Post: #1
Title: والله الليلة...علا تقـــولو الــروب
Author: سجيمان
Date: 10-25-2004, 06:26 AM
"الشلوخ واثرها في مسيرة الحركة الوطنية السودانية"
للجضوم السودانية تاريخ ناصع في النضال ضد المستعمر.. بما تحمله من شلوخ..ولكن المؤرخين الله يهديهم قد تجاوزوها وتجاوز دورها.....
كان الاستعمار..قد درج على مكافحة كل انواع المقاومة الوطنيةولكن الشعب السوداني بذكائه وفطنته قد استطاع الالتفاف على كل محاولات الاستعمار البغيض...في وقت كانت فيه الصحف ممنوعة والنشرات السياسية ممنوعة...وكذلك لم تعرف ثقافة وادبيات الكتابة علي الحيّط والجدران.....في ذلك الوقت...تفتقت عبقرية الشعب السوداني على ان يستعمل جُضومه..في الكفاح والنضال ضد الاستعمار....واذنابه اولاد الكلب...وانا اتحدى اي حركة تحرير في العالم استعملت جضوم شعبها في المقاومة.....وكانت الشلوخ....
الشلوخ...كانت وسيلة ناجعة وناجحة في مقاومة المستعمر البغيض..مما تشير اليه من اشارات ذات دلالة واضحة علي منهجية وسلوك وطرق المقاومة.......
مثلا هناك شلوخ التحدي والتصدي والتصادم مع المستعمر وهذه تمثلها الشلوخ الواقفة علي حيلا في انفة وكبرياء وتحدي واضح....كشلوخ"المطارق"...وشلوخ "دموع الحمارة"......والتي تكون دائما ثلاثة خطوط طوليه واقفة لمبة
وهناك الشلوخ التي تدل على النهج السلمي والحل السياسي....وهي الشلوخ الراقدة.كشلوخ اهلي الشايقية وجزء من اهلي المناصير....
كذلك ظهرت الشلوخ التي تعبر عن مرحلة معينة من تاريخ النضال.....مثلا الشلوخ التي علي شكل حرف الاتش الانجليزي.....انتشرت وظهرت مع الحرب العالمية التانية....عندما كانت انجلترا تستعمر السودان وتحارب المانيا....ان حرف الاتش في الشلوخ هو الحرف الاول للمستشار الالماني في ذلك الوقت..."هتلر"....وهذه الشلوخ توضح مدى تعاطف السودانين مع الالمان ولبغضهم الشديد للانكليز...وعدو عدوي صديقي.....كانت تمثل مقاومة سليمة وحرب نفسية ومكاواة للباغي الانجليزي....واي سوداني مشلخ اتش في تلك الحقبة من النضال المشلخ...يقابل اي انجليزي ويروح مادي ليهو جضمو ذو الاتش..فيتطرطش الخواجة........
كذلك في فترة متاخرة من الاستعمار الانجليزي...ظهرت الشلوخ الستة....وهي عبارة عن ستة شلوخ مرصوصة بانتظام شديد في فردة الجضم الواحد...كانت تمثل دعوى واضحة وسافرة للكفاح المسلح ضد الاستعمار حيث ان الصفين يمثلان صفين من الجنود او الطابور العسكري.....
اما شلوخ"مُدقاق ود بدر"...... لعمري انها الشيوعية بعينها.....والتي انتشرت في البادية والريف.... لتجنيد المسحوقين من الرعاة والمزارعين...حيث ان المُدقاق يمثل المطرقة من غير منجل.....وما كلمة ودبدر الا للتمويه......
لله درك من شعب عظيم ....عرف كيف يقاوم الاستعمار بي جضومو...
