بطــلو الكذب والنفاق عليكم الله..... خلاص زهجنـــا

تعرض بروفسير معز عمر بخيت في الايام الفاتت الي حملة .... شديدة ما خلتو هو ولا خلت ابوهو حتى ابوهو مسكين في صمة خشمو جو الصعاليك وقعدو يشتمو فيهو....ولا خلت الوارهو ولا القدامو.....ما شفت واحد من الناس المالين الصفحة الاولى.. بالبيانات والتهديدات... الكلام الفاضي ديل.... قال كلمة واحدة... ليه؟.... عشان معز ما شيوعي?... عشان معز ما عضو في جيش تحرير السودان?....... ودكتور معز اخد في خاطرو والله الراجل ما قال لي لكن انا حسيت بيهو..ولا جا شكا هنا وقعد يبكي وينتحب.... مافي ولا منافق جا قال الراجل دا وين... معز لم ينسحب من المنبر ولا لما يجي ينسحب حيعمل البروباقاندا الفارغة الاتعملت في اليومين الفاتو ديل.... اساليب سياسين الستينات نفس اساليب سياسين الالفية التالتة الله يقرفكم ويقرف يومكم....والغريبة ما عاوزين تطورو الله يعميكم ويزيدكم في الانتو فيهو.. الهي وجاهي ربنا يكتلكم دا ورا دا.....ويريح السودان منكم...... دمرتو البلد ولسه مصرين تدمروها.....
بروفسير معز قدم للساحة الثقافية اكتر من القدموهو الموهومين الكل واحد قاعد لي في خلوة وقافلها عليهو والحيران يشيلو و يشكرو.. وهو يسوي ليهم في سجمنسكي قال ورمدنسكي قال..و قرب يقول لهم انا ربكم الاعلى....ويمكن بينو بين نفسو قايل كدا.......
بروفسير معز شكك احد المجانين والمهووسين في مصادقتو الاكاديمية..... شكك في مؤهلاتو ... بيحاربو في اكل عيشو..يحاول يشوه سمعتو وسمعة والدو... مافي ولا قرد من القرود القاعدة تنطط حسي دي قال حاجة... ساكتين... كانو البيتهان واليبي ينزل دا ما عضو في المنبر ولا انسان يا بتاعين حقوق الانسان انتو.... وكرامة الانسان... .....تفصلّو كرامة الانسان علي ناسكم .... اما غيرهم في ستين الف داهية ..........علا ود اعمي شوقي بدري صراحة الراجل انصف البروفسير...

كرامة الانسان... قالو؟...قولو كرامة الشيوعي ولا كرامة اليساري..او كرامة الجمهوري... او كرامة الجبهجي..... او كرامة اي حزبي من احزاب السودان الكتيرة وما منها فايدة.... البلا دمرت البلد ما عملت حاجة.....
نحليهو بروفسر معز..... نقول يمكن حاسدنو....... الراجل الجا وقعد يشتم في الشمالين ونسوان الشمالين وقال شبقات ولما يشوفن فحل الغرب الواحدة فيهن ترخي ضنبا؟.....دا ليه ما قلتو افصلوهو.... وين كرامة المرأة الشمالية..؟.....وين نسيونات حقوق المراة العاملات لنا خوتة في راسنا......والواحدة فيهن لو الواحد سلم عليها ساكت وما عجبا تقعد تكورك وتسلكب وووووب علينا الحقونا البعاتي عدو المرأة جانا........نضمكم كلو فارغ في فارغ
انا اعلن اني ماح اوقع على فصل اي عضو مهما كان......واتمنى من الاعضاء الواعين وعارفين اللعبة برضو ما يوقعو...
واطالب بكري ابوبكر بعدم فصل اي عضو مهما كان......

Quote: علا ود اعمي شوقي بدري صراحة الراجل انصف البروفسير...

الاخ الدكتور سجيمان

انا لي زمن ما دخلت بهنا وما عارف الحاصل شنو

بس برضو اذا فيها انصاف بنصف د معز

sorry.. repeated

عبد الله بابكر

Quote: بس برضو اذا فيها انصاف بنصف د معز

وانت مغمض

ولا تشاور زول

Segiman I wrote the following in another posting

Quote: Your call against racism will not have its full respect and validity or hold waters untill you treat all forms of racism, racial slurs and insluts equally. Over and over we read words like Jalaba, awalad al masareen albouyid and the chorus of filthy words and I have failed to see any of you uterring a word in the face of such blunt racial slurs. To single out few and to remain silent and quite when others express their racial prejudices under whatever pretexts is no more than malicious nifaq or double standards whatever word you choose. Isn't it ironic that the people who call for the removal of Alaa remain quite when people like Moniem Suliman join the forum. Ahhhh what can anyone say, but such is the hypocrisy, insincerity and deceit Bonne annee amigos Thank you

زول بن زول

شكرا للمداخلة

شوف يا اخوي.... المنبر بقت تمشيهو السياسة.... الردود على اساس سياسي.... الديمقراطية انهم يقولو العاوزنو .....والزول المعاهم يشتم ويلعن ويسب زي ما عاوز.....وينصروهو علي من عاداهو.....ويلبدو ليهو زي ما لبدو لي زمااااان والمنبر وقف علي كراع واحدة.....في بوست ان وغيري من المتوازنين العقلاء لا اري فيه اي عنصرية.... لكن حولوهو لي عنصري عشان يرضو الكادر بتاعهم....ويكسبوهو اكتر...وبعدين استعراض للقوة..... في منو؟.... في انا المسيكين دا؟....لاني وقفت مع عادل عبدالعاطي في ادارة المنبر وحقيقة انا وقفت مع بكري صاحب المنبر واحترمت خيارو ..... هم عندهم حسابات مع عادل..وما قادرين عليهو.... قامو جوني انا المقيطيع دا....واظنك انت شفت الحشد الحشدوهو.....كلو عشان بوست الطهارة......ويجي واحد ويقول نسوانا لا مواخذة شايعات وبيشيعن اكتر لما يشوفن الغرباوي الفحل.....ويسكتو؟؟؟؟؟؟؟؟؟؟؟؟؟؟؟؟؟؟؟؟؟؟؟ يسكتو ليه؟.....ليه... ما صعدو الموضوع لحقوق الانسان ؟...وايه ما قالو بترتب عليهو مسألة قانونية......وليه ما طلبو من صاحبو يعتذر وذلك اضعف الايمان......
المنبر مشياهو السياسة....... ولا اعفي اليمين ولا اليسار ولا حتى احزاب الوسط....كلو محصل بعضو....

سجيمان
غريب جدا انك ما اكتشفت الموضوع ده الا الان
اى واحد يجى هنا و يكتب العاوزه فى الاسلام او فى الشيخ القرضاوى( و باى مستوى من اللغة ) و يكون مفكر و يتمتع بحريه التعبير فى المنبر.
لكن لو واحد استعمل اللغه نفسها مع احد العجول المقدسة فى البورد فتحت عليه ابواب جهنم. (الظلاميه) , (العنصريه) او حتى (الكوزنه).
و على ذللك اقس فى قصة دكتور معز. دكتور معز ما من الحركه و لا الشيوعيين.

سجيمان ود عمى
نضمك فى التنك وصح

ننصح البروف يخش غابة الاسمنت ويتعارض..
الما عنده ضهر بيضرب فى بطنو..

وكل سنة وانت بالف خير..

بيان

Quote: ننصح البروف يخش غابة الاسمنت ويتعارض..

يدخل ونص... وانا ضهرو

smart_ana2001

Quote: لكن لو واحد استعمل اللغه نفسها مع احد العجول المقدسة فى البورد فتحت عليه ابواب جهنم. (الظلاميه) , (العنصريه) او حتى (الكوزنه).

ونسيتي.....عدو المرأة.. والبعاتي البياكل المراة..نجم نجم نجم

كل سنة وأنت طيب يا سيجيمان
يا أخوي د. معز
دا كانت بوستتات الهجوم عليه أستفتاء ساحق لصالحه حتي أنزوت وخفتت الأصوات
التي تستهدفه .. وهكذا يحول الدكتور بحكمته السم لترياق مضاد لصالحه
وبعدين ياسيجمان د معز طالما عنده صاحب وسند زيك كده مافي زول
بمس شعرة منه مع أنه هو زولا مع دة كله يسنده منطقه ويسنده أنجازه
كمال

كمال عباس
كل سنة وانت طيب

Quote: دا كانت بوستتات الهجوم عليه أستفتاء ساحق لصالحه حتي أنزوت وخفتت الأصوات التي تستهدفه .. وهكذا يحول الدكتور بحكمته السم لترياق مضاد لصالحه

ما عندي شك في حكمة بروف معز..... لكن برضو مستعجب.... في نشطاء حقوق الانسان العملين لنا وجع راس.... العندهم خيار وفقوس في الانسان.......عجبي

حبيبنا دكتور سجيمان
اظنك تقصد بوست الاخ فتحى بحيرى


Have you seen Dr Moez saying anything about this govern...AbdelAzziz Khaild ar



و لم يتوفق البحيرى فى فتحه للبوست و النتيجه و لاول مره فى تاريخ البورد
رائنا اقصى اليمين الى اقصى اليسار يتفقون على شئ واحد
و قد ذكر د.المعز انه overwhelmed بوقوف الناس بجانبه.

