Post: #1
Title: انــور كيـــنغ...لا داير يعــرس ولا حــاجة
Author: سجيمان
Date: 09-16-2004, 03:04 AM
Parent: #0
غشانا.... انا وفوفو..... ترجع لنا صور البت....حسي البت عندها نفسيات..مابيه الرضاعة ليها اسبوع...وخاترا مكسور...وتهضرب وتقول كينغ فو... كينغ فو..... اها حسي نسوي عليها كيفن؟؟؟؟؟؟ الراجل بيمسكوهو من لسانو.....وبعدين تعال شيل موقعك الجيبتو لنا في فتح الخشم داك.....موقعك زاتو شين...وكعب ومعفص ولون ما سمح....وبعدين نحن الوقت كلو.... نقول دا انور داير عروس... ما بتقوم فنترب وما بتقعد اوردلوب....ومن اليوم داك فوفو بقت تقوم براااااحة ..وتقعد براااحة...من سمعت بي ختوبتك دي... بقت لما تجي تقوم تنط من السرير...ولما تقعد..تقول فاكنها بي نبلة...كية فيك وفيني انا القاعد الوقت كلو ادرب فيها.... لكن انا حدستها...قلت لها... الزول دا من لبد كدي يكون ناوي علي شي.....وهي الغبيانة قايلاك لابد فوق راي داير تلملم هدوم العرس وتجي.....اها.. ان ما سوينا لك كادوك لومني....كادوكن يخلك تهضرب...ليل نهار....وان عرست ماتعرف كوعك من بوعك....وشوف لما تضهب من كوعك يحصل لك شنو؟...تجي تكوع ما تعرف تكوع كيفن علا تسعل لك زول تقولو يا جانا الزول بي يكوع كيفن؟.....ولاّّ كان جيت تبوع ما تعرف تبوع كيفن؟....
وبعدين خلي بالك....نحن بنتنا ما بنديها راجل مرا.....كان بقى شنو وشنو داك....عشان ما تجي تقول خلاس بدبل بها....فوفو قالت لك
ابشرا ابشرا.. يا اشاعة
انور علقني في الشماعة
انا مالي....... ومال الهوي
انور غشاني وفكاني عكس الهوا
|
Post: #2
Title: Re: انــور كيـــنغ...لا داير يعــرس ولا حــاجة
Author: dreams
Date: 09-16-2004, 04:03 AM
Parent: #1
امس رودا والليلة فوفو
اتلومت يا كينغ فو
|
Post: #8
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-16-2004, 08:43 AM
Parent: #2
دريمز
| Quote: امس رودا والليلة فوفو |
اهاااااااااااا...... ايتيمنت بنتي ما بيعرسوها فوق رودا.....كل يوم تصبحا بي دقا وتمسيها بي دقة
|
Post: #3
Title: Re: انــور كيـــنغ...لا داير يعــرس ولا حــاجة
Author: المكاشفي الخضر الطاهر
Date: 09-16-2004, 04:54 AM
Parent: #1
يا دكتور عادل : انت الزول دا حقو تسترو وما فى داعي للفضائح
ولا شنو ؟
|
Post: #9
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-16-2004, 10:16 AM
Parent: #3
| Quote: انت الزول دا حقو تسترو |
استرو؟
والله انت راجل عديل خلاس يا شيخنا
|
Post: #4
Title: Re: انــور كيـــنغ...لا داير يعــرس ولا حــاجة
Author: Raja
Date: 09-16-2004, 05:50 AM
Parent: #1
سيجمان..
| Quote: وبعدين تعال شيل موقعك الجيبتو لنا في فتح الخشم داك.....موقعك زاتو شين...وكعب ومعفص ولون ما سمح.... |
غايتو يا سيجيمان يتشبك فيك العدو..