سجيمان جُُضم الفيل
رائد الحركة التصحيحية لمفهوم الشلوخ
المراجع
الشلوخ والادارة الاهلية---- حسن ابو شلاّخ
شلوخ في حياتنا-----------أ.د. عبدو تي
ملحوظة:-
لو ماقلتو الروب...... الموضوع الجاي حيكون" الختان الفرعوني وتداعياته علي اتفاقية مياه النيل"
|
Post: #2
Title: Re: والله الليلة...علا تقـــولو الــروب
Author: bayan
Date: 10-25-2004, 06:53 AM
Parent: #1
| Quote: وهناك الشلوخ التي تدل على النهج السلمي والحل السياسي....وهي الشلوخ الراقدة.كشلوخ اهلي الشايقية وجزء من اهلي المناصير.... |
اخى دكتور سجيمان
اسمح لى ان اختلف معكم فى هذه الجزئية من الطرح.. ان اجتراحك لهذه المعانى والمدلولات الابستمولوجية .. يدل على عدم الفهم للثقافة الشايقية.. التى يمكن منهجيا ان نقسمها الى سطح وغور.. فالشلوخ الافقية او الراقدة كما وصفتها انت تدل على عدم الالتقاء وهذه نظرية قديمة ابتدعها فيثاغورس ولا منو(ما خسانا) ان كل خطين متوازيين لا يلتقيان..فالشلوخ الشايقية تدل على عدم الالتقاء هذا..ولذلك احيلك الى الدراسة القيمة التى كتبتها ابن شلوخ المشلوخ التى نشرت فى الدورية الكاملة التحكيم الشلوخ,, (امانة شلوخك يا ام شلاخ ما شالخات قلبى..) ذكر فيها ان الشايقية يشلخون شلوخ راقدة فقط ليعرف العدو نحنا لابتين ليك يا خينا وراقيدنلك ولذلك اشتهر الشوايقى بالغتاتة واللبتان لا عن خوف بل عن خبث..ولذلك كان الخواجة عندما يتواجه معهم فى الحروب لا يجد بد من االانبراشة حتى يراها فى شكل راسى..
وقد عدد هذا الكاتب الشليق اسباب عديدة لرقاد الشلوخ لم يكن فيها ما ذهبت اليه فى دراستك القيمة انها تدل على النهج السلمى يا رباطابى ياوهم.. اولم تسمع الشايقى بيشاكل ضلو؟؟؟
قلنا نجرب الباسورد حقى الجديد فى بوستك دا 
|
Post: #7
Title: Re: والله الليلة...علا تقـــولو الــروب
Author: سجيمان
Date: 10-25-2004, 09:19 AM
Parent: #2
د.بيان
Quote: اولم تسمع الشايقى بيشاكل ضلو؟؟؟
|
هذه رؤية وجودية... تعبر عن مذهب وجودي شايقي معروف وصاحبه سنجك بول سارتر....
| Quote: قلنا نجرب الباسورد حقى الجديد فى بوستك دا |
مبروك الباسورد الجديد....وتقطعيهو بي شكلة العافية
|
Post: #9
Title: Re: والله الليلة...علا تقـــولو الــروب
Author: bayan
Date: 10-25-2004, 08:11 PM
Parent: #7
دكتور سجيمان يبدو انك قد جنحت مرة اخرى الى الفهم المغلوط للمصطلحات ويبدو ان هذا هو ديدنك الذى تتبعه..ان الوجودية السنجكية تختلف كثيرا عن الوجودية السارترية..
الوجودية السنجكية تجترح مفاهيمية يا نحنا يا تغرق..اذ ان فهمهم للوجد يتمحور فى تمحورهم الذاتى وانانيتهم غير المسبوقة..
فهم مثلا يستخفون جدا بمقولة ان حريتى تنتهى ببداية حرية الآخر
ولكن تجدهم يعضون بالانياب على الاخرين هم الجحيم لازم نفطسهم ونكرهم وننجضهم حيين.. ولذلك يا دكتور يجب مراجعة كتب شايقية رغم انفكم
وكتاب شايقية الما عجبو غلبو.. ستجد الفهم الحقيقى لمعنى الوجودية للسناجك.. ويا فيها يا اطفيها..