النصرى

سجيمــــان،

الطلعتك من علبك دى ما هينـة.. لكن برضــو أديتهـا دفــرة شــديــدة.
أعتقــد أنى كتبت فى هـذا الموضـوع لكن أنت شككتنى.. حـاراجــع الكتابات.. لكن هل انت متأكـد أنا ما كتبت.
وبعـدين يا أخـوانا هل البورد دا خلاص بقى ساحـة صـراع بين الشيـوعيين والحركـة الإسـلاميـة؟ بمعنى أن من ليس مـع الشيوعيين هـو مع الكيزان ومن ليس مع الكيزان هو مع الشيوعيين..
بالمناسبــة الفرق بيناتـهــم شنـو غيـر الإســــم؟!!

لا فٌض فوك يا سجيمان و حريقة فيهم كلهم.
معز أشرف و أطهر من كل المطبلاتية ديل عشان كدة هم ما يستاهلو حتى يتحدثوا عنو أو يكتبو إسمو.
معز عشان أحسن و أعلى و أرفع من العملو حاردين ديل أريتهم ما يجو ولا يطلوا علينا تاني.
قال إستقيل قال
طيب ياخي لو مافي إستقالة ... مافي حردي
أحردو ياخي وشوفوا المركب تمشي ولا ما تمشي
ناس مخمومة في ناس و ناس في نفسها مخمومة

علاء الدين يوسف

Quote: ناس مخمومة في ناس و ناس في نفسها مخمومة

صدقت والله..والله صدقت

كتب أبو ريش

Quote: وبعـدين يا أخـوانا هل البورد دا خلاص بقى ساحـة صـراع بين الشيـوعيين والحركـة الإسـلاميـة؟ بمعنى أن من ليس مـع الشيوعيين هـو مع الكيزان ومن ليس مع الكيزان هو مع الشيوعيين.. بالمناسبــة الفرق بيناتـهــم شنـو غيـر الإســــم؟!!

من أوجه الفرق يا أبو الريش أنه الكيزان أغتالوا الأستاذ محمود وتأمروا
علي فكره وتنظيمه ..بينما الشيوعيين كانوا علي النقيض من ذلك !!!
كمال

الاخ كمال

لكنهم فى 69 لم يكون على نقيض اذن يرجع سؤال
الاخ ابوالريش مكانه
مع تحياتى

الأخ هشام
ليس موقف الشيوعيين من أنقلاب 69 وقيام الأنقاذ بأنقلابها هو نقطة
التشابه الوحيدة .. هناك وهم أمتلاك الحقيقة من خلال قالب أيدولجي و..
كما هناك فروق عميقة بينهما ..
المهم عندي هنا اليوم هو الموقف من الحريات العا مة والديموقراطية وحقوق
الأقليات وقضايا المرأة والأ ستجابة لروح التغيير والتحديث والأستجابة
لروح العصر و الأستفادة من دروس الماضي
أنطلاقا من هذا يمكن أن نحاكم وننقد كافة القوي السياسية ونعرف مدي
تلامسها مع قضايا العصر والمـطالب الأنية ..
كمال

معتز

شكرا للطلة

يا صاحب الطلة البهية

ابو الريش

Quote: بالمناسبــة الفرق بيناتـهــم شنـو غيـر الإســــم؟!!

واحد طُرة والتاني كتابة....ودايما بتبادلو...الطرة يوم واحد ..وتاني يوم يبقى كتابة...وهكذا

الاستاذ ابو الريش

Quote: الشيوعيين هـو مع الكيزان ومن ليس مع الكيزان هو مع الشيوعيين.. بالمناسبــة الفرق بيناتـهــم شنـو غيـر الإســــم؟!!

انا بفتش على اجابه للسؤال ده لى زمن ؟؟

1969 , 1989
بس تانى مافى فرق
المعذرة العزيز سيجمان
على التخريمة

مع تحياتى

Quote: 1969 , 1989 بس تانى مافى فرق

العزيز هشام مدنى

هاهاهاهاهاهاها
والله دا اذكى تعليق شوفتو فى الفروقات بين ووجهى العملة
كل سنة وانت بالف خير واسرتك

"1969 , 1989
بس تانى مافى فرق

الأخ هشـام،
البلاغــة لكن ما إنتهت عنـدك!!


شكــرا للأخ النصــرى على إيـراد الوصلــة التى كنت أبحث عنهـا..

الأخ سجيمــان،

أسمــح لى أن أقول لك، بعـد قراءة كل الردود فى تلك الوصلـة التى افتتحهـا بحيـرى، أنـك استعجلت فى هـذا البوست، وما قلته عن أعضـاء المنبـر بأنهـم مناصـرين للشيـوعيين قـد خسف (خســوفـا جزئيـا مصـداقيـة ما كتبت)
فكل الناس تقريبـا، حتى ممن يصنفـوا فى خانـة الشيـوعيين أمثال الأخ خالـد الحاج وعادل (بالرغـم من المسألـة الشخصيـة) وغيرهـم كثيـرون، هاجمـوا بشــدة إتجاه فتحى البحيرى فى تشـويـه سمعـة د. معـز..
ولقـد قـرأت الأن ما كتبتـه هناك وهـو كان تحـديـا كنت سـأبنى عليـه لولا أن الأخ فتحى لم يرد عليـه حتى الأن.. وسـألتـه بالحرف:

"الأخ فتحى،

لماذا لم تنشـر إسـم صـاحب الرسـالـة؟
هل طلب منك هـو ذلك، علمـا بأنك ذكـرت أن سبب إرسـالـه عن طريقك هـو أنه ليس عضـوا فى المنبـر.

كنت أعتقـد أن هـذا هـو رأس الخيـط الذى يجب أن نبـدأ بـه، لحصـر الأخ فتحى فى حدود مســؤليتـه أوالأدبيـة أولا.

النصري
كل سنة وانت طيب

Quote: اظنك تقصد بوست الاخ فتحى بحيرى

فتحي ما نزل بوست واحد......نزل عدة بوستات... لكن ما كل الناس جات ووقفت مع دكتور معز..... انا كنت متابع كويس وكويس جدا......

سجيمان ،
ٍسلام ،
الشى شنو ?
الوقع عليك شنو ?
انا دايرى ارد على الجزء الأخير -
الزيويل
الزيويل الأتكلم وقال نسوان الشمال شبقات دا طلع مو ابن ادم !
ومو مربى!
وما عندو لا أم لا أخوات !
--

وانا شخصيا ما كان عندى مقدرة على الرد فى الوقت داك لأنى ما كنت عضو بالبورد !ولما بقيت عضو ، البورد كان يرزح تحت داحس والغبراء !
وما محتمل دواحس وغبراوات تانيات ، وكمان فى حاجة مهمة ،كان الموضوع انتقل لى صفحة غير الأولى ، وانت عارف الواحد يا دوبك يكمل الأولى ويكتبلو شويتين ويمشى مع مراعاة فروق الوقت طبعا !
كان عندى قناعة بأن الشخص المعنى ماب يستاهل الواحد يخسر فيه زمن !
وانت ما سمعت بالمثل البيقول ( ان فى الصمت كلام ? )
والتانى ( الداير تهري اسكت خلي ?)
وبعدين الزويل داك شكلو مو سوى ، ويمكن كان سوينالو راس وقعر وردينا عليهو يقوم يجيبلو بلاوى تانية يجللطها فوقنا كمان ! ونبقى فى ساقة جحا !
وفى نوع كلام الليل غيز وغباين وماهو مؤسس ، وبيدى المرضى والعيانيين فرص يتفسحوا فوقنا ساكت
والواحد كان سفهون بيموتوا !
أها أخير دا ولا دا يا سجيمان ???
أعلم تماما بأنى لست بالمعنية باللوم وحدى ! ولكن على الأقل هذا موقفى ، لأن موضوع الزويل أحزننى حد الأسى !
ولاحظت كمان انك ذكرتو فى موقع اخر من قبل ، وواضح انو استفزاك كما فعل بالكثيرين !
ست البنات .

ست البنوت لي حدهن.. بجيكي حسي

ست البنات

Quote: ولاحظت كمان انك ذكرتو فى موقع اخر من قبل ، وواضح انو استفزاك كما فعل بالكثيرين !

