Post: #1
Title: الوزيــر .. الذي...ســـرق الجضــوم
Author: سجيمان
Date: 01-20-2005, 05:45 AM
Parent: #0
......حمدت الله انو الديمقراطية جاية جارية جري....وكل زول شايفو فرحان بيها..... لكن نحن يا اخوانا السودانين.. قاعدين نضيع حقوقنا بايدينا..... ما قاعدين نسعل المسعولين الكبار من شيتات كتيرة...... لازمن وحيث انو يكون في قانون اسمو من اين لك هذا؟......... المسعول يجي وينسعل مننا لمن يزهج.... مافي زول بيقولو تلت التلاتة كم............قانون من اين لك هذا.... ضروري ضروري.........
اول حاجة .... انا شوف عيني الوزير يعينوهو معفص ومطفق وبعد اسبوع تلقاهو فرهد وسوى ليهو جضوم.... زي دا يجيبوهو ويسعلوهو من أي لك هذا الجضوم؟.....انتو قايلين الجضوم براها..... جضوم وعنقرة...وحاجات تانية ان قلتها بي يلحقوني امات طه......لكن تاني مافي نضم زي دا زمن الفوضى خلاص راح...ونحن داخلين في منعطف خطير ياقول النضمجية بتاعين السياسية..... الوزير اول ما يجي يحلف... يورونا مقاس جضومو ومقاس عنقرتو....ومقاس دفاراتو........كلو اسبوعين نشرة بالمقاسات..... أي زيادة... من حق أي مواطن يسعلو من اين لك هذا الدفارات؟.....ما يغشنا ويقول عندي حِبن....نسوي لجنة وفرتقو حتة حتة وتعرف كان دا حبن ولاّ زيادة دفارات ساكت....بصراحة نحنا ما عندنا قروش فايقات عشان يمحقوهن المسعولين ويسووهن شية جمُر وشعيرية.......... في مسعولين قبال ما يعينوهم تلقاهو لابس سفنجة ورابط كراعو بي شاش.... فيها عوّارة تكون.... بعد شوية يجيبوهو في التفلزيون ولابس جزمة جديدة وخالف كراعو ومقابلنا بيها.....لازمن وحيث ان.....و يسعلوهو.. من اين لك هذا الكراع الجديدة؟.... الكراع القديمة المربوطة بالشاش وديتا وين؟......وواحد يعينوهو وكرعيهو رقااااااق....بعد شهر تلقى الكرعين اتلكدمن وادرمن.........وبقت غُلااااااد.......دا برضو لازمن وحيثُ انو يسعلوهو من اين لك هذا الكرعين الغُلاد؟....... الحاجة الوحيدة الما نسعل منها الصلعة..لو مسعول جانا وعندو شعر وبعد يومين لقينا عندو صلعة لي نص راسو..... دا يحفزوهو ويشترو ليهو باروكة من حزينة الدولة.....وفي مسعول يعينوهو ونشوفو بطنو في ضهرو.. بعد يومين يسوي لو كرش.... ويقعد يقرقر ويضحك ويهز فيها ويتبوبر بها قدام جماهير الشعب الوفية..... دا لازمن من اخد مقاسات البطن قبل المسعولية....وبعد المسعولية كل اسبوعبن.... اي زيادة.....لازمن وحيث انو يسعلوهو...من اين لك هذا الكرشة؟......
وتلقى مسعول .... يعينوهو عندو فلجة في سنونو..... بعد شهرين تشوف الفلجة راحت..... دا برضو لازمن يسعالوهو وديت الفلجة وووووووين؟.... حيثُ انو الفلجة دي فلجة الشعب .....وملك الشعب...ومن اين لك هذا العُضام الردمت بيها الفلجة؟......وعُضام الشعب ملك الشعب........