ا
المرة دى :الباسورد دا ما ببوظو اصلو فى زول هين كان لقيتو بالهين ولا بالهين.. هل عندك اى اقتراحات؟ 
|
Post: #41
Title: Re: والله الليلة...علا تقـــولو الــروب
Author: سجيمان
Date: 10-28-2004, 09:31 PM
Parent: #9
| Quote: هل عندك اى اقتراحات؟ |
الاديبة الاريبة..... الشِبكة.. الدكتورة بيان.....بما ان المذهب الوجودي السجيماني يقوم على مبدأ "انا اسوطا اذن انا موجود"......نقترح عليكم تبني المذهب....وتسوطيها مع العدو والصليح.....لكي لا يعرف لك مبدأ ولا قانون..وتحيري وتمحني الناس...وتعقد لك الاجتماعات والندوات....وجلسات البال توك...محاولة لتصنيفك....وانا متأكد في النهاية النتيجة حتكون انك زولة ما عندك موضوع زيك وزي سجيمان... ولكنك من الخطورة ببكان....ان تزويدك بسلاح الباسورد جاء بعد وساطات واجتهادات....وتدخلت كل القوى السياسية الاقليمية.....بشرط ان تستعمليها في الاغراض السلمية..والا سوف تكونين عرضة للجنة تفتيش باسورد الدمار الشامل..... يعني اي كلمة تكتبيها سوف تخضع للتدقيق والتمحيص... وعليه نرجو ان تحاولي ان تتعلمي التهكير...ودخول المنبر من ورا حجاب....لكي لا يكون مصيرك باكلمة تحت رحمة من يملكون تكنلوجيا الباسورد.........والله ولي التوفيق
الامضاء
سجيمان خشم الموس
|
Post: #3
Title: Re: والله الليلة...علا تقـــولو الــروب
Author: mulhim
Date: 10-25-2004, 06:54 AM
Parent: #1
الروووووب
|
Post: #4
Title: Re: والله الليلة...علا تقـــولو الــروب
Author: newbie
Date: 10-25-2004, 07:05 AM
Parent: #3
سجيمان
الناس البتشلخوا في جبهتم نقط نقط ,,,ولا انت ثقافتك رباطاب وما جاورهم
يالشوهوك بفصاده ,,, على الخديد السادة
|
Post: #17
Title: Re: والله الليلة...علا تقـــولو الــروب
Author: سجيمان
Date: 10-26-2004, 09:13 AM
Parent: #4
newbie
| Quote: الناس البتشلخوا في جبهتم نقط نقط |
والله كنت داير انضم فيهم.....علا يا اللخو هرشت
|
Post: #8
Title: Re: والله الليلة...علا تقـــولو الــروب
Author: سجيمان
Date: 10-25-2004, 01:59 PM
Parent: #3
ملهم
قول واحد............
|
Post: #5
Title: Re: والله الليلة...علا تقـــولو الــروب
Author: zola123
Date: 10-25-2004, 07:17 AM
Parent: #1
Quote: شلوخ في حياتنا-----------أ.د. عبدو تي
|
|
Post: #6
Title: Re: والله الليلة...علا تقـــولو الــروب
Author: Dr. Moiz Bakhiet
Date: 10-25-2004, 07:48 AM
Parent: #5
يقول الفنان الذري ابراهيم عوض في رائعته الشهيرة:
الشلوخ مطارق
جوز البرتكان
الكان في قلبي حارق..
المفكر والمؤرخ سجيمان شلولخ،
ما هي العلاقة النضالية بين الشلوخ وجوز البرتكان؟
خاصة وأن جوز البرتكان الحارق هذا قد شبه بالمدافع في العديد من أغاني الحقيبة..؟؟!!
|
Post: #10
Title: Re: والله الليلة...علا تقـــولو الــروب
Author: Sobajo
Date: 10-26-2004, 00:14 AM
Parent: #6
ويبيوووووووووي
|
Post: #18
Title: Re: والله الليلة...علا تقـــولو الــروب
Author: سجيمان
Date: 10-26-2004, 10:14 AM
Parent: #10
Sobajo
دي الروب................. بالفرنسي؟
|
Post: #47
Title: Re: والله الليلة...علا تقـــولو الــروب
Author: Sobajo
Date: 10-30-2004, 06:27 AM
Parent: #18
لا و انت الصادق ..