انا ما استفزاني الموضوع بقدر ما استفزاتني المعاير المختلفة والمطففة لمن يدعون الدفاع عن المراة وعن الانسانية................ اهلا يا انسانية

اخي الحبيب سجيمان

ارجو الا يكون تخميني صحيحا

فان كانت المقارنه المقصودة هي بروفيسور بولا والاستاذه تجاة مع بروفيسور معز فاسمح لي بان اختلف معك تماما
واقول لك انك قد لاتعرفهما حق المعرفة لذا فقد اعذرك فعبد الله بولا فيلسوف لايشق له غبار
وهو رجل موسوعي بكل ماتحمل الكلمة من معني
وان امثالي من المتواضعين علي استعداد دوما ان يجلسو علي الارض ليستمعوا وليتعلمو المفيد
الذي يغذي العقل
كما انه فنان عظيم لوحاته لاتقارن بشهادات الدنيا كلها

انني اليوم وانا استقبل من ساعي البريد ديوانين ارسلهما لي بروفيسور معز
قرأت بعض النصوص فادركت عبقرية هذا الانسان
لذا فان زجه في مقارنة بعبقري اخر لهو ظلم بين للشخصيتين
ارجو ان يكون تخميني خطأ
وانا اعلم انك تحبني وان تعلم انني احبك لله فالله لذا لزم التنويه
وتقبل فائق الاحترام

انا بصريح العبارة
ضد العنصرية والعنصريين اينما ذهبو واينما حلوا وسيفي في يدي
ادافع عن الحب والخير والجمال

سيجي

انت صاح >> وشكرا

محب

Quote: انت صاح >> وشكرا

نعلي؟؟؟؟

سجيمان،،
الأخ والإنسان
بالإضافة لروحك الحلوة وتنويرك للبورد طلعت راجل حقاني أخو أخوان
بس ما يجوك المعتوهين بكرة يقولو:
د. سجيمان = د. معز

وحياتك يا غالي ما قلت إلا الصدق
عارف لحسن حظي أنا في الخليج وعرفت من الأهل والأصدقاء والزملاء إنو المجنون الإسمو جهاد الغزالي (او ثريا الشيّلت فتحي البحيري القفة) موجود في السودان وبفتش على من جريدة لي تلفزيون لي جامعة وما فضل ليهو إلا يمشي لي صاحبك في الشهداء هناك يلقاهو قاعد ليهو في طوبة وبشرب في الشاي ويعملو حملة ضد سامية بكري..

وشكراً لكل الأخوان والأخوات الرسلو لي في المسنجر ونبهوني لأشياء كتير

أها أنا معاك وما بنخاف من زول وما كبير إلا الله

وبروف معز أكبر من كل المهاترات دي، وهو زي ما قال هاشم صديق: بيعرف متين يبقى المطر وبيفهم متين يصبح حريق
وزي ما قال كما عباس طالما عندو أصدقاء زيك أصلو ما بتجيهو عوجة

الله يسلمك يا سجيمان يا أحلى زول في البورد وفي الدنيا كلها

..

سامية

الحبيب سجيمان
كل سنة وانت طيب وكل عام والعزيز د/ معز بالف خير
ويا سيدى تعيش كتير تشوف كتير والشباب هنا اعداء
للنجاح والدكتور ناجح فى شتى نواحى الحياة والاصفار المتواجدة
فى الشمال لا رايحة لها ولا طعم ..... سير يا دكتور والجميع هنا من خلفك

waleed500

Quote: والشباب هنا اعداء

الشباب والشياب.....والشياب اخطر

سامية

Quote: وحياتك يا غالي ما قلت إلا الصدق

وانتي صبقتيني عليهو قبل كدي..... وفعلا البروف اكبر من النضم الفارغ دا.. لكن حقو الناس تكون عادلة وتعامل كل الاعضاء زي بعض.....واقصد بالناس ناس جناح ام برنوق برنوق

استاذنا الموصلي

Quote: وانا اعلم انك تحبني وان تعلم انني احبك لله فالله لذا لزم التنويه

لك كل حبي ومودتي واحترامي يا موصلي..... ادبك وتهذيبك يجبرني دائما على ذلك

الحبيب د سجيمان لك الود
تعال بي غادي انا عندي معاك شكله حقة اخوان جد
تسلم

الحبيب
الموصلي

Quote: تعال بي غادي انا عندي معاك شكله حقة اخوان جد

يازول ها.. انت من صحك.... انت بيشاكلوك يا صباح الخير؟....... يا الراجل الطيب وعديل.....

اها كمان عشان معزتك عندي بيغادي ما بمشي وعافي لك تب يا زول.. والنضم الداير

تقولو ...قولو

حاشا لله والله انا بعزك جدا عشان كدي داير الحوار معاك
خلينا نوري الناس انو ممكن يكون في اختلاف مبني علي المحبة والاحترام تسلم يا اخوي

عزيزي
الموصلي

Quote: خلينا نوري الناس انو ممكن يكون في اختلاف مبني علي المحبة والاحترام

انا غايتو خاصة نفسي دي ماني مختلف معاك انت الموصلي دا... في شي ...والله لا جاب يوم اختلف معاك......
اما انت ان بقيت داير تختلف معاي.... يا زول برضو عافي لك اختلف زي ماك داير......لكن انا حلفت كلمة في اختلاف وقالو وقلنا ما بقلبا لك......

انت خلي بالك ماك الزول الهين عندي

تسلم يالحبيب امرك
معاك والله انت ذاتك ماك هين عندي وانا دايرك الخير كلو
والبسو فيهو ده من عشمي تب
يديك العافيه

د. سي جي

كل سنة وانت طيب

أجد نفسي أقل من أن أشكرك لمشاعرك النبيلة التي تكنها لـ د.معز والتي أشاركك فيها وعلى ما يبدو معظم البورداب بل فلنقل معظم السودانيين.

في الواقع منذ فترة رأيت أن لا أدخل أي بوست يتعرض لأحد أعضاء المنبر لما في ذلك من أذى للعين والعقل والقلب .. ولأن البورد ملئ بما هو مفيد والزمن أقل من ما يمكننا قراءة كل البوستات.

لا أذكر ذلك في سبيل الدفاع عن نفسي (سواء كانت نفسي هذه هي شخصي الضعيف أو اعتبار سياسي) .. ولكن استوقفني هجومك الغير مبرر على الكثير منا .. فأحببت التعليق

حقا... إحذروا الحليم إذا غضب

تسلم من كل سوء ومن سوء الغضب

Quote: في الواقع منذ فترة رأيت أن لا أدخل أي بوست يتعرض لأحد أعضاء المنبر لما في ذلك من أذى للعين والعقل والقلب .. ولأن البورد ملئ بما هو مفيد والزمن أقل من ما يمكننا قراءة كل البوستات. لا أذكر ذلك في سبيل الدفاع عن نفسي (سواء كانت نفسي هذه هي شخصي الضعيف أو اعتبار سياسي) .. ولكن استوقفني هجومك الغير مبرر على الكثير منا .. فأحببت التعليق

fully agree!

كتب الأخ سجيمـان:

"ما شفت واحد من الناس المالين الصفحة الاولى.. بالبيانات والتهديدات... الكلام الفاضي ديل.... قال كلمة واحدة... ليه؟.... عشان معز ما شيوعي?..."


إحصـائيـة سـريعـة

ولقـد قمت بإحصـائيـة ســريعـة، للذين كتبـوا ردودا على فتحى البحيـرى، ولكنى توقفت فى العـد عنـدما وصلت المتـداخل رقـم 41، لأنى وجدت المدافعين بدون تردد عن د. معـز كانـو 40، والذى وضعتـه فى خانـة السـالب كان الأخ فتحى البحيـرى.
ولقـد تركنى هـذا فى حيـرة من أمـر مقال الأخ سجيمـان الأخيـر.

الأخ سجيمان

أنت زعلت الزعلة دي كلها عشان فرد واحد خدشو سمعته
وين زعلتك دي و الناس بموتوا بالآلاف (بحساب وزير الخارجية) في دارفور؟
ام تلك المأساة وفرت ليك مادة للكوميديا السوداء (الفوراوي الذي احببت)!!!!!
أنت ثرت عشان منعم سليمان اتكلم في شبق نسوان الشمالية
وين ثورتك لما عمر الفاروق شيخ الدين اتهم نسوان الغرب كلهم بالزنا؟!!
دكتور معز الناس دافعت عنو عشان هو دكتور مبرز و شعره جميل.
و دكتور بولا و دكتورة نجاة و مولانا التاج اسماعيل و غيرهم شغلهم يعني الموت أو
الحياة للآلاف (لو ما ملايين) في السودان بالذات و أعتبرني أول مطبلاتي علني لحقوق الأنسان
و عن المطبلاتية..... م ياهم جوك جري بطبولهم و بوقاتهم.
و مالك ما دافعت عن وردي.
نحن للأسف عايشين في عدة (سودان) separate and non equal
و تتكلم عن النفاق و انت اليوم قريت في عدة بوستات شتائم فاضحة و شخصية ضد دينق
لكن آثرت الدفاع عن الدكتور الذي لا يحتاج لدفاعك اليوم.

محمد سليمان

والله انت عذبتني عذاب في الدنيا دي..... لي يومين وانا ابحبت في الارشيف عشان اشوف طريقة كتابتك....يا محمد اخوي النضم الفوق دا اللييلك؟..... غايتو انا شاكي .. لكن حاعتبرو اللييلك........

Quote: أنت زعلت الزعلة دي كلها عشان فرد واحد خدشو سمعته

الفرد دا ما فرد عادي...... دا بروفسير معز

اولا التحية لدكتور معز شخيصا احترمه جدا ومعجب به منذ سنوات وقرات له الكثير
وكنت اطالع اخباره كل حين متي ما وجدتها لاعجابي به
دكتور معز اثبت انه مدرسة في الصمود ضد اقتيال الشخصية وقلب الطاولة علي المتعدي
بصبر وحنكة ودراية وروح الشاعر المسالم احترمه جدا ...

