Post: #1
Title: الفـــوراوي.. الــذي احببــت
Author: سجيمان
Date: 12-24-2004, 07:19 AM
Parent: #0
بالرغم من انو باللوال... شخر فوقي ونهرني... عشان لقاني في بوستي قاعد اضحك......قال لي مالك قاعد تتضاحك وتتدلع؟ انت ما عندك احساس وماعندك ضمير.. وحات الله لحمي اكلني واتحسست من عدم ضميري دا... لكن بعدين لقى مقاساتي ولا مقاسات ملكة جمال العالم من حيث الضمير والقوام...انا كنت قايلو هو عاجبو ضميرو... وقاعد يتبوبر علي بيهو...وقادر الله يا اخواني ما من محبة علا بعد عداوة ونهزير... بقى صاحبي...وانا افتخر انو صاحبي.....حتى لو بقى ضميرو ضمير نجوى فؤاد.......
و حات الله وان شاء الله ما اقوم من قعدتي دي ...مافي شي عاجبني ليهو في الدنيا دي قدر الطاقية الفي رويسو دا.... ان شاء الله يلبسا كدي ويحدرا يوم قطع رحطو.....وعلي الله مو قاسي وصعب....
راجل طيب وعديل وعلي نياتو وقلبو ابيض.... علا الناس الفهموهو مشكلة دارفور... فهوموهو ليها غلت.... بقى جنو مقابلنا نحن يا كافي البلا..ناس النيل والشمالية.... قال نحن ماكلنهم ..وماقاعدين نديهم حقهم....والحكومة مننا..والقروش عندنا..... نان ما بهتنا الله بيسعلني.... هو كان اخد لو سفرة علي النيل والشمالية كان عرف التحت التبروقة شنو؟......يكون قايلنا في الشمالية قاعدين ناكل العايس كريم والباسطة و ايديّنا غرقانات لي كوعن في الشعيرية....وماعارف ناس الشمالية وقت خلااااص يتفلهمو ويتقلهدو... ياكلو قُراصة بي زيت وملح وبصل...ويقومو يعرضو في الدلوكة.......
بقيت اهزر معاهو ويهظر معاي.... ابدا ماشفتو مادي قدومو وزعلان...والنضم القلتو ليهو..كان قلتو لي ناس حمبرة وغناما كان مرقوني من الدنيا...
قلت لو ان داير نتقاسم الثروة ابدا انا ما بجيك بالجنبة البتوجعك... نجيب ثروة الرماد دي.... ونتفن نحن في واطة الله ونقسما بيناتنا.... نحن ناس الشمالية نشيل نص والحكومة تشيل نص....وانتو تشيلو الباقي.....والله يا اخواني فرح جنس فرح واتبسط جنس بسط....وانا خفتو من الضحك والقرقراب طاقتو تقع ..ونبقى نحن في غسيل ونفيّض للطاقية.......
الزول من شدة ماهو عديل وطيب.... قال مكسّر في القرض....وبيريدو متل عيونو..ومحل مايشوف لو قرض مكوّم... يقيف قبلو..وياخد نفسو ويقول" احييييييييي انا اموت في القرض" عاد انشاء الله رب العالمين دا يحنن عليهو القرض ويبادلو محبة بي محبة..... ريدتو للقرض دي حيرتني....وقلت اكيد ابرهومة دا... عارف للقرض دا بكانن يتراد منو...وحسي تراني جايب لي شوال حق قرض وقاعد قبلو وكايس لي لي حتة اريدو منها..وما وقعت فوقا...
بقينا اصحاب....وانا حسيت انو هو مني وانا منو..نهزر مع بعض والنضم القلتو ليهو ..لو قلتو لي ناس حمبرة وغناما كان مرقوني من البلد....وسوني عنصري وزول كعب...انا وابراهيم لو بعدو مننا الناس المتفلهمين والمتقرضمين والكايسن للحكم... ما بتجينا عوجة...الناس نوع الزول الكتب في المنبر قبال كدي انو نسوان الشمالية مكسرات في رجال الغرب..وفي فحولة وضكرنت رجال الغرب..ووقت يشوفن راجل جاي من تالا الغرب... تمسكن ام هلاهلا...وام شعيرانة...وتغلبن القعدة والنيران تنطلق فيهن..ويمشن يدخنن ويتبخرن ويقعدن يرمشن راجيات الفحل الغرباوي يجي....قال النضم دا والغريبة نسيوينات المنبر..... القالن بيدافعن عن نسوان السودان نضم زي دا ما فتحن خشومن فيهو وقطعن فوقا...... يا ربي يكون الزول دا نضمو صحُ؟........