وفي مسعولين قبال يبقو مسعولين..تلقى الواحد مشيتو في الواطا دي شترا وما بيعرف يمشي...... ياخد لو يومين تلقاهو بقي يقدل ويتفلهم في المشي.....اها زي دا يجيبوهو قدام لجنة من اين لك هذا....ويزرزروهو.....وينهزروهو ويسعلهو من اين لك هذا القدلّة؟.....لانو زي دا لو اتعود علي القدلة ..تاني ما بيخليها...وان شالوهو من المسعولية.... يحرد ويزعل ويطِرم ويمشي اهلو وتاني يوم يسوي انقلاب عشان يقدل فوق عينا...........ويبقى السلام الجمهوري:-
الرايق النعسان.... الدلال غاريهو
البيكاوي الناس قدلة قدلة مشيهو
|
Post: #2
Title: Re: الوزيــر .. الذي...ســـرق الجضــوم
Author: معتصم الطاهر
Date: 01-20-2005, 06:05 AM
Parent: #1
د. عادل
كل سنة وانت طيب
والعفو والعافية ..
وموضوع يحمل هم أكبر ..
|
Post: #8
Title: Re: الوزيــر .. الذي...ســـرق الجضــوم
Author: سجيمان
Date: 01-20-2005, 10:12 AM
Parent: #2
معتصم الطاهر
Quote: كل سنة وانت طيب
والعفو والعافية ..
|
كل سنة وانت طيب يا باشمهندس......والعفو لله والرسول
|
Post: #3
Title: Re: الوزيــر .. الذي...ســـرق الجضــوم
Author: shazaly gafar
Date: 01-20-2005, 06:06 AM
Parent: #1
أخى سجيمان
اولاً كل سنه وانت طيب
ربنا يجمعك والامنيات الحلوه
لقد أصبت عين الحقبقة بسهم الحق
وشهد معك شاهد من اهل الحكم والسلطان
يقول تقرير المراجع العام للعام المنصرم
ان قيمة اختلاس المال العام تبلغ 396مليون دينار سودانى
(شوفا بالعربى تطلع كم؟)هذا ما أُعلن عنه وما أُخفى أعظم
(المغتغت والمدسدس تِحِت..تِحِت)
أين هذه المبالغ من هدية(بن اللتبية) التى أُهديت اليه)
خلى بالك آ سجيمان
الناس ديل يوم القيامة حا يجو شايلين جِنِس جمال وبقر وكريسيدات وعمارات سوامق
,...و...و..و
لك من الشكر أجزلُه
وكل المنى
شاذلى
|
Post: #4
Title: Re: الوزيــر .. الذي...ســـرق الجضــوم
Author: Adrob wad Elkhatib
Date: 01-20-2005, 06:57 AM
Parent: #3
الاخ سيجمان وكل سنة وانت طيب ...كلامك صحى الناس ببقوا زي زولنا ده عتقرتهم السيف ما بدليها.
|
Post: #5
Title: Re: الوزيــر .. الذي...ســـرق الجضــوم
Author: A.Razek Althalib
Date: 01-20-2005, 07:32 AM
Parent: #4
الرهيب/ سجيمان.
كل عام وأنت بخير.
| Quote: الوزير يعينوهو معفص ومطفق وبعد اسبوع تلقاهو فرهد وسوى ليهو جضوم |
لزوم التمايز
المميزات يا أخوي تكون عامة لمخاطبة كافة الأذهان..
ومفتوحة تقبل التغيير والتبديل لا في مفاهيمها ومعانيها... وتمايزهاز
حتى في وجودها بقاء أو عدما!!!
شكلية وعقلية يمكن التعامل بها في إيصال المعاني... المتميزة..
لها ما يقابلها في الحس... والمعني الإستفزازي...
إنسانية لا تعبر إلا عن مقولة إنسانية... لرفع الدرجات في بعضنا البعض.
ولا أرى معنى لمناقشة هذه المميزات لهذه الحالة لا من حيث إمكانها الواقعي مجتمعة.. ولا من حيث إلتزامها السياسي نفسه في مشروعها من العقيدة إلى الثورة خصوصاً.
