Post: #1
Title: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-20-2005, 09:22 PM
Parent: #0
كم يوم ادخل واقرا... النضم الكاتبو.. واحد من زملاء المنبر... بخصوص بنيتنا عبير خيري....وانو جماعة من ناس الامن كفتوها.... زعلت شديد.....ادخل واقرا وانا اعضعض في شلاليفي من الزعل....لي شنو يكفتوها؟.... عشان كتبت كلام في زول وقالت كعب؟.... لو الكتابة بتكفت الناس ما في زول واحد من ناس المنبر دا بيمرق من الكفوف....وبعدين الناس ديل البلد فيها محاكم وفيها قوانين ...لي شنو ما مشو فتحو بلاغ في عبير واشتكوها؟ ..والمحكمة بتجيب لهم حقهم....ان بقى عندهم حق عندها..... قالو هم من ناس الامن..... ناس الامن عارفين الدروب كلها وعارفين اللعوج والعديل.......دا ان صدقو وبقو هم صُح من الامن...... وما بقو ناس كضابين.. زعلانين لي زولهم دا وجو كفتو عبير......مع انو عبير من نضما ومن نضم الزول الكتب الموضوع...ما قالو هم من الامن ولاّ..لا......لكن الجماعة الزعلانين من الحكومة طوالي طلعوهم من الامن.....ان بقو من الامن ولا ما من الامن ....ما ليهم أي حق يسو في عبير السوهو فيها............
غايتو ان طلعو من الامن تبقى مصيبة...ومصيبة كبيرة.... ياخدو حقهم بايدهم....ويبقو هم الحكم وهم الخصم وهم البينفزو الحكم.....يعني هم دولة بي حالا... وطز في الدولة ....وطز في القانون....وان بقو ما من الامن المصيبة تبقى اكبر... يعني البلد فوضى..وكل زول يسوي الدايرو....ومافي سوعال ولا مسعولية ولا امشي ولا تعالي.....غايتو في راي عبير ما تسكت علي النضم دا.....وتوصلو حدو....ونحن برضو دايرين نعرف..... القصة شنو بالظبطي كدي.....
انا زول طولت من البلد.... قابلت واحد جايي قريب منها...... قال لي هناك تسوي أي شي دايرو.... وعينك قوية...ومافي الحبة تجيك......بي قروشك...... تبقى ظابط في الديش.....وبي قروشك تبقى ظابط في البوليص....تدفع يطلعو لك بطاقة ظابط....والرتبة الانت دايرا....تشيل بطاقتك في جيبك....وتقضى بها غرضك.....النضم دا في ضمة الزول القالو لي......حتى الشهادات الجامعية...... أي شهادة دايرا تدفع..... تجيك وانت راقد عند اهلك...حتى لو كنت ما بتعرف الواو الضكر.......والشهادة مختومة وموقعة توقيع مدير الجامعة...وكمان ممكن يوثقوها لك في وزارة الخارجية...واي بكان داير ختمو يختموها لك......شفتو المصيبة دي؟......غايتو حكاية الظباط دي انا ما بعرفا.... علا الشهادة الجامعية شوف عيني البياكلا الدود......والزول قال لي كلفتو تلاتمائة الف... جنية....بنياتي دايرات يمشت يقرن الجامعة في السودان..... لكن وقت النضم بقى كدي....لا يمشن ولا شيتين..... يقعدن معاي هنا......ونرسل يجيبو ليهن شهادات...وبسعر رخيص....ارخص من تكلفة القراية.....ودوشتا ومصاريفها...يشيلن شهاداتن في امانة الله..ويمرقن علي السهلة ويسوطن مع السايطين......وانا شورتي ليهن.. يشترن شهادات تخصصات ما فيها أي مسعولية.... و قروشها كتار.....
غايتو الناس الاتلومو في عبير..متلومين لمن اللوم يقيف لو حد..... ورجال باقي لي ما عندهم ولايا.....وشاحد الله النضم دا يقع فوقو زول مسعول ..من المسعولين الكبار.....يبحت وراهو.....وما يخليهو......لانو لو خلوهو.... الناس الكعبين كتاااااار.... وممكن يسو اكتر من كدي......
