Post: #1
Title: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-23-2004, 12:53 PM
مشيت باركت ليهو العرس...... بالرغم من انو مرتو القديمة حالفة أي زول يجي يبارك تشيلو للصالح العام.....لكن انا عارف وضعي عندها واني مشيول للصالح العام من زماااانك مكجنانني وقال نضام وشليّق..... عثمان جاري راجل كبير شوية...... مرتو شغالة حنانة وعندو بنتين كبار شغالات.... لملم القريشات وقالهن ماشي....اشتري لكم بيت.....مشي عرس ......وجا وقال لهم والله لقيت البيوت غالية خلاص والقروش ما بتتم....وقلت ما اجيكم ساكت ايد ورا وايد قدام عرست وجيت...المرا فارشة عديل كدي.....والبنيات متمحنات ما عارفات يسون شنو..؟؟؟.... انا وداني الشمار.... وراني صورة العروس..... ووراني صورة اختا الاصغر منها....واخواتا اتنين اكبر منها والاتنين معرسنهن فوق نسوان.....قال لي والله يا سجيمان اختا الاصغر منها دي..... مقاسك كركرب.........خالاني في اضاني..... قال لي والله يا سجيمان انا كنت مدفون مدفون مع المرية دي... يقصد القديمة صاحبة راس المال....
مرقت منو....ماشي بي كرعي.. وعاضي طرف عمتي في خشمي.....ونضمو تب وقع لي.....لكن القروش من وين؟؟؟؟..... وام الخير ما شغالة؟......... قعدت فوق عتبة الباب..... وافكر..... حسي الزول انا داير يعرس...اتظكرت انو ام الخير الايام دي جنها تشترك في المسابقات....ان شاء الله يا ام الخير تربحي....وانا اشيل القريشات بي صمتن امشي اشتري لك قطعة واطا في الفكي هاشم ولاّ في دارمالي... قطعا ما بقى ما عندي زمة زي عثمان و قدر البيفضل اعرس بو.....اها اتلومت فيكي؟......انتي انا ماني لايمك ماكي مقصر في ابدا... علا لايم ابوكي......ابوكي الما بيحمد ربو دا....... السنة ديك وقت جبت ليهو عراقي .... شايل حالي ولقيتو يقطع فيني في برش الصلاة....وقال للجماعة انا نسيب جن..وما عندي فايدة.......وجبت ليهو عراقي مفتوق...في اباطو....ووحات الله لا مفتوق لا شي. ابوكي بهتني ساكت... علا ابوكي ساعتين ماعارف يدخل راسو في العراقي.... مدخل راسو في ايد العراقي ودايرو يمرق بي غادي....علا جات امك عدلتو ليهو... انتو قايلني انا ماعارف ؟............
دخلت جوا البيت وانا امني النفس بانو ام الخير تكسب في المسابقات ...........وانا اشيل القريشات..واقع باب شريف واشتري الشيلة......وامشي اعرس اخت مرة عثمان الجديدة اختا الصغيرة.....لقيت ورق المسابقات مقطع ومرمي في سبت الوسخ.......كوركت لي ام الخير قلت لها الورق دا قطعوهو الشفع ولاّ شنو؟.... قالت لا لا يا اخوي قطعتو انا دي...... يا اخوي المسابقات طايرا في بلد الله..والقروش تطير وراها... عليك الرسول يا سجيمان القروش نسوي بن شنو؟.......بلا يلومننا في بعضنا.......وبعدين حسي نحن مستورين الحمد ليك يا الله......
قلت لها يا ام الخير انتي في زول ضرب لك تلفون؟.... قالت ايوا سكينة مرة عثمان... مسيكينة تشكي وتبكي..... عثمان المابيخجل شال قريشاتا ومشى عرس بهن فوقا.....وخلاها تشرب ما تروى..........عليك الرسول شفت الراجل دا حقر بالمرا دي كيفن؟ ... اريت ربي تمغسك كان مغستها......اتيمنت يمنا ما بتكسر عليّ دي كان انا علا افجخ لو راسو بي ايد الفندوك......ودردمت ايدا وقعدت تضرب في التربيزة......ومع كل ضربة انا راسي ما يفضلو علا يتقسم النص..................