حلو إنت يا شعبي....
|
Post: #16
Title: Re: الوزيــر .. الذي...ســـرق الجضــوم
Author: سجيمان
Date: 01-21-2005, 08:02 AM
Parent: #5
Quote: الرهيب/ سجيمان.
كل عام وأنت بخير |
الرهيب المهيب\ عبد الرواق الطالب
وانت بخير والمعاك بخير
|
Post: #12
Title: Re: الوزيــر .. الذي...ســـرق الجضــوم
Author: سجيمان
Date: 01-20-2005, 06:12 PM
Parent: #4
ادروب ود الحطيب
| Quote: الاخ سيجمان وكل سنة وانت طيب ...كلامك صحى الناس ببقوا زي زولنا ده عتقرتهم السيف ما بدليها |
يا اخوي زي دا الله لاسهل لو يحكمنا..... عراريق ساكت يكمل قروشنا..دا دايرو طاقة قماش للعراقي الواحد....... اسهل تكسي مشروع الجزيرة من تكسيهو هو
|
Post: #10
Title: Re: الوزيــر .. الذي...ســـرق الجضــوم
Author: سجيمان
Date: 01-20-2005, 01:18 PM
Parent: #3
شاذلي جعفر
| Quote: الناس ديل يوم القيامة حا يجو شايلين جِنِس جمال وبقر وكريسيدات وعمارات سوامق |
يا زول غايتو في ناس.... الجمال براهااااااا....براها بتديهم مؤبد في لظى
|
Post: #6
Title: Re: الوزيــر .. الذي...ســـرق الجضــوم
Author: هشام مدنى
Date: 01-20-2005, 08:34 AM
Parent: #1
| Quote: تلقى الواحد مشيتو في الواطا دي شترا وما بيعرف يمشي...... ياخد لو يومين تلقاهو بقي يقدل ويتفلهم في المشي..... |
العزيز سجيمان
كـــل عــام وانتم بخير
لكن بتاعين الديمقراطية ما مروقين اصلا ولا رايك شنو
|
Post: #17
Title: Re: الوزيــر .. الذي...ســـرق الجضــوم
Author: سجيمان
Date: 01-21-2005, 09:19 AM
Parent: #6
هشام مدني
كل سنة وانت طيب
| Quote: لكن بتاعين الديمقراطية ما مروقين اصلا ولا رايك شنو |
طيب.....
عندك على انو.....انا بتاع ديمقراطية وما مروق
|
Post: #7
Title: Re: الوزيــر .. الذي...ســـرق الجضــوم
Author: بلدى يا حبوب
Date: 01-20-2005, 08:50 AM
Parent: #1
سيجمان
كل سنة وانت طيب والاسرة
بس ما قلت لى
وحاجات تانية ان قلتها بي يلحقوني امات طه......
الظاهر ده على وزن اعنية ترباس
احيك على هذا البوست الخفيف بحروفه ولكنه مثقل بالمعانى التى تصب فى مرحلة تطبيق السلام على الواقع
تخريمة على منوال رجاء
ما قلته لى خروفكم بمبى والله تركواز
عيد سعيد
|
Post: #22
Title: Re: الوزيــر .. الذي...ســـرق الجضــوم
Author: سجيمان
Date: 01-22-2005, 03:30 AM
Parent: #7
بلدي يا حبوب
Quote: ما قلته لى خروفكم بمبى والله تركواز
|
السنة دي ضابحين غنماية..... لونا بيجي
|
Post: #9
Title: Re: الوزيــر .. الذي...ســـرق الجضــوم
Author: democracy
Date: 01-20-2005, 11:12 AM
Parent: #1
سجيمان
تحياتي وكل عام وانت بخير
موضوع في السلك علي عملات شباب اليوم ،ان شاء الله يبقي اهل السياسة بفكرو زيك كدي...لو بفكرو زيك ما بتروح لينا عوجة...بمناسبة الفلجة ،في نكتة ظهرت مع بدايات الانقاذ والعهدة علي الرواة....قالو احد الظرفاء سئل عن دكتور الطيب سيخة ...قال:هي بس (بكسر الباء)...دكتور شنو اللا (لادا) ولا عيادة...اب فلجتن تحت...والله فلجتن ما شفتها الا فيهو هو والجمل...والراجل بعد فترة قام سد الفلجة (هي ما كانت فلجة ...كانت فتحة ولا نفاج ما عارف)....واظنك انت قاصد الزول دا الا لفيت بيييييي هناااااك.ما تخاف..شعار المرحلة السابقة(الخواف ربا عيالو)...سقط بالتزكية او قول(السكوت الجماعي)...وبناء علي بروتوكولات نيفاشا..الشعار الجديد(الشفافية واجب وطني)...شفافية دي حلوة ...عشان كدا حقو تكون من ناسا يا دكتور.