المهم انا فرحان بي صُحبتي لي ابراهيم بقال.....
تحذير
ما يجيني واحد شاقي شعرو من النص بي كراكة......ولاّ..واحدة كاوية شعرا بي مكوة 220فولت...ويجو يتعنطظو فوقي يقول لي عشان لقيتو مسيكين.....
|
Post: #2
Title: Re: الفـــوراوي.. الــذي احببــت
Author: ود الشيخ
Date: 12-24-2004, 07:26 AM
Parent: #1
|
Post: #3
Title: Re: الفـــوراوي.. الــذي احببــت
Author: خال فاطمة
Date: 12-24-2004, 07:39 AM
Parent: #2
كلنا أحببنااااااااااا أخونا إبراهيم بقال .. تذكر يا سجيمان عندما اتصلت فينا في لمة بكري في الشارقة .. قلت ليك ناقصاك وناقصه أخونا إبراهيم بقال ...
|
Post: #9
Title: Re: الفـــوراوي.. الــذي احببــت
Author: سجيمان
Date: 12-24-2004, 10:20 AM
Parent: #3
| Quote: .. تذكر يا سجيمان عندما اتصلت فينا في لمة بكري في الشارقة .. قلت ليك ناقصاك وناقصه أخونا إبراهيم بقال ... |
ايوا صاح...... لما نضمت معاي ندى القلعة......يا جنى اوعى تكون جاتا عوجة من نضمها معاي؟
|
Post: #10
Title: Re: الفـــوراوي.. الــذي احببــت
Author: خال فاطمة
Date: 12-24-2004, 10:29 AM
Parent: #9
| Quote: ايوا صاح...... لما نضمت معاي ندى القلعة......يا جنى اوعى تكون جاتا عوجة من نضمها معاي؟ |
يا سجيمان تصدق نحن محظوظين اتلكمنا معاك ونحن في باب الصالة مغادرين لأبوظبي .. بعد ما اتكلم معاك أخونا الغالي ود الدامر .. طوالي مشينا .. لكن نضميك مع ندى دا ما سمعناهو ... جينا سمعناهو هنا في البورد دا...
|
Post: #11
Title: Re: الفـــوراوي.. الــذي احببــت
Author: سجيمان
Date: 12-24-2004, 11:09 AM
Parent: #10
خال فاطنة
| Quote: لكن نضميك مع ندى دا ما سمعناهو |
لكن يا جنا....ندى اتجهجت جنس جهجة...
|
Post: #13
Title: Re: الفـــوراوي.. الــذي احببــت
Author: خال فاطمة
Date: 12-24-2004, 12:00 PM
Parent: #11
| Quote: لكن يا جنا....ندى اتجهجت جنس جهجة... |
لكن يا سجيمان الكلام الوصلنا غير كده .. قالوا جاءتك العشراقه ما قدرت تتكلم ... قطعت صوت ... صحي ؟
|
Post: #34
Title: Re: الفـــوراوي.. الــذي احببــت
Author: سجيمان
Date: 12-27-2004, 02:16 PM
Parent: #13
خال فاطمة
| Quote: لكن يا سجيمان الكلام الوصلنا غير كده .. قالوا جاءتك العشراقه ما قدرت تتكلم ... قطعت صوت ... صحي |
كضب..... دي اشاعة من المرجفين في الشارقة
|
Post: #7
Title: Re: الفـــوراوي.. الــذي احببــت
Author: سجيمان
Date: 12-24-2004, 08:53 AM
Parent: #2
ود الشيخ
الضحك البلا سبب دا ياهو زاتو البي يجيب لنا النضم
|
Post: #4
Title: Re: الفـــوراوي.. الــذي احببــت
Author: ست البنات
Date: 12-24-2004, 07:41 AM
Parent: #1
نان ان جيت للصح ياااا سيجيمان أخوى النجيض وواقع سبعين مرة من السماء
باقيلك ماهو ميسيكين ?
