Post: #1
Title: لائحــة المنبر....من مكتب سجيمان المحامي وشركاؤة
Author: سجيمان
Date: 08-29-2004, 00:37 AM
هذه اللائحة ملزمة لكل الاعضاء بدون فرز.... للاعضاء واسرهم...واقرباءهم من الدرجة الاولي...والتانية والتالتة
*اسم اللائحة..امشي عديل يحتار فيك عدوك
*لا تميز بين عضو واخر على اساس-سف الصعوط-او شراب السجائر او شراب السجم والرماد.
*يحق لاي عضو استعمال كلمات-ألق-ومن لف لفه-شفيف-مبدع-كل اناء بمافيه ينضح-طفح الكيل- الزبد......او اي كلمات اخرى تحددها الادارة...يحق للعضو استعمال هذه الكلمات عشرة مرات خلال سنة منبرية واحدة...ومن يتجاوز الحد المسموح به.. تقوم الادارة بحذف الكلمات...والابقاء على البوست...وان شاء الله البوست يقعد باللباس والفنيلة..ولو قعد امفكو يكون ريح الراكب والاقروب.....
*يسمح لكل عضو ان يتبوبر"هو شخصيا او من ينوب عنه".... يسمح له ان يتبوبر بما عنده من ملكات وممتلكات..مرتين فقط خلال السنة المنبرية...ومن يتجاوز ذلك تحرش الادارة عليهو اتنين..ما يخلو لو صفحة يرقد عليها ويطلعوهو اي كلام..كعقاب تعزيري وتحزيري لغيره ممن تسول له نفسة بالبوبار والفشخرة......
*الاولوية للاعضاء كبار السن من الضكور والاناتي ثم الشباب ثم الاطفال....في الشتم والسب تلاتة مرات خلال سنة منبرية واحدة...يسمح للاطفال اقل من عشرة سنوات يعطي فرصة رابعة للشتيمة مجانيةمساهمة من المنبر في الارتقاء بالنشء
*اي عضو.. يطرا... صلعة السيد سيد المنبر بالغلط ساكت.. يحلق صلعة وينزل صورتو وهو صلعة بالمنبر...ويحرم من المنبر تلات ايام بلياليها....ويطنشو السيد سيد المنبر لمدة عشرة سنوات طناش بائن... ما يهببو ليهو لا في بوست ولا في ايميل........لا تعفى النساء من حلق الصلعة وانزال الصورة بالبورد.....
*اي عضو يقول البغلة في الابريق..... يحكم عليه... بان يطلع البغلة من الابريق ويدخل هو مكانها..... لا استثناء لاصحاب الكروش
*اي عضو.. يقول ام الملك عزبا... تطلق منو مرتو...او يطلق منها رجلا.....عشان يضوق العزوبية..... للغير متزوجين .... يعرس علي حسابو... عشان تطلق الادارة منو مرتو.....
*توضع حوافز وجوائز سنوية للاعضاء المثالين
الجائزة الاولى....مسمى الجائزة......"خشمو وعندو"..ميداليه ذهبية..مرسوم فيها زول ما عندو خشم..... اضافة الي اشتراك بالمنبر مدى الحياة
الجائزة التانية...مسمى الجائزة.."لا بيجدع لابيجيب حجار"...برضو نفس الميداليه لكن فضية....بالاضافة الي اشتراك مدى الحياة بالمنبر
الاعداد والتنقيح
سيجيمان المحامي وشركاؤة
استشاريون قانونيون
|
Post: #2
Title: Re: لائحــة المنبر....من مكتب سجيمان المحامي وشركاؤة
Author: abas
Date: 08-29-2004, 00:43 AM
Parent: #1
بي صفتي اول من دخل البوست بقول ليك نحنا من ناس ديل
الجائزة التانية...مسمى الجائزة.."لا بيجدع لابيجيب حجار"...برضو نفس الميداليه لكن فضية....بالاضافة الي اشتراك مدى الحياة بالمنبر
|
Post: #7
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-29-2004, 02:02 AM
Parent: #2
عباس
Quote: بي صفتي اول من دخل البوست بقول ليك نحنا من ناس ديل
الجائزة التانية... |
اجتهد...اجتهد...عشان تاخد الاولى
|
Post: #3
Title: Re: لائحــة المنبر....من مكتب سجيمان المحامي وشركاؤة
Author: koki
Date: 08-29-2004, 00:58 AM
Parent: #1
فوق
|
Post: #4
Title: Re: لائحــة المنبر....من مكتب سجيمان المحامي وشركاؤة
Author: المسافر
Date: 08-29-2004, 01:11 AM
Parent: #3
سجيم مان
السنة المنبرية قداش
كبيسة ولا حبيسة
|
Post: #5
Title: Re: لائحــة المنبر....من مكتب سجيمان المحامي وشركاؤة
Author: المسافر
Date: 08-29-2004, 01:14 AM
Parent: #3
سجيم مان
السنة المنبرية قداش
كبيسة ولا حبيسة
حبيسة يعني سنة سجون ناقصة ثلاث تشر
|
Post: #10
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-29-2004, 07:40 PM
Parent: #5
المسافر
Quote: السنة المنبرية قداش
كبيسة ولا حبيسة
|
سنة كديسة..... اتناشر بوست..
