Post: #1
Title: مـــذكــرات....زول طـــاشم
Author: سجيمان
Date: 09-01-2004, 09:59 AM
Parent: #0
الخميس
14\7\1984
ميز العزامة
قاعد براي.... الساعة 9:30 بالليل...قزازتي تحتي احمد سيدي..... بالعراقي ...الكاس الاول... التاني التالت..... وقعدت ابكي... ابكي بكا شديد....الكاس الرابع وبرضو ابكي...... العرقي بكري وسمح..... الله يخليك يا تمبولة ست العرقي...... البكاني انو اتخيلت تمبولة ماتت.... وبكيت علي روحي...ووين القى عرقي سمح زي دا....؟....ان شاء الله يومي قبال يومك.....الله يحفضك ويخليكي لنا.... استغفرت ربي جريت الملاية عليّ ونمت.....
الخميس
21\7\1982
برضو براي..... وقاعد اتأمل في الدنيا دي.... قزازتي في نصها...بعوضة... تنوني فوق راسي من قعدت...حلفت الا اقبضها...واسقيها عرقي....واقعد انوني فوق راسا... عشان تعرف النوناي دا سمح ولاّ كعب....تعرفو احسن علاج لقرصة البعوضة العرقي؟... ما بتحس بيها حتى لو جابت ابرة وطعنتك...... خليتا ركت فوق يدي الشمال....وباليمين اقبضها براحة....واشيل الكباية واكب فوقا نقيطة حقت عرقي براحة....وبعد شوية.... رفعتها...وقعدت اكوس لي اضنيها.... ما لقيتن.... قعدت ابكي برضو.... بكا شديد...حسيت بي تعاطف مع بعوضة ممكن تكون فقدت اضنيها في حادث رصعة....من اي شخص اخر......وتخيلت لو زول اداني كف وقلع اضني وقعدت بدون اضنين.....ويسموني الاضينة.....بكيت كويس...وجريت فوقي الملاية ونمت...
الجمعة 13\10\1985
يوم صبحيت العرس حقي
الوالد متعود يصحينا لصلاة الصبح....ويكون هو الامام....... اليوم دا صحاني واخواني....كانت بايتة معاي سكرة مسئولة.....مشيت اتوضيت وجيت.... برضو سكران.... الوالد اقام الصلاة......واول ما قرا قرا لنا سورة الهاكم التكاثر...... لقيت نفسي زعلت وحمبقت...وهزيتو من كتفو وكان قدامي.....وسألتو.... عليك الله يا ابوي حسي دي سورة يقراها مسلم... لي زول يوم الصبحية حقت عرسو؟...طردت من الصلاة.... شر طردة......مشيت وقفت جنب الجزر حق عم الامين..... دايرو يفتح واشيل منو امفتفت........اتاريهو عم الامين ميت من بالليل....وانا معاي خبر خير
|
Post: #2
Title: Re: مـــذكــرات....زول طـــاشم
Author: ناجى الزبير الملك
Date: 09-01-2004, 11:41 AM
Parent: #1
| Quote: اتاريهو عم الامين ميت من بالليل |
وانا أقول مافى زول ....دخل البوست ده ليه .......
لكن يا سى جى مان .....ساى بقولوا على شقى ومسطول ....
اتاريهو كتار الطاشمييييييييييين
|
Post: #4
Title: Re: مـــذكــرات....زول طـــاشم
Author: سجيمان
Date: 09-01-2004, 11:58 PM
Parent: #2
ناجي الزبير الملك
| Quote: ساى بقولوا على شقى ومسطول .... |
انت برضو بيقولو علي كدا؟؟؟...... الناس دي جنت ولا شنو؟
|
Post: #3
Title: Re: مـــذكــرات....زول طـــاشم
Author: abdalla BABIKER
Date: 09-01-2004, 11:57 AM
Parent: #1
والله
يا سي جي مان
دي طشمه ما سبقك عليها زول
الله يفكك منها
الزول ميت وانت منتظره
وبعدين ابوك كان عايز يوفق حالك
ويمنعك من التكاثر
|
Post: #7
Title: Re: مـــذكــرات....زول طـــاشم
Author: سجيمان
Date: 09-02-2004, 06:42 PM
Parent: #3
عبد الله بابكر
| Quote: الزول ميت وانت منتظره |
كلموني نص النهار......في الليل طشمت وقعدت ابكي
|
Post: #5
Title: Re: مـــذكــرات....زول طـــاشم
Author: محمد سر الختم
Date: 09-02-2004, 00:57 AM
Parent: #1
تشرب عرقي قبل سبتمبر 83 ؟؟
