Post: #1
Title: ذوات الثــدي....و...القريشـــات
Author: سجيمان
Date: 11-26-2004, 04:50 AM
Parent: #0
ربنا خلق للنسوان الاثداء..... او بكلامنا الشطور....عشان يرضعن بها الجُهال....وباقي لي دا الشي الاساسي..... لكن برضو النسوان... خلقن وظايف تانية للاثداء..... وفي عصر الفضلئيات.... كانت موضة الهدوم التطلع نص السدُر برا....والنص التاني يقابض داير يمرق مع رفيقو.....ودا كلو كيه لنا نحن الرجال... الماعندنا زي دا..... لكن نحن وعلي قول ترباس كان عندي ما بدي وحق الناس بقالع في.......الوظيفة التانية استعمال السدُر كجزلان ...عشان يحفضو القروش فيهو.....زمان كانن نسوانا عندهن المحافض.... الواحدة لو دايرة تدفع قروش...ترفع التوب ومن ثم الجلابية ومن ثم تظهر المحفضة لكن بفضل الله كانن يبلبسن سراويل طويلة اتقاء الفتنة وخاصة ساعة دفع القروش..... لكن طبعا القروش كانت معدنية وما ممكن تتختا في السدُر ساكت كدي.....ظهرت العملات الورقية وظهرت الستيانان.... وكان استعمال السدُر كمحفضة......
معلمة..مدرسة سعودية..... في احدى الجرايد السعودية نشرو خبر..... انو المدرسة دي.... كانت تحفض قروشا في البيت...اصلها لا بتوديها بنك ولا حاجة...... يمكن ناس البنك يجنو ويقولو لها ما عندك قروش عندنا ...اها بعدين تسوي شنو؟؟؟؟؟؟؟..... في الاجازة نوت تسافر برا وتتفسح..كان عندها فوق الاربعمائة الف ريال... شالت القريشات بي صرتهن....ولفتن في ورق جرايد...وختتن في الفريزر في التلاجة..... زيهن زي أي لحمة....شوفتو نصاح المرا دي؟؟؟؟؟.......وصت اخوها الصغير يجي يتفقد البيت وهي غايبة...... وبقى اخوها كل يومين تلاتة يجي.......ومرة جا وكانت الكهرباء قطعت..... التلاجة فيها حاجات تانية غير القريشات فيها لحم...وجداد.... ومع قطعت الكهرباء يعفنن...ويجي الولد ويشم الريحة ويشيل أي حاجة في التلاجة ويرميها في برميل الوسخ...حتى القريشات.... بي لفتن......وفرحااااان انو نضف لي اختو البيت..والتلاجة.....من الريحة الكعبة....... وجات المسيكينة من السفر..ولقت دار الكلاب ترقع....وباقي لي تكون ركبت الظلط.....
سكنت اخر مرة في بيت طابقين..... ستو مرا عجوز..فوق التمانين سنة.ساكنة في الطابق الارضيوانا في الدور التاني.. عندها ولدين..... اخر عمرها اصابة سرطان ....واخدوها ولادها وودوها المستشفى في مدينة تانية..ووصوني علي البيت.. البيت فاضي.... والباب ما بتقفل..... بقيت انا طالع حارس البيت نازل حارس البيت.....وانهر في الشفع ما يدخلو.... العجوز ماتت...والولاد جو.... ومشو فرتقو مرتبة العجوز الكانت بترقد فيها....ولقو جواها تلاتمائة الف ريال سعودي... داساهن العجوز.....وحارسن انا لهم....شفتو البقت عليّ؟....العجوز وهي علي فراش الموت كلمت الولاد بمحل القريشات.... اها انا من ديك بقيت اكوس لي بيت تكون جارتي عجوز...واقعد اسالها عن صحتها ان قالت شاكيه...وتعبانة شوية.... اراقبها ...وانتظر متين يودوها المستشفي واقع في المراتب وحتى المخدات فرتيق....وشريّط.....
