Post: #1
Title: خبـــر شيــن....وان شــاء الله يبقى كِضِب
Author: سجيمان
Date: 07-07-2004, 05:46 AM
Parent: #0
مرات ازهج من نضم العرب.... في الدِش... ...امشي اكوس لي أي نضم
تاني... الأيام دي ... مزاجي النضم الفارسي أو الإيراني...عاجبني عجب شديد لاني اكتشفت انو مقلب كبير... كلام عربي عديل ... بس مقلبن ومدخلين فيهو كلمة او كلمتين غريبات.... لقيت نفسي فجأة اني ممكن أتكلم إيراني زي الحلاوة...وممكن اكتب ايراني لانو حروفو عربي برضو....يعني ممكن اترجم نشرة اخبار من العربي الي الفارسي وبالعكس...بكل ارتياح.....
اخبار ..قوالات...هي در... سجيمان محمد سجيمان
يعني:- يقرا نشرة الاخبار سجيمان محمد سجيمان
اخبار عمومي
مقامات دولت سودان... زر...آد... ديتش .. دارفور..... كبسيبات...كوفي عنان امم متحدت..... تهديدات... يطلّع صليبات........همرا سرا.. نسيوينات... ازرد.. متفنات واطات...كوفي عنان كي آر جلست خصوصي
داه... خدمت ... شمارات.... سوداني تليفيشن....اجتماع شبيش...
الترجمة
ما يخص السودان ومشكلة دارفور...هدد كوفي عنان باستعمال عقوبات على السودان..... جا ذلك عند زيارة كوفي عنان لدارفور واجتماعو ...وهو متفّن مع نسوان دارفور في الواطا...... ونقل ذلك الاجتماع تلفزيون السودان......وبس...
اخبار طرب خصوصي
سعودي اقليم..... سوداني شخص..... سي دي كمبيوتر.... شمارات...طرب
فنانات معروفات.... رقصات ....دهه.. اضان طرشانات...جُلباب نخس نوم.... ساخت ... قعدات هنك خصوصي... جهان رياض سعودي اقليم....الله خبر شين ... زر..آماده..اكيد..... الله شاحدات صواطات در كيش فشوش....
اسم مطربات همرآه شمارات.... مستمعين آر نفوق...
الترجمة
يتناقل السودانين المقيمين بالسعودية سي دي.... لمطربة سودانية معروفة.. وهي تغني وترقص.... اضانا طرشا.... بي قميص النوم في قعدة خاصة في عاصمة السعودية الرياض... والله يكضب الشينة ...وشاحدين الله يبقى الخبر كضب وصواطة ساكت.....وما حاقول اسم المطربة حتى لو مات المستمعين......
|
Post: #2
Title: Re: خبـــر شيــن....وان شــاء الله يبقى كِضِب
Author: ولياب
Date: 07-07-2004, 05:54 AM
Parent: #1
خــــوش أخبـــــارات كاهي .
|
Post: #11
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-07-2004, 10:44 PM
Parent: #2
ولياب
| Quote: خــــوش أخبـــــارات كاهي |
الاخ برضو .... بيعرف ايراني؟.... انا قايل نفسي براي حسي
|
Post: #3
Title: Re: خبـــر شيــن....وان شــاء الله يبقى كِضِب
Author: essam&amal
Date: 07-07-2004, 05:57 AM
Parent: #1
النبى يا سجيمان دى منو ؟؟؟
خسمتك بالشيخ الجعلى يقوم يسختك لينا .
اها اكان اديتنى الشمار ده بديك شمار ابو ظبى فى شريط فيديو اظنها المصيبة حقتكم ذاتها ولا قالوا لى زول شفت الشريط شوف الشقية يوم يختونى فى الشبر وقاعدين يبيعوهوا فى السوق لكن بالدس ، الهندى الا يكون بعرفك يديك ليه ، وغالى كمان .
ام وضاح
|
Post: #12
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-07-2004, 11:10 PM
Parent: #3
ام وضاح
| Quote: النبى يا سجيمان دى منو ؟؟؟ |
لا لا...... الزول الحدسني قال لي دا كلام سر
|
Post: #4
Title: Re: خبـــر شيــن....وان شــاء الله يبقى كِضِب
Author: Raja
Date: 07-07-2004, 06:08 AM
Parent: #1
سيجيمان..
