Post: #1
Title: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-06-2004, 10:50 PM
Parent: #0
بعد ما استحميت و لبست وقشرت...وقفت قدام المرايا استعرض في نفسي باوضاع مختلفة....مبتسما تارة... صارن وشي تارة..... رافعن حواجبي تارة.. سافن تارة.. مادن شلاليفي ومصفرن تارة اخرى..وبعد ما طمنت على كل الاوضاع.... ونفسي عجبتني واخدت لي قدلة يا مولاي وانا قاشر.... مرقت قلت الليلة ابرشتها علي نفسي واتعشى برا في مطعم يكون ممتاز.. مشيت مطعم كل الشغالين فيهو من اخوانا السوريين..... المطعم كلو مرايات... عاينت للمرايا الورا السوريين و شفت لي حاجة واقفة وراهم...في المرايا وقلت الزول دا لاقاني وين يا ربي؟..وضحكت وقلت في نفسي والله يا جماعة السودانين ديل فيهم ناس شينين شنا مُرة...زي دا حسي مخلنو يمرق من البلد لي شنو؟ والله انا ان بقيت شغال في الحكومة في السودان زي دا" اتبرا" دي ما اخليهو يسافر لها... لكن الزول دا ماغريب علي؟؟؟ اكيد الزول البشعة دا انا بعرفو..... اتلفت ما لقيت في المطعم غيري انا والسوريين..وفي النهاية اكتشفت انو الزول البشعة الفي المرايا دا انا.... حمدت الله حمدا كثيرا ان جعلني كُدنداية... لكن برضو انا مصّر اني سمح وقيافة...واسمح من السوريين ديل وخصوصا السوري ابصلعة داك.... وصراحة لما شفتو عندو صلعة اتبسطت جدا وانفرجت اساريري..وعزمت عشان ما احس بالشنا الانا فيها اركز عليهو هو بس....واعتبر الباقين ما فيشين..
قعدت وجاني هو ابصلعة جرسون...وقعد يحسب و يعد في الاكل..قال لي عندنا كِبة نية..وكباب شيش...وكباب سيخ....لما قال لي كباب سيخ نطيت....وعندنا متبل...الخ.... انا حفظت كلمة كبة دي. وعجبتني واتمنيت من الله تبقى زي اللوقمة...قلت لو جيب كبة نيه.... جاب الكبة النية طلعت لحم ني مفروم لكن لذيذ المذاق شهي شهي شهي.. اكلتها جججججججت...تاني ناديت زولي ابصلعة وقلت لو اديني موية.....وكل مرة بقيت اناديهو... اصلي حقرت بيهو جنس حقرتن....وكل ما يجي يقيف جنبي امسح شعر راسي... بيدي....عشان احسسو بالدونية...وانو هو عندو صلعة قدا القرعة... وعشان برضو يعرف انو انا الشين دا عندي شعر..وممكن اتفلهم بو زي ما داير....وكل مرة امسحو متبوبرن.......بعد ما اكلت قعدت اتفرج في المطعم..... لاحظت انهم معلقين اكياس نايلون مليانه مويه ومدلدلا من السقف....وموزعة علي المطعم....استعجبت وقدر ما عقلي ودا وجاب..ما عرفت فيها شي..... كوركت لي زويلي ابصلعة داك......وقف جنبي وبعد ما مسحت شعر راسي وقلت لو والله ياخي الشامبو القاعد استعملو دا عامل اكولة في فروة راسي دا..ماك خابرلك شامبو سمح؟... حسيت انو احبط جدا وقعد يعاين لي شعري باعجاب شديد وفي نظرات عينيه يبين احساسو بالدونية اضمرت في نفسي اني بكرة اشق شعري واجي تاني امعانا في زلة السوري ابصلعة دا....سعلتو من الاكياس...قال لي ديل عشان الضُبان.... قال لي الاكياس ديل ما يخلن أي ضبانة تدخل... قعدت اراقب في الكيس المعلق جنب خشم الباب...... لاحظت انو الضبانة تجي طايرة وتقيف فوق الكيس مسافة..وتطير تاني وتاني تجي راجعة وتطير والطيرا الياها.... طيران بتاع ضبانة خااااايفة.......وصلت لي نظرية وانا متاكد انها صاح..النظرية هي ان الضبانة دي بتشوف روحا جوا الكيس مع الموية بتشوف روحا كبيرة جدا وتتخلع.... ويتخيل لها انو ا شي الشافتو دا بعاتي ضباني.....وداير ياكلها..... تقوم تجن وتجري......تجري لمن تفتر ونفسها يتقطع وتموت.......................
