Post: #1
Title: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 00:28 AM
رجال همباتة...ورجال هنابيك...ورجال دلاليك....ورجال هُبُل..
نسوان...قباحة....ونسوان....لادحة........ونسوان فصاحة.....فصاحة لسان والعقل في السجم
رجال وليدات...ورجال نعجات....ورجال مجهجة ما عارفا وين تخت كراعا.......
ناس.....حرم نضمك صُح....... ياهو زاااااااااتو
ناس.... ابنخرينن مفجخات......... واااااااا حلاتو
وقطع رحط العجوز..... يا شناتو
والعجوز مفدوسة وسط البنيّات والمشارط....قايلا الدنيا راجعه لي ورا.....الحنة والصبغة لي شيب الراس حدهن اسبوع
وا خسارة راجلن قالو ماهو هين......كراع في ود اللحد....والتانية.... تلعب حريّنا....متفرجخ وسط الجُهال...يسو لو
شليل وينو؟
ويقول لهم اكلو الدودو
شليل وين راح
ويقول لهم اكلو التمساح
وشعيّرة بوبت...والرمة والحراس...وريحة الرمة محجّرة الدرب....
الكِبِر بي جهلو........وا شقاوة اهلو.......
البقداوي.... يسوي في الازيار والقُلل.ياها شغلتو واكل عيشو..... علا مسيكين ما بيعرف يفك الخط....
راجل هايف....وراجل خايف.....وراجل شنبو واقف...يبرم فيهو... يهنر....وينتر....
الغبا للشنب..... كان فيهو فايدة كان نفع الكديسة.......حساب المدارس مو حساب.حساب للاكل والشراب... علا حسابك في الدنيا انت الطيش
نسوان لعلاعة....كملت حد الصياعه....ورجال دحوش فلاحتا..تدردّق في الفرناغة
عكاكيز تطاقش.....وكرعين تداقش.. ان بالغلط جبتَ طاري الرضاعة.....ام شطرن صغير دخلت في ضفورا......اتلزمت
واتحزمت بي توبا في نصها وقالت لي تعال.. انت بتكاويني بي عدم البضاعة؟
بنوت البلد.. يلعبن في شد واركب......وهيلبلب....كم في الخط.؟.....مشتهيات الركوب علا الكضب حاميهن......
رجال كلباً هزّ ضنبو وبارا سيدو...وقت شدّ وركب الحمارة
نسوان ..تردح....و رجال تنبح..... ان سااااااكت شافت عدة الطهّارة
سجيمان...مد كرعيك..واتوهط سمح....انت ود اصول
وود الاصول.... اصلو.............. ما بيرضى الحقارة
كوع ...ونوم قفا.....واخلف كراع ... فوق كراع.....
ما تنسى تقرا موضوع..... الهوس الجنسي... في الموقعhttp://www.cgman.org
|
Post: #2
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 00:59 AM
Parent: #1
آه...... نسيت
الموضوع موجه
كلو زول يشوف مقاسو
|
Post: #3
Title: Re: حبيــبي..آه.....وقلبــي..تآه.....من يــوم الطِهــارة
Author: samo
Date: 10-04-2004, 01:01 AM
Parent: #1
محاولة تحليل ذاتى حول "لماذا اشعر بالتعاطف مع سجيمان؟؟"...وليس مع رودا
في هذا البوست ... يتحدثون عنك كما لو كنت اله الكتابة ...
وانك لا تكتب الا متناولا مواضيع وقضايا هامة ..بشكل هزلى ..
لكن ..
وفي هذا البوست الذي نحن بصدده الان ..
لا اري غير خزعبلات ....
هل انا ..ضعيف النظر ..
ام .. لا اقرا بين السطوووور ...
كدى اشرح لينا ..يا دكتوووووووووور.