Quote: مقامات دولت سودان... زر...آد... ديتش .. دارفور..... كبسيبات...كوفي عنان امم متحدت..... تهديدات... يطلّع صليبات........همرا سرا.. نسيوينات... ازرد.. متفنات واطات...كوفي عنان كي آر جلست خصوصي
داه... خدمت ... شمارات.... سوداني تليفيشن....اجتماع شبيش...
|
ده أحلى خبر قريتو  ..
|
Post: #13
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-07-2004, 11:25 PM
Parent: #4
رجا
خلاص شغلوني معاكم في الجريدة حقتكم
|
Post: #5
Title: Re: خبـــر شيــن....وان شــاء الله يبقى كِضِب
Author: Yasir Elsharif
Date: 07-07-2004, 07:59 AM
Parent: #1
غايتو أنا أكتر حاجة عجبتني هي قعدة كوفي عنان مع النسوان في الواطة... بدون أي تكلف.. أتحدى لو أي واحد من حكام السودان ومسئوليه يقدر يعملها.. ربنا سمع دعاء المظلومات في دارفور..
(((((
خلاص يا دكتور عادل بعد نزع عقول الدمار الشامل من السودان سوف نطالب بجعلك سفير السودان في طهران، فواضح أنك تمكنت من اللغة تمام.. إيه رايك.. كدي بشّر أم الخير.. ويللا تاني ستاير ناس تلفزيون السودان وترامس الشاي ديك خليهم يموصوها ويشربوها.. إنت حيكون عندك سجاد إيراني عمل يد.. شوفتا كيف؟؟؟ بس إنتا ساعدنا في تدمير عقول الدمار الشامل قبل أن تدمرنا كلنا..
|
Post: #14
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-07-2004, 11:46 PM
Parent: #5
دكتور ياسر
| Quote: بس إنتا ساعدنا في تدمير عقول الدمار الشامل قبل أن تدمرنا كلنا |
بيقولو الزول الداير يغرق اوعى اخليهو يلشعبط فيك.... لانو حيغرقك معاهو......والناس ديل حسي خلاااااااااااااص دايرين يغرقو....... وانا خايف يشعبطو فيني...........وانا لا اعرف فن العوم
|
Post: #6
Title: Re: خبـــر شيــن....وان شــاء الله يبقى كِضِب
Author: doma
Date: 07-07-2004, 08:09 AM
Parent: #1
الله يفتحها عليك يا سجيمان محل ما تقبل كان لي زمن ماده بوزي متر ونص لووووووووووووووووووووووووووووول
|
Post: #7
Title: Re: خبـــر شيــن....وان شــاء الله يبقى كِضِب
Author: humida
Date: 07-07-2004, 08:21 AM
Parent: #6
والله يا سجيمان ضو البيت ..
خبرك دا .. شمار ساااي ..
مالو لو غنت بفستان النوم ..
ما تراث ياخي ..
|
Post: #20
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 02:13 AM
Parent: #7
حميدة
| Quote: مالو لو غنت بفستان النوم .. |
قالو غنت ورقصت في قعدة
|
Post: #15
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 00:01 AM
Parent: #6
دومة
ازيك
واحشانا
| Quote: الله يفتحها عليك يا سجيمان محل ما تقبل كان لي زمن ماده بوزي متر ونص |
انتي ما يجبك الا الشمار؟..... اظهري شوية
|
Post: #8
Title: Re: خبـــر شيــن....وان شــاء الله يبقى كِضِب
Author: ahmed haneen
Date: 07-07-2004, 09:19 AM
Parent: #1
حميدة
هل حضرت حفلة تراثية بقميص النوم
ولا حبوباتك سون كدي
بطل خباثة
واعوذ بالله من الخبث والخبائث
|
Post: #24
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 06:17 AM
Parent: #8
احمد حنين
| Quote: هل حضرت حفلة تراثية |
ما اظن
|
Post: #9
Title: Re: خبـــر شيــن....وان شــاء الله يبقى كِضِب
Author: مريم بنت الحسين
Date: 07-07-2004, 11:26 AM
Parent: #1
دكتور.. والله ضحكت ضحك.. الله يديك العافية.. عندي زميلاتي درسوا لغة فارسية.. والله لا يقل أبداً عن كلامك ده.. وما بختلف عنه بي شي..
ألف شكر يا دكتور
|
Post: #10
Title: Re: خبـــر شيــن....وان شــاء الله يبقى كِضِب
Author: Outcast
Date: 07-07-2004, 01:19 PM
Parent: #9
سيجيمانات .. شمارات ..جميلات ..والللاهات ..
لوووووووولات .....
الترجمة بالعربى :
والله يا سيجيمان شماراتك حلووووة.....