|
Post: #2
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: almulaomar
Date: 11-07-2004, 03:15 AM
Parent: #1
أخي دكتور سجيمان آل سجيمان
قلت لي نظرت إلى صورتك في المرايا وأرتد إليك البصر خاسئاً وهو حسير ، وإنت الوداك تعاين في المرايات شنو ، ما سمعت أغنية الكابلي كلميني يا مرايا ، أها المرايا كلمتك والمرايا ما بتكذب أبداً والشفتو في المرايا ده يا هو سجيمان ، ولا ما مر عليك قول الحطيئة لمن شاف وشو في حفرة فيها موية ولا مزيرة ما عارف قال: قبح من وجه وقبح حامله ، وفي شناة يا سجيمان أكثر من كده. المهم نصيحة ليك يا سجيمان إذا فكرت أن تشوف وشك أو صورتك الخايف عليها يجب أن تستعين بجردل مملوء موية إلى النصف وأن يكون هذا الجردل من الطلس الأبيض وليس التوتيا أو الزنك او البلاستيك وأن تضعه في نص الحوش وأن تكون أشعة الشمس متعامدة علي الجردل وبعدها جيب المشط وأتسرح وخت السفه وإتنحنح .
أما حكاية الضبانة البتشوف روحها في الموية دي فسوف أقوم بتجربتها وحا أشتري لي كمية بتاعت أكياس وأقوم أملاها ليك بي مويتنا العكرانة وأشوف ضبابيبن حلتنا حا تجي تعاين وتقول قدام الكيس أعاين فيهو وأضحك وأجرى وأجيهو راجع ، لكن أخشي ما أخشاه من عيالي وعيال الحلة وعيال الحرام يقومو يمارسو هوايتهم المفضلة في إستخدام النبلة ويقدو الأكياس وتسيل المياه مدرارا ويكون الطوفان ولو عملنا مركب تنجينا برضو حا نلقي الضبان معانا .
|
Post: #3
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-07-2004, 10:12 AM
Parent: #2
الملا عمر
بجيك صادي
اديها.... صنة
|
Post: #4
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: Abdel Aati
Date: 11-07-2004, 04:33 PM
Parent: #3
يا سجيمان تمشي تتعشي في المطاعم السورية بدون ام الخير ؟
عادل
|
Post: #9
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-08-2004, 01:41 PM
Parent: #4
عادل
Quote: يا سجيمان تمشي تتعشي في المطاعم السورية بدون ام الخير ؟
|
تعرف يا عادل...... لو سقت ام الخير كنت لي حسي.... قاعدين يغالطو فيني انها دي مرتي ولا ما مرتي......
شكرا للزيارة التفقدية
|
Post: #5
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-08-2004, 02:02 AM
Parent: #2
الرائع دوما الملا عمر" شوف الرائع دوما دي"..... غايتو تراني قاعد احاكي...وبعدين البي تبقى علي ماني عارفها
| Quote: وأن تكون أشعة الشمس متعامدة علي الجردل وبعدها جيب المشط وأتسرح وخت السفه |
كنت في الزمن الغابر....من هواة التسريح في الزير....وتصدق جوا الزير الزول بيكون اسمح من المرايا؟..... سبحان الله يا اخي
| Quote: أما حكاية الضبانة البتشوف روحها في الموية دي فسوف أقوم بتجربتها وحا أشتري لي كمية بتاعت أكياس وأقوم أملاها ليك بي مويتنا العكرانة |
الاكياس لازم تكون بيضا شفافة..والموية صااااااافية....عشان الضبانة تشوف نفسها كويس وتجن وتموت
|
Post: #6
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: jini
Date: 11-08-2004, 10:01 AM
Parent: #5
| Quote: النظرية هي ان الضبانة دي بتشوف روحا جوا الكيس مع الموية بتشوف روحا كبيرة جدا وتتخلع.... ويتخيل لها انو ا شي الشافتو دا بعاتي ضباني.....وداير ياكلها..... تقوم تجن وتجري......تجري لمن تفتر ونفسها يتقطع وتموت....................... |
ألعب غيرها يا سجيمان
حلفوا ناس قالوا شافو الضبان في حلتكمالضيان من شدة ماكبيرة عندك قالوا تتشوفا تقول لوري وخدراء وتلمع تقول سوميتا فاروظة جابوها من السايغ هسة دي
