النضم شطبتو عشان خاترك

بس

في البوست حقك دااااك... لما كوركتي لي مع ناس خدر.... شفتي النضم الاتقال علي؟....وبدون ايك يا سبب........بس شناة سمعة ساكت......وما رديت!...وان لحقت رديت نضمي مُر انا عارفو......

المتواجدون الان بالمنبر الحر 218 شخص » (31 )عضو و (187) زائرا

»abd alhameed
»alfazia3
»anwar abu gaidaa
»aosman
»Asskouri
»Elmosley
»Hafiz Bashir
»Ismaeil H. Mohamed
»Khaalaleyaal
»khalid elwasila
»Muna Khugali
»Nagat Mohamed Ali
»nile1
»Rawia
»saif massad ali
»soghayroon
»Yasir Elsharif
»Zoal Wahid
»برير اسماعيل يوسف
»بنت الاحفاد 2001
»بهاء بكري
»خضر حسين خليل
»ست البنات
»سجيمان
»عبد المنعم سيد احمد
»عقد اللؤلى
»غادة نصر
»لؤى
»لنا جعفر
»محمد الامين احمد
»معتز تروتسكى (طبيعى نحن فى الحاله دى )
هذه الصفحة يعاد تحديثها كل 120 ثانية.

*سيجمان دكتور ازيك وكل سنه وانت طيب والسنه دى زى ماداير قبل الجايه تحقق احلامك واحلام ام الخير والعيال000

معتز

Quote: وكل سنه وانت طيب والسنه دى زى ماداير قبل الجايه تحقق احلامك واحلام ام الخير والعيال000

كل سنة وانت طيب والسنة الجاية تجي اللول

دكتور سي جي


(((((..واماني دي متين جات؟... وتختوها قدام؟....وجات داخله الفصل مكففكفا ايديها..ودخلتا الفصل الشكلة قامت)))))


فصللكم (خلطــة) زي فصلنا,


أوعاك من السواها فيّا (فصلنـا)


وتحياتي

صاحبي سجيمان
كده أنا هسعي وين في الفصل ده....
قال أبوي بسلم عليك قال...........
وبالدليل القاطع فصلكم ده شايل ليهو 18 طالب نظامي و232 شخص + صفر على الشمال

Quote: المتواجدون الان بالمنبر الحر 250 شخص » (18 )عضو و (232) زائرا + أنا »عبدالرازق عيسى الطالب دخلت رجاله كده تعال أمرقني.... »Agab Alfaya »Amani Alsunni »Anwar Ahmed »Asskouri »Deng »Haydar Badawi Sadig »Jaja Jr »kamalabas »Kostawi »PLAYER »zumrawi »بكرى ابوبكر »خضر عطا المنان »سجيمان »طيفور »فضيلي جماع

أسمي وينو يا سيجمان أنا عارفك إنت عايز تبقي الألفا............ عشان بعدين يرقوك للمدير بدون إنتخابات.... تزكية ساكت بس.....

بس تلقاها عند الغافل......... يا هو أنا جيت سجلت في لجنة الجرد دي....
أوعك تقول لي يا برلوم... ولا............ ولا العشر قام ليهو شوك.....
ولا العشرة الكرام...... بلاش خم...............


ولك كل التقدير

----------------------
عبدالرازق عيسى الطالب

صاحبي الباقي لي في رقبتي
عبد الرزاق الطالب

Quote: أسمي وينو يا سيجمان أنا عارفك إنت عايز تبقي الألفا

يا زول هوي....والله انا حسي اكتب واتلفت...الفة شنو؟..... انشاء الله بس القى طريقة ابقى طبشيرة... راضي

احبك مزاج

احبك عجاج

احبك نفاج...ومنو اتزغم بي غادي

يااااا وطني.......

احمد الشايقي

Quote: أوعاك من السواها فيّا (فصلنـا)

سوى فيك شنوووووووو؟

يا سيجمان

المثل بيقول " يعمل من الفسيخ شربات"

والله بوستك ده شربات من صيرة ما تمت سمكه

عشان يعملوها فسيخ

لك الود والمحبه وانت دائماً تُبدع

بس رجاء مني :

تكرماً في بوستات كده ابعد منها!!!!

