Post: #1
Title: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-10-2004, 09:00 AM
دا منو؟..دا لقيتوهو واقع وين؟ وجبتوهو لينا في يوم ليلة القدر....وبعد الفطور ....والبطون مليانة وواصلة الحلقوم.....
كنتو سمحين...وبقينا ما عندنا شغلة غيركم....دا جزانا؟.. بارك الله فيكم.....لكن دي ما المحرية..... بعد ندى القلعة...ندى النديانة ام حساً ندي..... بقيتو تتلفتو ...وقت ما تلقو زول تمشو السلخانة وتجيبو لنا ناس دا....؟... يا عاجبن لكم القناة دي قاعدين يشوفوها ناس ..... فيهم العيان العندو القلب زي كدي...والعندو الضغط....والعندو السكري... انا زي دا بكل امانة وصراحة بعتبرو ابادة جماعية لنا نحن اصحاب امراض القلب والشرايين....وبعدين الزول دا طول ماهو قاعد يغني انا قلبي في ايدي خفت عليهو يفطس ويموت...... الراجل نفسو يقوم ويقعد يرفس بي كرعيهو...وانا هنا اسعل في الله الغنية البي يغني فيها دي تنتهي علي خير...وما يموت الزول دا في نصها....واوووعى يكون فطر عندكم في الاستديو؟... الشكية لي الله... دا فطرتوهو شنو؟.....السوى حِسو كدي؟...... تاني ان جبتو زي دا خلوهو ياكل عند اهلو حتين يجي يغني.... .عشان ما تبقو في جناية ومسعولية.......
....نان ان سعلتوني انا عرفتو قاعد يغني في شنو؟ بعرفو لكم؟ يخرب...... انا طول ماهو يغني وانا خايفو يموت موت سريري ويلحق عرفات.....وغايتو غنية عازة الفراق بي طال دي سوى لها جنس سوى.... يا حليلو منها يوم الموقف العظيم قدام رب العالمين..وبعدين عليكم الله كان ضيوفكم وفنانينكم من النوع دا........ سو لكم عناقريب كبار ووهيطات.....وخلوهو يتربع في نصو...ويهرينا نحن ويطلّع عينا....العجب العجاب هو مبسوط من نفسو يغني ويتبسّم...اظنو قاعد يكاوي فينا
|
Post: #2
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: فرح
Date: 11-10-2004, 09:06 AM
Parent: #1
|
Post: #8
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-10-2004, 02:12 PM
Parent: #2
فرح
الصورة ما ظاهرة...........
|
Post: #3
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: ShiningStar
Date: 11-10-2004, 09:12 AM
Parent: #1
are you discriminating ?... It seems like it man...
Be careful, someone MIGHT just get offended...
بعدين صراحه الناس السمان و العندهم صلعه اظرف و احلي ناس... دي نتيجة احصائيه بينه ..
|
Post: #14
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 06:13 AM
Parent: #3
شاينق ستار
| Quote: بعدين صراحه الناس السمان و العندهم صلعه اظرف و احلي ناس... |
حسي "العندهم صلعة" دي لزوما شنو.....دي ما برضو تفرقة.....وممكن زول يكون عندو صلعة معقداهو يقوم يزعل ويداعيكي..... لا لا يا شاينق ستار..انتي اتلومتي..... ما تجيبي سيرة الصلعة ولا الزول الضعيف وكريعاتو رقاق....ولا زول يكون راسو مدوقس....ولا زول عندو تلاليش..ولا زول شين..... دي كلها بتزعل الناس خلي بالك
|
Post: #20
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: ShiningStar
Date: 11-11-2004, 07:05 AM
Parent: #14
سيجيمان... صراحه الفنانه ندي صنقعت دي في الصوره الاخيره الابسه فيها توب العجب حبيبي.. تطابقت جضومه و جضوم الفنان الضحيه حجما...
شابكننا ندي .. ندي.. اين هي من حنان النيل .. و عشه الفلاتيه... و عشان ازيد ليك الهبوب هبه.. المسأله دخلت في الجندريه.. اي ي ي...