لك المودة
سيف الدولة احمد خليل
|
Post: #11
Title: Re: الوزيــر .. الذي...ســـرق الجضــوم
Author: الملك
Date: 01-20-2005, 01:58 PM
Parent: #9
سيجي مان
...
كل سنة وانت طيب
...
...
وبس لانى عدمان ......الفلجة والجضوم
....
....
|
Post: #26
Title: Re: الوزيــر .. الذي...ســـرق الجضــوم
Author: سجيمان
Date: 01-22-2005, 12:08 PM
Parent: #11
الملك
وانت طيب...والقابلة عريس...بس اوعك تنط
|
Post: #25
Title: Re: الوزيــر .. الذي...ســـرق الجضــوم
Author: سجيمان
Date: 01-22-2005, 08:39 AM
Parent: #9
democracy
| Quote: عن دكتور الطيب سيخة ...قال:هي بس (بكسر الباء)...دكتور شنو اللا (لادا) ولا عيادة...اب فلجتن تحت...والله فلجتن ما شفتها الا فيهو هو والجمل.. |
عاد يطرشني كان سمعت انو الطيب سيخة عندو فلجة....ويعميني كان شفتها....ويبقى لي خراب الرقدو علا نضمك دا
قال شفايفة....؟؟؟..والله اياهو
|
Post: #13
Title: Re: الوزيــر .. الذي...ســـرق الجضــوم
Author: ود الشيخ
Date: 01-20-2005, 06:15 PM
Parent: #1
هوي يا سي جي
أنا الكضوم ما بتكلم فيها وما بتجرجرني
|
Post: #27
Title: Re: الوزيــر .. الذي...ســـرق الجضــوم
Author: سجيمان
Date: 01-22-2005, 11:33 PM
Parent: #13
ود الشيخ
| Quote: أنا الكضوم ما بتكلم فيها وما بتجرجرني |
خلاص!
اتكلم في الكفرات
|
Post: #14
Title: Re: الوزيــر .. الذي...ســـرق الجضــوم
Author: Balla Musa
Date: 01-20-2005, 09:17 PM
Parent: #1
سجيمان
العيد مبارك عليك
| Quote: .....وفي مسعول يعينوهو ونشوفو بطنو في ضهرو.. بعد يومين يسوي لو كرش.... ويقعد يقرقر ويضحك ويهز فيها ويتبوبر بها قدام جماهير الشعب الوفية..... دا لازمن من اخد مقاسات البطن قبل المسعولية....وبعد المسعولية كل اسبوعبن.... اي زيادة.....لازمن وحيث انو يسعلوهو...من اين لك هذا الكرشة؟...... |
إتذكرت بناظير بوتو كلما تدخل الوزارة بطنها تكبر.
دي الراحات يا ربى ولا راجلا زعلان من الشعب.
أها لو فى زى دا حصل عندنا يحاسبوا الوزيرة ولا راجلا?
|
Post: #15
Title: Re: الوزيــر .. الذي...ســـرق الجضــوم
Author: انور الطيب
Date: 01-20-2005, 09:54 PM
Parent: #14
الأخ سجيمان كل سنة وأنت طيب
لقد أصبت عين الحقيقة
|
Post: #18
Title: Re: الوزيــر .. الذي...ســـرق الجضــوم
Author: حبيب نورة
Date: 01-21-2005, 02:25 PM
Parent: #15
سجيمان
انت اول زول مفروض الناس تسعلو من أين لك هذا؟؟!!