جني
|
Post: #7
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: المسافر
Date: 11-08-2004, 10:15 AM
Parent: #6
| Quote: حمدت الله حمدا كثيرا ان جعلني كُدنداية... |
يازول
هوي
بين موقفك
كدنداية
ولا
كدناية
عشان نفهم
وبعدين بوريك طبك
عشان الضبان ما يطبك
وبعدين ما وريتنا حكاية تلاليشك في مراية الأسانسير
وطبيعة قشرتك بأية ريزم
ريزم سادن
ريزم كادن
ريزم طرطوش
ريزم مهبوش
من ريزمات الكدنايات
|
Post: #14
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-09-2004, 04:07 AM
Parent: #7
المسافر
Quote: بين موقفك
كدنداية
ولا
كدناية
|
بما انك رباطابي....من ناس ورا..... اعتقد لاتستعملون كلمة كُدنداية.... وهي لفظ نوبي ورثناهو من اجدادنا النوبة...وهي من مقطعين..."كُدُن" وتعني اسود.."داية"...وتعني حشرة....اي الحشرة السوداء..ذكرت حبوبتي بت فضيل...ان الكدنداية هي خادم العقرب.... وقد ذكرت ذلك بدون اي ملامح عنصرية بيّنة علي تجاعيد وجهها....
|
Post: #11
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-09-2004, 03:17 AM
Parent: #6
جني
Quote: حلفوا ناس قالوا شافو الضبان في حلتكمالضيان من شدة ماكبيرة عندك قالوا تتشوفا تقول لوري وخدراء وتلمع تقول سوميتا فاروظة جابوها من السايغ هسة دي
|
ضُبان حلتنا بيشبهوه يا يابا....المودب اب نوناين علا فيهو...وووحات الشيخ الجعلي تور كدباس نونايو اخير من غُنا فنانين الزمن دا...نغمات موبايل.....علا ضُبان البلد دي الله يصرفو.... قليل الادب المابيخجل... الضبانة ترك فوقك وتلقاك طنشتها تعضيك.....وقاعد يخترق الملابس.....ما تشعر علا وضبانة حايمة تحت الجلابية...وبعد مرات تسررررررح...تمشي للغريق.....
|
Post: #8
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: Raja
Date: 11-08-2004, 10:16 AM
Parent: #1
سيجيمان..
| Quote: اكيد الزول البشعة دا انا بعرفو |
لووووووووووووووووووول
وانا بقرأ في البوست ده قاعدة اسمع في غنية حلوووووووة..
بغنيها أبو داود
انقرها شنو  ..؟
تخريمة: شكرا لذكاءك..
|
Post: #15
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-09-2004, 05:00 AM
Parent: #8
رجوية
ازيك
Quote: وانا بقرأ في البوست ده قاعدة اسمع في غنية حلوووووووة..
بغنيها أبو داود
انقرها شنو ..؟
|
عرفتها
بالحب اغراني وكمان خلاني
وفكاني عكس الهوا
|
Post: #10
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: حبيب نورة
Date: 11-08-2004, 02:03 PM
Parent: #1
كاااااااااااااااك
خراب ال
انت الوداك شنو هناك؟؟
المطعم البخاري سدُّوهو!!!
| Quote: وقفت قدام المرايا استعرض في نفسي باوضاع مختلفة....مبتسما تارة... صارن وشي تارة..... رافعن حواجبي تارة.. سافن تارة.. مادن شلاليفي ومصفرن تارة اخرى..وبعد ما طمنت على كل الاوضاع.... ونفسي عجبتني واخدت لي قدلة يا مولاي وانا قاشر.. |
أها يا سجيمان !!
الرسول ماأنخلعت حالن!!؟؟
|
Post: #17
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-09-2004, 08:00 AM
Parent: #10
حبيب نورة
| Quote: الرسول ماأنخلعت حالن!!؟؟ |
ابدا.....دا الوضع الطبيعي.....المو طبيعي الفي مرايات المطعم
|
Post: #12
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: Al-Shaygi
Date: 11-09-2004, 03:35 AM
Parent: #1
وامغستي يا سجيمان الما عاينت في الكيس المليان مويه ومعلق ،،، وحات سيدي علي كان تكون لي الليلي ولي باكر قايم صوووووووووووووووووووووف.............