ككيييييييف ..تهريجك دة .. بيحل قضية .........؟؟
عجبي ..!
|
Post: #5
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 01:05 AM
Parent: #3
| Quote: هل انا ..ضعيف النظر |
لا يا سامو
لكن
الفهم ....قِـسم
|
Post: #10
Title: Re: حبيــبي..آه.....وقلبــي..تآه.....من يــوم الطِهــارة
Author: Munir
Date: 10-04-2004, 01:59 AM
Parent: #5
ما بتتقدر انت يا الفصيح ـ
|
Post: #11
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 04:00 AM
Parent: #10
منير
| Quote: ما بتتقدر انت يا الفصيح ـ |
انت زول كويس
خلاص انت من يوم الليلة صاحبي
ودا الايميل
|
Post: #22
Title: Re: حبيــبي..آه.....وقلبــي..تآه.....من يــوم الطِهــارة
Author: mohamed osman bakry
Date: 10-04-2004, 09:56 AM
Parent: #5
بــعــديــن الــحــداثـــه أصــلـهــا فــهــمـهـا
صــــــعــــــب...
أصــلو سـيـجـو بـعــد هــجـوم الـنــقـاد الـكـبـار
عـلـيــه ...حــول لـلــحــداثــه..
اصــلــهــا نــقـدهــا صـــعـــب
|
Post: #39
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-06-2004, 00:19 AM
Parent: #22
محمد عثمان بكري
| Quote: حــول لـلــحــداثــه.. |
آآآآآي..... ياهو زااااااتو
|
Post: #4
Title: Re: حبيــبي..آه.....وقلبــي..تآه.....من يــوم الطِهــارة
Author: ولياب
Date: 10-04-2004, 01:04 AM
Parent: #1
دكتورنا الظريف سجيمان بن ساجم السجمي
على وزن (مطر ماطر المطيري)
| Quote: ناس.... ابنخرينن مفجخات......... واااااااا حلاتو |
بعد أن تحسست نخرتي وملاحظتي لبعض الفجخات من جراء العطس وتحول الجيوب الأنفية لا يسعني إلا أن أقول لك (أنت عنصري) وكمان أخصائي E.N.T .
أرجوك أن لا تمارس عنصريتك البغيضة .
أرجو أن أن لا تمارس اغتيال الشخصية.
أرجوك خليك في حدودك الشمالية .
أرجوك خلى عندك نوع من الوطنية .
وفي ما يخص (بوست الهوس الجنسي)
الحمد أنا اليوم فطرت بفول قلابة وكنت شايف ######### بس ما طلبتها.
######## يعني بيض بالطماطم .
|
Post: #16
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 07:20 AM
Parent: #4
ولياب
| Quote: وكمان أخصائي E.N.T . |
انا اقصائي
اقصائي مسالك بولية
|
Post: #45
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-06-2004, 08:12 PM
Parent: #4
*
|
Post: #6
Title: Re: حبيــبي..آه.....وقلبــي..تآه.....من يــوم الطِهــارة
Author: abas
Date: 10-04-2004, 01:11 AM
Parent: #1
سيجو صديقي
خفف اللعب شويه يا مان
انت ما قلت حا تغيب ليك كم اسبوع كده الجابك تاني للمناجضه دي شنو تاني
|
Post: #8
Title: Re: حبيــبي..آه.....وقلبــي..تآه.....من يــوم الطِهــارة
Author: humida
Date: 10-04-2004, 01:44 AM
Parent: #6
Quote: سجيمان...مد كرعيك..واتوهط سمح....انت ود اصول
|
|
Post: #19
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 09:16 AM
Parent: #8
حميدة
بالحيل متوهط...وح يعينوني....امين للمنبر....
انتظر المفاجأة
|
Post: #18
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 08:06 AM
Parent: #6
عباس
| Quote: خفف اللعب شويه يا مان |
اخف من كدااااااا؟
|
Post: #7
Title: Re: حبيــبي..آه.....وقلبــي..تآه.....من يــوم الطِهــارة
Author: ahmed haneen
Date: 10-04-2004, 01:42 AM
Parent: #1
سجيمان
لك التحية
تاني رجعت حليمة لي قديمة
ودخان البخور لسع ماراح
مامعني هذا
Quote: بنوت البلد.. يلعبن في شد واركب......وهيلبلب....كم في الخط.؟.....مشتهيات الركوب علا الكضب حاميهن......