تقسموا الثروة نصين , ناس الشمال نص وناس الحكومة نص !
والميسيكين فاتح خيشيمو وحارسكم تبيعولو البحر ?????
---
وأكان لى نضم الزويل النبش نسوان الشمال داك وكضب فوقن وقال ناس القبور سووا الطابور ،
نحنا باقى مانا مستنضفنو !
باقى هو مغبون منهن ساكت ( وكان حلمان )
فحال كدى ما خسرنالنا فيهو سيطرا واحد وسفهناهو زى أبو الدقيق !
نحنا قالولو بننضم مع الناس من جم !!!???
هو جنس كلامو داك فى زولا نصيح بيصدقوا ولا يقنب يسمعو ???
---
انت بس يا سيجيمان صد لابراهومتك داك أدو حقو !!!قبال ما يتغبن وينسجلو فوقنا شيتا أخر !!
ست البنات .
|
Post: #12
Title: Re: الفـــوراوي.. الــذي احببــت
Author: سجيمان
Date: 12-24-2004, 11:52 AM
Parent: #4
ست البنوت لي حدهن
Quote: انت بس يا سيجيمان صد لابراهومتك داك أدو حقو !!!قبال ما يتغبن وينسجلو فوقنا شيتا أخر !!
|
لا ابرهومة ما ظانيتو.. يسوي فوقكين نضمن اعوج....وانا حقو بديهو ليهو... علا هو ورينا كريت ودوها وين؟......انتي عايني نصاحو داير يقاسمنا في القرض...وكريت داسيها....دا باقي لك زولن مسيكين؟.......
|
Post: #5
Title: Re: الفـــوراوي.. الــذي احببــت
Author: jini
Date: 12-24-2004, 07:50 AM
Parent: #1
Quote: تحذير
ما يجيني واحد شاقي شعرو من النص بي كراكة......ولاّ..واحدة كاوية شعرا بي مكوة 220فولت...ويجو يتعنطظو فوقي يقول لي عشان لقيتو مسيكين..... |
سجيمان!!!!
وكبوة اخرى ونبوة مرة بضم الميم
اجمل واعظم شقة شعر رايتها في حياتي للعملاق نلسون مانديلا
جني
|
Post: #16
Title: Re: الفـــوراوي.. الــذي احببــت
Author: سجيمان
Date: 12-24-2004, 01:41 PM
Parent: #5
جني
| Quote: اجمل واعظم شقة شعر رايتها في حياتي للعملاق نلسون مانديلا |
لا لا يا اخوي
ماها اسمح من شقة شعر..... مارتن لوثر
|
Post: #6
Title: Re: الفـــوراوي.. الــذي احببــت
Author: Abdalla mohamed
Date: 12-24-2004, 07:50 AM
Parent: #1
سجيمان عليك اللة ماتنسانا من حبيبة قرض معاك
باقى الأيام دى نحن هنا فى نورث امريكا بندورة
وما بنبقى بلاهو .
والله يديم المحبة وما تبقى محبة مواسم
مع الود
ودحشاش
|
Post: #8
Title: Re: الفـــوراوي.. الــذي احببــت
Author: وليد محمد المبارك
Date: 12-24-2004, 08:59 AM
Parent: #6
شنو يا سيجيمان
ولا بتذكرني
انت ما لاقيت بقال ده في الشهداء...
كتر خير البوست بتاعي اللماك بيهو
تاني كدي خش لي بوست
|
Post: #25
Title: Re: الفـــوراوي.. الــذي احببــت
Author: سجيمان
Date: 12-25-2004, 08:32 AM
Parent: #8
وليد
Quote: انت ما لاقيت بقال ده في الشهداء...
|
والجدير بالذكر
اني قابلت صديقي ابراهومة في بوست اخونا وليد..."كلام غريب"...حيث حصلت المعرفة
|
Post: #29
Title: Re: الفـــوراوي.. الــذي احببــت
Author: وليد محمد المبارك
Date: 12-27-2004, 08:30 AM
Parent: #25
بس كده
|
Post: #33
Title: Re: الفـــوراوي.. الــذي احببــت
Author: سجيمان
Date: 12-27-2004, 11:34 AM
Parent: #29
وليد
لا............