سجيمان انت ارجل زول في المنبر دا بعدي طوالي .. قصرت معاك ..

Quote: سجيمان انت ارجل زول في المنبر دا بعدي طوالي .. قصرت معاك ..

و لسه جايين

اساسي

Quote: قصرت معاك

ابداً..........حاشاك

ابو الريش

Quote: لأنى وجدت المدافعين بدون تردد عن د. معـز كانـو 40،

اربعين في المائة من الردود دي كاتباها سامية بكري..... يعني انت مفروض تتكلم عن ستين في المائة من الاربعين رد.....يعني حوالي ستة وتلاتين رد..في منبر يفوق اعضاءه الاربعة الف عضو....يعني النسبة اقل من واحد في المائة.....من مجمل الاعضاء....

اكتر من خمسة بوستات تخص بروف معز يا ابو الريش انزلها فتحي البحيري..فتحي شيلوهو القفة .....وفي بوستات للدافع انزلتا بتنا سامية بكري...... وامشي واقرا المداخلات مرة تانية......
واحدة اختنا الله يستر عليها لفحت توبا وجات جارية... اتعنقلت في نص العنقريب وقعدت تتعضر لكلام فتحي.....ووضعت معادلة قاطعاها من راسا....وكلو مافي صالح بروفسر معز......
اتمنى انك ترجع وتفتش الارشيف وحتلقى بوستات كتيرة تخص الموضوع دا.....ما بوست واحد بس......

اوت كاست

Quote: fully agree

حبابك الف

هاني ابو القاسم

Quote: تسلم من كل سوء ومن سوء الغضب

وانت يا هاني ...... سلمك الله

يا دكتور
بس ادوني حروف دكتور معز اتبرك في قوافيها
وابحر في جمالها واجعُر أنا زول بكاي شديد

الاستاذ سجيمان
انا حقيقي مستغرب انت كتبت البوست دا ليه ؟؟؟؟ ارجع الي بوست الاخ فتحي البحيري وحتلقي الاجابه ,, ما اظن الناس اتفقت يوم كما اتفقت علي الاستاذ معز

معروف سند

Quote: ما اظن الناس اتفقت يوم كما اتفقت علي الاستاذ معز

انا ما بقصد الناس الاتفقت..... انا بقصد الناس الما اتفقت مع الناس الاتفقت

سجيمان

خليهم يقولوا
هو غير القوالات شن عندهم
ديل اتكلموا في رب العزه
خلي دكتور معز ونسوان الشمال
والله ماعارف ديل كان حكمونا لاقدر الله يعملوا فينا شنو

زول ساكت

Quote: والله ماعارف ديل كان حكمونا لاقدر الله يعملوا فينا شنو

الله لا يسهلهم

ود الشيخ

Quote: أنا زول بكاي شديد

دي ما دايرة كلام

ود المسيد

Quote: كل سنة إنت والأهل بألف خير

كل سنة وانت طيب

شكرا للاضافة

سجومي العزيز

في شنو جديد عشان نجيب اهل العوض باللواري سريع

شايلين العكاكيز المضببه

وطبعا دكتور معز اهل عوض عديييييييييل كده وما بقدر ينكره يقول انا ولد خرتوم

وده ظاهر من اسمو الفيه العوض

ساميه بكري حمدا لله علي سلامتك

وسلامة ظهورك هنا تاني

وزي ما قال اساسي انتو الاتنين بعدي انا

أخي العزيز/ سجيمان:
كلامك في محلو تماماً .. ونتفق عليهو .. جملةً وتفصيلاً ...
ويمكن أنا في كثير من الأحيان .. برمزية (وزجر مؤدب) ..
نبهت لي مسألة الكيمان دي .. وكنا .. وسنظل ندافع عن
أي شريف بهذا المنبر مهما كان لونه أو فكره أو اتجاهه ..
أما د. معز .. فهو بالذات حبيبنا ولا نرضى فيه خدشة من اي
كائن حي .. سواء يمشي على أربعة أو اثنتين .. وكما ذكرت
أختي ست البنات (إبان داحس والغبراء) .. فتحنا ناراً على
المخبول إياه .. لا يعلم بها إلا الله .. وكان عندنا شوية قواتاً
كدي من طراز (المارينز) .. جاهزة لأي عملية إنزال براً وجواً
في أي زمان ومكان .. لتنفيذ أي مهام توكل إليها .. حتى التصفيات
غير الجسدية .. من هنا أقولها بأعلى صوت .. وليهدأ بالك أخي ..
فوالله لا نسلم د.معز أبداً .. وفينا عين تطرف .. وقلب يخفق .. وهذا
أول الغيث .. وترقبوا فإنا مترقبون .. والعاقبة على من ظلم وتجبر

وأقول أنا ضد جميع الألوان السياسية السودانية بكامل أطيافها .. لأنها
بي بساطة .. لا طعم ولا رائحة لها .. وإنما تمارس أدبيات الشللية ..
والعصبية البغيضة .. تجتمع على الظلم وتتفرق على الأهواء والمزاجات
وكلو .. كلو .. قعدات ما أنزل الكأس بها من سلطان .. ولا قوة .. والعاقبة
على من بغى .. وأقول من أراد أن تبكيه زوجته .. ويشمته فردته .. فليتبع
د. معز .. خلف هذا البورد .. لو كان راجل ود رجال ..
هو زاتو بعد دة رجالة شنو .. وكت المخبول المنفصم .. طلع المرأة الشمالية
- بدون مؤاخذة - أقصى حدود تفكيرها .. كيفية إشباع رغباتها الجنسية ..
من ....... (الفحل) ... عجبــي
جد أستغرب الغياب المتعمد للمرأة الشمالية (من ذوي الإتجاهات المختلفة)..
ولم يحركن ساكن .. (لمن أنا شكيت .. قلت يمكن يكون صح) .. وإلا بماذا تفسر
السكوت المخجل .. أنا شخصياً كنت أثق - قبل البوست الملعون - بحواء الشمال
وقدرتها على الدفاع عن نفسها .. لكن أمانة ما خاب ظني.

سجيمان وعباس وأساسي أرجل تلاتة بالبورد على الإطلاق ..
وأنا أرجل منهم التلاتة !!

ابو القنفد

Quote: وأقول أنا ضد جميع الألوان السياسية السودانية بكامل أطيافها .. لأنها بي بساطة .. لا طعم ولا رائحة لها .. وإنما تمارس أدبيات الشللية .. والعصبية البغيضة

يسلم لسانك

عبس

Quote: وزي ما قال اساسي انتو الاتنين بعدي انا

يعني انت ارجل مننا؟.....يا زول والله انت زول ماك ساهل

الرائع جدا جدا
سجيمان
أشكرك جداً على الوقفة القوية بجانب الأديب
الدكتور معز .. الذى لايحتاج بالطبع لمن يزكيه
فهو رقم يكبر كلما أجريت عليه عملية حسابية
**
ثانيا: الضعفاء هم من يمارسون إغتيال الشخصية
وللأسف إن كان السبب هو إنتماء غير مؤسس لأى فكر
لأن الفكر الذى لا يربى معتقديه ( هو فكر خواء)
**
ثالثاً:
الدعوة يجب التصدى لكل من يمارس هذا ( الإرهاب الفكرى )
وأعتقد أنه يجب أن تكون هنالك حدود للديمقراطية
رابعاً:
فلنتماسك .. ليقوى نسيج الوطن

ابوك يا سارة

Quote: الضعفاء هم من يمارسون إغتيال الشخصية وللأسف إن كان السبب هو إنتماء غير مؤسس لأى فكر لأن الفكر الذى لا يربى معتقديه ( هو فكر خواء)

لا فض...فوك

أخي العزيز سيجمان
صباح النور
قلت :
...قولو كرامة الشيوعي ولا كرامة اليساري..او كرامة الجمهوري... او كرامة الجبهجي.....
اذا قال سيجمان فصدقوه فخير القول ما قال سجيمان
انصر دينك
شوف يا سجيمان اخوي اليسار واتباعه واليمين وملحقاته وجهان لعملة واحدة
والدكتور معز معروف بادبه واسلوبه الراقي وتعامله مع الجميع بكل تقدير واحترام

حمزاوي

Quote: شوف يا سجيمان اخوي اليسار واتباعه واليمين وملحقاته وجهان لعملة واحدة

ينصر دينك انت .........

Quote: الراجل الجا وقعد يشتم في الشمالين ونسوان الشمالين وقال شبقات ولما يشوفن فحل الغرب الواحدة فيهن ترخي ضنبا؟.....دا ليه ما قلتو افصلوهو.... وين كرامة المرأة الشمالية..؟.....وين نسيونات حقوق المراة العاملات لنا خوتة في راسنا......والواحدة فيهن لو الواحد سلم عليها ساكت وما عجبا تقعد تكورك وتسلكب وووووب علينا الحقونا البعاتي عدو المرأة جانا........