رجال كلباً هزّ ضنبو وبارا سيدو...وقت شدّ وركب الحمارة
نسوان ..تردح....و رجال تنبح..... ان سااااااكت شافت عدة الطهّارة |
|
Post: #9
Title: Re: حبيــبي..آه.....وقلبــي..تآه.....من يــوم الطِهــارة
Author: Outcast
Date: 10-04-2004, 01:51 AM
Parent: #7
سجيمان ..
اعتقد انه الاجازة المرضية اللى اخدتها قبل يومين لم تنتهى بعد ....
كده امشى اخد ليك رقدة ...أتلفلف كويس ونوووووم ..و صحصح بعدها ..و فكر كويييييس ...
و ارجع تانى ....
|
Post: #12
Title: Re: حبيــبي..آه.....وقلبــي..تآه.....من يــوم الطِهــارة
Author: شمهروش
Date: 10-04-2004, 04:30 AM
Parent: #9
الطبيب والمحلل النفساني اوت كاست,,,,
تشكر على الراحة المرضية للمريض سيجيمان!!!!!!!!!!!!!!!
واطلب منك تحديد اي نوع من المرض يعاني منه الكاتب سيجيمان
وكم هي فترة الراحة
|
Post: #13
Title: Re: حبيــبي..آه.....وقلبــي..تآه.....من يــوم الطِهــارة
Author: عوض الله الفولانى
Date: 10-04-2004, 04:58 AM
Parent: #12
سيجمـــان
لك التحية و الود
أنت من أى فـــئة من هؤلاء
ناس عايشة,,, ناس دايشة ,,, ناس فى الرواكيب ....
الفولانى
|
Post: #29
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 01:38 AM
Parent: #13
عوض الله الفولاني
حبابك
| Quote: أنت من أى فـــئة من هؤلاء |
انا من الفئة الضالة
|
Post: #28
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 01:02 AM
Parent: #9
اوتكاست
| Quote: اعتقد انه الاجازة المرضية اللى اخدتها قبل يومين لم تنتهى بعد .... |
انتي عارفة يا اوتكاست....انا من يومي عيان....وما اظن اجازة بتنفعني.....
|
Post: #23
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-04-2004, 12:24 PM
Parent: #7
ود حنين
ديل ما مقاسك....كوس مقاسك سمح
|
Post: #14
Title: Re: حبيــبي..آه.....وقلبــي..تآه.....من يــوم الطِهــارة
Author: nasiradin
Date: 10-04-2004, 05:03 AM
Parent: #1
انا لي فتره ما دخلت المنبر و الايام دي بدخل مره مره بس عشان اشوف الحاصل عليك شنو لأنو لاحظت الجماعه قبلو عليك يا دكتور ... شد حيلك و اتحفنا و الله يديك العافية يا سجيمان
خت في بالك ... اذا طعنك انسان من الخلف فهذا يعني انك تسير للأمام
|
Post: #30
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 02:06 AM
Parent: #14
nasiradin
شكرا جزيلا
| Quote: اذا طعنك انسان من الخلف فهذا يعني انك تسير للأمام |
حكمة البوست
|
Post: #15
Title: Re: حبيــبي..آه.....وقلبــي..تآه.....من يــوم الطِهــارة
Author: samo
Date: 10-04-2004, 06:48 AM
Parent: #1
سيجيمان ... قلت لي ..
بالمناسبة يا دكتور .... تعرف البلااالة ...؟؟
اوريك انا ...
لمن يكون في واحد قروشو كتييرة..
ومايقدر يحسبها ..
بقوم بيجيب ليهو واحد يقعدو جنبو ... وهو فاتح خشمو ومادى لسانو برررة ..
صاحبنا المريش الكسلان ..يبل اصابعينو بي لسان البلالة دة .. ويحسب ..
عرفت ..