وكنت زول كريم معانا
|
Post: #24
Title: Re: الفـــوراوي.. الــذي احببــت
Author: سجيمان
Date: 12-25-2004, 03:10 AM
Parent: #6
عبد الله محمد
| Quote: وما تبقى محبة مواسم |
والله دا الخايف منو انا
|
Post: #14
Title: Re: الفـــوراوي.. الــذي احببــت
Author: ست البنات
Date: 12-24-2004, 12:05 PM
Parent: #1
يا سيجيمان
ديل كريت بيضبحوها ويسولبوها ويسووها أقاشى فى دقائق ويشربوا فوقها ...ألمى
أسع أوعى يكون لابد شان يهبر النصين وكت شافك تضحك كدى !!
باقى هو سمع كلامك كلو وفهمو وساوى روحو متل اتكنو ماهو فاهم شى !!
ست البنات .
|
Post: #28
Title: Re: الفـــوراوي.. الــذي احببــت
Author: سجيمان
Date: 12-27-2004, 08:23 AM
Parent: #14
ست البنات
Quote: باقى هو سمع كلامك كلو وفهمو وساوى روحو متل اتكنو ماهو فاهم شى !!
|
خوفي يبقى ضيعوهو..و..ودروهو.....وعلموهو الغتاتة
|
Post: #15
Title: Re: الفـــوراوي.. الــذي احببــت
Author: ود الشيخ
Date: 12-24-2004, 12:48 PM
Parent: #1
|
Post: #26
Title: Re: الفـــوراوي.. الــذي احببــت
Author: سجيمان
Date: 12-26-2004, 03:56 AM
Parent: #15
عشان يقابلكم في وشيكم...........
|
Post: #17
Title: Re: الفـــوراوي.. الــذي احببــت
Author: أحمد الشايقي
Date: 12-24-2004, 02:27 PM
Parent: #1
دكتور سي. جي.
البقول النصيحة لازم يخلي (كعازه) قريب --- أها كلاما زي دا دحين ساهل:
(((((( الناس نوع الزول الكتب في المنبر قبال كدي انو نسوان الشمالية مكسرات في رجال الغرب..وفي فحولة وضكرنت رجال الغرب..ووقت يشوفن راجل جاي من تالا الغرب... تمسكن ام هلاهلا...وام شعيرانة...وتغلبن القعدة والنيران تنطلق فيهن..ويمشن يدخنن ويتبخرن ويقعدن يرمشن راجيات الفحل الغرباوي يجي....قال النضم دا والغريبة نسيوينات المنبر..... القالن بيدافعن عن نسوان السودان نضم زي دا ما فتحن خشومن فيهو وقطعن فوقا...... يا ربي يكون الزول دا نضمو صحُ؟........))))))
أخوك سوالن -بوست- ساكت ما دخلن قالن ابشر بالخير -
وهســــع
( حريتي - شخصنة الموضوع- ) ما تديك الدرب
ناس عجيبة خلاسسسسسسس
|
Post: #18
Title: Re: الفـــوراوي.. الــذي احببــت
Author: bayan
Date: 12-24-2004, 07:10 PM
Parent: #17
سجيمان
انا معاك فى قصة الفوراى الذى احببت دى
باقال زول تمام ومكسب للبورد دا..
بالله عايزين ماتشات حلوة
بينك وبينه وبين قرض وست البنات
لكن بالله هدو اللعب شوية انا الايام دى ما بقدر اضحك كثير..
انتو اظرف ناس والله
ست البنات
انا فى راى وذى فى الحتة دى انه سجيمان دا عدو المرأة الاول فى البورد دا
انا منذراه من سنة يوم بقبل على.ز لكن دائما شغلتنا اموالنا واهلونا
الجنى دا لاتخلى ليلو صفحتا يتكى عليها.. جوديه سمح فيشان يآمن
ويمسك الدرب..