|
Post: #2
Title: Re: ذوات الثــدي....و...القريشـــات
Author: المسافر
Date: 11-26-2004, 08:55 AM
Parent: #1
| Quote: فرتيق....وشريّط..... |
أوعك تكون بتستعمل المشارط
|
Post: #3
Title: Re: ذوات الثــدي....و...القريشـــات
Author: سجيمان
Date: 11-26-2004, 05:20 PM
Parent: #2
المسافر
دقيقة بس
|
Post: #4
Title: Re: ذوات الثــدي....و...القريشـــات
Author: Esameldin Abdelrahman
Date: 11-26-2004, 05:29 PM
Parent: #3
سجيمان
ياخوي حالتك دي ما يحلها الا الدبل
كلامك بقي مشاتر تب ، التقول فلم ممنوع من الصرف
كده روق وخت الرحمن في قلبك ، وقول بسم الله
مع الود
|
Post: #15
Title: Re: ذوات الثــدي....و...القريشـــات
Author: سجيمان
Date: 11-27-2004, 09:35 PM
Parent: #4
عصام الدين عبد الرحمن
Quote: ياخوي حالتك دي ما يحلها الا الدبل
|
والله يا زول عرفت دوايّ ..تب
|
Post: #8
Title: Re: ذوات الثــدي....و...القريشـــات
Author: سجيمان
Date: 11-27-2004, 02:59 AM
Parent: #3
المسافر
اوعى اكون اتاخرت عليك؟؟؟؟؟؟؟؟؟؟؟
المشارط لابد منها.....دي شغلانة هينة انت قايلا؟
|
Post: #5
Title: Re: ذوات الثــدي....و...القريشـــات
Author: abas
Date: 11-26-2004, 08:32 PM
Parent: #1
دقست يا مان
اسي عليك الله لو قلت انوم في سرير العجوز دي ما كان لقيتن
لكن انت بي حالتك دي كنت فت المستشفي انت وهي رجعت
انا عارفك منحوس
|
Post: #6
Title: Re: ذوات الثــدي....و...القريشـــات
Author: المسافر
Date: 11-26-2004, 11:59 PM
Parent: #5
المؤقت الإلكتروني عندك
ياربي الجزء من الثانية بيعمل شنو
|
Post: #13
Title: Re: ذوات الثــدي....و...القريشـــات
Author: سجيمان
Date: 11-27-2004, 07:43 AM
Parent: #6
المسافر
| Quote: ياربي الجزء من الثانية بيعمل شنو |
نضمك دا ما وقع لي
الايام دي قايمة علي البلادة.... اضانك طرشا
|
Post: #12
Title: Re: ذوات الثــدي....و...القريشـــات
Author: سجيمان
Date: 11-27-2004, 06:12 AM
Parent: #5
عباس
والله صدقت...زول تحتو تلاتمائة الف ريال..وفي جيبو مافي تلاتة ريال...وطالع ونازل وما هو عارف وحارس البيت بكل اخلاص وامانة.....مرمي الله ما بترفع
|
Post: #7
Title: Re: ذوات الثــدي....و...القريشـــات
Author: شريف درار شريف
Date: 11-27-2004, 00:33 AM
Parent: #1
سجيمان ...انا من زمان كايس ليك ... لاكين الموضوع ده بصراحة ما بقدر اعلق عليهوو اصلو انا لسه جديد ده اول يوم لي في المنبر...لاكين لابد ليك.
|
Post: #16
Title: Re: ذوات الثــدي....و...القريشـــات
Author: سجيمان
Date: 11-28-2004, 01:49 AM
شريف درار شريف
| Quote: لاكين الموضوع ده بصراحة ما بقدر اعلق عليهوو اصلو انا لسه جديد ده اول يوم لي في المنبر...لاكين لابد ليك. |
اهلا حباباك.....
انت جاي مخصوص عشان تلبد لي؟
|
Post: #9
Title: Re: ذوات الثــدي....و...القريشـــات
Author: abas
Date: 11-27-2004, 03:07 AM
Parent: #1
ما بترد علي يا سجيمان
انشاء الله يدقك في رويسك المدوقس ده دقت الاهلال للامل
|
Post: #10
Title: Re: ذوات الثــدي....و...القريشـــات
Author: Ali Alhalawi
Date: 11-27-2004, 03:20 AM
Parent: #9
C. J. Man
Just to Say .. Merry X-Mas and Happy New Year .. I know it is too early for that but I missed to say Ramadan Karemm .. again missed to say Happy Eid and I am afraid not to be around that time.
