Post: #1
Title: الليــلة .... لاقيتــا
Author: سجيمان
Date: 08-03-2004, 00:05 AM
Parent: #0
في المشي ما بنيش يملا قدمو تراب
السدير عالي حاجبك هلالن .....غاب
مسكك اب تسعة...... ساكن الجبجاب
اعلمو اهلي.... اليكتبو لي حجاب
بعد عشرين سنة.... الليلة لاقيتا... لي شقاوتي.. انا كنت حايم فوق كريعاتي لي كمين يوم.... في دكان الليل هدوم...الاقيها الوشي في الوشي..... الكرعين غلبن المشي.... القليب البطين يدفر للاذين...والاذين يتبوم.. ماهو عارف يسوي شنو....الجضيمات ياهن نفس الجضيمات... والحفيرات التحت الجضيمات وقت تضحك في بكانن... لا ادفنن ولا زادن....عشرين سنة...انا جضيماتي اطفقن واتعجنن واتخفجن..وبقيت وقت اجي احلق دقني علا اشد الجضم بي زردية.. واقعد احلق.....زمان كنت بملا جضمي هوا...واحلق... حسي قدر ما انفخ الجضم ما يتنفخ...ظانيتو اتقدّو داير لو رقعة....وانا ماني جايب خبر...زولتي العوينات ياهن نفس العوينات... الكانن وقت تعاين لي.. ارقد واتمدد في العنقريب موروود.. سبعة ايام بي لياليها....دا من نظرة واحدة....وان لحقت طبقتا...اغبا واغمر ...وافقد سوائل....الحواجب... مرسومة خلقت ربها....حاشاها ما طاقت موس ولا قلم.....الخشيم ودعة...وركبت في بكانا كركرب....والضحكة الاكانت توديني الاخرة ذهاب واياب...واخاف ان قطعتا ...اتمقلب انا.. واتحجز في الاخرة.....الوشي الزي قمرة سبعتين... ربنا سواهو يوم الاجازة..وفي يومو داك اي زول دعوتو مستجابة..
الضمير ياهو الضمير...والغريبة ماشين وراها تلاتة شفع.... يعني جابت تلاتة بطون...والضمير في حالو..... الولادة يخلهو ليكي...والنسوان يحردنها....نسوان من واول ولدة.... تلقى المرا... اتلكدمت وادردمت.....وبقت كلها كيمان....ووقت تشوفا راقدة... تحتار دي راقدة علي ضهرا ولاّ علي بطنا.......وانتي زي ما انتي...
اعاين لها...واتبكمت...واتبهطت...... حليلك وحليل ايامك....وحليلي انا....
-سجيمان؟...والله ما عرفتك... علا حزرتك من لبست بنطلونك... انت لي حسي ماك قادر تسبت بنطولنك........وما يقع؟....وديمة ترفع فيهو؟
* ياني قشيران.... وعينك نجيضة
والله زمان............. كنت ارجاكي ... جنب عمود النور... شاكي القميص....ومشطّف..والشعر مليان زيت سمسم..كراع في الواطا وكراع تاكلها علي العمود...وقت اشوفك من بعيد....ريقي ينشف....وحالي يقيف.....
ماشي معاها راجل... ظانيتو راجلا الوليدات.. شبهو...ما خلو ليهو شي..... صورة طبق الاصل... اول مرة اشوف راجل بكميرا...
واول مرة اشوف زول عندو تلاتة روسين...وتلاتة صلع...واربعة نخرين...الله اعلم كان مشروع بتاع تيمان...وانساط واتجاط في الشهور الاخيرة....الوليدات برضو نفس الوصف....الغايظاني فلهمة الراجل..وقدلتو...وهو يقدل بي شنو؟..... بي كرعينو الملولوات ديل؟.ويا شناة البنطلون فيهو... اخير لو كان مشى سااااااكت بلا بنطلون بيكون اسمح... بي سماحتا دي...... مقابلة البعاعيت ديل وقاعدة... الراجل ووليداتو....حنيت عليها... وبعدين اتظكرة اني ماني اسمح منو كتير...علا اطول شوية....
تموت الاسود في الغابات جوعا
ولحم الضان تاكله البعاعيت
برايفت مسج:-
يا الما شفت مسالك في عجم وعرب
ام لهيجن حالي....زي عصير عنب
مالك قافلة تلفونك مني كركرب؟
|
Post: #2
Title: Re: الليــلة .... لاقيتــا
Author: abas
Date: 08-03-2004, 00:31 AM
Parent: #1
العوينات ياهن نفس العوينات... الكانن وقت تعاين لي.. ارقد واتمدد في العنقريب موروود.. سبعة ايام بي لياليها....دا من نظرة واحدة....