دي بالسوداني و بالمحسي كمان ...
لكن معبرة اكتر ... بالذات لمن يقولوها الحريم ,,,. , و معاها رنة الصوت و بعض الصريخ و العوري و و و و ويبيويووووووووووووووووووووووووووووووووووووووووي يا أهلنا ...
|
Post: #16
Title: Re: والله الليلة...علا تقـــولو الــروب
Author: سجيمان
Date: 10-26-2004, 06:40 AM
Parent: #6
د.معز
| Quote: خاصة وأن جوز البرتكان الحارق هذا قد شبه بالمدافع في العديد من أغاني الحقيبة..؟؟!! |
دابرضو من ثقافة الحرب العالمية التانية.....ما سمعت البعيو قال
زي مدفع الالمان الحرق بولندا
شفت دي مكاواة للانجليز
|
Post: #14
Title: Re: والله الليلة...علا تقـــولو الــروب
Author: سجيمان
Date: 10-26-2004, 04:39 AM
Parent: #5
زولا 123
ضحكت بي ست وجوه.......على وزن الشلوخ الستة
ام شلاخن سته
الرضرضتني
حتة....حتة
|
Post: #11
Title: Re: والله الليلة...علا تقـــولو الــروب
Author: المكاشفي الخضر الطاهر
Date: 10-26-2004, 00:25 AM
Parent: #1
Quote:
"الشلوخ واثرها في مسيرة الحركة الوطنية السودانية" " |
الروووووووووووووووووووووووب
بس عشان نعز حليفتك
لكن الليلة جيت بنهج جديد الفصحة
|
Post: #19
Title: Re: والله الليلة...علا تقـــولو الــروب
Author: سجيمان
Date: 10-26-2004, 01:04 PM
Parent: #11
المكاشفي الخضر
Quote: الروووووووووووووووووووووووب
|
يعتمد روبك
سجيمان
|
Post: #12
Title: Re: والله الليلة...علا تقـــولو الــروب
Author: almulaomar
Date: 10-26-2004, 03:06 AM
Parent: #1
أخي دكتور سجيمان
الشلوخ تشويه عديل كده ، فقد سأل أحد الأسيويين أخونا الهدندوي في دولة من دول المهجر وبلسان أعجمي "ربنا يديك شكل جميله إنت ليه في خرب" فبهت صديقنا الهدندوي ولم يستطيع أن يجيب على هذا السؤال أو يجيب معاهو محامي ليك يا حبيبي وبعد جهد قال مخاطباً صديقه الأسيوي يا أخي مش أنا ديل أهلي الله يسامحهم أمشي أسألهم.
هناك واحده قريبتنا مشلخة شلوخ عميقة جداً لدرجة أنه يخيل لي لو شربت شاي أو أى مشروب حار أو أكلت لقمة كبيرة أو دخنت شيشه أوعزفت ساكسفون أو هارمونيكا جضومها حا تتخرم وتكون محتاجه لي رقعة نار.
أغرب شلوخ رأيتها هي التي تمثل 171 بالعربي طبعاً والحمد لله أن الكثير من الحروف الإنجليزية كانت حروف عله في نظر المشلخين والمشلخات وإلا ماذا يكون رد فعلك إذا رأيت شخص مشلخ small q أو capital W أو F أو Z وفي الأخيرة تحديداً حا يبقى الجضم زي باب بيت ناس علي قريص من الداخل أو شبابيك بيوت قشلاق البوليس.