لووووول .......
|
Post: #17
Title: Re: خبـــر شيــن....وان شــاء الله يبقى كِضِب
Author: عزيز
Date: 07-08-2004, 00:31 AM
Parent: #10
دكتور إف سان لوران
كاكا سجيمان
بخير بيك
والله خوش خبارات
الله يديك العافيه وانت تلطف حرارة الاخبار
لك الود والتحية
عبدالعزيز خطاب
|
Post: #35
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-09-2004, 06:26 AM
Parent: #17
عبد العزيز خطاب
| Quote: الله يديك العافيه وانت تلطف حرارة الاخبار |
عبد العزيز العزيز
الله يديك العافية انت....ويديك الفي مردك...وعقبال ما نشوفك كل بوم في التلفزيون السوداني......بعد ما تنتهي مدة تعاقد الجماعة المحتكرنو ديل
|
Post: #27
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 07:05 AM
Parent: #10
Outcast
| Quote: والله يا سيجيمان شماراتك حلووووة..... |
انتي شفتي حاجة؟
خليني بعد افتتح الفضائية بتاعتي
سي جي شو
|
Post: #25
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 06:48 AM
Parent: #9
بنت الحسين
| Quote: عندي زميلاتي درسوا لغة فارسية.. والله لا يقل أبداً عن كلامك ده.. وما بختلف عنه بي شي.. |
درسن في الجامعة وضيعن وقت؟... لا حول الله..... الله وكيلك انا اسبوع مصنقر قدام تلفزيون ايران....وطلعت بلبل......من منازلهم يعني
....وحسي ناوي اجضم لغة الهوسا لكن ما لاقي اي مراجع ليها
|
Post: #16
Title: Re: خبـــر شيــن....وان شــاء الله يبقى كِضِب
Author: ود الشيخ
Date: 07-08-2004, 00:18 AM
Parent: #1
سوجويمان
اخي بلي داخل شودن ممنوع هاست
متشكر دروازه ودريشه بنت
والله يا سي جي ده فارسي
يعني ممنوع الدخول وشكرا اقفل الباب والشباك
|
Post: #18
Title: Re: خبـــر شيــن....وان شــاء الله يبقى كِضِب
Author: nazar hussien
Date: 07-08-2004, 00:34 AM
Parent: #16
يا شخص باهتمام....دي ترجمة سجيمان بالفارسي
تو نا ميفامي جيسي....تو اقر مي فاميدي فارسي
...شناختي خاننده...ونا..ناوشتي...هرفا...دارهم..برهم...
عليك الله قريها زول بيعرف فارسي ورد علي يا سجيمان...
وبعد دا كلو عايزين يحظروا المنبر ...قدر العرفناه دا عرفناه من المنبر
|
Post: #19
Title: Re: خبـــر شيــن....وان شــاء الله يبقى كِضِب
Author: abuguta
Date: 07-08-2004, 01:03 AM
Parent: #18
سجيمان مقال..
خبر اجا نهى.....خبر جود هى....سجيمان اجا بولتا ايرانى فاسى
سجيمان دماغ بوهت بارا....آآج مستر سجيمان...هاى استدى...ترجمان
ان بهوت لانقوتش...سجيمان عصامى ادمى...افتر كولدش...اقر تى فى
سلف تعليم..آآآج...ساب برماهيا سجيمان...بوهت تعليم ان ترجمان....
دسرا خبر...صحف سودان فرنت بتش..
د. ياسر الشريف كفى انان...سودان لركى مقابلات اندر ترى...
ممكن برسنت امر بشير اور دسرا نهى كووووووووا
ياسر بلولو..اجا منظر...كفافى انان & لركى
|
Post: #26
Title: Re: خبـــر شيــن....وان شــاء الله يبقى كِضِب
Author: Yasir Elsharif
Date: 07-08-2004, 06:56 AM
Parent: #19
العزيز جدا جدا أحمد "أبو قوتة"
لك التحايا النواضر
Quote: د. ياسر الشريف كفى انان...سودان لركى مقابلات اندر ترى...
