Post: #1
Title: لفت نظــر..... للعضــو عادل عبد العاطــي
Author: سجيمان
Date: 09-10-2004, 11:52 AM
Parent: #0
عادل عبد العاطي..... بارك الله فيهو...راجلن طيب وعديل خلاس...... شغال يلفت في النظر ساكت.....وانا خايفو يتعود علي الحكاية دي...ويوم يجيهو حرامي في البيت ويشوفو..متشعبط في الحيطة.... يقوم يديهو لفت نظر..... الحرامي.. طبعا حيقيف ويفتح خشمو ويندهش....ويعاين لي عادل....ويدعي ليهو ربنا يطول في عمرو.....ويشتغل في البوليص......وقدر مافي زول يجيهو يلفت نظرو.....ويخليهو يتوكل ويمشي يشوف اكل عيشو.....وقالو قطع الاعناق ولا قطع الارزاق.....تقطع رزق الحرامي لي شنو؟....وتاخد زنبو......؟....
لفت يلفت ملفوت......في نبات قاعدين ياكلوهو الناس الحُمُر ديل...اسمو اللفت........او الملفوف ..ماني عارف....اللفت دا عبارة عن كراس مائة وعشرين ورقة...ملفوف في بعض وعاملنو زي الكورا.....انا اول ما شفتو قايل الشي البياكلوها جوا.....وقعدت افرتق في الورق دا وما لقيت أي شي... اتاريهو البيتاكل الورق زاتو....
ترباس قال قبلي جاي وقبلي جاي......برضو دا نوع من لفت النظر....لكن ترباس افرض الدايرا تتلفت دي ماشا في الشارع وقداما حفرة....وسمعت نضمو وقبلت عليهو.....ووقعت في الحفرة وكسرت كراعا......يمشي من ربنا وين؟......ولاّ حيقول ما بنمشي لي ناس ما بيجونا......؟.......
لفّ يلفو...وهو ملفوف..... لف ّ لفه...... ربنا انشاء الله يطول في عمر ناس المنبر.....حتى محمد ولدي بقى يقول لاصحابو ..... بابا ومن لفّ لفو......منبر كلو لف ولفيت ولفت..... الواحد يحمد ربو وسط ناس قاعدين يلفو..... ويلفو....مخخنجية شم الانوف من الطراز الاول شُم النوف دي يعني شمامين من الدرجة الاولى....منهم اهل السِنة والبتاعة.....ما يجيني واحد يقول لي انت قاعد.... تسخر من الجماعة...مسطول قاعد يصلي انتهو من الصلاة....قاللو ليهو لف البرش حق الصلاة.....قال ديشششششششششششك.. يا شيخنا دي دايرة ليها قُفتين سجاير احمر.....لفت نظر برضو.....
لفت نظر لحاجة التومة.....نظرة يا ابوهاشم.......حاجة التومة..... ختمية علي السكين..... شافت احمد الميرغني في التلفزيون.....وما بتعرفو......قالت لي ولدا ....دا منو الشين دا؟.....قال لها يا يمة انتي جنيتي؟؟؟؟؟؟ دا ما سيدك احمد الميرغني...... حاجة التومة اتخلعت وقامت صنقرت في نص العنقريب واتقنعّت في توبا.....وقالت..كدا كُر....اريتا سماحة السرور يا يابا...............حاجة التومة اتقنعّت في توبا ما دايرا تقابل سيدا وراسا كاشف.....
|
Post: #2
Title: Re: لفت نظــر..... للعضــو عادل عبد العاطــي
Author: Kostawi
Date: 09-10-2004, 12:13 PM
Parent: #1
We call upon this administration to dismiss this CG_MAN from this board
He is underestimating our religion
|
Post: #8
Title: Re: لفت نظــر..... للعضــو عادل عبد العاطــي
Author: سجيمان
Date: 09-10-2004, 10:57 PM
Parent: #2
كوستاوي
Quote: We call upon this administration to dismiss this CG_MAN from this board
He is underestimating our religion |
طيب يا اخي اعمل لي لفت نظر باللوال......وبعدين عليك الله رسلو لي بالايميل....عشان ما نملا الصفحة الاولى.....سمح؟
|
Post: #3
Title: Re: لفت نظــر..... للعضــو عادل عبد العاطــي
Author: ناجى الزبير الملك
Date: 09-10-2004, 12:44 PM
Parent: #1
Quote: ...مسطول قاعد يصلي انتهو من الصلاة....قاللو ليهو لف البرش حق الصلاة.....قال ديشششششششششششك.. يا شيخنا دي دايرة ليها قُفتين سجاير احمر.....لفت نظر برضو.....
|
سيجمان ....الكلام دخل الحوش ....
|
Post: #4
Title: Re: لفت نظــر..... للعضــو عادل عبد العاطــي
Author: saif massad ali
Date: 09-10-2004, 12:47 PM
Parent: #3
واحد كان بسطل وقف من اللف , يوم اللمبة ابت تشتغل كويس ابوه قال ليهو اطلع لفها قال ليهو توبنا ماعيزين تريحونا
|
Post: #11
Title: Re: لفت نظــر..... للعضــو عادل عبد العاطــي
Author: سجيمان
Date: 09-11-2004, 10:48 AM
Parent: #4
سيف مساعد
| Quote: قال ليهو توبنا ماعيزين تريحونا |
المتحلم....تبكي الريشة.....
