Post: #1
Title: زرديـــة دريــدا.......تـــزرُد سجيمـــان
Author: سجيمان
Date: 11-14-2004, 01:45 AM
Parent: #0
قاعدين نتونس ونضحك في امان الله...انا وصاحبي اسامة.... بلا اسمع لي زول يكورك لو بالحيطة..... يا اسامة تعالى انا دايرك..... اسامة مرق لو..... وبعد شويتين كدي... اسمع الهرجة والعوة لي رب السما.... الزول الناداهو ينهزر ويزرزر فيهو.....اسامة انت خلي بالك اتطلقت وبقيت ماك ساعل؟ البي يقعدك شنو مع سجيمان؟. انا ما قلت لك قبال كدي انت داير تتونس ولاّ تسلم علي زول ساااااكت تشاورني باللوال؟ ناس كُباااااار ويلدوك ان داير الواحد يغسل وشيهو من النوم يشاورني......... انت ماك عارف سجيمان دا قليل ادب ومسخوت...وقدر مافي فقير ولا فقيرة سالي لسانو عليهو......ومشتمو.......انا ما قلت لك تاني اسامة ما اشوفك قاعد مع الرجرجة والدهماء.....وسجيمان دا اكبر رجرجاوي ودهماوي في الحلة دي؟....تقعد معاهو يا اسامة وتسكر وكمان تقعدو تضحكو وتقطعو وتتنوسو فوق شيخنا دريدا؟..... النضم دا مو اعوج؟.....هو يشتم في دريدا وانت تضحك لو يا اسامة هههههههها؟ ههههههها؟...وسجيمان يطلع شيخنا دريدا يلحقنا وينجدنا... يطلعو مكانيكي؟....شيخنا دريدا..فكفاك المربّط...حلاّل المشبّك.....فرتاق الكادوك...تور الخلاء اب نطحتن تفرتق القُندران صامولة صامولة....... مكانيكي؟......اصبر لو سجيمان دريدا ان ما حلحل عُضامو كلها...وخلاهو يتلولح بلا عضام واتكرفس.... وكان وليداتو دايرين يمرقوهو من العوضة لي ضل الضهر علا يلملموهو في قُفة..... ان ما بوظ الاتوماتيكي بتاع حنكاتو وخلاهو يلوك يدوي...وان ما رخا صواميل لسانو وخلاهو مدلدل لي ركبتو. تعال لومني..... وما تديني ايدك....
تمشي يا اسامة من دربك دا... وتقطعو مع سجيمان ناشف.....وتكاتلو وتحاربو ....حِراب امي وبخيتة اختي....... وما تنضم معاهو لحدي ما نرحلو من الحلة دي........
اسامة جاني داخل.....زعلاااااان ومنفوووخ...... قال لي يا سجيمان هووووي...من يوم اللليلة لا بيني لابينك.....تشربني وتسكرني ....وتقول لي كاسين ما بيسون شي....وانا اسكر وانضم برا من راسي واتلوم في شيخي دريدا؟......تغشني يا سجيمان؟..... عشان انا اصغر منك......ويتيم.....ولبس عمتو وفووووك مرق بي خشم الباب...........
انا قعدت افكر...واتمحنت زيّن...وراجعت نفسي ولقيتني متلوم تب في دريدا دا.....وقلت اسوي مدحة الوم فيها روحي.... كان يرضى علي.....
سجيمان البوم
يا دريدا
البشعة اب قدوم
يا دريدا
ان شاء الله
بي ام دلدوم
يا دريدا
----------
سجيمان الكعب
يا دريدا
قليل اللدب
يا دريدا
ان شاء الله بالعقرب
يا دريدا
......................
