Post: #1
Title: جمهـــورية ود ابــزهــانة
Author: سجيمان
Date: 03-28-2005, 08:06 PM
Parent: #0
ناس تلفزيون السودان.. نبحو البترول جنس نبيح.. غايتو ان شاء الله خير........ دايرين ينشفوهو ويقصرو عمرو..... القطن ترانا نبحنا فيهو كدي....لمن نشف وعدم اسم القطناية اليختوها فوق الجرح....يعني يستحيل ما تتفرج في التلفزيون ساعة من غير ما يجيبو طاري البترول...غايتو يومن اسود زيو... المرق البترول في السودان......... يا جماعة الخلعة العليكم شنو؟....وخلي بالكم الشي البينبحو فيهو وينجهو كتير..... بيتمحق ...ويكمل .. ونقعد بعدين نتلفت......... كل البرامج تنضم في البترول بي سبب وبدون سبب.. ...وبعدين البترول دا لا فقرن زال..ولا حاجة اتقضت.. الفقر في حالو والسجم في حالو....... خايف يوم في برنامج الاسرة.... يورونا كيف نسوي سلطة البترول.....عدد اتنين طماطماية.. مقدار نص كباية بترول خام... كبايتنين بترول مكرر....نص كيلو زلط من بترول النيل....وتصوطيهن مع بعض لمدة ساعة كاملة تقعدي تصوطي.....وتدخليهن الفرن وبعد نص ساعة تقدميهن علي الغداء لي راجلك ...ابو بترولاتك.....وتجي واحدة بتاعت تجميل وتتحكر في نص الاستوديو....وتقعد تشنّف في الطلح والشاف وليه النسوان يدخنو بالحطب؟ والحطب دا تخلف.....ودخان بتاع ناس ما عايشين في الالفية التالتة..... يدخنن بالبترول.....وحتى دهن الكركار دا يخلوهو ....ويستعملو دهن البترول التارتار...... ولاّ في برنامج ديني... يجيبو واحد مولانا ويقعدو يسعلوهو....ويتصل مواطن مسلم ملتزم وباقي عشرة علي صلاتو......ويسعل مولانا ويقول لو... يا شيخنا لو انا ماشي في الخلا.......وراكب بوكسي وادركني وقت الصلاة وما عندي موية...... اتيمم؟..... هنا مولانا يزعل ويقابل الكميرا... ويقعد يهز في اصبعو..... اسمع يا زول هووووي .... تتيمم شنو؟.... انتو نضم الناس الفقرانين دا اصلكم ما بتخلوهو؟.والله صحي مرمي الله ما بترفع........يا زول نحن بلد ربنا مرق فيها البترول..... تعبي لك قزازة بنزين من تنك البوكسي وتتوضا بيها.....البترول راااااااقد نحمد الله......وغُسل الجنابة دا شفتو....... غُسل الجنابة دا تغتسل بي صفيحتين بترول خام..وان تعذر البترول الخام..... تمشي اقرب طرمبة وتعبي لك جردل بنزين وتجي تغتسل......ربنا قال اما بنعمة ربك فحدس..والحديس هنا.. انك تمشي الجامع وريحة البنزين ضاربا .....وبعدين بترولنا دا كلو بركة.. عليّ وما عليّ....قالو ناس برا الزول يملا تنك العربية بنزين من بنزينا ويحوم بها سنة ... للحول.. حتين تاني يعبيها..... شفت البركة دي؟............ حتى في الكورة... الهلال اتغلب خمسة.... ما يتغلب يعني شنو؟.... ان شاء الله يتغلب عشرة...... نحن بي بترولنا نحمد سيدنا........ ولاّ يجي برنامج الاطفال......ويجي الزول القاعد يسعل الشُفع داك؟..... ويسعل لو شافع مقرم ..وشفت.....ويقولو يا شاطر.... انت لما تكبر بتتمنى تكون شنو..... والشافع يضحك ويمرق سنونو المسوسات....ويقولو انا؟.... انا.. داير ابقى بترول........ تبقى بترول؟.....آآآآي بترول.....وتبقى بترول ليه يا شاطر...... ابقى بترول عشان... عشان.... يصدلوني لي امريكا....... ومن هناك اشتتت يا فلدة........