|
Post: #2
Title: Re: وا..... سجمِـك...وا رمــادِك.... دايرين يعرســو فوقِـك
Author: mohamed osman bakry
Date: 10-23-2004, 01:15 PM
Parent: #1
انــشــاءالــلــه
بــالـــدس
|
Post: #5
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-23-2004, 10:16 PM
Parent: #2
محمد عثمان بكري
Quote: انــشــاءالــلــه
بــالـــدس |
والقروش من وين؟
|
Post: #3
Title: Re: وا..... سجمِـك...وا رمــادِك.... دايرين يعرســو فوقِـك
Author: brakat
Date: 10-23-2004, 01:24 PM
Parent: #1
الرائع سجيمان
بيني وبينك (نسرين سوركتي) بتستاهل الواحد راسه يتفجخ ليها وله مو كدي آ سجيمان؟
مبارك
|
Post: #4
Title: Re: وا..... سجمِـك...وا رمــادِك.... دايرين يعرســو فوقِـك
Author: saif massad ali
Date: 10-23-2004, 03:13 PM
Parent: #3
يا اخي سي جي
سلام ده عرس شنو العايز ليهو قروش يمن اطلب اجيبها ليك حورية جك من بنات يروب بيضاء تسر الناظرين , يمن تجدع وتتفدع ليك تقول عزال البر , تقولي شنو تقول منو نسوان كرعين ما عندهن كمان بي قروش ده كلام جن, تعال مرة واحدة هنا ان رجعت لي وراء تتضحك علي, والله الجماعة الجو هنا سنة 62 ما رجعوا تاني هيييع
|
Post: #8
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-24-2004, 08:10 AM
Parent: #4
سيف مساعد علي
| Quote: حورية جك من بنات يروب بيضاء تسر الناظرين |
لا... لا ..... يا زول هوي
براي عندي حساسية..وعندي لوّز قاعدة تقوم علي ويستلهبن بلا سبب
|
Post: #7
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-24-2004, 03:43 AM
Parent: #3
بركات
Quote: بيني وبينك (نسرين سوركتي) بتستاهل الواحد راسه يتفجخ ليها وله مو كدي آ سجيمان؟
|
دي تستاهل يفحخو لها قبيلة كاملة.....علا قالو عرست يا اللخو
|
Post: #6
Title: Re: وا..... سجمِـك...وا رمــادِك.... دايرين يعرســو فوقِـك
Author: ود الشيخ
Date: 10-23-2004, 10:30 PM
Parent: #1
| Quote: يروب بيضاء تسر الناظرين , |
يازول اسعلني أنا سجيمان اخوي ده زيِّ كده
بياض ما مهم الريحة كيف بتقدر تطبق بوخة
نأنو شينو ريحة النحاس دي ما بتنقدر لزوم
الطمام يا اللخو باقي القرف عندنا طبيعي
Quote: البوخه بتبقى احلى ، غايتو الواحده كان لون خمري بتطلع من الدخنه دي بلاك ليبل
وكان بيضاء بتطلع جوني وويكر |
لو في وصف كدي سي جي ما عندو مانع انا بقنعو ليك
سي جي
تتذكر المره العامله ما هاميها راجلا يعرس ومتشوبره
قال بتجهز ليهو بي نفسا للعرس بس يومو الماشي قالوا
ليك في كديسة بيضاء راقده في العنقريب المرة خاتفه
ليك الكديسةوجارية وتكورك للراجل هوي ابوفلان عمتك
امسك عمتك نسيتا
|
Post: #9
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-24-2004, 10:49 AM
Parent: #6
ود الشيخ
لحظة قُرادية وبجيك راجع
|
Post: #12
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-25-2004, 04:48 AM
Parent: #6
ود الشيخ
Quote: لو في وصف كدي سي جي ما عندو مانع انا بقنعو ليك
|
ودا وصف في زول بياباهو؟
|
Post: #16
Title: Re: وا..... سجمِـك...وا رمــادِك.... دايرين يعرســو فوقِـك
Author: saif massad ali
Date: 10-26-2004, 05:36 AM
Parent: #6
ود الشيخ انت ان وراك البوخة , يازول عندهم حاجة اسمها الحوض يملو مويه حارة وارياح يا ود الشيخ ما بتبقي دبوره ابو الدنان الكبير , خلني من ثاني اكسيد الكربون ده
|
Post: #17
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-26-2004, 08:09 PM
Parent: #16
سيف مساعد
| Quote: ود الشيخ انت ان وراك البوخة |
ود الشيخ.. سيف دا ما قاعد ينضم معاك يا اخي
|
Post: #10
Title: Re: وا..... سجمِـك...وا رمــادِك.... دايرين يعرســو فوقِـك
Author: mohammed alfadla
Date: 10-24-2004, 10:58 AM
Parent: #1
في شاعر من الغرب قال:
خدرا وطويلة
فريع البان
قايمة من الوطا
كيف الدخان
تقول ما خلكا الله
سووها ألمان
زي دي يا سجيمان،كان أخوها جنجويد ذاتو بطبق بيها...!
|
Post: #13
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-25-2004, 05:00 AM
Parent: #10
الفاضلابي
Quote: خدرا وطويلة
فريع البان
قايمة من الوطا
كيف الدخان
تقول ما خلكا الله
سووها ألمان |
يا اخوي انت داير تطبق بي..مدفع
|
Post: #11
Title: Re: وا..... سجمِـك...وا رمــادِك.... دايرين يعرســو فوقِـك
Author: ودالعباسية
Date: 10-24-2004, 01:22 PM
Parent: #1
.....قال لي والله يا سجيمان اختا الاصغر منها دي..... مقاسك كركرب.....
يازول هوي نحن لسه ما دخلنا دنيا...
كدي خليها لينا علشان ام الخير ما تعمل مشاكل
|
Post: #14
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-25-2004, 10:08 AM
Parent: #11
ود العباسية
Quote: يازول هوي نحن لسه ما دخلنا دنيا...
كدي خليها لينا |
يعني ما عجبتك الا دي؟؟؟؟؟؟؟؟؟؟؟؟....والله جنس مضايقة
|
Post: #15
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-26-2004, 05:14 AM
Parent: #14
قُرادية الختام
|
Post: #18
Title: Re: وا..... سجمِـك...وا رمــادِك.... دايرين يعرســو فوقِـك
Author: قلقو
Date: 10-26-2004, 11:04 PM
Parent: #15
سجيمان..
مسألة القروش ما مشكلة ادخل فى صندوق خته يعنى وآخد انت الصرفة الأولى وبعد داك يام الخير جاك بلا.
اخوك الصرف التانية.
|
Post: #19
Title: Re: وا..... سجمِـك...وا رمــادِك.... دايرين يعرســو فوقِـك
Author: سجيمان
Date: 10-27-2004, 04:54 AM
Parent: #18
قلقو
| Quote: مسألة القروش ما مشكلة ادخل فى صندوق خته يعنى وآخد انت الصرفة الأول |
يا قلقو....العرس ما بيكون حلو...علا تشيل قروش المرا وتعرس فوقا بيهن
|
|