قلبي مع الآنسة فوفو.. قول ليها ولا يهمك.. بكرة نخطب ليك الأخطر منو.. لو دايرة تعرف خليها ترسل لي في الايميل.. لووووووووووووووووووول
|
Post: #10
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-16-2004, 11:07 AM
Parent: #4
رجوية
| Quote: لو دايرة تعرف خليها ترسل لي في الايميل.. |
ايميلك دحين مو مهكور؟
|
Post: #19
Title: Re: انــور كيـــنغ...لا داير يعــرس ولا حــاجة
Author: Raja
Date: 09-17-2004, 08:03 AM
Parent: #10
| Quote: ايميلك دحين مو مهكور؟ |
 ..
|
Post: #5
Title: Re: انــور كيـــنغ...لا داير يعــرس ولا حــاجة
Author: Dr.Abbas Mustafa
Date: 09-16-2004, 06:04 AM
Parent: #1
انور يخطب سيبرونيا وبادوات سيبرونية . وسي جي يزوج فلذة كبده بهدية سيبرونية ..
منذ زمن طويل لم اضحك مثلما ضحكت !!
كلما ضاق هذا المنبر ببعض اهله ,, ها هو العظيم سي جي يفتح نافذة للبسمة البريئة الصافية ..
تحياتي
|
Post: #6
Title: Re: انــور كيـــنغ...لا داير يعــرس ولا حــاجة
Author: saif massad ali
Date: 09-16-2004, 07:23 AM
Parent: #5
كدي ياسجيمان انت كمان بايعني انا , خاطب لي بتك وبايعني لي انور كنج ,شفته كجوري قوي كيف والله ده اكعب من الجابنو من سنار , مافي زول يجي حائم عليها وكان جاها يقولشينه وعايزها شيل شيلتك , انت حاسب الشغلة لعب , درب معوج تدخل ما تعلاف تطلع , ولو سمعتك جبته اسم فلانة دي تاني السكين بره , وبتمشي في داهيه
|
Post: #17
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-17-2004, 03:21 AM
Parent: #6
سيف مساعد
| Quote: كدي ياسجيمان انت كمان بايعني انا |
يا اخوي نحن خلاص تاني...ناس النت ديل خاتينا لهم القدرهم..... علا زول جنبنا عشان نربطو من اضانو...... ما نفكو الا في الكوشة
|
Post: #12
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-16-2004, 02:12 PM
Parent: #5
دكتور عباس مصطفى
لك الشكر اجزله....لمرورك الكريم
|
Post: #7
Title: Re: انــور كيـــنغ...لا داير يعــرس ولا حــاجة
Author: Abdalla mohamed
Date: 09-16-2004, 07:46 AM
Parent: #1
ياخوى سيجمان البركة فيك وفى فوفو
والحمدلله النفدت بى جلدك وفوفو كمان
بعدين ناس قندتو ديل لأ بمشى فيهم
كجور ولا كادوق شوف ليك حاجة غيرهم
وكان غلبت ارجع لى.
اخوك عبداللة
|
Post: #11
Title: Re: انــور كيـــنغ...لا داير يعــرس ولا حــاجة
Author: ناجى الزبير الملك
Date: 09-16-2004, 01:03 PM
Parent: #7
Quote: ابشرا ابشرا.. يا اشاعة
انور علقني في الشماعة
|
والليلة يا انور
....
ده عمليه تعملها يا أنور ..... ما بالغت ....:
وسيجمان انت بتك دى .....ما بالغت معاها زاتو ....
سبحان الله الملوك ما راقدين...انتو بس الما شايفين 
|
Post: #21
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-17-2004, 10:48 AM
Parent: #11
الملك ناجي
| Quote: سبحان الله الملوك ما راقدين...انتو بس الما شايفين |
انت نديك بت خالتا..... التمبوشة
|
Post: #14
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-16-2004, 09:05 PM
Parent: #7
| Quote: بعدين ناس قندتو ديل لأ بمشى فيهم |
عبد الله حبابك...وشكلك سنقاوى تقول يا غربتى يا اخوى...
تنقز فى البوستات دى كدا...لما تفرتق الحفلة ...