أنت المح من أذكر لك عنوانها

لك محبتي ثانياً

والسلام

إسماعيل إطشي

اسماعيل اطش محمد

Quote: لك الود والمحبه وانت دائماً تُبدع

لك انت كل التقدير

سيجمان أخوى صحصح ،
سييى فوقك ومليون سييى !!!
وأنا أصلى من زمااان عارفاك جنايا مو عاقا !!
والله يحفضك ويغتيك من عين خلقو !!
وشكرا يابا .
ست البنات .

سيجو

ممكن تتوسط لى ابقى الناظرة ؟


لو بقيت انا الناظرة ببقيك نائبى الاول طوالى !

سمح

ابو الريش

شكرا للكتابة والشطب

نادية عثمان

Quote: ممكن تتوسط لى ابقى الناظرة ؟

الناظرة؟ ناظرة شنو؟

انتي نبقيكي مفتشة راسا عدييييييل كدي......

بالله يا سي جي
تقول لي نكتو يا اخي انت عارفني في خطراتك

ود الشيخ

Quote: تقول لي نكتو يا اخي انت عارفني في خطراتك

والله يا ود الشيخ خطراتي دي..... غايتو يوم بتجيبا ليك ضقلا يكركب

أها يا سيجيمان
أنا ببيعلكون الفطور !
كل يوم قراصة بى سبروق !
قت شنو ???
ست البنات

ست البنات

Quote: كل يوم قراصة بى سبروق !

كل يوم يا ست البنات؟

انت ايرا بطونا تبقى زي قعر الجر كلها طحالب

Quote: المتواجدون الان بالمنبر الحر 265 شخص » (24 )عضو و (241) زائرا »Adrob wad Elkhatib »Anwar Ahmed »Asskouri »bayan »Hafiz Bashir »Hani Abuelgasim »omar ali »Salah Abuhigill »soghayroon »zola123 »أبوالريش »المكاشفي الخضر الطاهر »خال فاطمة »سجيمان »عبد الله بولا »عبدالرحيم ابوحراز »غادة نصر »فيصل عباس »كمال حسن »لؤى »لنا جعفر »مريم بنت الحسين »نصار »ودالعباسية هذه الصفحة يعاد تحديثها كل 120 ثانية.

اها يا سجيمان كدا كيف ؟؟

الكنبة الورا ملانا حريم

المكاشفي الخضر الطاهر

Quote: الكنبة الورا ملانا حريم

نان يا الفالح عاين انا طيرتني وين؟

يا حليل أيام كمبوني يا المكاشفي
الفصل كان زي الرصة الفوق دي

سجيمــان،
قـول ناس البـرش الورا.. خليك مـع الزمن..
أتاريك من زمن الكنبات والمحابـر.

بالمناسبـة، داك كتبتـو ومسحتـو ولا شكـر على الواجب.

ود الشيخ

Quote: يا حليل أيام كمبوني يا المكاشفي

ود الشيخ..... يا ..حنكووووووووش

المتواجدون الان بالمنبر الحر 277 شخص » (31 )عضو و (246) زائرا

»A.Razek Althalib
»Alia awadelkareem
»bayan
»elhilayla
»farda
»kamalabas
»Khatim
»Mahadi
»Mahmoud Mustafa Mahmoud
»Marouf Sanad
»merfi
»Nada Amin
»nour tawir
»WADKASSALA
»ابنوس
»ابو عثمان
»بدري الياس
»برير اسماعيل يوسف
»خضر عطا المنان
»سارة حمزة
»ست البنات
»سجيمان
»عبداللطيف خليل محمد على
»عبدالماجد فرح يوسف
»عبدالناصر معتصم
»لؤى
»مريم بنت الحسين
»معتز تروتسكى
»منوت
»نصار
»ود الشيخ


قعدت تنق لومن وديتني التوج

ود الشيخ

Quote: قعدت تنق لومن وديتني التوج