|
Post: #18
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-09-2004, 12:35 PM
Parent: #12
الشايقي
| Quote: وامغستي يا سجيمان الما عاينت في الكيس المليان مويه ومعلق ،،، وحات سيدي علي كان تكون لي الليلي ولي باكر قايم صوووووووووووووووووووووف............. |
انت اظنك ما شفت صورتي الكسرت البنوت
|
Post: #13
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: almulaomar
Date: 11-09-2004, 03:42 AM
Parent: #1
أخي الدكتور سجيمان
متعك الله بالصحة والعافية وأسكنك حارة راقية من حواري مانهاتن أو لوزان أو الحاج يوسف بالردمية
تقول فض فوك وجيوبك ودفاترك القديمة والحديثة أنك وفي أثناء ممارستك لهوايتك الإنبطاحية وأنت تتسرح في الزير أو التيبار أو الجر لا فرق في الزمان الغابر مستخدماً خلالاً خشبياً ذي ثلاث شعب كنت تظن ظناً أنك أجمل من الحقيقة أو أن صورتك في المرآة أكثر دمامة من صورتك في الزير والسبب بحسب ما جاء في علم الفيزياء النووية وعلم الفلك أن الموية بتكذب عديل كده أو لم تسمع بالمثل القائل الموية بتروي العطشان والقول الآخر المويه تكضب الغطاس.
أما في شأن أن تكون الأكياس شفافه فهذا أمر هين ومقدور عليه بعد أن أصبحنا دولة بترولية وإن كنا نرفل خارج مظلة أوبك إلا أن مزيج النيل يا جميل ثمنو فيهو وإن كنا لم نري منه خيراً حتى تاريخه لأن القده عطشانه والقده هنا يا أخي دكتور سجيمان هي حكومتنا وناس المعارضه مش هم بيعارضو عشان يحكمو ، أقرأ تاريخ السودان صفحة 121 الفقرة 11 ، المهم ما خذناه نحن أهل العوض في قرانا من مدنيتكم هذه هو موت شجر غاباتنا واقفاً مختنقاً بفعل الأكياس وأيضاً إصابة جميع أغنامنا وبهائمنا ودوابنا باللواية نتيجة أكلها للأكياس البلاستيكية ليس لأنها جعانه – حاشا لله – لكن لكي تواكب وتساير الموضه وما تبقى غنمايتنا متخلفة وتكون زيها وزي أى غنماية في قشلاق بوليس بحري أو بري و البقعة ، لكن تظل مشكلتنا ومعاناتنا في الماء النقي فهذا غير موجود لا في مواسيرنا ولا في حفايرنا تصور أثبتت الهية العامة و العليا مش مشكلة لتوفير المياه أو التنمية الريفية أن الماء له لون وطعم ورائحه حتى وبي كده قرايتنا زمان كلها طلعت شمار في مرقه.
|
Post: #16
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: المسافر
Date: 11-09-2004, 06:16 AM
Parent: #13
سجيم مان
انا من قبيل مابي اجيب لك اللت الرباطاب ناس ورا
بركة الجات منك
هم بيقولولها كديانة
وانا خليتك على رطانة الحبوبات
كدونيا
سمهة مسو
وأعمل حسابك
اي حرف تزحو لي ورا
|
Post: #23
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-10-2004, 02:04 PM
Parent: #16
المسافر
يقصدو شنو يا ربي؟
|
Post: #21
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-10-2004, 07:33 AM
Parent: #13
الملا عمر
الراجل الواعي
| Quote: القده عطشانه والقده هنا يا أخي دكتور سجيمان هي حكومتنا وناس المعارضه مش هم بيعارضو عشان يحكمو |
والله والله صدقتك.....شهاب الدين اظرط من اخيه....والغريبة ناس المعارضة ينضمو ويجتمعو وينفضو..وينفضو ويجتمعو.....وكلو كلام فارغ......حسي كدي عليك الله عاين سو شنو في عبد العزيز خالد الزول زولن......وفكهو عكس الهوا....ديل باقي لك ناس بيحكمو لهم بلد؟
|
Post: #19
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: علوبه
Date: 11-09-2004, 02:13 PM
Parent: #1
واحد زيك كده شيييييييييييييييييييييييييييييييييييييين
نمن قيافه
جاء ماشى بي عند كوشة وساخه لقى فيها مرايا واقعه
قام شال المرايا وعاين لى روحو فيها
قال هى كان شغاله!اهلها ماكان جدعوها.........