By the way what is the meaning of
Post: #18
Title: Re: ذوات الثــدي....و...القريشـــات
Author: سجيمان
Date: 11-28-2004, 06:41 AM
Parent: #10
علي الحلاوي
| Quote: Merry X-Mas and Happy New Year |
كل سنة وانت طيب....وعليك الله اظهر الدنيا قبايل كريسماس
|
Post: #17
Title: Re: ذوات الثــدي....و...القريشـــات
Author: سجيمان
Date: 11-28-2004, 06:02 AM
Parent: #9
الهلال دق الامل ليه؟..... يا عباس
|
Post: #11
Title: Re: ذوات الثــدي....و...القريشـــات
Author: willeim andrea
Date: 11-27-2004, 03:32 AM
Parent: #1
كلام الباقير في الطير علي قول عم دهب ( عم ناس بطوط) بالانجليزي (عم ناس دونل دك) بالله شوف المحن واللخبطه الجاب ده لي ده شنو ...بس علي قول الزول الفوق هبي كريسمس وهبي نيو يرررر
|
Post: #14
Title: Re: ذوات الثــدي....و...القريشـــات
Author: Esameldin Abdelrahman
Date: 11-27-2004, 10:25 AM
Parent: #11
سجيمان
مالك ما هببتو لي ؟
ده كله عشان ما جيتكم في فراشكم الليل دريدة ؟
|
Post: #21
Title: Re: ذوات الثــدي....و...القريشـــات
Author: سجيمان
Date: 11-28-2004, 07:25 PM
Parent: #14
غصام الدين عبد الرحمن
| Quote: ده كله عشان ما جيتكم في فراشكم الليل دريدة ؟ |
براك جلت اللوم لي روحك...دا راجل بي يقطعو بكاهو؟
|
Post: #19
Title: Re: ذوات الثــدي....و...القريشـــات
Author: سجيمان
Date: 11-28-2004, 07:54 AM
Parent: #11
وليم اندريا
| Quote: كلام الباقير في الطير علي قول عم دهب ( عم ناس بطوط) بالانجليزي (عم ناس دونل دك) بالله شوف المحن واللخبطه الجاب ده لي ده شنو ...بس علي قول الزول الفوق هبي كريسمس وهبي نيو يرررر |
كلام الطير في الباقير..... ياتو حسي؟
|
Post: #20
Title: Re: ذوات الثــدي....و...القريشـــات
Author: alfatih
Date: 11-28-2004, 10:05 AM
Parent: #1
كابتن الخديوى سجيمان
سلام من ام طرقا عراض ورهيف
يا شفيف ...
قلت لى محفضة ... الله يحفضك من عين الحسود الفيها عود وكمنجة
عندنا عجوز ساكنا جنبنا لكن ما عارف قروشا بتكون فى بنك ABN AMRO ولا
تحت المخدة ... داير شورتك .. عشان ألبد لها فى الاسانسير
|
Post: #23
Title: Re: ذوات الثــدي....و...القريشـــات
Author: سجيمان
Date: 11-29-2004, 01:44 AM
Parent: #20
الفاتح
Quote: عندنا عجوز ساكنا جنبنا لكن ما عارف قروشا بتكون فى بنك ABN AMRO ولا
تحت المخدة ... داير شورتك .. عشان ألبد لها فى الاسانسير |
اوعىىىى يكون عندها كلب......لو عندها غايتو اقنع.....لكن ممكن تصاحبو.....وبعدين هو يورث وانت تكون وصي عليهو
|
Post: #22
Title: Re: ذوات الثــدي....و...القريشـــات
Author: عامر الأمير
Date: 11-28-2004, 11:28 PM
Parent: #1
| Quote: في الاجازة نوت تسافر برا وتتفسح..كان عندها فوق الاربعمائة الف ريال... شالت القريشات بي صرتهن....ولفتن في ورق جرايد...وختتن في الفريزر في التلاجة |
سجيمان والله دي غلطة الشاطر
هي نست المكان الأمين لحفظ قريشات الحريم ولا شنو ؟؟ ولا الكمية كبيرة بتكوش ؟؟
طيب ما هي التكويشية دي هي المجننة بوبي .. غايتو رزقاً تكوس ليه ورزقاً يكوس ليك
عامر الأمير
|
Post: #24
Title: Re: ذوات الثــدي....و...القريشـــات
Author: سجيمان
Date: 11-29-2004, 06:06 AM
Parent: #22
عامر الامير
Quote: هي نست المكان الأمين لحفظ قريشات الحريم ولا شنو ؟؟ ولا الكمية كبيرة بتكوش ؟؟
|
يا اخوي دي اربعمائة الف ريال..... البيشيلها ليها شنو؟
|
|
|