كنت كثيراً ما أسأل نفسي كيف لأمثال قريبتنا من المشلخين في الأرض أن يستخدموا كريم نيفيا أو 21 ناهيك عن الديانا والفير أند لفلي ويخيل لي في حالتها يجب تقفيل العراميص إبتداء بأى مادة ومن ثم تتمسح . وإذا كانت الشلوخ نوع من أنواع الجمال في زمان ولي فأحسب أنه يجب أن تقتصر على جنس النساء دون سواهن فما بال الرجال يتشلخون هل هو نوع من أنواع الحنكشة يا حاج فضل أم ماذا؟ وبي كده تكون حكاية لا بخاف ولا بتر طلعت فشنك ودعاية ساكت.
أما شلوخ القبائل النيلية وبخاصة في جنوب البلاد فهي أشد غرابة وإن كانت أكثر جمالاً من شلوخ أهل الشمال لأنها تمثل لوحة فنية رائعة إستنفذت صبر المشلخ ورجالته أثناء عملية التشليخ ، فهناك نقاط صغيرة زي الجدي الكاذب أو البرجم وهي تشبه فيما تشبه غربال رمل من النوع الخشن وهناك تلك العلامات التي تماثل حرف الـ V بزاوية أكثر إنفراجاً وإن كان مكانها الجبهة لا الجضم وأيضاً تلك الدوالي الكثيرة على الجبهة والتي تشبه حبات الذبيب أو المسبحة الصغيرة ، وطبعاً أهلنا زادو على حرف الـ H خط إضافي وبقي إتش دبل كابين أو كابيتال كابيتال إتش أو سلم صغير على شاكلة تلك السلالم التي تشتخدم في محلات الأحذية والسوبر ماركيت.
أخيراً تمنيت لو أن شلوخ أهلنا المساكين كانت رسومات على شاكلة الوشم فكان بالإمكان أن نزيلها بالليز.
|
Post: #20
Title: Re: والله الليلة...علا تقـــولو الــروب
Author: سجيمان
Date: 10-26-2004, 07:57 PM
Parent: #12
الملا عمر
| Quote: الشلوخ تشويه عديل كده |
اني اراك من المرجفين في المدينة..... بعد كل هذه الدراسة والتمحيص.. تجي تقول لي الشلوخ تشويه
|
Post: #13
Title: Re: والله الليلة...علا تقـــولو الــروب
Author: nasiradin
Date: 10-26-2004, 03:30 AM
Parent: #1
الروووووووووووووووووووووووووووووووووووووووووووووووووووووووووووووووووووووووووووووووب
قول اتنين يا سجيمان ... و بعدين انت ما ملاحظ معاى انو دي اناجريته شويه
المهم يا شليخان ااا أقصد سجيمان
انت ما وريتنا اسع قصة الجماعة المشلخين خطين واقفات زمبا أعلى الجضوم و فى خط مستقيم مع الاضان
تحياتي ... ناصر البطل
|
Post: #15
Title: Re: والله الليلة...علا تقـــولو الــروب
Author: ناجى الزبير الملك
Date: 10-26-2004, 04:56 AM
Parent: #13
| Quote: لو ماقلتو الروب...... |
البقول الروب منو ......افو يا زول .....
نحنا حناكيش بنقول زبااااااااااااااااااااااادى
|
Post: #21
Title: Re: والله الليلة...علا تقـــولو الــروب
Author: قلقو
Date: 10-26-2004, 11:40 PM
Parent: #15
سجيمان..
