مـن دارفــور..... الي...دارفــار

مـن دارفــور..... الي...دارفــار


07-14-2004, 06:56 PM


  » http://sudaneseonline.com/cgi-bin/sdb/2bb.cgi?seq=msg&board=61&msg=1135882987&rn=13

Post: #1
Title: مـن دارفــور..... الي...دارفــار
Author: سجيمان
Date: 07-14-2004, 06:56 PM
Parent: #0


الفار فرفر تحت الفروة
الفار حسي بقى يفرفر ...و.... يقدل فوق الفروة.....
الخوف دخلني وقلبي داير يتقطع.....وقدر ما اشوف فار... اقول يا النبي نوح. بقيت مرعوب من الفيران.....من الخوف بقيت لما ادور اقول دارفور..... اقول دارفار..... شوفتو جنس الحالة دي؟....جاتني حالة بتاعة فارفوبيا....وبقيت اريد الكدايس جنس ريدة ... ريدة عينة.......لحدي ما ام الخير شكّت وخافت اقوم ادبل فوقا بي كديسة....ومرة حلفت بي نظرا وعافيتا انو انا عندي علاقة مع الكديسة الزرقا الطوالي راقدة فوق الحوش ديك...عشان كدي هي مُصرة الايام دي تغير اسمها من ام الخير الي ....بُره...او.. سانتوت. وان سعلوها سانتوت يعني شنو؟ تقول لهم دا اسم سلوى لكن بالفرنسي انتو ما سمعتو بالمغنية الفرنسية الاسمها..سانتوت دي بافار؟.... كلو عشان ترضي زوقي وحبي الكدايسي النزل فوقي فجعه كدي........
فئران الزمن دا...ماهن مودبات.....وما ساعلات......ما بيعرفن الكبير من الصغير...ومافي شي غايظني غير قلة ادبن دي......دايرات شنو من كرعين الناس؟......اللاخر كلو سكتنا لو.....سكتنا لي مُساكاكاتن.....وجريهن في نص البرندة...كمان جانا قريّض الكرعين ؟ الكرعين حِكن الرغيف؟......وكرعين منو؟... كرعين ناس مو هينين.....؟....الفار يقرّض الكراع.....ويجي فايت فوقك جاكي ويكورك القرضّة دي لله.........
.اما زي كرعينا ديل ياكلنهن....بالدس عشان مافي فار يشتمهم ويقول لهم يا مقطعين يا جيعانين. يا رمرامين يا البي تاكلو الكرعين من دكان البرقاوي......حسي انا دحين ان مت من الجوع زي كريعات سجيمان ديل بدخلهن في خشمي...لو ما صغرة نفس؟....ويقعد يتفشر ويتبوبر ويغني لي نفسو.......

فار الخُشش اللابد في الجلالبية

يا ليلى هوي

العشاهو........... كُراعن طرية

..لكن برضو نحرص علي كرعينا...النوم بالجزمة والشراب... والجلابية وتحتها بنطلون...والايدين جوا جيوب الجلابية.....يمكن يقوم فار نفسو صغيرة .... يتعشا بالكرعين.....ويحلي بالعنبة الرامية فوق بيتنا....وكلو كوم والعنبة كوم تاني...........
ومافي شي مزعلني غير تربية الفئران في بيوت الحكومة..لو الواحد الظروف ساكت خلتو يبيت في بيت حكومة.... ممكن زول يقطع يدي....ومن الصباح يحلف بالتكسرو انو الفار اكل ايد الزول دا....والمصيبة لو اكلني من خلاف...ولاّ...لو جو لقوني مافي....وسعلو مني.... برضو يحلف ويقول الفيران البارح كان عندها عرس كورة واتعشت به.....وزيي انا دا عشرة فيران نفسهن عجباهن بي يقومن بي...غايتو انا من يوم الليلة ابقى ابو هريرة. و....وحالف ان ركبت طيارة سودانير كديستي تحت اباطي....ومحل ما امشي كديستي معاي...وفي البظبورتي ارفقها معاي..بي صورتا..ويبقى شعاري.......