عليك الله يا سجيمان .. المعلومة دى ...مش مفيدة اكتر من خزعبلاتك البتكتبها في بوستاتك دى ..
|
Post: #17
Title: Re: حبيــبي..آه.....وقلبــي..تآه.....من يــوم الطِهــارة
Author: samo
Date: 10-04-2004, 07:41 AM
Parent: #1
Quote: انا اقصائي
اقصائي مسالك بولية |
ديش ابو الكدس زاتو ...
يا اخوانا شفتو الجدعة كيف ...
الود ما ظريف ودمو خفيف ..
طيب جادعينك ليه انت ؟؟؟
ياخى انت مااافلتة .. دكترة شنو العليك ..والله ناس الهلاهوب ديل احسن ليك ... ولا اقول ليك ..احس ليك ناس تيراب ..سوقم جاااري
ياادي البورد المنيل بستين نيلة ..البيلمنا مع ناس ...لطاف ...وخفاف.. وظراف ..ورقيقين ..وكلهم زوق ..وكلامهم حمش ..بالشكل دة
|
Post: #20
Title: Re: حبيــبي..آه.....وقلبــي..تآه.....من يــوم الطِهــارة
Author: Saifeldin Gibreel
Date: 10-04-2004, 09:36 AM
Parent: #17
Up
|
Post: #21
Title: Re: حبيــبي..آه.....وقلبــي..تآه.....من يــوم الطِهــارة
Author: Saifeldin Gibreel
Date: 10-04-2004, 09:39 AM
Parent: #20
| Quote: والبيض بالطماطم هنا قاعدين يقولو لو "شكشوكة" عديل كدا. "والله وحات الله وان شاء الله ما اقوم من قعدتي دي قاعدين يقولو ليها كدي".... |
|
Post: #24
Title: Re: حبيــبي..آه.....وقلبــي..تآه.....من يــوم الطِهــارة
Author: خضر عطا المنان
Date: 10-04-2004, 12:31 PM
Parent: #21
[ سجيمان...مد كرعيك..واتوهط سمح....انت ود اصول
]
ود الأصول دا الجابو هناك وسط العكة دي شنو ؟؟؟؟؟
خضر عطا المنان
|
Post: #32
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 03:34 AM
Parent: #24
خضر عطا المنان
| Quote: ود الأصول دا الجابو هناك وسط العكة دي شنو ؟؟؟؟؟ |
قسمة...... والقدرل يعمي البصر
|
Post: #34
Title: Re: حبيــبي..آه.....وقلبــي..تآه.....من يــوم الطِهــارة
Author: Mohammed Tirab
Date: 10-05-2004, 04:45 AM
Parent: #17
يا samo
ياتو تيراب
حدد..
فًهُمْ كُثر
تيراب
|
Post: #36
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 08:26 AM
Parent: #34
محمد تيراب
Quote: يا samo
ياتو تيراب
حدد..
فًهُمْ كُثر
تيراب |
الزول دا قاصدكم انتو عديييييييييييييييييييييييل..... الحقو بي بوست
ولاّ اقول لك خليهو...... الزويل محرش
|
Post: #25
Title: Re: حبيــبي..آه.....وقلبــي..تآه.....من يــوم الطِهــارة
Author: ABUHUSSEIN
Date: 10-04-2004, 01:07 PM
Parent: #1
سـجيمان حبيب الملايين ســــلام و إحــتـرام
سجيمان كـل بوستاتك بدون أي إستثناء جميلة و كـل كلمة كتبتها جميلة
سيبك من الناس الحايمة في البوستات و ترمي تهمة العنصرية لكل الناس
لـكـن بـصـراحــة بـوسـتك دا إتحرفنت فيه و دخلت فيه كلمات محتاجة لي ترجمة
علشان ما كـل الناس حا تفهم كل الكلمات علشان كـدا حـقـوا تترجم كـل الكلمات لي .......