|
Post: #20
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-10-2004, 01:27 AM
Parent: #19
الملا عمر
والمسافر
دقيقة اتفاهم مع علوبة دا وبيجيكم
علوبة
| Quote: واحد زيك كده شيييييييييييييييييييييييييييييييييييييين |
منو القال لك انا شين؟؟؟؟؟ ..دي تهيؤات مني ساكت....وبيتخيل لي اني شين
|
Post: #22
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: علوبه
Date: 11-10-2004, 11:46 AM
يا سيجيمان
سمح
انت
و
عسل
انت
و
برضو
شييييييييييييييييييييييييين!
|
Post: #25
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-11-2004, 07:01 AM
Parent: #22
علوب
Quote: برضو
شييييييييييييييييييييييييين! |
دي عنصرية واااااااضحة...اصبر ان ما حرشت عليك الجماعة
|
Post: #28
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: علوبه
Date: 11-11-2004, 10:33 AM
Parent: #25
تحرش لى منو؟
انا الشافو خلو !
انا اخو البنات !
انا اخوالفقراء البعبدو الله حق !
انا اخو الساتره حالها !
انا ابوعبدالله الخلقو الله !
انا اخو السمممممممممممممممممممممممممممممحه !
يا شييييييييييييييييييييييييييييين !
|
Post: #29
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: علوبه
Date: 11-11-2004, 10:34 AM
Parent: #25
تحرش لى منو؟
انا الشافو خلو !
انا اخو البنات !
انا اخوالفقراء البعبدو الله حق !
انا اخو الساتره حالها !
انا ابوعبدالله الخلقو الله !
انا اخو السمممممممممممممممممممممممممممممحه !
يا شييييييييييييييييييييييييييييين !
|
Post: #24
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: محمد الامين احمد
Date: 11-10-2004, 02:28 PM
Parent: #1
Quote:
كوركت لي زويلي ابصلعة داك......وقف جنبي وبعد ما مسحت شعر راسي وقلت لو والله ياخي الشامبو القاعد استعملو دا عامل اكولة في فروة راسي دا..ماك خابرلك شامبو سمح؟... حسيت انو احبط جدا وقعد يعاين لي شعري باعجاب شديد وفي نظرات عينيه يبين احساسو بالدونية اضمرت في نفسي اني بكرة اشق شعري واجي تاني امعانا في زلة السوري ابصلعة دا
|
قمة العنف الشعرى (بفتح الشين)
الزلمه ده اعمل حسابك منو، يقوم ينط فيك يزعمطك
|
Post: #26
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: المسافر
Date: 11-11-2004, 07:27 AM
Parent: #24
يا نقد
قصدهم كدود
|
Post: #30
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-11-2004, 10:39 AM
Parent: #26
المسافر
انت الزول دا وين؟
لسه في البيات الشتوي؟
|
Post: #27
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-11-2004, 07:59 AM
Parent: #24
محمد الامين احمد
Quote: قمة العنف الشعرى (بفتح الشين)
الزلمه ده اعمل حسابك منو، يقوم ينط فيك يزعمطك |
باقي لك دي عنصرية؟....كونو اتبوبر بي شعري؟....والله خايف تطلع عنصرية وبعدين اشرب ما اروى
|
Post: #31
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: علوبه
Date: 11-11-2004, 12:40 PM
Parent: #1
تحرش لى منو؟
انا الشافو خلو !
انا اخو البنات !
انا اخوالفقراء البعبدو الله حق !
انا اخو الساتره حالها !
انا ابوعبدالله الخلقو الله !
انا اخو السمممممممممممممممممممممممممممممحه !
يا شييييييييييييييييييييييييييييين !
|
Post: #32
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-12-2004, 12:25 PM
Parent: #31
Quote: انا اخو السمممممممممممممممممممممممممممممحه !
يا شييييييييييييييييييييييييييييين ! |
وقت بقيت اخو السمحة.....خليتك
|
Post: #33
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: فرح
Date: 11-12-2004, 12:30 PM
Parent: #32
سى سجى ماااان كل سنه وانت طيب
|
Post: #34
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: سجيمان
Date: 11-12-2004, 12:45 PM
Parent: #33
وانت طيب يا فرح
|
Post: #35
Title: Re: هايـدرو فوبيــا الضُبـّـان....مدخـل الي تراجيديـا الانقــراض
Author: علوبه
Date: 11-12-2004, 01:07 PM
Parent: #1
الدنيا قبايل عيد
كل سنه وانت طيب
السنه دى انشاءالله تبقى سمح
|
|