ممكن برسنت امر بشير اور دسرا نهى كووووووووا
ياسر بلولو..اجا منظر...كفافى انان & لركى |
دا هندي يا "مرسي"؟؟
|
Post: #36
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-09-2004, 06:32 AM
Parent: #19
ابوقونة
مقال مرة واحدة؟......ديل كلهن كلمة وغتابتها
|
Post: #33
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 10:08 PM
Parent: #18
نزار حسين
| Quote: عليك الله قريها زول بيعرف فارسي ورد علي يا سجيمان |
يويمين ما لاقي زول مسقف وبيعرف فارسي عشان اسعلو....دحين ترجما انت
|
Post: #32
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-08-2004, 09:57 PM
Parent: #16
ود الشيخ
| Quote: والله يا سي جي ده فارسي |
دا فارسي بلغة اهل اليمن
|
Post: #21
Title: Re: خبـــر شيــن....وان شــاء الله يبقى كِضِب
Author: خضر حسين خليل
Date: 07-08-2004, 02:16 AM
Parent: #1
سجيمان يالذيذ
الله يكضب الشينه ده اولا
ثانيا ممكن مساعده داير انزل موضوع جديد ومالامي فيهو في الصفحه الرئيسيه القي عندك حل
|
Post: #22
Title: Re: خبـــر شيــن....وان شــاء الله يبقى كِضِب
Author: abuguta
Date: 07-08-2004, 02:27 AM
Parent: #21
اخوى خضر
انا ممكن احل مشكلتك بس انت حل لى مشكلتى
انا عاوز ارسل لسجيمان ما سنجر عندك لى
حل....
الشغلة عند بكرى او عند القائم باعمال بكرى
على السرفر الاب...الى ان يفتيك شيخ البورد
او ربما اخفيت موقتا ..لسبب ما...خوفا من هكرر
متربص..وواقف على العتبة...
اطمئن انا لست مشرف..لكن حتفتح..بس دنكل الموضوع
ولك وى
|
Post: #23
Title: Re: خبـــر شيــن....وان شــاء الله يبقى كِضِب
Author: جمال السنوسي
Date: 07-08-2004, 05:50 AM
Parent: #22
سجيمان
يطرشنا ما سمعنا بالرقيص في(قعدة)
نحن غايتو بنعرف الرقيص بيكون وقافي
علا لما تحاول العروس تدخل قون في يوم قطع الرحط
وتقعد في الواطة والناس تصفق ابها
أها يا زول المرة دي ما تظلموها ساكت
يمكن ده كان يوم عرسها
وقطعو رحطها
خاصة انها كانت لابسة قميص الجرتق (أقصد فستان الرقيص)
رحط رحط يالخرّابة
يعني رقصة عجب يالخرابة
جمال
|
Post: #37
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-09-2004, 06:45 AM
Parent: #23
جمال
| Quote: يطرشنا ما سمعنا بالرقيص في(قعدة) |
ا ولم تقعد ابدا يا اخ العرب؟....
|
Post: #39
Title: Re: خبـــر شيــن....وان شــاء الله يبقى كِضِب
Author: جمال السنوسي
Date: 07-09-2004, 09:24 AM
Parent: #37
مستر سي جي man
يا اخوي حليل زمن القعدات
هو نحن المكسرنا هسه شنو غير القعاد الكثير
الله يجازيك يا حبيب الشعب
مشى وخلانا واقفين
متين نقعد ما عارفين
ما ترسل لي نسخة نضزكر بيها ايامنا
مرت الايام وكله تمام مستر سي جي MAN
|
Post: #38
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-09-2004, 06:51 AM
Parent: #21
خضر حسين خليل
| Quote: ثانيا ممكن مساعده داير انزل موضوع جديد ومالامي فيهو في الصفحه الرئيسيه القي عندك حل |
لقد افتاك............. اية الله ابو قونة البوردائي
|
Post: #28
Title: Re: خبـــر شيــن....وان شــاء الله يبقى كِضِب
Author: بلدى يا حبوب
Date: 07-08-2004, 08:20 AM
Parent: #1
سيجمان تفكتهانو مترجماتو سوداناك ايرانكو
الترجمه
سيجمان تنفع مترجم سودانى لايران
تحيتاكو شكرانو كتيرنكو
تحياتى وشكرى الكثير
|
Post: #40
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-10-2004, 04:11 AM
Parent: #28
بلدي يا حبوب
| Quote: سيجمان تنفع مترجم سودانى لايران |
يا اخي قول لي سفير
|
Post: #29
Title: Re: خبـــر شيــن....وان شــاء الله يبقى كِضِب
Author: Abdalla Gaafar
Date: 07-08-2004, 08:33 AM
Parent: #1
سيجيمان