عذرا يا ندي.. لكن سيجيمان جاب ليك الكلام ..
|
Post: #24
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 10:17 AM
Parent: #20
شاينق ستار
| Quote: تطابقت جضومه و جضوم الفنان الضحيه حجما... |
حلوة "الفنان الضحية" دي
ونحن المتفرجين نبقى شنو يا ربي؟
وبعدين اعملي حسابك اوووعك تغلطي وتتلومي في جضوم ندى القلعة....دي
|
Post: #4
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: EMU إيمو
Date: 11-10-2004, 10:10 AM
Parent: #1
الظاهر كل الفنانين أخذو دورتهم
ورمضان فيهو باقي أيام
ما عارف يوم بكره يلقوا ليهم غناي وين؟
وعشان مرارتك ما تنفقع يا سجيمان
بكره ما تشاهد تلفزيون السودان
أكيد ح يكون نفس الفنان
|
Post: #15
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 06:32 AM
Parent: #4
ايمو
Quote: ما عارف يوم بكره يلقوا ليهم غناي وين؟
|
يمكن زولك دا زاتو........ بايت في الاستديو....يكونو سمعو نضمي يا ربي وجابو عناقريب؟
|
Post: #5
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: معتز تروتسكى
Date: 11-10-2004, 10:25 AM
Parent: #1
ما اعتيادى00لوووووووووووووووول00
سجيمان البنيه دي قالت ليك ارجوك اطلع من حياتى00
كلك نظر يادكتور00
|
Post: #16
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 06:35 AM
Parent: #5
معتز
انا بلا نظري دا.... الجايب لي المشاكل شنو؟؟؟؟
|
Post: #6
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: كبسيبة
Date: 11-10-2004, 11:30 AM
Parent: #1
سجيمان
يا حــــــــــــــــــــــــــــــــــــاسد
|
Post: #17
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 06:40 AM
Parent: #6
| Quote: يا حــــــــــــــــــــــــــــــــــــاسد |
الحسادة دي اجمل ممارسة.......وخاصة انا قدر مما احاولت اسوي لي جضيمات ما قدرت.....وابقى فنان ما قدرت....لكن مفكر اول ما انزل السودان المغيريب امشي احوم جنب قناة النيل الازرق ويتناولو ناس القناة واجي اتربع في الاستديو واقعد اغني...وبعدين يخارجهم رب العالمين دا مني
|
Post: #7
Title: ناس
Author: mohmmed said ahmed
Date: 11-10-2004, 01:00 PM
Parent: #1
قال كمان اقدم ليكم اغنية للراحل المقيم سيد خليفة يسد نفسك ياخى
وكيف ماسك المايك
والفقرا كيف
والمذيع الشافع قايل نفسو زول مهم
غايتو جنس محن
|
Post: #9
Title: Re: ناس
Author: soma
Date: 11-10-2004, 09:02 PM
Parent: #7
لوووووووووووووووووووووووووول سجيمان
مبالغه فى الوصف .. الله يجازى محنك
انا والله من الضحك لما عطشت ..
اللهم انى صااااااائمه
|
Post: #19
Title: Re: ناس
Author: سجيمان
Date: 11-11-2004, 06:57 AM
Parent: #9
سوما
الرائعة
| Quote: اللهم انى صااااااائمه |
تقبل الله صيامك وقيامك
|
Post: #18
Title: Re: ناس
Author: سجيمان
Date: 11-11-2004, 06:51 AM
Parent: #7
محمد سيد احمد
محن
و
تحن
|
Post: #10
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: حمزاوي
Date: 11-11-2004, 01:35 AM
Parent: #1
ســجمــي
|
Post: #21
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 07:49 AM
Parent: #10
حمزاوي
اتخلعت؟
لا ما تتخلع.......عديّيّل.....ما بيسوي شي
|
Post: #11
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: omar_ragab
Date: 11-11-2004, 04:31 AM
Parent: #1
سجومي النصيبة دا قدورة ياربي ولامن التسجيلات النيو لووول
|
Post: #22
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 08:03 AM
Parent: #11
عمر رجب
| Quote: سجومي النصيبة دا قدورة ياربي ولامن التسجيلات النيو لووول |
قدورة دا منو؟؟؟؟؟؟؟؟؟؟؟؟؟؟؟؟
love u.........وحات الله
|
Post: #12
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: عبدالماجد فرح يوسف
Date: 11-11-2004, 05:46 AM
Parent: #1
سجيمان
لا أريد أن أكون ثقيل الظل ولكن دعني أتفق مع Shining Star
لك الحق في أن تسخر وتنتقد الأداء الفني ومحتويات الحوار بين الفنان ومقدم أو معد البرنامج..