ان شاء الله وقت امشي السودان تبقى الهيصة دي ما انتهت.....هيصة بطاقات الظُباط...عشان اطلع لي بطاقة لواء......واركب حافلة... ..حافلة...ودفار ..دفار... واقعد انهر وانهزر في خلق الله.... بي سبب وبدون سبب.... والاجاويد يكوركو لي يا جانبو صلي علي النبي.......ويا جنابو المسامح كريم....وانا اتنفخ واقيف لمبة...واحلف بالتكسرني ما اخليهو ...ولا زمن النوع دا يعرف انو البلد فيها قانون وفيها ناس حارساها.....والنفخة تزيد لو الحافلة فيها جكس نضيف.......يا سلام....يبقى يوم العيد وصبح علي.......انهزر الزول وبي طرف عيني اعاين للجكس واشوف ما مدى وقع رجالتي وضكرتني عليهن......واباري الحفلات والغُنا..وحفلات ناس ندى القلعة....واكون واقف بعيد من الحفلة.... اشوف لي عسكري دايش.....واقول لو بي نهرة.... امشي نادي ندى القلعة دي وقول ليها في واحد لواء عاوزك....واكلمو لازمن يقولها بي صوت عالي....وتجي ندى جارية حفيانة وخايفة وقلبها مقطوع.....اقابلها انا منفوح الصدر والجضوم.....واولع سجارة وانفخ في الهوا.....وما اعاين لها اصلو عشان تجن وتتمحن....ندى ازيك......يا ندى النضم دا دحين مو عيب منك؟....يا ندى انتي شخصية اجتماعية مهمة...ومافي داعي للتلتلة والمشاكل....ليكي... ياندى انا زول مسعوووول ومسعول كبير ووراي مسعوليات بلد بي حالها..... يا ندى انا واقف مصلوب لي ساعتين هنا و بسمع في الغُنا...... وانتي لي حسي ما غنيتي غنية الشوق شاقا شقانا؟......امشي... وخليكي بني ادمه..... و احترمي نفسك وغني الغنية دي.......
|
Post: #2
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: عبدالله
Date: 03-20-2005, 09:54 PM
Parent: #1
Quote:
حديث المدينة
عثمان ميرغني
Email: [email protected]
بلاغ في قسم الكلاكلة .!!
تلقيت مزيدا من الشكاوى من مواطنين يتعرضون لمتاعب كبيرة بسبب اعتراضهم او مضايقتهم او تهديد أمنهم بواسطة رجال يلبسون زيا نظاميا ويحملون في ايديهم أسلحة رشاشة..
وبالأمس ذهبت بنفسي لرؤية آثار واقعة أخيرة حدثت بالقرب من منطقة الكلاكلة .. واصاب المواطن - الذي اتصل بي - واسرته هلع كبير عندما اشهرت في وجوهم الأسلحة الرشاشة .. بسبب مشادة عادية بين عامل شاب في بقالة وأحد الزبائن الذي اشترى سيجارة واحتج على عدم تسليمها له في صندوق.. وقد ذهبت مع المواطن الى قسم الشرطة في الكلاكلة للتحقق من صحة البلاغ وتأكدت لي القصة التي اختلطت بتفاصيل أخرى درامية ومثيرة لا داعي لذكرها هنا..
والذي جعلني أحس بالقلق من شكوى هذا المواطن واسرته أنني تلقيت عددا من الشكاوى المشابهة .. تختلف قليلا في تفاصيلها لكن العوامل المشتركة فيها جد مخيفة وخطيرة .. وكان اكثرها اثارة وخطورة ما تعرض له مواطن آخر قبل عدة اسابيع في حي الرياض حيث اقتيد عنوة من منزله مع تباشير الفجر الاولى.. وسارت به السيارة التي اختطفته بكل ثقة في شوارع المدينة النائمة الى أن اوصلته مكانا نائيا واستبقى قيد الاحتجاز في المكان المهجور في أطراف العاصمة ولم يطلق سراحه الا عصرا بعد أن دفع مبلغا من المال تنفيذا لحكم لم تحكم به المحاكم .. وقد اتصلت حينها باللواء طارق عثمان واكد لي انهم على علم بمثل هذه الممارسة وأن اجراءات تتخذ لمواجهتها .. لكن يبدو أن المسلسل المخيف لا يزال له توابع..