الختام.. ابوعركي..... وعن حبيبتي...... بقولكم
لقت الحمامات الحزينة
وقامت ادتا بُرتكانا
.. شفتو؟... شفتو جنس البوبار دا.. ياهو البيودينا الطين.... برتكان شنو الفايق للحمام....؟ علي اليمين حبيبتو تلقى برتكانة الزمن داك؟.... تدسها من اخوانا في البيت.. تقعد تقشر فيها وتاكلها وهي متغتية تحت البطانية..... لمن تقعد توزع فيهو.... هاك يا طير وهاك يا غراب.......؟ غايتو نحمدك يا الله... نحن ناس جمهورية ود ابزهانة
|
Post: #2
Title: Re: جمهـــورية ود ابــزهــانة
Author: Mohamed Elbashir
Date: 03-28-2005, 10:36 PM
Parent: #1
أيش فيك يا ريّال النفط نفيطنا و نحنا أسيادو أنشاء الله نعوسو كسره
و أنت نازل البلد جيب لي معاك عقال مقاس 12
ودي محمد علي
|
Post: #7
Title: Re: جمهـــورية ود ابــزهــانة
Author: سجيمان
Date: 03-29-2005, 12:50 PM
Parent: #2
محمد علي آل بشير
Quote: و أنت نازل البلد جيب لي معاك عقال مقاس 12
|
امعانا في البوبار .... ما حنلبس عقال.... حنلبس كفرات....وانت تكون عاوز مقاس 12\16
|
Post: #19
Title: Re: جمهـــورية ود ابــزهــانة
Author: سجيمان
Date: 03-31-2005, 02:53 PM
Parent: #2
والله الصفحة الاولى جنس مدافرة
|
Post: #3
Title: Re: جمهـــورية ود ابــزهــانة
Author: سجيمان
Date: 03-29-2005, 01:01 AM
Parent: #1
محمد البشير
لحظة اشرح للاخوان ود ابزهانة دا منو وبجيك راجع... عشان المسعولية وكدا
ود ابزهانة زول فقران جدا جدا... لكن فنجري فنجرة شديدة.... قيل والله اعلم انو كان عندو سديري....ولا يملك من متاع الدنيا دي غير السديري دا.... كان يستحم ويلبس السديري بس......ويمرق ويمشي القهوة وهو لابس السديري بس.... خلو بالكم من بس دي...يخلف كراع فوق كراع....وقال المرجفون في المدينة انو ما كان بيخلف كراع فوق كراع ساكت.. كان مرات مرات.. يرفع كرعينو ويصنقر فوق..... الكرسي وهو لابس سديري بس....ويسقي في ناس القهوة في الشاي علي حسابو.....وهو برضو مصنقر فوق الكرسي ولابس سديري بس....اها عليكم الله في فنجرة تاني بعد كدي؟
|
Post: #4
Title: Re: جمهـــورية ود ابــزهــانة
Author: ابو جهينة
Date: 03-29-2005, 02:00 AM
Parent: #3
سي جي العزيز
تحية بترولية خام لا شوائب فيها من نوع مزيج النيل
Quote: لي راجلك ...ابو بترولاتك |
|
Post: #5
Title: Re: جمهـــورية ود ابــزهــانة
Author: A.Razek Althalib
Date: 03-29-2005, 02:21 AM
Parent: #4
دكتور عادل المكي.. يا غشيم.. إنت...
Quote: خلو بالكم من بس دي... |
يا راجل يا الكلك نظر...
سلامة نظرنا.. إذا نظرنا.......
ؤبث..... لفته نظر للمساكين...
رحمة...
|
Post: #11
Title: Re: جمهـــورية ود ابــزهــانة
Author: سجيمان
Date: 03-30-2005, 02:05 AM
عبد الرزاق
الغشيم ربا عيالو
|
Post: #10
Title: Re: جمهـــورية ود ابــزهــانة
Author: سجيمان
Date: 03-29-2005, 11:49 PM
Parent: #4
ابو جيهنة الرايق الرائع
Quote: تحية بترولية خام لا شوائب فيها من نوع مزيج النيل |
السودان عجيب
بترول مزيج
وسكان مزيج
ومناخ مزيج
|
Post: #21
Title: Re: جمهـــورية ود ابــزهــانة
Author: سجيمان
Date: 04-01-2005, 03:51 AM
Parent: #10
عشان ود ابزهانة.....
|
Post: #6
Title: Re: جمهـــورية ود ابــزهــانة
Author: عمر الفاروق شيخ الدين
Date: 03-29-2005, 02:28 AM
Parent: #1
سي جي :
Quote: وتقعد تشنّف في الطلح والشاف وليه النسوان يدخنو بالحطب؟ والحطب دا تخلف.....ودخان بتاع ناس ما عايشين في الالفية التالتة..... يدخنن بالبترول.....وحتى دهن الكركار دا يخلوهو ....ويستعملو دهن البترول التارتار......