|
Post: #8
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-29-2004, 03:43 PM
Parent: #3
كوكي
تتعلا ما تتدلا يا يابا
|
Post: #6
Title: Re: لائحــة المنبر....من مكتب سجيمان المحامي وشركاؤة
Author: المكاشفي الخضر الطاهر
Date: 08-29-2004, 01:22 AM
Parent: #1
الاخ الدكتور البيطري وشركاه المحترمون
قديماً قالوا (( الكلام ليك يالمنطط عينيك ))
اها رأيك شنو يا دكتور ؟؟
سؤال : هل يمكن تطبيق مثل هذه القوانين على أم الخير حقتنا ؟؟ [/
|
Post: #14
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 00:35 AM
Parent: #6
المكاشفي الخضر الكاباشي
| Quote: سؤال : هل يمكن تطبيق مثل هذه القوانين على أم الخير حقتنا ؟؟ |
انتو برضو عندكم ام الخير؟....زيي
|
Post: #9
Title: Re: لائحــة المنبر....من مكتب سجيمان المحامي وشركاؤة
Author: Walid Safwat
Date: 08-29-2004, 05:06 PM
Parent: #1
سلامات يا اهل الممبر.
ممكن شوبارة او شوبارتين معاكم...
عليكم الله ميداليه انشالله بلاستيكيه
عشان اهلنا المساكين المستنيين جميله
وسلام تاني يا اهل اثينا... افتوس
|
Post: #11
Title: Re: لائحــة المنبر....من مكتب سجيمان المحامي وشركاؤة
Author: عثمان عووضة
Date: 08-29-2004, 09:17 PM
Parent: #9
انت عارف يا بدر انا اكتر اتنين بخاف من بوستاتهم انت وسجيمان--انا زول دغت و قاوت و قرحة -- اها الاخيرة دي ياها الجايبة لي الموية في اضنيني -- لانو لمان اضحك شديد القرحة بتقوم و بعدين دواها غالي خلاس و كتير --يعني شيئ قبل و شيئ بعد و شيئ ما عارف مرتين في اليوم و شيئ ثلاثة --غايتو
غايتو المرة دي اتوكلت عليك يالله و قلت اداخل في بوستك دا والزارعها الله تقوم في صحن صيني-- بس حق الدواء عليك
ملحوظة:
الريال العماني = 10 دراهم امرات --مخير غايتو
===
دكتور عادل
شفت جنس الكسل دا --ضربت مبدعين بي رد واحد -- شنو ليك ؟؟
الريال السعودي = درهم اماراتي الا شوية
|
Post: #12
Title: Re: لائحــة المنبر....من مكتب سجيمان المحامي وشركاؤة
Author: عثمان عووضة
Date: 08-29-2004, 09:50 PM
Parent: #11
يا سجيمان الحق -- بدر الدين شنا شايل حسك بي هناك في البوست بتاعو -- الحق -- وانا مالي
|
Post: #20
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 10:29 AM
Parent: #11
عثمان عووضة
| Quote: انا زول دغت و قاوت و قرحة |
وانا زول قلب......جد والله....وتراني قاعد اتونس واضحك لحدي ما سيد الوداعة ياخد وداعتو
|
Post: #21
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 10:29 AM
Parent: #11
مكرر
|
Post: #16
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 02:51 AM
Parent: #9
وليد صفوت
| Quote: عشان اهلنا المساكين المستنيين جميله |
جميله بتاعت ..... النط........؟
نحن يا اخوي النط لا بنعرف لو ولا حاجة...... علا الزول يخلعوه... علي اليمين يجيب الرقم القياسي.......
|
Post: #13
Title: Re: لائحــة المنبر....من مكتب سجيمان المحامي وشركاؤة
Author: koki
Date: 08-29-2004, 10:29 PM
Parent: #1
والله يا دكتور في زميلنا هنا في البورد عندو كلمة بيرددها في السطر الواحد تلاتة مرات وإن بقى هو الكاتب البوست لازم يكتبا في العنوان، أها دا لو سحبو الكلمة دي من بوستاتو حا تبقى بدون عنوان.