هذه القصص هي اعواد الثقاب التي حذرت منها كثيرا .. ومازلت أكرر أن النار التي يطفئها كوب ماء اليوم لن تطفئها مياه النيل كلها اذا تركت تترعرع بالتجاهل .. ومعظم النار من مستصغر الشرر..
المواطن الذي ظل يتصل بي بالحاح حتى ذهبت اليه في تلك المنطقة النائية يبدو هلعا وقد فقد الاحساس بالأمن على نفسه واسرته وماله .. ويفكر جادا في بيع منزله والعودة للاغتراب الذي جاء منه نهائيا قبل عام واحد فقط .. ومثل هذه القصص لا تظنوا انها تظل محاصرة في الحي او المنطقة .. الناس تتداولها بسرعة كبيرة وتنتشر كالنار في الهشيم لتصنع في النهاية رأيا عاما واجفا بترقب قابل للاشتعال ..
في تقديري أن السلطات مطالبة بالتصدي لمثل هذه الاحداث .. فالقانون لو صار ألعوبة بين الأيادي فسيسقط مثل كوب الزجاج ويتناثر وتصعب استعادته.. والسودان مقبل في الفترة القادمة على متغيرات كبيرة تستوجب الحيطة اليقظة و تعلية اسوار الاحساس بالأمن لدى الشعب كله ..!!
|
|
Post: #6
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-21-2005, 04:02 AM
Parent: #2
عبد الله ...شكرًا
لمقال الاستاذ عثمان ميرغني
|
Post: #3
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: Mohamed Elbashir
Date: 03-20-2005, 10:14 PM
Parent: #1
أخونا سيجـو
و الله الفوضي بقت سمه في كل شئ في البلد
وبعدين شنو عشم أبليس في الجنه ده
| Quote: امشي نادي ندى القلعة دي وقول ليها في واحد لواء عاوزك |
خايفا تطلع ليك بطاقه مشير أها بتمشي وين ! حديد لاقا حديد ..
تحياتي
محمد علي
|
Post: #9
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-22-2005, 03:08 PM
Parent: #3
محمد البشير
Quote: خايفا تطلع ليك بطاقه مشير أها بتمشي وين ! حديد لاقا حديد ..
|
غايتو ان سوت كدي؟....... ابقى رقيّق
|
Post: #4
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: Tabaldina
Date: 03-20-2005, 11:17 PM
Parent: #1
..
.
| Quote: خايفا تطلع ليك بطاقه مشير أها بتمشي وين ! حديد لاقا حديد .. |
والله يادوك أنا عربي ماعندى شغال في اللوحة الغريبة
دى بس زى ما قال ليك اخونا محمدعلي احسن تشوف ليك شجيرة
لانو الشجر الكبار فيهو الصمغ ودى مناطق محمية منوع الأقتراب أو الهرش واشمعنى ندى القلعه?هاجر مالها?? بطل خفه واهرش ليك ست شاى
مع الود.
|
Post: #5
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: abuguta
Date: 03-21-2005, 00:00 AM
Parent: #4
| Quote: القالو لي......حتى الشهادات الجامعية...... أي شهادة دايرا تدفع..... تجيك وانت راقد عند اهلك...حتى لو كنت ما بتعرف الواو الضكر.......والشهادة مختومة وموقعة توقيع مدير الجامعة...وكمان ممكن يوثقوها لك في وزارة الخارجية...واي بكان داير ختمو يختموها |
سجى السمسارى دا ما يغشك ياخوى 300 الف كتيرة على شهادة الجامعة
150 بس موثقة من سفارة البلد التى تريدها...وويختوها ليك فى ظرف ما خمج
احسن تنفع اخوك ياخوى بدل الغرباء....