أحيي الغضبة الس جي مانية الشريفة

(قبيــــل شــــن قلنــــــــــا)

الحبيب الغالي سجيمان،

قيل أن الخل الوفي هو ثالث المستحيلات
لكنك تحول الآن المستحيل إلى واقع معاش

لك الشكر الأنيق ولك المحبة والامتنان

وليكن عامنا الجديد عاماً مليئاً بالأمل والتفاؤل والمحبة ولنشطب تاريخنا المليء بالعداوة ونعيد صياغته بالحب والتسامح والصفاء

وكل عام وأنتم أحبتي..

لك وللجميع أهدي قصيدة «ليك يا بلد»

معز
_________________________________
ليك يا بلد

ليك يا بلد
بحمل هموم الشوق
حنين
و ألقاك عوالم من فرحْ
و امزج دواعي الإلفه ريد
و انسج خيوط الليل مرح
شوق المطر
فى سكة السفر الجديد
مسكون بألوان من قُزح
***
آه يا بلد
يا أغلى من كل الحروف
العابره من بحر الغرام
يا أسمى من وهج الصباح
لما النهار
في حضنو نام
اتوسّدَت كتفك شجون
ضاعت خطاويك
في الزحام
أنا خوفى من بعدك أتوه
في غابه
ما بتعرف سلام
في ليل فتح
باب المواجع للضلام
في كل لحظه
بتصحى في الزمن الكلام
كيف يبقى قلب الناس حجر
في حضنك السامى المقام
***
ما تخاف على الحق
يا بلد
ح تهب رياح طين الجروف
تحمل عبير الموج مدَدْ
و يطلع زمان الحب سنابل
في وسط حزناً هجد
و يجونا أطفال المدارس
لا بتقيف بينم هواجس
لا وساوس
في طريق ما ليهو حد
و يطلع مطر خير الأرض
و يتحول الرصاص ورد
و كل النجوم
النايمه من خلف السحاب
تظهر تبين فى ليل سَعد
و القمره و التاج الأمين
فوق الجبين
نلقاهو فى لحظه اتولد
و يسكت في أعماقنا السكون
تتحول الهمسات رعد
و تعود معزّتنا الزمان
و الإمتنان
عز القبيله الكان غمد
و الضحكه تطلع و الحنان
و الكلمة و الوقفه النبيله
خطى الأمان
و جواز سفر
لى كُلْ وسيله
ترجِّع الغاب و ابتعد
و انا يا بلد
وسط الدروب المستحيله
رحله فى غيم الهجير
تايه مع الأشواق دليله
و أملى فى السكه الطويله
أصلو لا خاب
لا اتفقد .

واللللللللللللللليلة

سيجمان هائج
لالالالالالا
دي كبيره

يادكتور سيجمان
ما قالو ما تعمل صوت الا الحله الفاضية
حلة مليانة زي دكتور معز صوتها بكون مليان ومكتوم
بتتكلم حاجات تانية

ولو ما مصدقني اجدع هسع حلة ملاحكم حق الليلة وحله فاضية من الدولاب
الحلة الفاضية حا تعمل صوت وتجيب ليك الجيران جارين"الجيران الشمشارين طبعا"
الحلة المليانة حا تعمل صوت مكتوم وتكشح حبه من الملاح السمح تاكلو الكدايس الصغيره "ديل انحنا"

خليهم بقلو في دكتور معز
هو مازي شجرة الصندل
كلو ما يدوها فاس
بتطلع ريحة حلوه

حسع لو ما الكلام ده
كان كتب قصيده زي الفوق دي


اما لي باقي الناس الفوق القلبو البوست ده بوست سياسي
اختشو
خلو لينا حبه بوستات نتونس فوقها ونحنا خلينا ليكم باقي البوستات

وبعدين دكتور معز ده محسود
اول شي وجيه
نمره اتنين دكتور وشااااااااااااااااااااااااطر
نمره تلاته شغال في حته كويسة وبوس كمان
نمره اربعة شاااااااااااااااااااااااااااااااعر
نمره خمسة البريدو كتااااااااااار
تم حزف رقم سبعة حتى لا يجد المتربصين فرصة
نمره تمانية ودي الاهم
لسانو ما وسخ زينا نحنا وده المهيج الناس ديل

ربنا يحفظه
ويحميه

وعليك النبي كان تضحك يا دكتور سيجمان
عامل دكتوراتك الجايبها من رومانيا دي

وليد محمد المبارك

Quote: وعليك النبي كان تضحك يا دكتور سيجمان

النبي عزيز وغالي

د.معز

Quote: لك الشكر الأنيق ولك المحبة والامتنان

ولك المحبة يا صديقي العزيز

احمد الشايقي

Quote: قبيــــل شــــن قلنــــــــــا

مسكينات كانن بيتونسن ساكت

Quote: سجيمان انت ارجل زول في المنبر دا بعدي طوالي .. قصرت معاك

والله يا سيجيمان انتا قلتا المابقدر يقولو زول في المنبر دا

كلامك مليون صاح


الأخ aboalkonfod

Quote: جد أستغرب الغياب المتعمد للمرأة الشمالية (من ذوي الإتجاهات المختلفة).. ولم يحركن ساكن .. (لمن أنا شكيت .. قلت يمكن يكون صح) .. وإلا بماذا تفسر السكوت المخجل .. أنا شخصياً كنت أثق - قبل البوست الملعون - بحواء الشمال وقدرتها على الدفاع عن نفسها .. لكن أمانة ما خاب ظني.

للأسف انا سمعتا بالموضوع دا وماقريتو , لكن والله لو كنتا حاضرة الموضوع دا ما كنتا سكتا
عارفه مشكلة المنبر هنا شنو, يعني لو موضوع زي دا أتكتب ضد غير الشماليات , كان المنبر قام وما قعد,وكان صدى الموضوع دا فضل لحد اليوم , والكل لحد اليوم بهاجموا في الكتبو وكل الأعضاء بكافة أجناسهم حتى الشمالين ما كانوا سكتوا
لكن لأن الموضوع بسئ للشماليات فقط , معناها الشمالين بس لازم يدافعوا , وهم بس لازم يزعلوا
ويجوا يقولوا عنصرية!!!!؟؟

Quote: تعرض بروفسير معز عمر بخيت في الايام الفاتت الي حملة .... شديدة ما خلتو هو ولا خلت ابوهو حتى ابوهو مسكين في صمة خشمو جو الصعاليك وقعدو يشتمو فيهو....ولا خلت الوارهو ولا القدامو.....ما شفت واحد من الناس المالين الصفحة الاولى.. بالبيانات والتهديدات... الكلام الفاضي ديل.... قال كلمة واحدة... ليه؟.... عشان معز ما شيوعي?... عشان معز ما عضو في جيش تحرير السودان?....... ودكتور معز اخد في خاطرو والله الراجل ما قال لي لكن انا حسيت بيهو..ولا جا شكا هنا وقعد يبكي وينتحب.... مافي ولا منافق جا قال الراجل دا وين... معز لم ينسحب من المنبر ولا لما يجي ينسحب حيعمل البروباقاندا الفارغة الاتعملت في اليومين الفاتو ديل.... اساليب سياسين الستينات نفس اساليب سياسين الالفية التالتة الله يقرفكم ويقرف يومكم....والغريبة ما عاوزين تطورو الله يعميكم ويزيدكم في الانتو فيهو.. الهي وجاهي ربنا يكتلكم دا ورا دا.....ويريح السودان منكم...... دمرتو البلد ولسه مصرين تدمروها..... بروفسير معز قدم للساحة الثقافية اكتر من القدموهو الموهومين الكل واحد قاعد لي في خلوة وقافلها عليهو والحيران يشيلو و يشكرو.. وهو يسوي ليهم في سجمنسكي قال ورمدنسكي قال..و قرب يقول لهم انا ربكم الاعلى....ويمكن بينو بين نفسو قايل كدا....... بروفسير معز شكك احد المجانين والمهووسين في مصادقتو الاكاديمية..... شكك في مؤهلاتو ... بيحاربو في اكل عيشو..يحاول يشوه سمعتو وسمعة والدو... مافي ولا قرد من القرود القاعدة تنطط حسي دي قال حاجة... ساكتين... كانو البيتهان واليبي ينزل دا ما عضو في المنبر ولا انسان يا بتاعين حقوق الانسان انتو.... وكرامة الانسان... .....تفصلّو كرامة الانسان علي ناسكم .... اما غيرهم في ستين الف داهية ..........علا ود اعمي شوقي بدري صراحة الراجل انصف البروفسير... كرامة الانسان... قالو؟...قولو كرامة الشيوعي ولا كرامة اليساري..او كرامة الجمهوري... او كرامة الجبهجي..... او كرامة اي حزبي من احزاب السودان الكتيرة وما منها فايدة.... البلا دمرت البلد ما عملت حاجة..... نحليهو بروفسر معز..... نقول يمكن حاسدنو....... الراجل الجا وقعد يشتم في الشمالين ونسوان الشمالين وقال شبقات ولما يشوفن فحل الغرب الواحدة فيهن ترخي ضنبا؟.....دا ليه ما قلتو افصلوهو.... وين كرامة المرأة الشمالية..؟.....وين نسيونات حقوق المراة العاملات لنا خوتة في راسنا......والواحدة فيهن لو الواحد سلم عليها ساكت وما عجبا تقعد تكورك وتسلكب وووووب علينا الحقونا البعاتي عدو المرأة جانا........نضمكم كلو فارغ في فارغ انا اعلن اني ماح اوقع على فصل اي عضو مهما كان......واتمنى من الاعضاء الواعين وعارفين اللعبة برضو ما يوقعو... واطالب بكري ابوبكر بعدم فصل اي عضو مهما كان......