حسب علمي انت اول ما جيت البورد دة جيت هارب
من كفيلك في عرعر لابس سفنجة وطاقية باكستانية
حقّت البنقالي الشغال معاك في البقالة !!!!
هسة سويت ليك ملفحة وشال... عليك الله ما من حقنا
انت وانا نسعلك من أين لك هذه الملفحة!!!!!!!!
من وين لفحتها ؟؟ وغير كدة الصلعة زاتة أختفت
في ( شعور غامضة) ودة مثبت في الأرشيف في
بوست ندي القلعة... يا تري من أين لك هذا الخنفس!!
   
|
Post: #19
Title: Re: الوزيــر .. الذي...ســـرق الجضــوم
Author: shak
Date: 01-21-2005, 03:25 PM
Parent: #18
بعدين يا سجيمان فى وزير يجى سوسيو تلقا بقا بعد التعيين كراكة .. وواحد يجى ما عندو شلاليف تلقا قنطر لى شلوفتين يسون حلة ما تنسى عقاب الوزراء الشلاليف والكراكات الفيها عجلات كبار
شاك
|
Post: #20
Title: Re: الوزيــر .. الذي...ســـرق الجضــوم
Author: shak
Date: 01-21-2005, 03:35 PM
Parent: #18
بعدين يا سجيمان فى وزير يجى سوسيو تلقا بقا بعد التعيين كراكة .. وواحد يجى ما عندو شلاليف تلقا قنطر لى شلوفتين يسون حلة ما تنسى عقاب الوزراء الشلاليف والكراكات الفيها عجلات كبار
شاك
|
Post: #35
Title: Re: الوزيــر .. الذي...ســـرق الجضــوم
Author: سجيمان
Date: 01-24-2005, 11:47 PM
Parent: #20
شاك
| Quote: بعدين يا سجيمان فى وزير يجى سوسيو تلقا بقا بعد التعيين كراكة |
في نوعين من التكريك......نوع حميد ونوع خبيث... لو كان من النوع الخبيث تجب محاسبتو
|
Post: #32
Title: Re: الوزيــر .. الذي...ســـرق الجضــوم
Author: سجيمان
Date: 01-24-2005, 05:44 AM
Parent: #18
حبيب نورة
Quote: وغير كدة الصلعة زاتة أختفت
في ( شعور غامضة) ودة مثبت في الأرشيف في
بوست ندي القلعة... يا تري من أين لك هذا الخنفس!!
|
تصدق يا حبيبا.......حسي شعري بدا يتساقط..كما المطر.... شعرة شعرة....كلو من عينك
|
Post: #31
Title: Re: الوزيــر .. الذي...ســـرق الجضــوم
Author: سجيمان
Date: 01-24-2005, 01:44 AM
Parent: #15
انور الطيب
كل سنة وانت طيب
| Quote: لقد أصبت عين الحقيقة |
بت الكلب........
|
Post: #30
Title: Re: الوزيــر .. الذي...ســـرق الجضــوم
Author: سجيمان
Date: 01-23-2005, 08:17 AM
Parent: #14
بله موسى
| Quote: أها لو فى زى دا حصل عندنا يحاسبوا الوزيرة ولا راجلا? |
ولا واحد فيهم
يكون الولد الجايي..... ابن الشعب
|
Post: #21
Title: Re: الوزيــر .. الذي...ســـرق الجضــوم
Author: Raja
Date: 01-21-2005, 04:13 PM
Parent: #1
سيجيمان العزيز..
عيد سعيد عليك وعلى أم الخير وفوفو..
وشهر سبعة الجاي مع تقسيمات الوزارات الجديدة في الفترة الانتقالية.. شحدتا ربي يسووك وزير..