ولكن التلميح بأن الرجل سمين والتشنيع بشكله الذي خلقه الله عزّ وجلّ أمر مرفوض وغير متحضر وقد يصيب الناس بالأذي وأنت تتلذذ بكتابة خرجت عن إطار الأدب الساخر الذي يعالج المشكلة بموضوعية تقيم الناتج الأدبي والفكري وليس لون أو حجم الإنسان. هنا أنصحك أن تقرأ أكثر مما تكتب ولعلّ بعض من أدبيات الساخر ودالريح تعينك علي نضج الكتابة الساخرة وإستيعاب حدود التطاول.
أيضا في بوستين من سجيمينياتك شعرت كأنك تستهتر بإحتضار الزعيم ياسر عرفات وتقحم به في هزل غير متحضر وغير مسؤول فالموت ياسيدي موضع إحترام حتى لو كان الميت عدو.. ثم ثانيا وبما أنك طبيب أسألك ماهو "الموت السريري" وهل هذا هو الإصطلاح الطبي لحالة عرفات؟؟ أرجو مراجعة قاموسك الطبي العربي أو الإنجليزي وعد بالمصطلح المعروف.
يا أخي عندما تكتب أعلم أنَك لاتكتب في مفكراتك الخاصة بل تكتب في الشبكة العالمية والتي يقرأها كل سكان الكون ولذا وجب عليك عدم التهكم والإساءة علي أشياء من خلق الله عز وجل.
هنالك ياسيدي مايسمي Politically incorrect كإستعمالك كلمة سمين بدلا عن فوق الوزن أو Over Weight وذوي الإحتياجات الخاصة بدلا من المتخلفين وكل هذا ينطوي تحت Politically correct وأعتقد أنّ هذه من أبجدهوز أدبيات الطبيب يعني في كتابي الأول أمل وبدر.
إذا تفهمت أوفهمت ماذهبت إليه أرجو أن تقدم إعتذارا للفنان الذي وصفته بالسمين وإذا كنت قد قرأت أدبيات الصحافة قبل بداية تعاونك معها فإنك ستعلم أين تعتذر..
إختلاف الرأي لايفسد للود قضية.
|
Post: #23
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-11-2004, 09:12 AM
Parent: #12
عبد الماجد فرح يوسف
Quote: يعني في كتابي الأول أمل وبدر.
|
يا سلاااااام يا اخي
بالله انت بتاع امل وبدر؟
الجماعة ديل اخباهم شنو؟
لسه مجكسين بعض؟
والاختلاف في الود يفسد للرأي قضية
|
Post: #25
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: عبدالماجد فرح يوسف
Date: 11-11-2004, 11:52 AM
Parent: #23
تعمق
|
Post: #13
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: ALazhary2
Date: 11-11-2004, 06:03 AM
Parent: #1
الاخ الكريم سجيمان السلام عليكم ورحمة الله وكل عام وانتم بخير
اتابع بكثير من الاعجاب كتاباتك وعادة ماتدخل السرور الى القلوب التي انهكتها الغربة .
لكن اسمح لي سيدي الكريم ان اثني على ماقاله الاخ الفاضل عبد الماجد فرح اذ انه اصاب كبد الحقيقة بما كتبه .
فقد كان استهزائك بالفنان المذكور قبيحاً للغاية وسمجاً وتجاوز الحدود.
كما ان تعليق محمد سيد أحمد ايضاً في غاية القبح .
معذرة ان كانت الكلمات قاسية لكن ما كتبتموه كان بشعاً وسخيفاً ولا يشبه اهلنا السودانيين .
لكم العتبى حتى ترضوا ان اغضبناكم لكن المرء يعاتب من ترجى مودته ونحن نكن لكم المودة .
نعتذر للفنان الذي اساء اليه سجيمان ومحمد سيد احمد .
|
Post: #26
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-12-2004, 12:35 PM
Parent: #13
الاخ الازهري 2
كل سنة وانت طيب
|
Post: #27
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: محمد عبدالرحمن
Date: 11-12-2004, 12:41 PM
Parent: #26
سجيمان
كل سنة انت ولاسرة بخير ..ربنا يحقق امانيكم ويعيده عليكم باليمن والخير والبركات
مودتي ...
|
Post: #28
Title: Re: ناس قنــاة النيل الازرق عووووووع ثم عووووووع وايضا كذلك عووووع
Author: سجيمان
Date: 11-13-2004, 08:20 AM
Parent: #27
محمد عبد الرحمن
| Quote: كل سنة انت ولاسرة بخير ..ربنا يحقق امانيكم ويعيده عليكم باليمن والخير والبركات |
وانت والاسرة بخير
|
|