الاخ الفاضل سي جي
حاولت ان اقتبس بعض اللي كتبتو لكن لقيتو كلو في صميم الصميم
والله قرفان من المنبر ومن مدعي النضال والثورية الببيعو زمة الكلمة عشان مجاملات وعشان زيد/ة ولا عبيد/ة من الناس علاقاتي بيهو كويسة ويحاولوا يجدو لنفسهم الاعذار الاقبح من الذنب
وحقيقة يا دكتور الاختشو ماتو ويكتلو الكتيل ويمشو في جنازتو لكن جنازتو ح تظل بعاتي تطاردهم اينما ذهبو لان الناس تعيش باخلاقا وكلمتا موش بي ترضيات ومجاملات وتعشميات خربة من اناس اخرب

وكان الله في عون بلادي طالما هؤلاء مثقفيها او ما تهيا لنا

ولا حول ولا قوة الا بالله

Quote: وكان الله في عون بلادي طالما هؤلاء مثقفيها او ما تهيا لنا

انا بعرف في الدنيا كلها الفيها احزاب....في حد ادنى للاتفاق..وهو مصلحة الوطن.... لكن سياسيننا ديل شُثر شتارة كعبة خلاص...... يعني ممكن يدمر البلد ويبيعها عشان خصمو ما يسجل نقطة لحسابو......والغريبة تسمعهم ينضمو تقول باكر دي كل مشاكلنا حيحيلوها.... الواحد النهار كلو ينضم وينضم.....واخر اليوم يمشي يتكبت بي بطانيتو ويتغتى ويشخر..وطز في البلد بي ناسا.........وفعلا كان الله في عونك يا بلد......

نهال احمد كرار

Quote: لكن لأن الموضوع بسئ للشماليات فقط , معناها الشمالين بس لازم يدافعوا , وهم بس لازم يزعلوا ويجوا يقولوا عنصرية!!!!؟؟

وللاسف بعض زميلاتك الشماليات....البيدافعن عن المراة....والواحدة لسانا طولو مترين....... كضمن

Quote: وللاسف بعض زميلاتك الشماليات....البيدافعن عن المراة....والواحدة لسانا طولو مترين....... كضمن

معقووله!!!!!!!!!!!!


سيجيمان أنا شماري عالي شوية

ممكن تصرح بالأسماء على بلاطه كدا , زي صراحتك في الموضوع دا كلو

سى j كل التحايا ياخى النجاح له مليون عدو , بس سؤال الى متى كل هذا الحريق؟ وتجربة معز فى الصبر والنجاح تحتاج لاكثر من وقفة ..ولى قدام

WadAker

Quote: النجاح له مليون عدو , بس سؤال الى متى كل هذا الحريق؟

الحريق عشان يطفوهو بيقابلوهو بالحريق

د. cg

اقرؤك معاني تبهر الحروف بهجه, بكل حميمية لغتناتسردنا فنبحث ما بين الكلمات لنجدك عمقا اخر.

معز,

قليلون من هم بقامته خلقا.. نبلا .. تسامح و تواضع ...تكفي كلماته في هذا البوست.

د. عادل

لك التجلة لهذه الوقفة الكريمة

ابو القنفد

ما شوفناك هناك..

Quote: سجيمان وعباس وأساسي أرجل تلاتة بالبورد على الإطلاق .. وأنا أرجل منهم التلاتة !!

دكين مرة قال بيان ارجل زول فى البورد

الخانة دى محجوزة

العزيز ولدى ود العمدة
انك لا تسمع الميت.. ربنا يجيب ليك كوم كبير ينصرك ظالما او مظلوما
ويزين ليك الغلط ويعمل اعراس الشهيد...
ولكن فى النهاية انت قد كسبت نفسك وهذا مكسب

سجيمان ...............
على القسم انت جبت من الاخر ........ ريحتنا

محمد حامد

Quote: على القسم انت جبت من الاخر ........ ريحتنا

تمام جنابك

خالتو بيان

كيفن الكلام ده دكين يقول كده لي خالتنا نحنا ما بنرضي تب كده انتي الخاله وبس

ربنا يديك العافيه يا ارجل مراءة في البورد دي كده كويسه

سجيمان يا ولدى مالك تاعب حسك و كيبوردك .. قرأت الموضوع وخرجت بأن ثريا التى تقول انها باحثة .. لا تبحث الا عن المشاكل..البحيرى يقولون انه مناضل .. منذ دخولى لمنبر استفدت منه صفرا كبيرا ولو انى بتاع مشاكل لخرجت من كتاباته بدكتوراة اما بروف معز قد شهد له الجميع لعلمه و اخلاقه و أدبه لكنى دائما اتذكر أن ..


Empty Barrels Make Noise

يا دكتور عادل....ازيّك....

انتو الكلام الفي المنبر دا قاعدين تتخيلوه شنو؟ والله انا شخصيا ومن زماااان
مفتكرو زي الحلم حلم ....اقرأ بس في حلمة...يوم واحد ما قريت لي كوم من الكيمان
بأعتباره نضال واغتيال شخصية...الكلام الكعب بعتبرها حلمة كعبة....نوع انت ماشي
في نومتك وقرصتك عقرب في كراعك...وصحيتك من النوم تلقي كراعك نصيحة...

والكلام السمح...بعتبروا نوع الحلمة البتصحي تحكيها ديك...البارح كنت خايد في بحر
مويتو صاااااااااافية وشواطيه خدر...وبس ما اكتر...دحين آ ود عمي ما تحرق اعصابك
وان كنت اجزم بأنك ترمي بشباكك هنا وانت تضحك....

نزار حسين

Quote: وان كنت اجزم بأنك ترمي بشباكك هنا وانت تضحك....

تصدق دا النضم الوحيد الماضحكت فيهو..........جد والله

الحلاوي

Quote: Empty Barrels Make Noise

True

بيان

Quote: دكين مرة قال بيان ارجل زول فى البورد

وانتي رايك شنو؟؟؟؟؟

اماني بخيت

Quote: لك التجلة لهذه الوقفة الكريمة

ولكم كل مودتي واحترامي

الخ الدكتور / عادل

تحياتي وانت تخرج من الحالة التي عرفناك بها الى حالة جديدة وهي كونك ود بلد اصيل وفارس للحق وبصراحة هذا هو ما نريدك له فانت ممن تركوا قضايا المنبر الحقيقية وظل في صومعة الونس الجميل يمني نفسه بيوم جميل بعيدا عن وجع الراس ..وارجوك ان تختار وجع الراس وان تختار لك قضية تقاتل من اجلها بدلا من ترك المنبر للمناضلين الكرتون.

د / معز

انا واحد من المعجبين به من زمن بعيد ولن تطاله سهام المخبولين..وراقبت ما كتب عنه هنا من البعد دون الخوض فيه ...فهو قامة سامقة دونها مواهبه الفذّة في الطب والشعر

وبقول ليك تاني د / عادل

اطلع من دور الونس وسن قلمك في قضايا الوطن والمنبر ...ولا تترك الساحة لمدّعي النضال


اخوك

قـــــــرجة

قرجة

Quote: ...فهو قامة سامقة دونها مواهبه الفذّة في الطب والشعر

ما قلت الا الحق

سجيمان كنا مروسين 3 يوم ((شفت التفاؤل كيف ب 2005)) ما فاهمين حاجة ما تقولوينا بالضبط الحاصل شنو ...لانو بصراحة كلو ولا د.معز


كل الود
غادة

انا ما بقصد الناس الاتفقت..... انا بقصد الناس الما اتفقت مع الناس الاتفقت


ما لكن كلام ثريا كان بالانجيزي وطبعا ما اي زول بعرف انجليزي ,, يعني الاتفقوا مع دكتور معز هم المسقفين والما اتفقوا معاهو هم الما مسقفين عشان مساكين ما بعرفوا لغات

معروف سند

Quote: ا لكن كلام ثريا كان بالانجيزي وطبعا ما اي زول بعرف انجليزي

لكن فتحي كان بيترجم .... للناس الما بيعرفو انجليزي

غادة نصر

Quote: سجيمان كنا مروسين 3 يوم ((شفت التفاؤل كيف ب 2005)) ما فاهمين حاجة ما تقولوينا بالضبط الحاصل شنو ...لانو بصراحة كلو ولا د.مع

دا كان رد لبوست في السنة الفاتت...وتداعيات تانية حصلت في تهاية السنة

الدكتور/سجيمان

تحياتي

دكتور معز اكبر من ان يتعرض له من هم في شاكلة الذين فعلوا...دكتور معز لا حاجة له لدفاع الشلليات التي اشرت اليها...وهو ليس باعزل فهو له خياره الذي يميزه عن اليمين واليسار...اتذكر قصائده عن جياع المويلح....ليته بذلها هنا في المنبر ...حسما لحملة التشكيك في مواقفه من النظام...