من اجل المواكبة والتطور ناس (الشعبى) بقوا يستعملوا شلوخ (الأتش) رمزا لى زول تانى بدلا من هتلر..شفت النضال دة كيف ؟
|
Post: #28
Title: Re: والله الليلة...علا تقـــولو الــروب
Author: سجيمان
Date: 10-27-2004, 12:11 PM
Parent: #21
قلقو
| Quote: من اجل المواكبة والتطور ناس (الشعبى) بقوا يستعملوا شلوخ (الأتش) رمزا لى زول تانى بدلا من هتلر..شفت النضال دة كيف ؟ |
الله يكسرني عرفتو
الهُرابي؟؟؟؟؟
ليقوهو ولا لسه؟
|
Post: #27
Title: Re: والله الليلة...علا تقـــولو الــروب
Author: سجيمان
Date: 10-27-2004, 08:54 AM
Parent: #15
ناجي ااملك
| Quote: نحنا حناكيش بنقول زبااااااااااااااااااااااادى |
الحناكيش زاتهم ما بيعرفو الزبادي........ غايتو الحنكشة ما خيالة فيك
|
Post: #22
Title: Re: والله الليلة...علا تقـــولو الــروب
Author: سجيمان
Date: 10-27-2004, 05:01 AM
Parent: #13
ناصر البطل
| Quote: انت ما وريتنا اسع قصة الجماعة المشلخين خطين واقفات زمبا أعلى الجضوم و فى خط مستقيم مع الاضان |
ديل ناس الطرق والكباري...كانو مسعولين من تفجيرا في حالة المقاومة المسلحة
|
Post: #23
Title: Re: والله الليلة...علا تقـــولو الــروب
Author: nasiradin
Date: 10-27-2004, 05:23 AM
Parent: #22
و تااااااااااااااااانى الرووووووووووووووووووووووب
|
Post: #42
Title: Re: والله الليلة...علا تقـــولو الــروب
Author: سجيمان
Date: 10-29-2004, 10:55 AM
Parent: #23
ناصر البطل
| Quote: و تااااااااااااااااانى الرووووووووووووووووووووووب |
اقنع اخوانك
|
Post: #24
Title: Re: والله الليلة...علا تقـــولو الــروب
Author: willeim andrea
Date: 10-27-2004, 05:28 AM
Parent: #1
زي ما قال اخونا الفوق ززززززززززززززززززززززززززززبادي بس مخمر شويتين واقل من المش شويتين ........ مالك علي الجضوووووووووووم قمته تشغل موسك فيهم.... ارقد عافيه
|
Post: #25
Title: Re: والله الليلة...علا تقـــولو الــروب
Author: saif massad ali
Date: 10-27-2004, 06:40 AM
Parent: #24
اهم شلوخ نسيتن ياسجيمان شلوخ درب الطير قول انت الروب,
العرب الدرجو صباح ود عوج الدرب لي فوفو صاح
وشها بي شلاخو قمرا لاقي صباحو
|
Post: #26
Title: Re: والله الليلة...علا تقـــولو الــروب
Author: mohamed osman bakry
Date: 10-27-2004, 06:55 AM
Parent: #25
ســيجو
قــال لــيك ...
الــشــلوخ ســتـه فــوقـــن الــســنــي
الــجــمــال و الــزوق اصــلو كـاتـلــنـي
تعرف السني ده شنو يا ســيجو؟ اتحداك
|
Post: #35
Title: Re: والله الليلة...علا تقـــولو الــروب
Author: سجيمان
Date: 10-28-2004, 05:24 AM
Parent: #26
محمد عثمان بكري
| Quote: تعرف السني ده شنو يا ســيجو؟ |
السني الضوي
|
Post: #32
Title: Re: والله الليلة...علا تقـــولو الــروب
Author: سجيمان
Date: 10-27-2004, 03:02 PM
Parent: #25
سيف مساعد علي
Quote: العرب الدرجو صباح ود عوج الدرب لي فوفو صاح
وشها بي شلاخو قمرا لاقي صباحو |
هي فوفو...وانت داير تشلخا؟...انا لله
|
Post: #31
Title: Re: والله الليلة...علا تقـــولو الــروب
Author: سجيمان
Date: 10-27-2004, 01:02 PM
Parent: #24
وليم اندريا
| Quote: مالك علي الجضوووووووووووم قمته تشغل موسك فيهم.... |