شي بديع في.. غرامك

يا كديس يا .... سمين

ابراء ذمة
أي كشط او تزوير لبيت الشعر الفوق دا... يعتبر لاغي ..........
وانما الاعمال بالنيات
Post: #2
Title: Re: مـن دارفــور..... الي...دارفــار
Author: سجيمان
Date: 07-15-2004, 02:50 AM
Parent: #1



مافي زول هببو لي؟.... الهفا

بهببو لي رقبتي براااااي
Post: #3
Title: Re: مـن دارفــور..... الي...دارفــار
Author: حبيب نورة
Date: 07-15-2004, 02:53 AM
Parent: #2

يا زول دة شنو دة؟؟
شنو شبكتنا فرفرة من الصباح؟؟
والله قلبي فرّة وحسيتبو مافي
Post: #7
Title: Re: مـن دارفــور..... الي...دارفــار
Author: سجيمان
Date: 07-16-2004, 04:13 AM
Parent: #3


حبيب نورة
Quote: والله قلبي فرّة وحسيتبو مافي


الفار الشال قلبك يتهنابو
Post: #21
Title: Re: مـن دارفــور..... الي...دارفــار
Author: تولوس
Date: 07-17-2004, 04:12 PM
Parent: #2

سي جي تحياتي يا لزيز يا رايق
Quote: شي بديع في.. غرامك

يا كديس يا .... سمين


يازوول كدايس و فيران اليابا والتابا قهر وقوة عين .. يازوول ديل عندهم اتفاقيات ومعاهدات مع الكديس الكبير ...ولهم مارب اخري ...
يازوول ديل من العظمة العرضة يرقصوها في الزمن الغلط في {فار} اقصد زول يقدر يقول حاجة
Post: #4
Title: Re: مـن دارفــور..... الي...دارفــار
Author: حمزاوي
Date: 07-15-2004, 03:07 AM
Parent: #1

عزيزي الأخ
سجيمان ودعم بله
السلام عليكم
يهببو ليك شنو
الزمن دا لازم نكون فأر وفأر في كوبر كمان
قالوا اليومين دول الفئران في كوبر شغالين شماتة في فأر
قالوا يا فأر يا تعبان مالقيت الا رجل . . . . . . .
الفأر قال ليهم عض يعض عاض يعضض فهو جبهجي
Post: #8
Title: Re: مـن دارفــور..... الي...دارفــار
Author: سجيمان
Date: 07-16-2004, 05:32 AM
Parent: #4


حمزاوي

Quote: الفأر قال ليهم عض يعض عاض يعضض فهو جبهجي


انا عارففيران السودان كلها.... شيوعين
Post: #5
Title: Re: مـن دارفــور..... الي...دارفــار
Author: الفاتح يسن
Date: 07-15-2004, 05:52 PM
Parent: #1

يا سجيمان ياظريف الفأر العضي الترابي في الفايف استار اقترح ان يكون شعارك في الانتخابات الجاية وانشاء الله تقوم انتفاضة فئرانيه لانو الشعبيه فقدنا فيها الامل وتنزل في كوارع الجبهجية واعتقد ان ذاك الفار قد ضل طريقه من بيوت الاشباح الى كوبر أو تم ترقيته من رتبة فار مقرررررم
Post: #9
Title: Re: مـن دارفــور..... الي...دارفــار
Author: سجيمان
Date: 07-16-2004, 09:56 AM
Parent: #5



الفاتح يسين
Quote: قترح ان يكون شعارك في الانتخابات الجاية


لا لا............زانا شعاري حيكون الكديسة.. انتخبو سجيمان ابو كديس
Post: #6
Title: Re: مـن دارفــور..... الي...دارفــار
Author: توما
Date: 07-15-2004, 06:55 PM
Parent: #1

سجيمان الفارك فوتو ..سؤال صحفي العنوان الليل السايت حقك شنو؟؟
Post: #14
Title: Re: مـن دارفــور..... الي...دارفــار
Author: سجيمان
Date: 07-17-2004, 07:44 AM
Parent: #6


تومـــــــــــا

Quote: سؤال صحفي العنوان الليل السايت حقك شنو؟؟


جواب صحفي

دا العنوال حق السايط
http://www.cgman.org
Post: #10
Title: Re: مـن دارفــور..... الي...دارفــار
Author: جمال السنوسي
Date: 07-16-2004, 01:30 PM
Parent: #1

