Post: #1
Title: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-21-2004, 09:00 AM
Parent: #0
ناس قناة النيل الازرق نصيحة لوجه الله...مجانية لكم.....وبي قروش لي انا.....اووعكم تستعجلو تشفرو القناة.....ولو شفرتوها في وقتكم الحددتوهو دا...... وحات سيدي الحسن تشربو ما تروّ.....وتاكلو نيم..
قولو لي ليه؟
قلتو لي ليه؟
برامجكم... لي حسي ماها االبرامج.... المشجعة لي زول يدفع قروش عشان يتفرج فيها.....مافيها جديد..زمن حيث الموضوعية.... يعني النضم والهرجة في الفضائية السودانية .......وبعدين الفنانين البيجو يغنو عندكم..... الواحد مرقتو منكم..... يدخل بالنفاج علي ناس القناة السودانية.....ونفس الاغاني الغناها هناك يجي يغنيها هنا....ونفس الزول النضام الجبتوهو في برنامج عشان ينضم..... يشيل نضمو ونضمكم بي صُرتو....وينضمو في الفضائية السودانية.....والشي المحيريني حتى الجمهور الفي البرنامج يتلمو بي عصاة المعلم ويمشو للقناة السودانية نفس الدينيقيسات الشفناها عندكم نشوفا بي جاي.....تاني ان جاكم فنان امرقو معاهو لحدي باب عربيتو وانتظروهو لحدي ما يركب يدورها....... وان ما اداكم قفاهو ما تدخلو جوا للاستديو
.الحاجة الوحيدة.....الانا شخصيتاً....حاتضرر منها.....انو انا متابع برنامج بابكر حنين..... البرنامج سمح.....لكن انا لي غرض تاني.....اشغل الفيديو واسجل الحلقة كلها.....بس عشان القى لقطة لي بابكر وهو بيضحك و ادخل بها التاريخ.....مستني ضحكة منو زي المستني لي قون من مردونا ...ولاّ زي الجماعة المقدمين لللوتري بتاع امريكا.... دايرو يضحك واخد ليهو لقطة.....واوزعها لي وكالات الانباء....وابيعها للمغتربين هنا بالشي الفلاني ...وامشي محلات القماش والتيبان.....واقولهم سمو توب جديد ضحكة حنين.....واغنا من وراهو و ارطب .....انتو الزول دا مالو؟ القاعد يزعلو منو قبل ما يجي البرنامج؟ عليكم الله ما تزعلوهو و تلغِتو عليهو.......والله بعد مرات اقعد اشحد في الله ينط واحد من ضيوفو ديل....و يكلكلو عشان يضحك........و مناي في الدنيا..... قبل الرحيل
اشوفو يضحك... لكن مستحيل
ان دايرين شورتي؟؟؟ القناة ما تشفروها..... اتفقو مع ناس ضرائب المغتربين...وخلوهم يسو لها رسوم ويضيفوها للمغتربين ولاد الحنوت ديل....يعني القناة السودانية ارجل منكم؟.....الله بيسعلني حتى الرعاوية الفي الخلا ومع الغنم وما عندهم كهرباء...قاعدين يدفعو حقها....وبعدين عندنا سفارة وقنصليات هنا....والله حقكم دا اصلو ما بيلعبو فيهو يجيبوهو لكم من عيون ولاد اللزينا ديل....حتى كمان لو دايرنهم يجمعو لكم جلود الضحية من المغتربين بي يجمعوها لكم......يعني أي مغترب داير يجدد جوازو يحفض جلد الضحية ويدبغو....ولما يمشي يجدد جوازو يخم الجلد في اباطو ويوديهو لي ناس السفارة.....ويقول لهم دا حق قناة النيل الازرق....
|
Post: #2
Title: Re: النيل الازرق دايرين يشفــروها..... عشـــان ياكـــلو نيــم
Author: ود الشيخ
Date: 11-21-2004, 09:08 AM
Parent: #1
سجيمان
أنا مستعد ادفع لقناة السودان الفضائية عشان يشفروها
واريح الناس منها وقناة النيل والله حكمة الله كل ما افتحها
اشوف عقاب واسمع قرآن الختام هي بتفتح متين وبتقفل متين
|
Post: #5
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-22-2004, 05:47 AM
Parent: #2
ود الشيخ
| Quote: اشوف عقاب واسمع قرآن الختام هي بتفتح متين وبتقفل متين |
بتفتح المغرب
قرآن كريم
مدائح نبوية..... لمن تقول بس
الزول اللابس فركة في كتفو وعاملها شال داك يجي ينضم في الدين
بابكر حنين يجيب لو اتنين ويقعد يحدر لهم ويصر لهم لحدي ما يامنو ونحن نامن معاهم.......
ليل يا نيل.... نسرين سوركتي عيانة....وسعد الله طابق ناس الموبايل وجايبهم لينا....