تاني موسي ماها نازلة من الرقبة لي تحت... الروووووووووووووووب
|
Post: #29
Title: Re: والله الليلة...علا تقـــولو الــروب
Author: zola123
Date: 10-27-2004, 12:15 PM
Parent: #1
سجيمان
سمعت نكتة الرباطابي الشلخ ولده شايقي؟
|
Post: #30
Title: Re: والله الليلة...علا تقـــولو الــروب
Author: سجيمان
Date: 10-27-2004, 12:54 PM
Parent: #29
زولا 123
| Quote: سمعت نكتة الرباطابي الشلخ ولده شايقي؟ |
لا والله
عليكي الله قوليها
|
Post: #39
Title: Re: والله الليلة...علا تقـــولو الــروب
Author: سجيمان
Date: 10-28-2004, 07:56 AM
Parent: #33
شكرا للبوست وللصورة الحلوة
love u bro
|
Post: #34
Title: Re: والله الليلة...علا تقـــولو الــروب
Author: zola123
Date: 10-28-2004, 04:46 AM
Parent: #1
قال ليك يا سجيمان, الرباطابي كل ما يلدو ليه ولد يموت
والحكاية دي زعلته خالص
قام الجماعة قالوا ليه لو ولدت ولد تاني شلخه شايقي بعيش
اها فعلا لمن جاه ولد عمل القصة دي , لاكن بقى ليه الوضع محرج شديد قدام الاهل
يوم شافه ليك زول ماشي مع ولده سأله: انت ولدك ده الحين ما رابطابي؟؟؟
قال له: آآيي رباطابي, لاكن مرخص في الشايقية
|
Post: #36
Title: Re: والله الليلة...علا تقـــولو الــروب
Author: saif massad ali
Date: 10-28-2004, 05:28 AM
Parent: #34
طيب فوفو خلينها شلخ لي دكتورة ايناس زولة زولة
|
Post: #44
Title: Re: والله الليلة...علا تقـــولو الــروب
Author: سجيمان
Date: 10-30-2004, 05:10 AM
Parent: #36
سيف مساعد علي
| Quote: طيب فوفو خلينها شلخ لي دكتورة ايناس زولة زولة |
عليك الله النضم المابي يبقى ما تقولو...حسي دي جضيمات يشلخوها؟
|
Post: #40
Title: Re: والله الليلة...علا تقـــولو الــروب
Author: سجيمان
Date: 10-28-2004, 12:03 PM
Parent: #34
زولة123
| Quote: قال له: آآيي رباطابي, لاكن مرخص في الشايقية |
حسي انا شفعي رباطاب لكن مرخصين في السعودية
|
Post: #37
Title: Re: والله الليلة...علا تقـــولو الــروب
Author: omar_ragab
Date: 10-28-2004, 06:23 AM
Parent: #1
om alkhair
|
Post: #38
Title: Re: والله الليلة...علا تقـــولو الــروب
Author: mohamed osman bakry
Date: 10-28-2004, 07:08 AM
Parent: #37
سيجو
قال ليك الشايقيه سعوا ليهم كلب وسموهوا الجعلي
أها بقوا كل يوم يسوقوا الجعلي ويمشوا حلة الجعليين
وتعال آجعلي وجر آجعلي والجعلي ابن لكلب....
الجعليه لبدوا للكلب يوم ومسكوه شـــلــخــوه شـــايــقــي
|
Post: #48
Title: Re: والله الليلة...علا تقـــولو الــروب
Author: سجيمان
Date: 10-30-2004, 02:47 PM
Parent: #38
محمد عثمان بكري
| Quote: الجعليه لبدوا للكلب يوم ومسكوه شـــلــخــوه شـــايــقــي |
|
Post: #46
Title: Re: والله الليلة...علا تقـــولو الــروب
Author: سجيمان
Date: 10-30-2004, 05:57 AM
Parent: #37
عمر رجب
حسي المرا دي..ماشة.....و..لاّ...جاية؟
برضو
love bro
للطيش
|
Post: #43
Title: Re: والله الليلة...علا تقـــولو الــروب
Author: walid taha
Date: 10-30-2004, 01:38 AM
Parent: #1
| Quote: ان حرف الاتش في الشلوخ هو الحرف الاول للمستشار الالماني في ذلك الوقت..."هتلر".. |
يا سجيمان هنالك مقولة اخرى انو الناس المشلخين (اتش) ديل اصلهم جو من هولندا وجابو (سمنة) ولمن ما إتباعت ليهم قعدو قبلم.