|
إنت الكلام ده قلت هظار ساي مش ؟؟؟ لكن والله العظيم سمع إضنيني ديل وفي التلفزيون وفي أعياد الثورة (بالشنقيطي) وفي إفتتاح مصفاة الجيلي الريس ود البشي قال لي نسوان الجيلي خلاص قول مع السلامة لي الفحم تاني الطبيخ بي الغاز ..الفحم ده تاني إلا لي ال ...... وقااااااامو كده النسوان زغردن أيييييييييوووووووووييييييييييييوووووووي يوي؟...![](http://www.sudaneseonline.com/db/smilies/biggrin.gif)
ده كللللللو هيييين لكن إتخيل معاي مشيت تخطب ليك بت وقاموا أهلها قالوا ليك إنت عندك شنو ؟؟؟ تقووووووم كده تقول ليهم والله عندي بير بترول ناصية في هجليج وبيرين تاني في العشوائي بتاع مدينة الأزهري ...
|
Post: #12
Title: Re: جمهـــورية ود ابــزهــانة
Author: سجيمان
Date: 03-30-2005, 10:04 AM
Parent: #6
عمر الفاروق
Quote: الفحم ده تاني إلا لي ال ...... |
يقصد الا لي الشية؟
|
Post: #8
Title: Re: جمهـــورية ود ابــزهــانة
Author: هشام مدنى
Date: 03-29-2005, 02:17 PM
Parent: #1
زمان يا د.سجيمان شاهدة فليم هندى فى وطنيه بحرى اسمه (((من اجل ابنائى))) ما عارف ليه اتزكرتوا الان القريب انو اى زول شاف الفليم اكثر من مرة ومع ذلك يبكى فعلا فى حاجات غريبه تستحق تبكى عليها اكتر من مرة. ولا رايك شنو؟؟؟
|
Post: #13
Title: Re: جمهـــورية ود ابــزهــانة
Author: سجيمان
Date: 03-30-2005, 01:27 PM
Parent: #8
هشام مدني
والله ماك طالبني حليفة.... ببكي....وحابكي.....وساظل ابكي لو استمر الحال
|
Post: #18
Title: Re: جمهـــورية ود ابــزهــانة
Author: سجيمان
Date: 03-31-2005, 12:08 PM
Parent: #8
*
|
Post: #24
Title: Re: جمهـــورية ود ابــزهــانة
Author: سجيمان
Date: 04-01-2005, 11:59 AM
Parent: #18
برقية.....
قف.... بكري ابوبكر سيد المنبر
قف.... الخط بقا دُقاقة
قف..... ننتهز هذه السانحة لرفع البوست
|
Post: #9
Title: Re: جمهـــورية ود ابــزهــانة
Author: صديق الموج
Date: 03-29-2005, 02:54 PM
Parent: #1
سجيمان قالوا ناس الجيلى حالفين زول مايشيل ليهو دلو من بير بترولم...وبعدبن سمع اضانى قالوا بترولنا من شدة ما سمح زفت ما فوقو..ابو الزفت ..والكلام ده سمع اضانى من خشم وزير،،
|
Post: #15
Title: Re: جمهـــورية ود ابــزهــانة
Author: سجيمان
Date: 03-30-2005, 09:03 PM
Parent: #9
الموج
Quote: وبعدبن سمع اضانى قالوا بترولنا من شدة ما سمح زفت ما فوقو..ابو الزفت ..والكلام ده سمع اضانى من خشم وزير،، |
اها.... شفت جنس الكضب دا؟
|
Post: #27
Title: Re: جمهـــورية ود ابــزهــانة
Author: سجيمان
Date: 04-03-2005, 10:06 AM
Parent: #9
صديق الموج اما لايمك
وانتهز فرصة اللوم دي وارفع البوست
|
Post: #14
Title: Re: جمهـــورية ود ابــزهــانة
Author: abdelgafar.saeed
Date: 03-30-2005, 02:12 PM
Parent: #1
ازيك ياسجيمان
انت كدى البترول ونبيححو خلو
الغنايين ديل كلهم بجيبوهم فى التلفزيون الا ابوعركى
تفتكر لى
عبدالغفار
|
Post: #16
Title: Re: جمهـــورية ود ابــزهــانة
Author: garjah
Date: 03-31-2005, 00:12 AM
Parent: #14
وبعدين يا سجومي
لما نرجع
يقولو لينا
خلاس
ب بح
كمل
ارجعو بكان ما جيتو
|
Post: #20
Title: Re: جمهـــورية ود ابــزهــانة
Author: سجيمان
Date: 03-31-2005, 10:47 PM
Parent: #16
قرجة quote]لما نرجع
يقولو لينا
خلاس
ب بح
كمل
|
ايوا يا قرجة.... يغرفوهو كلو حسي ويتبوبرو بهو.....ولما نرجع نحن نلقاهو قضى
|