بعدين لو رصدوا جائزة لأكتر مكان إتقالت فيهو كلمة (يا رائع) البورد بتاعنا حا ياخدا من غير شك
أنا كنت قايل لمن زول يقول للتاني يا شفاف بينبزو على أساس إنو بيشف من كراس الجنبو لكن طلعت شُكُر (سبحان الله)
تسلم يا رائع
يا شفاف
|
Post: #22
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 12:11 PM
Parent: #13
كوكي
لكن يا جنا....غايتو انا البورد دا خلاني مسقف....والله كان شفتني وانا خالف كراعي وسط الرجرجة والدهماء...وشابكهم ليك السايبيري.. السايبري...... تتكيف مني جنس كيف..عينة
|
Post: #15
Title: Re: لائحــة المنبر....من مكتب سجيمان المحامي وشركاؤة
Author: قرشـــو
Date: 08-30-2004, 01:25 AM
Parent: #1
الأخ الدكتور
انا احتج
انا اعترض
انا احتج اذن انا موجود
احتج على تحجيم كلمة (يارائع) فهذا البورد حكر للرائعين فما بال اقوام يقولون يجب استخدامها ثلاث مرات فقط..
انا احتج
انا اعترض
عندك اعتراض على كلامى ده؟؟
بعدين بالمناسبة قالوا البغلة كرهت الابريق وطلعت منه خلتوا ليهم
|
Post: #17
Title: Re: لائحــة المنبر....من مكتب سجيمان المحامي وشركاؤة
Author: قلقو
Date: 08-30-2004, 03:34 AM
Parent: #15
حبيبنا سجيمان..
نحن ياخوى لا مع الخشمهم عندهم ولا مع اللابيجدعو ولا يجيبوا الحجار لكن نحن البنشجع اللعبة الحلوة..يبقى موقعنا وين من الأعراب؟
|
Post: #18
Title: Re: لائحــة المنبر....من مكتب سجيمان المحامي وشركاؤة
Author: خضر عطا المنان
Date: 08-30-2004, 07:11 AM
Parent: #17
عليك النبي ما بتخاف الله فينا يا شيخنا سجيمان
يعني انت خلاس ولدك المصيبةداك صرفت عنو النظر !!
وما لقيت غيرنا نحن المساكين تفش غلك فيهو ؟؟؟؟؟
علي باليمين لوائحك دي خير الزول يسلم نفسو عديل لى غوانتنامو!!
كان ما يلقاهم نامو !!!!!!
خضر عطا المنان
|
Post: #19
Title: Re: لائحــة المنبر....من مكتب سجيمان المحامي وشركاؤة
Author: saif massad ali
Date: 08-30-2004, 09:22 AM
Parent: #18
الاخ سجيمان الحامي الاخوه شركاؤه
تحيه طيبه
اطالبكم بسحب هذه الائحة وتغيرها واني اري نفسي المقصود بهذه الائحة, اتريدون فصلي تعسفيا,وتتبجحون بانكم فصلتم الائحة علي قدري حتي تطاردونني بها في كل وجه.
سيادة الاخ سجيمان
ظللت تطاردني في كل مكان حتي في هذا المنبر لم اسلم منك , ومن الذين يعملون معك ليل نهار,وانا اعلم انك هكر خطير في هذا المنبر,
ياسعادة سجيمان
انا لااسب او اهاتر احد في المنبر فمعني ذالك فصلي من اليوم الاول من سريات لائحتك, اما اذا تم فصلي سوف اقدم لجوا بوردابيا في المنابر الاخري الي ان تعود الديمقراطية النزهية, التي تبعد كلشرير من هذا المنبر.
وفي الختام تقبل وافر احترامي
ود عوج الدرب
|
Post: #29
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 07:26 PM
Parent: #19
سيف مساعد علي
| Quote: وفي الختام تقبل وافر احترامي |
تقبلت وافر احترامك
بامكانك الطعن في اللائحة.... لكن براحة عشان ما تعوقا
|
Post: #26
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 02:54 PM
Parent: #18
خضر عطا المنان
Quote: علي باليمين لوائحك دي خير الزول يسلم نفسو عديل لى غوانتنامو!!
|
ما تخاف...اللوائح قابلة للمناقشة..... انا برضو ديمقراطي
|
Post: #28
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 07:10 PM
Parent: #17
قلقو
| Quote: يبقى موقعنا وين من الأعراب؟ |
انت تاخدو جائزة......"محمد البلال الطيب"...