سجى..اذكر عندنا اخونا كانت اقامتو فى الهند كاسرة سنتين...بعدها عاوز يسافر نهاى...he need premision to leave اها مشينا للعسكرى الهندى قال الا 1000 روبية...ونحن ما عندنا غير
100 روبية...مشينا لى صاحبنا بتاع اختام قال الختم ب 10 روبيات وهن 5 اختام...اختام
وزارة الداخلية..والكمندان...ومكتب جوازات الاجانب..و2 مش متذكرهم...جينا قعدنا فى الغرفة 3 يوم
نختم ونقلد...قلبتنا الشغلة خالص...نادينا بتاع الجرائد ...حكينا ليه الحكاية...قال ممكن يقلد الامضاء الان بس هو عاوز 10 روبيات عشان تيوب العجلة...قلنا ليه نجيب ليك لستك جديد...
انتهينا من المهمة واخونا سافر....بعد شهرين الجوازات اكتشفت التزوير...بس ما قبضو صاحبنا لانه سافر خروج نهائى ...والاختام دفناها لليوم الاسود...سافرنا وتركناها فى دفنتها...
اها ياخوى شارع الوزير فى الرياض فيه جنس بدل ظباط عينة...تذكرى ببدلة نميرى..بنياشينها
منى ليك هدية...
اما صفعة عبير بلحيل حرقتنى....اخوى الصغير عامل مقددها فى الخرطوم ...فى كل شىء تلقاه موجود
وفى اى مشكلة هو حاضر...عينه حمراء بلعب حديد...ووكيل مغترب...فى واحد بتاع امن قبض ود خالتى بتاع الرقشة قال ليه انا قريب طيب تفتيحة...قال ليه ياخوى سيب لى الظباط ديل بعيد..انا عاوز اكل عيش..متاسف
والحاجة البعرفها عن اخوى دا بطاقة شخصية ما عنده وخريج متوسطة...وما دخل كديد ولا دفاع شعبى...
ولا عنده قريبه ضابط..ولا زول قروش...ياربى يكون عملها ياسجى...
اها لقدام
|
Post: #14
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-23-2005, 06:09 AM
Parent: #5
ابوقوتة
| Quote: ...فى واحد بتاع امن قبض ود خالتى بتاع الرقشة قال ليه انا قريب طيب تفتيحة.. |
تعرف اكيد اكيد.... اخوك دا عندو بطاقة
|
Post: #13
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-22-2005, 10:48 PM
Parent: #4
تبلدينا
Quote: هاجر مالها?? بطل خفه واهرش ليك ست شاى
|
نصيحة...من اخٍ كريم
|
Post: #17
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-23-2005, 05:05 PM
Parent: #13
فاصل اعلاني....ونرجع لكم تاني
خليكم معانا
|
Post: #7
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: Zoal Wahid
Date: 03-22-2005, 04:23 AM
Parent: #1
| Quote: قالو هم من ناس الامن..... ناس الامن عارفين الدروب كلها وعارفين اللعوج والعديل. |
انت يا سجيمان عايز تبقى زي الزول الودا حبوبة ابوه للكوفير مالك؟؟
الشغلانة واضحة ما عايزة ليها ديانا
|
Post: #15
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-23-2005, 09:13 AM
Parent: #7
زول واحد
Quote: انت يا سجيمان عايز تبقى زي الزول الودا حبوبة ابوه للكوفير مالك؟؟
الشغلانة واضحة ما عايزة ليها ديانا
|
غايتو نضمك نا وقع لي....
علا انا لي حسي ماعرفت الناس ديل من الامن ولاّ..لا؟
|
Post: #8
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: شريف درار شريف
Date: 03-22-2005, 06:38 AM
Parent: #1
سي جي الحلو
قالولك العندو بطاقة زي الناوي تشتريها دي بركبلو حافلة ولا دفار؟؟؟ باقي لي ممنوع رسمي عشان البطاقة ما تنسرق منوو...وبعدين لما تشتريها كلمني عشان في زول دايرك تديهو لي كف لمن راسوو يلف عشان تاني ما يكفت بنات الناس.
|
Post: #10
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: Outcast
Date: 03-22-2005, 05:49 PM
Parent: #8
سجيمان .. لا فض فوك!!