لك الودّ
أنور
|
Post: #20
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-17-2004, 08:15 AM
Parent: #7
عبد الله محمد
Quote: بعدين ناس قندتو ديل لأ بمشى فيهم
كجور ولا كادوق |
بيمشي فيهم.... لانو الفكي زاتو عارفهم كويس.... الفكي من ناس البسابير
|
Post: #13
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-16-2004, 09:03 PM
Parent: #1
والله صحى...
التور ان خطب....كترن سكاكينو.... ...
سجيمان...انا الخايف منها بالجد...نونة...بت ممكونة...
زى ما قلت ليها قبل كدا...الزولة دى الخلطة السحرية من كنتاكى...
الله يكون فى العون....ويتتم لينا على خير...
ما يكون بوستك دا محاولة للالتفاف على موضوع التذاكر الحلفت الى تكون عليك...
بالنسبة لموقعك الجميل جداً... ذكرتنى اهلنا السودانيين والله...
تجيب ليهم صور من بلدهم السودان فيها ان شاء الله ربطة ملاح خضرة يقعدوا مبسوطين ويشكروا بلدنا! لكن ما بيقعدوا فيها ابداً...
انت أهجس فى بيتك شوية عشان تشوف الستائر الجميلة الهناك دى..
وبالنسبة لفوفو... انا عندى ليها عريس ملك والله...وكدى عاين فوق شوية 
لك الحب وانت تدخل الابتسامة الى قلوب (الدكاترة) الابو يكشفوا عليييا...
أنور... وس......
|
Post: #15
Title: Re: انــور كيـــنغ...لا داير يعــرس ولا حــاجة
Author: soma
Date: 09-16-2004, 10:05 PM
Parent: #13
لووووووووووووووووووووووول سجيمان ..
مبالغه طبعا اى بوست ليك ..لكن ما فى زول قدر على انور كنق الا انت ..
انور الوداك تتصلبط فى بت سجيمان شنو ؟ انت نسيت انه قبل كده قال بته دى بتجتر؟؟ ..
تقوم تجتر ونستكم سوا وتوديها لى امها وابوها .. يجوك نص الليل يهجموا عليك يخلوك تكلم روحك .. بعدين يا سجيمان بتك البتجتر دى بتذكرنى الكتابه بالاختزال لوووووول .. تنفع تكون صحفيه .. تبارى ليك المشاهير فى اى لقاء صحفى .. بالزات الرؤساء .. عشان كده انسا لى انور كنق ده .. وخليك فى اجترار بتك .. لانه عندها موهبه نادره جدا ..بى موهبتها دى امكن تجيب ليك عريس امير ..
ودعتكم الله
|
Post: #16
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-16-2004, 10:18 PM
Parent: #15
والله يا سوما ذكرتينى ببت سجيمان دى...
واحد سواق بتاع شاحنة فى بورتسودان... بيحكى لى عن بتو...قال لى البت دى والله تفرتق حفلة...عمرها 10 سنين...وما بتلعب مع البنات أصلو...لعبه كلو مع الاولاد...ومنجداهم نجاد...
فى نص كلامو كدا...قال لى انا دايرك تسوق بتى دى معاك الصين..قلت ليهو انا فى كوريا...قال لى المهم دايرا تتعلم كراتى...
قلت ليهو فى كوريا فى التاك كوندوا ما كارتى...
قال لى المهم يا زول تكون زولا بتاعت شنكبة أصلية كدا...
قمت سألته لييه يعنى؟؟؟
قال لى انا داير أربط بيها فى الشارع بعد دا...البت عندها مستقبل والله!!!
سجيمان..ايها الرباطى...بنجيب ليك عريس دوكتور...شن قولك؟؟؟
أنور
|
Post: #39
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-18-2004, 01:23 AM
Parent: #15
سوما
| Quote: انت نسيت انه قبل كده قال بته دى بتجتر؟؟ .. |
عشان كدا هو كان عاوزا....عشان يوفر......وتعلمو الاجترار
حلة الملاح تقعد معاهم شهر.....
|
Post: #27
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-17-2004, 02:56 PM
Parent: #13
انور
| Quote: ما يكون بوستك دا محاولة للالتفاف على موضوع التذاكر الحلفت الى تكون عليك... |
التظاكر..... المن الخرطوم لي قندتو دي؟..... اها علي وكمان اربعة مرات مو مرة واحدة.....هيــــــــــــــــــــــــــــع
|
Post: #33
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 07:52 PM
على قولك يا سجيمان...