يا سجيـمان

يا خي الفار ده رسلوهو مخصوص يجيب عينة دم من الكراع عشان يقيسوهو خاصة بعد حالة الاضراب عن الطعام
وده فار معامل مربى علي الغالي ما هو نوع الفيران البنعرفها نحن
وهسه الفار ده يكون رجع لقواعده سالم ومعاهو عينة الدم وهسه المعامل شغالة فحص شديد وبكره بعد بكرة بيعلنو لينا النتيجة

وللفار حقنا النحن بنستعملو في كلامنا ده فار عادي زي ما يقولو ليك

فاري وين يعني جاري على وين
فره (طيره ويعني كمان انت خواف
فرفره وهي الحركة المبشتنة

زمان كنا بنقول الله يكفينا شر كدايس الاسبتالية وتماسيح السوق وهسه بنقول الله يكفينا شر فيران المعامل

جمال
Post: #11
Title: Re: مـن دارفــور..... الي...دارفــار
Author: ناجى الزبير الملك
Date: 07-16-2004, 02:16 PM
Parent: #10

سيجمان

بعد التحية وملــــــيون سلام على فئران بلادى (فئران عالمية)

اصلها بقت فى نشرات الأخبار سمعتها قبل يومين فى الجزيرة (الفار السودانى ..............

تلقى اسى فئران العالم حاسداها

شايف يدك وجعتك من الهبهيب قلتا اساعدك شوية ((هبببههبهب))


مع تحياتى
Post: #16
Title: Re: مـن دارفــور..... الي...دارفــار
Author: سجيمان
Date: 07-17-2004, 08:07 AM
Parent: #11


ناجي الزبير المك
Quote: شايف يدك وجعتك من الهبهيب قلتا اساعدك شوية ((هبببههبهب))


ان شاء الله يا يابا تتهبب في هبوب الدنيا... انت يا البي تهببو لي اخوانك
Post: #15
Title: Re: مـن دارفــور..... الي...دارفــار
Author: سجيمان
Date: 07-17-2004, 08:01 AM
Parent: #10


جمال السنوسي
Quote: زمان كنا بنقول الله يكفينا شر كدايس الاسبتالية وتماسيح السوق وهسه بنقول الله يكفينا شر فيران المعامل


وفئران المعامل بقا كايسة لي تماسيح السوق
Post: #12
Title: Re: مـن دارفــور..... الي...دارفــار
Author: abas
Date: 07-16-2004, 08:12 PM
Parent: #1

سجيمان

ابو وضاح بيغريك السلام

وقال ليك انت ما لك عامل فيها صغير وحجمك صغير ما تقول للناس دي انو انت سمين ساكت
Post: #17
Title: Re: مـن دارفــور..... الي...دارفــار
Author: سجيمان
Date: 07-17-2004, 08:11 AM
Parent: #12



عباس
Quote: وقال ليك انت ما لك عامل فيها صغير وحجمك صغير ما تقول للناس دي انو انت سمين ساكت


سلم لي علي ابو وضاح.... الزول دا وينو؟


وقول ليهو انا بقول كدا عشان ما يعرفوني

اها كيفني ليك؟
Post: #13
Title: Re: مـن دارفــور..... الي...دارفــار
Author: serenader
Date: 07-17-2004, 02:34 AM
Parent: #1

غايتو يا سجيمان أقعد هبش و(فرفر) بطريقتك دي لامن تجيك ضقلا يكركب.. الجماعة ديل ممكن يرسلو ليك فار مبرقع (زي لبس الصاقعة يعني، وليس من لزوم الحجاب) يقرضك قرضاً غير حسن (وليس المقصود هنا شيخنا) تفتش بعد داك للي يحل دينك ما تلقاهو..
Post: #18
Title: Re: مـن دارفــور..... الي...دارفــار
Author: سجيمان
Date: 07-17-2004, 01:21 PM


serenader

Quote: تفتش بعد داك للي يحل دينك ما تلقاهو..