حاجة تانية ..المشلخين (تى) ديل قالو اصلهم من تايوان جابو (سفنجات) وابت تتباع ليهم وبرضو قعدو قبلم..
غايتو ده السمعتو..
ولو شينة الله يكضبا..
ارقد عافية..
|
Post: #51
Title: Re: والله الليلة...علا تقـــولو الــروب
Author: سجيمان
Date: 10-31-2004, 01:05 AM
Parent: #43
وليد طه
Quote: ولو شينة الله يكضبا..
|
لا دي شينة فعلا والله يكضبا...... هولندا شنو وتايوان شنو؟.... دي محاولة لطمس الحقايق التاريخية للنضال بالشلوخ
|
Post: #45
Title: Re: والله الليلة...علا تقـــولو الــروب
Author: nour tawir
Date: 10-30-2004, 05:13 AM
Parent: #1
سجيمان
جيت أبارك ليك رمضان وأقول ليك تصوم وتفطر على خير , لقيتك عامل أنا لله وأنا اليه راجعون.يعنى رمضان زاتو ما قدر يلم لسانك شوية!
عموما بجى راجعة فى العيد أنشاء الله ,اذا أتصلحت الحالة.
سلام
|
Post: #49
Title: Re: والله الليلة...علا تقـــولو الــروب
Author: ناجى الزبير الملك
Date: 10-30-2004, 03:07 PM
Parent: #45
.............
سجيمـــــــــــــان ....
فى مشكلة فى الدخول ....فى سجيمان بورد ...
واللا انا كمبيوترى .....مابى .....المشى ...براهو
|
Post: #50
Title: Re: والله الليلة...علا تقـــولو الــروب
Author: حبيب نورة
Date: 10-30-2004, 04:00 PM
Parent: #49
kaaaaaaaaaaaaaaaaaaaaaaaak
ياخي شكيتك علي الله
رجعت لي كاروشة الضحك تاني
هسة أسوي شنو انا
زمان كانت حبوبتي صبر هان وهي من اصول كديسية
بتقول لي أكتر حاجة مخلياها ما راضية علي جدنا المرحوم
عبد الفتاح انو شلخها
والله لو قريت ليها البوست دة تفتح فيك بلاغ رسمي
|
Post: #55
Title: Re: والله الليلة...علا تقـــولو الــروب
Author: سجيمان
Date: 10-31-2004, 02:10 PM
Parent: #50
حبيب نورة
مشتاقين عديل كدا يا معلم
| Quote: زمان كانت حبوبتي صبر هان وهي من اصول كديسية |
حبوبتك دي افغانية
|
Post: #54
Title: Re: والله الليلة...علا تقـــولو الــروب
Author: سجيمان
Date: 10-31-2004, 12:19 PM
Parent: #49
ناجي
Quote: .............
سجيمـــــــــــــان ....
فى مشكلة فى الدخول ....فى سجيمان بورد ... |
اها..ان شاء الله قدرت تدخل؟
|
Post: #52
Title: Re: والله الليلة...علا تقـــولو الــروب
Author: سجيمان
Date: 10-31-2004, 05:11 AM
Parent: #45
نور تاور
رمضان كريم
جاية تباركي لي رمضان بعد ما كِمِل؟
لكن مقبولة برضو
Quote: عموما بجى راجعة فى العيد أنشاء الله ,اذا أتصلحت الحالة.
|
ان شاء الله الحال يصلح...وكل حاجة تكون في محلها
|
Post: #53
Title: Re: والله الليلة...علا تقـــولو الــروب
Author: خضر عطا المنان
Date: 10-31-2004, 06:00 AM
Parent: #52
قشيران :
أنا غايتو الله مرقني من هيصة الروب دي
مشيت الدكان وقال روب ذاتو ماعندو !!!!
عشان كدي ما عارف أقول شنو ؟؟؟؟؟؟.
خضر عطا المنان
|
|