قول آمين..
|
Post: #36
Title: Re: الوزيــر .. الذي...ســـرق الجضــوم
Author: سجيمان
Date: 01-25-2005, 02:55 AM
Parent: #21
رجاء
| Quote: شحدتا ربي يسووك وزير |
الخارجية......
عشان كل يوم في بلد.....واكل شعيرية سااااااكت
|
Post: #23
Title: Re: الوزيــر .. الذي...ســـرق الجضــوم
Author: حمزاوي
Date: 01-22-2005, 03:56 AM
Parent: #1
اخوي سجيمان ود عم بله
كيفنك يا جنا
عيد سعيد وكل سنة وانت طيب
بلغ تحياتنا وتهانينا بالعيد السعيد للست ام الخير
يا اخوي
انا عايز اشوف لي وزيرة كراعين غلاااااااد
لان الكراعين الغلاااااااد دليل الشغل الممتاز والعطاء السخي
واموت أنا في الحصاحيصا
|
Post: #37
Title: Re: الوزيــر .. الذي...ســـرق الجضــوم
Author: سجيمان
Date: 01-25-2005, 04:55 AM
Parent: #23
حمزاوي
كل سنة وانت طيب
Quote: لان الكراعين الغلاااااااد دليل الشغل الممتاز والعطاء السخي
|
الشغل الممتاز عرفتو.......علا الما عرفتو العطاء السخي
|
Post: #24
Title: Re: الوزيــر .. الذي...ســـرق الجضــوم
Author: aboalkonfod
Date: 01-22-2005, 07:00 AM
Parent: #1
أخوي سجيمان ..
ما تنسى كمان :
الوزراء أب عيوناً مزغللة .. قبل الوزارة تلقى معرسلو واحدة
وحات نضرك متل الغوريلا .. وبعد الوزارة تلقاهو عاقدلك على
شبح موديل 2005 كرت .. مفروض يتسعل من أين لك هذا الجكس؟؟
أصلو مافي لِعب .. قبل الوزارة تلقاهو راكبلو (هيلمن) من سنة
حفرو البحر .. وبعد الوزارة راكبلو (ليلى علوي) مظللة .. أها
مفروض يتسعل من أين لك هذا التظليل والتغميم؟؟
ضُمة يا أخوى ما بنسكت بعد دة .. وحات خوتك قبل الوزارة تلقا
عويناتي مِتل الديك الماكلو بصل كتير .. مغبرن .. أها بعد الوزارة
يركبلو نضارات وارد باريس مغيمة .. لزوم المشاغلة والسكسكة ...
مفروض يتسعل من أين لك هذا الغمام؟؟
يا أخوي مفروض نسجلو ضحكتو وقهقتو .. بعد الوزارة صوتو ببقا
تخين متل ودك حبوبتي .. لزوم الفنجرة والتغينة .. مفروض نسعلو
من أين لك هذا البحة؟؟؟
قبل الوزارة وحات النِعمة ضبالان مِتل الجرجير الراقدلو في السوق
شهر .. أها بعد الوزارة .. عضيماتو يتملن (بالبروتين) الخطير ..