هههههههههههههههههههههههههههههههههه...
يازول انت بى صحك...
دحين الموقع الما عاجبك دا...كان فى قندتو ولا الخرطوم...عشان التظاكر تكون من هناك لى هناك...
انا غايتو ما داير تظاكر ما فيها ختم الخدمة (الوطنية) والزكاة...
أنور
|
Post: #18
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 06:46 AM
Parent: #1
http://cgman.org/forum/viewtopic.php?t=997&sid=c2d18e56...d2bbba818779a5e96199
سجيمان...
شايف الموضوع أخد طابع دولي... وفى مداولات الامم المتحدة الآن...
المانيا لديها أطماع لنفوذ فى أفريقيا التى لم يكن لديها فى الماضى...
فرنسا- حتى فرنسا- مضغوطة من المجتمع المدنى...
أمريكا... وكفى... يعنى الله يستر بس...
أنور
|
Post: #22
Title: Re: انــور كيـــنغ...لا داير يعــرس ولا حــاجة
Author: saif massad ali
Date: 09-17-2004, 11:05 AM
Parent: #18
هوي يا انور انت عايز مشاكل ولي شنو انا لي مطامع في قندتو , بس نسيت اسماء الناس
يعني بت سجيمان مكوكشه ربنا يعدل خطوتها واعمل حسابك يا انور عندي خطيبة هنا بتعمل لي محكمة
|
Post: #23
Title: Re: انــور كيـــنغ...لا داير يعــرس ولا حــاجة
Author: Abdalla mohamed
Date: 09-17-2004, 11:47 AM
Parent: #1
هيي ياود مساعد حلم الجيعان عيش
وشكلك كدة مشوكش بشواكيش ألمانية
عشان شايف الهضربة بتاعتك بقت كتيرة
ونصيحة ليك ابعد من ناس قندتو ديل
وكان غيرك أشطر ماشايف أخوى سجيمان
قرب يبقى سى جى مانز
ودمتم
|
Post: #24
Title: Re: انــور كيـــنغ...لا داير يعــرس ولا حــاجة
Author: خضر عطا المنان
Date: 09-17-2004, 01:27 PM
Parent: #23
سجيمان :
يعني أنور المسكين كان ما الله داير يشيل حسو ساكت ما كان اتشبك
فيكم.......... لانك يا سجيمان ماك نسيب أبدا .. الا واحدن مقطوع
راس ...
بعدين انت يا أنور ياخوي خلاس البنات كلمن في الدنيا دي ؟؟؟؟؟ز
خضر عطا المنان
|
Post: #25
Title: Re: انــور كيـــنغ...لا داير يعــرس ولا حــاجة
Author: ناجى الزبير الملك
Date: 09-17-2004, 02:13 PM
Parent: #24
سى جى مان
داير تدينى منو ....بت خالتا منو ....... داير تطفشنى .....
اها أنا ما داير زاتو ....
|
Post: #26
Title: Re: انــور كيـــنغ...لا داير يعــرس ولا حــاجة
Author: خضر عطا المنان
Date: 09-17-2004, 02:20 PM
Parent: #25
ود الزبير الملك :
يا زول انت ماك نصيح اللا شنو؟؟؟؟؟؟؟ .
غايتو دا أحسن قرار اتخذتو في حياتك ...
في عاقل في الدنيا دي يناسب ناس قشيران ديل ؟؟؟؟؟؟؟.
أبعد من الشر وأرقصلو كمان مش تغنيلو بس .......