بنقول ليك يا سجومي اخوي
نظره يا السمحه ام عجن
تراكا كنت كبكابه زي اسي دي
|
Post: #3
Title: Re: الليــلة .... لاقيتــا
Author: سجيمان
Date: 08-03-2004, 06:11 AM
Parent: #2
عباس
| Quote: تراكا كنت كبكابه زي اسي دي |
الطبع بغلب التطبع
|
Post: #4
Title: Re: الليــلة .... لاقيتــا
Author: Rawia
Date: 08-03-2004, 05:25 PM
Parent: #3
بركه الجمعتو
|
Post: #9
Title: Re: الليــلة .... لاقيتــا
Author: سجيمان
Date: 08-03-2004, 11:50 PM
Parent: #4
راوية
الله يبارك فيكي.... يا" ست الناس" غصبا عن الما بيدورك
لكن نحن ما جمعنا..... نحن طرحنا زمااااااان
|
Post: #5
Title: Re: الليــلة .... لاقيتــا
Author: omar_ragab
Date: 08-03-2004, 05:33 PM
Parent: #1
Salam ya fanan ya ustaz adil
kol alhob wa alihtram lai shakhskom
i dedicate this song for you and her
please click here
http://www.r3odi.com/cards/create.php?card_id=365
love u brotha
akhok omar ragab
love u all
|
Post: #6
Title: Re: الليــلة .... لاقيتــا
Author: Outcast
Date: 08-03-2004, 06:07 PM
Parent: #5
شفتك .. ابتهجت .. وين يا غالى انت
انحن الزمن شقانا ... وانت زى ما انت
تقول ما ردت اصلك .. و لا ساهرت ليلة
وبس مر الليالى .. خلى العين كحيلة
اه وكيف ناوى تعمل فى قلوبنا وحنانا
بعد ما جيت لقيتنا .. حافظين الامانة
غايتو يا سجيمان ما حافظة الاغنية كلها .. لكن موقفك دة بس ذكرنى اغنية محمد ميرغنى الحلوة دى ..
لو فى اى زول هنا عنده .. ارجو انه ينزلها ليك ...
ده اسمة "الافتتان" Infatuation .. نوع خطير جدا من المشاعر .....
|
Post: #12
Title: Re: الليــلة .... لاقيتــا
Author: سجيمان
Date: 08-04-2004, 01:13 AM
Parent: #6
Outcast
| Quote: ده اسمة "الافتتان" Infatuation .. نوع خطير جدا من المشاعر ..... |
يعني انا حسي عندي المرض دا؟.... انا لله............. جاهل وصغير...اها كيف الرااااي؟..... اتكوي؟
|
Post: #11
Title: Re: الليــلة .... لاقيتــا
Author: سجيمان
Date: 08-04-2004, 00:54 AM
Parent: #5
عمر رجب
اهااااا..... قمنا للنضم الما راكب عدلو؟..... ما قلت لي احبك انت يا اخوي.... لزومو شنو تجيب الناس التانين معاي؟
|
Post: #7
Title: Re: الليــلة .... لاقيتــا
Author: Elnasri Amin
Date: 08-03-2004, 07:54 PM
Parent: #1
| Quote: انا جضيماتي اطفقن واتعجنن واتخفجن..وبقيت وقت اجي احلق دقني علا اشد الجضم بي زردية.. واقعد احلق.....زمان كنت بملا جضمي هوا...واحلق... حسي قدر ما انفخ الجضم ما يتنفخ |
لكن ياسى جى الوصف عندك..
مكنة الحلاقه دى ماركه التمساح؟...
قالو فى اولاد حناكيش عاملين بارتى فى العمارات, واحد فيهم شاف ضب واقع من الحيطه فى الواطه....يازول ..الود قعد يكورك التمساح التمساح...الحفله اتلخبطت و البنات غمرو.بعد شويه جا البواب وقتل الضب,,,سال الود انت شفتو التمساح وين قبل كده؟ قال ليهو فى موس الحلاقه
انت جضمك ده كورونة عربيه!!!