|
Post: #25
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 02:19 PM
Parent: #15
قرشو
| Quote: بعدين بالمناسبة قالوا البغلة كرهت الابريق وطلعت منه خلتوا ليهم |
والله دي مصيبة
البغلة طلعت من الابريق
والبغال طلعت من البلد
|
Post: #23
Title: Re: لائحــة المنبر....من مكتب سجيمان المحامي وشركاؤة
Author: abdalla BABIKER
Date: 08-30-2004, 12:58 PM
Parent: #1
الاخ سديمان
انت عشان الفلس قاديك
عايز تعمل علينا
شغل المحامين
يدخلوك في القضية
ويدفعوك اتعاب تقد الجيب وجيب الجيب والناس تعمل ليك كشوف وكشوف عشان يطلعوك منها
تحياتي
|
Post: #24
Title: Re: لائحــة المنبر....من مكتب سجيمان المحامي وشركاؤة
Author: garjah
Date: 08-30-2004, 01:57 PM
Parent: #23
سجومي العسل
خت حاجاتي دي جنب حاجاتك
Quote: - ان تقول الحق ولو على نفسك وتشطت فيه.
- أن لا ترضى الظلم عليك ولا على غيرك وأن تتبع في
ذلك كل الوسائل وان كان تصرفك يدخلك تحت طائلة
لوائح المنبر .
- ان تكون لك رسالة واضحة تود توصيلها للناس
بحرا او برا او جوا وان كلفك ذلك نفسك الدنيّة.
- لا تداهن ولا تساوم في منطلقاتك الفكرية
الاساسية .
- ان تناضل بوسائل متاحة اخرى غير الكي بورد
الذي ثبت انه وسيلة الحكماء.
- ان تكون ملتزما بسلوك شفتي بحت في كل مشاركاتك
وبالطبع لا يعني ذلك :-
* الاساءة للاخرين
* ولا يعني تملقهم
* ولا يعني تتـــفيه وتقزيم الراي الاخر ( وهي من ثقافة الحكماء ).
- العمل على نشر ثقافة الشفتنة وتوسيع عضويتها
وسط الناس جميعا
المهم ...نفتح باب الترشيحات ...طبعا ممكن ترشح
نفسك او من تراه يصلح ( شفتـــــــــــا ) بدون
مجاملة ...حيث أن المجاملة هي من صفات الحكماء
ومن شاكلهم . |
|
Post: #27
Title: Re: لائحــة المنبر....من مكتب سجيمان المحامي وشركاؤة
Author: حبيب نورة
Date: 08-30-2004, 03:20 PM
Parent: #24
الله ينعل ابو السجارات ياخي
|
Post: #33
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-31-2004, 00:40 AM
Parent: #27
حبيب نورة
| Quote: الله ينعل ابو السجارات ياخي |
السجارات؟
انت اتقلبت ايراني؟
|
Post: #31
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 11:57 PM
Parent: #24
قرجة
| Quote: خت حاجاتي دي جنب حاجاتك |
تتخت الحاجات دي جنب حاجاتي..... لحدي ما يجي الحاج ويلم الحاجات كلها
|
Post: #30
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-30-2004, 07:33 PM
Parent: #23
عبد الله بابكر
| Quote: انت عشان الفلس قاديك |
دي حرب نفسية عديل كدي
كل ما انسى الفلس تظكرني ليهو
|
Post: #32
Title: Re: لائحــة المنبر....من مكتب سجيمان المحامي وشركاؤة
Author: koki
Date: 08-31-2004, 00:21 AM
Parent: #1
فوق
|
Post: #34
Title: Re: لائحــة المنبر....من مكتب سجيمان المحامي وشركاؤة
Author: ناجى الزبير الملك
Date: 08-31-2004, 00:50 AM
Parent: #32
سى جى مان
من دكتور الى محامى ...
|
Post: #35
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 08-31-2004, 02:45 AM
Parent: #34
ناجي الزبير الملك
| Quote: من دكتور الى محامى |
علمنا فنانين مافي زول جاب خبرنا
عملنا شعراء مافي زول هببو لينا
قلنا نجرب دي
|
Post: #36
Title: Re: لائحــة المنبر....من مكتب سجيمان المحامي وشركاؤة
Author: koki
Date: 09-01-2004, 02:03 AM
Parent: #1
وين يا رائع
عندي ليك أقتراح:
نطالب بكري يدي شاعر الغنية دي عضوية
الغنية:
يا رايع جفيتني وأنا ضايع
تعال لي
|
Post: #37
Title: Re: لائحــة المنبر....من مكتب سجيمان المحامي وشركاؤة
Author: سجيمان
Date: 09-01-2004, 04:50 AM
Parent: #36
كوكي
و....جاك؟؟؟؟؟؟
|
|