قلت الزول الحدثت بالحكاية قال ليك دا كلام سر..اسع عليك الله ماكان اخير ليهو يشيل ليهو مكرفوذن ويكلم الناس في الشارع بالحكاية دي...اسع الجماعة يجيبو ليك خبرا وباكر تلقي في بوست في اول الصفحة ...الا ماقلت لي باقي ليك الخبر دا صواتة ساكت..زيديك العافية..بالمناسبة حارسل الدكشنري الخاص بلغة الهوسااذا كنت في حوجة اليه
عبد الله جعفر
|
Post: #41
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-10-2004, 06:31 AM
Parent: #29
عبد الله جعفر
| Quote: الصفحة ...الا ماقلت لي باقي ليك الخبر دا صواتة ساكت |
الخبر اظنو صواطة والله
اريت ربي يبهتم...كان بهتو بنيت الناس
|
Post: #30
Title: Re: خبـــر شيــن....وان شــاء الله يبقى كِضِب
Author: zoul"ibn"zoul
Date: 07-08-2004, 06:04 PM
Parent: #1
سلام
يا زول الرقيص بى قميص النوم جزء من التراث اكان للخاص او العام و برضو القعدات تراث وكلنا فى السودان قعدنا فى قعدات فيهم بنات الغريب شنو- القعدات جزء من الثقافة العامه - انت اوع زعلان علشان ما عزموك القعدة
|
Post: #42
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-10-2004, 06:36 AM
Parent: #30
زول ابن زول
| Quote: انت اوع زعلان علشان ما عزموك القعدة |
اختصرت البوست
|
Post: #31
Title: Re: خبـــر شيــن....وان شــاء الله يبقى كِضِب
Author: tabaldy
Date: 07-08-2004, 06:21 PM
Parent: #1
سلاملار سجيمان ابيه ناسيل سين ؟ إييم سين ؟
ني قوزال هابرينلاريني وا جوك جوك موتلو تاتليم
بلكي بو شاكيل دا سان بير آي سونرا يالير ترك ديللاري
دوام إديور جانيم
والترجمة إلا تتصل بي معامل أنيس عبيد بالقاهرة فرع تركيا
أو تديني الشمار بي أي لغة وليك علي أقاسمك حق النشر والترجمة
ولا أقول ليك بنتظر حبيب نورا المفضوح , داك بجيبا حيه
ابنوسي
|
Post: #34
Title: Re: خبـــر شيــن....وان شــاء الله يبقى كِضِب
Author: عزيز
Date: 07-09-2004, 00:37 AM
Parent: #31
أخى دكتور سجيمان
حبيت اقشر ليك بى حبت الكردى البعرفوا ولكن يظهر ليس للاكراد فى قناتك الفضائية المرتقبه نصيبا
مودتى وتقديرى
|
Post: #44
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-10-2004, 06:53 AM
Parent: #34
عزيز
| Quote: حبيت اقشر ليك بى حبت الكردى البعرفوا ولكن يظهر ليس للاكراد فى قناتك الفضائية المرتقبه نصيبا |
والله دخلتني في ضفوري
وانا متلوم طب
واللوم بيجي بالغفلات
|
Post: #43
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-10-2004, 06:43 AM
Parent: #31
تبلدينا
غالينا
| Quote: ولا أقول ليك بنتظر حبيب نورا المفضوح |
يا اخوي اظنو النضم كضب..... نحمدك يا الله
|
Post: #45
Title: Re: خبـــر شيــن....وان شــاء الله يبقى كِضِب
Author: كبسيبة
Date: 07-10-2004, 09:25 AM
Parent: #1
سجيمان خان كرباخ
| Quote: مقامات دولت سودان... زر...آد... ديتش .. دارفور..... كبسيبات...كوفي عنان امم |
أول حاجة مدخل إسم العائلة في اللغة الفارسية ليه ده سوداني فصيح يا سجم مافي داعي تحرجنا مع جاكي شان.
القعدة كانت تخميج يعني بي دلوكة
ولا غنى عذابة وشيشة وضح ...
بعدين أقول ليك شمار...
عادي . بسيطة .. ولسع
وبي صراحة كده يا سجيمان حاسي بيك بتفتش في السي دي
لامن تلقاهو شوت لي منو نسخة
|
Post: #46
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-11-2004, 01:25 AM
Parent: #45
كبسيبة
| Quote: وبي صراحة كده يا سجيمان حاسي بيك بتفتش في السي دي |
يا اخي الموضوع طلع كلو فشنك....وسواطة ساكت
|
Post: #47
Title: Re: خبـــر شيــن....وان شــاء الله يبقى كِضِب
Author: shiry
Date: 07-11-2004, 01:38 AM
Parent: #46
سجيمان
سلام مربع
غايتو نصيحتي ليك اختا الايرانيين ديل
الناس ديل اصلوا مابلعبوا ..
شوفهم بالله موش مخوفيييين امريكا
|
Post: #48
Title: Re: خبـــر شيــن....وان شــاء الله يبقى كِضِب
Author: سجيمان
Date: 07-11-2004, 02:20 AM
Parent: #47
شيري
| Quote: شوفهم بالله موش مخوفيييين امريكا |
امريكا عاملة فيها خايفة................ دي حليلك منها
|
|