سجيمان عووع ايخ
يا دريدا
المبشتن الوسِخ
يا دريدا
ان شاء الله يتنفخ
يا دريدا
.........وتعبيرا عن التوبة النصوحة........والشوق الزايد لي زيارة قبر شيخنا دريدا...كانت هذه القصيدة....انا ما بعرف شعر لكن اسوي شنو؟.....داير ارضي الراجل الكلس دا
يا راحلين الي باريس بي غيادي
بلغو السلام لي شيخنا معاكم بي غاااااادي
قولو له سجيمان مكسرٌ...مدشدشٌ..مرضرضٌ
ترك الاهل....والكارو.... ومعايش الاولااااااادي
نزلو الشانزليزية. يا بختهم بنزوله
وانا المبشتن بالجوكر نزلتو...وا سجمي.. وا رمااااااااااادي
نحرو ضحاياهم وتبوبرو...فلهمتن
وانا المزعمط قد نحرتو جدااااااااااادي
يلحقنا وينجدنا
|
Post: #2
Title: Re: زرديـــة دريــدا.......تـــزرُد سجيمـــان
Author: فرح
Date: 11-14-2004, 01:48 AM
Parent: #1
سجووووم ىىىىىىى
جنون بس
|
Post: #4
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-14-2004, 06:07 AM
Parent: #2
فرح
بجيك صادي
بس ندي البوست دا دفيرة
شفت الشِبكة دي؟
|
Post: #7
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-14-2004, 01:24 PM
Parent: #2
فرح
Quote: سجووووم ىىىىىىى
جنون بس |
يعني دا اخر كلام....ماحتغير رايك؟
|
Post: #3
Title: Re: زرديـــة دريــدا.......تـــزرُد سجيمـــان
Author: ود الشيخ
Date: 11-14-2004, 03:10 AM
Parent: #1
اتا يا سجيمان الناس دي ما عارفين الفتنه اشد من النحر
المستعجلين ليها شنو وكت داير يكتلو ما الضحية قربت اتا
هسع فيك لحم يضحو بيهو وعلى كل ربنا يجبر الخواتر ويبقيهن
ختر اخدر بدل احمر
|
Post: #9
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-15-2004, 02:20 AM
Parent: #3
ود الشيخ
| Quote: هسع فيك لحم يضحو بيهو |
ود الشيخ
ديل ممكن يضحو بي جرادة
اهو ضحية والسلام
|
Post: #5
Title: Re: زرديـــة دريــدا.......تـــزرُد سجيمـــان
Author: MASSOUB
Date: 11-14-2004, 08:28 AM
Parent: #1
سيجمان
سجمك الليلة
بيجوك ناس المنطق وناس ..حيث ان ..وحشا وكلا .. يزرررزروك
عيدك مبارك ياعديم ا(لاريحية) حلوة الاريحية دى موش ? .
وخوفا من المشاكل الجايك يافردة انا ماهكون معاك بالطبع
هسع كابي الزواغة .. ومنتظر الباص الماشي الكلاكلة
من مواقف باصات واشنطون
لوووووووول
مسؤب
|
Post: #6
Title: Re: زرديـــة دريــدا.......تـــزرُد سجيمـــان
Author: Agab Alfaya
Date: 11-14-2004, 08:59 AM
Parent: #1
الفنون جنون يا سيجيمان
اي نعم
ما الجنون فنون
والفرق واسع
Quote: اسامة انت خلي بالك اتطلقت وبقيت ماك ساعل؟ البي يقعدك شنو مع سجيمان؟. انا ما قلت لك قبال كدي انت داير تتونس ولاّ تسلم علي زول ساااااكت تشاورني باللوال؟ ناس كُباااااار ويلدوك ان داير الواحد يغسل وشيهو من النوم يشاورني......... انت ماك عارف سجيمان دا قليل ادب ومسخوت...وقدر مافي فقير ولا فقيرة سالي لسانو عليهو......ومشتمو.......انا ما قلت لك تاني اسامة ما اشوفك قاعد مع الرجرجة والدهماء.....وسجيمان دا اكبر رجرجاوي ودهماوي في الحلة دي؟....تقعد معاهو يا اسامة وتسكر وكمان تقعدو تضحكو وتقطعو وتتنوسو فوق شيخنا دريدا؟..... النضم دا مو اعوج؟.....هو يشتم في دريدا وانت تضحك لو يا اسامة هههههههها؟ ههههههها؟...وسجيمان يطلع شيخنا دريدا يلحقنا وينجدنا... يطلعو مكانيكي؟....شيخنا دريدا..فكفاك المربّط...حلاّل المشبّك.....فرتاق الكادوك...تور الخلاء اب نطحتن تفرتق القُندران صامولة صامولة....... مكانيكي؟......اصبر لو سجيمان دريدا ان ما حلحل عُضامو كلها...وخلاهو يتلولح بلا عضام واتكرفس.... وكان وليداتو دايرين يمرقوهو من العوضة لي ضل الضهر علا يلملموهو في قُفة..... ان ما بوظ الاتوماتيكي بتاع حنكاتو وخلاهو يلوك يدوي...وان ما رخا صواميل لسانو وخلاهو مدلدل لي ركبتو. تعال لومني..... وما تديني ايدك....
تمشي يا اسامة من دربك دا... وتقطعو مع سجيمان ناشف.....وتكاتلو وتحاربو ....حِراب امي وبخيتة اختي....... وما تنضم معاهو لحدي ما نرحلو من الحلة دي........
اسامة جاني داخل.....زعلاااااان ومنفوووخ...... قال لي يا سجيمان هووووي...من يوم اللليلة لا بيني لابينك.....تشربني وتسكرني ....وتقول لي كاسين ما بيسون شي....وانا اسكر وانضم برا من راسي واتلوم في شيخي دريدا؟......تغشني يا سجيمان؟..... عشان انا اصغر منك......ويتيم.....ولبس عمتو وفووووك مرق بي خشم الباب...........