|
Post: #14
Title: Re: الليــلة .... لاقيتــا
Author: سجيمان
Date: 08-04-2004, 01:51 AM
Parent: #7
النصري
| Quote: سال الود انت شفتو التمساح وين قبل كده؟ قال ليهو فى موس الحلاقه |
ههههههههههههههههه ...........ههههههههههههه
طيب البنات غمرو ليه؟.....والله جنس دلع
|
Post: #8
Title: Re: الليــلة .... لاقيتــا
Author: نادر
Date: 08-03-2004, 09:30 PM
Parent: #1
| Quote: بي سماحتا دي...... مقابلة البعاعيت ديل وقاعدة... |
لوووووووووول الله يجازي محنك يا سي جي مان ... تعرف دي ملحوظة مع إيمانا التام بخلقة ربنا لكن مش لاحظته كتير تلقة واحدة ذي القمر معرسة ليها زول شناتو مرة ما بتتقابل؟؟ بس تقول قادر الله في ملكو
|
Post: #15
Title: Re: الليــلة .... لاقيتــا
Author: سجيمان
Date: 08-04-2004, 02:22 AM
Parent: #8
نادر
| Quote: لاحظته كتير تلقة واحدة ذي القمر معرسة ليها زول شناتو مرة ما بتتقابل؟؟ بس تقول قادر الله في ملكو |
وتلقى الزول دا متفلهم ومتفقلص..... لكن فوق عديلو
|
Post: #10
Title: Re: الليــلة .... لاقيتــا
Author: الجندرية
Date: 08-04-2004, 00:16 AM
Parent: #1
؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!
!!!!!!!!!!
!!!!!!!!
!!!!!
!!!
!!
!
|
Post: #13
Title: Re: الليــلة .... لاقيتــا
Author: انا بنت النيل
Date: 08-04-2004, 01:33 AM
Parent: #10
سي جي مساك الله بالخير العميم
غايتو دي حساده عديل علي الصقر "الختف" القمرية..بتوصفوا جنس دا الوصف..
البركة في الملاقا
|
Post: #17
Title: Re: الليــلة .... لاقيتــا
Author: سجيمان
Date: 08-04-2004, 06:53 AM
Parent: #13
يا بنت النيل انتي
| Quote: غايتو دي حساده عديل علي الصقر "الختف" القمرية..بتوصفوا جنس دا الوصف |
قلت صقر؟.... صقر شنو يا يمة؟.... قولي زرزور....قولي ضب...ما شفتيهو
|
Post: #16
Title: Re: الليــلة .... لاقيتــا
Author: سجيمان
Date: 08-04-2004, 06:29 AM
Parent: #10
الجندرية
Quote:
؟؟؟؟؟؟؟؟؟؟؟؟؟؟؟؟؟؟؟؟؟؟؟ |
ليه؟
|
Post: #18
Title: Re: الليــلة .... لاقيتــا
Author: Outcast
Date: 08-04-2004, 08:15 AM
Parent: #16
ما تعمل اى حاجة يا سجيمان ... بس حاول اقنع نفسك انه خلاص ..
No Way
|
Post: #21
Title: Re: الليــلة .... لاقيتــا
Author: سجيمان
Date: 08-05-2004, 04:10 AM
Parent: #18
Outcast
الله يبشرك بالخير
|
Post: #19
Title: Re: الليــلة .... لاقيتــا
Author: جمال السنوسي
Date: 08-04-2004, 12:40 PM
Parent: #1
سجيمان
ده سيناريو تاني ممكن يكون حاصل :
شاهدها سجيمان بعد طول غياب في احد الاسواق وعرفها وتقدم منها
- السلام عليكم
- سجمي سجيمــــان مالك بقيت كدة
- ياني السجم بقيت كيف ما انا ياهو ذاتي
- ذات شنو والله لو ما بنطلونك البنصل ده ما كان عرفتك
- الدنيا ضيقة ومصيرو الحي بيلاقي
- بس بنطلونك لسه واسع
- كنت متوقع اني لمن اغترب بسمن ولكني اها في حالي
- حال شنو كدي شوف وشك ده اتكرفس كيفن
( وتبدو مشغولة بأولادها في السوبر ماركت)
- يا ولاد تعالو بي جاي
- أولادك ديل ما شاء الله
- الحمد لله عندي ثلاثة
- الله يخليهم ليك والمعاهم ده السواق
- بالغت ياخي ده راجلي
- سوري شديد (متلعثما) كان مفروض اعرف لأنهم بشبهوهو خالص
- معليش يا سجيمان ما هو حالك من زمان
- بالله تقولي ولدهم براهو
- قصدك شنو يعني
- لا ولا حاجة بس ما فيهم حاجة منك
- ولا بتي دي ما بتشبهني
- دي بتك
- كمان قول حاجة
- تعالي يا شاطرة (سجيمان يمد يده للطفلة مداعبا)
البنت مهرولة باتجاه امها وممسكة بها ( أبــــيـــــت) وتنفجر باكية
- اها بالله بتي دي مش بتشبهني كثير
- هي غايتو بتشهبك في حاجة واحدة بس . جرت مني زي ما كنتي بتجري مني في الجامعة لمن كنت اجي اسلم عليك
|
Post: #20
Title: Re: الليــلة .... لاقيتــا
Author: سجيمان
Date: 08-05-2004, 04:07 AM
Parent: #19
جمال
| Quote: هي غايتو بتشهبك في حاجة واحدة بس . جرت مني زي ما كنتي بتجري مني |
دي غايتو صدقت فيها
|
|