و الله الفوضى البقت على البلد ما حصلت؟؟ وبينى وبينك الامن و النظام العام و الكرور كله زى بعض .. وقصة عبير خيرى صدقنى بتحصل فى الفاضية و فى المليانة ..
حكومة هو فى حكومة ؟؟ ده الكلام دة عاجبهم,, آآى و الله .. عاجبهم و سارى بالهم و شوف عينى ليهم يتكشموا بى تحت تحت ... اصلهم ياهم الفاكين الدبايب دى عشان تطاول على اولاد و بنات الناس وهم يقيفوا بعيييد و يقولوا يكسرنا ديل ما نحن و الله.
قبل كدة يطرشنا ما سمعنا بى جنس الكلام الفارغ دة. وقال جوا ينقذوا البلد من الفوضى ... و البلد غير الفوضى و العصابات ما فضل فيها شى....
ايوه يا سجيمان .. ارجع لى نضمك السمح دة فى السياسة .. هو انت قايل السياسة دى شنو غير كلامك دة . اما الاندياح و الانبطاح ده نضم ما عندو طعم ...
ليك القومة
|
Post: #11
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: حبيب نورة
Date: 03-22-2005, 06:10 PM
Parent: #10
لسة!!!!!!
|
Post: #24
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-24-2005, 09:04 AM
Parent: #11
حبيب نورة
ايوا.............
|
Post: #22
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-24-2005, 06:20 AM
Parent: #10
اوتكاست
Quote: و الله الفوضى البقت على البلد ما حصلت؟؟ وبينى وبينك الامن و النظام العام و الكرور كله زى بعض .. وقصة عبير خيرى صدقنى بتحصل فى الفاضية و فى المليانة ..
|
والله تبقى دي مصيبة....ومصيبة كبيرة
|
Post: #16
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-23-2005, 01:02 PM
Parent: #8
شريف درار شريف
| Quote: قالولك العندو بطاقة زي الناوي تشتريها دي بركبلو حافلة ولا دفار؟؟؟ |
يركب لكن ما يكون لابس رسمي...... يا اخوي انت قايل نحن ما بنعرف ولا شنو؟
|
Post: #12
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: ست البنات
Date: 03-22-2005, 08:30 PM
Parent: #1
الأخ عبدالله ،
سلام ،
يعنى الزول الأشترى السيجارة الفرد واحدى دى دايرها فى صندوق ! والتسعة الباقيات يختوهن ويين ? دا تأبط شرا فى زمن الفوضى !!
--
ويا سجيمان أخوى ، سلام ،
ناس محومد يحمد ممكن يسرقولون رغيفايى ، ولا يزورولون شهادى بأيعاز من شواطين الأمن برضو !، بس حدهون هينى !
لكن الحصل لى عبير دا أسلوب كلاب الأمن المريضين !
ست البنات .
|
Post: #26
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-24-2005, 12:23 PM
Parent: #12
ست البنوت لي حدهن
Quote: لكن الحصل لى عبير دا أسلوب كلاب الأمن المريضين !