خضر
|
Post: #28
Title: Re: انــور كيـــنغ...لا داير يعــرس ولا حــاجة
Author: Dr. Moiz Bakhiet
Date: 09-17-2004, 03:39 PM
Parent: #26
يا سجيمان،
قول لي أنور يحول الموقع الماعاجبك دة لي وأنا مستعد أزوجو ملكة جمال السويد. أها إيه رأيك في الكلام دة؟
|
Post: #31
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 07:25 PM
Parent: #28
العزيز د.معز بخيت...
أبشر بالخير طوالي... وسيبك من دكتور سجيمان دا...
انت تستاهل مواقع موش واحد بس...
واحد للشاعر.. وواحد للعالم... ومن قبل واحد للإنسان..
على فكرة..تابعت حديث لك فى الاذاعة السودانية حول عدة مواضيع منها نقد ما يقدم فى الفضائيات... وجد أعجبنى رأيك الواضح والصريح... وياها دى المحرية فيك...
لكن ما قلت فى اللقاء أى حاجة عن مواقعنا المسكينة دى...
عشان كدا...نشتت ليك سكر ونقول ليك مرحبا بك فى عالم الدوت كوم...
اها رأيك شنو؟؟؟
أنور
|
Post: #41
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-18-2004, 04:28 AM
Parent: #28
د.معز
| Quote: قول لي أنور يحول الموقع الماعاجبك دة لي وأنا مستعد أزوجو ملكة جمال السويد. أها إيه رأيك في الكلام دة؟ |
غايتو يا دكتور...طيرتو من فوفو لي يوم الدين
|
Post: #32
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 07:49 PM
Parent: #24
عليك الله اسألنى يا خضر...
سجيمان رابط بفوفو... انت ما عارف شئ ساكت...
وناجى الزبير احسن ليك شوف شباشبك ويين و قوم صوف...
أنور
|
Post: #40
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-18-2004, 01:55 AM
Parent: #24
خضر عطا المنان
| Quote: بعدين انت يا أنور ياخوي خلاس البنات كلمن في الدنيا دي ؟؟؟؟؟ز |
انور بخيت....ولاّ.... سعيد؟...عشان يعرس فوفو؟...دي بت مواصافاتا مواصافات عولمة...علي اليمن عندها هارد دسك تمانين قيقا....ورام خمسمائة واتناشر.....ولسان هاي فاي...
|
Post: #29
Title: Re: انــور كيـــنغ...لا داير يعــرس ولا حــاجة
Author: محمد الامين احمد
Date: 09-17-2004, 04:24 PM
Parent: #1
Quote:
وبعدين تعال شيل موقعك الجيبتو لنا في فتح الخشم داك.....موقعك زاتو شين...وكعب ومعفص ولون ما سمح
|
لوووووووول ، بس دى زى نكته المراه النقناقة لن ما لقت حاجة كعبة فى الشيلة قالت التياب ضيقة !!!
لكن برضو نقول
فوفو بت سجيمان الابيه،زهرة يــانعة لماحـــه و ذكيــــة
آآ سجيمان..
فوفو دى مــــا دايره لها اب شرا، و لا اب سبحة فضيــــة
دى ست الحســـن،ادب الملــــوك، عاقلــــة رضيـــة
الكمــــال لله نعم، بس ورونى شن ممكن يكون منقص فيـــا
فوفو دى عريسهـــــا ود بلد، لا من google لا يــــاهوو
فتح الخشم بالميـــه ميــــه،ما صفحة نت معفصه و بنيــه
شيلتو........عطور بــــاريس، ساعات سويسريــــــــه
دهب بحريــــــن، تياب كارتييــــه، و الجزم ايطاليـــه
زغاريد اخواتو وراهو،و العديل و الزين بصوت امو تبــــراهو
ابوه يجيك يقدل..يبشر..يـــد فوق كتفك والتانيه ماسكه جناهو
السيرة بالطيارة..من الريــــاض لجدة و تكتح الشرقيـــــة
تنزل مطار الخرطوم..و فى صالة الشخصيات ذوى الاهميـــــة
تشربو الكوكتيل و بــــاقة زهور يدوهــــا ليهــــا هدية
يسكنها الرياض فى فيلا، و فى العمـــــارات الشقة باسمها هى
|
Post: #34
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 07:55 PM
Parent: #29
محمد الأمين..