|
Post: #32
Title: Re: الفـــوراوي.. الــذي احببــت
Author: سجيمان
Date: 12-27-2004, 10:13 AM
Parent: #18
بيان
Quote: وذى فى الحتة دى انه سجيمان دا عدو المرأة الاول فى البورد دا
|
عدو المرأة الاول والاخير
والله غايتو نسيوينات البورد يحيرين...ما تحمّر لي واحدة تقعد تكورك الحقونا البعاتي عدو المرأة جا
|
Post: #30
Title: Re: الفـــوراوي.. الــذي احببــت
Author: سجيمان
Date: 12-27-2004, 09:22 AM
Parent: #17
احمد الشايقي
| Quote: أخوك سوالن -بوست- ساكت ما دخلن قالن ابشر بالخير - |
يا اخوي اظنو نضم الزول كان عاجبن.........
|
Post: #19
Title: Re: الفـــوراوي.. الــذي احببــت
Author: ود الشيخ
Date: 12-24-2004, 08:47 PM
Parent: #1
والله يا ست البنات يا خيتي
لومن اقرا كلامك بس بشوف شليخاتك وفردتك
والله كتابتك سمحي بالشايقيي
|
Post: #20
Title: Re: الفـــوراوي.. الــذي احببــت
Author: A.Razek Althalib
Date: 12-24-2004, 09:52 PM
Parent: #19
الحبيب/ سجيمان المحترم والمقدر بحق وحقيقة
الدكتور/ عادل المكي
عشان ما تغالطني
عزه وإمكان
ساسنا وتاج راسنا.. إلا عمى الألوان الجايك بالأحمر والأخضر والبمبي والأزرق.
ويا أخوي الفلحان
لو كلو عاوى يرمى بحجر كان المثقال بدرهم
والقرض برموهو بالحجار..
وياكا الخليت شغلة التمريض لرفيق الإنسان وجيت تاجر حجار وحامي النسوان
ولك ودي يا أخي
وكل الود للجندريات من قبال تحتمس ولين الشامة بت ضوالبيت
الفالحة بت الرجال
وهاك الدفرة الصباحية دي.. بدون شارس
عبدالرازق عيسى الطالب
|
Post: #35
Title: Re: الفـــوراوي.. الــذي احببــت
Author: سجيمان
Date: 12-27-2004, 11:09 PM
Parent: #20
عبد الرزاق الطالب
Quote: وهاك الدفرة الصباحية دي.. بدون شارس
|
بارك الله فيك للدفرة
|
Post: #21
Title: Re: الفـــوراوي.. الــذي احببــت
Author: abas
Date: 12-24-2004, 11:03 PM
Parent: #1
غرقانات لي كوعن في الشعيرية
انت بس ورينا القصه الحقيقيه ليك مع الشعيريه ولا انا بفتو ليك هنا
وخال فاطمه ده قول ليه عباس اخوي قال ليك ندي القلعه لامن سمعت صوت سجيمان قربت تقع اترتعت ولو ما اتكلت في بكري كان اسي تكون في الحوادث
|
Post: #36
Title: Re: الفـــوراوي.. الــذي احببــت
Author: سجيمان
Date: 12-28-2004, 02:06 AM
Parent: #21
عبس
Quote: وخال فاطمه ده قول ليه عباس اخوي قال ليك ندي القلعه لامن سمعت صوت سجيمان قربت تقع اترتعت ولو ما اتكلت في بكري كان اسي تكون في الحوادث
|
هيــــــــع...... عشان يامنو.........
|
Post: #22
Title: Re: الفـــوراوي.. الــذي احببــت
Author: ست البنات
Date: 12-25-2004, 01:45 AM
Parent: #1
بيان ازيك ،
والله دا خروج من حالة نفسيات البورد.
وسيجيمان عندو كتابات كتيرة ما قريتها ليهو ، لكن هو شخصية ظريفة .
ودا فى اليومين دى المهم !
لكن الجزء القريتو ممكن يكون عندو مناحى أخرى تتفسر حسب نفسية القارئ !
دا ماب يمنع انه فى أشياء حقو يراجعها فى كتاباتو !
لكن فى أشياء الواحد يفسرها بحجم المرح الموجود فيها لو مافى شئ مدفون تحت المرح دا !!!
وأنا لسة ما وصلت المدفن دا !
ولو الزول داير يمسك الدرب العديل بعد ان كان اعوج ماهو قاسى يا تنقاسى !!!
ومن كان منكم بلا خطيئة !!