|
لكن عبير حقو تأكد لنا ديل هم ولا ما هم..... طالما هي نقلت الموضوع للمنبر......وبعدين كدي اقري نضم عثمان ميرغني.......هو في الحالتين دا شي محزن ومؤسف والله
|
Post: #18
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: صديق الموج
Date: 03-23-2005, 05:15 PM
Parent: #1
| Quote: خايفا تطلع ليك بطاقه مشير أها بتمشي وين ! حديد لاقا حديد |
هسع فى زمتكم محمد على وسجيمان ندى بى سماحتها ديك كلها ما مشير والله دى مشيرين ونص
وكم سنتمتر كمان تسلموا،،،،،
|
Post: #27
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-24-2005, 10:02 PM
Parent: #18
الموج
Quote: فى زمتكم محمد على وسجيمان ندى بى سماحتها ديك كلها ما مشير والله دى مشيرين ونص
وكم سنتمتر كمان |
وفي زمتي انا كمان.............قاعد اهظر..... اصلو البلد دي الزول ما يهظر فيها؟
|
Post: #19
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: Fadel Alhillo
Date: 03-23-2005, 06:15 PM
Parent: #1
Quote: سي جي الحلو
قالولك العندو بطاقة زي الناوي تشتريها دي بركبلو حافلة ولا دفار؟؟؟ باقي لي ممنوع رسمي عشان البطاقة ما تنسرق منوو...وبعدين لما تشتريها كلمني عشان في زول دايرك تديهو لي كف لمن راسوو يلف عشان تاني ما يكفت بنات الناس. |
يعني انا من هسع اقشر واقول انا اخو سعادة اللوا سي جي الحلو
|
Post: #20
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: saif massad ali
Date: 03-23-2005, 11:59 PM
Parent: #19
الاخ سجيمان
ما حدث مع عبير خير حدث معي 1990,بعد ان اكملت الكلية التحضرية رجعت الي السودان لمدة شهر , عملت كل شي تمام يوم تاكيد الحجزذهبت الي سودانير ,
في الطريق بعد عمارة الاخوة اذا بعربة تويتا كرسيدا جديدة تقف امامي يخرج منها ثلاثة اشخاص شباب اعمارهم ما بين 23و30 سنة , واحد منهم قال لي سيف الدين قلت نعم , عايزنك معاناالي مكاتب الي مكاتب الامن وطلع بطاقة عقيد وهو صدقني صغير في العم ما اظن حصل الرتبة , ذهبت معهم الي جهة ما في شارع البلدية , المهم سوعال جواب سعال جواب طفي سجائر في اليد كمان قال في النهاية اجي بكرة الساعة الثامنة راجع يازول تمانية دي انا في الجو النضمي ده ما بجي , لو ما جيت بنجيبك من الطائرة ,رجعت يوم الاحد الساعة ثمانية عند العمارة ذاتها اها شنو يا ناس , والله الزول ما جا بتاع التحقيق خلاص امشي ,اها تاخر عشان الحجز اسبوعين تاني , وما اذكرة العربية جديدة المقاعد مربطة بي بلاستيك الشركة
عاشت الفوضي والامن العام
|
Post: #21
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: المسافر
Date: 03-24-2005, 02:23 AM
Parent: #20
| Quote: يعني البلد فوضى..وكل زول يسوي الدايرو....ومافي سوعال ولا مسعولية ولا امشي ولا تعالي..... |
صدق يا سجيم مان
سوعال ومسعولية كبيرة
وأحكي ليك القصة دي
قبل ربع قرن من الزمان..كنت خريج جديد.. وبدون عمل
جلسنا أنا وصديق في بحري عند ست الشاي
قام صديقي قال ليها " صلحي الشاي ده كويس عشان مولانا القاضي ده ما يزعل ويقوم يفتح لينا قضية"
أنا لاحظت عيونات الحاجة بقت تبرق وتعاين لي طرف طرف
ما تنسى العمة محكرة زي ما شايفها في الصورة
قمت صدقت القصة وطبقت فيها النظرية والقصة بتاعة القاضي ( يبدو لي قالها أحد القضاة لأحد المجرمين عندما شاهده بنفسه)
قلت ليها ما تخافي أنا ما بسويلك شي ، لكن لو جابوك لي في أية حاجة ما عايز لي شهود بحكم عليك طوالي"
ما القى ليك الحاجة وإلا انفجرت تدعي
" يحكم عليك ربي وتبقى عيشتك في السوق زينا"