القصيدة جميلة... ويسهل نقدها...
قول لى كيف؟
قولتا لى كيف...
ما فيها اى حاجة تدل على الموقع!
اديها دوت كوم ولا أورق ولا أى حاجة أون لاين كدا...
لك الودّ
أنور
|
Post: #42
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-18-2004, 08:00 AM
Parent: #29
محمد الامين احمد
القصيدة حلوة....وبيني وبينك فوفو تتستاهلا ..لانها حلوة برضو....انا ما عارف البت دي لو تمت التسعة شهور في بطن امها كان طلعت شنو؟.....
|
Post: #30
Title: Re: انــور كيـــنغ...لا داير يعــرس ولا حــاجة
Author: Roada
Date: 09-17-2004, 04:51 PM
Parent: #1
السيد سجيمان،
طبعا أنا وأنت عندنا مشاكل كتيره وقديمه......
لذا ارجو أرسال تلفون فوفو المباشر ، وأنا وهى قادرين على المدعوا أنو كنغ هذا.
يعنى بالواضح كده لانحتاجك لنحسم (مسائلنا) مع هذا الغشاش كنغ....
وكمان مسمى روحو ملك!
ملك فى القرن الواحد والعشرين ؟ فأن عصر الممالك والسلاطين قد....
بس ادينى تلفون فوفو....
|
Post: #35
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 07:56 PM
Parent: #30
رودا...
والله مشتاقين يا...
أنور (سادة)...
|
Post: #36
Title: Re: انــور كيـــنغ...لا داير يعــرس ولا حــاجة
Author: dreams
Date: 09-17-2004, 09:54 PM
Parent: #35
ما قتو نوبة
|
Post: #37
Title: Re: انــور كيـــنغ...لا داير يعــرس ولا حــاجة
Author: AnwarKing
Date: 09-17-2004, 10:10 PM
Parent: #36
لكن بننسى الرطانة 
أنور وسماح
|
Post: #38
Title: Re: انــور كيـــنغ...لا داير يعــرس ولا حــاجة
Author: Elawad Eltayeb
Date: 09-18-2004, 00:42 AM
Parent: #37
البشوفكن هنا، ما يشوفكن متناقرين بي هناك
|
Post: #43
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-18-2004, 08:12 AM
Parent: #30
السيدة...المكاتلة بي سبب وبدون سبب
رودا
| Quote: طبعا أنا وأنت عندنا مشاكل كتيره وقديمه...... |
انتي لي حسي طارية النضم الليهو سنه دااااااااااك؟
انتي يا يمة....بري بري منك
|
Post: #44
Title: Re: انــور كيـــنغ...لا داير يعــرس ولا حــاجة
Author: لؤى
Date: 09-23-2004, 03:12 AM
Parent: #1
لكن ياسجيمان انت ذاتك بتبالغ ياخى .. أنور ده ماقال عديـــــــــــــل فى مواصفات العروس ، تكون كوريّة ولاّ صينيّة ، انا ماعارفو عاوز يعرّس كان ولاّ عاوز يفتح محل عِدّة !!
تخريمة : أنور حمدالله على السلامة ومبروك الخطوبة .. الله ريّحك من سجيمان وأم الخير .
ـــــــــــــــــــــــــــــــــــــــ
[email protected]
|
Post: #45
Title: Re: انــور كيـــنغ...لا داير يعــرس ولا حــاجة
Author: سجيمان
Date: 09-23-2004, 05:04 AM
Parent: #44
لوئ
| Quote: تكون كوريّة ولاّ صينيّة |
يا زول كورية شنو؟ وصينية شنو؟.... البيعرسا انور يجي يحوم بها في الخرطوم وسط الناس الطوال ديك...............غايتو علا يشيلا في قُفة..
|
|