خمسة دعايات...
ناس الموبايل
قران كريم
تششششششششششششششششششششششششششششششششششششششششششششششششششش....تشششششششششششششششششش
|
Post: #8
Title: Re: النيل الازرق دايرين يشفــروها..... عشـــان ياكـــلو نيــم
Author: jini
Date: 11-22-2004, 01:24 PM
Parent: #2
Quote: أنا مستعد ادفع لقناة السودان الفضائية عشان يشفروها
|
وأن بتبرع ليك بالديكودر حقي وإشتراك 25 سنة تأبيدة
ولك ودي
سجيمان
المشتهي الحنيطير يطير
قناة النيل وقناة السودان
أحند وحاج أحمد بس حاج أحمد حالق صلعة وعندو إنفلونزا
باقي لي عرفت حاج أحمد ياتو في القناتين!
جني
|
Post: #12
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-23-2004, 11:33 AM
Parent: #8
جني
| Quote: المشتهي الحنيطير يطير |
عليك الله قبل ما يطير............نزل نسرين
|
Post: #3
Title: Re: النيل الازرق دايرين يشفــروها..... عشـــان ياكـــلو نيــم
Author: abas
Date: 11-21-2004, 08:29 PM
Parent: #1
سجيمان الحبيب
السنة الجايه القاك مدير قناة النيل الازرق
انا شخصيا ما بدفع لا لي دي ولا لي دي
ابيت عديل كده
نانسي عجرم ما بيجيبوها قالو لبسها قصير جابو ولد يغني اغنيتها وبرضو عاوزني ادفع ليها
|
Post: #4
Title: Re: النيل الازرق دايرين يشفــروها..... عشـــان ياكـــلو نيــم
Author: nazar hussien
Date: 11-22-2004, 02:04 AM
Parent: #3
تشــــفــــــــــيــــــــــــــــــــــــــــر....
الله اكبر القديمه...
تسفــــــــــــــــــــــــــــــــــــــــيـــر....
تانب ببثوها لي منو؟
|
Post: #10
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-23-2004, 04:01 AM
Parent: #4
نزار حسين
| Quote: تانب ببثوها لي منو؟ |
والله علا يقعدو يتفرجو فيها برااااهم
|
Post: #9
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-23-2004, 01:27 AM
Parent: #3
عباس
كل سنة وانت طيب
| Quote: نانسي عجرم ما بيجيبوها قالو لبسها قصير جابو ولد يغني اغنيتها وبرضو عاوزني ادفع ليها |
لبسوها؟.....بركة اللبسوها
|
Post: #6
Title: Re: النيل الازرق دايرين يشفــروها..... عشـــان ياكـــلو نيــم
Author: Walid Safwat
Date: 11-22-2004, 06:42 AM
Parent: #1
تش تش تش تش تش تش
تشفير
تشششششششششششششششششششششششششششششششششششششششششششششش
|
Post: #11
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-23-2004, 08:26 AM
Parent: #6
وليد صفوت
Quote: تش تش تش تش تش تش
تشفير
|
اسمع انت مش فنان اسمو منو كدي تمتام؟
والله دا تجيبو في حفلة...غنية وااااااااخدة وللصباح
|
Post: #7
Title: Re: النيل الازرق دايرين يشفــروها..... عشـــان ياكـــلو نيــم
Author: محمد الامين احمد
Date: 11-22-2004, 01:01 PM
Parent: #1
تحية طيبة للجميع
لكن يا سجيمان لقيتك حافظ برنامج القناة صم
ههههههههههههه
لكن فعلا، قرار تشفير القناة فى الوقت الحالى قرار غير حكيم بتاتا
اصلا يادوب الناس بدت تسمع بالقناة ، و برامجها ذاتو ما للدرجة ديك
و ناس الـART ما دايرين يتعلموا اصلو، يعنى هى الكورة الشفروها دى
فى زول هبب ليهم فيها؟؟ احسن ليهم يستنو شوية
كلمة أخيرة :
سجيمان اسم التوب (ضحكة حنين) ده لازم تعمل ليهو حقوق حفظ، و الا بكره
تقلى فى السوق ، بينى و بينك الاسم مغرى
|
Post: #13
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-24-2004, 05:32 AM
Parent: #7
محمد الامين
Quote: سجيمان اسم التوب (ضحكة حنين) ده لازم تعمل ليهو حقوق حفظ، و الا بكره
تقلى فى السوق ، بينى و بينك الاسم مغرى |
وبرضو دقة قويشات يسموها"صَرة حنين"
|
Post: #14
Title: Re: النيل الازرق دايرين يشفــروها..... عشـــان ياكـــلو نيــم
Author: سجيمان
Date: 11-24-2004, 10:44 PM
Parent: #13
فوووق
يمكن يسمعو نضمنا وما يشفروها
|
|