وتقول لاقت دعوتها يا كريم
قضيت الحكم ده جاري جلابي في السوق لعدد من السنين من سوق لي سوق
ودعوة الحاجة دي ما بتفارق بالي
والحكمة مافي ظلم، عسى كان خوفها في ذاته ظلم
والحكمة مافي تسلط ، عسى جلوسنا على بنابرها تسلط
وتعال شوف شن ببقى عليك لو دعى عليك مظلوم
وكنت انت ظالم
وظلمك كبير
تتعدى فيه على أموال الناس
تتعدى فيه على أعراض الناس
تغتصب حقوق الناس
تغتصب الضعفاء وتستعبدهم
مش بس تاكل لقمة
مش بس تسد جوعك وحاجتك
وتعالج مرضك
(( عفيتك لو كان شاي وزيت))
(( عفيتك لو كان في إيجار البيت))
(( أو دواء))
لكن تبني قصورك من حقهم
وتضع جزمتك فوق رقابهم
وتستعبدهم
وتنسى الخالق
الذي فتح الأبواب لإستقبال دعوتهم
وتنسى الجبار الذي لا ينتقم لنفسه
وينتقم لعباده
هذه عبرة لمن يعتبر
|
Post: #31
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-26-2005, 08:59 AM
Parent: #21
المسافر
| Quote: هذه عبرة لمن يعتبر |
المسافر.... نضمك حكم....وكلو عبر... وان شاء الله يقراهو البيعتبر
|
Post: #29
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-25-2005, 02:58 PM
Parent: #20
سيف مساعد
| Quote: عايزنك معاناالي مكاتب الي مكاتب الامن وطلع بطاقة عقيد وهو صدقني صغير في العم ما اظن حصل الرتبة , |
يا سيف...وفعلا الولد دا في الامن؟.......ووالمحل الودوك ليهو حسيت انو احد مكاتب الامن؟..... وبعدين خلوك ليه؟.......واصلا كانو عاوزنك لشنو؟
|
Post: #30
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-25-2005, 10:39 PM
Parent: #20
فاصل..... اعلاني
|
Post: #28
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-25-2005, 11:58 AM
Parent: #19
فاضل الحليو
| Quote: يعني انا من هسع اقشر واقول انا اخو سعادة اللوا سي جي الحلو |
مش تقشر وبس..... وتكفت كمان...والراجل اليسعالك
|
Post: #23
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: المكاشفي الخضر الطاهر
Date: 03-24-2005, 06:59 AM
Parent: #1
الاخ الدكتور عادل
السلام عليك ورحمة الله وبركاته
جيت اسلم عليك واقول ليك كيف حالك ؟
|
Post: #25
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: هاشم نوريت
Date: 03-24-2005, 09:46 AM
Parent: #23
سجيمان
دبايوا
خليك من عبير خيرى اشوفك تطلع من الراجل ازاى.
تقولى منو الراجل اقول ليك ركز.
|
Post: #33
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-26-2005, 10:17 PM
Parent: #25
هاشم نوريت
| Quote: تقولى منو الراجل اقول ليك ركز. |
ركز منووووو؟
|
Post: #32
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-26-2005, 01:57 PM
Parent: #23
المكاشفي
| Quote: جيت اسلم عليك واقول ليك كيف حالك ؟ |
الله يسلمك
حالك زين
|
Post: #34
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-27-2005, 09:00 PM
Parent: #32
*
|
Post: #35
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: A.Razek Althalib
Date: 03-27-2005, 11:21 PM
Parent: #34
د. عادل المكي.
| Quote: ونحن برضو دايرين نعرف..... القصة شنو بالظبطي كدي..... |
قبل ما تكون قصة عدوك سهرو ولا منامو...
ونحن برضو معاك دايرين نعرف.....
القصة شنو بالظبطي كدي.....
ولا شنو يا دكتور...
|
Post: #36
Title: Re: هل صفع رجــال الامــن عبيـر خيــري؟ام.... صفعتها الفوضـــى
Author: سجيمان
Date: 03-29-2005, 01:04 PM
Parent: #35
عبد الرزاق
عبير ليها عشرة يوم ما ظهرت....
ان شاء الله المانع خير
|
|