|
بس ان شاء الله يسمعوا نصيحة Ash
|
Post: #10
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-15-2004, 07:22 AM
Parent: #6
الناقد العالم العلامة والفاهم الفهامة الرائع..عجب الفيا
شرفت هذا البوست التعيس..... الذي ايضا وبعدً حاولت فيه ان اتقرب الي روح مولانا الراحل المقيم دريدا....لكن يظهر انو القصة ما جابت مريسة تام زينو.... بعد تفكير وبحث انا بحاااااات خلي بالك "البيبحت وراي ببحت وراهو"....توصلت الي العلاقة بين النقد والنقّدة....وجدت ان اهناك صلات قربى بينهم.... لا بد ان الناقد يجد من يقول للجماعة النقّدة فيكم كان ما تصفقو للناقد دا...وخوفا من النقدة تصفق الجماهير وتهتف وتردح وتزغرد وبعضهم يرقص رقبة والبعض الاخر يرقص ام قيردون الحاجة...وكثيرين يجو يرقصو ساااااااااكت فلاحة بس....وفهلوة يا قول المصرين......
|
Post: #8
Title: Re: زرديـــة دريــدا.......تـــزرُد سجيمـــان
Author: Elnasri Amin
Date: 11-14-2004, 01:34 PM
Parent: #1
حبيبنا سجيمان
ياخى اسامه ده ماغلط عليك ,,هو فقط اعتزر للمشاركه فى البوست بتاعك واعتزر بطريقه مهذبه و مافيها تجريح ليك
حن شويه
على كل حال
عيد سعيد و كل عام انت بخير
النصرى
|
Post: #11
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-16-2004, 03:59 AM
Parent: #8
حبيبنا النصري
انا اسامة ما لايمة تب....لكن كونو يعتذر عن البوست دا تجريح برضو..... يعني كان يكون الطف لو ماشارك خالص........
وكل سنة وانت طيب
|
Post: #12
Title: Re: زرديـــة دريــدا.......تـــزرُد سجيمـــان
Author: Agab Alfaya
Date: 11-16-2004, 08:39 AM
Parent: #1
| Quote: الناقد العالم العلامة والفاهم الفهامة الرائع..عجب الفيا |
انت ما بتوب يا سيجيمان
|
Post: #13
Title: Re: زرديـــة دريــدا.......تـــزرُد سجيمـــان
Author: برهان تاج الدين
Date: 11-16-2004, 09:17 AM
Parent: #12
سجيمان
كل سنة وانت طيب .
كان يكون احسن لو الاساتذة حاولوا فكفكة فلسفتك .. و من ثم استغلالها فى توصيل ما يريدون الى شريحة اوسع بكثير . بدلا من هذه الابراج العاجية التى يقيمون فيها .
فالتواصل بالفعل .. و ليس بالتنظير .
اشاهد الان استاذ ابراهيم الصـلحى فى قناة النيل الازرق ..
يا سلام على العبقرية التى تلامس حد البساطة ..
او العكس . ..
|
Post: #15
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-17-2004, 03:40 AM
Parent: #13
برهان الدين
Quote: اشاهد الان استاذ ابراهيم الصـلحى فى قناة النيل الازرق ..
يا سلام على العبقرية التى تلامس حد البساطة ..
|
انا شاهدت البرنامج برضو...وصراحة طريقة ابراهيم الصلحي في الحوار وعذوبة حديثه...خلتني اتابع البرنامج للنهاية...ويا ريت يعيدوهو تاني..........وفعلا عبقري وفنان...ومتواضع وبسيط..... ديل الناس الممكن الناس البسطاء الزي كدي يستفيدو منهم
|
Post: #14
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-16-2004, 01:06 PM
Parent: #12
الرائع عجب الفيا
| Quote: انت ما بتوب يا سيجيمان |
من شنو؟..............من الشًكًر؟...المنبر دا حسي كلو شكر..ومديح....جات علي انا؟
|
Post: #16
Title: Re: زرديـــة دريــدا.......تـــزرُد سجيمـــان
Author: ابو جهينة
Date: 11-17-2004, 08:38 AM
Parent: #14
د. عادل سي جي
كل سنة و إنت بألف خير
و كل سنة و إنت تواصل بقلمك المسنون ..
و التحية للأستاذ عجب افايا ( بعيدا عن دخان المعركة هناك ) ..
|
Post: #17
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-18-2004, 01:44 AM
Parent: #16
العزيز ابوجهينة
كل سنة وانت طيب
Quote: و كل سنة و إنت تواصل بقلمك المسنون ..
و التحية للأستاذ عجب افايا ( بعيدا عن دخان المعركة هناك ) .. |
عاقل
اوعك تمشي هناك....تجيك رصاصة طايشة...
|
Post: #18
Title: Re: زرديـــة دريــدا.......تـــزرُد سجيمـــان
Author: Agab Alfaya
Date: 11-18-2004, 08:19 PM
Parent: #1
الجميل ابو جهينة
تشكر يا عزيزي ولك مليون تحية
|
Post: #19
Title: Re: زرديـــة دريــدا.......تـــزرُد سجيمـــان
Author: سجيمان
Date: 11-19-2004, 09:58 AM
Parent: #18
فوق
|
|