فعلاً سجمان
|
Post: #9
Title: Re: مـــذكــرات....زول طـــاشم
Author: سجيمان
Date: 09-03-2004, 03:15 AM
Parent: #5
محمد سرالختم
| Quote: تشرب عرقي قبل سبتمبر 83 ؟؟ |
قبل....و........بعد
لكن ربنا تاب علينا
|
Post: #6
Title: Re: مـــذكــرات....زول طـــاشم
Author: willeim andrea
Date: 09-02-2004, 01:16 AM
Parent: #1
لا الدوره دي بالغته وشذيت عديل .... وعملتها ...... ما عارف شنو ............ وبعدين يازول انته في 82 و 84 و 85 شغال عرقي يا خي الزمن داك العرقي ده حق ناس الاقاليم والع....... ما حاتم الباقي علشان ما يقولوا علي عنصري ...... بس اكيد وانته في البلد ديك غيرته لحنا الماشي ....... اها لو ماعرفته حنا استعين بصديق .... ولو ما لقيت تعال صادي ....... بس ماقلته لي العكشه والكرمبت عندك
|
Post: #8
Title: Re: مـــذكــرات....زول طـــاشم
Author: saif massad ali
Date: 09-02-2004, 10:39 PM
Parent: #6
ياسجيمان انت ان وراك الطشمة , بعد الانتفاضه جينا من مدينة ود الزاكي علي بحر ايض نحضر ندوة الترابي بعد الانتفاضة .عارف لقينا جماعة طاشمين الناس تكورك سادن سادن هم يكوكوا ثلاثة كبابي ولا الترابي ثلاثة كبابي ولا الترابي , سعلت قالو دي كبابي السجم ده
|
Post: #13
Title: Re: مـــذكــرات....زول طـــاشم
Author: سجيمان
Date: 09-03-2004, 04:20 AM
Parent: #8
سيف مساعد علي
| Quote: ثلاثة كبابي ولا الترابي |
شعار المرحلة
يا عاملات المرا الكاتالة ديك
|
Post: #14
Title: Re: مـــذكــرات....زول طـــاشم
Author: saif massad ali
Date: 09-03-2004, 04:27 AM
Parent: #8
عارف ياسجيمان ايام الالمان شغالين في زلط الجبل الدويم, واحد من عرب الخلا عندنا اشتغل مع الخواجه غفير بس كان بحرس زوجة الخواجة, تديهو باقي الاكل ياكل باقي الويسكي البيره الزول كل يوم طاشم مروق ,جاهو رمضان عليك امان الله الزول جالد يوم جاء طالع من بيت الخواجة مع المغارب , لقي الجماعة قاعدين راجين الشمس تغيب. لموا فيهو نبذو كويس انت سكران وفي رمضان , بناتك كبار حقات عرس منو البناسبك, بعد ما كملو كلامهم قال ليهم يوم القيامة انتو بتخشو الجنة ونحن بنخش النار والخواجات معانا قالو ليهو ايوه قال ليهم علي الطلاق الخواجات في سنة واحدة الا يكندشوها شوف جنس طشمة قال سجيمان طاشم قال
|
Post: #17
Title: Re: مـــذكــرات....زول طـــاشم
Author: سجيمان
Date: 09-03-2004, 05:22 PM
Parent: #14
| Quote: علي الطلاق الخواجات في سنة واحدة الا يكندشوها |
قوووووووووووووية
|
Post: #11
Title: Re: مـــذكــرات....زول طـــاشم
Author: سجيمان
Date: 09-03-2004, 04:03 AM
Parent: #6
وليم اندريا
| Quote: .... ولو ما لقيت تعال صادي ....... بس ماقلته لي العكشه والكرمبت عندك |
دي برضو ما عرفتها.... هوي ها....ما تشوفني كدي.... انت قايل شنو؟..انا زول حايم ساااااكت
|
Post: #10
Title: Re: مـــذكــرات....زول طـــاشم
Author: مراويد
Date: 09-03-2004, 03:26 AM
Parent: #1
سجيمان هوووووى
انت سرقت النوته بتاعتى و لا شنو،
بتعرف النكته بتاعت الزول الشيييين قابل واحد سكران وقعد ينبز فيهو" يا سكران يا حيران "،السكران عاين ليهو وقال لى "انا هق سكرتى دى...هق...الصباح بتفك ...هق...انت شناتك دى...هق... بتسوى ليها شنو!!!"
غايتو السكران ده لو جا هنا حيقول لبعض الناس "انا هق سكرتى دى...هق...الصباح بتفك ...هق...انتو ثقالتكم دى... بتسووا ليها شنو!!!"