مساعد ياي الصعلكة والفحلنة ... مفروض نسعلو من اين لك هذه
الفحولية؟؟
|
Post: #39
Title: Re: الوزيــر .. الذي...ســـرق الجضــوم
Author: سجيمان
Date: 01-26-2005, 02:34 AM
Parent: #24
ابو القنفد
Quote: مفروض نسعلو من اين لك هذه
الفحولية؟؟
|
دا سوعال....ختري شديد وضروري
|
Post: #28
Title: Re: الوزيــر .. الذي...ســـرق الجضــوم
Author: aosman
Date: 01-23-2005, 00:15 AM
Parent: #1
سجيمان و الجميع
كل سنة و انتو طيبين
يا سجيمان انت كنت زمان بتكتب بالاسود و الخط كان صغير هسي بقيت تكتب بالاحمر و الخط كبر من اين لك هذا
|
Post: #41
Title: Re: الوزيــر .. الذي...ســـرق الجضــوم
Author: سجيمان
Date: 01-26-2005, 04:31 AM
Parent: #28
aosman
كل سنة انت طيب
| Quote: يا سجيمان انت كنت زمان بتكتب بالاسود و الخط كان صغير هسي بقيت تكتب بالاحمر و الخط كبر من اين لك هذا |
اعمل حسابك الخط الاحمر وكبار دا ماركة مسجلة.....يعني ممكن تكون في مساءلة قانونية
|
Post: #29
Title: Re: الوزيــر .. الذي...ســـرق الجضــوم
Author: Alshafea Ibrahim
Date: 01-23-2005, 02:21 AM
Parent: #1
أصبت يا سجيمان
بس نسيت حاجة واحد ه
قبل كانت عنده زوجة واحدة ومنزل واحد قد يكون بالأجرة
بعد مثنى وثلاث ورباع تمشيا بالدين الحنيف وبيوت ملك بعدد الزوجات المعلنات ناهيك عن زوجات السر ؟؟
ده ينسعل ولا يخلوه ؟؟
|
Post: #33
Title: Re: الوزيــر .. الذي...ســـرق الجضــوم
Author: عوض الله الفولانى
Date: 01-24-2005, 08:02 AM
Parent: #29
الغالى / سي جى
اترك لك التعليق !!! بس اووووووع تخاف
الفولانى
|
Post: #34
Title: Re: الوزيــر .. الذي...ســـرق الجضــوم
Author: omer almahi
Date: 01-24-2005, 02:48 PM
Parent: #33
دكتور عادل
عيد سعيد
|
Post: #38
Title: Re: الوزيــر .. الذي...ســـرق الجضــوم
Author: خضر عطا المنان
Date: 01-25-2005, 08:55 AM
Parent: #34
آ.. قشيران أنت الجضوم متورمة من سنة 1989
ما شفتها الا الليلة ؟؟؟؟؟؟.
بعدين أنت تتكلم عن الوزير ؟؟؟؟؟.
طيب انت ما شفت الفاتح عروة ابدا ؟؟؟؟؟؟؟.
كنت عايز أقول ليك زول تاني ولا وزير ولا حاجة
لكن مستوزر !!!!! أنا ساميهو ( الود الزبدة!!!)
لكن أسع ابيت أقولو ليك فشان انو عيان وخسة !!!!.
وطبعا كانو ناوين يرسلوه لى مستشفى الملك فهد التخصصي
لكن خافو على حياتو لما عرفو انك في السعودية !!!.
وحالة التشخيص ليهو قالو أنو يوم بالليل مر بى جنبو
وهو في الحبس الانفرادي في كوبر ( فار الترابي ) المدوعل
داك !!!!. وبس الحمى الياها !!!!! أبت ما تفكو لحدي ما اطلقو
سراحو فسرع !!!!!!.
دا حسين خوجلي أ....قشيران !!!!!!.
خضرعطا المنان
|
Post: #45
Title: Re: الوزيــر .. الذي...ســـرق الجضــوم
Author: سجيمان
Date: 01-26-2005, 08:02 AM
Parent: #38
خضر عطا المنان
Quote: وحالة التشخيص ليهو قالو أنو يوم بالليل مر بى جنبو
وهو في الحبس الانفرادي في كوبر ( فار الترابي ) المدوعل
داك !!!!. وبس الحمى الياها !!!!! أبت ما تفكو لحدي ما اطلقو
سراحو فسرع !!!!!!.