علشان ناس هناي ديلك إفهموا حاجة و إقدروا إعرفوا الحاصل شنو
ليك كـل الــود و إنت بتكتب كــل كـلـمـة
|
Post: #26
Title: Re: حبيــبي..آه.....وقلبــي..تآه.....من يــوم الطِهــارة
Author: newbie
Date: 10-04-2004, 09:32 PM
Parent: #25
سي جي
في واحد صاحبنا قال لي سجيمان ده ما اديتوهو الخريتة الجديدة!!!
تكون بالغت لو عايز تعرف الناس شايتا على وين
مالك خايف ,,, في ناس (ما ظلاميين) انت قاعد تديهم وقود,,,,ديل اكتر ناس دايرينك تكتب وهم يفسرو
البحاول يبعد الظلاميين والناس التانيين والناس الفي النص والناس الماعندهم نص لأنهم ما جايين على هواه أو قل مقاسه من الكتابة في البورد ,,,, يكون زول ما بيعترف بالآخر (شفت الآخر دي كيف),,, ومافي فرق بينو وبين الناس التانيين
|
Post: #35
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 07:04 AM
Parent: #26
newbie
| Quote: في ناس (ما ظلاميين) انت قاعد تديهم وقود,,,,ديل اكتر ناس دايرينك تكتب وهم يفسرو |
طيب ليه.... العذاب؟... ليه الشقا؟
|
Post: #37
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 10:24 AM
Parent: #25
ابوحسين
| Quote: علشان كـدا حـقـوا تترجم كـل الكلمات لي |
انت وريني اي كلمة صعبة وانا حاترجم
|
Post: #27
Title: Re: حبيــبي..آه.....وقلبــي..تآه.....من يــوم الطِهــارة
Author: alsngaq
Date: 10-04-2004, 11:37 PM
Parent: #1
Quote:
ناس.....حرم نضمك صُح....... ياهو زاااااااااتو
ناس.... ابنخرينن مفجخات......... واااااااا حلاتو |
اها ديل هم الرجال الدلاليك ذاااتم
لكن اقول ليك ولا يهمك يا دك وزي ما قلت
ود الاصول اصلو ما بيرضى الحقارة واعرف كمان انو اصلو ما بتحقر
وخاصة من رجال دلاليك ونسوان زي الوصفتهم ديل
اتكوع ونوم قفاواخلف كراع فوق كراع وبمزاج كمان
|
Post: #31
Title: Re: حبيــبي..آه.....وقلبــي..تآه.....من يــوم الطِهــارة
Author: Ali Alhalawi
Date: 10-05-2004, 03:11 AM
Parent: #27
رجال همباتة
ورجال هنابيك
ورجال دلاليك
ورجال هُبُل
رجال وليدات
ورجال نعجات
ورجال مجهجة ما عارفا وين تخت كراعا
راجل هايف
وراجل خايف
وراجل شنبو واقف
رجال كلباً هزّ ضنبو وبارا سيدو
لكن يا سجيمان ما حيرتنا .. هسع وسط الزحمة دى الواحد يلاقى مقاسو كيف .. الجاهز ما بنفع معانا .. ما عندكم تفصيل
|
Post: #40
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-06-2004, 04:10 AM
Parent: #31
علي الحلاوي
| Quote: .. هسع وسط الزحمة دى الواحد يلاقى مقاسو كيف |
الدكان الجنبنا.... فيهو"المرحوم قدرك"....اكيدن ثم اكيدن تلاقي مقاسك
|
Post: #38
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-05-2004, 07:55 PM
Parent: #27
السنجك
Quote: اتكوع ونوم قفاواخلف كراع فوق كراع وبمزاج كمان
|
وانا كذلك
|
Post: #33
Title: Re: حبيــبي..آه.....وقلبــي..تآه.....من يــوم الطِهــارة
Author: aosman
Date: 10-05-2004, 04:06 AM
Parent: #1
سجيمان ده من النعجات ان مرة سمع اداني ده قاعد يقول وااااااع
|
Post: #41
Title: Re: حبيــبي..آه.....وقلبــي..تآه.....من يــوم الطِهــارة
Author: Abdel Aati
Date: 10-06-2004, 04:37 AM
Parent: #33
سجيمان المرمد والمسجم - زي حالتنا -
يا اخي ما قالوا ليك روق الجاز ...