والمتحلم... تسطلو اللمبة
|
Post: #10
Title: Re: لفت نظــر..... للعضــو عادل عبد العاطــي
Author: سجيمان
Date: 09-11-2004, 09:48 AM
Parent: #3
ناجي الملك
| Quote: سيجمان ....الكلام دخل الحوش .... |
بالباب ...ولاّ....جا ناطي ؟
|
Post: #5
Title: Re: لفت نظــر..... للعضــو عادل عبد العاطــي
Author: مريم بنت الحسين
Date: 09-10-2004, 12:54 PM
Parent: #1
| Quote: مسطول قاعد يصلي انتهو من الصلاة....قاللو ليهو لف البرش حق الصلاة.....قال ديشششششششششششك.. يا شيخنا دي دايرة ليها قُفتين سجاير احمر..... |
جميلة
بنت الحسين
|
Post: #6
Title: Re: لفت نظــر..... للعضــو عادل عبد العاطــي
Author: عثمان عووضة
Date: 09-10-2004, 05:51 PM
Parent: #5
لفت نظر للمجنتر قشيران
| Quote: انا اول ما شفتو قايل الشي البياكلوها جوا.....وقعدت افرتق في الورق دا وما لقيت أي شي... اتاريهو البيتاكل الورق زاتو.... |
يا سجيمان انا اتاكدت صحي انك ما نصيح --داير تودي نفسك في ستين داهية مالك اوعى تاني تجيب سيرة المقشور دا --انت ما سمعت بي اللبنانيين اللي بيختوا البتاعة الخدراء في الملفوف و هو زهرة و يباروه لحدي ما راسو يدوش و يكبر و بعدين تصدير بالشاحنات لي عرعر؟؟ كر عليك يا سجيمان ما تستاهل -- لسه سغير وجاهل
|
Post: #7
Title: Re: لفت نظــر..... للعضــو عادل عبد العاطــي
Author: خضر عطا المنان
Date: 09-10-2004, 06:25 PM
Parent: #6
شيخي : سجيمان
يعني أنت بالطريقة دي تكون أول من لفت نظر من يملك حق
لفت نظرالاخرين !!!!!! شكيتك على الله يا سجيمان أن كان تجي
للبلاوي بى كرعيك عديل كدي !!..
بس عندي سؤال ليك يا شيخنا : طيب الماعندو نظر دا يلفتو كيف ؟؟
خضر عطا المنان
|
Post: #9
Title: Re: لفت نظــر..... للعضــو عادل عبد العاطــي
Author: شمهروش
Date: 09-11-2004, 00:21 AM
Parent: #7
سي جي اعمل حسابك
دي مشوف فيها لفت نظر دي فيها اعداااااااااااااام
قال مسطول قاعد يصلي
والادهى وامر
حلوة لكن؟؟؟؟؟؟؟؟
|
Post: #13
Title: Re: لفت نظــر..... للعضــو عادل عبد العاطــي
Author: humida
Date: 09-11-2004, 10:57 AM
Parent: #9
والله يا سجيمان ..
الايام دي قايمة علي شرفة شديدة ..
كل ما القا لي لفت نظر ..
اقول دا لي .. واقعد اتلف ..
الحكاية دي والله ذكرتني ..
عمال البلدية ..
يجو يلمو .. الجركانات بتاعت الموية ..
من الجماعة .. بالنهار ..
ويبيعوها ليهم .. بالعصر ..
وولفيت سااااااااي .. قبل ما يخطفوا باقتك .. !
|
Post: #17
Title: Re: لفت نظــر..... للعضــو عادل عبد العاطــي
Author: سجيمان
Date: 09-12-2004, 05:38 AM
Parent: #13
حميدة
Quote: الحكاية دي والله ذكرتني ..
عمال البلدية ..