اما والده عمنا (ود العباس)فهو طود شامخ لن تنتاشه سهام الصغار...احيي فيك وقفتك مع دكتور معز...ولو كان الذي قيل عنه مما يؤبه به،او ما ينتقص منه لوجدتني وكثيرين مثلي ،نحمل قلما سيفا وعقلا نبيا ننافح بهما عن الدكتور ...الا اننا لم نر فارسا يستحق النزال ...لك الشكر ...وللدكتور معز ما يتمني من احلام كبيرة

كل مودتي

سيف الدولة احمد خليل

democracy

Quote: ...لك الشكر ...وللدكتور معز ما يتمني من احلام كبيرة

شكرا.. جزيلا لك انت

ألاخ الدكتور عادل

كلامي القلت ليك طلع صاح

عفيت منك يا دكتور ......... انت من زمان وين ؟


والليلة انت غايتو لم تخشى فى الحق لومة لائم أبداً

تخريفات SRيه


لوووووووول الكمساري يا دووووووب في عربية الشوايقا ؟؟؟؟؟؟؟؟


وتيب ح يحصل الفرملة متين وناس درجة رابعة ديل


الله يعينك بس البوليس ما معاك ليه ؟؟؟؟؟؟؟

سى جى
طول بالك .. العدالة فى هذا المنبر صعبة .. صعبة ..
اسهل تاخد حقك بى ايدك .
و برضو اعتقد ان بوست البحيرى نال ما يستحقه .
كل سنة و انت طيب .

برهان تاج الدين

Quote: اسهل تاخد حقك بى ايدك .

تراني قاعد اسوي كدي

المكاشفي

Quote: كلامي القلت ليك طلع صاح

انت كلك صاح

المعز عمر بخيت هو القائل في نصه " تخلف "

Quote: ونفس العسكر العسكر.. ونفس الحزب.. نفس القائد الملهم.. ونفس الوجه والمنظر.. ونفس ضياعنا المزري.. والخطوات تتعثر.. ونفس البنك والدولار.. نفس اللجنة الأولى.. والاعلام و الوجهاء والجهلاء باسم الدين.. نفس القوم والمعشر..

د. معز هو من أفرد خيطا جرئيا هاجم فيه حبس صديقه عمر محمد خالد
والذي تم تحت ستار الشريعة وتحت طائلة قانون الشريعة وقتها تصدت جماعات
الأسلام السياسي للدكتور معز وأعتبروا في هذا تصديا وهجوم علي الشريعة
ومحاولة لأستنثناء المشاهير والنجوم من أحكامها ...
لا أعتقد بعد هذا كله ممكن أن يقوم يساري عاقل بالهجوم علي د. معز
وقد أكد علي هذا أحد رموزاليسار بالمنبر وأحد المتعاطفيين مع الحزب
الشيوعي وأعني الأستاذ شوقي بدري الذي دافع ببسالة وموضوعية عن د .
معز ...

الدكتور الغالي .. مودتي
فعلاً هذا البورد تشوهه مشاركات لا تعي ما تقول ولا لاتفهم ما تريد .. فقط همهمأن ينالوا من أي شخص نقي عفيف .. فمثل دكتور معز يفتخر البورد بأنه عضو مشارك وفعال فيه وسط كل ذلك الغثاء .. وأكبر دليل عندما كتب رده في هذا البوست أردفه بأحد روائعه التي تحكي سريرته ..
أما ذلك الذي يشتم .. نساء الشمال وينعتهن بالذي قرأنا .. لم يملك الشجاعة عندما طلب منه الأخ الأخ أحمد الشايقي أن يبرز لنا في ذلك البوست الشهير وجاء متخفياً في بوست آخر حينها تأكد لنا أنه هو .. وطالما كان له عضوية في هذا المنبر .. سيقرأ كما قال الأخ أبو القنفد وكان عندنا شوية قواتاًكدي من طراز (المارينز) .. جاهزة لأي عملية إنزال براً وجواً في أي زمان ومكان .. لتنفيذ أي مهام توكل إليها
ويكفي د. معز حظه في هذه الدنيا .. علم زانه أدب

.....وعضّ سجيمان طرف جلابيتو....وقام صوف وهو يكورك"وااااااااااااااااااااي"

شكرا سجيميان ، على حسن ظنك بي ، في أول هذا البوست وفي آخره
ودون شك
إما أن أكون أنا جديرا بالذي قلدتني أياه
أو تكون أنت جديرا بأن تقلدني مثل هذا
أو شيئا ما ثالث
بين هذين الطرفين
مثل أن أحمل جزءا من المشكلة ، سوء الفهم والكون والتواجد هاهنا ، صغر أو كبر
وتحمل أنت جزءها الباقي صغر أو كبر
أنا هنا لأخبر الجميع أنني قرأت هذا وفهمته
وأنني جاهز للصمت عنه
مثل جاهزيتي
للمناقشة
وكلاهما عندي كما تعلمون ، حسن
ولكنني أرى قلة صبركم الواضحة على أي منهما
فإلى أي الحسنيين تدفعونني
أجيبوا

يا أنصاف العقلاء
وأعشار المنصفين!!
وياسجيمان ...خفيف الدم
الذي لم أكن أتوقع أن الخفة تتجاوز دمه إلى أشياءه الأخرى

أنا جاهز
للصمت
... وللجدل
فإلى أيهما تحيلني
يا ايها المنزه النزيه

فتحي البحيري

بدون انصاص وارباع واعشار

انا كنت بفتكر ولسه بفتكر انو شيلوك القفة....وقدر ما الناس قالو لك يافتحي القفة دي فيها شي كعب اجدعا... حلفت بي دينك وايمانك ما تنزلا من راسك.... ....وانت يا فتحي لو باريت القفف الزي دي..... داير لك كارو...تشل فيها كتير....
اما يا فتحي لو كنت النضم الجبتو داك وقلت جاك في الايميل دا نضم قاطعو من راسك... تعال انضم...اما لو كان ما نضمك ونضم زول تاني اخير لك في سكاتك........

سيف كلي

Quote: .. نساء الشمال وينعتهن بالذي قرأنا

انا كنت منتظر نسيوينات حقوق المراة وحقوق الانسان.اللافات في المنبر وصبيانهم...ان يدافعو عن حقوق نسوان الشمال..... وبعدين يا اخي عليك الله واحدة قاعدة لي في امريكا حتدافع عن مرا قاعدة في جزيرة بدين في اقصى شمال السودان كيف؟..... علا كان تكون القصة اكل عيش بس......

kamalabas

Quote: د. معز هو من أفرد خيطا جرئيا هاجم فيه حبس صديقه عمر محمد خالد والذي تم تحت ستار الشريعة وتحت طائلة قانون الشريعة وقتها تصدت جماعات الأسلام السياسي للدكتور معز وأعتبروا في هذا تصديا وهجوم علي الشريعة ومحاولة لأستنثناء المشاهير والنجوم من أحكامها ... لا أعتقد بعد هذا كله ممكن أن يقوم يساري عاقل بالهجوم علي د. معز وقد أكد علي هذا أحد رموزاليسار بالمنبر وأحد المتعاطفيين مع الحزب الشيوعي وأعني الأستاذ شوقي بدري الذي دافع ببسالة وموضوعية عن د.معز

كمال

فتحي البحيري مسيكين كان شايل القُفة...... وما عارف جواها في شنو؟... بعدين فتحي دا يساري؟.. اشول يعني؟... نان ما تقول لي قيامتك ربطت

الأخ سيجيمان
حقيقة لا أعرف لفتحي يسارية كل الذي أعرفه أنه هو شخصيا غلطان
وشات "ضفاري" في موضوع د. معز وبالتالي يتحمل مسؤلية ما كتب
وكل شاة معلقة من" عصبتها " وبعدين يا جماعة المنبر دا ما يسار ويميين
وبس وين الوسط والوسطية والأعتدال ...للوسط دور مهم في كل مناحي
حياتنا وفوق دا كله هو الأغلبية في بلدنا ..
كمال

كمال عباس

Quote: وين الوسط والوسطية والأعتدال

سوعال ابن ستين فتلة....

ان بقيت وسط...واتفقت مع اليسار في نقطة محددة...ناس اليمين طوالي صنفك....وان بقيت وسط واتفقت مع ناس اليمين.... ناس اليسار طوالي صنفوك ووروك المكشن بلا بصل.....تعرف يا كمال اليسار واليمين تجمعهم مع بعض ما يجو خمسة في المائة من تعداد السكان....ودا كمان يمكن اكون جاملتهم....

الأخ سيجيمان كتبت في رد علي أخ عزيز (وهو بالمناسبة زول ممتاز ماتزعل منه لأنه سارع
بالحكم عليك ) قال ذلك الأخ في بوست للأستاذ موصلي

Quote: اها جا سجيمان و اعلن للملا انه من اهل اليمين و بقوه.... هنا ميل البورد ب 180 درجه لليمين و بخروج د بولا و د. نجاة و ذهاب دينق و اختفاء مراويد و اعتكاف معظم كتاب "اليسار" اصبح البورد يمينى اللون و الرائحه و الطعم.