|
بس الفار ما عضاهو...... والله كان عضاهو كان لي حسي الفار شبعااااان
لكن في زول قال لي حسين خوجلي دا الجضوم ديل عندو من اهلو....من زماااان.... زولي دا هوايتو مقاس جضيمات بس
|
Post: #44
Title: Re: الوزيــر .. الذي...ســـرق الجضــوم
Author: سجيمان
Date: 01-26-2005, 07:28 AM
Parent: #34
عمر الماحي
كل سنة وانت طيب...والقابلة عريس
|
Post: #43
Title: Re: الوزيــر .. الذي...ســـرق الجضــوم
Author: سجيمان
Date: 01-26-2005, 05:21 AM
Parent: #33
عوض الله الفولاني
Quote: اترك لك التعليق !!! بس اووووووع تخاف
|
الخواف ربا عيالو......شعار الجمهورية
|
Post: #42
Title: Re: الوزيــر .. الذي...ســـرق الجضــوم
Author: سجيمان
Date: 01-26-2005, 05:07 AM
Parent: #29
الشفيع ابراهيم
| Quote: ده ينسعل ولا يخلوه ؟؟ |
ينسعل ونص......وما يخلوهو كلو كلو
|
Post: #40
Title: الوزير ابو جضوم
Author: هشام المجمر
Date: 01-26-2005, 03:41 AM
Parent: #1
الأخ سيجيمان
لعلك لم تقرأ البوست بعنوان الفساد- اكبر مهددات السلام
وأنت الآن تثير نفس الموضوع و لكن بإسلوب آخر
لأهمية الموضوع اورد هنا البوست مرة اخرى
فى اعتقادى أن اكبر مهددات السلام الآتى هو الفساد. و فيما يقوم الناس ويقعدون فى مساجلات سياسية حول بروتكولات السلام الموقعة نجد ان كلا من اتفاقية السلام السودانية الموقعة بين حكومة السودان و الحركة الشعبية و الإتفاق المبدئى الموقع بين حكومة السودان و التجمع الوطنى الديمقراطى قد اغفلتا موضوع الفساد و إجتثاثه..
تقرير منظمة الشفافية العالمية لهذا العام وضع السودان فى مرتبة متاخرة من حيث النظافة. نال السودان المركز 124 من بين دول العالم.
تقارير المراجع العام لحكومة السودان السنوية تكشف اختلاسات بالمليارات من اجهزة الدولة المختلفة و البنوك.
بدأ حكم الجبهة الإسلامية بشعارات مثل طهارة اليد و انتهى بهتاف هى لله هى لله لا للسلطة ولا للجاه.
وما بين الشعارين فرق واضح فى الروح و المضمون.
ففى الشعار الأول أراد الحكام الجدد للسودان إيصال رسالة واضحة للمحكومين: سوف لن تمتد أيدينا الى المال العام .
لكن هذه الأيدى فعلت بالمال العام كل شىء يمكن أن ينتمى الى فصيلة الفساد. أنتهى الأمر بالناس بعدم التمييز بين مال الدولة و مال التنظيم و انتهب المتنفذون وغيرهم الوفير من المال فأتخمت الجيوب و اكتنزت الأبدان.
عرف الشعب بأمر الفساد وصارت آلاف الحكاوى تحكى.
لذلك اطلقوا الشعار الثانى و هو ما يفيد ان كل هذه النعمة و الثراء الفاحش بينما الشعب يتضور جوعا انما قصد بها وجه الله العلى القدير.
وهنا التبرير واضح فالشعب الذى شاهد سقوط الشعار الأول لابد أن يتعلم ان هذا ليس بسقوط انما لغاية سامية وهى تمكين هؤلاء لأنهم يتبعون سبيل الله فهذه الأموال لله.. و البنايات الشاهقة...لله ... والسيارات الفارهة لله.. وتعدد الزوجات .. لله. فهل من مصدق؟
لا اريد الإنحراف عن الموضوع بالحديث المطول عن مظاهر فساد النظام وإنما اختصره بالقول إن كل جهاز الدولة الحالى فاسد ولا يصلح للقيام بمهام المرحلة الحالية و سوف يكون وبالا على السلام إن ظل كما هو.
|
Post: #46
Title: Re: الوزير ابو جضوم
Author: سجيمان
Date: 01-26-2005, 10:03 AM
Parent: #40
هشام المجمر
شكرا للاضافة.......
|
|