يجو يلمو .. الجركانات بتاعت الموية |
تعرف يا حميدة في فترة من فترات عمري المديد ان شاء الله...كنت ببيع الموية في المحطة الاوسطى امدرمان...لكن نحن كان عندنا جرادل الوقت داك....ما جركانات....والجردل لو صفا لك خمسة وعشرين قرش انت ملك..
|
Post: #16
Title: Re: لفت نظــر..... للعضــو عادل عبد العاطــي
Author: سجيمان
Date: 09-12-2004, 00:49 AM
Parent: #9
شمهروش
| Quote: قال مسطول قاعد يصلي |
ويصوم كمان...ان ما عجبكم
|
Post: #15
Title: Re: لفت نظــر..... للعضــو عادل عبد العاطــي
Author: سجيمان
Date: 09-12-2004, 00:32 AM
Parent: #7
خضر عطا المنان
Quote: بس عندي سؤال ليك يا شيخنا : طيب الماعندو نظر دا يلفتو كيف ؟؟
|
يلفتوهو من.... اضانو...ويمسكوهو من لسانو
|
Post: #14
Title: Re: لفت نظــر..... للعضــو عادل عبد العاطــي
Author: سجيمان
Date: 09-11-2004, 02:03 PM
Parent: #6
عثمان عووضة
| Quote: سيرة المقشور دا --انت ما سمعت بي اللبنانيين اللي بيختوا البتاعة الخدراء في الملفوف و هو زهرة و يباروه لحدي ما راسو يدوش و يكبر و بعدين تصدير بالشاحنات لي عرعر؟؟ |
والله علا نضمك دا
انا زاتي مكجنو في بلد الله......من يومي نفسي ابتو.... اتاريها ليها حق
|
Post: #12
Title: Re: لفت نظــر..... للعضــو عادل عبد العاطــي
Author: سجيمان
Date: 09-11-2004, 10:56 AM
Parent: #5
مريم بنت الحسين عضو مجلس الادارة الموقر
انتي الاجمل
صورة البنية ام جضيمات ديك وينا؟......
|
Post: #18
Title: Re: لفت نظــر..... للعضــو عادل عبد العاطــي
Author: شمهروش
Date: 09-12-2004, 05:49 AM
Parent: #12
تعرف ياسيجي ,,,,,
كل المسطول مايكون تقي وبتاع صلاه وصياااام بتكون روحو شفافة وموهوب في فن اللف
ياااااااااااااااا اخوي انا روحي دي كاااااااااارة ورقبتي لفيت لفيت (التقول ماشه ليها علة لفته من عدوووووولة)
عدولة دي في الائحة في ياربي
ولا خلااااااس ضعتا,,,,,,,,,,
|
Post: #19
Title: Re: لفت نظــر..... للعضــو عادل عبد العاطــي
Author: Sidig Rahama Elnour
Date: 09-12-2004, 05:56 AM
Parent: #12
سجيمان
أزيك يا سجيمان
في غنية بتقول
الزول أب عيون كحيلة - جاء فايت من هنا
لفتات ، نظرك ، تحكي لي أنا
وفنان الحقيبة قال : صرف النظر عني
أه عادل يلفت وبكري يصرف (رايك شنو ؟) انا دوبي الغنا ده وقع لي
|
Post: #20
Title: Re: لفت نظــر..... للعضــو عادل عبد العاطــي
Author: سجيمان
Date: 09-12-2004, 08:35 AM
Parent: #19
صديق رحمة النور
| Quote: أه عادل يلفت وبكري يصرف (رايك شنو ؟) |
انا ما عندي مانع
علا شاورهم باللوال
|
Post: #21
Title: Re: لفت نظــر..... للعضــو عادل عبد العاطــي
Author: ود الشيخ
Date: 09-12-2004, 10:49 AM
Parent: #1
يا سي جي
كلامك ده بس الاغنية
جنا العبادي زادني هوي
ويعاين ويتلفت لي
تقول اطير اختفو حدي
ناس قصر النظر دبل بسيطة يلفتوهم
لكن ناس بعد النظر ديل يفنوهم بنبلة
|
Post: #22
Title: Re: لفت نظــر..... للعضــو عادل عبد العاطــي
Author: سجيمان
Date: 09-13-2004, 00:41 AM
ود الشيخ
| Quote: لكن ناس بعد النظر ديل يفنوهم بنبلة |
ديل ناس نحن
|
Post: #23
Title: Re: لفت نظــر..... للعضــو عادل عبد العاطــي
Author: خضر عطا المنان
Date: 09-13-2004, 07:28 AM
Parent: #22
سجبمان :
برضو تقول لي ما بتعرف الزرقاوي ؟؟؟؟؟؟؟.
القاعد تسوي فيهو دا ما ياهو شغل الجماعة ديل ذاتن ّ**&*
خضر عطا المنان
|
Post: #24
Title: Re: لفت نظــر..... للعضــو عادل عبد العاطــي
Author: سجيمان
Date: 09-13-2004, 11:07 AM
Parent: #23
خضر عطا المنان
| Quote: القاعد تسوي فيهو دا ما ياهو شغل الجماعة ديل ذاتن ّ**&* |
عشان قلت يلفتوهو من اضانو ..ومن لسانو؟...
خلاص يا خضر
يلفتوهو من الحتة التحددا المحكمة.....وقت القصة دايرا تجيب لي تهم
|
|