سجيمان رايك شنو نعمل بوست مشترك عن الثقاله، راس المال منك وانا معاك بالمجهود.
|
Post: #12
Title: Re: مـــذكــرات....زول طـــاشم
Author: تولوس
Date: 09-03-2004, 04:16 AM
Parent: #10
انا ما قلت ليك حق العيش ابن كلب وبخليك تبكي
|
Post: #16
Title: Re: مـــذكــرات....زول طـــاشم
Author: سجيمان
Date: 09-03-2004, 01:10 PM
Parent: #12
| Quote: انا ما قلت ليك حق العيش ابن كلب وبخليك تبكي |
تولوس.....جنيت؟ تشتم العرقي وتقول ابن كلب؟....والله حسي اشتكيك لي لجنة الحكماء ولي امين المنبر...........
لكن انا ما كنت بشرب عرقي العيش.....بلح سااااااااكت
|
Post: #19
Title: Re: مـــذكــرات....زول طـــاشم
Author: عثمان عووضة
Date: 09-03-2004, 08:01 PM
Parent: #16
| Quote: لكن انا ما كنت بشرب عرقي العيش.....بلح سااااااااكت |
ابكي سمح عجبني ليك عشان تاني ماتعمل خيانات -تتجوغر بالنضيف وتخلي للناس حق العيش المضروب المحروق
|
Post: #20
Title: Re: مـــذكــرات....زول طـــاشم
Author: سجيمان
Date: 09-04-2004, 00:48 AM
Parent: #19
عثمان عووضة
| Quote: حق العيش المضروب المحروق |
وديني وايماني.....انت زول دفعة....خطيييييير
|
Post: #15
Title: Re: مـــذكــرات....زول طـــاشم
Author: سجيمان
Date: 09-03-2004, 04:30 AM
Parent: #10
مراويد
| Quote: انت سرقت النوته بتاعتى و لا شنو، |
بالله انت برضو كنت بتبكي وخايف ست العرقي تموت؟
شفت العرقي دا بيخلي الزول حنيّن كيفن؟
|
Post: #18
Title: Re: مـــذكــرات....زول طـــاشم
Author: muntasir
Date: 09-03-2004, 05:36 PM
العزيز سى جى
إنت ناس الصحافه كتر ليهم من العبار ده وبعد كل سطرين نبذ على عثمان وكتر من الكلام الفيهو إيحاء كان شفوا منك بعد داك يقوم فى الزلط
|
Post: #21
Title: Re: مـــذكــرات....زول طـــاشم
Author: سجيمان
Date: 09-04-2004, 00:54 AM
Parent: #18
منتصر
والله يا ناس السودان اطورتو.......
|
Post: #22
Title: Re: مـــذكــرات....زول طـــاشم
Author: مراويد
Date: 09-04-2004, 00:56 AM
العرقى بخليك حنين و حاجات تانيه كمان،
اها ناس تتجوغر ديل زى عثمان ده تقول عليهو، بي شنبو الكبير ده وكت الحنيه تجى بعد الخامس كده، تلقاهو يجوعر و ينخج بلا سبب، ويدفق العشا كمان.
يا سجيمان انا عارفك خواف وجبان، ما تزوغ من اقتراحى داك الفوق بتاع الثقاله... يا سغيل
|
Post: #23
Title: Re: مـــذكــرات....زول طـــاشم
Author: muntasir
Date: 09-04-2004, 01:02 AM
Parent: #22
العزيز سى جى
قصدى الشنب ما تخليك إيحائي خالص
|
Post: #27
Title: Re: مـــذكــرات....زول طـــاشم
Author: سجيمان
Date: 09-05-2004, 00:44 AM
Parent: #23
منتصر
| Quote: قصدى الشنب ما تخليك إيحائي خالص |
انا برضو قاصد الشنب......
|
Post: #24
Title: Re: مـــذكــرات....زول طـــاشم
Author: سجيمان
Date: 09-04-2004, 01:20 AM
Parent: #22
مراويد
| Quote: ما تزوغ من اقتراحى داك الفوق بتاع الثقاله... يا سغيل |
انا قبل كدا كتبت عن السغالة.....وبعدين الايام دي معنوياتي هابطة...وزهجان وناس الصحافة حاقرين بي وماني عارف شي....
|
Post: #25
Title: Re: مـــذكــرات....زول طـــاشم
Author: خضر عطا المنان
Date: 09-04-2004, 09:30 AM
Parent: #24
شيخنا سجيمان
أنت لا يوم الليلة طاشم من داك الوكت ؟؟؟؟؟
تحول عجيب آ شيخنا : أمس شفتك فوق التبروكة !!!!
واليوم ادخل هنا القاك طاشم!!!!!!
الحصل شنو؟؟؟
خضر عطا المنان
|
Post: #26
Title: Re: مـــذكــرات....زول طـــاشم
Author: سجيمان
Date: 09-04-2004, 07:44 PM
Parent: #25
خضر عطا المنان
دي طشمة قديمة
علا قاعدة تتاورني....مرة....مرة
|
|