رددت عليه قائلا

Quote: يا أخوي سيجمان عمره مايكون يمين سيجمان دا زول وسط ساكت وبعدين الزول دا زعلان من زول أو زوليين بس.. وطبعا بعض الكيزان وأذنابهم يحاولو جاهديين أحتواء سيجمان وأنفاذ أجندتهم من خلاله -عبثا سيجمان أوعي من تمر عليه هذه المخططات ... المسألة ليست يسار ويمين فقط وأنما تضم تيار عريض بينهما وهو تيار الوسط وعموما أعتقدـ أن الخط العام للمنبر يعبر عن الوسط واليسار وقضاياهما المتمثلة في الديموقراطية والحريات العامة والدولة المدنية والسلام الشامل وقضايا المرأة والأقليات والأستنارة ودولة المؤسسات الخ بعكس أجندة اليمين المتنفذ المتمثلة في الشمولية وذج الدين في السياسة وجعله مطيةلخدمة مصالح سياسية وسلما للوصول للسلطة وسلاحا لأقصاءالخصم وأثارة النعرات العرقية والجهوية وقمع المرأة والأقليات وكبت الأخر وتكميمه والوقوف في وجه التغيير الأجتماعي والسياسي والثقافي الخ

كمال

الخفيف جدا
سجيمان
حسنا
ماسبق شرحته وبتفصيل ممل في مواضعه هنا
لمن أراد الرجوع إليه
(اللنكات في الرد التالي ، كونوا معنا)

Have you seen Dr Moez saying anything about this govern...AbdelAzziz Khaild ar

الاقتراح الأخير لثريا الحسن فيما يتعلق بهويتها وإثبات أن سامية بكري =د.معز

وثائق ومكاتبات من منظمة الصحة العالمية تخص مسألة معز عمر بخيت

نلتقي بالسنة (والقيم )الجديدة،اعتذارلمعجبي معز وله ، وإ...يا منبر الأمنيين هذا

يستوي عندي ، وهذا ما لا يستطيع كثير من معتادي الخفة والإبهام هنا فهمه، أن اشعر بألم أو اتسبب في ألم لشخص ما ، أي شخص
لا سيما هنا
وها أنذا
في واحدة من المراحل التي تظل محل فخر جميعا أدخل في هذا المنعطف (بغير إرادتي واختياري) وأخرج منه أيضا (بغير إرادتي واختياري)....
.... ولكن ضمن ثوابت وادعاءات وانتماءات لقيم وافكار أخصها ولا تخصني وحدي
قيم نتمنى ان تسود نفسياتنا وأرواحنا ونربي عليها صغارنا
من هذه القيم مثلا الشفافية ، والتجرد
ومنها أيضا دون شك ، أنك لا تستطيع البتة الوصول إلى حقيقة ما وانت تنظر إليها من جهة واحدة أو من زاوية ضيقة
وأن كل ما يرتبط بهذا الشكل أو ذاك بالشئون العامة هو ملك للعامة
وأنني أنتفع بنقد من ينتقدونني أكثر من انتفاعي بتطبيل من يطبلون لي
و
و
والخ
وقد شهدتم ، أو في وسعكم أن تشهدو بالرجوع إلى اللنكات أعلاه ، كيف يمارس الخفيفقون هنا الإبهام والتضليل عن عمد فيما لا يستحق
يريدون أن يوهموا القاريء الكريم أن كثرة القائلين بشيء تعني صحته وأن قلتهم تعني بخطئه بمعزل عن الشواهد والبينات والقرائن
.................. وأنى لهم بذلك
ويريدون منا ان نحكم في ذات الموقف حكمين مختلفين مع استواء الحال لاختلاف الشخص
فمثلا ثريا ليست ثريا ولكن سامية هي سامية مع استواء الاشتباه بل ورجحانه المضاد لزعمهم
وان الوثائق ليست هي الوثائق مع ان هناك من يقول خاطبوا منظمة الصحة العالمية بشأنها وشأن مضمونها
وأنني اتحرك من حسد وغباء مع علمهم التام والمشفوع بالأدلة المتواترة التي لاتنتهي أنني غير ذلك
وعلى الرغم من تكرم الذي يكتب هذا السخي بالانصراف عن هذا
يريد فقراء المنطق والشعور بالمسئولية تجاه قرائهم من أمثال معتاد الخفة سجيمان والمشكوك في وجودها الفيزيائي سامية أن يستثمروا صمتي مزيدا للإساءة ، ليس لي فقط ، وإنما لآخرين أيضا
وبوعي أو بدونه ..... يريدان خدمة (أي جهة) بهذ ا البوست الذي وفر لي ، واعذروني ، فرصة ذهبية للتراجع عن تراجع واعتذار لم يوفه أحد ، أي أحد ، مطلقا ، حقه
ودونكم الروابط ......... أعلاه
فشكري وتقديري للخفيفين سجيمان وسامية

..... وغدا نواصل
كونوا معنا

التقيل المدردم
فتحي البحيري

والموجود فيزيائيا جنب ستات الشاي في حي الشهداء......

شايفك لسه مصّر تشيل القفة؟....اعتذار شنو يا راجل؟.... انت لو عاوز تعتذر من الاساس جايب الموضوع ليه؟....واعتذار بعد شنو؟...بعد ما اتكسرت القزازة وادفق الفيها....

انت قبل كدا يا فتحي واحد كشف انك نقيب في الامن......قومت الدنيا وما قعدتها" انا شخصيا صدقت الكلام وغيري كتيرين صدقوهو"....وقعدت تجقلب......وقلت انو ظلمك.... كيف طيب الما بترضاهو لي نفسك تراضاهو لي غيرك.. اقصد الظلم.......

تسلم سجيمان
..... ما تراك بتعرف النقاش والمنطق أهو؟؟؟
اولا أنا لما اكتشف الممعن في الذكاء أنني نقيب في الأمن أو مستشار إعلامي على ما أذكر
لم أثر إلا على أنه رفض إيراد بيناته ، يعني أنا كنت دايروا يمش لي قدام
فهمتني
أكيد فاهم
لكن نسوي شنو ............... في النفاق ؟؟؟؟؟

وأعذروني أيها الآخرون
أما اعتذاري
فقد كان قبل خفتك هذه
ولم تره
مثلما لم يرى الذين تنعى عليهم أنهم لم يقفوا معك فيما ترى بوستاتي
ولهذا ، ولهذا فقط ن لم يسارعوا برجمي معك
فهمت إنك خفيف
تحياتي

فتحي

مصادقية من كشف انك تقيب في الامن ومستشار قانوني.... لا اشكك فيها..... ولست ولا غيري محتاجين لادلة.... عشان نصدقو... لانو راجل فوق الشبهات.... وما بينضم ساكت...

اما انت فانا اشكك وغيري كثيرين يشككون....وارجع لبوستاتك العملت لها لنك دي...

يا حلو انت....وزعلان عشان ايهاب توفيق باسوهو؟

عظيم
انا احترم احترامك لمصداقية صديقي عادل عبد العاطي
وسوف لن تفهم مليون سنة لي قدام أنني اعتبر هذا الاحترام مكسب لي على كل حال
لكن رغم أنف احترامي لاحترامك واحترامك ومصدالقية صديقي
فالطريقة المتبعة عرفا وعقلا ومنطقا لتداول اتهامات مثل اتهاماته واتهامات ثريا واخرين لمعز هي ما اتبعته أنا هنا ومالا زلت اطالب اللطرفين به لا سيما ما يتعلق بوجود سامية وثريا فيزيائيا

وانا ما مزعلني توقيق ولا انت لا باسوكم او باسوكم في الوطة حتى
مزعلني ، أيها الهارب من موضوعك الاساسي وخفتك الاساسية هنا ، انكم قوم تتجملون بالكذب والنفاق
(وتجعلون رزقكم أنكم تكذبون)

فتوحي

Quote: انا احترم احترامك لمصداقية صديقي عادل عبد العاطي

شكرا... دا اعتراف ضمني بانو كلام عادل صاح....وانك نقيب في الامن... طيب يا اخي مالك بي تجقلب وتكورك ؟....وبعدين فيها شنو لو كنت نقيب في الامن؟.... مافيها حاجة...

Quote: وانا ما مزعلني توقيق ولا انت لا باسوكم او باسوكم في الوطة حتى

زعلان وكمان عامل بوستي... عشان ايهاب توفيق باسوهو البنات السودانيات...وانت المنهم ولحمهم ودمهم ما باسوك..... يا اخي علي كيفن يبوسن اليبوسنو ويخلن اليخلنو...... لكن يا فتحي اخوي امانة في ضومتك جضومك ديل حسي.... في زول قنعان من روحو يبوسن؟

الله اديك العافية والفهم والأسلوب والنقاش الموضوعي والثبات على أجندة ما تطرج
في المرات القادمة
انتهينا
سجيمان / فتحي البحيري
فلستوب

فوق