انا بلا يرسلو لي فار....ما لاقي اليحل ديني
Post: #19
Title: Re: مـن دارفــور..... الي...دارفــار
Author: صديق الموج
Date: 07-17-2004, 01:34 PM
Parent: #1

سجيمان سايطك انا قنعت منه لكن بدور اسألك


قالو الشيخ طالب نقلية لسجن ابو غريب...ياربى عشان الفئران
والا عشان حاجات تانى حاميانى؟؟؟؟؟؟ سؤال برى جدا،،
Post: #20
Title: Re: مـن دارفــور..... الي...دارفــار
Author: ود محجوب
Date: 07-17-2004, 01:42 PM
Parent: #19

يا سجيمان



ده مش فار ولكن شبه له ده

hamster


أخد عينه دم لزوم ال culture& sensetivity
Post: #22
Title: Re: مـن دارفــور..... الي...دارفــار
Author: humida
Date: 07-17-2004, 07:27 PM
Parent: #20

انت يا سجيمان الموضوع دا حارقك شديد كده ليه ..
موعود بكراع .. ولا شنو ..
Post: #23
Title: Re: مـن دارفــور..... الي...دارفــار
Author: مريم الطيب
Date: 07-17-2004, 07:59 PM
Parent: #22

علي فار بلادي....... سلام

وكديس بلادي..... سلام

شكرا يا سجيمان علي هذا الاختلاف!!!!!
Post: #24
Title: Re: مـن دارفــور..... الي...دارفــار
Author: nazar hussien
Date: 07-17-2004, 11:40 PM
Parent: #23

يا سجيمان مشيت قدمت لي عضويه في موقعك...ومليت الفورمه...وما جاني رد لا يومك دا...غايتو بديك يومين...ان ما بقيتوني عضو...بكلم ليك عمي الطيب يحظروا بي انور كنقوا...وخلي كديستك التفكوا تاني
Post: #29
Title: Re: مـن دارفــور..... الي...دارفــار
Author: سجيمان
Date: 07-18-2004, 05:25 AM
Parent: #23


مريم الطيب

Quote: شكرا يا سجيمان علي هذا الاختلاف!!!!!


ما بنختلف
Post: #28
Title: Re: مـن دارفــور..... الي...دارفــار
Author: سجيمان
Date: 07-18-2004, 05:21 AM
Parent: #22


حميدة
Quote: انت يا سجيمان الموضوع دا حارقك شديد كده ليه


والله لا حارقني ولا حاجة....علا يكون حارقكك انت
Post: #27
Title: Re: مـن دارفــور..... الي...دارفــار
Author: سجيمان
Date: 07-18-2004, 05:15 AM
Parent: #20


ود محجوب

Quote: ده مش فار ولكن شبه له ده

hamster


الشبه للتاني منو؟......لانو الجكاية جايطة
Post: #26
Title: Re: مـن دارفــور..... الي...دارفــار
Author: سجيمان
Date: 07-18-2004, 04:55 AM
Parent: #19



صديق الموج

Quote: سجيمان سايطك انا قنعت منه


لكن انا وهو ما قنعنا منك
Post: #25
Title: Re: مـن دارفــور..... الي...دارفــار
Author: ahmed haneen
Date: 07-18-2004, 00:21 AM
Parent: #1

اخوي سجيمان
شوف يا عمي
والله كديستك دي ما تعمل اي حاجة مع فأر كوبر
دا فار جهادي ،، وكان طالع غزوة ابو كراع
وقيل في الأخبار
ان الفأر استشهد بعد ان اصابه اسهال شديد
ناتج عن حالة تسمم ،،
وقد يعلن بين لحظة واخري
عن عرس الشهيد للفأر
وقالوا لحدي الحين مالقوا واحدة
من الحور العين ترضا بيهو عريس
عشان كلهن قالن ( الفار دا فرفرتو كتيرة
وشيوعي)
Post: #30
Title: Re: مـن دارفــور..... الي...دارفــار
Author: سجيمان
Date: 07-18-2004, 05:32 AM
Parent: #25



احمد حنين
Quote: وكان طالع غزوة ابو كراع


غزوة ابوضلوع الانتصر فيها منو؟