---
ود الشيخ أنا انفلت من عهد الشلوخ وما حضرتها !
والطرقى ماها فى زمنى !
أنا تربية حبوبات ساكت يا أخوى ، ما توقفلى مستقبلى !!
ست البنات.
|
Post: #23
Title: Re: الفـــوراوي.. الــذي احببــت
Author: benyya
Date: 12-25-2004, 02:09 AM
Parent: #22
سيجمان
هو الزول لسع ما جاكم كدي اليطل
نشوف رائو بعدين نحن بنجي صادين تاني
لى قدام
|
Post: #38
Title: Re: الفـــوراوي.. الــذي احببــت
Author: سجيمان
Date: 12-28-2004, 06:47 AM
Parent: #23
بنية
Quote: هو الزول لسع ما جاكم كدي اليطل
نشوف رائو بعدين نحن بنجي صادين تاني
|
والله انا زاتي راجيهو
ما يكون زعل وحرد؟
|
Post: #37
Title: Re: الفـــوراوي.. الــذي احببــت
Author: سجيمان
Date: 12-28-2004, 03:18 AM
Parent: #22
ست البنات
| Quote: لكن الجزء القريتو ممكن يكون عندو مناحى أخرى تتفسر حسب نفسية القارئ ! |
اقبضي في دي قوي
وبيان اظنها بتزبلع...ما من صحها
|
Post: #27
Title: Re: الفـــوراوي.. الــذي احببــت
Author: عامر الأمير
Date: 12-27-2004, 07:27 AM
Parent: #1
| Quote: .قال لي مالك قاعد تتضاحك وتتدلع؟ انت ما عندك احساس وماعندك ضمير |
سجيمان !!!!!
أحييي أنا أنا أنا 
تخاف ياكبير
دحين مابتشيلو في صفحتك
دي مابقت عليك زاتها ... نكورك ليكم ماتجو.. نجيكم تكوركوا ؟؟؟؟؟
والله عفيت منك آآآآآآ جنا .. إتنين زي بقال دا وخلي أي فارة ترفع شنيبه وشوف ماينقطع ضنيبه..
والله قال بكيتني جنس بكا .. تبكي ؟ والله ختاك فوق جمر الكانون ..
عامر الأمير
|
Post: #39
Title: Re: الفـــوراوي.. الــذي احببــت
Author: سجيمان
Date: 12-28-2004, 08:30 AM
Parent: #27
عامر الامير
Quote: دي مابقت عليك زاتها ... نكورك ليكم ماتجو.. نجيكم تكوركوا ؟؟؟؟؟
|
مثلك دا
4wheel drive?
|
Post: #31
Title: Re: الفـــوراوي.. الــذي احببــت
Author: ابو مهند
Date: 12-27-2004, 10:07 AM
Parent: #1
راجل طيب وعديل وعلي نياتو وقلبو ابيض.... علا الناس الفهموهو مشكلة دارفور... فهوموهو ليها غلت.... بقى جنو مقابلنا نحن يا كافي البلا..ناس النيل والشمالية
والله يا سي جي كما يحلو للبعض ماقلت الا الحق كم من احوان عزاز افترشنا معهم, وعايشناهم اخوانا لم تلدهم امي قضيت معهم سنينا عده تشاركنا فيها الحلوة وتقاسم ليلها البارد بلحاف واحد وجكيت جينز كان كل منا يلبسه حين ودمائنا جرت في العروق,كنا من امدر والفاشر ونيالا رمبيك وبل ابعده كان لنا اخوان من المالحه يوما لم نكن نعير تلك السخافات اعتبار ا ايضا انا احببت بقال معك,,ولابد انه يحب اهلنا في السودان
|
Post: #40
Title: Re: الفـــوراوي.. الــذي احببــت
Author: سجيمان
Date: 12-28-2004, 11:47 AM
Parent: #31
اخوي
ابو مهند
| Quote: ولابد انه يحب اهلنا في السودان |
نحن دايرين حركة شعبية..مصالحة شعبية.... بعيد عن السياسين وضلالهم....لابد من عزل كل السياسين الموجوديين حاليا..... عزلهم وتجاوزهم ومقاطعتهم..... السياسين بدون استثناء
|
|