تخريمة:
قرات بوست الهوس الجنسي؛ يعني عشاننقرا الا نطلع من بورد ونطدخل في بورد؛ ولا دي لزوم الدعاية وكده؟
عادل
|
Post: #42
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-06-2004, 07:50 AM
Parent: #33
aosman
| Quote: سجيمان ده من النعجات ان مرة سمع اداني ده قاعد يقول وااااااع |
ولي حسي قاعد اقول.....اها اسمع
وااااااااااااااااااااع
|
Post: #43
Title: Re: حبيــبي..آه.....وقلبــي..تآه.....من يــوم الطِهــارة
Author: حبيب نورة
Date: 10-06-2004, 08:09 AM
Parent: #42
دة كلام شنو هسة!
حبيبي بار عريسو طار لي بلد النصاري
|
Post: #44
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-06-2004, 10:29 AM
Parent: #43
حبيب نورة
| Quote: حبيبي بار عريسو طار لي بلد النصاري |
دي بيغنيها منو؟؟؟؟؟؟؟
صاحبك كبشور؟
|
Post: #46
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-10-2004, 08:41 PM
Parent: #44
ود الشيخ
هااااااااااااك
|
Post: #47
Title: Re: حبيــبي..آه.....وقلبــي..تآه.....من يــوم الطِهــارة
Author: ود الشيخ
Date: 10-10-2004, 09:33 PM
Parent: #1
موبالغة يا سي جي وحرم صدقني بوستيك
ناقصو بس جماعة كده وأنا المديدة حرقتني
ناس انبرشت وناس انكمشت عشان تتمد
وناس محروقه وناس مكلومه دايرة الرد
وناس بتدندن وناس بتنقنق وبتمرض جد
أها الكلام ده بين السطور فيه مقاسات
|
Post: #48
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-11-2004, 00:27 AM
Parent: #47
ود الشيخ
Quote: وناس محروقه وناس مكلومه دايرة الرد
|
آآآآآآآآآآآآآآآآآآآآآآآآح
|
Post: #49
Title: Re: حبيــبي..آه.....وقلبــي..تآه.....من يــوم الطِهــارة
Author: abas
Date: 10-11-2004, 00:50 AM
Parent: #1
حكمة البوست
سجومي
دي بالغت فيها لكن
|
Post: #50
Title: Re: حبيــبي..آه.....وقلبــي..تآه.....من يــوم الطِهــارة
Author: Badreldin
Date: 10-11-2004, 05:14 AM
Parent: #49
سجيمان رجل مسكون بالابداع
ياجماعة خليكم موضوعيين وخليكم من المديدة حرقتني اضحكوا الضحك يطيل العمر ويفرق الاحزان
|
Post: #52
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-11-2004, 10:11 AM
Parent: #50
بدر الدين
| Quote: ياجماعة خليكم موضوعيين وخليكم من المديدة حرقتني |
دا كلام...... صح مئة المئة
|
Post: #51
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-11-2004, 08:10 AM
Parent: #49
|
Post: #53
Title: Re: حبيــبي..آه.....وقلبــي..تآه.....من يــوم الطِهــارة
Author: صديق الموج
Date: 10-11-2004, 10:37 AM
Parent: #1
صاحبى البوم سجيمان يا حليلك...شايف الجماعة اشولبوك وانا سوف اساعدهم بنشر صورتك
البتنزل فى جريدة الاضواء...يا جبان تبخل علينا وتديها لى ناس الاضواء
تدفع كم ....والا انفذ؟؟؟؟؟؟؟؟؟؟؟
رقم جوالى بالسودان 00249912967467...الرجاء الاتصال يمكن القى ليك اخبار سارة،،،
|
Post: #54
Title: Re: حبيــبي..آه.....وقلبــي..تآه.....من يــوم الطِهــارة
Author: سجيمان
Date: 10-11-2004, 08:03 PM
Parent: #53
صديق الموج
يا حلو
ازيك
|
|